മാനസികാരോഗ്യം പ്രധാനം, ശ്രദ്ധിക്കേണ്ടത് ഇക്കാര്യങ്ങൾ 

ഒരു വ്യക്തി മാനസികമായും ശാരീരികമായും ആരോഗ്യവാനാണെങ്കിൽ മാത്രമേ അയാളെ പൂർണ ആരോ​ഗ്യവാനായി കണക്കാക്കാൻ സാധിക്കുകയുള്ളൂ.

മാനസികാരോ​ഗ്യത്തിന് ഏറെ പ്രാധാന്യമാണ്. അതിന് വേണ്ടി നാം നമ്മുടെ ദൈന്യം​ദിന ജീവിതത്തിൽ പാലിക്കേണ്ട ചില ശീലങ്ങളുണ്ട്. അവ ഏതെല്ലാമെന്ന് നോക്കാം.

ശരിയായ ഉറക്കമാണ് ആദ്യത്തേത്. അഞ്ചു മണിക്കൂറില്‍ താഴെ ഉറങ്ങുന്നവരുടെ മാനസികാരോഗ്യം മോശമാകാന്‍ സാധ്യതയുള്ളതായി വി​ദ​ഗ്ധർ ചൂണ്ടിക്കാട്ടുന്നു.

ചൂടുവെള്ളത്തില്‍ കുളിക്കുന്നതും പുസ്തകം വായിക്കുന്നതും മെച്ചമായ ഉറക്കം നൽകും. എന്നാൽ രാത്രിയിൽ അമിതമായി ടി.വി, കമ്പ്യൂട്ടര്‍, ഫോണ്‍ എന്നിവ ഉപയോ​ഗിക്കരുത്.

ആരോഗ്യകരമായ ഭക്ഷണശീലം പിന്തുടരാം. നാരുകൾ, പ്രോട്ടീനുകൾ, ആരോഗ്യകരമായ കൊഴുപ്പ്, അന്നജം, ജീവകങ്ങൾ, ധാതുക്കൾ അടങ്ങിയ ഭക്ഷണം ശീലമാക്കാം.

പാലുല്‍പ്പന്നങ്ങള്‍ ഉപയോ​ഗിക്കാം. തലച്ചോറിലെ സെറോടോണിന്‍ ഹോര്‍മോണിന്റെ അളവ് കൂട്ടാന്‍ കഴിയുന്ന ടൈറോസിന്‍ പാല്‍ വിഭവങ്ങളില്‍ ധാരളമായി അടങ്ങിയിട്ടുണ്ട്.