29 November 2025
Sarika KP
Image Courtesy: Unsplash
മുട്ടയിൽ ധാരാളം പോഷകഗുണങ്ങൾ അടങ്ങിയിട്ടുണ്ട്. അതിനാൽ തന്നെ. ദിവസവും മുട്ട കഴിക്കുന്നത് ആരോഗ്യത്തിന് നല്ലതാണ്.
പൊതുവെ രണ്ട് നിറത്തിലുള്ള മുട്ടകളാണ് വിപണിയിൽ ലഭിക്കുന്നത്. ബ്രൗൺ നിറത്തിലുള്ള മുട്ടയും വെള്ള നിറത്തിലുള്ള മുട്ടയും.
ഇതിൽ വെള്ള നിറത്തിലുള്ള മുട്ടയെക്കാൾ ബ്രൗൺ നിറത്തിലുള്ള മുട്ടകൾക്ക് വിലയും ഡിമാൻഡും കൂടുതലായിരിക്കും.
അതു എന്തുകൊണ്ടാണെന്ന് ചിന്തിച്ചിട്ടുണ്ടോ? ഈ മുട്ടകൾ തമ്മിൽ പോഷകമൂല്യത്തിൽ എന്ത് വ്യത്യാസമാണ് ഉള്ളത്?
വെളുത്ത തൂവലുള്ള കോഴികളാണ് വെളുത്ത മുട്ടകൾ നൽകുന്നത്. തവിട്ടോ ചുവപ്പോ തൂവലുള്ള കോഴികൾ ബ്രൗണ് നിറമുള്ള മുട്ടയും ഇടുന്നു.
എല്ലാ മുട്ടയിലും ഒരേ അളവിലുള്ള പോഷകങ്ങളാണ് അടങ്ങിയിരിക്കുന്നത്. തുല്യ അളവിൽ കൊഴുപ്പും പ്രോട്ടീനും വിറ്റമിനുകളും അടങ്ങിയിട്ടുണ്ട്.
എന്നാൽ ഏതുതരം തീറ്റയാണ് കോഴികൾക്ക് നൽകുന്നത് എന്നതിനെ ആശ്രയിച്ചിരിക്കും മുട്ടയുടെ ഗുണനിലവാരം.ഇത് മഞ്ഞക്കരുവിന്റെ പോഷകഘടനയെ സ്വാധീനിക്കും.
പുറത്ത് കൂടുതലായി കറങ്ങിനടക്കുന്ന,കൂടുതൽ വെയിൽ കൊള്ളുന്ന കോഴികളുടെ മുട്ടകളിൽ വിറ്റാമിൻ ഡിയുടെ അളവ് കൂടുതലായിരിക്കും.