നഖം കടിക്കുന്ന ശീലമുണ്ടോ? മാറ്റാൻ വഴിയുണ്ട് 

പലർക്കും കുട്ടിക്കാലം മുതലേ ഉള്ള ശീലമായിരിക്കും കൈവിരലുകളിലെ നഖം കടിക്കൽ. മുതിർന്ന് കഴിഞ്ഞാലും ഉപേക്ഷിക്കാൻ പലർക്കും സാധിക്കാറില്ല.

ഈ ശീലം ഒഴിവാക്കാനുള്ള ആദ്യപടി നിങ്ങൾ ഏതെല്ലാം സാഹചര്യങ്ങളിലാണ് നഖം കടിക്കുന്നതെന്ന് മനസിലാക്കുക എന്നതാണ്.

ഇക്കാര്യം മനസിലാക്കിയാൽ നഖം കടിക്കുന്ന സാഹചര്യം ഒഴിവാക്കാനും അതിലൂടെ ആരോ​ഗ്യം കാക്കാനും കഴിയുന്നതാണ്.

സമ്മർദ്ദവും ഉത്കണ്ഠയും കാരണമാണ് പലരും നഖം കടിക്കുന്നത്. ഇവ നിയന്ത്രിക്കാൻ ബദൽ മാർ​ഗങ്ങൾ കണ്ടെത്തുന്നത് നല്ലതാണ്.

ധ്യാനം, യോ​ഗ, ശാരീര വ്യായാമം എന്നിവയെല്ലാം ചെയ്യുന്നത് സമ്മർദ്ദവും ഉത്കണ്ഠയും കുറയ്ക്കാൻ നിങ്ങളെ സഹായിക്കും.

പതിവായി നഖങ്ങൾ വെട്ടുന്നതാണ് മറ്റൊരു വഴി. പതിവായി നഖങ്ങൾ വെട്ടുന്നത് നഖം കടിക്കാനുള്ള പ്രേരണ കുറയ്ക്കും.