പ്രാചീന ക്ഷേത്രങ്ങൾ കാണണോ.. ബേഗൂരിലേക്ക് പോകാം

ബാംഗ്ലൂർ - ഹോസൂർ ഹൈവേയിൽ സ്ഥിതി ചെയ്യുന്ന ചെറിയ ഒരു ന​ഗരമാണ് ബേഗൂർ. ഇവിടെയാണ് പുരാതനമായ നാഗേശ്വര ക്ഷേത്രം സ്ഥിതി ചെയ്യുന്നത്.

വെസ്റ്റേൺ ഗംഗ ഭരണകാലത്തെ ‌പ്രമുഖ നഗരമായിരുന്നു ബേഗൂർ. ചോള ഭരണ കാലത്തും ഈ സ്ഥലത്തിന് ഏറെ പ്രാമുഖ്യം നൽകിയിരുന്നു.

ബേഗൂർ തടാകവും ബേഗൂർ കോട്ടയുമാണ് ഇവിടുത്തെ പ്രധാന ആകർഷണം.  പിന്നുള്ളത് പുരാതനമായ നാഗേശ്വര ക്ഷേത്രമാണ്.

നാഗനാദേശ്വര ക്ഷേത്രം എന്ന പേരിലും ഇവിടെ അറിയപ്പെടുന്നുണ്ട്. വെസ്റ്റേൺ ഗംഗാ സാമ്രജ്യത്തിന്റെ കാലത്താണ് ഈ ക്ഷേത്രം നിർമ്മിച്ചതെന്നാണ് പറയപ്പെടുന്നത്.

അവിടുത്തെ പഞ്ചലിംഗ പ്രതിഷ്ഠയാണ് നാഗേശ്വര ക്ഷേത്രത്തിന്റെ ഏറ്റവും വലിയ പ്രത്യേകത. ശിവരാത്രിയാണ് ഈക്ഷേത്രത്തിലെ പ്രധാന ഉത്സവം.