മാഞ്ഞാലി ബിരിയാണിയെ സ്പെഷ്യലാക്കുന്നത് ഇത് 

കൊച്ചി നഗരത്തിരക്കുകളിൽ നിന്ന് മാറി, പറവൂരിനടുത്ത് ബിരിയാണിച്ചെമ്പുകൾ പുകയുന്ന രുചിയുടെ സ്വന്തം ദേശമാണ് മാഞ്ഞാലി.

മാഞ്ഞാലിയിൽ പിറവിയെടുത്തിട്ടുള്ള ഒട്ടുമിക്ക ഹോട്ടലുകൾക്കും ഒരേയൊരു പേര് മാത്രമേയുള്ളൂ—'മാഞ്ഞാലി ബിരിയാണി'.

ബിരിയാണിയുടെ എരിവ് മാത്രമല്ല, കോഴിക്കോടൻ ഹൽവയേക്കാൾ മൃദുവായ (Soft) പലതരം രുചികളിലുള്ള ഹൽവകളും മാഞ്ഞാലിയുടെ സവിശേഷതയാണ്.

രാത്രി 12 മണി കഴിഞ്ഞാലും ഇവിടുത്തെ കടകൾ സജീവമാണ്. ആൻഡമാൻ ദ്വീപുകളിലേക്ക് വരെ ഇവിടുത്തെ ഹൽവകൾ കയറ്റി അയക്കുന്നുണ്ട്.

ജാതിയോ മതമോ രാഷ്ട്രീയമോ ഇല്ലാതെ, കുറഞ്ഞ വിലയിൽ ഗുണമേന്മയുള്ള ഭക്ഷണം നൽകി മനുഷ്യരെ ഒരുമിപ്പിച്ചു നിർത്തുന്ന മാന്ത്രികതയാണ് മാഞ്ഞാലി.