23 MAY 2026
NEETHU VIJAYAN
Image Courtesy: Getty Images
തേങ്ങയ്ക്ക് നല്ല പൊള്ളുന്ന വിലയാണ്. വിപണിയിൽ നിന്ന് വാങ്ങുന്നത് ദിവസങ്ങളോളം സൂക്ഷിക്കാൻ പല വീട്ടമ്മമാരും പാടുപെടാറുണ്ട്.
ഫ്രിഡ്ജിൽ വെച്ചിട്ടും തേങ്ങ ചുവക്കുകയോ മഞ്ഞിക്കുകയോ ചെയ്യുന്നത് വളരെ വലിയ വെല്ലുവിളിയാണ്. ബാക്ടീരിയയുടെയും ഫംഗസിൻ്റെയും വളർച്ചയാണ് ഇതിന് കാരണം.
തേങ്ങ ചിരകിയ ഉടൻ തുറന്നുവെക്കുകയോ, ഈർപ്പമുള്ള സ്പൂൺ ഉപയോഗിക്കുകയോ ചെയ്യുമ്പോൾ വായുസഞ്ചാരം വഴി ബാക്ടീരിയകൾ വളരുന്നു.
തേങ്ങ ചിരകിയ ഉടൻ തന്നെ കാറ്റ് കടക്കാത്ത എയർ ടൈറ്റ് പാത്രങ്ങളിലേക്ക് മാറ്റുക. വായുവുമായുള്ള സമ്പർക്കം കുറയ്ക്കുന്നതിലൂടെ നിറം മാറ്റവും തടയാനാകും.
2 ദിവസത്തിൽ കൂടുതൽ സൂക്ഷിക്കണമെങ്കിൽ തേങ്ങ ഫ്രിഡ്ജിൻ്റെ താഴത്തെ തട്ടിൽ വെക്കരുത്. കുറച്ച് കുറച്ചായി സിപ്ലോക്ക് കവറിലാക്കി ഫ്രീസറിൽ സൂക്ഷിക്കുക.
തേങ്ങ ചിരകി പാത്രത്തിലാക്കുമ്പോൾ ഒരു നുള്ളു ഉപ്പ് ചേർത്ത് ഇളക്കി വെക്കുന്നത് ബാക്ടീരിയകളുടെ വളർച്ച തടയും. ചിരകുമ്പോൾ ചീത്തയായ ഭാഗം ഒഴിവാക്കുക.
ചുവപ്പോ മഞ്ഞയോ നിറം വന്ന തേങ്ങ ഒരു കാരണവശാലും ഉപയോഗിക്കരുത്. ഇത് കറികളിൽ ഉപയോഗിക്കുമ്പോൾ വയറിളക്കത്തിന് കാരണമായേക്കാം.