സ്വർണം വിൽക്കാൻ ശരിയായ സമയം ഇത് 

സ്വർണവില സാധാരണക്കാരെ ആശങ്കയിലാഴ്ത്തി ഉയരുകയാണ്. ഒരു പവൻ വാങ്ങുമ്പോൾ പണിക്കൂലിയും ജിഎസ്ടിയും ഉൾപ്പെടെ ഒരു ലക്ഷത്തിലധികം രൂപ നൽകണം.

സ്വർണം റെക്കോർഡുകൾ ഭേദിച്ച് കുതിക്കുമ്പോൾ പഴയ സ്വർണം വിൽക്കുന്നവരുടെ എണ്ണം കൂടുകയാണ്. പവന് 15000 രൂപയ്ക്ക് വരെ വാങ്ങിയവരാണ് ഇപ്പോൾ ലാഭം നേടുന്നത്.

കാര്യമായ വിലകുറയ്ക്കാതെ തന്നെ വാങ്ങാനും ആളുണ്ട്.  916 സ്വർണത്തിന് മുൻപ് അഞ്ചു ശതമാനം വരെ കമ്മിഷൻ ഇനത്തിൽ കുറച്ചിരുന്നെങ്കിൽ നിലവിൽ ഒരു ശതമാനം മാത്രമാണ്.

അതിവേഗം വില കുറയുമോയെന്ന ആശങ്ക, ഭൂമിക്കും വീടിനും വിലകുറഞ്ഞതോടെ സ്വർണം വിറ്റ് വാങ്ങുന്നത്,  വിലകുറഞ്ഞപ്പോൾ വാങ്ങിയത് കൂടുതൽ വിലയ്ക്ക് വിൽക്കുന്നവർ ഇതെല്ലാം ഇതിന് കാരണങ്ങളാണ്.

അതിനോടൊപ്പം സ്വർണം പണയം വയ്ക്കാനെത്തുന്നവരും കൂടിയെന്ന് സ്വകാര്യ, സഹകരണ പണമിടപാട് സ്ഥാപന ജീവനക്കാർ പറയുന്നു.