എന്താണ് ലബുബു; ഫാഷൻ ലോകത്തെ ഈ ഇത്തിരിക്കുഞ്ഞനെ അറിയാം

ഫാഷൻ ലോകത്ത് ഇപ്പോൾ ട്രെൻഡിങ്ങ് ആയി നിൽക്കുന്നത് ഒരു ഇത്തിരിക്കുഞ്ഞൻ ആണ്,  ലബുബു എന്നാണ് ഇതിന്റെ പേര്.

ഇൻസ്റ്റാഗ്രാമിൽ റീലുകളായും , ചില കടകളിൽ വിൽക്കാൻ വച്ചിരിക്കുന്നതായും നിങ്ങൾ ഈ ഇത്തിരി കുഞ്ഞനെ കണ്ടിട്ടുണ്ടാകും.

ദക്ഷിണ കൊറിയൻ പെൺകുട്ടികളുടെ മ്യൂസിക് ബാൻഡ് ഗ്രൂപ്പായ ബ്ലാക്ക് പിങ്കിലെ ലിസയാണ് ഈ ട്രെൻഡിന് തുടക്കം കുറിച്ചത്.

ബാർബിയും, ഹോട്ട്‌വീലുകളുമൊക്കെ പോലെ ആളുകളെ ആകർഷിക്കുന്ന ലബുബു, വിവിധ നിറങ്ങളിലും ആകൃതിയിലും ലഭ്യമാണ്.

2019ലാണ് ചൈന ആസ്ഥാനമായുള്ള കളിപ്പാട്ട നിർമ്മാണ കമ്പനിയായ പോപ്പ് മാർട്ടിന് ലുബുബുവിന്റെ വിപണനാനുമതി ലഭിക്കുന്നത്.