02 July 2026
SHIJI MK
Image Credit: Getty Images
മഴക്കാലത്ത് യാത്രകള് പോകാന് പ്രത്യേക രസമാണല്ലേ? മഴ നനഞ്ഞ് മൂടല് മഞ്ഞ് ആസ്വദിച്ച്, കാടും മേടുമെല്ലാം കടന്നൊരു യാത്ര പോയാലോ? മലക്കപ്പാറയിലേക്ക് പോകാം.
സമുദ്രനിരപ്പില് നിന്ന് ഏകദേശം 900 മീറ്റര് ഉയരത്തിലുള്ള പ്രദേശമാണ് മലക്കപ്പാറ. തൃശൂര് ജില്ലയിലെ അതിമനോഹരമായ പ്രദേശങ്ങളില് ഒന്നുകൂടിയാണിത്.
തൃശൂര് ടൗണില് നിന്നും ഏകദേശം 110 കിലോമീറ്റര് ദൂരമുണ്ട്, മലക്കപ്പാറയിലേക്ക്. അങ്കമാലി, പാറക്കടവ്, കൊടകര, മാള എന്നീ സ്ഥലങ്ങളുമായി മലക്കപ്പാറ അതിര്ത്തി പങ്കിടുന്നു.
ബസ്സിനാണ് നിങ്ങള് മലക്കപ്പാറയിലേക്ക് യാത്ര തിരിക്കുന്നതെങ്കില് മലക്കപ്പാറയില് നിന്ന് പുറപ്പെടാം. രാവിലെയും വൈകിട്ടുമായി ഒരുപാട് ബസ്സുകള് ചാലക്കുടിയില് നിന്ന് മലക്കപ്പാറയിലേക്കുണ്ട്.
രാവിലെ പുറപ്പെടാനാണ് നിങ്ങളുടെ പ്ലാനെങ്കില് ചാലക്കുടിയില് നിന്നും രാവിലെ 7.50 നുള്ള ബസ്സില് കയറാം. ഉച്ചയ്ക്ക് 12 മണിയോടെയാണ് ബസ് മലക്കപ്പാറ എത്തുക.
ഉച്ചയ്ക്ക് യാത്ര പോകുന്നവര്ക്ക് 12.20ന് പുറപ്പെടുന്ന ബസ്സില് കയറാം, ഈ ബസ് ഏകദേശം 4.15 ഓടെയാണ് മലക്കപ്പാറ എത്തിച്ചേരുന്നത്.
നിങ്ങള് പോകുന്നത് രാവിലെയാണെങ്കില് ചാലക്കുടിയില് പുറപ്പെട്ട അതേ ബസ്സിന് തന്നെ ഉച്ചയ്ക്ക് 12.45ന് തന്നെ മടങ്ങിവരാം, അവിടെ അധിക സമയം നില്ക്കാനാകില്ലെന്ന് മാത്രം.
എന്നാല് അവിടുത്തെ കാഴ്ചകളെല്ലാം കണ്ട് പതുക്കെ മടങ്ങി വരാനാണെങ്കില് വൈകുന്നേരം 5.10 മണിക്കുള്ള ബസ്സിന് തിരികെ വരാം, ഇതാകുമ്പോള് ഒരുപാട് സമയം ലഭിക്കുകയും ചെയ്യും.