മണിപ്ലാന്റ് ഇലകൾ മഞ്ഞ നിറമായോ? കാരണം ഇതായിരിക്കും

ഇന്ന് പലരും വീടിനുള്ളിൽ ഇൻഡോർ പ്ലാന്റുകൾ വയ്ക്കാറുണ്ട്. ഇവവീടുകൾക്ക് ഭംഗി കൂട്ടാനും പോസിറ്റീവ് ഊർജ്ജം നിലനിർത്തുകയും ചെയ്യും.

ഇവയ്ക്ക് അധികം പരിചരണം ആവശ്യമില്ലെങ്കിലും, കൃത്യമായ ചില കാര്യങ്ങൾ ശ്രദ്ധിച്ചില്ലെങ്കിൽ ഇലകൾ മഞ്ഞനിറമാകാനും വാടിപ്പോകാനും സാധ്യതയുണ്ട്.

മണി പ്ലാന്റുകൾ നശിച്ചുപോകാനുള്ള പ്രധാന കാരണം അമിതമായി വെള്ളം നൽകുന്നതാണ്. ആഴ്ചയിൽ രണ്ടോ മൂന്നോ തവണ വെള്ളം നനയ്ക്കുന്നതാണ് അനുയോജ്യം.

മണി പ്ലാന്റ് നടാൻ ഉപയോഗിക്കുന്ന ചട്ടിയിൽ വെള്ളം വാർന്നുപോകാനുള്ള സുഷിരങ്ങൾ ഉണ്ടായിരിക്കണം. വെള്ളം കെട്ടിക്കിടന്നാൽ ചെടി പെട്ടെന്ന് ചീഞ്ഞുപോകും.