പാത്രങ്ങൾ തുരുമ്പ് പിടിക്കാതിരിക്കാൻ ചെയ്യേണ്ട കാര്യങ്ങൾ

അടുക്കളപ്പാത്രങ്ങൾ തുരുമ്പ് പിടിക്കാതെ എപ്പോഴും പുത്തൻപോലെ സൂക്ഷിക്കാൻ ചില ചെറിയ കാര്യങ്ങൾ ശ്രദ്ധിച്ചാൽ മതിയാകും. അവ എന്തെന്ന് നോക്കാം.

ഇരുമ്പ്, കാസ്റ്റ് അയൺ പാത്രങ്ങൾ കഴുകിയ ഉടൻ തന്നെ വെള്ളം പൂർണ്ണമായും തുടച്ചുമാറ്റുക. നനവോടെ വെക്കുന്നത് തുരുമ്പ് പിടിക്കാൻ പ്രധാന കാരണമാണ്.

പാത്രം നന്നായി തുടച്ച ശേഷം അല്പം വെളിച്ചെണ്ണയോ മറ്റോ പുരട്ടി വെക്കുക. ഇത് വായുവും ഇരുമ്പും തമ്മിലുള്ള സമ്പർക്കം തടഞ്ഞ് തുരുമ്പ് ഇല്ലാതാക്കുന്നു.

കാസ്റ്റ് അയൺ പാത്രങ്ങൾ കഴുകാൻ കടുത്ത വീര്യമുള്ള ലിക്വിഡുകളോ സോപ്പുകളോ ഉപയോഗിക്കരുത്. ഇത് പാത്രത്തിൻ്റെ സ്വാഭാവിക കോട്ടിംഗ് നഷ്ടപ്പെടുത്തും.

ചെറുതായി തുരുമ്പ് കണ്ട് തുടങ്ങിയാൽ അല്പം ബേക്കിംഗ് സോഡയോ നാരങ്ങാനീരോ ഒഴിച്ച് മൃദുവായി സ്ക്രബ് ചെയ്ത് കളയുക. ഇടയ്ക്കിടെ പരിശോധിക്കുക.