13 JUNE 2025
SHIJI MK
Image Courtesy: Getty Images
കുട്ടികളുടെ ശരിയായ വളര്ച്ചയ്ക്കായി നിരവധി പോഷകങ്ങള് അടങ്ങിയ ഭക്ഷണങ്ങള് കൊടുക്കേണ്ടതുണ്ട്. ഓര്മശക്തി വര്ധിപ്പിക്കാന് ഇവ കൊടുക്കാം.
വൈറ്റമിനുകള്, ആന്റിഓക്സിഡന്റുകള് എന്നിവ ഇലക്കറികളില് അടങ്ങിയിരിക്കുന്നു. ഫോളേറ്റ് അടങ്ങിയ ഇലക്കറികള് തലച്ചോറിന് നല്ലതാണെന്ന് പഠനങ്ങള് പറയുന്നു.
മുട്ടയില് വൈറ്റമിനുകള്, ബി 6, ബി 12, ഫോളേറ്റ്, കോളിന് എന്നിവ അടങ്ങിയിരിക്കുന്നു. ഇവ തലച്ചോറിന് വളരെ നല്ലതാണ്.
നിലക്കടയിലുള്ള വൈറ്റമിന് ഇ നാഡികളെ സംരക്ഷിക്കുന്നു. മാത്രമല്ല തലച്ചോറിന്റെ പ്രവര്ത്തനത്തിന് ആവശ്യമായ തയാമിനും അവയില് അടങ്ങിയിട്ടുണ്ട്.
ഓട്സില് ധാരാളം നാരുകള് അടങ്ങിയിരിക്കുന്നു. ഇത് കുട്ടികളുടെ വയറ് നിറയ്ക്കുന്നതോടൊപ്പം ഓര്മശക്തിയും വര്ധിപ്പിക്കുന്നു.
ഫോളേറ്റ് അടങ്ങിയ ധാന്യങ്ങള് കഴിക്കുന്നത് ഓര്മശക്തി വര്ധിപ്പിക്കാന് സഹായിക്കും. മാത്രമല്ല ശ്രദ്ധയും ഏകാഗ്രതയും വര്ധിപ്പിക്കാന് സഹായിക്കുന്ന വൈറ്റമിന് ബിയും ഇവയിലുണ്ട്.
ഓര്മശക്തി വര്ധിപ്പിക്കുന്നതിന്റെ ഭാഗമായി കുട്ടികളുടെ ഡയറ്റില് മാറ്റങ്ങള് വരുത്തുന്നതിന് മുമ്പ് ആരോഗ്യ വിദഗ്ധന്റെ ഉപദേശം തേടുന്നത് നല്ലതാണ്.