ട്രെയിന്‍ മിസ്സായാൽ ആ ടിക്കറ്റ് വെച്ച് മറ്റൊരു ട്രെയിനിൽ കയറാമോ

ട്രെയിൻ മിസ്സ് ആയാൽ അതേ ടിക്കറ്റ് ഉപയോഗിച്ച് യാത്ര ചെയ്യുന്നതിനെക്കുറിച്ച് പലർക്കും സംശയങ്ങൾ ഉണ്ട്. അതിനു പിന്നിലെ നിയമവശങ്ങൾ നോക്കാം

നിങ്ങളുടെ പക്കൽ അൺറിസർവ്ഡ് (ജനറൽ) ടിക്കറ്റാണുള്ളതെങ്കിൽ, ആ ട്രെയിൻ മിസ്സ് ആയാൽ അതേ റൂട്ടിലോടുന്ന അടുത്ത ജനറൽ വണ്ടിയിൽ ആ ടിക്കറ്റ് ഉപയോഗിച്ച് യാത്ര ചെയ്യാം.

ജനറൽ ടിക്കറ്റെടുത്ത് മെയിൽ, എക്സ്പ്രസ്, സൂപ്പർഫാസ്റ്റ് വണ്ടികളിൽ കയറിയാൽ ടിടിഇ (TTE) പിഴ ഈടാക്കും. ഓരോ വിഭാഗത്തിനും അനുയോജ്യമായ ടിക്കറ്റ് വേണം കരുതാൻ.

വന്ദേ ഭാരത്, രാജധാനി, ശതാബ്ദി തുടങ്ങിയ ട്രെയിനുകളിൽ ജനറൽ ടിക്കറ്റ് ഒരു കാരണവശാലും അനുവദിക്കില്ല. ഇത്തരം വണ്ടികളിൽ കയറിയാൽ വലിയ തുക പിഴ നൽകേണ്ടി വരും.

നിങ്ങൾ കയറേണ്ട ട്രെയിൻ മൂന്ന് മണിക്കൂറിൽ കൂടുതൽ വൈകുകയും യാത്ര റദ്ദാക്കാൻ തീരുമാനിക്കുകയും ചെയ്താൽ ടിക്കറ്റ് തുക പൂർണമായും റീഫണ്ട് ലഭിക്കുന്നതാണ്.