ചായ രാവിലെയോ വൈകീട്ടോ കുടിക്കുന്നതാണ് ബെസ്റ്റ്

രാവിലത്തെ ചായ ശരീരത്തിന് പെട്ടെന്ന് ഉണർവും ഊർജ്ജവും നൽകുന്നു. ഇതിലെ കഫീൻ തലച്ചോറിനെ ഉണർത്തുകയും ശ്രദ്ധയും ഏകാഗ്രതയും വർധിപ്പിക്കുകയും ചെയ്യും.

രാവിലത്തെ ചായ ഉന്മേഷം തരുമെങ്കിലും, വെറുംവയറ്റിൽ കുടിക്കുന്നത് അസിഡിറ്റി, വയറുവേദന, ഗ്യാസ്ട്രിക് അസ്വസ്ഥതകൾ എന്നിവയ്ക്ക് കാരണമായേക്കാം.

വൈകിട്ട് ഏറെ വൈകി ചായ കുടിക്കുന്നത് രാത്രിയിലെ ഉറക്കത്തെ ദോഷകരമായി ബാധിക്കാം. ചായയിലെ കഫീൻ ശരീരത്തെ കൂടുതൽ ആക്ടീവാക്കി നിർത്തുന്നതാണ് ഇതിന് കാരണം.

ഉറക്കമില്ലായ്മ നേരിടുന്നവർ, ഉത്കണ്ഠ ഉള്ളവർ, ഉയർന്ന രക്തസമ്മർദമുള്ളവർ എന്നിവർ വൈകുന്നേരങ്ങളിൽ കഫീൻ അടങ്ങിയ ചായ കുടിക്കുന്നത് പരമാവധി ഒഴിവാക്കുക.