13 June 2026
Aswathy Balachandran
Image Courtesy: Getty Images
ഒലീവ് ഓയിലിൽ അടങ്ങിയിരിക്കുന്ന മോണോ അൺസാച്ചുറേറ്റഡ് ഫാറ്റി ആസിഡുകൾ ഹൃദ്രോഗ സാധ്യത കുറയ്ക്കുന്നു.
ഇതിലെ പോളിഫിനോളുകളും മറ്റ് ആന്റിഓക്സിഡന്റുകളും ശരീരത്തിലെ വിട്ടുമാറാത്ത വീക്കത്തിന് കാരണമാകുന്ന CRP, IL-6 തുടങ്ങിയ ഇൻഫ്ലമേഷൻ മാർക്കറുകളെ കുറയ്ക്കാൻ സഹായിക്കുന്നു.
ഒലീവ് ഓയിൽ അടങ്ങിയ ഭക്ഷണരീതി രക്തത്തിലെ പഞ്ചസാരയുടെ അളവ് കൃത്യമായി നിലനിർത്താനും ശരീരത്തിന്റെ ഇൻസുലിൻ സെൻസിറ്റിവിറ്റി വർധിപ്പിക്കാനും സഹായിക്കും.
വർജിൻ അല്ലെങ്കിൽ എക്സ്ട്രാ വർജിൻ ഒലീവ് ഓയിൽ പതിവായി ഉപയോഗിക്കുന്നത് ഓർമശക്തിയും ശ്രദ്ധയും വർധിപ്പിക്കാൻ നല്ലതാണ്. ഇത് പ്രായാധിക്യം മൂലമുണ്ടാകുന്ന ഓർമക്കുറവ് തടയാനും സഹായിക്കും.
ഒലീവ് ഓയിലിലെ ശക്തമായ ആന്റിഓക്സിഡന്റുകൾ ശരീരത്തിലെ കോശനാശം തടയുന്നു. ഇത് ചില പ്രത്യേക തരം കാൻസറുകൾ വരാനുള്ള സാധ്യത കുറയ്ക്കുന്നതായി പഠനങ്ങൾ സൂചിപ്പിക്കുന്നു.
എക്സ്ട്രാ വർജിൻ ഒലീവ് ഓയിൽ സാലഡുകൾ, ലഘുവായ പാചകം എന്നിവയ്ക്കാണ് കൂടുതൽ അനുയോജ്യം. ഉയർന്ന ചൂടിൽ ദീർഘനേരം വറുക്കാനും പൊരിക്കാനും ഇത് ഉപയോഗിക്കാതിരിക്കുന്നതാണ് നല്ലത്.
ഒലീവ് ഓയിൽ ആരോഗ്യകരമാണെങ്കിലും ഒരു ഗ്രാം കൊഴുപ്പിൽ ഒൻപത് കലോറി അടങ്ങിയിട്ടുണ്ട്. അതിനാൽ അമിതമായി ഉപയോഗിച്ചാൽ ശരീരത്തിൽ കലോറി കൂടുകയും വണ്ണം വെക്കുകയും ചെയ്യും.
കൂടുതൽ പ്രോസസ് ചെയ്ത റിഫൈൻഡ് ഓയിലിനേക്കാൾ ആരോഗ്യത്തിന് നല്ലത് കെമിക്കലുകൾ ചേർക്കാത്ത വർജിൻ അല്ലെങ്കിൽ എക്സ്ട്രാ വർജിൻ ഒലീവ് ഓയിലുകളാണ്.