ബദാം അധികമായി കഴിച്ചാൽ  എന്ത്  സംഭവിക്കും?

ബദാം ആരോഗ്യത്തിന് ഏറെ നല്ലതാണെങ്കിലും ദിവസവും അമിതമായി കഴിക്കുന്നത് പലതരത്തിലുള്ള ആരോഗ്യ പ്രശ്നങ്ങൾക്ക് കാരണമായേക്കാം.

ഒരു ദിവസം ഒരു വ്യക്തി ആറ് മുതൽ എട്ട് വരെ ബദാം കഴിക്കുന്നതാണ് നല്ലത്. അതിൽ കൂടുതൽ കഴിച്ചാൽ ​ഗുണത്തേക്കാൾ ഏറെ ദോഷമാകും ഉണ്ടാകുന്നത്.

ബദാമിൽ നല്ല കൊഴുപ്പും കലോറിയും ഉണ്ട്. 100 ഗ്രാം ബദാമിൽ ഏകദേശം 570-ലധികം കലോറിയാണുള്ളത്. അതുകൊണ്ട്  ഡയറ്റ് നോക്കുന്നവർ അളവ് ശ്രദ്ധിക്കണം.

ബദാം ഒരുമിച്ച് കഴിക്കുമ്പോൾ വിറ്റാമിൻ ഇ അമിതമാവുകയും തലകറക്കം, കടുത്ത തലവേദന, കാഴ്ച മങ്ങൽ, ക്ഷീണം എന്നിവയിലേക്ക് നയിക്കുന്നു.

ബദാം എപ്പോഴും രാത്രി വെള്ളത്തിൽ കുതിർത്തുവെച്ച് പിറ്റേന്ന് രാവിലെ തൊലി കളഞ്ഞ് കഴിക്കുക. ബദാമിന്റെ തൊലിയിലുള്ള ടാനിൻ പോഷകങ്ങൾ ആഗിരണം ചെയ്യുന്നത് തടയും.