മഴയല്ലേ മുടികൊഴിയുമെന്ന് കരുതണ്ട! കാരണമറിഞ്ഞ് പരിഹരിക്കാം.

മഴക്കാലമായാൽ മുടി കൊഴിച്ചിൽ സാധാരണമാണ്. എന്നാൽ ഒരുപരിധിക്കപ്പുറം കൊഴിഞ്ഞാൽ അതിന് കാരണമറിഞ്ഞ് ചികിത്സിക്കുക തന്നെ വേണം.

 മഴക്കാലത്ത് മുടി കൊഴിച്ചിൽ തടയാൻ സഹായിക്കുന്ന ചില ലളിതമായ ദൈനംദിന പൊടികൈകൾ എന്തെല്ലാമാണെന്ന് നമുക്ക് നോക്കാം.

വരണ്ട തലയോട്ടിക്കും നനഞ്ഞതും ചുരുണ്ടതുമായ മുടിക്കും വെളിച്ചെണ്ണ ചൂടാക്കി ഉലുവ ചേർത്ത് അല്പം സമയം കഴിഞ്ഞ് മസാജ് ചെയ്യുന്നത് നല്ലതാണ്.

മുടി നനഞ്ഞിരിക്കുമ്പോൾ കെട്ടരുത്. അങ്ങനെ ചെയ്യുന്നത് രോമകൂപങ്ങളെ ദുർബലമാക്കുകയും പൊട്ടിപ്പോകുകയും ചെയ്യും, ഇത് കൂടുതൽ കൊഴിയാൻ കാരണമാകും.

നിങ്ങളുടെ മുടിയിൽ സെറങ്ങൾ ഉപയോഗിക്കുക. അവ നിങ്ങളുടെ മുടിയെ ചൂടിൽ നിന്ന് സംരക്ഷിക്കുകയും തിളക്കം വർദ്ധിപ്പിക്കുകയും ചെയ്യും.