പ്രാർത്ഥിക്കുമ്പോൾ കണ്ണുകൾ അടയ്ക്കുന്നത് എന്തുകൊണ്ട്?

മതമേതായാലും സംസ്കാരം ഏതായാലും പ്രാർത്ഥിക്കുമ്പോൾ സാധാരണയായി തല കുനിക്കുകയും കണ്ണുകൾ അടയ്ക്കുകയും ചെയ്യാറുണ്ട്.

എന്തുകൊണ്ടാണ് പ്രാർത്ഥിക്കുമ്പോൾ കണ്ണുകൾ അടയ്ക്കുന്നത്? എന്തെങ്കിലും ശാസ്ത്രീയവശങ്ങൾ ഇതിന് പിന്നിലുണ്ടോ?

നമ്മുടെ കണ്ണുകൾ തുറന്നിരിക്കുമ്പോൾ ചുറ്റുമുള്ള കാഴ്ചകൾ, ആളുകൾ, ചലനങ്ങൾ എന്നിവ നിരന്തരം തലച്ചോറിലേക്ക് സന്ദേശങ്ങൾ അയച്ചുകൊണ്ടിരിക്കും.

പ്രാർത്ഥന എന്നത് മനസ്സ് ഏകാഗ്രമാക്കേണ്ട ഒന്നായതിനാൽ, കണ്ണ് അടയ്ക്കുന്നതിലൂടെ ബാഹ്യലോകവുമായുള്ള ബന്ധം താല്ക്കാലികമായി തടസ്സപ്പെടുന്നു.

അതുപോലെ, തല കുനിക്കുന്നതും കണ്ണുകൾ അടയ്ക്കുന്നതും പൂർണ്ണമായ കീഴടങ്ങലിന്റെയും ആത്മസമർപ്പണത്തിന്റെയും പ്രതീകമാണ്.