ഐസ് ക്യൂബ്  മതി, മുട്ട പുഴുങ്ങുമ്പോൾ ഇനി തോട് പൊട്ടില്ല

ഇനി വിഷമിക്കേണ്ട, മുട്ട പുഴുങ്ങാൻ വയ്ക്കുന്നതിന് മുമ്പായി ആദ്യം കുറച്ച് ഐസിട്ട് ഒരു പാത്രത്തിലേക്ക് മുട്ടകൾ ഇറക്കി വയ്ക്കുക. ഇത് പൊട്ടാനുള്ള സാധ്യത കുറയ്ക്കും.

പാചകത്തിന് ശേഷം എളുപ്പത്തിൽ തോട് ഉരിഞ്ഞു വരാനും പൊട്ടാതിരിക്കാനും ഉടൻ തന്നെ മുട്ടയെ തണുത്ത വെള്ളത്തിലേക്ക് 5 മിനിറ്റ് മാറ്റി വയ്ക്കുക.

ചൂടുള്ള മുട്ട പെട്ടെന്ന് തണുത്ത വെള്ളത്തിലേക്ക് മാറുമ്പോൾ, ഉള്ളിലെ ഭാഗം ചുരുങ്ങുകയും തോടും മുട്ടയും തമ്മിൽ എളുപ്പത്തിൽ വേർപെടുകയും ചെയ്യും.

ആദ്യം തന്നെ വെള്ളം തിളപ്പിക്കരുത്. എല്ലായ്പ്പോഴും ആദ്യം മുട്ടകൾ തണുത്ത വെള്ളത്തിൽ വയ്ക്കുക, തുടർന്ന് സാവധാനം അത് ചൂടാക്കുന്നതാണ് നല്ലത്.

9–12 മിനിറ്റ് ഇടത്തരം തീയിൽ മാത്രമെ മുട്ട വേവിക്കാവൂ. കൂടുതൽ തിളച്ചാൽ മുട്ടകൾ പരസ്പരം ഇടിക്കുകയും അത് പെട്ടെന്ന് തന്നെ പൊട്ടുകയും ചെയ്യും.