നാരങ്ങ കൈപ്പ് വരാതെ സൂക്ഷിക്കാൻ വെളിച്ചെണ്ണ? ചെയ്യേണ്ടത്

നാരങ്ങ വരണ്ട് പോകാതെയും കൈപ്പ് വരാതെയും ഫ്രഷ്‌നെസ് നഷ്ടപ്പെടാതെ, ആഴ്ചകളോളം ഫ്രിഡ്ജിൽ സൂക്ഷിക്കാൻ സഹായിക്കുന്ന ചില വഴികൾ ഇതാ.

ഒരു ഗ്ലാസ് പാത്രത്തിലോ എയർടൈറ്റ് കണ്ടെയ്നറിലോ നാരങ്ങകൾ ഇട്ട് അതിലേക്ക് വെള്ളമൊഴിച്ച് അടച്ചു ഫ്രിഡ്ജിൽ വെക്കുന്നത് വളരെ നല്ലതാണ്.

ഇങ്ങനെ ചെയ്യുമ്പോൾ നാരങ്ങ പഴകിപോകാതെ സൂക്ഷിക്കാം. ആഴ്ചയിലൊരിക്കൽ വെള്ളം മാറ്റി കൊടുത്താൽ 1-2 മാസം വരെ നാരങ്ങ നല്ല ഫ്രഷായിരിക്കും.

നാരങ്ങയുടെ പുറംതോടിൽ അല്പം വെളിച്ചെണ്ണയോ മറ്റ് സസ്യ എണ്ണയോ പുരട്ടിയ ശേഷം ഫ്രിഡ്ജിൽ വെച്ചാൽ തോട് ഉണങ്ങിപ്പോകുന്നത് തടയാം. ഇത് നീര് വറ്റാതെ നിർത്തും.

നാരങ്ങ ഒരുമിച്ച് പിഴിഞ്ഞ് നീരെടുത്ത് ഐസ് ക്യൂബ് ട്രേകളിൽ ഒഴിച്ച് ഫ്രീസ് ചെയ്യുക. ഇതിലേക്ക് ഒരു നുള്ളു ഉപ്പ് ചേർത്താൽ കൈപ്പ് വരുന്നത് പൂർണ്ണമായി തടയാം.