09 August 2026
AMAL KV
Photo Credit: Mahindra FB Page
പുതുക്കിയ ഇന്റീരിയർ, ചെറിയ ഡിസൈൻ മാറ്റങ്ങൾ എന്നിവയാണ് പുതിയ വാഹനത്തിൽ വന്നിരിക്കുന്നത്. ആ മാറ്റങ്ങൾ എന്തൊക്കെ എന്ന് അറിയാം.
പുതിയ സ്കോർപിയോയിൽ പ്രധാനമായ മാറ്റങ്ങൾ വന്നിരിക്കുന്നത് ഉൾഭാഗത്താണ്. ഇതിൽ ഏറ്റവും പ്രധാനപ്പെട്ടത് ഇൻഫോടെയ്ൻമെന്റ് ഡിസ്പ്ലേയാണ്.
ഡാഷ്ബോർഡുമായി ഇന്റഗ്രേറ്റ് ചെയ്തിരുന്ന പഴയ യൂണിറ്റിന് പകരം ഇപ്പോൾ ഫ്രീ-സ്റ്റാൻഡിംഗ് സ്ക്രീനാണ് നൽകിയിരിക്കുന്നത്. സ്ക്രീനിന്റെ വലുപ്പം വരുന്നത് 12.3 ഇഞ്ച്.
പനോരമിക് സ്കൈറൂഫ് ക്രമീകരിച്ചിട്ടുണ്ട്. ഇത് ക്യാബിനുള്ളിൽ വേറിട്ട അനുഭവം സമ്മാനിക്കുന്നു.
ഡ്യുവൽ-ടോൺ 18-ഇഞ്ച് അലോയ് വീലുകൾക്ക് പുതിയൊരു ഡിസൈൻ നൽകിയിട്ടുണ്ട് എന്നതൊഴിച്ചാൽ, പുറം ഭാഗത്ത് കാര്യമായ മാറ്റങ്ങൾ ഇല്ല.
ബമ്പറുകൾ, ഗ്രിൽ, സ്കിഡ് പ്ലേറ്റുകൾ, എൽഇഡി ലൈറ്റ്, ഡോറുകളുടെ താഴെയുള്ള ഭാഗങ്ങളിലെ ക്ലാഡിംഗ്, റൂഫ് റെയിലുകൾ എന്നിവയെല്ലം പഴയതുപോലെ തന്നെ.
പഴയ മോഡലിലെ പവർട്രെയിൻ ഓപ്ഷനുകൾ തന്നെയാണ് ഫേസ് ലിഫ്റ്റിലും ഉൾപ്പെടുത്തിയിരിക്കുന്നത്. ടർബോ-പെട്രോൾ, ടർബോ-ഡീസൽ എഞ്ചിനുകളും ഗിയർബോക്സും നിലനിർത്തി.
13.69 ലക്ഷം മുതൽ 25.49 ലക്ഷം വരെയാണ് പുതിയ സ്കോർപിയോ എൻ മോഡലിന്റെ എക്സ് ഷോറും വില വരുന്നത്.