ഫോട്ടോ കണ്ട് സഞ്ജു വീണു, ചാരു യെസും പറഞ്ഞു, പ്രണയകഥയിതാ

സഞ്ജു സാംസണും ഭാര്യ ചാരുലതയും ക്രിക്കറ്റ് പ്രേമികള്‍ക്ക് ഇഷ്ടപ്പെട്ട ദമ്പതികളാണ്. ഇരുവരുടെയും ഫോട്ടോകളും മറ്റും എപ്പോഴും സമൂഹമാധ്യമങ്ങളില്‍ വൈറലാകാറുമുണ്ട്.

കോളേജ് കാലഘട്ടത്തിലാണ് ചാരുലതയും സഞ്ജുവും പ്രണയത്തിലാകുന്നത്. ആദ്യം സൗഹൃദമായിരുന്നു പിന്നീട് അത് പ്രണയത്തിലേക്കും വിവാഹത്തിലേക്കുമെത്തി.

ചാരുലതയോടൊപ്പമുള്ള ഒരു ഫോട്ടോ സുഹൃത്ത് സ്റ്റാറ്റസ് വെച്ചതില്‍ നിന്നാണ് ഇരുവരുടെയും പ്രണയം ആരംഭിക്കുന്നത്. പിന്നാലെ സഞ്ജു ഫോട്ടോയില്‍ ഉള്ള പെണ്‍കുട്ടിയെ തേടിയിറങ്ങി.