ചെടികളിലെ മുഞ്ഞ, വെള്ളീച്ച കീടങ്ങളെ എങ്ങനെ ഒഴിവാക്കാം

ചെടിയായാലും കൃഷിയായാലും അതിൽ കീടങ്ങൾ പടർന്ന് പിടിക്കുന്നത് പലരുടെയും പരാതിയാണ്. മുഞ്ഞ, വെള്ളീച്ച, ഉറുമ്പ് തുടങ്ങിയവയാണ് പ്രധാന ഭീഷണി.

പപ്പായ ഇല, കറ്റാർവാഴ, വെളുത്തുള്ളി, വേപ്പെണ്ണ, ലിക്വിഡ് സോപ്പ് എന്നിവയാണ് ഈ ഹെർബൽ സ്പ്രേ തയ്യാറാക്കാൻ ആവശ്യമായ പ്രധാന ചേരുവകൾ.

ആദ്യം തന്നെ പപ്പായ ഇല, കറ്റാർവാഴ, വെളുത്തുള്ളി എന്നിവ ഒരു ജാറിലിട്ട് നന്നായി അരച്ചെടുക്കുക. ശേഷം അവ അരിച്ചെടുക്കുക. പിന്നീട് ഇത് നേർപ്പിച്ചെടുക്കുക.

ആദ്യം ഒരു ചെറിയ ഇലയിൽ പരീക്ഷിച്ച ശേഷം മുഴുവൻ ചെടിയിലും ഉപയോഗിക്കുക. ഏഴ് ദിവസത്തിനുള്ളിൽ നിങ്ങളുടെ ചെടികളിൽ നല്ല മാറ്റം കണ്ടുതുടങ്ങും.

ആവശ്യമായാൽ ഏഴ് ദിവസത്തിന് ശേഷം വീണ്ടും സ്പ്രേ ചെയ്തുകൊടുക്കാം. ഇടയ്ക്ക് എപ്പോഴെങ്കിലും മഴ പെയ്താൽ വീണ്ടും സ്പ്രേ ചെയ്യുന്നത് നല്ലതാണ്.