അവധിക്കാല യാത്ര  പ്ലാന്‍ ചെയ്യുന്നുണ്ടോ? മേഘാലയയിലേക്ക് പോകാം

കൊടുചൂട് കാരണം വേനല്‍ അവധി ആഘോഷിക്കാനായി എവിടേക്ക് പോകുമെന്ന ആശങ്കയിലാണോ നിങ്ങള്‍? ചൂടൊന്നും വിഷയമാക്കേണ്ട, ഈ വര്‍ഷം മേഘാലയയില്‍ ആകട്ടെ വേനലധി ആഘോഷം.

ഇന്ത്യയുടെ വടക്കുകിഴക്കന്‍ ഭാഗത്ത് സ്ഥിതി ചെയ്യുന്ന മേഘാലയയില്‍ പ്രകൃതി രമണീയമായ ഒട്ടേറെ കാഴ്ചകളുണ്ട്. മൂടല്‍മഞ്ഞുള്ള കുന്നുകളും, പച്ചപ്പും, വെള്ളച്ചാട്ടങ്ങളും മേഘാലയയെ സുന്ദരിയാക്കുന്നു.

സുഖകരമായ കാലാവസ്ഥ, കൊളോണിയല്‍ കാലത്തെ മനോഹാരിത, അതിപുരാതനമായ സംസ്‌കാരം എന്നിവയാല്‍ ഷില്ലോങ് പ്രസിദ്ധമാണ്. ബോട്ടിങിന് പേരുകേട്ട ഉമിയം തടാകവും ഇവിടെയാണ്.

വെള്ളച്ചാട്ടങ്ങളുടെ നാട് എന്നറിയപ്പെടുന്ന ചിറാപുഞ്ചി കനത്ത മഴയ്ക്കും പച്ചപ്പിനും പേരുകേട്ട സ്ഥലമാണ്. ഏറ്റവും ഉയരം വെള്ളച്ചാട്ടങ്ങളിലൊന്നായ നോഹ്കലികൈ വെള്ളച്ചാട്ടവും ഇവിടെയാണ്.

ഏഷ്യയിലെ ഏറ്റവും വൃത്തിയുള്ള ഗ്രാമമാണ് മൗലിനോങ്. വൃത്തിയുള്ള ചുറ്റുപാടുകളും പരിസ്ഥിത സൗഹൃദമായ ജീവിതശൈലിയും ഇവിടുത്തെ പ്രത്യേകതയാണ്. ലിവിങ് റൂട്ട് ബ്രിഡ്ജുകളും ഇവിടെയുണ്ട്.

ഉംഗാട്ട് നദിയിലൂടെ ഒഴുകുന്ന ക്രിസ്റ്റല്‍ ക്ലിയര്‍ വെള്ളമാണ് ഡോക്കിയെ പ്രസിദ്ധമാക്കുന്നത്. ഇവിടെ ബോട്ടിങ് നടത്താം. മാത്രമല്ല, ഇന്ത്യ-ബംഗ്ലാദേശ് അതിര്‍ത്തിയിലെ അതിമനോഹരമായ കാഴ്ചകളും കാണാം.