സെൻട്രൽ ബോർഡ് ഓഫ് സെക്കൻഡറി എഡ്യൂക്കേഷൻ (സിബിഎസ്ഇ) 10, 12 ക്ലാസുകളിലെ ബോർഡ് പരീക്ഷാ ടൈംടേബിൾ ഉടൻ തന്നെ പ്രഖ്യാപിക്കുമെന്നാണ് പ്രതീക്ഷിക്കുന്നത്. ഔദ്യോഗിക വിവരങ്ങൾ അനുസരിച്ച് 2027 ഫെബ്രുവരി, മാർച്ച്, ഏപ്രിൽ മാസങ്ങളിലായാണ് 10, 12 ക്ലാസുകളിലെ പരീക്ഷകൾ നടക്കുക. പരീക്ഷാ തീയതികൾ പ്രഖ്യാപിച്ചാലുടൻ വിദ്യാർത്ഥികൾക്ക് സിബിഎസ്ഇയുടെ ഔദ്യോഗിക വെബ്‌സൈറ്റായ cbse.gov.in വഴി അവ ഡൗൺലോഡ് ചെയ്യാവുന്നതാണ്.

10, 12 ക്ലാസുകളിലെ പരീക്ഷകൾ 2027 ഫെബ്രുവരി മുതൽ ഏപ്രിൽ അവസാനത്തോടെ പൂർത്തിയാകുന്ന രീതിയിലാണ് ക്രമീകരിക്കുന്നത്. കഴിഞ്ഞ വർഷം സെപ്റ്റംബർ 24-നായിരുന്നു പരീക്ഷാ തീയതികളുടെ ആദ്യ വിവരങ്ങൾ സിബിഎസ്ഇ പുറത്തുവിട്ടത്. എന്നാൽ വരാനിരിക്കുന്ന പരീക്ഷാ ഷെഡ്യൂളിന്റെ കൃത്യമായ തീയതിയെക്കുറിച്ച് ബോർഡ് നിലവിൽ ഔദ്യോഗികമായി സ്ഥിരീകരണം നൽകിയിട്ടില്ല.

ALSO READ: ജെഇഇ മെയിന്‍ പരീക്ഷയ്ക്ക് എങ്ങനെ അപേക്ഷിക്കാം? ഈ കാര്യങ്ങള്‍ ശ്രദ്ധിക്കൂ

എങ്ങനെ ഡൗൺലോഡ് ചെയ്യാം?

• തീയതി പുറത്തുവിട്ടാലുൻ ആദ്യം തന്നെ cbse.gov.in എന്ന ഔദ്യോഗിക പോർട്ടൽ സന്ദർശിക്കുക.
• ഹോം പേജിൽ കാണുന്ന 'Examination-circulars' അല്ലെങ്കിൽ 'Latest-notice' വിഭാഗം തുറക്കുക.
• 2027-ലെ 10, 12 ക്ലാസ് ബോർഡ് പരീക്ഷകളെക്കുറിച്ചുള്ള അറിയിപ്പ് അതിൽ തന്നെ നൽകിയിട്ടുണ്ടാകും.
• ക്ലാസ്, വിഷയങ്ങളുടെ കോഡ്, വിഷയത്തിന്റെ പേര്, പരീക്ഷാ തീയതി, പരീക്ഷാ സമയം എന്നിവ പരിശോധിക്കുക.
• വരാനിരിക്കുന്ന പരീക്ഷയുടെ തയ്യാറെടുപ്പിനായി ഈ PDF ഡൗൺലോഡ് ചെയ്ത് സൂക്ഷിക്കേണ്ടതാണ്.

ഔദ്യോഗിക വിവരങ്ങൾ പ്രകാരം, പത്താം ക്ലാസ് അല്ലെങ്കിൽ പന്ത്രണ്ടാം ക്ലാസ് ബോർഡ് പരീക്ഷയിൽ കഴിഞ്ഞ വർഷം പരാജയപ്പെട്ട ഒരു വിദ്യാർത്ഥിക്ക്, പ്രൈവറ്റ് കാൻഡിഡേറ്റ് ആയോ അല്ലെങ്കിൽ സ്കൂളിൽ റെഗുലർ വിദ്യാർത്ഥിയായി പ്രവേശനം നേടിയോ വീണ്ടും പരീക്ഷ എഴുതാവുന്നതാണ്. സിബിഎസ്ഇയുടെ ഔദ്യോഗിക മാർഗ്ഗനിർദ്ദേശങ്ങൾ പ്രകാരം, എല്ലാ വിദ്യാർത്ഥികളും ആദ്യ ബോർഡ് പരീക്ഷയിൽ പങ്കെടുക്കേണ്ടത് നിർബന്ധമാണ്.

2026-ലെ പരീക്ഷാ വർഷം മുതൽ സിബിഎസ്ഇ രണ്ട് ബോർഡ് പരീക്ഷകൾ എന്ന നയം നടപ്പിലാക്കിയിരുന്നു. നാഷണൽ എഡ്യൂക്കേഷൻ പോളിസി (NEP) 2020-ലെ ശുപാർശകൾക്ക് അനുസൃതമായ ഈ നയപ്രകാരം, പത്താം ക്ലാസ് വിദ്യാർത്ഥികൾക്ക് രണ്ടാമത്തെ ബോർഡ് പരീക്ഷയിൽ മൂന്ന് വിഷയങ്ങൾ വരെ എഴുതി തങ്ങളുടെ പ്രകടനം മെച്ചപ്പെടുത്താൻ അവസരമുണ്ടായിരിക്കും. എന്നാൽ ആദ്യം നടത്തുന്ന പരീക്ഷയിൽ ഒരുകാരണവശാലും ഹാജരാകാതെ ഇരിക്കാൻ സാധിക്കില്ല.

മുൻകാല രേഖകൾ പ്രകാരം, 2027-ലെ ബോർഡ് പരീക്ഷയിൽ പങ്കെടുക്കുമെന്ന് പ്രതീക്ഷിക്കുന്ന വിദ്യാർത്ഥികളുടെ എണ്ണത്തെക്കുറിച്ചുള്ള സൂചനയും പരീക്ഷയുടെ ടൈംടേബിളിനൊപ്പം നൽകുന്നതാണ്. കഴിഞ്ഞ വർഷം, പത്താം ക്ലാസ്, പന്ത്രണ്ടാം ക്ലാസ് ബോർഡ് പരീക്ഷകളുടെ താൽക്കാലിക സമയക്രമം പ്രഖ്യാപിച്ചപ്പോൾ, 2026-ൽ പത്താം ക്ലാസിലും പന്ത്രണ്ടാം ക്ലാസിലുമായി 204 വിഷയങ്ങളിലായി ഏകദേശം 45 ലക്ഷം വിദ്യാർത്ഥികൾ പരീക്ഷ എഴുതുമെന്ന് സിബിഎസ്ഇ അറിയിച്ചിരുന്നു.

English Summary:

CBSE is expected to release the Class 10 and 12 board exam schedule soon on its official portal, cbse.gov.in. Last year, the board issued a tentative exam date sheet on September 24.

ജോലിയില്‍ മികച്ച പ്രകടനം കാഴ്ചവെക്കാനും ശമ്പളവര്‍ധന നേടാനും പുതിയ തൊഴിലവസരങ്ങള്‍ കണ്ടെത്താനും ആഗ്രഹിക്കുന്നവര്‍ക്ക് കഴിവുകള്‍ മെച്ചപ്പെടുത്തുന്നത് ഏറെ പ്രധാനമാണ്. നിലവിലെ ജോലിയില്‍ പരിചയസമ്പത്ത് മാത്രം മതിയാകണമെന്നില്ല. പുതിയ കാര്യങ്ങള്‍ പഠിക്കാനും ഉത്തരവാദിത്തങ്ങള്‍ ഏറ്റെടുക്കാനും കഴിയുന്നത് കരിയറില്‍ മുന്നേറാന്‍ സഹായിക്കും. ഇതിനായി മാസങ്ങളോളം നീളുന്ന കോഴ്‌സുകളില്‍ ചേരണമെന്നില്ല. ദിവസവും 20 മുതല്‍ 30 മിനിറ്റ് വരെ പരിശീലനത്തിനായി മാറ്റിവെച്ചാല്‍ ഒരു മാസത്തിനുള്ളില്‍ ചില പ്രായോഗിക കഴിവുകള്‍ വളര്‍ത്തിയെടുക്കാന്‍ കഴിയും.

എക്‌സലും ഡാറ്റ കൈകാര്യം ചെയ്യാനുള്ള കഴിവും

പല സ്ഥാപനങ്ങളിലും വിവരങ്ങള്‍ ക്രമീകരിക്കാനും കണക്കുകള്‍ പരിശോധിക്കാനും റിപ്പോര്‍ട്ടുകള്‍ തയാറാക്കാനും ജീവനക്കാര്‍ക്ക് എക്‌സല്‍ പരിജ്ഞാനം ആവശ്യമാണ്. വലിയ അളവിലുള്ള വിവരങ്ങളില്‍നിന്ന് ആവശ്യമായ കാര്യങ്ങള്‍ കണ്ടെത്താനും കണക്കുകള്‍ എളുപ്പത്തില്‍ വിശകലനം ചെയ്യാനും ഈ കഴിവ് സഹായിക്കും. പ

എഴുത്തിലെ മികവ് വളര്‍ത്തുക

ഓഫീസിലെ ഇമെയിലുകള്‍, റിപ്പോര്‍ട്ടുകള്‍, ഔദ്യോഗിക സന്ദേശങ്ങള്‍ എന്നിവ തയാറാക്കുമ്പോള്‍ വ്യക്തമായ എഴുത്ത് ആവശ്യമാണ്. ആശയങ്ങള്‍ ചുരുങ്ങിയ വാക്കുകളില്‍ കൃത്യമായി അവതരിപ്പിക്കാന്‍ കഴിയുന്നത് ജോലിയുടെ നിലവാരം മെച്ചപ്പെടുത്തും. ദിവസവും ഒരു ഇമെയില്‍ അല്ലെങ്കില്‍ ചെറിയ റിപ്പോര്‍ട്ട് തയാറാക്കി അതിലെ വാചകങ്ങള്‍ കൂടുതല്‍ ലളിതവും വ്യക്തവുമാക്കാന്‍ ശ്രമിക്കാം.

പൊതുവേദിയില്‍ സംസാരിക്കാനുള്ള ആത്മവിശ്വാസം

യോഗങ്ങളില്‍ അഭിപ്രായങ്ങള്‍ അവതരിപ്പിക്കാനും മറ്റുള്ളവരുടെ മുന്നില്‍ സംസാരിക്കാനും പലര്‍ക്കും മടിയുണ്ടാകാം. എന്നാല്‍ കരിയറില്‍ കൂടുതല്‍ ഉത്തരവാദിത്തങ്ങള്‍ ഏറ്റെടുക്കുമ്പോള്‍ ആശയവിനിമയത്തിലെ ഈ മികവ് പ്രയോജനപ്പെടും. ദിവസവും ഒരു വിഷയം തിരഞ്ഞെടുത്ത് രണ്ടോ മൂന്നോ മിനിറ്റ് സംസാരിച്ചുകൊണ്ട് പരിശീലിക്കാം.

പ്രോജക്ട് മാനേജ്‌മെന്റ് പഠിക്കുക

ഒരു ജോലി കൃത്യസമയത്ത് പൂര്‍ത്തിയാക്കുക, ഓരോരുത്തരുടെയും ഉത്തരവാദിത്തങ്ങള്‍ നിശ്ചയിക്കുക, പുരോഗതി വിലയിരുത്തുക എന്നിവയാണ് പ്രോജക്ട് മാനേജ്‌മെന്റിന്റെ പ്രധാന ഭാഗങ്ങള്‍. വലിയ പദ്ധതികളില്‍ മാത്രം ഒതുങ്ങുന്നതല്ല ഈ കഴിവ്. ചെറിയ ജോലികള്‍ ആസൂത്രണം ചെയ്യുന്നതിലൂടെയും ഇത് പരിശീലിക്കാം.

Also Read: JEE Main 2027 Session 1: ജെഇഇ മെയിന്‍ പരീക്ഷയ്ക്ക് എങ്ങനെ അപേക്ഷിക്കാം? ഈ കാര്യങ്ങള്‍ ശ്രദ്ധിക്കൂ

ലിങ്ക്ഡ്ഇന്‍ പ്രൊഫൈല്‍ മെച്ചപ്പെടുത്തുക

പുതിയ ജോലി അന്വേഷിക്കുന്നവര്‍ക്കും നിലവിലെ കരിയറില്‍ മികച്ച അവസരങ്ങള്‍ ആഗ്രഹിക്കുന്നവര്‍ക്കും ലിങ്ക്ഡ്ഇന്‍ പ്രൊഫൈല്‍ പ്രയോജനകരമാണ്. വിദ്യാഭ്യാസ യോഗ്യത, തൊഴില്‍പരിചയം, പ്രധാന നേട്ടങ്ങള്‍, പ്രത്യേക കഴിവുകള്‍ എന്നിവ പ്രൊഫൈലില്‍ വ്യക്തമായി ഉള്‍പ്പെടുത്തണം.

ആശയവിനിമയവും ചര്‍ച്ചകളിലെ മികവും

ജോലിയുടെ സമയപരിധി, ഉത്തരവാദിത്തങ്ങള്‍, ശമ്പളം തുടങ്ങിയ കാര്യങ്ങളില്‍ വ്യക്തമായി സംസാരിക്കാന്‍ കഴിയുന്നത് തൊഴില്‍ജീവിതത്തില്‍ പ്രധാനമാണ്. സ്വന്തം ആവശ്യങ്ങള്‍ അവതരിപ്പിക്കുന്നതിനൊപ്പം മറ്റുള്ളവരുടെ അഭിപ്രായങ്ങളും മനസിലാക്കാന്‍ ശ്രമിക്കണം. ഇതിനായി ശാന്തമായും വ്യക്തമായും സംസാരിക്കുന്ന ശീലം വളര്‍ത്തിയെടുക്കാം.

സമയനിയന്ത്രണം ശീലമാക്കുക

ഒരേ സമയത്തിനുള്ളില്‍ കൂടുതല്‍ കാര്യങ്ങള്‍ കാര്യക്ഷമമായി പൂര്‍ത്തിയാക്കാന്‍ സമയനിയന്ത്രണം സഹായിക്കും. ഓരോ ദിവസവും ചെയ്യേണ്ട ജോലികളുടെ പട്ടിക തയ്യാറാക്കി അവയ്ക്ക് ആവശ്യമായ സമയം നിശ്ചയിക്കാം. പ്രധാനപ്പെട്ട ജോലികള്‍ ചെയ്യുമ്പോള്‍ അനാവശ്യമായ ഫോണ്‍ ഉപയോഗവും മറ്റ് തടസങ്ങളും ഒഴിവാക്കുന്നതും നല്ലതാണ്.

English Summary

Developing practical skills can improve career prospects and open up new job opportunities. Learning Excel, writing, public speaking, project management, LinkedIn profile management, communication and time management through daily practice can help professionals strengthen their skills in 30 days.

കനത്ത മഴയുടെ പശ്ചാത്തലത്തില്‍ സംസ്ഥാനത്ത് ഇന്നും (ഒക്ടോബര്‍ 26) വിവിധയിടങ്ങളില്‍ അവധി പ്രഖ്യാപിച്ചു. പാലക്കാട് ജില്ലയിലും, വയനാട് ജില്ലയിലെ ദുരിതാശ്വാസ ക്യാമ്പുകളായി പ്രവര്‍ത്തിക്കുന്ന സ്‌കൂളുകളിലുമാണ് അതത് കളക്ടര്‍മാര്‍ അവധി പ്രഖ്യാപിച്ചത്. ശക്തമായ മഴ തുടരുന്നതിനാല്‍ പാലക്കാട് ജില്ലയിലെ പ്രൊഫഷണല്‍ കോളേജ് ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും തിങ്കളാഴ്ച അവധിയായിരിക്കുമെന്ന് കളക്ടര്‍ വ്യക്തമാക്കി. മുന്‍കൂട്ടി നിശ്ചയിച്ച പരീക്ഷകള്‍ക്ക് മാറ്റമില്ല. നേരത്തെ തീരുമാനിച്ച മേളകള്‍ എല്ലാവിധ സുരക്ഷയും ഉറപ്പാക്കി സംഘടിപ്പിക്കണമെന്നും കളക്ടര്‍ കെ. സുധീര്‍ നിര്‍ദ്ദേശിച്ചു.

ട്യൂഷന്‍ സെന്ററുകള്‍, അങ്കണവാടികള്‍, മദ്രസകള്‍, കോച്ചിങ്, ക്ലാസുകള്‍, സ്‌പെഷ്യല്‍ ക്ലാസുകള്‍ തുടങ്ങിയവയ്‌ക്കെല്ലാം ജില്ലയില്‍ ഇന്ന് അവധി ബാധകമായിരിക്കും. കേന്ദ്ര കാലാവസ്ഥ വകുപ്പിന്റെ ജാഗ്രതാ നിര്‍ദ്ദേശത്തിന്റെ പശ്ചാത്തലത്തില്‍ വയനാട് ജില്ലയിലെ ദുരിതാശ്വാസ ക്യാമ്പുകളായി പ്രവര്‍ത്തിക്കുന്ന സ്‌കൂളുകള്‍ക്ക് ഇന്ന് അവധി പ്രഖ്യാപിക്കുന്നതായി കളക്ടര്‍ വ്യക്തമാക്കി.

ഇന്നും ശക്തമായ മഴയ്ക്ക് സാധ്യത

കണ്ണൂരും, കാസര്‍കോടും ഒഴികെയുള്ള ജില്ലകളിലെല്ലാം ഇന്നും ശക്തമായ മഴയ്ക്ക് സാധ്യതയുണ്ട്. നാലു ജില്ലകളില്‍ ഓറഞ്ച് അലര്‍ട്ടും, എട്ടു ജില്ലകളില്‍ യെല്ലോ അലര്‍ട്ടുമാണ്. പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളിലാണ് ഓറഞ്ച് അലര്‍ട്ട്. തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശൂര്‍, കോഴിക്കോട്, വയനാട് ജില്ലകളിലാണ് യെല്ലോ അലര്‍ട്ട്.

Also Read: ഒക്ടോബർ 26 തിങ്കളാഴ്ച അവധിയാണോ? സ്കൂളുകളും ബാങ്കുകളും സർക്കാർ ഓഫീസുകളും തുറക്കുമോ?

എന്നാല്‍ നിലവിലെ അറിയിപ്പുകള്‍ പ്രകാരം നാളെ ഒരു ജില്ലയിലും ഓറഞ്ച് അലര്‍ട്ട് പ്രഖ്യാപിച്ചില്ല. തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളില്‍ നാളെ യെല്ലോ അലര്‍ട്ടായിരിക്കും. ആലപ്പുഴ, കോട്ടയം, എറണാകുളം, തൃശൂര്‍, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ചൊവ്വാഴ്ച ഗ്രീന്‍ അലര്‍ട്ടാണ് പുറപ്പെടുവിച്ചിരിക്കുന്നത്. ബുധന്‍, വ്യാഴം ദിവസങ്ങളില്‍ എല്ലാ ജില്ലകളിലും ഗ്രീന്‍ അലര്‍ട്ടാണ്.

നാളെ വരെ സംസ്ഥാനത്ത് ഇടിമിന്നലോടുകൂടിയ മഴയ്ക്കും, മണിക്കൂറില്‍ 30-40 കിലോമീറ്റര്‍ വരെ വേഗത്തില്‍ ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കേരള, കര്‍ണാടക, ലക്ഷദ്വീപ് തീരങ്ങളില്‍ ഇന്ന് മത്സ്യബന്ധനത്തിന് പോകരുതെന്ന് കേന്ദ്ര കാലാവസ്ഥ വകുപ്പ് നിര്‍ദ്ദേശിച്ചു. ഈ തീരങ്ങളില്‍ മണിക്കൂറില്‍ 35-55 കിലോമീറ്റര്‍ വരെ വേഗത്തില്‍ ശക്തമായ കാറ്റ് വീശാനും, പ്രതികൂലമായ കാലാവസ്ഥയ്ക്കും സാധ്യതയുണ്ട്.

English Summary

Due to heavy rains, educational institutions in various parts of Kerala remain closed today. The respective District Collectors have declared a holiday for all educational institutions in Palakkad district, as well as for schools in Wayanad district that are currently functioning as relief camps.

ശക്തമായ മഴ തുടരുന്ന സാഹചര്യത്തില്‍ പാലക്കാട് ജില്ലയില്‍ പ്രൊഫഷണല്‍ കോളേജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്ക് ജില്ലാ കളക്ടര്‍ നാളെ (ഒക്ടോബര്‍ 26) അവധി പ്രഖ്യാപിച്ചു. അങ്കണവാടികള്‍, മദ്രസകള്‍, ട്യൂഷന്‍ സെന്ററുകള്‍, കോച്ചിങ് ക്ലാസുകള്‍, സ്‌പെഷ്യല്‍ ക്ലാസുകള്‍ തുടങ്ങിയവയ്ക്കും തിങ്കളാഴ്ച അവധിയായിരിക്കും. നേരത്തെ തീരുമാനിച്ച പരീക്ഷകള്‍ക്ക് മാറ്റമില്ല. മുന്‍കൂട്ടി നിശ്ചയിച്ച മേളകള്‍ എല്ലാവിധ സുരക്ഷയും ഉറപ്പാക്കി നടത്തണമെന്ന് കളക്ടര്‍ കെ. സുധീര്‍ നിര്‍ദ്ദേശിച്ചു. വയനാട് ജില്ലയില്‍ ദുരിതാശ്വാസ ക്യാമ്പുകളായി പ്രവര്‍ത്തിക്കുന്ന സ്‌കൂളുകള്‍ക്ക് നാളെ അവധിയായിരിക്കുമെന്ന് ജില്ലാ കളക്ടര്‍ അറിയിച്ചു.

അതേസമയം, സംസ്ഥാനത്ത് ഇന്ന് മുതല്‍ ഒക്ടോബര്‍ 27 വരെ ഇടിമിന്നലോട് കൂടിയ മഴയ്ക്കും, മണിക്കൂറില്‍ 30-40 കിലോമീറ്റര്‍ വരെ വേഗത്തില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ഇടമിന്നലിന് സാധ്യതയുള്ളതിനാല്‍ ജനം ജാഗ്രത പാലിക്കണം. ഇടിമിന്നലിന്റെ ലക്ഷണമുള്ളപ്പോള്‍ സുരക്ഷിതമായ കെട്ടിടത്തനുള്ളിലേക്ക് മാറണം. ശക്തമായ കാറ്റിനും മിന്നലിനും സാധ്യതയുള്ളപ്പോള്‍ ജനലും വാതിലും അടയ്ക്കാന്‍ മറക്കരുത്.

അതുപോലെ, വാതിലിനും ജനലിനും അടുത്ത് ഒരു കാരണവശാലും നില്‍ക്കരുത്. കെട്ടിടത്തിനകത്ത് തന്നെ ഇരിക്കാന്‍ ശ്രമിക്കുക. ഒപ്പം തറയിലോ ഭിത്തിയിലോ സ്പര്‍ശിക്കാതിരിക്കാനും പരമാവധി ശ്രമിക്കണം. ഇടിമിന്നലുള്ളപ്പോള്‍ ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കാനും, ടെലഫോണ്‍ ഉപയോഗിക്കാതിരിക്കാനും ശ്രദ്ധിക്കണം.

Also Read: Kerala Rain Alert: റെഡ് അലര്‍ട്ടില്‍ മാറ്റമില്ല; ‘ചുവന്ന് തുടുത്ത്’ മൂന്നു ജില്ലകള്‍! ജാഗ്രതയോടെ കേരളം

റെഡ്, ഓറഞ്ച് അലര്‍ട്ടുകള്‍

അതേസമയം, സംസ്ഥാനത്ത് ഇന്നും നാളെയും വിവിധ ജില്ലകളില്‍ റെഡ്, ഓലര്‍ട്ടുകള്‍ പ്രഖ്യാപിച്ചു. ഇന്ന് മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളിലാണ് റെഡ് അലര്‍ട്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, കണ്ണൂര്‍ ജില്ലകളില്‍ ഇന്ന് ഓറഞ്ച് അലര്‍ട്ടാണ് പുറപ്പെടുവിച്ചിരിക്കുന്നത്. യെല്ലോ അലര്‍ട്ടുള്ള ഏക ജില്ല കാസര്‍കോടാണ്.

നാളെ പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശൂര്‍, കോഴിക്കോട്, വയനാട് ജില്ലകളില്‍ യെല്ലോ അലര്‍ട്ട്. കണ്ണൂര്‍, കാസര്‍കോട് ജില്ലകളില്‍ നാളെ ഗ്രീന്‍ അലര്‍ട്ടായിരിക്കും. ചൊവ്വാഴ്ച ഒരു ജില്ലയിലും ഓറഞ്ച് അലര്‍ട്ട് പ്രഖ്യാപിച്ചിട്ടില്ല. എന്നാല്‍ തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളില്‍ യെല്ലോ അലര്‍ട്ടും, മറ്റ് ജില്ലകളില്‍ ഗ്രീന്‍ അലര്‍ട്ടുമായിരിക്കും.

English Summary

Due to heavy rainfall, the Palakkad District Collector has declared a holiday for all educational institutions tomorrow (October 26). This holiday also covers Anganwadis, madrasas, tuition centers, coaching classes, and special classes. However, all previously scheduled examinations will take place without any change. In Wayanad district, schools functioning as relief camps will also remain closed tomorrow.

ജോയിന്റ് എന്‍ട്രന്‍സ് എക്‌സാമിനേഷന്‍ (ജെഇഇ) മെയിന്‍ 2027 (സെഷന്‍ 1)-ലേക്കുള്ള ഓണ്‍ലൈന്‍ അപേക്ഷകള്‍ ക്ഷണിച്ചു. ഒക്ടോബർ 24 മുതൽ നവംബർ 22 വരെ https://jeemain.nta.nic.in/ എന്ന വെബ്‌സൈറ്റ് വഴി ഓൺ‌ലൈനായി അപേക്ഷിക്കാം. 2027-28 അക്കാദമിക് വർഷത്തേക്ക് ജെഇഇ (മെയിൻ)-2027 രണ്ട് സെഷനുകളിലായി നടത്താനാണ് തീരുമാനം. സെഷന്‍ 1 ജനുവരിയിലും, സെഷന്‍ 2 ഏപ്രിലിലും നടത്തും. ജെഇഇ (മെയിൻ) പരീക്ഷയിൽ രണ്ട് പേപ്പറുകളാണ് ഉള്ളത്. എന്‍ഐടികള്‍, ഐഐഐടികള്‍, , മറ്റ് കേന്ദ്ര ധനസഹായമുള്ള സാങ്കേതിക സ്ഥാപനങ്ങൾ, പങ്കാളികളായ സംസ്ഥാന സർക്കാരുകൾ അംഗീകരിച്ചിട്ടുള്ള അല്ലെങ്കിൽ സാമ്പത്തിക സഹായം നൽകുന്ന മറ്റ് സ്ഥാപനങ്ങൾ/സർവകലാശാലകൾ എന്നിവിടങ്ങളിലെ എന്നിവിടങ്ങളിലെ ബിഇ/ബിടെക് അണ്ടർഗ്രാജ്വേറ്റ് എഞ്ചിനീയറിംഗ് പ്രോഗ്രാമുകളിലേക്കുള്ള പ്രവേശനത്തിനാണ് പേപ്പർ 1 നടത്തുന്നത്.

കൂടാതെ ഐഐടി പ്രവേശനത്തിനായി നടത്തുന്ന ജെഇഇ (അഡ്വാൻസ്ഡ്) പരീക്ഷ എഴുതുന്നതിനുള്ള യോഗ്യതാ പരീക്ഷ കൂടിയാണിത്. ബി.ആർക്ക്, ബി. പ്ലാനിംഗ് കോഴ്സുകളിലേക്കുള്ള പ്രവേശനത്തിനാണ് ജെഇഇ (മെയിൻ) പേപ്പർ 2 നടത്തുന്നത്. നവംബര്‍ 22 വരെ ഫീസടയ്ക്കാം. അപേക്ഷിക്കാന്‍ താമസിക്കുന്നവര്‍ക്ക് 500 രൂപ പിഴയോടെ നവംബര്‍ 26 വരെ ഫോം സമര്‍പ്പിക്കാന്‍ അവസരമുണ്ട്.

Also Read: UGC NET December 2026: നെറ്റ് അപേക്ഷയിൽ ലൈവ് ഫോട്ടോ എങ്ങനെ കൃത്യമായി അപ്‌ലോഡ് ചെയ്യാം? ഈ 5 കാര്യങ്ങൾ ശ്രദ്ധിക്കൂ

നവംബർ 27 മുതൽ നവംബർ 29 വരെ വെബ്‌സൈറ്റിലൂടെ അപേക്ഷാ ഫോമിലെ വിവരങ്ങളിൽ തിരുത്തലുകൾ വരുത്താന്‍ അവസരമുണ്ട്. പരീക്ഷാ നഗരം സംബന്ധിച്ച അറിയിപ്പ് ഡിസംബര്‍ 30-ന് ലഭ്യമാകും. ജനുവരി 13 മുതല്‍ അഡ്മിറ്റ് കാർഡുകൾ ഡൗൺലോഡ് ചെയ്യാം. ജനുവരി 20, 21, 22, 23, 24, 28 തീയതികളിലാണ് പരീക്ഷ.

മലയാളം ഉള്‍പ്പെടെ 13 ഭാഷകള്‍

മലയാളം, ഇംഗ്ലീഷ്, ഹിന്ദി, ആസാമീസ്, ബംഗാളി, ഗുജറാത്തി, കന്നഡ, മറാഠി, ഒഡിയ, പഞ്ചാബി, തമിഴ്, തെലുങ്ക്, ഉറുദു എന്നീ 13 ഭാഷകളിൽ പരീക്ഷ നടത്തും. അപേക്ഷകർക്ക് സെഷൻ 1 (2027 ജനുവരി) പരീക്ഷയ്ക്ക് മാത്രം ഇപ്പോൾ അപേക്ഷിക്കുകയും അതനുസരിച്ച് പരീക്ഷാ ഫീസ് അടയ്ക്കുകയും ചെയ്യാം. സെഷൻ 2 (ഏപ്രിൽ 2027) പരീക്ഷയ്ക്ക് അപേക്ഷിക്കുന്നതിനും ഫീസ് അടയ്ക്കുന്നതിനുമായി പിന്നീട് അവസരം നല്‍കും. ഇതുസംബന്ധിച്ച അറിയിപ്പ് പിന്നീട് പ്രസിദ്ധീകരിക്കും. സെഷൻ 1-ലേക്ക് അപേക്ഷിച്ചിട്ടുള്ളവർക്ക് അതേ അപേക്ഷാ നമ്പർ ഉപയോഗിച്ച് ഇതിനായി അപേക്ഷിക്കാവുന്നതാണ്.

സെഷൻ 2-ലേക്ക് (ഏപ്രിൽ 2027) മാത്രം അപേക്ഷിക്കാൻ ആഗ്രഹിക്കുന്നവര്‍ക്ക്‌ ആ സെഷനായുള്ള അപേക്ഷാ ഫോം ലഭ്യമാകുമ്പോൾ രജിസ്റ്റർ ചെയ്യാനും പരീക്ഷാ ഫീസ് അടയ്ക്കാനും സാധിക്കും. സെഷന്‍ രണ്ടിന്റെ ഓണ്‍ലൈന്‍ അപേക്ഷാ ഫോം സംബന്ധിച്ച് താത്കാലിക ഷെഡ്യൂള്‍ എന്‍ടിഎയുടെ ഔദ്യോഗിക വെബ്‌സൈറ്റില്‍ ലഭ്യമാകും.

English Summary

The National Testing Agency (NTA) has released the notification for JEE (Main) 2027 Session 1. Candidates can apply online through the official website from October 24 to November 22, 2026. The Session 1 exams will take place between January 20 and January 28, 2027. Admit cards will be available for download starting January 13, 2027.

ഒക്ടോബര്‍ 26 തിങ്കളാഴ്ച സംസ്ഥാനങ്ങള്‍ക്കനുസരിച്ച് സ്‌കൂളുകള്‍ക്കും ബാങ്കുകള്‍ക്കും സര്‍ക്കാര്‍ ഓഫീസുകള്‍ക്കും അവധി ബാധകമാണോ എന്നറിയാന്‍ കാത്തിരിക്കുകയാണ് പലരും. മഹര്‍ഷി വാല്‍മീകി ജയന്തി ദിനവുമായി ബന്ധപ്പെട്ട് ചില പ്രദേശങ്ങളില്‍ ബാങ്കുകള്‍ക്ക് അവധിയുണ്ട്. എന്നാല്‍ രാജ്യത്തുടനീളം എല്ലാ സ്ഥാപനങ്ങള്‍ക്കും ഒരുപോലെ അവധി പ്രഖ്യാപിച്ചിട്ടില്ല.

വിദ്യാഭ്യാസ വകുപ്പുകളുടെ നിര്‍ദേശങ്ങള്‍, ജില്ലാ ഭരണകൂടങ്ങളുടെ അറിയിപ്പുകള്‍, റിസര്‍വ് ബാങ്കിന്റെ പ്രാദേശിക അവധിപ്പട്ടിക എന്നിവ അനുസരിച്ചാണ് അവധി തീരുമാനിക്കുന്നത്. അതിനാല്‍ ഒക്ടോബര്‍ 26ന് യാത്രയോ ഔദ്യോഗിക ആവശ്യങ്ങളോ ആസൂത്രണം ചെയ്യുന്നവര്‍ ബന്ധപ്പെട്ട സ്ഥാപനങ്ങളുടെ അറിയിപ്പുകള്‍ പരിശോധിക്കുന്നത് നല്ലതാണ്.

ഒക്ടോബര്‍ 26ന് സ്‌കൂളുകള്‍ക്ക് അവധിയുണ്ടോ?

ഒക്ടോബര്‍ 26ന് സ്‌കൂളുകള്‍ തുറക്കുമോ എന്നത് ഓരോ സംസ്ഥാനത്തെയും വിദ്യാഭ്യാസ വകുപ്പിന്റെ ഉത്തരവുകളും സ്‌കൂളുകളുടെ അവധിപ്പട്ടികയും ആശ്രയിച്ചിരിക്കും. ലഭ്യമായ വിവരങ്ങള്‍ അനുസരിച്ച് വിവിധ സംസ്ഥാനങ്ങളിലെ സാഹചര്യം ഇങ്ങനെയാണ്. ഉത്തര്‍പ്രദേശ്, പശ്ചിമ ബംഗാള്‍, പഞ്ചാബ്, ഹരിയാന, ഡല്‍ഹി, ബിഹാര്‍, ജാര്‍ഖണ്ഡ്, ആന്ധ്രാപ്രദേശ്, തെലങ്കാന, കേരളം എന്നീ സംസ്ഥാനങ്ങളിലെ വിദ്യാഭ്യാസ സ്ഥാപനങ്ങള്‍ക്കാണ് അവധി ലഭിക്കാന്‍ സാധ്യതയുള്ളത്.

Also Read: Kerala Holiday: റെഡ് അലര്‍ട്ടിന് പിന്നാലെ മുന്‍കരുതല്‍; വിദ്യാഭ്യാസ സ്ഥാപനങ്ങള്‍ക്ക് അവധി

ഒക്ടോബര്‍ 26ന് ബാങ്കുകള്‍ക്ക് അവധി

റിസര്‍വ് ബാങ്ക് ഓഫ് ഇന്ത്യയുടെ അവധിപ്പട്ടിക പ്രകാരം ബാങ്കുകള്‍ക്ക് അവധി ബാധകമാകുന്നത് സംസ്ഥാനങ്ങള്‍ക്കും നഗരങ്ങള്‍ക്കും അനുസരിച്ചാണ്. ഒക്ടോബര്‍ 26ന് ബാങ്ക് അവധി രേഖപ്പെടുത്തിയിട്ടുള്ള പ്രധാന കേന്ദ്രങ്ങള്‍ ഇവയാണ്. ത്രിപുര, ചണ്ഡീഗഢ്, ജമ്മു കശ്മീര്‍, ഹിമാചല്‍ പ്രദേശ് ഇവിടങ്ങളില്‍ അവധിയായിരിക്കും.

സര്‍ക്കാര്‍ ഓഫീസുകള്‍ക്ക് അവധിയുണ്ടാകുമോ?

ഒക്ടോബര്‍ 26ന് രാജ്യത്തെ എല്ലാ സര്‍ക്കാര്‍ ഓഫീസുകള്‍ക്കും ഒരുപോലെ അവധി ബാധകമാകില്ല. സംസ്ഥാന സര്‍ക്കാരുകളുടെ ഔദ്യോഗിക അവധിപ്പട്ടികയും ബന്ധപ്പെട്ട വകുപ്പുകളുടെ ഉത്തരവുകളുമാണ് ഇക്കാര്യത്തില്‍ നിര്‍ണായകം. മഹര്‍ഷി വാല്‍മീകി ജയന്തിയുമായി ബന്ധപ്പെട്ട് അവധി പ്രഖ്യാപിച്ചിട്ടുള്ള പ്രദേശങ്ങളില്‍ ചില സര്‍ക്കാര്‍ സ്ഥാപനങ്ങള്‍ അടഞ്ഞുകിടക്കാം.

English Summary

October 26, 2026, may see bank closures in select locations for Maharishi Valmiki Jayanti and other regional observances. School and government office holidays vary by state and local notifications. People are advised to check official announcements before planning visits.

ഏതെങ്കിലും വിഷയത്തിൽ ബിരുദമുള്ളവർക്ക് കേന്ദ്ര പൊതുമേഖലാ മേഖലയിൽ കരിയർ ആരംഭിക്കാൻ മികച്ച അവസരമാണ് വന്നെത്തിയിരിക്കുന്നത്. ഡയറക്ടറേറ്റ് ജനറൽ ഓഫ് മാരിടൈം അഡ്മിനിസ്ട്രേഷനിൽ (DGMA) വിവിധ തസ്തികകളിലേക്ക് അപേക്ഷ ക്ഷണിച്ചു. മുൻപരിചയം ഇല്ലാത്തവർക്കും അപേക്ഷിക്കാമെന്നതാണ് ഈ നിയമനത്തിന്റെ ഏറ്റവും വലിയ പ്രത്യേകത. മാസം 75,000 രൂപ വരെ ശമ്പളം വരെ ലഭിക്കുന്ന ഒഴിവുകളുടെ പൂർണ്ണ വിവരങ്ങൾ വിശദമായി പരിശോധിക്കാം.

ഡയറക്ടറേറ്റ് ജനറൽ ഓഫ് മാരിടൈം അഡ്മിനിസ്ട്രേഷൻ (DGMA) മുംബൈ മാനേജ്മെന്റ് സപ്പോർട്ട് അസോസിയേറ്റ് (MSA) തസ്തികയിലേക്കാണ് നിയമനം നടത്തുന്നത്. ആകെ 30 ഒഴിവുകൾ ആണ് ഉള്ളത്. ബിരുദം യോഗ്യതയുള്ള താല്പര്യമുള്ള ഉ​ദ്യോ​ഗാർത്ഥികൾക്ക് ഈ അവസരത്തിൽ അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി നവംബർ 12 വരെയാണ്.

ALSO READ: നെറ്റ് അപേക്ഷയിൽ ലൈവ് ഫോട്ടോ എങ്ങനെ കൃത്യമായി അപ്‌ലോഡ് ചെയ്യാം? ഈ 5 കാര്യങ്ങൾ ശ്രദ്ധിക്കൂ

ഒഴിവുകളുടെ മറ്റ് വിവരങ്ങൾ

മാനേജ്മെന്റ് സപ്പോർട്ട് അസോസിയേറ്റ്: ഏതെങ്കിലും വിഷയത്തിൽ ബിരുദമാണ് യോ​ഗ്യതയായി ചോദിച്ചിരിക്കുന്നത്. 75000 രൂപയാണ് തുടക്കത്തിൽ ശമ്പളമായി ലഭിക്കുന്നത്. കരാർ കാലാവധി തുടക്കത്തിൽ ഒരു വർഷമാണ്. എന്നാൽ നിങ്ങളുടെ പ്രകടനത്തിന്റെ അടിസ്ഥാനത്തിൽ മൂന്ന് വർഷം വരെ നീട്ടിയേക്കാം. MS Office, സ്പ്രെഡ്ഷീറ്റുകൾ, ഡാറ്റാ എൻട്രി, ഇന്റർനെറ്റ്, ഇമെയിൽ എന്നിവയിലുള്ള പ്രായോഗിക അറിവായി കണക്കാക്കുന്നത്. അപേക്ഷാ ഫീസ് നൽകേണ്ടതില്ല.

തിരഞ്ഞെടുപ്പ് പ്രക്രിയ

കംപ്യുട്ടർ അധിഷ്ഠിത പരീക്ഷ, ടൈപ്പിംഗ് ടെസ്റ്റ്, സർട്ടിഫിക്കറ്റ് പരിശോധന, അഭിമുഖം എന്നിവയുടെ അടിസ്ഥാനത്തിലാണ് ഉദ്യോ​ഗാർത്ഥികളെ ഒഴിവുകളിലേക്ക് തിരഞ്ഞെടുക്കുന്നത്. കംപ്യുട്ടർ അധിഷ്ഠിത പരീക്ഷയിൽ 90 മിനിറ്റ് ആണ് സമയം. 100 ചോദ്യങ്ങൾ ഉണ്ടാകും. 200 മാർക്കിലാണ് പരീക്ഷ നടത്തുന്നത്. പരീക്ഷയിൽ നെ​ഗറ്റീവ് മാർക്ക് ഉണ്ടായിരിക്കുന്നതല്ല. ടൈപ്പിംഗ് ടെസ്റ്റിൽ ഇംഗ്ലീഷിൽ മിനിറ്റിൽ 35 വാക്കുകൾ വേഗത ഉണ്ടായിരിക്കണം. അതിന് ശേഷം സർട്ടിഫിക്കറ്റ് പരിശോധനയും അഭിമുഖം ഉണ്ടാകും.

പരീക്ഷാ കേന്ദ്രങ്ങൾ ഗ്രേറ്റർ മുംബൈ, താനെ, നവി മുംബൈ മേഖലകളിൽ മാത്രമായിരിക്കുമെന്ന് വിജ്ഞാപനത്തിൽ പ്രത്യേകം പറയുന്നുണ്ട്. താല്പര്യമുള്ള ഉദ്യോഗാർത്ഥികൾക്ക് DGMA-യുടെ ഔദ്യോഗിക പോർട്ടൽ വഴി ഓൺലൈനായി അപേക്ഷിക്കാം. കൂടുതൽ വിവരങ്ങൾക്ക് dgma.gov.in എന്ന ഔദ്യോഗിക വെബ്സൈറ്റ് സന്ദർശിക്കേണ്ടതാണ്. 18 മുതൽ 35 വയസ്സു വരെയുള്ളവർക്കാണ് അപേക്ഷിക്കാൻ സാധിക്കുക. ഈ നിയമനം പൂർണ്ണമായും കരാർ അടിസ്ഥാനത്തിലുള്ളതാണ്.

English Summary:

Directorate General of Maritime Administration (DGMA), Mumbai, has released a detailed notification for Management Support Associate (MSA) posts. The application process started on 23 October 2026.

കോഴിക്കോട്: സംസ്ഥാനത്ത് അതിതീവ്ര മഴ മുന്നറിയിപ്പ് നിലനിൽക്കുന്ന സാഹചര്യത്തിൽ, സ്കൂളുകൾക്ക് അവധി. കേന്ദ്ര കാലാവസ്ഥാ വകുപ്പ് റെഡ് അലർട്ട് പുറപ്പെടുവിച്ചതിന് പിന്നാലെ വയനാട്, മലപ്പുറം, കോഴിക്കോട് ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് ഇന്ന് അവധി പ്രഖ്യാപിച്ചിരിക്കുന്നത്. വയനാട് ജില്ലയിലെ മതപഠന ക്ലാസുകൾ, ട്യൂഷൻ സെന്ററുകൾ, സ്‌പെഷ്യൽ ക്ലാസുകൾ എന്നിവയ്ക്കാണ് ഞായറാഴ്ചത്തെ അവധി ബാധകമാകുകയെന്ന് ജില്ലാ കളക്ടർ വി ചെൽസസിനി അറിയിച്ചു.

മലപ്പുറം ജില്ലയിലെ അങ്കണവാടികൾ, മദ്രസകൾ, ട്യൂഷൻ സെന്ററുകൾ, പാരലൽ കോളേജുകൾ, മറ്റ് കോച്ചിങ് സെന്ററുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് ഞായറാഴ്ച അവധിയായിരിക്കുമെന്ന് ജില്ലാ കളക്ടർ ഡോ വിനയ് ഗോയൽ അറിയിച്ചു. കനത്ത കാറ്റിനും മഴയ്ക്കും സാധ്യതയുള്ളതിനാൽ കോഴിക്കോട് ജില്ലയിലെ അങ്കണവാടികൾ, മദ്രസകൾ, ട്യൂഷൻ സെന്ററുകൾ, പാരലൽ കോളേജുകൾ, മറ്റ് കോച്ചിങ് സെന്ററുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് അവധിയായിരിക്കുമെന്ന് കളക്ടർ എംഎസ് മാധവിക്കുട്ടി അറിയിച്ചു.

ALSO READ: സംസ്ഥാനത്ത് ഇന്നും അതിതീവ്ര മഴ; മൂന്ന് ജില്ലകളിൽ റെഡ് അലർട്ട്

അതേസമയം റസിഡൻഷ്യൽ വിദ്യാഭ്യാസ സ്ഥാപനങ്ങൾക്കും ഹോസ്റ്റലുകൾക്കും ഇന്നത്തെ അവധി ബാധകമല്ല. മുൻകൂട്ടി നിശ്ചയിച്ച സർവകലാശാലാ, പൊതുപരീക്ഷകൾക്കും അവധി ബാധകമല്ലെന്ന് മലപ്പുറം ജില്ലാ കളക്ടർ വ്യക്തമാക്കി. സംസ്ഥാനത്തെ വിവിധയിടങ്ങളിൽ ശക്തമായ മഴ തുടരുന്നതിനാൽ പൊതുജനങ്ങൾ പ്രത്യേകം ജാ​ഗ്രത പാലിക്കേണ്ടതുണ്ട്. ഇന്ന് കോഴിക്കോട്, മലപ്പുറം, വയനാട് ജില്ലകളിലാണ് റെഡ് അലർട്ട് പ്രഖ്യാപിച്ചിരിക്കുന്നത്.

സംസ്ഥാനത്ത് അതിതീവ്ര മഴ മുന്നറിയിപ്പ്

ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദത്തിന്റെയും തീവ്രന്യൂനമർദ്ദത്തിന്റെയും പശ്ചാത്തലത്തിലാണ് സംസ്ഥാനത്ത് ഇന്ന് മുതലുള്ള ദിവസങ്ങളിൽ അതിതീവ്ര മഴ മുന്നറിയിപ്പ് നൽകിയിരിക്കുന്നത്. മലപ്പുറം, കോഴിക്കോട്, വയനാട് ജില്ലകളിലാണ് ഇന്ന് റെഡ് അലർട്ട് പ്രഖ്യാപിച്ചിരിക്കുന്നത്. നാളെ ഇടുക്കി, പാലക്കാട് ജില്ലകളിലും റെഡ് അലർട്ടാണ്. പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, കണ്ണൂർ ജില്ലകളിൽ ഓറഞ്ച് അലർട്ടും, തിരുവനന്തപുരം, കൊല്ലം, ആലപ്പുഴ, കാസറഗോഡ് ജില്ലകളിൽ യെല്ലോ അലർട്ടുമാണ് നിലനിൽക്കുന്നത്.

അറബിക്കടലിലും ബംഗാൾ ഉൾക്കടലിലും ഒരുപോലെ രൂക്ഷമാകുന്ന ന്യൂനമർദ്ദ പ്രതിഭാസങ്ങളെ തുടർന്ന് കേരളത്തിൽ അടുത്ത ദിവസങ്ങളിൽ അതിതീവ്ര മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ബംഗാൾ ഉൾക്കടലിൽ ചുഴലിക്കാറ്റ് രൂപപ്പെടുന്നതിനാലും തെക്കുകിഴക്കൻ അറബിക്കടലിലെ ന്യൂനമർദ്ദ പാത്തി കേരളത്തിലൂടെ കടന്നുപോകുന്നതിനാലും ഒക്ടോബർ 25, 26 തീയതികളിൽ സംസ്ഥാനത്ത് അതീവ ജാഗ്രത നിർദ്ദേശിച്ചിട്ടുണ്ട്.

പൊതുജനങ്ങൾക്കുള്ള പ്രധാന ജാഗ്രതാ നിർദ്ദേശം

• മലയോര മേഖലകളിലേക്കുള്ള യാത്രകൾ ഒഴിവാക്കുക: ഉരുൾപൊട്ടൽ, മണ്ണിടിച്ചിൽ സാധ്യതയുള്ളതിനാൽ മലയോര മേഖലകളിലേക്ക് രാത്രി യാത്രകൾ പൂർണ്ണമായും ഒഴിവാക്കണം.
• നദികളിലും ജലാശയങ്ങളിലും ഇറങ്ങരുത്: പുഴകളിലും തോടുകളിലും മീൻപിടിക്കാനോ കുളിക്കാനോ സെൽഫിയെടുക്കാനോ ഇറങ്ങരുത്.
• മരങ്ങൾക്ക് താഴെ വാഹനം പാർക്ക് ചെയ്യരുത്: ശക്തമായ കാറ്റിന് സാധ്യതയുള്ളതിനാൽ അപകടനിലയിലുള്ള മരങ്ങളുടെയോ ബോർഡുകളുടെയോ താഴെ നിൽക്കരുത്.

English Summary:

Kerala School Holiday Today On October 25, Educational Institutions Closed in 3 Districts Due to Red Alert. Check District-Wise List And Rain Affected Areas Across Kerala.

സംസ്ഥാനത്ത് റെഡ് അലര്‍ട്ട് പ്രഖ്യാപിച്ച ജില്ലകളില്‍ നാളെ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. മലപ്പുറം, വയനാട്, കോഴിക്കോട് ജില്ലകളിലാണ് അവധി. നാളെ ഞായറാഴ്ചയായതിനാല്‍ സ്‌കൂളുകള്‍ക്കും, കോളേജുകള്‍ക്കും സ്വഭാവികമായും അവധിയായിരിക്കും. എന്നാല്‍ മതപഠന കേന്ദ്രങ്ങള്‍, ട്യൂഷന്‍ സെന്ററുകള്‍ തുടങ്ങിയവ ഞായറാഴ്ചകളിലും പ്രവര്‍ത്തിക്കാറുണ്ട്. ഈ സാഹചര്യത്തിലാണ് മുന്‍കരുതലിന്റെ ഭാഗമായി റെഡ് അലര്‍ട്ട് പ്രഖ്യാപിച്ച ജില്ലകളിലെ കളക്ടര്‍മാര്‍ ഒക്ടോബര്‍ 25-ന് അവധി പ്രഖ്യാപിച്ചത്.

മലപ്പുറം

റെഡ് അലര്‍ട്ടിനെ തുടര്‍ന്ന് നാളെ (ഒക്ടോബര്‍ 25) അങ്കണവാടികള്‍, മദ്രസകള്‍, ട്യൂഷന്‍ സെന്ററുകള്‍, പാരല്‍ കോളേജുകള്‍, മറ്റ് കോച്ചിങ് സെന്ററുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്ക് അവധിയായിരിക്കുമെന്ന് ജില്ലാ കളക്ടര്‍ അറിയിച്ചു. റസിഡന്‍ഷ്യല്‍ വിദ്യാഭ്യാസ സ്ഥാപനങ്ങള്‍ക്കും, ഹോസ്റ്റലുകള്‍ക്കും അവധിയുണ്ടായിരിക്കില്ല. നേരത്തെ തീരുമാനിച്ച യൂണിവേഴ്‌സിറ്റി, പൊതുപരീക്ഷകള്‍ക്കും അവധിയില്ല.

വയനാട്‌

റെഡ് അലര്‍ട്ട് പ്രഖ്യാപിച്ച സാഹചര്യത്തില്‍ വയനാട് ജില്ലയിലെ മതപഠന ക്ലാസുകള്‍, ട്യൂഷന്‍ സെന്ററുകള്‍, സ്‌പെഷ്യല്‍ ക്ലാസുകള്‍ എന്നിവയ്ക്ക് ഞായറാഴ്ച അവധിയായിരിക്കുമെന്ന് ജില്ലാ കളക്ടര്‍ വ്യക്തമാക്കി. പുഴയിലോ, വെള്ളക്കെട്ടിലോ കുളിക്കാന്‍ ഉള്‍പ്പെടെയുള്ള ആവശ്യങ്ങള്‍ക്കായി ഇറങ്ങരുതെന്നും, അത്യാവശ്യമില്ലാത്ത യാത്രകള്‍ ഒഴിവാക്കണമെന്നും കളക്ടര്‍ നിര്‍ദ്ദേശിച്ചു.

Also Read: Kerala Rain Alert: അതിതീവ്രമഴയ്ക്ക് സാധ്യത; സംസ്ഥാനത്ത് ജാഗ്രതാ നിര്‍ദ്ദേശം; മൂന്ന് ജില്ലകളില്‍ റെഡ് അലര്‍ട്ട്‌

കോഴിക്കോട്‌

കോഴിക്കോട് ജില്ലയില്‍ റെഡ് അലര്‍ട്ട് പ്രഖ്യാപിച്ച പശ്ചാത്തലത്തില്‍ നാളെ സ്‌കൂളുകള്‍, മദ്രസകള്‍, ട്യൂഷന്‍ സെന്ററുകള്‍, പ്രൊഫഷണല്‍ കോളേജുകള്‍, അങ്കണവാടികള്‍ ഉള്‍പ്പെടെയുള്ള മുഴുവന്‍ വിദ്യാഭ്യാസ സ്ഥാപനങ്ങള്‍ക്കും ഒക്ടോബര്‍ 25-ന് അവധിയായിരിക്കുമെന്ന് ജില്ലാ കളക്ടര്‍ അറിയിച്ചു. ഓണ്‍ലൈന്‍ ക്ലാസുകള്‍ നടത്തുന്നതിന് അവധി ബാധകമല്ല.

ജാഗ്രതാ നിര്‍ദ്ദേശം

അതേസമയം, സംസ്ഥാനത്ത് ഒറ്റപ്പെട്ടയിടങ്ങളില്‍ ഇന്ന് മുതല്‍ ഒക്ടോബര്‍ 27 വരെ ഇടിമിന്നലോട് കൂടിയ മഴയ്ക്കും മണിക്കൂറില്‍ 30-40 കിലോമീറ്റര്‍ വരെ വേഗത്തില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. അതുകൊണ്ട് പൊതുജനങ്ങള്‍ ജാഗ്രത പാലിക്കണം. ഇടിമിന്നലിന്റെ ആദ്യ ലക്ഷണം കാണുമ്പോള്‍ മുതല്‍ ജാഗ്രത തുടരണം. ഇത്തരം സാഹചര്യങ്ങളില്‍ സുരക്ഷിതമായ കെട്ടിടത്തിനുള്ളിലേക്ക് മാറേണ്ടതാണ്.

നാളെ സംസ്ഥാനത്ത് ശക്തമായ മഴയാണ് പ്രതീക്ഷിക്കുന്നത്. മൂന്ന് ജില്ലകളിലെ റെഡ് അലര്‍ട്ടിന് പുറമെ, പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, കണ്ണൂര്‍ ജില്ലകളില്‍ ഓറഞ്ച് അലര്‍ട്ടും, മറ്റ് ജില്ലകളില്‍ യെല്ലോ അലര്‍ട്ടും പ്രഖ്യാപിച്ചു. ഒക്ടോബര്‍ 26-ന് ഇടുക്കി, പാലക്കാട് ജില്ലകളില്‍ റെഡ് അലര്‍ട്ടായിരിക്കും.

English Summary

Red alerts have been declared in Malappuram, Wayanad, and Kozhikode due to heavy rain. District collectors have announced a holiday for educational institutions operating on Sunday, including tuition centres and madrasas. Residential schools, hostels, pre-scheduled public exams, and online classes are exempted from this holiday. Authorities have urged residents to avoid non-essential travel and stay away from rivers and water bodies.

നാഷണൽ ടെസ്റ്റിംഗ് ഏജൻസി (എന്‍ടിഎ) നടത്തുന്ന യുജിസി നെറ്റ് ഡിസംബർ 2026 പരീക്ഷയ്ക്കുള്ള രജിസ്ട്രേഷൻ നടപടികൾ ഒക്ടോബർ 28-ന് അവസാനിക്കും. ഇതുവരെ അപേക്ഷ സമർപ്പിക്കാത്ത ഉദ്യോഗാർത്ഥികൾക്ക് എൻടിഎ യുജിസി നെറ്റിന്റെ ഔദ്യോഗിക വെബ്‌സൈറ്റായ ugcnet.nta.nic.in വഴി ഓൺലൈനായി അപേക്ഷ സമർപ്പിക്കാം. ഒക്ടോബർ 22 വരെയുള്ള കണക്കുകൾ പ്രകാരം ആകെ 1,86,301 പേരാണ്‌ യുജിസി നെറ്റ് പരീക്ഷയ്ക്കായി രജിസ്റ്റർ ചെയ്തിട്ടുള്ളത്. അതേസമയം, പരീക്ഷയ്ക്ക് രജിസ്റ്റർ ചെയ്യുന്നതിനായി 'ലൈവ് ഫോട്ടോ' ചെയ്യേണ്ടത് എങ്ങനെയെന്ന് എന്‍ടിഎ വ്യക്തമാക്കി.

ഇനി അപേക്ഷിക്കാനുള്ളവര്‍ക്കും, 'ലൈവ് ഫോട്ടോ' എടുക്കാന്‍ ബുദ്ധിമുട്ട് നേരിടുന്നവര്‍ക്കും ഇനി പറയുന്ന മാര്‍ഗങ്ങളിലൂടെ കൃത്യമായി ഫോട്ടോ അപ്‌ലോഡ് ചെയ്യാനാകും.

എന്‍ടിഎയുടെ നിര്‍ദ്ദേശങ്ങള്‍:

1. മുഖത്ത് ആവശ്യത്തിന് വെളിച്ചം ലഭിക്കുന്നുണ്ടെന്ന് ഉറപ്പുവരുത്തുക.
2. പശ്ചാത്തലത്തിൽ വ്യക്തതയും ആവശ്യത്തിന് വെളിച്ചവും ഉണ്ടായിരിക്കണം.
3. ഫ്രെയിമിൽ ഒരാളുടെ മുഖം മാത്രമേ കാണാൻ പാടുള്ളൂ.
4. പ്രശ്നം തുടരുകയാണെങ്കിൽ, ബ്രൗസറിന്റെ കാഷെ ക്ലിയർ ചെയ്യുകയോ, മറ്റൊരു ബ്രൗസർ ഉപയോഗിക്കുകയോ, ഇൻകോഗ്നിറ്റോ മോഡിൽ ശ്രമിക്കുകയോ ചെയ്യുക.
5. അതിനുശേഷം അപേക്ഷാ ഫോം വീണ്ടും തുറന്ന് ലൈവ് ഫോട്ടോ ക്യാപ്‌ചർ ചെയ്യാൻ ശ്രമിക്കുക.

എന്‍ടിഎയുടെ പോസ്റ്റ്‌

Facing Issues with Live Photo Capture? | UGC-NET December 2026
Having trouble capturing your live photograph while filling out the application form?

Here are a few quick tips to help you:

Ensure proper lighting on your face.

Keep your background well-lit and clear.
Make sure only one face is visible in the frame.
If the issue continues, clear your browser cache or switch to a different browser or try in incognito mode.
Reopen your application form and try capturing your live photo again.

Visit:

https://t.co/Y7NeernoHZ
#UGCNET #UGCNET2026 #NTA #NTAUpdate

— National Testing Agency (@NTA_Exams) October 23, 2026

ആര്‍ക്കൊക്കെ അപേക്ഷിക്കാം?

യുജിസി അംഗീകൃത സർവലാശാലകളിൽ നിന്നോ സ്ഥാപനങ്ങളിൽ നിന്നോ മാസ്റ്റേഴ്സ് ബിരുദമോ തത്തുല്യ യോഗ്യതയോ നേടിയിട്ടുള്ള ജനറൽ / അൺറിസർവ്ഡ് / ജനറൽ-ഇഡബ്ല്യുഎസ് വിഭാഗങ്ങളിൽപ്പെട്ടവര്‍ക്ക്‌ പരീക്ഷയ്ക്ക് അപേക്ഷിക്കാം. കുറഞ്ഞത് 55% മാർക്കോടെ വിജയിച്ചരായിരിക്കണം അപേക്ഷകര്‍.

Also Read: NEET PG 2026: നീറ്റ് പിജി 2026: ഒന്നാം ഘട്ട കൗൺസിലിംഗ് സീറ്റ് അലോട്ട്മെന്റ് ഫലം പ്രസിദ്ധീകരിച്ചു, എങ്ങനെ പരിശോധിക്കാം?

മാസ്റ്റേഴ്സ് ബിരുദമോ അതിന് തുല്യമായ കോഴ്സോ പഠിച്ചുകൊണ്ടിരിക്കുന്നവർക്കും, മാസ്റ്റേഴ്സ് ബിരുദത്തിന്റെ അവസാന വർഷ പരീക്ഷ എഴുതി ഫലം കാത്തിരിക്കുന്നവർക്കും, അല്ലെങ്കിൽ യോഗ്യതാ പരീക്ഷകൾ വൈകിയതുമൂലം ഫലം വരാത്തവർക്കും ഈ പരീക്ഷയ്ക്ക് അപേക്ഷിക്കാവുന്നതാണ്.

അപേക്ഷിക്കേണ്ട വിധം

• യുജിസി നെറ്റിന്റെ ഔദ്യോഗിക വെബ്‌സൈറ്റായ ugcnet.nta.nic.in സന്ദർശിക്കുക.
• ഹോം പേജിൽ നൽകിയിട്ടുള്ള 'UGC NET ഡിസംബർ 2026 രജിസ്ട്രേഷൻ' ലിങ്കിൽ ക്ലിക്ക് ചെയ്യുക.
• തുറന്നു വരുന്ന പുതിയ പേജിൽ രജിസ്ട്രേഷൻ പൂർത്തിയാക്കുക.
• രജിസ്ട്രേഷൻ പൂർത്തിയായാൽ അപേക്ഷാ ഫോം പൂരിപ്പിക്കുക.
• അപേക്ഷാ ഫീസ് ഓൺലൈനായി അടയ്ക്കുക.
• 'Submit' ബട്ടണിൽ ക്ലിക്ക് ചെയ്ത് കൺഫർമേഷൻ പേജ് ഡൗൺലോഡ് ചെയ്യുക.
• ഭാവി ആവശ്യങ്ങൾക്കായി കൺഫർമേഷൻ പേജിന്റെ ഒരു പ്രിന്റ് ഔട്ട് എടുത്തു സൂക്ഷിക്കുക.

English Summary

The NTA will close the UGC NET December 2026 registration on October 28. Over 1.86 lakh candidates have registered for the examination so far. The agency has shared official guidelines to help candidates upload live photos smoothly. Candidates holding a Master's degree with 55% marks can apply online.

ഒക്ടോബറിലെ പൂജാ അവധികള്‍ക്ക് ശേഷം നവംബറില്‍ സ്‌കൂള്‍ കുട്ടികള്‍ക്ക് ലഭിക്കുന്ന അവധികള്‍ ഏതൊക്കെയാണെന്നറിയാന്‍ കാത്തിരിക്കുകയാണ് വിദ്യാര്‍ഥികളും രക്ഷിതാക്കളും. എന്നാല്‍ 2026 നവംബറില്‍ കേരളത്തിലെ സ്‌കൂളുകള്‍ക്ക് അധിക അവധികള്‍ കുറവായിരിക്കും. കേരളപ്പിറവി ദിനവും ദീപാവലിയും ഞായറാഴ്ച വരുന്നതിനാല്‍ ഈ ആഘോഷങ്ങള്‍ക്കായി പ്രത്യേകമായി മറ്റൊരു പ്രവൃത്തിദിന അവധി ലഭിക്കില്ല.

നവംബറിലെ ഞായറാഴ്ച അവധികള്‍

2026 നവംബറില്‍ അഞ്ച് ഞായറാഴ്ചകളുണ്ട്. നവംബര്‍ 1, 8, 15, 22, 29 തീയതികളിലാണ് ഞായറാഴ്ചകള്‍. സാധാരണയായി ഈ ദിവസങ്ങളില്‍ സ്‌കൂളുകള്‍ക്ക് അവധിയായിരിക്കും. നവംബര്‍ 1 ഞായറാഴ്ചയാണ് കേരളപ്പിറവി. നവംബര്‍ 8 ഞായറാഴ്ച ദീപാവലിയും വരുന്നു. അതിനാല്‍ ഈ രണ്ട് ആഘോഷങ്ങളും ഞായറാഴ്ചയായതിനാല്‍ വിദ്യാര്‍ഥികള്‍ക്ക് അധിക പ്രവൃത്തിദിന അവധി ലഭിക്കില്ല.

രണ്ടാം ശനിയും നാലാം ശനിയും

നവംബര്‍ 14 ശനിയാഴ്ചയാണ് രണ്ടാം ശനി. നവംബര്‍ 28 നാലാം ശനിയുമാണ്. ശനിയാഴ്ചകളില്‍ അവധിയുള്ള സ്‌കൂളുകളില്‍ ഈ ദിവസങ്ങളിലും ക്ലാസുകള്‍ ഉണ്ടായിരിക്കില്ല. എന്നാല്‍ ശനിയാഴ്ച പ്രവൃത്തിദിനമായി നിശ്ചയിച്ചിട്ടുള്ള സ്‌കൂളുകളില്‍ അതത് സ്ഥാപനങ്ങളുടെ അക്കാദമിക് കലണ്ടര്‍ പരിശോധിക്കണം.

നവംബറിലെ പ്രധാന ദിവസങ്ങള്‍

നവംബര്‍ 1- കേരളപ്പിറവി, ഞായറാഴ്ച

നവംബര്‍ 8- ദീപാവലി, ഞായറാഴ്ച

നവംബര്‍ 14- ശിശുദിനം, രണ്ടാം ശനി

നവംബര്‍ 15- ഞായറാഴ്ച

നവംബര്‍ 22- ഞായറാഴ്ച

നവംബര്‍ 28- നാലാം ശനി

നവംബര്‍ 29- ഞായറാഴ്ച

Also Read: NEET PG 2026: നീറ്റ് പിജി 2026: ഒന്നാം ഘട്ട കൗൺസിലിംഗ് സീറ്റ് അലോട്ട്മെന്റ് ഫലം പ്രസിദ്ധീകരിച്ചു, എങ്ങനെ പരിശോധിക്കാം?

നവംബറില്‍ അധിക സ്‌കൂള്‍ അവധി ഉണ്ടാകുമോ?

നിലവില്‍ ലഭ്യമായ വിവരങ്ങള്‍ പ്രകാരം നവംബറില്‍ കേരളത്തിലെ സ്‌കൂള്‍ വിദ്യാര്‍ഥികള്‍ക്ക് പ്രധാനമായും ഞായറാഴ്ചകളും ബാധകമായ ശനിയാഴ്ച അവധികളുമാണ് ലഭിക്കുക. ദീപാവലിക്കും കേരളപ്പിറവിക്കും പ്രത്യേക അവധി ലഭിക്കുന്ന തരത്തില്‍ തീയതികള്‍ ക്രമീകരിച്ചിട്ടില്ല. എന്നാല്‍ സര്‍ക്കാര്‍ ഉത്തരവുകളിലൂടെയോ വിദ്യാഭ്യാസ വകുപ്പിന്റെ അറിയിപ്പുകളിലൂടെയോ മാറ്റങ്ങള്‍ വന്നാല്‍ അവധി പട്ടികയില്‍ വ്യത്യാസമുണ്ടാകാം.

വിദ്യാര്‍ഥികളും രക്ഷിതാക്കളും സ്വന്തം സ്‌കൂളിന്റെ അക്കാദമിക് കലണ്ടറും വിദ്യാഭ്യാസ വകുപ്പിന്റെ ഔദ്യോഗിക അറിയിപ്പുകളും പരിശോധിച്ച് അവധി ദിവസങ്ങള്‍ ഉറപ്പാക്കണം. എല്ലാ സ്‌കൂളുകള്‍ക്കും ഒരേ ശനിയാഴ്ച പ്രവൃത്തിദിന ക്രമം ബാധകമാകണമെന്നില്ലെന്നതും ശ്രദ്ധിക്കണം.

English Summary

Kerala school holidays in November 2026 include Sundays and applicable second- and fourth-Saturday holidays. Kerala Piravi and Diwali fall on Sundays this year. Students and parents should check their school’s academic calendar and official announcements for any additional holidays.

രാജ്യത്തെ മെഡിക്കൽ പിജി പ്രവേശനത്തിനായുള്ള നീറ്റ് പിജി (NEET PG 2026) ഒന്നാം ഘട്ട കൗൺസിലിംഗ് സീറ്റ് അലോട്ട്മെന്റ് ഫലം മെഡിക്കൽ കൗൺസിലിംഗ് കമ്മിറ്റി (MCC) പ്രസിദ്ധീകരിച്ചു. എംബിബിഎസ് പൂർത്തിയാക്കി ഉപരിപഠനത്തിന് തയ്യാറെടുക്കുന്ന ആയിരക്കണക്കിന് ഉദ്യോഗാർത്ഥികൾക്കായി ഫലം ഔദ്യോഗിക പോർട്ടലിൽ ലഭ്യമാക്കിയിട്ടുണ്ട്. അലോട്ട്മെന്റ് പരിശോധിക്കേണ്ട രീതി, അലോട്ട്മെന്റ് ലെറ്റർ ഡൗൺലോഡ് ചെയ്യുന്ന വിധം, കോളേജ് റിപ്പോർട്ടിംഗ് തീയതികൾ എന്നിവ പരിശോധിക്കാം.

മെഡിക്കൽ കൗൺസിലിംഗ് കമ്മിറ്റി ഒക്ടോബർ 23നാണ് നീറ്റ് പിജിയുടെ കൗൺസിലിം​ഗ് ഒന്നാം റൗണ്ടിനായുള്ള താൽക്കാലിക ഫലം പ്രസിദ്ധീകരിച്ചത്. ഫലം പ്രസിദ്ധീകരിച്ച സാഹചര്യത്തിൽ ഉദ്യോഗാർത്ഥികൾക്ക് mcc.nic.in എന്ന വെബ്സൈറ്റ് വഴി സീറ്റ് അലോട്ട്മെന്റ് ഫലം പരിശോധിക്കാവുന്നതാണ്. ഒന്നാം റൗണ്ടിൽ 28,723 വിദ്യാർത്ഥികൾക്കാണ് സീറ്റുകൾ അനുവദിച്ചിരിക്കുന്നത്. സീറ്റ് ലഭിച്ച ഉദ്യോഗാർത്ഥികൾ, ഒക്ടോബർ 26 മുതൽ നവംബർ 2 വരെയുള്ള തീയതികൾക്കുള്ളിൽ അതാത് കോളേജുകളിൽ റിപ്പോർട്ട് ചെയ്യുകയും രേഖകളുടെ പരിശോധനാ നടപടികൾ പൂർത്തിയാക്കുകയും വേണം.

ALSO READ: എംബിബിഎസ്, ബിഡിഎസ് കോഴ്‌സുകളിലെ സ്‌ട്രേ വേക്കന്‍സി അലോട്ട്‌മെന്റ്; പ്രവേശനം 26 വരെ

അലോട്ട്‌മെന്റിന് ശേഷം അടുത്തതെന്ത്?

ഒന്നാം റൗണ്ട് അലോട്ട്മെൻ്റിൽ സീറ്റ് ലഭിച്ച ഉദ്യോഗാർത്ഥികൾ തങ്ങളുടെ സമ്മതം അറിയിക്കേണ്ടതുണ്ട്. ഇതിനായി അവർ ഫ്രീസ് അല്ലെങ്കിൽ ഫ്ലോട്ട് എന്നീ ഓപ്ഷനുകളിൽ ഒന്ന് തിരഞ്ഞെടുക്കണം. മുൻപ്, സീറ്റ് അലോട്ട്‌മെന്റ് വന്നതിന് ശേഷം ഉദ്യോഗാർത്ഥികൾ അനുവദിക്കപ്പെട്ട സ്ഥാപനത്തിൽ നേരിട്ടെത്തി റിപ്പോർട്ട് ചെയ്യേണ്ടതുണ്ടായിരുന്നു.

അനുവദിച്ച സീറ്റ് അപ്‌ഗ്രേഡ് ചെയ്യാൻ ആഗ്രഹിക്കാത്ത ഉദ്യോഗാർത്ഥികൾക്ക് ഫ്രീസ് ഓപ്ഷൻ തിരഞ്ഞെടുക്കാവുന്നതാണ്. ഇവർ ആവശ്യമായ രേഖകളുമായി തങ്ങൾക്ക് അനുവദിച്ച കോളേജിൽ ഹാജരാകേണ്ടതുണ്ട്. അടുത്ത റൗണ്ടിൽ തങ്ങൾക്ക് അനുവദിച്ച സീറ്റ് മെച്ചപ്പെടുത്താൻ ആഗ്രഹിക്കുന്ന ഉദ്യോഗാർത്ഥികൾക്ക് ഫ്ലോട്ട് എന്ന ഓപ്ഷൻ തിരഞ്ഞെടുക്കാവുന്നതാണ്. ഫ്രീസ് ഓപ്ഷൻ തിരഞ്ഞെടുക്കുന്നവർ ഓൺലൈനായി രേഖകളുടെ പരിശോധന പൂർത്തിയാക്കേണ്ടതുണ്ട്.

ഫലം എങ്ങനെ പരിശോധിക്കാം?

മെഡിക്കൽ കൗൺസിലിംഗ് കമ്മിറ്റിയുടെ ഔദ്യോഗിക വെബ്‌സൈറ്റായ mcc.nic.in സന്ദർശിക്കുക.

ഹോംപേജിൽ കാണുന്ന 'PG Medical Counselling' എന്ന ടാബിൽ ക്ലിക്ക് ചെയ്യുക.

'NEET PG 2026 Round 1 Seat Allotment Result / Provisional Result' എന്ന ലിങ്കിൽ ക്ലിക്ക് ചെയ്യുക.

നിങ്ങളുടെ NEET PG Roll Number നൽകി സെർച്ച് ചെയ്ത് അനുവദിക്കപ്പെട്ട കോളേജും കോഴ്സും പരിശോധിക്കാം.

NEET PG കൗൺസിലിംഗ് 2026: ആവശ്യമായ പ്രധാന രേഖകൾ

• NEET PG അഡ്മിറ്റ് കാർഡ്
• NEET PG സ്കോർകാർഡ്/റാങ്ക് ലെറ്റർ
• സീറ്റ് അലോട്ട്മെന്റ് ലെറ്റർ
• MBBS ബിരുദം/ പ്രൊവിഷണൽ സർട്ടിഫിക്കറ്റ്, എല്ലാ പ്രൊഫഷണൽ മാർക്ക് ഷീറ്റുകളും
• ഇന്റേൺഷിപ്പ് പൂർത്തിയാക്കിയ സർട്ടിഫിക്കറ്റ്
• മെഡിക്കൽ രജിസ്ട്രേഷൻ സർട്ടിഫിക്കറ്റ് (NMC/സ്റ്റേറ്റ് കൗൺസിൽ)
• ഫോട്ടോ പതിച്ച തിരിച്ചറിയൽ രേഖ
• ജനന തീയതി തെളിയിക്കുന്ന രേഖ
• പാസ്‌പോർട്ട് സൈസ് ഫോട്ടോകൾ
• SC/ST/OBC-NCL/EWS, PwBD സർട്ടിഫിക്കറ്റുകൾ
• സ്ഥിരതാമസ രേഖകൾ, NRI/സ്പോൺസർഷിപ്പ് രേഖകൾ
• ഫീസ് അടച്ച രസീതുകൾ/ ഡിമാൻഡ് ഡ്രാഫ്റ്റുകൾ
• സർവീസ് ബോണ്ടുകൾ
• മെഡിക്കൽ ഫിറ്റ്‌നസ് സർട്ടിഫിക്കറ്റുകൾ
• TC/മൈഗ്രേഷൻ സർട്ടിഫിക്കറ്റുകൾ

English Summary:

Medical Counselling Committee has released the provisional allotment result for round 1 of counselling. As per the details available, 28,728 candidates have been allotted seats to various MD and MS programmes.

എംബിബിഎസ്, ബിഡിഎസ് കോഴ്‌സുകളിലേക്കുള്ള സ്‌ട്രേ വേക്കന്‍സി അലോട്ട്‌മെന്റ് പുറത്തുവിട്ടു. പ്രവേശന പരീക്ഷാ കമ്മീഷണറുടെ ഔദ്യോഗിക വെബ്‌സൈറ്റായ http://www.cee.kerala.gov.in/ -ല്‍ പരിശോധിക്കാം. അലോട്ട്‌മെന്റുമായി ബന്ധപ്പെട്ട വിശദാംശങ്ങള്‍ക്ക് വിദ്യാര്‍ത്ഥികള്‍ക്ക് ഹോം പേജിലൂടെ ലഭ്യമാകും. ഹോം പേജില്‍ നിന്ന് അലോട്ട്‌മെന്റ് മെമ്മോയുടെ പ്രിന്റ് എടുത്ത് ഉപയോഗിക്കാം. വിദ്യാര്‍ത്ഥിയുടെ പേര്, റോള്‍ നമ്പര്‍, കോഴ്‌സ്, കോളേജ്, കാറ്റഗറി, ഫീസ് തുടങ്ങിയ വിശദാംശങ്ങള്‍ ഈ മെമ്മോയിലുണ്ടാകും. സ്‌ട്രേ വേക്കന്‍സി അലോട്ട്‌മെന്റ് പ്രകാരം അലോട്ട്‌മെന്റ് കിട്ടിയവര്‍, മെമ്മോയില്‍ രേഖപ്പെടുത്തിയ ഫീസ് അടച്ചശേഷം അലോട്ട്‌മെന്റ് ലഭിച്ച കോളേജില്‍ ഒക്ടോബര്‍ 26-ന് വൈകിട്ട് നാലു മണിക്ക് മുമ്പ് അഡ്മിഷന്‍ നേടണം.

അലോട്ട്‌മെന്റ് ലഭിക്കുന്ന എസ്‌സി/എസ്ടി/ഒഇസി വിഭാഗങ്ങളിലെ വിദ്യാര്‍ത്ഥികള്‍, മത്സ്യത്തൊഴിലാളികളുടെ മക്കള്‍, ഒഇസി വിഭാഗങ്ങള്‍ക്ക് ലഭ്യമായ ആനുകൂല്യങ്ങള്‍ക്ക് അര്‍ഹമായ സമുദായങ്ങളില്‍പെട്ട വിദ്യാര്‍ത്ഥികള്‍, ഫീസ് ആനുകൂല്യത്തിന് അര്‍ഹരായവര്‍, ശ്രീചിത്തിര ഹോം, ജുവനൈല്‍ ഹോം, നിര്‍ഭയ ഹോം എന്നിവിടങ്ങളിലെ വിദ്യാര്‍ത്ഥികള്‍ എന്നിവര്‍ ട്യൂഷന്‍ ഫീസ് അടയ്‌ക്കേണ്ടതില്ല.

എന്നാല്‍ ഇത്തരത്തിലുള്ള വിദ്യാര്‍ത്ഥികള്‍ സ്വാശ്രയ മെഡിക്കല്‍/ഡെന്റല്‍ കോളേജുകളിലെ മൈനോറിറ്റി/എന്‍ആര്‍ഐ സീറ്റുകളില്‍ അലോട്ട്‌മെന്റ് ലഭിക്കുന്ന പക്ഷം, മെമ്മോയില്‍ രേഖപ്പെടുത്തിയിട്ടുള്ള പ്രകാരമുള്ള ഫീസ് അടയ്ക്കണം. അത്തരം സാഹചര്യങ്ങളില്‍ ഫീസ് ഇളവിന് അര്‍ഹതയുണ്ടാകില്ല.

ഡാറ്റാ ഷീറ്റ്

അലോട്ട്‌മെന്റ് ലഭിച്ച വിദ്യാര്‍ത്ഥികള്‍ ഹോം പേജിലൂടെ ഡാറ്റാ ഷീറ്റ് ഡൗണ്‍ലോഡ് ചെയ്‌തെടുക്കണം. അഡ്മിഷന്‍ സമയത്ത് ഡാറ്റാ ഷീറ്റ് കോളേജ് അധികാരികളുടെ മുമ്പാകെ ഹാജരാക്കണം. നിലവില്‍ അലോട്ട്‌മെന്റ് ലഭിച്ചവരെല്ലാം പ്രസ്തുത കോളേജുകളില്‍ നിശ്ചിത സമയപരിധിക്കുള്ളില്‍ പ്രവേശനം നേടണം. നിശ്ചിത സമയത്തിനുള്ളില്‍ അഡ്മിഷന്‍ നേടാത്തവരുടെ അലോട്ട്‌മെന്റ് റദ്ദാക്കും.

Also Read: KEAM 2026: എംബിബിഎസ്, ബിഡിഎസ് സ്‌ട്രേ വേക്കന്‍സി താല്‍ക്കാലിക അലോട്ട്‌മെന്റ് പുറത്ത്‌; പരാതികള്‍ അറിയിക്കാം

സ്‌ട്രേ വേക്കന്‍സി അലോട്ട്‌മെന്റിലൂടെ അലോട്ട്‌മെന്റ് ലഭിച്ചശേഷം നിശ്ചിത തീയതിക്കുള്ളില്‍ അഡ്മിഷന്‍ നേടാത്തവരുടെയും, ഈ അലോട്ട്‌മെന്റിലൂടെയോ മുന്‍ അലോട്ട്‌മെന്റുകളിലൂടെയോ അഡ്മിഷന്‍ നേടിയശേഷം വിടുതല്‍ വാങ്ങുന്നവരുടെയും ബാധകമായ രജിസ്‌ട്രേഷന്‍ ഫീസ് പിഴയായി കണക്കാക്കും. ഈ തുക തിരികെ നല്‍കില്ല. കൂടാതെ, ഇത്തരം വിദ്യാര്‍ത്ഥികളില്‍ നിന്ന് പിഴ ഈടാക്കും.

പ്രോസ്‌പെക്ടസിലെ ക്ലോസ് 12.2.4 പ്രകാരമുള്ള പിഴയാകും ഈടാക്കുന്നത്. അഡ്മിഷനുമായി ബന്ധപ്പെട്ട സര്‍ക്കാര്‍ ഉത്തരവുകളും അലോട്ട്‌മെന്റുമായി ബന്ധപ്പെട്ടുള്ള വിശദാംശങ്ങളും പ്രവേശന പരീക്ഷാ കമ്മീഷണറുടെ വെബ്‌സൈറ്റില്‍ ലഭ്യമാണ്. ഹെല്‍പ്‌ലൈന്‍ നമ്പര്‍: 0471 2332120.

English Summary

The KEAM 2026 stray vacancy allotment for MBBS and BDS courses has been published. Students can check their allotment details and download their memo from the official website. Candidates who received an allotment must join their designated college with required documents by October 26, 2026, 4:00 PM. Failure to take admission within this deadline will result in the cancellation of the allotment and a penalty.

കൊച്ചി മെട്രോ റെയിൽ ലിമിറ്റഡ് (KMRL) 2026-27 വർഷത്തേക്കുള്ള അപ്രന്റീസ്ഷിപ്പ് പരിശീലനത്തിന് അപേക്ഷ ക്ഷണിച്ചു. ഐടിഐ, ഡിപ്ലോമ, ബിടെക്, ബികോം, ബിബിഎ, ബിസിഎ യോഗ്യതയുള്ളവർക്ക് അപേക്ഷിക്കാവുന്നതാണ്. ഒരു വർഷമാണ് പരിശീലന കാലാവധി. ആകെ 70 അപ്രന്റീസ് തസ്തികകളിലാണ് ഒഴിവുകളുള്ളത്. അപേക്ഷകൾ സമർപ്പിക്കേണ്ട അവസാന തീയതി നവംബർ 10 വരെയാണ്. തിരഞ്ഞെടുക്കപ്പെടുന്ന അപ്രന്റിസുകൾക്ക് ഒരു വർഷത്തെ പ്രായോഗിക പരിശീലനം ഉണ്ടായിരിക്കും.

1961-ലെ അപ്രന്റിസ്‌സ് നിയമപ്രകാരം, ഗ്രാജ്വേറ്റ് ടെക്‌നിക്കൽ വിഭാഗത്തിൽ 16 ഒഴിവുകളും, ഗ്രാജ്വേറ്റ് നോൺ-ടെക്‌നിക്കൽ വിഭാഗത്തിൽ 6 ഒഴിവുകളും, ഡിപ്ലോമ ടെക്‌നീഷ്യൻ വിഭാഗത്തിൽ 28 ഒഴിവുകളും, ITI ട്രേഡ് അപ്രന്റിസ് വിഭാഗത്തിൽ 20 ഒഴിവുകളുമാണ് നികത്തുന്നതിനായാണ് ഇപ്പോൾ അപേക്ഷ ക്ഷണിച്ചിരിക്കുന്നത്. പരിശീലൻ കാലയളവിൽ പ്രതിമാസം 9,600 രൂപ മുതൽ 12,300 രൂപ വരെ സ്റ്റൈപ്പൻഡും, കൂടാതെ ഭക്ഷണച്ചെലവിനായി പ്രതിമാസം 1,200 രൂപയും ലഭിക്കും.

ALSO READ: മിലിട്ടറി സ്കൂളും സൈനിക് സ്കൂളും തമ്മിലുള്ള വ്യത്യാസം എന്ത്? പ്രവേശന പരീക്ഷയും ഫീസും അറിയാം

യോ​ഗ്യതയും മറ്റ് വിവരങ്ങളും

അപേക്ഷകർ നിശ്ചിത യോഗ്യതാ കോഴ്‌സ് അംഗീകൃത സ്ഥാപനങ്ങളിൽ നിന്ന് ഫുൾ-ടൈം റെഗുലർ പഠനത്തിലൂടെ തന്നെ പൂർത്തിയാക്കിയിരിക്കണം. അപേക്ഷിക്കുന്ന തീയതിക്ക് മുൻപ് 5 വർഷത്തിനുള്ളിൽ (2021 ശേഷമുള്ളവർ) വിജയകരമായി കോഴ്‌സ് പാസായവരായിരിക്കണം. അപേക്ഷകർക്ക് കുറഞ്ഞത് 18 വയസ്സ് പൂർത്തിയായിരിക്കണം. തസ്തികകളിലേക്ക് എഴുത്തുപരീക്ഷയോ അഭിമുഖമോ ഉണ്ടാകില്ല. പരീക്ഷയിലെ മാർക്കിന്റെ അടിസ്ഥാനത്തിൽ അപേക്ഷകരെ ഷോർട്ട്‌ലിസ്റ്റ് ചെയ്ത ശേഷമായിരിക്കും സർട്ടിഫിക്കറ്റ് പരിശോധനയ്ക്ക് വിളിക്കുക.

അപേക്ഷിക്കേണ്ട വിധം

സ്റ്റെപ്പ് 1: ITI ട്രേഡുകാർക്കായിട്ടുള്ള NAPS പോർട്ടലിലോ (https://apprenticeshipindia.gov.in) അല്ലെങ്കിൽ ഡിഗ്രി/ഡിപ്ലോമക്കാർക്കായിട്ടുള്ള NATS പോർട്ടലിലോ (https://nats.education.gov.in/) കയറി പ്രൊഫൈൽ രജിസ്റ്റർ ചെയ്യണം.

സ്റ്റെപ്പ് 2: രജിസ്ട്രേഷൻ നമ്പർ ലഭിച്ച ശേഷം, വിജ്ഞാപനത്തോടൊപ്പമുള്ള ബയോഡാറ്റ ഫോം പൂരിപ്പിച്ച് താഴെ പറയുന്ന വിലാസത്തിലേക്ക് ആവശ്യമായ രേഖകൾ സഹിതം അയക്കുക. ''General Manager (HR, ADMN & TRG), Kochi Metro Rail Ltd., Corporate Office, 4th Floor, JLN Stadium Metro Station, Kaloor, Kochi, Kerala - 682017''. കൂടുതൽ വിവരങ്ങൾക്ക് kochimetro.org എന്ന വെബ്സൈറ്റ് സന്ദർശിക്കുക.

ഗ്രാജുവേറ്റ് അപ്രന്റീസ് - നോൺ-ടെക്നിക്കൽ വിഭാ​ഗം: ബിബിഎ, ബികോം, ബിസിഎ എന്നീ കോഴ്സ് ചെയ്തവർക്ക് മാത്രമാണ് ഈ തസ്തികയിലേക്ക് അപേക്ഷിക്കാൻ സാധിക്കു.

ഡിപ്ലോമ ടെക്നീഷ്യൻ അപ്രന്റീസ് വിഭാ​ഗം: ഡിപ്ലോമ ഇൻ സിവിൽ എഞ്ചിനീയറിങ്, ഡിപ്ലോമ ഇൻ ഇലക്ട്രിക്കൽ എഞ്ചിനീയറിങ്, ഡിപ്ലോമ ഇൻ മെക്കാനിക്കൽ എഞ്ചിനീയറിങ്, ഡിപ്ലോമ ഇൻ ഇലക്ട്രോണിക്സ് എഞ്ചിനീയറിങ്, ഡിപ്ലോമ ഇൻ കംപ്യുട്ടർ സയൻസ് എന്നീ കോഴ്സ് ചെയ്തവർക്ക് മാത്രമാണ് ഈ തസ്തികയിലേക്ക് അപേക്ഷിക്കാൻ സാധിക്കു.

ട്രേഡ് അപ്രന്റീസ് വിഭാ​ഗം: ഇലക്ട്രീഷ്യൻ, ഇലക്ട്രോണിക്സ്, വെൽഡർ, ഫിറ്റർ, പ്ലംബർ എന്നീ ഐടിഐ ട്രേഡുകൾ ചെയ്തവർക്ക് മാത്രമാണ് ഈ തസ്തികയിലേക്ക് അപേക്ഷിക്കാൻ സാധിക്കു.

English Summary:

Kochi Metro Rail Limited (KMRL), a joint venture of the Government of India and the Government of Kerala, is offering 70 apprenticeship opportunities for engineering graduates, BBA, B.Com and BCA graduates, diploma holders and ITI-qualified candidates.

കോട്ടയം: മഹാത്മാഗാന്ധി സർവകലാശാലയും വെള്ളിയാഴ്ച (ഒക്ടോബർ 23 -ഇന്ന്) നടത്താനിരുന്ന എല്ലാ പരീക്ഷകളും മാറ്റിവെച്ചതായി അറിയിച്ചു (MG And Calicut University Exams Postponed). പുതുക്കിയ തീയതികൾ പിന്നീട് അറിയിക്കുമെന്ന് സർവകലാശാല വ്യക്തമാക്കി. ആദ്യം കാലിക്കറ്റ് സർവ​കലാശാലയാണ് വെള്ളിയാഴ്ച നടത്താനിരുന്ന എല്ലാ പരീക്ഷകൾ മാറ്റിവെച്ചത്. ഇതിന് പിന്നാലെയാണ് മഹാത്മാഗാന്ധി സർവകലാശാലയിൽ നിന്നുള്ള അറിയിപ്പ് പുറത്തുവന്നത്.

കാലാവസ്ഥ സംബന്ധമായ പ്രശ്നങ്ങൾ മൂലം നേരിട്ട സാങ്കേതിക തടസ്സങ്ങളാലാണ് കാലിക്കറ്റ് സർവകലാശാല പരീക്ഷ മാറ്റിവെച്ചത്. അതേസമയം വെള്ളിയാഴ്ച നടത്താൻ നിശ്ചയിച്ചിട്ടുള്ള ഇന്റേണൽ, പ്രാക്റ്റിക്കൽ, വൈവ വോസി പരീക്ഷകൾക്ക് മാറ്റമില്ലാതെ നടക്കുമെന്ന് അധികൃതർ അറിയിച്ചു. പുതുക്കിയ തീയതി പിന്നീട് അറിയിക്കുമെന്നും മറ്റു ദിവസങ്ങളിലെ പരീക്ഷകൾ മുൻനിശ്ചയിച്ച പ്രകാരം നടത്തുമെന്നും കാലിക്കറ്റ് സർവകലാശാല രജിസ്ട്രാർ അറിയിച്ചു. കൂടുതൽ വിവരങ്ങൾക്കായി സർവകലാശാലകളുടെ ഔദ്യോഗിക വെബ്‌സൈറ്റുകൾ പരിശോധിക്കുക.

ALSO READ: കാലിക്കറ്റ് സർവകലാശാല പരീക്ഷകൾ മാറ്റിവച്ചു

വ്യാഴാഴ്ച വൈകുന്നേരമുണ്ടായ ശക്തമായ ഇടിമിന്നലിൽ ബിഎസ്എൻഎൽ ഇന്റർനെറ്റ് സെർവർ തകരാറിലായതാണ് പരീക്ഷകൾ മാറ്റാൻ കാരണം. മാറ്റിവെച്ച പരീക്ഷകളുടെ പുതുക്കിയ തീയതികളും പരിഷ്കരിച്ച സമയക്രമവും പിന്നീട് സർവകലാശാലാ ഒഫീഷ്യൽ വെബ്‌സൈറ്റുകൾ വഴി ഔദ്യോഗികമായി അറിയിക്കുന്നതാണ്.

സംസ്ഥാനത്തെ ഇന്നത്തെ കാലാവസ്ഥ

സംസ്ഥാനത്ത് അതിതീവ്ര മഴയ്ക്കുള്ള മുന്നറിയിപ്പുമായി കേന്ദ്ര കാലാവസ്ഥ വകുപ്പ്. ഇതിൻ്റെ അടിസ്ഥാനത്തിൽ വിവിധ ജില്ലകളിൽ ഓറഞ്ച് യെല്ലോ അലർട്ടുകൾ പ്രഖ്യാപിച്ചിട്ടുണ്ട്. ഇന്ന് മാത്രം 9 ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് ഓറഞ്ച് അലർട്ട് നിലനിൽക്കുന്നത്. ആലപ്പുഴ, എറണാകുളം, തൃശ്ശൂർ, പാലക്കാട്, മലപ്പുറം ജില്ലകളിൽ യെല്ലോ അലർട്ടാണ് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.

ഇടിമിന്നൽ ജാഗ്രതാ നിർദേശം

കേരളത്തിൽ ഒറ്റപ്പെട്ടയിടങ്ങളിൽ ഇന്ന് മുതൽ 24 വരെ ഇടിമിന്നലോട് കൂടിയ മഴയ്ക്കും മണിക്കൂറിൽ 30- 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും. ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.

ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല. അതുപോലെ തന്നെ ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്. ഇടിമിന്നൽ ഉണ്ടാകുമ്പോൾ ജലാശയത്തിൽ മീൻ പിടിക്കാനോ കുളിക്കാനോ ഇറങ്ങുവാൻ പാടില്ല.

English Summary:

MG University and Calicut University have postponed all theory examinations scheduled for today, October 23. Calicut University deferred theory exams due to a major BSNL server breakdown triggered by heavy lightning.

കോഴിക്കോട്: കാലാവസ്ഥാസംബന്ധമായ പ്രശ്നങ്ങൾ മൂലം നേരിട്ട സാങ്കേതിക തടസ്സങ്ങളെ തുടർന്ന് കാലിക്കറ്റ് സർവ​കലാശാല നാളെ നടത്താനിരുന്ന എല്ലാ പരീക്ഷകളും മാറ്റിവച്ചതായി അ‌റിയിപ്പ്. അതേ സമയം നാളെ നടത്താൻ നിശ്ചയിച്ചിട്ടുള്ള ഇന്റേണൽ, പ്രാക്റ്റിക്കൽ, വൈവ വോസി പരീക്ഷകൾക്ക് മാറ്റമുണ്ടായിരിക്കുന്നതല്ല. മാറ്റിവച്ച പരീക്ഷകളുടെ പുതുക്കിയ തീയതി പിന്നീട് അറിയിക്കും. മറ്റു ദിവസങ്ങളിലെ പരീക്ഷകൾ മുൻനിശ്ചയിച്ച പ്രകാരം നടത്തപ്പെടുമെന്നും രജിസ്ട്രാർ അറിയിച്ചു.

സിഎ ഇന്റർമീഡിയറ്റ് ഫലം പ്രസിദ്ധീകരിച്ചു

ഐസിഎഐ സിഎ ഇന്റർമീഡിയറ്റ് സെപ്റ്റംബർ 2026 പരീക്ഷാഫലം പുറത്തുവിട്ടു. ആകെ 14,818 ഉദ്യോഗാർഥികളാണ് ഇത്തവണ പരീക്ഷയിൽ വിജയിച്ചത്. ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്റ്സ് ഓഫ് ഇന്ത്യയുടെ (ഐ.സി.എ.ഐ.) ഔദ്യോഗിക വെബ്‌സൈറ്റായ caresults.icai.org-ലൂടെ ഉദ്യോഗാർഥികൾക്ക് ഫലം പരിശോധിക്കാം. ഗ്രൂപ്പ് I-ൽ 23.14 ശതമാനവും ഗ്രൂപ്പ് II-ൽ 18.92 ശതമാനവുമാണ് വിജയം.

Also Read: മിലിട്ടറി സ്കൂളും സൈനിക് സ്കൂളും തമ്മിലുള്ള വ്യത്യാസം എന്ത്? പ്രവേശന പരീക്ഷയും ഫീസും അറിയാം

രണ്ട് ഗ്രൂപ്പുകളും ഒരുമിച്ച് എഴുതിയവരിൽ 13.21 ശതമാനം പേർ വിജയം നേടി. ഗ്രൂപ്പ് I-ൽ പങ്കെടുത്ത 1,00,301 പേരിൽ 23,210 പേരും ഗ്രൂപ്പ് II എഴുതിയ 68,400 പേരിൽ 12,938 പേരും വിജയിച്ചു. രണ്ട് ഗ്രൂപ്പുകളും എഴുതിയ 38,339 പേരിൽ 5,066 പേരാണ് പാസായത്.

മുംബൈയിൽ നിന്നുള്ള നീൽ രാജേഷ് ഷാ, നാസിക്കിൽ നിന്നുള്ള സാക്ഷി ചന്ദക് എന്നിവർ 600-ൽ 502 മാർക്ക് (83.67%) നേടി അഖിലേന്ത്യാ തലത്തിൽ ഒന്നാം റാങ്ക് പങ്കിട്ടു. ചെന്നൈയിൽ നിന്നുള്ള ശ്രുതി വി 492 മാർക്കോടെ (82%) രണ്ടാം റാങ്കും സുറത്തിൽ നിന്നുള്ള പ്രേം അഗർവാൾ 490 മാർക്കോടെ (81.67%) മൂന്നാം റാങ്കും കരസ്ഥമാക്കി. വിജയിച്ച ഉദ്യോഗാർഥികൾക്ക് സിഎ ഫൈനൽ ഘട്ടത്തിലേക്ക് പ്രവേശിക്കാം.

ഫലം എങ്ങനെ ഓ​ൺ​ലൈനായി പരിശോധിക്കാം?

caresults.icai.org എന്ന ഔദ്യോഗിക വെബ്‌സൈറ്റ് സന്ദർശിക്കുക. തുടർന്ന് ഹോംപേജിലുള്ള 'ICAI CA Inter Result 2026' എന്ന ലിങ്കിൽ ക്ലിക്ക് ചെയ്യുക. ശേഷം രജിസ്ട്രേഷൻ നമ്പറും റോൾ നമ്പറും നൽകുക. തുടർന്ന് സ്ക്രീനിൽ കാണുന്ന ക്യാപ്ച കോഡ് നൽകി Submit -ൽ ക്ലിക്ക് ചെയ്യുക. അ‌പ്പോൾ സ്കോർകാർഡ് സ്ക്രീനിൽ തെളിയും. ഇത് ഡൗൺലോഡ് ചെയ്ത് പ്രിന്റ് എടുത്ത് സൂക്ഷിക്കാവുന്നതാണ്.

English Summary

Due to technical issues, the University of Calicut has announced the postponement of all examinations that were scheduled for October 23. However, internal, practical, and viva voce examinations scheduled for tomorrow will remain unchanged. The revised dates for the postponed examinations will be announced later.

രാജ്യത്തെ സേവിക്കണമെന്ന ആഗ്രഹമുള്ള കുട്ടികള്‍ക്കും അവരെ പ്രതിരോധസേനയുടെ ഭാഗമാക്കാന്‍ ആഗ്രഹിക്കുന്ന മാതാപിതാക്കള്‍ക്കും മുന്നിലുള്ള പ്രധാന സംശയമാണ് മിലിട്ടറി സ്‌കൂളില്‍ പഠിക്കണോ സൈനിക് സ്‌കൂളില്‍ ചേരണോ എന്നത്. അച്ചടക്കം, പഠനം, കായിക പരിശീലനം, നേതൃത്വപാടവം, സ്വയംപര്യാപ്തത എന്നിവയ്ക്ക് ഒരുപോലെ പ്രാധാന്യം നല്‍കുന്ന സ്ഥാപനങ്ങളാണ് ഇവ രണ്ടും. എന്നാല്‍ പ്രവേശന നടപടികള്‍, ഫീസ്, ഭരണസംവിധാനം, പ്രവേശന പരീക്ഷ എന്നിവയില്‍ ചില വ്യത്യാസങ്ങളുണ്ട്.

പ്രതിരോധസേനയില്‍ ചേരാന്‍ ആഗ്രഹിക്കുന്ന കുട്ടികള്‍ക്ക് അനുയോജ്യമായ അന്തരീക്ഷം ഒരുക്കാന്‍ ഇത്തരം സ്‌കൂളുകള്‍ക്ക് കഴിയും. എന്നാല്‍ ഇവിടെ പഠിച്ചതുകൊണ്ടുമാത്രം സൈന്യത്തില്‍ ജോലി ലഭിക്കുമെന്ന് ഉറപ്പില്ല. കുട്ടിയുടെ പഠനമികവ്, ശാരീരികവും മെഡിക്കല്‍പരവുമായ യോഗ്യത, മത്സരപ്പരീക്ഷകളിലെ പ്രകടനം, തിരഞ്ഞെടുപ്പ് നടപടികള്‍ എന്നിവയെല്ലാം ഭാവിയിലെ അവസരങ്ങളെ സ്വാധീനിക്കും.

മിലിട്ടറി സ്‌കൂളും സൈനിക് സ്‌കൂളും തമ്മിലുള്ള വ്യത്യാസങ്ങള്‍

ഇന്ത്യയില്‍ റാഷ്ട്രീയ മിലിട്ടറി സ്‌കൂളുകളും സൈനിക് സ്‌കൂളുകളും പ്രതിരോധസേനയില്‍ ചേരാന്‍ ആഗ്രഹിക്കുന്ന കുട്ടികള്‍ക്കിടയില്‍ ശ്രദ്ധേയമായ വിദ്യാഭ്യാസ സ്ഥാപനങ്ങളാണ്. രണ്ടും അച്ചടക്കമുള്ള പഠനാന്തരീക്ഷം നല്‍കുന്നുണ്ടെങ്കിലും പ്രവേശന രീതിയിലും ഭരണസംവിധാനത്തിലും വ്യത്യാസങ്ങളുണ്ട്. റാഷ്ട്രീയ മിലിട്ടറി സ്‌കൂളുകള്‍ പ്രതിരോധ മന്ത്രാലയത്തിന് കീഴിലാണ് പ്രവര്‍ത്തിക്കുന്നത്. ഇവിടേക്കുള്ള പ്രവേശനത്തിന് റാഷ്ട്രീയ മിലിട്ടറി സ്‌കൂള്‍ കോമണ്‍ എന്‍ട്രന്‍സ് ടെസ്റ്റ് അഥവാ RMS CET എഴുതണം.

Also Read: KEAM 2026: എംബിബിഎസ്, ബിഡിഎസ് സ്‌ട്രേ വേക്കന്‍സി താല്‍ക്കാലിക അലോട്ട്‌മെന്റ് പുറത്ത്‌; പരാതികള്‍ അറിയിക്കാം

സൈനിക് സ്‌കൂളുകള്‍ സൈനിക് സ്‌കൂള്‍സ് സൊസൈറ്റിയുടെ കീഴിലാണ് പ്രവര്‍ത്തിക്കുന്നത്. പ്രതിരോധ മന്ത്രാലയത്തിന്റെ മേല്‍നോട്ടത്തിലുള്ള ഈ സംവിധാനത്തില്‍ പ്രവേശനം നേടാന്‍ അഖിലേന്ത്യാ സൈനിക് സ്‌കൂള്‍ പ്രവേശന പരീക്ഷയായ AISSEE എഴുതണം. നാഷണല്‍ ടെസ്റ്റിങ് ഏജന്‍സിയാണ് ഈ പരീക്ഷ നടത്തുന്നത്. രണ്ട് വിഭാഗങ്ങളിലെയും സ്‌കൂളുകള്‍ പൊതുവെ സിബിഎസ്ഇ പാഠ്യപദ്ധതിയാണ് പിന്തുടരുന്നത്. ആറാം ക്ലാസ്, ഒമ്പതാം ക്ലാസ് എന്നിവിടങ്ങളിലേക്കാണ് പ്രധാനമായും പ്രവേശനം. പെണ്‍കുട്ടികള്‍ക്കുള്ള സീറ്റുകള്‍, പ്രായപരിധി, സംവരണം, മറ്റ് യോഗ്യതകള്‍ എന്നിവ ബന്ധപ്പെട്ട വര്‍ഷത്തെ ഔദ്യോഗിക വിജ്ഞാപനത്തിന് അനുസരിച്ചായിരിക്കും.

ഫീസ് എത്ര വരും?

മിലിട്ടറി സ്‌കൂളും സൈനിക് സ്‌കൂളും തിരഞ്ഞെടുക്കുമ്പോള്‍ ട്യൂഷന്‍ ഫീസ് മാത്രം നോക്കിയാല്‍ പോരാ. ഹോസ്റ്റല്‍ ചെലവ്, ഭക്ഷണം, യൂണിഫോം, പുസ്തകങ്ങള്‍, മറ്റ് നിര്‍ബന്ധിത ഫീസുകള്‍ എന്നിവയും കണക്കിലെടുക്കണം. സൈനിക് സ്‌കൂളുകളില്‍ സ്ഥാപനത്തിനും വിദ്യാര്‍ഥിയുടെ വിഭാഗത്തിനും അനുസരിച്ച് ഫീസ് വ്യത്യാസപ്പെടാം. റാഷ്ട്രീയ മിലിട്ടറി സ്‌കൂളുകളിലും ബാധകമായ നിയമങ്ങളും വിദ്യാര്‍ഥിയുടെ വിഭാഗവും അനുസരിച്ച് ഫീസില്‍ മാറ്റമുണ്ടാകാം. പ്രതിരോധസേനാംഗങ്ങളുടെ കുട്ടികള്‍ക്കും മറ്റ് അര്‍ഹരായ വിദ്യാര്‍ഥികള്‍ക്കും ചില ഇളവുകള്‍ ലഭിക്കാന്‍ സാധ്യതയുണ്ട്.

English Summary

Military schools and Sainik schools offer disciplined education for students aspiring to join the armed forces. Learn about their admission exams, fees, eligibility criteria and key differences to help choose the right school.

കേരളത്തിലെ സര്‍ക്കാര്‍ മെഡിക്കല്‍/ഡെന്റല്‍ കോളേജുകളിലെയും സ്വാശ്രയ മെഡിക്കല്‍/ഡെന്റല്‍ കോളേജുകളിലെയും 2026-ലെ എംബിബിഎസ്/ബിഡിഎസ് കോഴ്‌സുകളിലെ സംസ്ഥാന ക്വാട്ടാ സീറ്റുകളിലേക്കുള്ള താല്‍ക്കാലിക സ്‌ട്രേ വേക്കന്‍സി അലോട്ട്‌മെന്റ് പ്രസിദ്ധീകരിച്ചു. പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്‌സൈറ്റില്‍ അലോട്ട്‌മെന്റ് ലഭ്യമാണ്. 'കീം 2026-കാന്‍ഡിഡേറ്റ് പോര്‍ട്ടലി'ലെ 'അലോട്ട്‌മെന്റ് ലിസ്റ്റ്' എന്ന മെനു ക്ലിക്ക് ചെയ്താല്‍ താല്‍ക്കാലിക അലോട്ട്‌മെന്റ് ലിസ്റ്റ് പരിശോധിക്കാം. ഈ ലിസ്റ്റുമായി ബന്ധപ്പെട്ട് സാധുവായ പരാതികളുണ്ടെങ്കില്‍ പ്രവേശന പരീക്ഷാ കമ്മീഷണറുടെ ceekinfo.cee@kerala.gov.in എന്ന ഇ-മെയില്‍ വഴി അറിയിക്കാം. നാളെ (ഒക്ടോബര്‍ 22) ഉച്ചയ്ക്ക് ഒരു മണിക്ക് മുമ്പായി പരാതികള്‍ അറിയിക്കണം.

താല്‍ക്കാലിക അലോട്ട്‌മെന്റ് സൂചന മാത്രമാണ്. അതുകൊണ്ട് മാറ്റങ്ങള്‍ക്ക് വിധേയമാണ്. അന്തിമ അലോട്ട്‌മെന്റ് പ്രകാരമുള്ള അലോട്ട്‌മെന്റ് ലഭിച്ചതിനുശേഷം മാത്രമേ വിദ്യാര്‍ത്ഥികള്‍ ബന്ധപ്പെട്ട കോളേജുകളെ സമീപിക്കാവൂ. സംശയങ്ങളുണ്ടെങ്കില്‍ 0471-2332120 എന്ന ഹെല്‍പ്‌ലൈന്‍ നമ്പറില്‍ വിളിക്കാം.

2026-27 അധ്യയന വര്‍ഷത്തെ എംബിബിഎസ്/ബിഡിഎസ് കോഴ്‌സുകളുടെ മൂന്നാംഘട്ട അലോട്ട്‌മെന്റിന് ശേഷം ഒഴിവുള്ള സീറ്റുകള്‍ നികത്തുന്നതിനാണ് സ്‌ട്രേ വേക്കന്‍സി ഫില്ലിങ് അലോട്ട്‌മെന്റ് നടത്തുന്നത്. ഇതിനായി മെഡിക്കല്‍ റാങ്ക് ലിസ്റ്റില്‍ ഉള്‍പ്പെട്ടിട്ടുള്ള വിദ്യാര്‍ത്ഥികള്‍ക്ക് ഒക്ടോബര്‍ 20-ന് വൈകുന്നേരം ആറു മണി വരെ ഓണ്‍ലൈനായി ഓപ്ഷനുകള്‍ രജിസ്റ്റര്‍ ചെയ്യാന്‍ സാവകാശം അനുവദിച്ചിരുന്നു.

Also Read: KEAM 2026: മെഡിക്കല്‍ പ്രവേശനം നേടാന്‍ ഒരു അവസരം കൂടി; പുതുതായി ഓപ്ഷനുകള്‍ രജിസ്റ്റര്‍ ചെയ്യാം

അന്തിമ അലോട്ട്‌മെന്റ് എപ്പോള്‍?

ഒക്ടോബര്‍ 22-ന് അന്തിമ അലോട്ട്‌മെന്റ് പ്രസിദ്ധീകരിക്കുമെന്നാണ് ഷെഡ്യൂളില്‍ വ്യക്തമാക്കുന്നത്. അലോട്ട്‌മെന്റ് മെമ്മോയില്‍ രേഖപ്പെടുത്തിയിട്ടുള്ള ഫീസ്/ബാക്കി തുക (ബാധകമെങ്കില്‍) ഒടുക്കി അലോട്ട്‌മെന്റ് ലഭിക്കുന്ന കോളേജുകളില്‍ ഒക്ടോബര്‍ 23 മുതല്‍ ഒക്ടോബര്‍ 26-ന് വൈകുന്നേരം നാലു വരെയുള്ള സമയപരിധിക്കുള്ളില്‍ പ്രവേശനം നേടാം.

ഒക്ടോബര്‍ 26-ന് വൈകുന്നേരം അഞ്ച് മണിക്കുള്ളില്‍ അഡ്മിഷന്‍ നേടിയ വിദ്യാര്‍ത്ഥികളുടെ വിവരങ്ങള്‍ ഒഎഎംഎസ് മുഖേന അപ്‌ഡേറ്റ് ചെയ്യണം. അഡ്മിഷനുമായി ബന്ധപ്പെട്ട സര്‍ക്കാര്‍ ഉത്തരവുകളും, അലോട്ട്‌മെന്റുമായി ബന്ധപ്പെട്ട വിശദാംശങ്ങളും പ്രവേശന പരീക്ഷാ കമ്മീഷണറുടെ ഔദ്യോഗിക വെബ്‌സൈറ്റില്‍ ലഭ്യമാണ്.

രജിസ്‌ട്രേഷന്‍ തുക

ഗവ. എംബിബിഎസ്/ബിഡിഎസ് കോളേജുകളില്‍ അലോട്ട്‌മെന്റ് ലഭിക്കുന്നവരുടെ രജിസ്‌ട്രേഷന്‍ തുക അലോട്ട്‌മെന്റ് ലഭിച്ച കോഴ്‌സുകളുടെ ഫീസിനത്തില്‍ വകയിരുത്തും. സ്വകാര്യ/സ്വാശ്രയ എംബിബിഎസ്/ബിഡിഎസ് കോളേജുകളില്‍ അലോട്ട്‌മെന്റ് ലഭിക്കുന്നവരുടെ രജിസ്‌ട്രേഷന്‍ ഫീസ് പ്രവേശന നടപടികള്‍ അവസാനിച്ചശേഷം തിരികെ നല്‍കും.

എന്നാല്‍ അലോട്ട്‌മെന്റ് ലഭിച്ചശേഷം നിശ്ചിത സമയപരിധിക്കുള്ളില്‍ പ്രവേശനം നേടാത്തവരുടെയും, സ്‌ട്രേ വേക്കന്‍സി ഫില്ലിങ് അലോട്ട്‌മെന്റിലൂടെയോ മുന്‍ അലോട്ട്‌മെന്റിലൂടെയോ അഡ്മിഷന്‍ നേടിയ ശേഷം വിടുതല്‍ വാങ്ങുന്നവരുടെയും അവരവര്‍ക്ക് ബാധകമായ രജിസ്‌ട്രേഷന്‍ ഫീസ് പെനാല്‍റ്റിയായി കണക്കാക്കും.

English Summary

CEE Kerala has published the KEAM 2026 provisional vacancy allotment list for MBBS and BDS courses. Candidates can view the list by logging into the KEAM 2026 Candidate Portal. Any valid complaints regarding this allotment must be emailed before October 22, 1:00 PM. Students should report to colleges only after the final allotment list is published.

നാഷണൽ ആയുഷ് മിഷൻ കേരളയുടെ ഓഫീസുകളിലേക്ക് കരാർ അടിസ്ഥാനത്തിൽ വിവിധ തസ്തികകളിലേക്ക് അപേക്ഷകൾ ക്ഷണിച്ചു കൊണ്ട് വിജ്ഞാപനം പുറപ്പെടുവിച്ചു. സ്റ്റേറ്റ് ക്വാളിറ്റി കൺസൾട്ടന്റ്, പ്രൊക്യുർമെന്റ് ഓഫീസർ, എച്ച്എംഐഎസ് മാനേജർ, കണ്ടന്റ് ക്രിയേറ്റർ, ഡാറ്റാ എൻട്രി ഓപ്പറേറ്റർ, ഫുൾ ടൈം സ്വീപ്പർ തസ്തികകളിലാണ് അവസരം. www.nam.kerala.gov.in നാഷണൽ ആയുഷ് മിഷൻ കേരളയുടെ ഔദ്യോഗിക വെബ്‌സൈറ്റില്‍ വിശദാംശങ്ങളടങ്ങിയ വിജ്ഞാപനം ലഭ്യമാണ്. അപേക്ഷിക്കുന്നതിന് മുമ്പ് ഇത് വായിക്കണം. ഒഴിവുകളുടെ വിവരങ്ങളും യോഗ്യതാ മാനദണ്ഡങ്ങളും പൊതു നിബന്ധനകളും പരിശോധിക്കാം.

1. സ്റ്റേറ്റ് ക്വാളിറ്റി കൺസൾട്ടന്റ് (സ്റ്റേറ്റ് ഓഫീസിൽ 1 ഒഴിവ്)

• വിദ്യാഭ്യാസ യോഗ്യത: അംഗീകൃത സർവകലാശാലയിൽ നിന്നുള്ള മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ (MHA) ബിരുദം അല്ലെങ്കിൽ തത്തുല്യ യോഗ്യത.
• പ്രവൃത്തിപരിചയം: ആശുപത്രി ഗുണനിലവാരം മെച്ചപ്പെടുത്തൽ (Hospital Quality Improvement) മേഖലയിൽ 2 മുതൽ 3 വർഷം വരെയുള്ള പ്രവൃത്തിപരിചയം.
• പ്രായപരിധി: 01-10-2026 തീയതി പ്രകാരം പരമാവധി 40 വയസ്സ്.
• ഏകീകൃത ശമ്പളം: പ്രതിമാസം 30,000.

2. പ്രൊക്യുർമെന്റ് ഓഫീസർ (സ്റ്റേറ്റ് ഓഫീസിൽ 1 ഒഴിവ്)

• വിദ്യാഭ്യാസ യോഗ്യത: അംഗീകൃത സർവകലാശാലയിൽ നിന്നുള്ള എംബിഎ അല്ലെങ്കിൽ തത്തുല്യ ബിരുദം.
• പ്രവൃത്തിപരിചയം: സർക്കാർ മേഖലയിൽ പ്രൊക്യുർമെന്റ് ഓഫീസറായും കൂടാതെ/അല്ലെങ്കിൽ ഇ-ടെൻഡർ പ്രൊസസിംഗിലും 2 മുതൽ 3 വർഷം വരെയുള്ള പ്രവൃത്തിപരിചയം.
• ഐടി നൈപുണ്യം: എം.എസ് ഓഫീസ് ഉൾപ്പെടെയുള്ള ഐ.ടി/കമ്പ്യൂട്ടർ ആപ്ലിക്കേഷനുകളിൽ അറിവുണ്ടായിരിക്കണം.
• പ്രായപരിധി: 01-10-2026 തീയതി പ്രകാരം പരമാവധി 40 വയസ്സ്.
• ഏകീകൃത ശമ്പളം: പ്രതിമാസം 40,000.

Also Read: SBI SCO Recruitment 2026: എസ്ബിഐയിൽ ടെക് അസിസ്റ്റന്റ്, AI എക്സ്പെർട്ട് തസ്തികകളിൽ ഒഴിവുകൾ; വിവരങ്ങളറിയാം

3. എച്ച്എംഐഎസ് (സ്റ്റേറ്റ് ഓഫീസിൽ 1 ഒഴിവ്)

• വിദ്യാഭ്യാസ യോഗ്യത: അംഗീകൃത ഇൻസ്റ്റിറ്റ്യൂട്ടിൽ നിന്നോ സർവകലാശാലയിൽ നിന്നോ ലഭിച്ച MBA-IT/MCA/M.Sc.-IT/BCA ബിരുദം.
• പ്രവൃത്തിപരിചയം: സർക്കാർ സ്ഥാപനത്തിലോ മറ്റ് സ്ഥാപനങ്ങളിലോ 1-2 വർഷത്തെ പ്രവൃത്തിപരിചയം. ദേശീയ, സംസ്ഥാന, ജില്ലാ തലങ്ങളിലുള്ള സാമൂഹിക ക്ഷേമ പദ്ധതികളിൽ പ്രവൃത്തിപരിചയവും അനുഭവസമ്പത്തും ഉണ്ടായിരിക്കണം.
• കമ്പ്യൂട്ടർ പരിജ്ഞാനം: എംഎസ് ഓഫീസ്, എംഎസ് വേർഡ്, എംഎസ് പവർപോയിന്റ്, എംഎസ് എക്സൽ, എംഎസ് ആക്സസ് എന്നിവയിലുള്ള അറിവ് ഉണ്ടായിരിക്കണം.
• പ്രായപരിധി: 01-10-2026 തീയതി പ്രകാരം പരമാവധി 40 വയസ്സ്.
• ഏകീകൃത ശമ്പളം: പ്രതിമാസം 40,000.

4. കണ്ടന്റ് ക്രിയേറ്റർ (സംസ്ഥാന ഓഫീസിൽ 1 ഒഴിവ്)

• വിദ്യാഭ്യാസ യോഗ്യത: അംഗീകൃത സ്ഥാപനത്തിൽ നിന്നുള്ള ബാച്ചിലർ ഓഫ് ആയുഷ് ബിരുദം.
• അഭികാമ്യമായ യോഗ്യത: ജേണലിസത്തിൽ ഡിപ്ലോമ.
• പ്രായപരിധി: 01-10-2026 തീയതി പ്രകാരം പരമാവധി 40 വയസ്സ്.
• ഏകീകൃത ശമ്പളം: പ്രതിമാസം 40,000.

5. ഡാറ്റാ എൻട്രി ഓപ്പറേറ്റർ - (സ്റ്റേറ്റ് ഓഫീസിൽ 2 ഒഴിവുകൾ)

• വിദ്യാഭ്യാസ യോഗ്യത: അംഗീകൃത സർവകലാശാലയിൽ നിന്നുള്ള ബിരുദവും, കേരള സർക്കാർ അംഗീകരിച്ച DCA അല്ലെങ്കിൽ PGDCA കോഴ്‌സും.
• അധിക യോഗ്യത: ഇംഗ്ലീഷിലും മലയാളത്തിലും ടൈപ്പ് റൈറ്റിംഗ് പരിജ്ഞാനം.
• പ്രായപരിധി: 01-10-2026 തീയതിയിൽ 40 വയസ്സിൽ കവിയാൻ പാടില്ല.
• ഏകീകൃത ശമ്പളം: പ്രതിമാസം 17,000.

6. ഫുൾ ടൈം സ്വീപ്പർ - (നാഷണൽ ഇൻസ്റ്റിറ്റ്യൂട്ട് ഓഫ് ട്രെയിനിംഗ് ഇൻ ആയുഷിൽ 1 ഒഴിവ്)

• വിദ്യാഭ്യാസ യോഗ്യത: ഏഴാം ക്ലാസ് ജയം.
• പ്രായപരിധി: 01-10-2026 തീയതിയിൽ പരമാവധി 40 വയസ്സ്
• ഏകീകൃത ശമ്പളം: പ്രതിമാസം 12,600.

അപേക്ഷിക്കേണ്ട വിധം:

ആയുഷ് മിഷന്റെ വെബ്‌സൈറ്റില്‍ നല്‍കിയിരിക്കുന്ന ഫോമിലെ എല്ലാ വിവരങ്ങളും പൂരിപ്പിച്ച്, നേരിട്ടോ തപാൽ മാർഗ്ഗമോ ഒക്ടോബര്‍ 27-നോ അതിന് മുമ്പോ ആയി നൽകേണ്ടതാണ്. 'The State Mission Director, State Programme Management and Supporting Unit, 1st Floor, 82/1827(3), National AYUSH Mission, Bliss Haven, Vanchiyoor P.O., Thiruvananthapuram' എന്ന വിലാസത്തിലാണ് അപേക്ഷിക്കേണ്ടത്. വിശദാംശങ്ങള്‍ക്ക് ഔദ്യോഗിക വിജ്ഞാപനം വായിക്കുക.

English Summary

The National AYUSH Mission Kerala has announced recruitment for various contract posts in 2026. Eligible candidates can apply for roles like Quality Consultant, Content Creator, DEO, and Sweeper. Applicants must submit their physical application forms before October 27, 2026. The recruitment process involves an interview, along with a written test if applicant numbers are high.

ബാങ്കിംഗ് മേഖലയിലെ മുൻനിര പൊതുമേഖലാ സ്ഥാപനമായ സ്റ്റേറ്റ് ബാങ്ക് ഓഫ് ഇന്ത്യ (SBI) സാങ്കേതികവിദ്യ, ആർട്ടിഫിഷ്യൽ ഇന്റലിജൻസ് (AI), ഡാറ്റാ അനലിറ്റിക്‌സ് എന്നിവയുമായി ബന്ധപ്പെട്ട വിവിധ തസ്തികകളിലേക്ക് അപേക്ഷ ക്ഷണിച്ചു. ഉയർന്ന ശമ്പളവും മികച്ച കരിയർ വളർച്ചയും ആഗ്രഹിക്കുന്ന ഐടി, ഡാറ്റ പ്രൊഫഷണലുകൾക്ക് ഇതൊരു മികച്ച അവസരമാണ്. യോഗ്യത, അപേക്ഷിക്കേണ്ട വിധം, മറ്റ് പ്രധാന വിവരങ്ങൾ എന്നിവ വിശദമായി അറിയാം.

ആർട്ടിഫിഷ്യൽ ഇന്റലിജൻസ്, ഡാറ്റ അനലിറ്റിക്‌സ്, ഡാറ്റ എൻജിനീയറിംഗ്, ടെക്‌നോളജി ആർക്കിടെക്ചർ എന്നീ മേഖലകളിലെ സ്‌പെഷ്യലിസ്റ്റ് കേഡർ ഓഫീസർ (SCO) തസ്തികകളിലേക്കാണ് എസ്ബിഐ അപേക്ഷകൾ ക്ഷണിച്ചിരിക്കുന്നത്. നിശ്ചിത കാലയളവിലേക്കുള്ള നിയമനത്തിനായി പരിചയസമ്പന്നരായ പ്രൊഫഷണലുകളെയാണ് ബാങ്ക് തേടുന്നത്. താല്പര്യമുള്ള ഉദ്യോഗാർത്ഥികൾക്ക് sbi.bank.in എന്ന ഔദ്യോഗിക വെബ്‌സൈറ്റ് വഴി ഓൺലൈനായി അപേക്ഷിക്കാം.

ALSO READ: യൂക്കോ ബാങ്കില്‍ 530 അപ്രന്റീസ് ഒഴിവുകള്‍; കേരളത്തിലും അവസരം

ജനറൽ മാനേജർ, ചീഫ് എഐ ഓഫീസർ, ഡെപ്യൂട്ടി ജനറൽ മാനേജർ തുടങ്ങിയ മുതിർന്ന തസ്തികകളും, എഐ ആർക്കിടെക്ചറുമായി ബന്ധപ്പെട്ട പ്രത്യേക തസ്തികകളും ഇതിൽ ഉൾപ്പെടുന്നു. തസ്തികകൾക്ക് അനുസരിച്ച് യോ​ഗ്യതയിലും പ്രായപരിധിയിലും മാറ്റങ്ങൾ പരാമർശിക്കുന്നുണ്ട്.

ജനറൽ മാനേജർ ആൻഡ് ചീഫ് എഐ ഓഫീസർ

40 മുതൽ 55 വയസ്സു വരെയുള്ളവർക്കാണ് അപേക്ഷിക്കാൻ യോ​ഗ്യത. കമ്പ്യൂട്ടർ സയൻസ്, ഇൻഫർമേഷൻ ടെക്നോളജി, ഇലക്ട്രോണിക്സ്, ഇലക്ട്രിക്കൽ ആൻഡ് ഇലക്ട്രോണിക്സ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ എന്നീ വിഷയങ്ങളിലോ തത്തുല്യമായ വിഷയത്തിലോ ബിഇ, ബിടെക് അല്ലെങ്കിൽ എംടെക് ബിരുദം നിർബന്ധമാണ്. ഔദ്യോഗിക വിജ്ഞാപനത്തിൽ പരാമർശിച്ചിട്ടുള്ള നിബന്ധനകൾക്ക് വിധേയമായി, സ്റ്റാറ്റിസ്റ്റിക്‌സ് അല്ലെങ്കിൽ കമ്പ്യൂട്ടർ സയൻസിൽ എംഎസ്‌സി, സ്റ്റാറ്റിസ്റ്റിക്‌സിൽ എംഎ, എംസ്റ്റാറ്റ് അല്ലെങ്കിൽ എംസിഎ ബിരുദമുള്ള ഉദ്യോഗാർത്ഥികളും യോഗ്യരായേക്കാം.

ഡെപ്യൂട്ടി ജനറൽ മാനേജർ

റിസ്ക് ആൻഡ് ഓപ്പറേഷണൽ അനലിറ്റിക്സ്, എഐ ഗവേണൻസ് ആൻഡ് കംപ്ലയിൻസ്, ഡാറ്റ എൻജിനീയറിംഗ്, മോഡൽ ആപ്ലിക്കേഷൻ ഡെവലപ്‌മെന്റ് ആൻഡ് എഐ ഓപ്‌സ് എന്നീ മൂന്ന് പ്രത്യേക തസ്തികകളിലേക്കാണ് നിയമനം നടത്തുന്നത്. 35 മുതൽ 50 വയസ്സ് വരെയുള്ളവർക്കാണ് അപേക്ഷിക്കാൻ യോ​ഗ്യത. ബിഇ, ബിടെക്, എംടെക് ഉൾപ്പെടെയുള്ള എൻജിനീയറിംഗ് അല്ലെങ്കിൽ സാങ്കേതിക ബിരുദങ്ങളാണ് യോ​ഗ്യത. കൂടാതെ, സ്റ്റാറ്റിസ്റ്റിക്‌സ് അല്ലെങ്കിൽ കമ്പ്യൂട്ടർ സയൻസ് വിഷയങ്ങളിൽ നിശ്ചിത ബിരുദാനന്തര ബിരുദങ്ങളുള്ളവർക്കും വിജ്ഞാപനത്തിലെ നിബന്ധനകൾക്ക് വിധേയമായി അപേക്ഷിക്കാവുന്നതാണ്.

AI സൊല്യൂഷൻ ആർക്കിടെക്റ്റ്

30 മുതൽ 45 വയസ്സ് വരെ വരെയുള്ളവർക്കാണ് അപേക്ഷിക്കാൻ യോ​ഗ്യത. കമ്പ്യൂട്ടർ സയൻസ്, ഇൻഫർമേഷൻ ടെക്നോളജി, ഡാറ്റാ സയൻസ്, ആർട്ടിഫിഷ്യൽ ഇന്റലിജൻസ്, ബിസിനസ് അഡ്മിനിസ്‌ട്രേഷൻ, മാനേജ്‌മെന്റ് അല്ലെങ്കിൽ ഇതുമായി ബന്ധപ്പെട്ട ഏതെങ്കിലും വിഷയത്തിൽ ബിരുദമോ ബിരുദാനന്തര ബിരുദമോ ഉണ്ടായിരിക്കണം.

അപേക്ഷിക്കുന്നത് എങ്ങനെ?

• ആദ്യം തന്നെ SBI-യുടെ ഔദ്യോഗിക വെബ്‌സൈറ്റായ sbi.bank.in സന്ദർശിക്കുക.
• ലിങ്കിൽ നൽകിയിരിക്കുന്ന 'Careers' അല്ലെങ്കിൽ 'Recruitment' വിഭാഗം തുറക്കുക.
• 'Specialist Cadre Officer' റിക്രൂട്ട്‌മെന്റ് വിജ്ഞാപനം കണ്ടെത്തുക.
• യോഗ്യതാ മാനദണ്ഡങ്ങളും അപേക്ഷാ നിർദ്ദേശങ്ങളും വായിച്ചു മനസ്സിലാക്കുക.
• ഓൺലൈനായി രജിസ്റ്റർ ചെയ്യുകയും, ആവശ്യമായ വ്യക്തിഗത വിവരങ്ങൾ, വിദ്യാഭ്യാസ യോഗ്യതകൾ, തൊഴിൽ വിവരങ്ങൾ എന്നിവ പൂരിപ്പിക്കുകയും ചെയ്യുക.
• അപേക്ഷാ ഫോമിൽ ആവശ്യപ്പെട്ടിട്ടുള്ള രേഖകൾ അപ്‌ലോഡ് ചെയ്യുക.
• എല്ലാ വിവരങ്ങളും കൃത്യമാണെന്ന് ഉറപ്പുവരുത്തിയ ശേഷം അപേക്ഷ സമർപ്പിക്കുക.

English Summary:

SBI has invited applications for Specialist Cadre Officer (SCO) posts in artificial intelligence, data analytics, data engineering and technology architecture. Interested candidates can apply online through the official website, sbi.bank.in.

യൂക്കോ ബാങ്കില്‍ അപ്രന്റീസ് ഒഴിവുകളിലേക്ക് അപേക്ഷ ക്ഷണിച്ചു. താത്പര്യമുള്ളവര്‍ https://www.uco.bank.in എന്ന വെബ്സൈറ്റ് വഴിയോ അല്ലെങ്കിൽ https://beep.bfsissc.com വഴിയോ ഓൺലൈനായി അപേക്ഷിക്കേണ്ടതാണ്. അപേക്ഷിക്കുന്നതിനായി ആദ്യം എൻഎടിഎസ്പോർട്ടലിൽ (https://nats.education.gov.in) രജിസ്റ്റർ ചെയ്യുകയും യൂക്കോ ബാങ്കിന്റെ അപ്രന്റിസ്ഷിപ്പ് പ്രോഗ്രാമിലേക്ക് അപേക്ഷിക്കുകയും വേണം. തുടര്‍ന്ന്‌ നവംബർ 7-ന് രാവിലെ 11 മണിക്ക് ബിഎഫ്എസ്ഐ സെക്ടർ സ്കിൽ കൗൺസിൽ ഓഫ് ഇന്ത്യ (BFSI SSC) നടത്തുന്ന ഓൺലൈൻ പ്രവേശന പരീക്ഷയിൽ പങ്കെടുക്കേണ്ടതാണ്. ഓൺലൈൻ പരീക്ഷയ്ക്കായുള്ള വിശദമായ അപേക്ഷ പൂരിപ്പിക്കുന്നതിനും പരീക്ഷാഫീസ് അടയ്ക്കുന്നതിനുമായി ബിഎഫ്എസ്ഐ സെക്ടർ സ്കിൽ കൗൺസിലിൽ നിന്ന് ഇമെയിൽ ലഭിക്കും.

ഓൺലൈൻ പരീക്ഷയ്ക്കുള്ള പരീക്ഷാഫീസ് അടയ്ക്കുന്നതിനും കൂടുതൽ വിവരങ്ങൾ സമർപ്പിക്കുന്നതിനുമുള്ള അവസാന തീയതി ഒക്ടോബർ 29 ആണ്. ഇന്ത്യയിലൊട്ടാകെ ആകെ 530 ഒഴിവുകളാണുള്ളത്. ഇതിൽ കേരളത്തിൽ 10 ഒഴിവുകളുണ്ട്. 20-28 ആണ് അപേക്ഷിക്കുന്നതിനുള്ള പ്രായപരിധി.

ബിരുദമുള്ളവര്‍ക്ക് അപേക്ഷിക്കാം. 2022 ഏപ്രില്‍ ഒന്നിനോ അതിനുശേഷമോ ബിരുദം പൂർത്തിയാക്കിയവരായിരിക്കണം. മാർക്ക് ഷീറ്റുകളും പ്രൊവിഷണൽ അല്ലെങ്കിൽ ഫൈനൽ ഡിഗ്രി സർട്ടിഫിക്കറ്റും കൈവശം ഉണ്ടായിരിക്കണം.

Also Read: Work From Home Jobs: ദിവസവും ഒരു മണിക്കൂർ മതി, വീട്ടിലിരുന്ന് അധിക വരുമാനം നേടാം

ആകെ ഒരു വർഷമായിരിക്കും പരിശീലന കാലയളവ്. അപ്രന്റിസ്ഷിപ്പ് കാലയളവിൽ പ്രതിമാസം 16,650 രൂപ സ്റ്റൈപ്പൻഡായി ലഭിക്കും അപേക്ഷിക്കുന്ന സംസ്ഥാനത്തെ പ്രാദേശിക ഭാഷയില്‍ പരിജ്ഞാനമുണ്ടായിരിക്കണം. തിരഞ്ഞെടുപ്പ് പ്രക്രിയയുടെ ഭാഗമായി പ്രൊഫഷണൽ ലോക്കൽ ലാംഗ്വേജ് ടെസ്റ്റ് നടത്തുന്നതാണ്. സർട്ടിഫിക്കറ്റ് പരിശോധന വേളയിലാണ് ഈ പരീക്ഷ നടത്തുക. ഈ ഭാഷാ പരീക്ഷയിൽ വിജയിക്കാത്തവരെ അപ്രന്റിസായി തിരഞ്ഞെടുക്കില്ല. എന്നാൽ, 10-ാം തരത്തിലോ 12-ാം തരത്തിലോ ബന്ധപ്പെട്ട പ്രാദേശിക ഭാഷ ഒരു വിഷയമായി പഠിച്ചിട്ടുണ്ടെന്ന് തെളിയിക്കുന്ന മാർക്ക് ഷീറ്റോ സർട്ടിഫിക്കറ്റോ ഹാജരാക്കുന്നവർക്ക് ഈ ഭാഷാ പരീക്ഷ ഉണ്ടാകില്ല.

അപേക്ഷാ ഫീസ് നിരക്കുകൾ:

• പട്ടികജാതി/ പട്ടികവർഗ്ഗ ഉദ്യോഗാർത്ഥികൾ: 200 രൂപയും ജിഎസ്ടിയും
• ഭിന്നശേഷിയുള്ള ഉദ്യോഗാർത്ഥികൾ: 200 രൂപയും ജിഎസ്ടിയും
• ജനറൽ, ഇഡബ്ല്യുഎസ്, മറ്റ് പിന്നാക്ക വിഭാഗങ്ങളിലെ (OBC) പുരുഷ ഉദ്യോഗാർത്ഥികൾ: 800 രൂപയും ജിഎസ്ടിയും
• ജനറൽ, ഇഡബ്ല്യുഎസ്, മറ്റ് പിന്നാക്ക വിഭാഗങ്ങളിലെ (OBC) സ്ത്രീ/ട്രാൻസ്‌ജെൻഡർ ഉദ്യോഗാർത്ഥികൾ: 600 രൂപയും ജിഎസ്ടിയും

ഓൺലൈനായി മാത്രമേ അപേക്ഷിക്കാൻ സാധിക്കൂ. NATS പോർട്ടലിൽ ആദ്യം രജിസ്റ്റര്‍ ചെയ്യണം. യൂക്കോ ബാങ്കിന്റെ ഔദ്യോഗിക വെബ്‌സൈറ്റില്‍ വിജ്ഞാപനം നല്‍കിയിട്ടുണ്ട്. ഇത് വിശദമായി വായിച്ചതിന് ശേഷം മാത്രം അപേക്ഷിക്കുക.

English Summary

UCO Bank has invited online applications for 530 Apprentice vacancies across India, including 10 in Kerala. Candidates aged 20 to 28 with a graduate degree completed on or after April 1, 2022, can apply. Applicants must register on the NATS portal and pay the exam fee before October 29, 2026. Selection includes an online test on November 7, 2026, offering a monthly stipend of INR 16,650 for a one-year training period.

വിലക്കയറ്റം കാരണം വീട്ടുചെലവുകള്‍ വര്‍ധിക്കുമ്പോള്‍ അധിക വരുമാനം കണ്ടെത്താന്‍ ശ്രമിക്കുന്നവരാണ് പലരും. എന്നാല്‍ നിലവിലെ ജോലിക്കൊപ്പം മറ്റൊരു ജോലി ചെയ്യാനോ ദിവസവും മണിക്കൂറുകളോളം പുറത്തുപോകാനോ എല്ലാവര്‍ക്കും സാധിക്കണമെന്നില്ല. ഇത്തരക്കാര്‍ക്ക് വീട്ടിലിരുന്ന് ചെയ്യാവുന്ന ഓണ്‍ലൈന്‍ ജോലികള്‍ ഒരു സാധ്യതയാണ്. സ്മാര്‍ട്ട്‌ഫോണോ കമ്പ്യൂട്ടറോ ഇന്റര്‍നെറ്റ് കണക്ഷനോ ഉപയോഗിച്ച് ആരംഭിക്കാവുന്ന ചില ജോലികള്‍ക്ക് വലിയ പ്രാഥമിക നിക്ഷേപവും ആവശ്യമായി വരില്ല.

ദിവസവും ഒരു മണിക്കൂര്‍ മാറ്റിവെച്ച് ഇത്തരം ജോലികള്‍ പരീക്ഷിക്കാം. എഴുത്ത്, ഓണ്‍ലൈന്‍ ട്യൂഷന്‍, ഡാറ്റാ എന്‍ട്രി, സോഷ്യല്‍ മീഡിയ കണ്ടന്റ് നിര്‍മാണം, ഫ്രീലാന്‍സിങ് എന്നിവയാണ് പരിഗണിക്കാവുന്ന പ്രധാന മേഖലകള്‍.

കണ്ടന്റ് റൈറ്റിങ്

ഭാഷയില്‍ നല്ല പരിജ്ഞാനവും എഴുതാനുള്ള താല്‍പര്യവുമുള്ളവര്‍ക്ക് വീട്ടിലിരുന്ന് പരീക്ഷിക്കാവുന്ന ജോലിയാണ് കണ്ടന്റ് റൈറ്റിങ്. വെബ്‌സൈറ്റുകള്‍ക്കുള്ള ലേഖനങ്ങള്‍, ബ്ലോഗുകള്‍, ഉല്‍പ്പന്ന വിവരണങ്ങള്‍, സോഷ്യല്‍ മീഡിയ പോസ്റ്റുകള്‍ തുടങ്ങിയവ തയാറാക്കുന്നതാണ് പ്രധാന ജോലി.

ഓണ്‍ലൈന്‍ ട്യൂഷന്‍

കണക്ക്, ശാസ്ത്രം, ഇംഗ്ലീഷ്, ഹിന്ദി തുടങ്ങിയ വിഷയങ്ങളില്‍ അറിവുള്ളവര്‍ക്ക് ഓണ്‍ലൈന്‍ ട്യൂഷന്‍ പരിഗണിക്കാം. സ്‌കൂള്‍ വിദ്യാര്‍ഥികള്‍ക്ക് പഠനസഹായം നല്‍കുക, പരീക്ഷകള്‍ക്കായി പരിശീലിപ്പിക്കുക, ഭാഷാപഠനത്തില്‍ സഹായിക്കുക തുടങ്ങിയ ജോലികള്‍ വീട്ടിലിരുന്ന് ചെയ്യാനാകും.

ഡാറ്റാ എന്‍ട്രി

കമ്പ്യൂട്ടര്‍ ഉപയോഗിക്കാന്‍ അറിയാവുന്നവര്‍ക്കും കൃത്യതയോടെ ജോലി ചെയ്യാന്‍ കഴിയുന്നവര്‍ക്കും ഡാറ്റാ എന്‍ട്രി ജോലികള്‍ അനുയോജ്യമായേക്കാം. വിവരങ്ങള്‍ നിശ്ചിത ഫോര്‍മാറ്റില്‍ രേഖപ്പെടുത്തുക, പട്ടികകള്‍ തയാറാക്കുക, രേഖകളിലെ വിവരങ്ങള്‍ ക്രമീകരിക്കുക തുടങ്ങിയവയാണ് ഇത്തരം ജോലികളില്‍ ഉള്‍പ്പെടുന്നത്.

Also Read: Malabar Neem Farming: മലവേപ്പ് കൃഷിയിലൂടെ ലക്ഷങ്ങള്‍ നേടാം; വേഗത്തില്‍ വളരും, തടിക്ക് ആവശ്യക്കാരേറെ

സോഷ്യല്‍ മീഡിയ കണ്ടന്റ്

സോഷ്യല്‍ മീഡിയ ഉപയോഗിക്കാന്‍ താല്‍പര്യമുള്ളവര്‍ക്ക് അതിനെ വരുമാനത്തിനുള്ള ഒരു മാര്‍ഗമായി മാറ്റാന്‍ ശ്രമിക്കാം. യൂട്യൂബ്, ഇന്‍സ്റ്റഗ്രാം, ഫേസ്ബുക്ക് തുടങ്ങിയ പ്ലാറ്റ്‌ഫോമുകളില്‍ സ്വന്തം താല്‍പര്യമുള്ള വിഷയങ്ങളെ അടിസ്ഥാനമാക്കി വിഡിയോകളും ചിത്രങ്ങളും വിവരപ്രദമായ പോസ്റ്റുകളും പ്രസിദ്ധീകരിക്കാം.

ഫ്രീലാന്‍സിങ്

സ്വതന്ത്രമായി ജോലി ചെയ്യാന്‍ ആഗ്രഹിക്കുന്നവര്‍ക്ക് ഫ്രീലാന്‍സിങ് നല്ലൊരു സാധ്യതയാണ്. ടൈപ്പിങ്, വിവര്‍ത്തനം, ഗ്രാഫിക് ഡിസൈന്‍, വിഡിയോ എഡിറ്റിങ്, ഡിജിറ്റല്‍ മാര്‍ക്കറ്റിങ്, കണ്ടന്റ് റൈറ്റിങ് തുടങ്ങിയ മേഖലകളില്‍ കഴിവുള്ളവര്‍ക്ക് ഉപഭോക്താക്കളെ കണ്ടെത്തി ജോലികള്‍ ഏറ്റെടുക്കാം.

English Summary

Rising living costs are encouraging people to explore additional income opportunities. Discover five work-from-home options, including content writing, online tutoring, data entry, social media content creation, and freelancing, that can be explored with flexible working hours and minimal investment. Earnings depend on skills, job availability, and time invested.

കേരള ടൂറിസം മേഖലയിൽ മികച്ചൊരു കരിയർ ലക്ഷ്യമിടുന്നവർക്ക് വൻ അവസരം. കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിന്റെ (KITTS) നേതൃത്വത്തിൽ ടൂറിസ്റ്റ് ഗൈഡ് പരിശീലന പരിപാടിയിലേക്ക് അപേക്ഷ ക്ഷണിച്ചു. തിരുവനന്തപുരത്തെ കിറ്റ്‌സ് ആസ്ഥാനത്ത് വെച്ചാണ് പരിശീലനം സംഘടിപ്പിക്കുന്നത്. താല്പര്യമുള്ളക്ക് അപേക്ഷ സമർപ്പിക്കാനുള്ള അവസാന തീയതി നവംബർ 9 വരെയാണ്. സ്റ്റേറ്റ് ലെവൽ ഗൈഡ്, ലോക്കൽ ലെവൽ ഗൈഡ് വിഭാഗങ്ങളിലായി ആകെ 168 സീറ്റുകളാണുള്ളത്.

സംസ്ഥാനത്തിലുടനീളം സഞ്ചാരികൾക്ക് ഗൈഡായി സേവനം അനുഷ്ഠിക്കാൻ സഹായിക്കുന്ന ഉയർന്ന തലത്തിലുള്ള പരിശീലനമാണ് ഇതിലൂടെ ലഭിക്കുക. കേരള ടൂറിസം വകുപ്പിന്റെയും കിറ്റ്‌സിന്റെയും അംഗീകൃത ഗൈഡായി പ്രവർത്തിക്കാനും ഇതിലൂടെ അവസരമുണ്ട്. വിദേശികളും സ്വദേശികളുമായ വിനോദസഞ്ചാരികളുടെ എണ്ണം വർദ്ധിച്ചുവരുന്ന സാഹചര്യത്തിൽ ഗൈഡുകൾക്ക് മികച്ച തൊഴിൽ സാധ്യതയാണുള്ളത്.

ALSO READ: 30,000 രൂപ ശമ്പളം; കിൻഫ്രയിൽ തസ്തികകളിലേക്ക് അപേക്ഷിക്കാം

സ്റ്റേറ്റ് ലെവൽ ഗൈഡുമായി ബന്ധപ്പെട്ട വിവരങ്ങൾ

• ഒൻപത് ആഴ്ചയാണ് ടൂറിസ്റ്റ് ഗൈഡ് പരിശീലന കാലാവധി.
• ആകെ 27 സീറ്റുകളുണ്ട്.
• യുജിസി അംഗീകൃത സർവകലാശാലയിൽ നിന്നുള്ള ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യതയായി ചോദിച്ചിരിക്കുന്നത്.
• അംഗീകൃത സർവകലാശാലയിലോ സ്ഥാപനത്തിലോ സംഘടനയിലോ എംബസിയിലോ സാംസ്കാരിക കേന്ദ്രത്തിലോ വിദേശഭാഷയിൽ കുറഞ്ഞത് ആറുമാസത്തെ റെഗുലർ കോഴ്സ് പൂർത്തിയാക്കിയ പ്ലസ് ടു യോഗ്യതയുള്ളവർക്കും അപേക്ഷിക്കാം.
• ഇംഗ്ലീഷ് ഭാഷയിൽ പ്രാവീണ്യം നിർബന്ധമാണ്.
• പ്രായം 20 വയസ്സ് പൂർത്തിയായിരിക്കണം.
• പരിശീലന ഫീസ് ജിഎസ്ടി ഉൾപ്പെടെ 32,745 രൂപ അടയ്ക്കേണ്ടി വരും.

ലോക്കൽ ലെവൽ ഗൈഡുമായി ബന്ധപ്പെട്ട വിവരങ്ങൾ

• ലോക്കൽ ലെവൽ ഗൈഡിന് നാലാഴ്ചയാണ് പരിശീലന കാലാവധി.
• ആകെ 141 സീറ്റുകളുണ്ട്.
• എസ്എസ്എൽസി, എസ്എസ്സി, സിബിഎസ്ഇ അല്ലെങ്കിൽ പത്താം ക്ലാസ് വിജയമാണ് യോഗ്യത.
• പ്രായം 20 വയസ്സ് പൂർത്തിയായിരിക്കണം.
• പരിശീലന ഫീസ് ജിഎസ്ടി ഉൾപ്പെടെ 20,355 രൂപയാണ് നൽകേണ്ടത്.
• ലോക്കൽ ലെവൽ ഗൈഡ് വിഭാഗത്തിൽ അപേക്ഷിക്കുന്നവർ സ്വന്തം ജില്ലയുടെ ക്വാട്ടയിൽ മാത്രമേ അപേക്ഷിക്കാവൂ. മറ്റു ജില്ലകളിലെ ക്വാട്ടയിൽ സമർപ്പിക്കുന്ന അപേക്ഷകൾ നിരസിക്കും.

എഴുത്തുപരീക്ഷയുടെയും വ്യക്തിഗത അഭിമുഖത്തിന്റെയും അടിസ്ഥാനത്തിലാണ് ഉദ്യോ​ഗാർത്ഥികളെ തിരഞ്ഞെടുക്കുന്നത്. സ്മാരകങ്ങളെക്കുറിച്ചുള്ള അറിവ്, ചരിത്രം, പൊതുവിജ്ഞാനം എന്നിവയിൽ നിന്നുള്ള ചോദ്യങ്ങൾ എഴുത്തുപരീക്ഷയിൽ പ്രതീക്ഷിക്കാം. എഴുത്തുപരീക്ഷയിൽ 50 ശതമാനമോ അതിലധികമോ മാർക്ക് നേടുന്നവരെ മാത്രമേ അഭിമുഖത്തിനായി പരിഗണിക്കുകയുള്ളൂ. തിരഞ്ഞെടുപ്പ് മെറിറ്റ് അടിസ്ഥാനത്തിലായിരിക്കും. ഒഴിവുമായി ബന്ധപ്പെട്ട കൂടുതൽ വിവരങ്ങൾ്കക് https://recruitopen.com/cmd/kitts1.html എന്ന വെബ്സൈറ്റ് സന്ദർശിക്കാം.

English Summary:

Kerala Institute of Tourism & Travel Studies (KITTS), established in 1988 by the Department of Tourism, Government of Kerala, is a premier institution offering quality education and training in the Travel, Tourism, and Hospitality sector.

കേരള ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്‌മെന്റ് കോർപ്പറേഷനില്‍ (കിന്‍ഫ്ര) വിവിധ തസ്തികകളില്‍ അവസരം. പ്രോജക്റ്റ് മാനേജ്‌മെന്റ് എക്‌സിക്യൂട്ടീവ് (സിവിൽ), പ്രോജക്റ്റ് മാനേജ്‌മെന്റ് എക്‌സിക്യൂട്ടീവ് (ജനറൽ) എന്നീ തസ്തികകളിലേക്കാണ് അപേക്ഷ ക്ഷണിച്ചത്. സെന്റർ ഫോർ മാനേജ്‌മെന്റ് ഡെവലപ്‌മെന്റ് (സിഎംഡി) ആണ് കിന്‍ഫ്രയ്ക്ക് വേണ്ടി അപേക്ഷ ക്ഷണിച്ചത്. രണ്ട് വർഷത്തെ കരാർ അടിസ്ഥാനത്തിലാണ് ഈ നിയമനം നടക്കുന്നത്. താത്പര്യമുള്ള ഉദ്യോഗാര്‍ത്ഥികള്‍ക്ക് www.cmd.kerala.gov.in എന്ന സിഎംഡിയുടെ ഔദ്യോഗിക വെബ്‌സൈറ്റ് വഴി ഓണ്‍ലൈനായി അപേക്ഷിക്കാം. ഒക്ടോബര്‍ 28-ന് വൈകുന്നേരം അഞ്ച് മണി വരെ അപേക്ഷിക്കാം.

പ്രോജക്റ്റ് മാനേജ്‌മെന്റ് എക്‌സിക്യൂട്ടീവ് (സിവിൽ) തസ്തികയില്‍ മൂന്ന് ഒഴിവുകളാണുള്ളത്. സിവിൽ എഞ്ചിനീയറിംഗിലെ ബി.ടെക് ആണ് യോഗ്യത. എംബിഎ ഉള്ളവർക്ക് മുൻഗണന നൽകുന്നതായിരിക്കും. കൂടാതെ ബന്ധപ്പെട്ട മേഖലയിൽ കുറഞ്ഞത് ഒരു വർഷത്തെ പരിചയസമ്പത്തും ഉണ്ടായിരിക്കണം. ഉയർന്ന പ്രായപരിധി 30 വയസ്സാണ്. പ്രതിമാസ ഏകീകൃത ശമ്പളം 30,000 രൂപ ആണ്.

പ്രോജക്റ്റ് മാനേജ്‌മെന്റ് എക്‌സിക്യൂട്ടീവ് (ജനറൽ) തസ്തികയിലും മൂന്ന് ഒഴിവുകളുണ്ട്. ബിരുദവും ഫുൾ ടൈം എംബിഎയും ബന്ധപ്പെട്ട മേഖലയിൽ കുറഞ്ഞത് ഒരു വർഷത്തെ പരിചയസമ്പത്തുമാണ് യോഗ്യത. ഉയർന്ന പ്രായപരിധി 30 വയസ്സാണ്. പ്രതിമാസ ഏകീകൃത ശമ്പളം 30,000 രൂപ ആണ്. ഉയർന്ന പ്രായപരിധിയും പ്രവൃത്തിപരിചയവും കണക്കാക്കുന്നതിനുള്ള കട്ട്-ഓഫ് തീയതി ഒക്ടോബര്‍ ഒന്നാണ്.

ഇക്കാര്യങ്ങള്‍ ശ്രദ്ധിക്കാം

ഉദ്യോഗാർത്ഥിയുടെ ഏറ്റവും പുതിയ ഫോട്ടോ സ്കാൻ ചെയ്ത് ഓൺലൈൻ അപേക്ഷയിൽ നൽകിയിരിക്കുന്ന സ്ഥലത്ത് അപ്‌ലോഡ് ചെയ്യണം. ഉദ്യോഗാർത്ഥി വെള്ളക്കടലാസിൽ ഒപ്പിട്ട് സ്കാൻ ചെയ്ത് അപേക്ഷയിൽ നൽകിയിരിക്കുന്ന സ്ഥലത്ത് അപ്‌ലോഡ് ചെയ്യണം.

Also Read: CBSE Board Exam 2027: സിബിഎസ്ഇ 10, 12 ക്ലാസ് പരീക്ഷ 2027: തീയതികൾ ഉടൻ പുറത്ത്, സമയവും പരിശോധിക്കേണ്ട ലിങ്കും

ഓൺലൈനായി അപേക്ഷിക്കുന്നതിന് മുമ്പ് അപേക്ഷകർ വിശദമായ വിജ്ഞാപനം ശ്രദ്ധാപൂർവ്വം വായിച്ചു മനസ്സിലാക്കുകയും ഈ റിക്രൂട്ട്‌മെന്റിനുള്ള തങ്ങളുടെ യോഗ്യത സ്വയം ഉറപ്പുവരുത്തുകയും വേണം. ഓൺലൈൻ അപേക്ഷയിലെ എല്ലാ കോളങ്ങളും പൂരിപ്പിക്കണം.

അപൂർണ്ണമായതോ തെറ്റായതോ ആയ അപേക്ഷാഫോമുകൾ നിരസിക്കപ്പെടും. അപേക്ഷകർ വിവരങ്ങൾ പൂരിപ്പിക്കുമ്പോൾ വളരെ ശ്രദ്ധ പുലർത്തേണ്ടതാണ്. ഓൺലൈൻ അപേക്ഷാഫോമിൽ നൽകിയിട്ടുള്ള വിവരങ്ങളും ഉദ്യോഗാർത്ഥി ഹാജരാക്കുന്ന അസ്സൽ രേഖകളും തമ്മിൽ പൊരുത്തക്കേടുകൾ ഉണ്ടെങ്കിൽ അയോഗ്യരാകും.

തസ്തികയ്ക്ക് നിർദ്ദേശിച്ചിട്ടുള്ള യോഗ്യത ഒരു അംഗീകൃത സർവകലാശാല/ഇൻസ്റ്റിറ്റ്യൂട്ടിൽ നിന്നുള്ളതായിരിക്കണം. നിർദ്ദിഷ്ട യോഗ്യതയ്ക്ക് തതുല്യമായ യോഗ്യതയുള്ള അപേക്ഷകർ ബന്ധപ്പെട്ട ആധികാരിക അതോറിറ്റി നൽകിയ തുല്യതാ സർട്ടിഫിക്കറ്റ് സമർപ്പിക്കേണ്ടതാണ്. ഇത്തരം സർട്ടിഫിക്കറ്റ് ഇല്ലാത്ത അപേക്ഷകൾ പരിഗണിക്കുന്നതല്ല.

English Summary

KINFRA is recruiting Project Management Executives (Civil & General) for a two-year contract through CMD Kerala. Applicants need a relevant degree or MBA with at least one year of experience and must be under 30 years old. Interested candidates can apply online before October 28 at 5:00 PM. Selected candidates will receive a monthly consolidated salary of INR 30,000.

സെൻട്രൽ ബോർഡ് ഓഫ് സെക്കൻഡറി എഡ്യൂക്കേഷൻ (സിബിഎസ്ഇ) 2026-27 അധ്യയന വർഷത്തേക്കുള്ള പത്താം ക്ലാസ്, പന്ത്രണ്ടാം ക്ലാസ് ബോർഡ് പരീക്ഷാ തീയതികൾ ഉടൻ പ്രസിദ്ധീകരിക്കും. പരീക്ഷാ തീയതികൾ ഔദ്യോഗിക വെബ്‌സൈറ്റിൽ ലഭ്യമാകുന്നതോടെ, വിദ്യാർത്ഥികൾക്ക് തങ്ങളുടെ പരീക്ഷാ ടൈംടേബിൾ നേരിട്ട് ഡൗൺലോഡ് ചെയ്യാനാകും. പരീക്ഷകൾക്ക് മുന്നോടിയായുള്ള പ്രൈവറ്റ് കാൻഡിഡേറ്റുകൾക്കായുള്ള ഓൺലൈൻ രജിസ്ട്രേഷൻ നടപടികൾ ബോർഡ് ഒക്ടോബർ 8-ന് ആരംഭിച്ചിരുന്നു. താല്പര്യമുള്ള വിദ്യാർത്ഥികൾ അവസാന തീയതിക്ക് മുൻപായി തന്നെ ഔദ്യോഗിക പോർട്ടൽ വഴി അപേക്ഷ സമർപ്പിക്കേണ്ടതാണ്.

ഔദ്യോഗിക അറിയിപ്പ് പ്രകാരം, 2027 ഫെബ്രുവരി, മാർച്ച്, ഏപ്രിൽ മാസങ്ങളിലായാണ് സിബിഎസ്ഇ പത്താം ക്ലാസ്, പന്ത്രണ്ടാം ക്ലാസ് തിയറി പരീക്ഷകൾ നടത്താൻ നിശ്ചയിച്ചിരിക്കുന്നത്. പ്രാക്ടിക്കൽ പരീക്ഷകൾ അതിനു മുന്നോടിയായി നടത്തുന്നതാണ്. കഴിഞ്ഞ വർഷം, 2025 സെപ്റ്റംബർ 24-ന് സിബിഎസ്ഇ പരീക്ഷാ ഷെഡ്യൂളിന്റെ ഒരു പ്രാഥമിക രൂപം പുറത്തിറക്കിയിരുന്നു. എന്നാൽ, വരാനിരിക്കുന്ന പരീക്ഷാ ടൈംടേബിളിനെക്കുറിച്ച് ബോർഡിൽ നിന്ന് ഇതുവരെ ഔദ്യോഗിക സ്ഥിരീകരണമൊന്നും ലഭിച്ചിട്ടില്ല.

ALSO READ: ജെഇഇ മെയിൻ 2027 രജിസ്ട്രേഷൻ എന്ന് മുതൽ? ആവശ്യമായ രേഖകൾ എന്തെല്ലാം

2027-ലെ സിബിഎസ്ഇ പരീക്ഷാ ഷെഡ്യൂളിനായുള്ള ആകംഷാഭരിതമായ കാത്തിരിപ്പിലാണ് രാജ്യത്തുടനീളമുള്ള ലക്ഷക്കണക്കിന് വിദ്യാർത്ഥികളും രക്ഷിതാക്കളും. പരീക്ഷാ തീയതികൾ പുറത്തുവരുന്നതോടെ പത്താം ക്ലാസ്, പന്ത്രണ്ടാം ക്ലാസ് വിദ്യാർത്ഥികൾക്ക് വിഷയങ്ങൾ തമ്മിലുള്ള ഇടവേളകൾ കണക്കിലെടുത്ത് മികച്ച റിവിഷൻ ആസൂത്രണം ചെയ്യാൻ സാധിക്കും.

ഡേറ്റ് ഷീറ്റ് എങ്ങനെ ഡൗൺലോഡ് ചെയ്യാം?

1. വിദ്യാർത്ഥികൾക്ക് cbse.gov.in എന്ന വെബ്സൈറ്റ് സന്ദർശിക്കുക.
2. ഹോം പേജിൽ നൽകിയിട്ടുള്ള 'Examination-circulars' അല്ലെങ്കിൽ 'Latest-notice' വിഭാഗം തുറക്കുക.
3. 2027-ലെ 10, 12 ക്ലാസ് ബോർഡ് പരീക്ഷകളെക്കുറിച്ചുള്ള അറിയിപ്പ് പരിശോധിക്കുക.
4. ശേഷം ഔദ്യോഗിക PDF ഫയൽ തുറക്കുക.
5. ക്ലാസ്, വിഷയ കോഡ്, വിഷയത്തിന്റെ പേര്, പരീക്ഷാ തീയതി, പരീക്ഷാ സമയം എന്നിവ പരിശോധിക്കുക.
6. ഭാവി ആവശ്യങ്ങൾക്കായി ഇത് ഡൗൺലോഡ് ചെയ്ത് സൂക്ഷിക്കുക.

2027-ലെ 10, 12 ക്ലാസ് ബോർഡ് പരീക്ഷകൾക്കായുള്ള 'ലിസ്റ്റ് ഓഫ് കാൻഡിഡേറ്റ്സ്' (LOC) സമർപ്പണവുമായി ബന്ധപ്പെട്ട നടപടികൾ വിദ്യാഭ്യാസ ബോർഡ് സെപ്റ്റംബർ 24-ന് ആരംഭിച്ചിരുന്നു. ബോർഡിന് കീഴിലുള്ള എല്ലാ സ്കൂളുകൾക്കും, യോഗ്യരായ വിദ്യാർത്ഥികളുടെ വിവരങ്ങൾ ഔദ്യോഗിക സിബിഎസ്ഇ പോർട്ടലായ cbse.gov.in വഴി ഒക്ടോബർ 21 വരെ പിഴയില്ലാതെ സമർപ്പിക്കാവുന്നതാണ്. 2027 ലെ ബോർഡ് പരീക്ഷകൾ എഴുതാൻ കാത്തിരിക്കുന്ന 10, 12 ക്ലാസുകളിലെ വിദ്യാർത്ഥികൾ സിബിഎസ്ഇയുടെ ഔദ്യോഗിക വെബ്‌സൈറ്റായ cbse.gov.in-ൽ ഇടയ്ക്കിടെ പരിശോധിക്കേണ്ടതാണ്.

English Summary:

CBSE is expected to publish the board exam date sheet for the academic year 2026-27 soon. Students can download their CBSE 10th and 12th board exam timetable from the official website, cbse.gov.in.

കോഴിക്കോട്: 68-ാമത് സംസ്ഥാന സ്കൂൾ കായികമേളയ്ക്ക് ഒക്ടോബർ 25ന് കോഴിക്കോട്ട് ആവേശകരമായ തുടക്കമാകും. ഏഴ് ദിവസം നീണ്ടുനിൽക്കുന്ന കായികമേളയുടെ ഉദ്ഘാടനം ചാത്തമംഗലം എൻഐടി മൈതാനത്ത് നടക്കുന്ന ചടങ്ങിൽ മുഖ്യമന്ത്രി വി ഡി സതീശൻ നിർവ്വഹിക്കും. സംഘാടക സമിതിയുടെ അവലോകന യോഗത്തിലാണ് ഒക്ടോബർ 25 മുതൽ 31 വരെ നടക്കുന്ന മേളയുടെ അന്തിമ രൂപരേഖ തയ്യാറാക്കിയത്. തിരുവനന്തപുരത്ത് നിന്നുള്ള സ്വർണ്ണക്കപ്പ് ഘോഷയാത്രയും കാസർകോട് നിന്നുള്ള ദീപശിഖാ പ്രയാണവും ഒക്ടോബർ 25-ന് രാവിലെ കോഴിക്കോട് ബീച്ചിൽ സംഗമിക്കും.

തുടർന്ന് നഗരപ്രദക്ഷിണത്തിന് ശേഷം കായികതാരങ്ങൾ അണിനിരക്കുന്ന വർണ്ണാഭമായ മാർച്ച് പാസ്റ്റോടെ പ്രധാന വേദിയായ ചാത്തമംഗലം എൻഐടി മൈതാനത്തേക്ക് എത്തിച്ചേരും. വൈകുന്നേരം നടക്കുന്ന ഉദ്ഘാടനച്ചടങ്ങിൽ ആയിരക്കണക്കിന് വിദ്യാർത്ഥികളാണ് പങ്കെടുക്കുക. ഒക്ടോബർ 31-ന് നടക്കുന്ന സമാപന സമ്മേളനത്തോടെ മേളയ്ക്ക് കൊടിയിറങ്ങും. എൻഐടി മൈതാനമടക്കം വിവിധ വേദികളിലാണ് മത്സരങ്ങൾ അരങ്ങേറുന്നത്.

ALSO READ: ഉമ്മൻചാണ്ടിയെ വേട്ടയാടിയത് മറക്കാനാവില്ല, പറയേണ്ടതൊക്കെ പാർട്ടി

സമാപന സമ്മേളനത്തിൽ ആഭ്യന്തര വകുപ്പ് മന്ത്രി രമേശ് ചെന്നിത്തലയായിരിക്കും മുഖ്യാതിഥിയായി എത്തുക. വിദ്യാഭ്യാസ മന്ത്രി എൻ ഷംസുദ്ദീൻറെ നേതൃത്വത്തിൽ കഴിഞ്ഞ ദിവസം സംഘാടക സമിതി അവലോകന യോഗം ചേർന്നാണ് ഇക്കാര്യങ്ങളിൽ അന്തിമ തീരുമാനമായത്. കഴിഞ്ഞ വർഷം തിരുവനന്തപുരത്താണ് സംസ്ഥാന സ്കൂൾ കായികമേള നടന്നത്. എന്നാൽ അന്ന് സമാപന ദിവസം 2026ലെ സ്കൂൾ കായികമേള കണ്ണൂരായിരിക്കുമെന്നാണ് അന്നതെ വിദ്യാഭ്യാസ മന്ത്രി വി ശിവൻകുട്ടി പ്രഖ്യാപിച്ചത്.

കണ്ണൂർ മാറ്റിയതിൽ വിവാദം

കഴിഞ്ഞ വർഷത്തെ പ്രഖ്യാപനത്തിന് പിന്നാലെ കണ്ണൂർ ജില്ലാ പഞ്ചായത്ത് പ്രസിഡൻറ് ബിനോയ് കുര്യൻ ഉൾപ്പെടെയുള്ളവർ നേരിട്ടെത്തി പതാക ഏറ്റുവാങ്ങിയിരുന്നു. എന്നാൽ പിന്നീട് അധികാരമേറ്റ യുഡിഎഫ് സർക്കാർ ഇത്തവണ കായികമേള കോഴിക്കോട് നടത്താൻ തീരുമാനിക്കുകയായിരുന്നു. മുൻ അറിയിപ്പി പ്രകാരം, ജില്ലയിൽ കായികമേളക്ക് വേണ്ട ഒരുക്കങ്ങൾ തുടങ്ങിയിരുന്നെന്നും വേദിമാറ്റം കണ്ണൂരിനെ നിരാശപ്പെടുത്തിയെന്നും ജില്ലാ പഞ്ചായത്ത് പ്രസിഡൻറ് ബിനോയ് കുര്യൻ പ്രതികരിച്ചിരുന്നു.

എന്നാൽ വേദിമാറ്റം വിദ്യാഭ്യാസ മന്ത്രി അറിഞ്ഞിട്ടില്ലെന്ന് ആദ്യം വാർത്തകൾ പുറത്തുവന്നിരുന്നു. എന്നാൽ അടുത്ത തവണ കണ്ണൂരിനെ പരിഗണിക്കാം എന്നായിരുന്നു പിന്നീട് എൻ ഷംസുദ്ദീൻ സംഭവത്തോട് പ്രതികരിച്ചുകൊണ്ട് പറഞ്ഞത്. കായികമേള നടത്താൻ കൂടുതൽ സൗകര്യങ്ങളുള്ളത് കോഴിക്കോടായതിനാലാണ് വേദിമാറ്റം വേണ്ടിവന്നതെന്നാണ് കായിക മന്ത്രി ഒ ജെ ജനീഷ് വ്യക്തമാക്കി. എൻഐടിയിലേത് പുതിയ ട്രാക്കാണെന്നും ഒളിംപിക് മാതൃകയിൽ മത്സരങ്ങൾ നടത്താനുള്ള എല്ലാവിധ സംവിധാനവും കണ്ണൂരിലേതിനേക്കാൾ കോഴിക്കോടാണെന്നും ജനീഷ് അഭിപ്രായപ്പെട്ടു.

English Summary:

Kerala State School Sports Meet is all set to kick off in Kozhikode on October 25. State-of-the-art venues, including the NIT campus, have been finalized to host various athletic events and grand cultural ceremonies.

2026-27 അധ്യയന വര്‍ഷത്തെ എംബിബിഎസ്, ബിഡിഎസ് കോഴ്‌സുകളിലെ മൂന്നാംഘട്ട അലോട്ട്‌മെന്റിന് ശേഷം ഒഴിവുള്ള സീറ്റുകള്‍ നികത്തുന്നതിനായി സ്‌ട്രേ വേക്കന്‍സി ഫില്ലിങ് അലോട്ട്‌മെന്റ് നടത്തും. മെഡിക്കല്‍ റാങ്ക് ലിസ്റ്റിലുള്ളവര്‍ക്ക് സ്‌ട്രേ വേക്കന്‍സി ഫില്ലിങ് അലോട്ട്‌മെന്റിനായി ഒക്ടോബര്‍ 20-ന് വൈകിട്ട് ആറു വരെ ഓണ്‍ലൈനായി ഓപ്ഷനുകള്‍ രജിസ്റ്റര്‍ ചെയ്യാം. സ്‌ട്രേ വേക്കന്‍സി ഫില്ലിങ് അലോട്ട്‌മെന്റില്‍ പങ്കെടുക്കാന്‍ താത്പര്യമുള്ളവര്‍ പ്രവേശന പരീക്ഷാ കമ്മീഷണറുടെ cee.kerala.gov.in എന്ന വെബ്‌സൈറ്റിലെ ഹോം പേജില്‍ പ്രവേശിക്കണം. തുടര്‍ന്ന് 'Stray Vacancy Option Registration' എന്ന മെനു ക്ലിക്ക് ചെയ്ത് ഓണ്‍ലൈനായി ഓപ്ഷനുകള്‍ രജിസ്റ്റര്‍ ചെയ്യാം.

താത്പര്യമുള്ള എല്ലാ കോളേജുകളിലേക്കും, കോഴ്‌സിലേക്കും ഓപ്ഷന്‍ നല്‍കണം. അലോട്ട്‌മെന്റ് ലഭിച്ചാല്‍ അഡ്മിഷന്‍ നേടും എന്ന് ഉറപ്പുള്ള കോളേജുകളിലും, കോഴ്‌സുകളിലും മാത്രം ഓപ്ഷന്‍ രജിസ്റ്റര്‍ ചെയ്യാന്‍ ശ്രദ്ധിക്കണം.

താത്കാലിക അലോട്ട്‌മെന്റ് ഷെഡ്യൂള്‍

Also Read: JEE Main 2027 Registration: ജെഇഇ മെയിൻ 2027 രജിസ്ട്രേഷൻ എന്ന് മുതൽ? അപേക്ഷിക്കാൻ ആവശ്യമായ രേഖകൾ എന്തെല്ലാം

ഇക്കാര്യങ്ങള്‍ മറക്കല്ലേ!

• മൂന്നാം ഘട്ടത്തില്‍ അലോട്ട്‌മെന്റ് കിട്ടിയവര്‍ക്ക് സ്‌ട്രേ വേക്കന്‍സി ഫില്ലിങ് അലോട്ട്‌മെന്റില്‍ പങ്കെടുക്കാന്‍ അര്‍ഹതയില്ല
• മൂന്നാം അലോട്ട്‌മെന്റിനെ തുടര്‍ന്ന് അഡ്മിഷന്‍ നേടിയവര്‍ക്കും ഈ അലോട്ട്‌മെന്റില്‍ പങ്കെടുക്കാനാകില്ല
• മുന്‍ അലോട്ട്‌മെന്റുകളെ തുടര്‍ന്ന്, അഡ്മിഷന്‍ നേടിയ കോളേജില്‍ നിന്നും ഒക്ടോബര്‍ ഏഴിന് രാവിലെ 10 മണിക്ക് ശേഷം വിടുതല്‍ വാങ്ങിയവര്‍ക്കും ഈ അലോട്ട്‌മെന്റില്‍ പങ്കെടുക്കാനാകില്ല
• സ്‌ട്രേ വേക്കന്‍സി ഫില്ലിങ് അലോട്ട്‌മെന്റിലൂടെ ലഭിക്കുന്ന സീറ്റുകളില്‍ പിന്നീട് യാതൊരു കാരണവശാലും മാറ്റം അനുവദിക്കില്ല

ഫീസ് അടക്കമുള്ളവ സംബന്ധിച്ചുള്ള വിശദാംശങ്ങള്‍ പ്രവേശന പരീക്ഷാ കമ്മീഷറുടെ വെബ്‌സൈറ്റില്‍ നല്‍കിയിരിക്കുന്ന വിജ്ഞാപനത്തില്‍ ലഭ്യമാണ്. സംശയങ്ങള്‍ക്ക് 0471 2332120, 2338487 എന്നീ ഹെല്‍പ് ലൈന്‍നമ്പറുകളുടെ സേവനം തേടാം.

English Summary

CEE Kerala has released the KEAM 2026 MBBS and BDS stray vacancy allotment notification. Eligible candidates on the Kerala State Medical Rank List can register options online by October 20, 2026. Candidates must pay the prescribed registration fee based on their category and college preferences. The final allotment results will be published on October 22, 2026.

ദേശീയ പരീക്ഷാ ഏജൻസി (എൻടിഎ) നടത്തുന്ന ജോയിന്റ് എൻട്രൻസ് എക്സാമിനേഷൻ (ജെഇഇ) മെയിൻ 2027 സെഷൻ 1-ലേക്കുള്ള രജിസ്ട്രേഷൻ നടപടികൾ ഒക്ടോബർ അവസാന വാരത്തോടെ ആരംഭിക്കുമെന്ന് പ്രതീക്ഷിക്കുന്നു. നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി (NIT), ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി (IIIT), മറ്റ് കേന്ദ്ര ധനസഹായമുള്ള സാങ്കേതിക സ്ഥാപനങ്ങൾ (CFTI) എന്നിവയിലെ ബിരുദതല എഞ്ചിനീയറിംഗ് (B.E/B.Tech), ആർക്കിടെക്ചർ കോഴ്സുകളിലേക്ക് പ്രവേശനം ആഗ്രഹിക്കുന്ന വിദ്യാർത്ഥികൾക്ക് ഓൺലൈനായി അപേക്ഷിക്കാം.

നാഷണൽ ടെസ്റ്റിംഗ് ഏജൻസിയുടെ ഔദ്യോഗിക വെബ്സൈറ്റായ jeemain.nta.nic.in വഴിയാണ് അപേക്ഷ സമർപ്പിക്കേണ്ടത്. ആദ്യ സെഷൻ പരീക്ഷകൾ 2027 ജനുവരി മാസത്തിൽ നടത്താനാണ് നിലവിൽ നിശ്ചയിച്ചിരിക്കുന്നത്. അവസാന നിമിഷത്തിലെ തിരക്കുകളും സാങ്കേതിക തടസ്സങ്ങളും ഒഴിവാക്കാൻ വിദ്യാർത്ഥികൾ താഴെ പറയുന്ന രേഖകൾ മുൻകൂട്ടി തയ്യാറാക്കി വെക്കേണ്ടതാണ്.

ALSO READ: യുജിസി നെറ്റ് എഴുതുന്നവരാണോ? പേന മുതൽ ചെരുപ്പ് വരെ പുതിയ നിയമങ്ങൾ

ആവശ്യമായ രേഖകൾ എന്തെല്ലാം?

• മൊബൈൽ നമ്പറും ഇമെയിൽ ഐഡിയും: പരീക്ഷാ സംബന്ധമായ എല്ലാ അറിയിപ്പുകളും അപേക്ഷാ നമ്പറും ഇതിലേക്കാണ് വരുന്നത്.
• തിരിച്ചറിയൽ വിവരങ്ങൾ: ആധാർ കാർഡ് അല്ലെങ്കിൽ ബാധകമായ മറ്റേതെങ്കിലും അംഗീകൃത തിരിച്ചറിയൽ രേഖ.
• പത്താം ക്ലാസ് സർട്ടിഫിക്കറ്റ്: ജനന തീയതിയും വിദ്യാഭ്യാസ വിവരങ്ങളും തെളിയിക്കുന്നതിന് ആവശ്യമാണ്.
• പന്ത്രണ്ടാം ക്ലാസ് വിവരങ്ങൾ: ബോർഡിന്റെ പേര്, സ്കൂൾ വിവരങ്ങൾ, വിജയിച്ച വർഷം എന്നിവ തെളിയിക്കുന്നതിനായി.
• പാസ്‌പോർട്ട് സൈസ് ഫോട്ടോ: വ്യക്തമായതും, വെള്ള പശ്ചാത്തലത്തിലുള്ളതുമായ പുതിയ ഫോട്ടോ (JPG/JPEG ഫോർമാറ്റിൽ 10 KB മുതൽ 200 KB വരെ).
• ഒപ്പ് (Scanned Signature): വെള്ള പേപ്പറിൽ കറുപ്പോ നീലയോ മഷിയിൽ ഒപ്പിട്ട് സ്കാൻ ചെയ്ത പകർപ്പ് (4 KB മുതൽ 30 KB വരെ).
• കമ്മ്യൂണിറ്റി / സംവരണ സർട്ടിഫിക്കറ്റ്: EWS, OBC-NCL, SC, ST വിഭാഗങ്ങളിൽപ്പെടുന്നവർ ആവശ്യമായ സർട്ടിഫിക്കറ്റ് വിവരങ്ങൾ നൽകേണ്ടതാണ്.
• ഭിന്നശേഷി സർട്ടിഫിക്കറ്റ് (PwD): ബാധകമെങ്കിൽ മാത്രം (PDF ഫോർമാറ്റിൽ).
• ഓൺലൈൻ പേയ്‌മെന്റ് മാർഗ്ഗങ്ങൾ: ഫീസ് അടയ്ക്കാൻ യുപിഐ (UPI), നെറ്റ് ബാങ്കിംഗ്, ക്രെഡിറ്റ്/ഡെബിറ്റ് കാർഡ് സൗകര്യം.

രജിസ്ട്രേഷൻ സമയക്രമവും പരീക്ഷാ തീയതികളും

ഒന്നാം സെഷനിലേക്കുള്ള (Session 1) അപേക്ഷാ നടപടികൾ 2026 ഒക്ടോബർ അവസാനത്തോടെ ആരംഭിക്കുമെന്നും, രജിസ്ട്രേഷൻ നവംബർ വരെ തുടരാനുമാണ് സാധ്യത. 2027 ജനുവരി 22, 23, 24, 28, 29, 30 തീയതികളിലാണ് പരീക്ഷ നിശ്ചയിച്ചിരിക്കുന്നത്. ജനുവരി 31 ഒരു അധിക തീയതിയായി മാറ്റിവച്ചിരിക്കുന്നു.

രണ്ടാം സെഷൻ 2027 ഏപ്രിലിൽ നടക്കുമെന്നാണ് പ്രതീക്ഷിക്കുന്നത്. ഇതിനായുള്ള രജിസ്ട്രേഷൻ ഫെബ്രുവരിയിൽ ആരംഭിച്ചേക്കാം. അപേക്ഷ സമർപ്പിക്കേണ്ട അവസാന തീയതികൾ, പരീക്ഷയുമായി ബന്ധപ്പെട്ട വിശദമായ നിർദ്ദേശങ്ങൾ, മറ്റ് വിവരങ്ങൾ എന്നിവ അറിയുന്നതിന് ഉദ്യോഗാർത്ഥികൾ ഔദ്യോഗിക വെബ്സൈറ്റ് സന്ദർശിക്കേണ്ടതാണ്.

English Summary:

NTA is expected to begin the registration process for the Joint Entrance Examination (JEE) Main 2027 Session 1 in the last week of October. The examination is scheduled to take place in January 2027.

നാഷണൽ ടെസ്റ്റിംഗ് ഏജൻസി (എൻടിഎ) യുജിസി നെറ്റ് ഡിസംബർ 2026 പരീക്ഷയുടെ ഇൻഫർമേഷൻ ബുള്ളറ്റിനിൽ തിരുത്തൽ വിജ്ഞാപനം പുറപ്പെടുവിച്ചു. നിരവധി വ്യവസ്ഥകള്‍ പരിഷ്‌കരിച്ചു. പരീക്ഷാർത്ഥികൾക്ക് കൂടുതൽ വ്യക്തതയും സ്ഥിരതയും സുതാര്യതയും ഉറപ്പാക്കുന്നതിന്റെ ഭാഗമായാണ് ഈ മാറ്റങ്ങൾ വരുത്തിയിട്ടുള്ളതെന്ന് ഏജൻസി വ്യക്തമാക്കി. പരീക്ഷ 2026 ഡിസംബർ 14, 15, 16, 17, 18, 21 തീയതികളിൽ നടക്കും. ഒക്ടോബർ 8-നാണ് അപേക്ഷകൾ ആരംഭിച്ചത്. അപേക്ഷകര്‍ പുതിയ വിവരങ്ങള്‍ വിശദമായി പരിശോധിക്കണമെന്ന് എന്‍ടിഎ നിര്‍ദ്ദേശിച്ചു. ഏറ്റവും പുതിയ വിവരങ്ങൾക്കും അറിയിപ്പുകൾക്കുമായി എൻടിഎ, യുജിസി നെറ്റ് എന്നിവയുടെ ഔദ്യോഗിക വെബ്സൈറ്റുകൾ പരീക്ഷാർത്ഥികൾ പതിവായി സന്ദർശിക്കേണ്ടതാണ്.

ugcnet.nta.nic.in എന്ന വെബ്‌സൈറ്റ് വഴി വിശദാംശങ്ങള്‍ പരിശോധിക്കാം. യോഗ്യരായവര്‍ക്ക് ഈ വെബ്‌സൈറ്റ് വഴി ഒക്ടോബർ 28 രാത്രി 11:50 വരെ അപേക്ഷകൾ സമർപ്പിക്കാം. വൈകിയുള്ള ഫീസോടെയുള്ള അപേക്ഷകൾ ഒക്ടോബർ 31 വരെ സ്വീകരിക്കും.

വിഷയങ്ങൾ തിരിച്ചുള്ള പരീക്ഷാ ടൈംടേബിൾ പിന്നീട് വെവ്വേറെ പ്രഖ്യാപിക്കും. പരീക്ഷാ കേന്ദ്രം ഏത് നഗരത്തിലാണെന്ന് വ്യക്തമാക്കുന്ന അഡ്വാൻസ് സിറ്റി ഇന്റിമേഷൻ സ്ലിപ്പ് നവംബർ 23-ന് പ്രസിദ്ധീകരിക്കും. അഡ്മിറ്റ് കാർഡുകൾ ഡിസംബർ 7 മുതൽ ഡൗൺലോഡ് ചെയ്യാൻ സാധിക്കും.

പ്രധാന മാറ്റങ്ങള്‍

പരീക്ഷാ കേന്ദ്രത്തിൽ പേന നൽകുന്നതായിരിക്കും. 'മാർക്ക് ഫോർ റിവ്യൂ' ആയി അടയാളപ്പെടുത്തിയാലും ഉത്തരമെഴുതുകയോ ശ്രമിക്കുകയോ ചെയ്ത ചോദ്യങ്ങൾ മൂല്യനിർണ്ണയം ചെയ്യും. മുൻപത്തെ വ്യവസ്ഥയിൽ, ഉത്തരം എഴുതാത്തതോ ശ്രമിക്കാത്തതോ ആയ ചോദ്യങ്ങൾക്കും (മാർക്ക് ഫോർ റിവ്യൂ എന്ന് അടയാളപ്പെടുത്തിയവ ഉൾപ്പെടെ) മാർക്ക് നൽകില്ലെന്നാണ് രേഖപ്പെടുത്തിയിരുന്നത്.

Also Read: Railway Jobs: പ്ലസ് ടു യോഗ്യതയുണ്ടോ? റെയിൽവേയിൽ 1688 ഒഴിവുകൾ; ശമ്പളവും മറ്റ് വിവരങ്ങളും

പരീക്ഷ ആരംഭിക്കുന്നതിന് 30 മിനിറ്റ് മുമ്പ് പരീക്ഷാ കേന്ദ്രത്തിന്റെ ഗേറ്റുകൾ അടയ്ക്കും. സാധാരണ ഷൂസുകൾ, സ്ലിപ്പറുകൾ, താഴ്ന്ന ഹീലുള്ള ചെരുപ്പുകൾ എന്നിവ അനുവദനീയമാണ്. നീളമുള്ള ബൂട്ടുകൾ അനുവദിക്കില്ല.

അപ്‌ഡേറ്റുകൾക്കായി ഔദ്യോഗിക പോർട്ടൽ പരിശോധിക്കുകയും ബന്ധപ്പെട്ട രേഖകൾ പുറത്തിറങ്ങുമ്പോൾ ഡൗൺലോഡ് ചെയ്യുകയും വേണം. പെർസെന്റൈൽ സ്കോറിനൊപ്പം മാർക്കുകളും ഉൾപ്പെടുത്തിയായിരിക്കും ഫലം പ്രഖ്യാപിക്കുക. 87 വിഷയങ്ങളിലായി ജൂനിയർ റിസർച്ച് ഫെല്ലോഷിപ്പ്, അസിസ്റ്റന്റ് പ്രൊഫസർ നിയമനം, പിഎച്ച്ഡി പ്രോഗ്രാമുകളിലേക്കുള്ള പ്രവേശനം എന്നിവയ്ക്കുള്ള യോഗ്യത യുജിസി നെറ്റ് നിർണ്ണയിക്കുന്നു.

അപേക്ഷാ ഫീസ്‌

ജനറൽ കാറ്റഗറി ഉദ്യോഗാർത്ഥികൾക്ക് 1,150 രൂപയും, ഇഡബ്ല്യുഎസ്‌ വിഭാഗങ്ങൾക്കും നോൺ-ക്രീമിലെയർ വിഭാഗത്തിൽപ്പെടുന്ന മറ്റ് പിന്നാക്ക വിഭാഗങ്ങൾക്കും (OBC-NCL) 600 രൂപയും, മറ്റ് വിഭാഗങ്ങൾക്ക് 325 രൂപയുമാണ് അപേക്ഷാ ഫീസ്.

English Summary

The NTA has issued revised rules and an updated information bulletin for UGC NET December 2026. The examination will now take place from December 4 to 18 and on December 21. Eligible candidates can apply online until October 28, with late fees accepted until October 31. Attempted questions will be evaluated, but unanswered ones will get no marks even if marked for review.

തൊഴിലന്വേഷകർക്ക് സുവർണ്ണാവസരവുമായി ഇന്ത്യൻ റെയിൽവേ. പ്ലസ് ടു യോഗ്യതയുള്ളവർക്കായി അണ്ടർഗ്രാജുവേറ്റ് (Undergraduate) വിഭാഗത്തിൽ 1,688 ഒഴിവുകളിലേക്ക് നിയമനം നടത്താനുള്ള ഔദ്യോഗിക വിജ്ഞാപനം റെയിൽവേ പുറപ്പെടുവിച്ചു. റെയിൽവേ റിക്രൂട്ട്‌മെന്റ് ബോർഡ് (RRB) വഴിയാണ് തിരഞ്ഞെടുപ്പ് പ്രക്രിയകൾ നടക്കുന്നത്. താല്പര്യമുള്ള ഉദ്യോഗാർത്ഥികൾക്ക് ഔദ്യോഗിക വെബ്‌സൈറ്റ് വഴി ഓൺലൈനായി അപേക്ഷകൾ സമർപ്പിക്കാവുന്നതാണ്. നവംബർ 13 വരെയാണ് അപേക്ഷ സമർപ്പിക്കേണ്ട അവസാന തീയതി.

കൊമേഴ്‌സ്യൽ കം ടിക്കറ്റ് ക്ലർക്ക്, അക്കൗണ്ട്‌സ് ക്ലർക്ക് കം ടൈപ്പിസ്റ്റ്, ജൂനിയർ ക്ലർക്ക് കം ടൈപ്പിസ്റ്റ്, ട്രെയിൻസ് ക്ലർക്ക്, എന്നീ തസ്തികകളിലാണ് ഒഴിവുകളുള്ളത്. കൊമേഴ്‌സ്യൽ കം ടിക്കറ്റ് ക്ലർക്ക് – 700 ഒഴിവുകളും, അക്കൗണ്ട്‌സ് ക്ലർക്ക് കം ടൈപ്പിസ്റ്റ് – 200, ജൂനിയർ ക്ലർക്ക് കം ടൈപ്പിസ്റ്റ് – 600, ട്രെയിൻസ് ക്ലർക്ക് – 188 എന്നിങ്ങനെ 1,688 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. അംഗീകൃത ബോർഡിൽ നിന്ന് പ്ലസ് ടു അല്ലെങ്കിൽ തത്തുല്യ പരീക്ഷ പാസായിരിക്കണം.

ALSO READ: ഐഐഎം കോഴിക്കോടിൽ സ്ഥിര ജോലി നേടാം; മാസം 62,000 രൂപ വരെ ശമ്പളം

ഒഴിവുകളുടെ മറ്റ് വിവരങ്ങൾ

അംഗീകൃത ബോർഡിൽ നിന്ന് പ്ലസ് ടു അല്ലെങ്കിൽ തത്തുല്യ പരീക്ഷ പാസായിരിക്കണം. ജനറൽ വിഭാഗത്തിന് 50 ശതമാനം മാർക്ക് ആവശ്യമാണ്. പട്ടികജാതി-പട്ടികവർഗം, ഭിന്നശേഷിക്കാർ, വിമുക്തഭടന്മാർ, പ്ലസ് ടുവിനേക്കാൾ ഉയർന്ന വിദ്യാഭ്യാസ യോഗ്യതയുള്ളവർ എന്നിവർക്ക് ഈ നിബന്ധനയിൽ ഇളവുണ്ട്. 2026 നവംബർ 13നകം ആവശ്യമായ വിദ്യാഭ്യാസ യോഗ്യത നേടിയിരിക്കണം. അപേക്ഷകന്റെ പ്രായം 18നും 30നും ഇടയിൽ ആയിരിക്കണം. സംവരണ വിഭാഗങ്ങൾക്ക് അഞ്ച് വർഷം വരെ ഇളവ് ലഭിക്കും. ഭിന്നശേഷിക്കാർക്ക് വിഭാഗമനുസരിച്ച് 10 മുതൽ 15 വർഷം വരെ പ്രായപരിധിയിൽ ഇളവുണ്ട്.

തസ്തിക അനുസരിച്ച് ഏഴാം ശമ്പള കമ്മിഷൻ പ്രകാരം ലെവൽ രണ്ട്, മൂന്ന് ശമ്പള സ്കെയിലുകളിലാണ് നിയമനം. കൊമേഴ്‌സ്യൽ കം ടിക്കറ്റ് ക്ലർക്ക് തസ്തികയിൽ തുടക്ക അടിസ്ഥാന ശമ്പളം 21,700 രൂപയാണ്. മറ്റ് തസ്തികകളിൽ 19,900 രൂപയാണ് അടിസ്ഥാന ശമ്പളം. കംപ്യുട്ടർ അധിഷ്ഠിത പരീക്ഷയുടെ രണ്ട് ഘട്ടങ്ങൾ (CBT 1, CBT 2), രേഖാപരിശോധന, മെഡിക്കൽ പരിശോധന എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്.

അപേക്ഷിക്കേണ്ട വിധം

1. റെയിൽവേ റിക്രൂട്ട്‌മെന്റ് ബോർഡിന്റെ (RRB) ഔദ്യോഗിക വെബ്‌സൈറ്റ് സന്ദർശിക്കുക.
2. പുതിയ വിജ്ഞാപനം ലിങ്ക് തിരഞ്ഞെടുത്ത് 'Apply Online' എന്നതിൽ ക്ലിക്ക് ചെയ്യുക.
3. വിവരങ്ങൾ കൃത്യമായി നൽകി രജിസ്‌ട്രേഷൻ നടപടികൾ പൂർത്തിയാക്കുക.
4. ആവശ്യമായ സർട്ടിഫിക്കറ്റുകളും ഫോട്ടോയും ഒപ്പും അപ്‌ലോഡ് ചെയ്യുക.
5. അപേക്ഷാ ഫീസ് അടച്ച ശേഷം അപേക്ഷ സമർപ്പിച്ച് കൺഫർമേഷൻ പേജ് പ്രിന്റ് എടുത്ത് സൂക്ഷിക്കുക.

English Summary:

RRB NTPC Undergraduate Recruitment 2026: Railway Recruitment Boards (RRBs) have announced 1,688 vacancies for 12th-pass candidates. Online applications open on 15 October 2026 and close on 13 November 2026.

ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് കോഴിക്കോട് (ഐഐഎം കോഴിക്കോട്‌) പ്രധാന കാമ്പസിലെയും കൊച്ചി കാമ്പസിലെയും വിവിധ സ്ഥിര തസ്തികകളിലേക്ക് യോഗ്യരായ ഉദ്യോഗാർത്ഥികളിൽ നിന്ന് ഓൺലൈനായി അപേക്ഷ ക്ഷണിച്ചു. അസിസ്റ്റന്റ്, ജൂനിയർ അസിസ്റ്റന്റ്, ജൂനിയർ അക്കൗണ്ടന്റ് തസ്തികകളിലാണ് അവസരം. എല്ലാ തസ്തികകളിലേക്കും പ്രവൃത്തിപരിചയം വേണം. പ്രവൃത്തിപരിചയം സംബന്ധിച്ച വിശദാംങ്ങള്‍ അറിയാന്‍ ഔദ്യോഗിക വിജ്ഞാപനം വായിക്കണം. ഓൺലൈൻ അപേക്ഷകൾ ഒക്ടോബർ 15 മുതൽ നവംബർ 14 വരെ (രാത്രി 11.59 വരെ) സമർപ്പിക്കാം. എഴുത്തുപരീക്ഷ വഴിയാണ് നിയമനം. www.iimk.ac.in എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. വിജ്ഞാപനവും ഈ വെബ്‌സൈറ്റില്‍ ലഭ്യമാണ്.

1. അസിസ്റ്റന്റ് (ഗ്രൂപ്പ്-ബി) പോസ്റ്റ് കോഡ്: ASST

അസിസ്റ്റന്റ് തസ്തികയിലേക്ക് ആകെ 05 ഒഴിവുകളാണുള്ളത്. പേ ലെവൽ-35,400 - 1,12,400 അടിസ്ഥാനമാക്കിയുള്ളതാണ് ശമ്പള സ്കെയിൽ. പ്രതിമാസം ഏകദേശം 62,000 രൂപ ശമ്പളമായി (Gross Pay) ലഭിക്കും. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. പരിചയസമ്പത്ത് ആവശ്യമാണ്.

കേന്ദ്ര/സംസ്ഥാന സർക്കാർ സർവീസുകൾ, പ്രമുഖ അക്കാദമിക്/ഗവേഷണ സ്ഥാപനങ്ങൾ, പൊതുമേഖലാ സ്ഥാപനങ്ങൾ, സ്വയംഭരണ സ്ഥാപനങ്ങൾ അല്ലെങ്കിൽ പ്രശസ്തമായ സ്വകാര്യ സ്ഥാപനങ്ങൾ എന്നിവയിലുള്ള ഓഫീസ്‌ അഡ്മിനിസ്ട്രേഷൻ/ക്ലറിക്കൽ പ്രവൃത്തിപരിചയമാണ് പരിഗണിക്കുന്നത്.

Also Read: Kerala PSC: മില്‍മയിലടക്കം അവസരം; വിവിധ തസ്തികകളില്‍ നോട്ടിഫിക്കേഷന്‍ പുറത്തുവിടാന്‍ പിഎസ്‌സി

പൊതുവിഭാഗത്തിൽപ്പെട്ടവർക്ക് ഉയർന്ന പ്രായപരിധി 35 വയസ്സാണ്. പട്ടികജാതി/പട്ടികവർഗ്ഗ വിഭാഗക്കാർക്ക് 40 വയസ്സും മറ്റ് പിന്നാക്ക വിഭാഗക്കാർക്ക് (OBC) 38 വയസ്സുമാണ് പ്രായപരിധി. എഴുത്തുപരീക്ഷയുടെ മാത്രം അടിസ്ഥാനത്തിലാണ് തിരഞ്ഞെടുപ്പ്.

2. ജൂനിയർ അസിസ്റ്റന്റ് (ഗ്രൂപ്പ്-സി) പോസ്റ്റ് കോഡ്: JA

ജൂനിയർ അസിസ്റ്റന്റ് തസ്തികയിലേക്ക് ആകെ 04 ഒഴിവുകളാണുള്ളത്. പ്രതിമാസം ഏകദേശം 45,000 രൂപ ശമ്പളം ലഭിക്കും. ഏതെങ്കിലും വിഷയത്തിലുള്ള ബിരുദമാണ് വിദ്യാഭ്യാസ യോഗ്യത. പ്രവൃത്തിപരിചയം വേണം.

3. ജൂനിയർ അക്കൗണ്ടന്റ് (ഗ്രൂപ്പ്-സി) പോസ്റ്റ് കോഡ്: JACC

ജൂനിയർ അക്കൗണ്ടന്റ് തസ്തികയിൽ ആകെ 02 ഒഴിവുകളാണുള്ളത്. പ്രതിമാസം ഏകദേശം 45,000 രൂപ ശമ്പളം ലഭിക്കും. ബികോം/ ബിബിഎ/ ഇന്റർ-സിഎ/ ഇന്റർ-ഐ.സിഡബ്ല്യുഎ എന്നിവയാണ് വിദ്യാഭ്യാസ യോഗ്യതകൾ. നിര്‍ബന്ധമാണ്.

ശ്രദ്ധിക്കുക

ഓൺലൈനായി സമർപ്പിച്ച അപേക്ഷയുടെ പ്രിന്റൗട്ടിൽ ഉദ്യോഗാർത്ഥി ഒപ്പുവെച്ച്, ആവശ്യമായ സർട്ടിഫിക്കറ്റുകളുടെയും രേഖകളുടെയും സ്വയം സാക്ഷ്യപ്പെടുത്തിയ പകർപ്പുകൾ സഹിതം സ്പീഡ് പോസ്റ്റ് / രജിസ്റ്റേർഡ് പോസ്റ്റ് / കൊറിയർ മാർഗ്ഗം അയച്ചു നൽകണം. കവറിന് മുകളിൽ ഇടതുവശത്ത് മുകളിലായി "Application for the post of [Post Code]" എന്ന് വ്യക്തമായി എഴുതിയിരിക്കണം. അപേക്ഷകൾ താഴെ പറയുന്ന വിലാസത്തിൽ ലഭിക്കണം:

HR In-charge
Indian Institute of Management Kozhikode
IIM Kozhikode Campus P.O
Kozhikode, Keralam 673 570.

English Summary

Indian Institute of Management Kozhikode is inviting online applications for 11 regular non-teaching posts. The vacancies include Assistant, Junior Assistant, and Junior Accountant roles across its Kozhikode and Kochi campuses. Graduates with relevant clerical or accounting experience in specified pay levels are eligible to apply. The selection is based solely on a written test, and applications close on November 14, 2026.

തിരുവനന്തപുരം: സംസ്ഥാനത്തെ ജീവനക്കാര്‍ക്കും വിദ്യാര്‍ഥികള്‍ക്കും സന്തോഷവാര്‍ത്ത. പൂജവെപ്പ് പ്രമാണിച്ച് സംസ്ഥാനത്തെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും തിങ്കളാഴ്ചയും അവധി. ഒക്ടോബര്‍ 19ന് തിങ്കളാഴ്ച അവധി നല്‍കാന്‍ സര്‍ക്കാര്‍ തലത്തില്‍ ധാരണയായി. ഉത്തരവ് വൈകാതെ പുറത്തിറങ്ങുമെന്നാണ് വിവരം. ഒക്ടോബര്‍ 18ന് ഞായറാഴ്ചയാണ് ഈ വര്‍ഷത്തെ പൂജവെപ്പ്, ഇത് കണക്കിലെടുത്താണ് തിങ്കളാഴ്ച അവധി പ്രഖ്യാപിച്ചിരിക്കുന്നത്.

ഒക്ടോബര്‍ 20, 21 തീയതികളില്‍ പ്രധാന അവധി

കേരള സര്‍ക്കാരിന്റെ 2026ലെ പൊതു അവധി പട്ടിക പ്രകാരം ഒക്ടോബര്‍ 20 ചൊവ്വാഴ്ച മഹാനവമിയും ഒക്ടോബര്‍ 21 ബുധനാഴ്ച വിജയദശമിയുമാണ്. നവരാത്രിയുടെ ഭാഗമായ ദുര്‍ഗാഷ്ടമി ഒക്ടോബര്‍ 19 തിങ്കളാഴ്ചയാണ്. പുസ്തകങ്ങളും പഠനോപകരണങ്ങളും പൂജയ്ക്ക് വെക്കുന്ന പൂജവെപ്പ്, പൂജയെടുപ്പ് തുടങ്ങിയ ചടങ്ങുകള്‍ ഈ ദിവസങ്ങളുമായി ബന്ധപ്പെട്ടാണ് നടക്കുന്നത്. എന്നാല്‍ ദുര്‍ഗാഷ്ടമി ദിവസം എല്ലാ സ്‌കൂളുകള്‍ക്കും അവധിയാണെന്ന് കരുതരുത്.

പൂജ അവധിയില്‍ സ്‌കൂളുകള്‍ എത്ര ദിവസം അടയ്ക്കും?

സംസ്ഥാനത്തെ സ്‌കൂളുകളുടെ അവധി ക്രമീകരണം അറിയാന്‍ പൊതുഅവധി പട്ടികയ്‌ക്കൊപ്പം വിദ്യാഭ്യാസ വകുപ്പിന്റെ അക്കാദമിക് കലണ്ടറും സ്‌കൂള്‍ അറിയിപ്പുകളും പരിശോധിക്കണം. മഹാനവമി, വിജയദശമി ദിവസങ്ങളിലാണ് പ്രധാന അവധി.

Also Read: Pooja Holidays 2026: ഒരാഴ്ച വീട്ടിലിരിക്കാം! പൂജവെപ്പ് മുതല്‍ വിദ്യാരംഭം വരെ; 2026ലെ അവധി തീയതികള്‍ അറിയാം

വിജയദശമിക്ക് പിന്നാലെ ഒക്ടോബര്‍ 22 വ്യാഴാഴ്ച ക്ലാസുകള്‍ പുനരാരംഭിക്കുമോ എന്ന കാര്യവും അതത് സ്‌കൂളിന്റെ കലണ്ടര്‍ അനുസരിച്ച് ഉറപ്പാക്കുന്നതാണ് ഉചിതം. അതിനാല്‍ അവധി ദിവസങ്ങളുടെ എണ്ണവും സ്‌കൂള്‍ തുറക്കുന്ന തീയതിയും മുന്‍കൂട്ടി അറിയാന്‍ രക്ഷിതാക്കള്‍ സ്‌കൂളുമായി ബന്ധപ്പെടണം.

വിദ്യാരംഭം എപ്പോള്‍?

2026 ഒക്ടോബര്‍ 21 ബുധനാഴ്ചയാണ് വിജയദശമി. കുട്ടികളെ ആദ്യമായി എഴുത്തിലേക്കും പഠനത്തിലേക്കും പരിചയപ്പെടുത്തുന്ന വിദ്യാരംഭ ചടങ്ങുകള്‍ ഈ ദിവസം ക്ഷേത്രങ്ങളിലും സാംസ്‌കാരിക സ്ഥാപനങ്ങളിലും വീടുകളിലും നടത്താറുണ്ട്. പൂജവെപ്പിന്റെ ഭാഗമായി പുസ്തകങ്ങള്‍, പേനകള്‍, സംഗീതോപകരണങ്ങള്‍, തൊഴില്‍ ഉപകരണങ്ങള്‍ എന്നിവ പൂജയ്ക്ക് സമര്‍പ്പിക്കുന്നതാണ് പതിവ്. മഹാനവമി ദിനത്തിലെ പൂജകള്‍ക്കുശേഷം വിജയദശമിയില്‍ പൂജയെടുക്കുകയും പഠനോപകരണങ്ങള്‍ തിരിച്ചെടുക്കുകയും ചെയ്യുന്നു.

English Summary

Kerala has declared October 19, 2026, a holiday for educational institutions and government employees in connection with Pooja Veppu. The announcement provides a holiday ahead of the Navaratri and Vijayadashami celebrations.

വിവിധ തസ്തികകളില്‍ നോട്ടിഫിക്കേഷന്‍ പുറത്തുവിടാന്‍ കേരള പബ്ലിക് സര്‍വീസ് കമ്മീഷന്‍ (പിഎസ്‌സി) യോഗം തീരുമാനിച്ചു. ഒമ്പത് തസ്തികകളിലേക്കാണ് പുതിയതായി വിജ്ഞാപനം പുറത്തുവിടുന്നത്. സംസ്ഥാനതലത്തില്‍ ജനറല്‍ റിക്രൂട്ട്‌മെന്റ്, സ്‌പെഷ്യല്‍ റിക്രൂട്ട്‌മെന്റ് എന്നീ വിഭാഗങ്ങളില്‍ ഓരോ നോട്ടിഫിക്കേഷനുകള്‍ വീതമാണുള്ളത്. എന്‍സിഎ റിക്രൂട്ട്‌മെന്റില്‍ സംസ്ഥാനതലത്തില്‍ അഞ്ചും, ജില്ലാതലത്തില്‍ രണ്ടും വിജ്ഞാപനങ്ങള്‍ പുറത്തുവിടും. കേരള കോ-ഓപ്പറേറ്റീവ് മില്‍ക്ക് മാര്‍ക്കറ്റിങ് ഫെഡറേഷന്‍ ലിമിറ്റഡില്‍ (മില്‍മ) ലബോറട്ടറി അസിസ്റ്റന്റ് (ഡയറി/സിഎഫ്) (പാര്‍ട്ട് 1-ജനറല്‍ കാറ്റഗറി, പാര്‍ട്ട് 2-സൊസൈറ്റി കാറ്റഗറി) തസ്തികയിലെ വിജ്ഞാപനമാണ് സംസ്ഥാനതലം ജനറല്‍ റിക്രൂട്ട്‌മെന്റ് വിഭാഗത്തിലെ ഏക വിജ്ഞാപനം.

ട്രാവന്‍കൂര്‍-കൊച്ചിന്‍ കെമിക്കല്‍സ് ലിമിറ്റഡില്‍ അറ്റന്‍ഡര്‍ (പട്ടികവര്‍ഗം) വിജ്ഞാപമാണ് സംസ്ഥാനതലത്തില്‍ സ്‌പെഷ്യല്‍ ഫിക്രൂട്ട്‌മെന്റായി പുറത്തുവിടാന്‍ തീരുമാനിച്ചത്. കേരള പൊലീസ് വകുപ്പില്‍ പൊലീസ് കോണ്‍സ്റ്റബിള്‍ (ട്രെയിനി) (ആംഡ് പൊലീസ് ബറ്റാലിയന്‍) എറണാകുളം (കെഎപി 1 ബറ്റാലിയന്‍) (എല്‍സി/എഐ), എറണാകുളം ജില്ലയില്‍ എന്‍സിസി/ സൈനിക വെല്‍ഫെയര്‍ വകുപ്പില്‍ എല്‍ഡി ടൈപ്പിസ്റ്റ്/ക്ലര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലര്‍ക്ക് (വിമുക്തഭടന്മാര്‍ മാത്രം-പട്ടികജാതി) എന്നീ നോട്ടിഫിക്കേഷനുകള്‍ ജില്ലാതലത്തില്‍ എന്‍സിഎ റിക്രൂട്ട്‌മെന്റായി പ്രസിദ്ധീകരിക്കും.

Also Read: NEET PG Counselling 2026: നീറ്റ് പിജി കൗൺസിലിംഗ് രജിസ്ട്രേഷൻ; ഈ തെറ്റ് വരുത്തിയാൽ സീറ്റ് നഷ്ടമാകും

മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ കാര്‍ഡിയോളജി (മുസ്ലീം, എല്‍സി/എഐ), മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ പാത്തോളജി (ധീവര), മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ കാര്‍ഡിയോളജി (പട്ടികജാതി), മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ കാര്‍ഡിയോ വാസ്‌കുലാര്‍ ആന്‍ഡ് തെറാസിക് സര്‍ജറി (ധീവര), മെഡിക്കല്‍ വിദ്യാഭ്യാസ വകുപ്പില്‍ സിഎസ്ആര്‍ ടെക്‌നീഷ്യന്‍ ഗ്രേഡ് 2/സ്റ്റെറിലൈസേഷന്‍ ടെക്‌നീഷ്യന്‍ ഗ്രേഡ് (പട്ടികജാതി/എല്‍സി/എഐ) എന്നീ തസ്തികയിലെ നോട്ടിഫിക്കേഷനുകള്‍ സംസ്ഥാനതലത്തില്‍ എന്‍സിഎ റിക്രൂട്ട്‌മെന്റായി പുറത്തുവിടും.

അവസാന തീയതി ഡിസംബര്‍ രണ്ട്‌

ഡിസംബര്‍ രണ്ടാണ് അപേക്ഷ സ്വീകരിക്കുന്ന അവസാന തീയതി. നവംബര്‍ 30 ആണ് അസാധാരണ ഗസറ്റ് തീയതി. www.keralapsc.gov.in എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. വിജ്ഞാപനങ്ങള്‍ പുറത്തുവിട്ടതിന് ശേഷം ഉദ്യോഗാര്‍ത്ഥികള്‍ക്ക് തങ്ങളുടെ പ്രൊഫൈലില്‍ ലോഗിന്‍ ചെയ്തതിനു ശേഷം യോഗ്യതയുണ്ടെങ്കില്‍ അപേക്ഷിക്കാം.

യൂസര്‍നെയിമും, പാസ്‌വേഡും നല്‍കി ഉദ്യോഗാര്‍ത്ഥികള്‍ പ്രൊഫൈലില്‍ ലോഗിന്‍ ചെയ്യണം. ഹോം പേജില്‍ നോട്ടിഫിക്കേഷനുകള്‍ ലഭിക്കുന്നതിനുള്ള ഓപ്ഷന്‍ ലഭ്യമാകും. അപേക്ഷിക്കുന്നതിന് മുമ്പ് വിജ്ഞാപനം വിശദമായി വായിക്കണം.

English Summary

The Kerala Public Service Commission (KPSC) has decided to issue notifications for nine new posts soon. The upcoming recruitment includes general, special, and NCA categories across state and district levels. Featured posts include Milma Lab Assistant

തൊടുപുഴ: ഇടുക്കി ജില്ലയിലെ വിവിധ ഭൂപ്രശ്നങ്ങളിൽ പരിഹാരം വേണമെന്ന് ആവശ്യപ്പെട്ടുകൊണ്ട് സിപിഎം ആഹ്വാനം ചെയ്ത ഹർത്താൽ നാളെയാണ് ( ഒക്ടോബർ 16). ഹർത്താൽ പ്രഖ്യാപിച്ചതിനെ തുടർന്ന് ഏറെ ആശങ്കയിൽ ആയത് ഹയർസെക്കൻഡറി വിദ്യാർത്ഥികൾ ആയിരുന്നു. കാരണം ഹയർസെക്കൻഡറി, വിഎച്ച്എസ്ഇ ഒന്നാംവർഷ വിദ്യാർഥികളുടെ ഇംപ്രൂവ്മെന്റ് പരീക്ഷ നാളെയാണ് (16) നിശ്ചയിച്ചിരിക്കുന്നത്. ഹർത്താൽ പരീക്ഷയെ ബാധിക്കുമോ എന്ന സംശയമാണ് വിദ്യാർത്ഥികളും അധ്യാപകരും രക്ഷിതാക്കളും ഉൾപ്പെടെ പങ്കുവെച്ചിരുന്നത്. വിദ്യാർത്ഥികളെ സംബന്ധിച്ച് ആശ്വാസകരമായ ഒരു തീരുമാനം വന്നിരിക്കുകയാണ് ഇപ്പോൾ.

പരീക്ഷാ സമയത്തിൽ മാറ്റം

ഇടുക്കി ജില്ലയിലെ ഹർത്താലിനെ തുടർന്ന് ഒക്ടോബർ 16ന് കേരളത്തിലും ഗൾഫ് രാജ്യങ്ങളിലും ലക്ഷദ്വീപിലും മാഹിയിലും ഉൾപ്പെടെ നടത്താൻ നിശ്ചയിച്ചിരുന്ന ഒന്നാം വർഷ ഹയർ സെക്കൻഡറി ഇംപ്രൂവ്മെന്റ്/ സപ്ലിമെന്ററി പരീക്ഷകളുടെ സമയക്രമം പൊതു വിദ്യാഭ്യാസ വകുപ്പ് മാറ്റി നിശ്ചയിച്ചു. പ്രാക്ടിക്കൽ പരീക്ഷ ഉള്ള വിഷയങ്ങളുടെ സമയക്രമം ഉച്ചകഴിഞ്ഞ് 2PM മുതൽ 4.15 PM വരെയാണ്. പ്രായോഗിക പരീക്ഷ ഇല്ലാത്ത വിഷയങ്ങളുടെ സമയക്രമം 2 PM മുതൽ 4 45 PM വരെയാണ്.

Also Read: ഹാപ്പി അല്ലേ! നാളെ കോഴിക്കോട് നഗരത്തിലെ സ്കൂളുകൾക്ക് ഉച്ചയ്ക്ക് ശേഷം അവധി

ഹർത്താലിൽ നിന്ന് ഒഴിവാക്കി

നാളെ ആഹ്വാനം ചെയ്ത ഹർത്താലിൽ നിന്ന് ഹയർ സെക്കൻഡറി ഇംപ്രൂവ്മെന്റ് പരീക്ഷ, നെടുങ്കണ്ടത്ത് നടക്കുന്ന കായികമേള, അടിമ വ്യാപാര നിരോധനം നിലവിൽ വന്നതിന്റെ വാർഷികാഘോഷങ്ങൾക്കായി പോകുന്ന വാഹനങ്ങൾ, ജില്ലയ്ക്ക് പുറത്തുനിന്ന് വരുന്ന ടൂറിസ്റ്റ് വാഹനങ്ങൾ, മറ്റു മേഖലകളിലേക്ക് വരുന്ന വാഹനങ്ങൾ എന്നിവയെ ഒഴിവാക്കിയിട്ടുണ്ടെന്ന് സിപിഐഎം ജില്ലാ സെക്രട്ടറി സി വി വർഗീസ് അറിയിച്ചിട്ടുണ്ട്. സിപിഎം ഇങ്ങനെ ഒരു പ്രഖ്യാപനം നടത്തിയിട്ടുണ്ട് എങ്കിലും പരീക്ഷയ്ക്ക് പോകുന്ന വഴിയിൽ വാഹനങ്ങൾ തടയുമോ എന്ന ആശങ്കയാണ് വിദ്യാർത്ഥികൾക്കും രക്ഷിതാക്കൾക്കും അധ്യാപകർക്കും ഉൾപ്പെടെ ഉള്ളത്.

ഹർത്താലിന് പിന്തുണ

സിപിഎമ്മിന്റെ നേതൃത്വത്തിൽ നാളെ നടത്തുന്ന ഇടുക്കി ജില്ല ഹർത്താലിനെ പിന്തുണയ്ക്കുമെന്ന് കേരള വ്യാപാരി വ്യവസായി ഏകോപനസമിതി ജില്ലാ കമ്മിറ്റി അറിയിച്ചു. അതേസമയം നെടുങ്കണ്ടത്ത് റവന്യൂ ജില്ലാ സ്കൂൾ കായികമേള നടക്കുന്ന സാഹചര്യത്തിൽ സിപിഎം പ്രഖ്യാപിച്ചിരിക്കുന്ന ഹർത്താൽ മാറ്റിവയ്ക്കണമെന്ന് കെഎസ്‌യു ഇടുക്കി നിയോജക മണ്ഡലം കമ്മിറ്റി ആവശ്യമുന്നയിച്ചുകൊണ്ട് രംഗത്തെത്തി.

English Summary

Following the hartal in Idukki district, the Department of General Education has rescheduled the first-year Higher Secondary Improvement/Supplementary examinations which were slated to be held on October 16 in Kerala, the Gulf countries, Lakshadweep, and Mahe.

നവരാത്രി ആഘോഷങ്ങളുടെ ഭാഗമായി കേരളത്തിലെ വിദ്യാര്‍ഥികളും രക്ഷിതാക്കളും കാത്തിരിക്കുന്ന അവധിക്കാലമാണ് പൂജവെപ്പ് അവധി. പുസ്തകങ്ങളും പഠനോപകരണങ്ങളും പൂജയ്ക്ക് വെക്കുന്നതും ആയുധപൂജയും വിജയദശമിയും വിദ്യാരംഭവുമെല്ലാം ഈ ദിവസങ്ങളുടെ പ്രത്യേകതയാണ്. 2026ല്‍ പൂജവെപ്പ് എപ്പോള്‍, സ്‌കൂളുകള്‍ക്ക് എത്ര ദിവസം അവധി ലഭിക്കും, വിദ്യാരംഭം ഏത് ദിവസമാണ് തുടങ്ങിയ വിവരങ്ങള്‍ അറിയാം.

പൂജവെപ്പ് 2026 എപ്പോള്‍?

കേരള സര്‍ക്കാരിന്റെ ഔദ്യോഗിക കലണ്ടര്‍ പ്രകാരം 2026 ഒക്ടോബര്‍ 18 ഞായറാഴ്ചയാണ് പൂജവെപ്പ്. തുടര്‍ന്ന് ഒക്ടോബര്‍ 19 തിങ്കളാഴ്ച ദുര്‍ഗാഷ്ടമിയും ഒക്ടോബര്‍ 20 ചൊവ്വാഴ്ച മഹാനവമിയും വരുന്നു. ഒക്ടോബര്‍ 21 ബുധനാഴ്ചയാണ് വിജയദശമി. അന്നാണ് വിദ്യാരംഭവും പൂജയെടുപ്പും നടക്കുന്നത്.

പ്രധാന തീയതികള്‍

• ഒക്ടോബര്‍ 18, ഞായര്‍- പൂജവെപ്പ്
• ഒക്ടോബര്‍ 19, തിങ്കള്‍- ദുര്‍ഗാഷ്ടമി
• ഒക്ടോബര്‍ 20, ചൊവ്വ- മഹാനവമി, ആയുധപൂജ
• ഒക്ടോബര്‍ 21, ബുധന്‍- വിജയദശമി, വിദ്യാരംഭം, പൂജയെടുപ്പ്

സ്‌കൂളുകള്‍ക്ക് എത്ര ദിവസം അവധി?

പൂജവെപ്പിനോടനുബന്ധിച്ചുള്ള അവധി സ്ഥാപനങ്ങളുടെ അക്കാദമിക് കലണ്ടറിനെയും അവധി പ്രഖ്യാപനത്തെയും ആശ്രയിച്ചിരിക്കും. 2026ല്‍ ഒക്ടോബര്‍ 20, 21 തീയതികള്‍ കേരള സര്‍ക്കാരിന്റെ പൊതു അവധി പട്ടികയില്‍ ഉള്‍പ്പെട്ടിട്ടുണ്ട്. ഒക്ടോബര്‍ 18 ഞായറാഴ്ചയായതിനാല്‍, ചില സ്‌കൂളുകള്‍ക്ക് തുടര്‍ച്ചയായി മൂന്ന് ദിവസത്തെ അവധി ലഭിക്കാം. ഒക്ടോബര്‍ 19ന് ദുര്‍ഗാഷ്ടമി അവധി കൂടി നല്‍കുന്ന സ്ഥാപനങ്ങളില്‍ ഒക്ടോബര്‍ 18 മുതല്‍ 21 വരെ നാല് ദിവസത്തെ ഇടവേളയും ലഭിച്ചേക്കാം.

Also Read: Commercial Pilot Salary: പൈലറ്റാകാൻ പ്ലസ് ടു മതി, പക്ഷേ പരിശീലനത്തിന് എത്ര ലക്ഷം വേണം?

പൂജവെപ്പിന്റെ പ്രാധാന്യം എന്താണ്?

നവരാത്രിയുടെ ഭാഗമായി പുസ്തകങ്ങള്‍, പഠനോപകരണങ്ങള്‍, സംഗീതോപകരണങ്ങള്‍, തൊഴില്‍ ഉപകരണങ്ങള്‍ എന്നിവ പൂജയ്ക്ക് വെക്കുന്ന ആചാരമാണ് പൂജവെപ്പ്. അറിവിനോടും വിദ്യയോടുമുള്ള ആദരവിന്റെ ഭാഗമായാണ് വിദ്യാര്‍ഥികള്‍ പുസ്തകങ്ങള്‍ പൂജയ്ക്ക് സമര്‍പ്പിക്കുന്നത്. ദുര്‍ഗാഷ്ടമി, മഹാനവമി ദിവസങ്ങളില്‍ പൂജ തുടരുകയും വിജയദശമി ദിനത്തില്‍ പൂജയെടുക്കുകയും ചെയ്യുന്നു.

വിദ്യാരംഭം എപ്പോള്‍?

2026 ഒക്ടോബര്‍ 21 ബുധനാഴ്ചയാണ് വിജയദശമി. ഈ ദിവസമാണ് കുട്ടികള്‍ക്ക് ആദ്യാക്ഷരം കുറിക്കുന്ന വിദ്യാരംഭ ചടങ്ങുകള്‍ നടക്കുന്നത്. ക്ഷേത്രങ്ങളിലും സാംസ്‌കാരിക സ്ഥാപനങ്ങളിലും വീടുകളിലും വിദ്യാരംഭത്തിനുള്ള ക്രമീകരണങ്ങള്‍ നടത്താറുണ്ട്. കുട്ടികളെ എഴുത്തിന്റെയും പഠനത്തിന്റെയും ലോകത്തേക്ക് ഔദ്യോഗികമായി പ്രവേശിപ്പിക്കുന്ന ചടങ്ങായാണ് ഇത് കണക്കാക്കുന്നത്.

English Summary

Kerala’s Pooja Vayppu celebrations in 2026 fall in October, with Maha Navami on October 20 and Vijayadashami and Vidyarambham on October 21. The number of school holidays may vary depending on individual institutions’ official announcements.

നീറ്റ് പിജി (NEET PG) കൗൺസിലിംഗ് നടപടികൾ ആരംഭിച്ചു. ഒന്നാം റൗണ്ട് ഓൺലൈൻ കൗൺസിലിംഗ് പ്രക്രിയയുടെ ഷെഡ്യൂളാണ് മെഡിക്കൽ കൗൺസിലിംഗ് കമ്മിറ്റി ഔദ്യോഗികമായി പുറത്തുവിട്ടിരിക്കുന്നത്. രാജ്യത്തെ 50 ശതമാനം അഖിലേന്ത്യാ ക്വാട്ട (AIQ) സീറ്റുകൾ, ഡീംഡ് സർവകലാശാലകൾ, സെൻട്രൽ യൂണിവേഴ്സിറ്റികൾ, AFMS എഐക്യു സീറ്റുകൾ എന്നിവയിലേക്കുള്ള 100 ശതമാനം പ്രവേശന നടപടികളും ഈ ഷെഡ്യൂളിന്റെ അടിസ്ഥാനത്തിലാണ് നടക്കുന്നത്.

അതേസമയം, ഉയർന്ന റാങ്ക് നേടിയ വിദ്യാർത്ഥികൾ പോലും ജാഗ്രത പാലിക്കേണ്ട സമയമാണിത്. രജിസ്ട്രേഷൻ പ്രക്രിയയിലും ഓപ്ഷൻ എന്റ്രിയിലും വരുത്തുന്ന ചെറിയ പിഴവുകൾ പോലും അർഹതപ്പെട്ട മെഡിക്കൽ സീറ്റുകൾ നഷ്ടപ്പെടാൻ കാരണമായേക്കാം. കൗൺസിലിംഗിൽ പങ്കെടുക്കുന്ന വിദ്യാർത്ഥികൾ നിർബന്ധമായും ശ്രദ്ധിക്കേണ്ട പ്രധാന കാര്യങ്ങൾ എന്തെല്ലാമെന്ന് വിശദമായി പരിശോധിക്കാം.

ALSO READ: ഗുരുവായൂർ ദേവസ്വത്തിൽ അവസരം; സ്ത്രീകൾക്കും അപേക്ഷിക്കാം, ഒഴിവുകൾ

അപേക്ഷിക്കുമ്പോൾ ശ്രദ്ധിക്കേണ്ടത്

കോളേജുകളും കോഴ്സുകളും തിരഞ്ഞെടുക്കുമ്പോൾ കൃത്യമായ മുൻഗണനാ ക്രമം നൽകണം. താല്പര്യമില്ലാത്ത കോഴ്സുകളോ കോളേജുകളോ തെറ്റായി ലിസ്റ്റിൽ ഉൾപ്പെടുത്തിയാൽ, അലോട്ട്മെന്റ് ലഭിച്ച ശേഷം സീറ്റ് വേണ്ടെന്ന് വെക്കുന്നത് തടസ്സങ്ങൾക്ക് കാരണമാകും.

സ്കോർ കാർഡ്, സർട്ടിഫിക്കറ്റുകൾ, കാറ്റഗറി ഡിക്ലറേഷൻ എന്നിവ അപ്‌ലോഡ് ചെയ്യുമ്പോൾ പേര്, ജനനതീയതി, കാറ്റഗറി എന്നിവയിലെ അക്ഷരത്തെറ്റുകൾ ഒഴിവാക്കുക. തെറ്റായ രേഖകൾ സമർപ്പിച്ചാൽ വെരിഫിക്കേഷൻ സമയത്ത് അപേക്ഷ നിരസിക്കപ്പെടും.

നൽകിയ ഓപ്ഷനുകൾ നിശ്ചിത സമയത്തിനകം ലോക്ക് ചെയ്യേണ്ടതുണ്ട്. സിസ്റ്റം ഓട്ടോലോക്ക് ചെയ്യുമെങ്കിലും, അവസാന നിമിഷം വരെ കാത്തിരിക്കാതെ സ്വന്തമായി പരിശോധിച്ച് സീറ്റുകൾ ലോക്ക് ചെയ്യുക.

ആദ്യ റൗണ്ടിൽ സീറ്റ് ലഭിച്ചവർ തന്നിരിക്കുന്ന തീയതിക്കുള്ളിൽ ബന്ധപ്പെട്ട കോളേജിൽ റിപ്പോർട്ട് ചെയ്യുകയോ അപ്‌ഗ്രേഡേഷൻ ഓപ്ഷൻ നൽകുകയോ വേണം. ഇതൊന്നും ചെയ്യാതിരുന്നാൽ അടുത്ത റൗണ്ടുകളിൽ നിന്ന് പുറത്താകാൻ സാധ്യതയുണ്ട്.

കൗൺസിലിംഗിന് കരുതേണ്ട പ്രധാന രേഖകൾ

• NEET PG അഡ്മിറ്റ് കാർഡും സ്കോർ കാർഡും
• MBBS ഡിഗ്രി സർട്ടിഫിക്കറ്റ് / പ്രൊവിഷണൽ സർട്ടിഫിക്കറ്റ്
• ഇന്റേൺഷിപ്പ് പൂർത്തിയാക്കിയ സർട്ടിഫിക്കറ്റ്
• പെർമനന്റ് / പ്രൊവിഷണൽ മെഡിക്കൽ കൗൺസിൽ രജിസ്ട്രേഷൻ
• ജാതി/ സംവരണ സർട്ടിഫിക്കറ്റ് (ബാധകമെങ്കിൽ)
• തിരിച്ചറിയൽ രേഖ (ആധാർ, പാൻ കാർഡ് മുതലായവ)

എങ്ങനെ രജിസ്റ്റർ ചെയ്യാം?

മെഡിക്കൽ കൗൺസിലിംഗ് കമ്മിറ്റിയുടെ (MCC) ഔദ്യോഗിക വെബ്‌സൈറ്റ് വഴി മാത്രം കൗൺസിലിംഗ് വിവരങ്ങൾ പരിശോധിക്കുക. തെറ്റായ വ്യാജ വാർത്തകളിൽ വീഴാതെ സമയബന്ധിതമായി നടപടികൾ പൂർത്തിയാക്കുക.

1. ആദ്യം തന്നെ mcc.nic.in എന്ന വെബ്‌സൈറ്റ് സന്ദർസിക്കുക.
2. ശേഷം പിജി മെഡിക്കൽ കൗൺസിലിംഗിൽ ക്ലിക്ക് ചെയ്യുക.
3. പിജി കൗൺസലിംഗ് 2026 ലിങ്കിനായുള്ള പുതിയ രജിസ്ട്രേഷനായി കാൻഡിഡേറ്റ് ആക്ടിവിറ്റി ബോർഡ് വിഭാഗം പരിശോധിക്കുക.
4. വിവരങ്ങൾ നൽകി രജിസ്ട്രേഷൻ പൂർത്തിയാക്കുക.
5. കൗൺസിലിംഗ് ഫോം കൃത്യമായി പൂരിപ്പിക്കുക.
6. ആവശ്യമായ രേഖകൾ അപ്‌ലോഡ് ചെയ്യുക.
7. രജിസ്ട്രേഷൻ ഫീസും സെക്യൂരിറ്റി ഡെപ്പോസിറ്റും അടയ്ക്കുക.
8. NEET PG ചോയ്സ് പൂരിപ്പിക്കൽ പൂർത്തിയാക്കുക
9. നൽകിയ വിവരങ്ങൾ പരിശോധിച്ച അവസാനം, ഫോം സമർപ്പിക്കാം.

English Summary:

MCC NEET PG counselling registration 2026 commenced on October 12, 2026. The last date for choice-filling is October 22, 2026. Eligible candidates must apply for the counselling before the deadline.

വിമാനം പറത്തുക എന്നത് നിരവധി യുവാക്കളുടെ ബാല്യകാല സ്വപ്നമാണ്. ഉയരങ്ങളിലേക്ക് പറന്നുയരാനും മികച്ചൊരു കരിയര്‍ സ്വന്തമാക്കാനും ആഗ്രഹിക്കുന്നവര്‍ക്ക് പൈലറ്റ് ജോലി വലിയ അവസരമാണ് നല്‍കുന്നത്. എന്നാല്‍ ഈ സ്വപ്നത്തിലേക്കുള്ള യാത്ര അത്ര എളുപ്പമല്ല. ഉയര്‍ന്ന പരിശീലനച്ചെലവ്, പഠനം, കഠിനമായ ഫ്‌ലൈറ്റ് പരിശീലനം, പരീക്ഷകള്‍ എന്നിവയെല്ലാം പൂര്‍ത്തിയാക്കിയാല്‍ മാത്രമേ കൊമേഴ്സ്യല്‍ പൈലറ്റാകാന്‍ സാധിക്കൂ. ഈ ജോലിയിലേക്ക് എത്താന്‍ ആഗ്രഹിക്കുന്നവര്‍ ആദ്യം അറിയേണ്ടത് യോഗ്യതകള്‍, പരിശീലനത്തിനുള്ള ചെലവ്, ലഭിക്കുന്ന ശമ്പളം, ജോലിയുടെ ഉത്തരവാദിത്തങ്ങള്‍ എന്നിവയെക്കുറിച്ചാണ്.

എങ്ങനെ പൈലറ്റാകാം?

പ്ലസ് ടു തലത്തില്‍ ഫിസിക്സും മാത്തമാറ്റിക്സും പഠിച്ചിരിക്കണം. തുടര്‍ന്ന് അംഗീകൃത ഫ്‌ലൈയിങ് സ്‌കൂളില്‍ പരിശീലനം പൂര്‍ത്തിയാക്കി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ (ഡിജിസിഎല്‍) നിഷ്‌കര്‍ഷിക്കുന്ന മാനദണ്ഡങ്ങള്‍ പാലിച്ച് കൊമേഴ്സ്യല്‍ പൈലറ്റ് ലൈസന്‍സ് (സിപിഎല്‍) നേടണം. സാധാരണയായി കുറഞ്ഞത് 200 മണിക്കൂര്‍ ഫ്‌ലൈറ്റ് പരിശീലനവും ആവശ്യമാണ്.

പരിശീലനത്തിന് എത്ര ചെലവാകും?

പൈലറ്റ് പരിശീലനത്തിന് ഏകദേശം 35 ലക്ഷം രൂപ മുതല്‍ ഒരു കോടി രൂപ വരെ ചെലവായേക്കാം. ഫ്‌ലൈയിങ് സ്‌കൂള്‍, പരിശീലന സമയം, മറ്റ് യോഗ്യതകള്‍ എന്നിവ അനുസരിച്ച് തുകയില്‍ മാറ്റമുണ്ടാകും.

Also Read: SBI Recruitment: എസ്ബിഐയിൽ ബാങ്ക് മാനേജരാകണോ? പ്ലസ് ടു കഴിഞ്ഞവർ അറിയേണ്ട കാര്യങ്ങൾ

പൈലറ്റിന്റെ മാസശമ്പളം

കരിയറിന്റെ തുടക്കത്തില്‍ ഏകദേശം 1.5 ലക്ഷം മുതല്‍ മൂന്ന് ലക്ഷം രൂപ വരെ പ്രതിമാസം ലഭിക്കാം. രണ്ട് മുതല്‍ അഞ്ച് വര്‍ഷം വരെ പരിചയമുള്ളവര്‍ക്ക് നാല് ലക്ഷം മുതല്‍ ആറ് ലക്ഷം രൂപ വരെയും പരിചയസമ്പന്നരായ ക്യാപ്റ്റന്‍മാര്‍ക്ക് എട്ട് ലക്ഷം മുതല്‍ 12 ലക്ഷം രൂപ വരെയോ അതിലധികമോ ലഭിക്കാം. വിമാനക്കമ്പനി, പദവി, വിമാനത്തിന്റെ വിഭാഗം എന്നിവ അനുസരിച്ച് ശമ്പളം വ്യത്യാസപ്പെടും.

പൈലറ്റിന്റെ ഉത്തരവാദിത്തങ്ങള്‍

വിമാനത്തിന്റെ സുരക്ഷ ഉറപ്പാക്കുക, കാലാവസ്ഥയും യാത്രാമാര്‍ഗവും വിലയിരുത്തുക, എയര്‍ ട്രാഫിക് കണ്‍ട്രോളുമായി ആശയവിനിമയം നടത്തുക, അടിയന്തര സാഹചര്യങ്ങളില്‍ വേഗത്തില്‍ തീരുമാനമെടുക്കുക എന്നിവയാണ് പൈലറ്റിന്റെ പ്രധാന ചുമതലകള്‍. ശമ്പളത്തിന് പുറമേ ചില കമ്പനികള്‍ യാത്രാ ആനുകൂല്യങ്ങളും ആരോഗ്യ ഇന്‍ഷുറന്‍സും നല്‍കാറുണ്ട്.

English Summary

Learn how to become a pilot after 12th in India, including eligibility requirements, training fees ranging from 35 lakh to 1 crore, flight training requirements, and the expected monthly salary of a commercial pilot.

പ്രമുഖ തീർത്ഥാടന കേന്ദ്രമായ ഗുരുവായൂർ ദേവസ്വത്തിന് കീഴിലെ ഒഴിവുകളിലേക്ക് യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. സോപാനം വാച്ച്മാൻ, ലേഡി സെക്യൂരിറ്റി ഗാർഡ് എന്നീ തസ്തികകളിലായി ആകെ 30 ഒഴിവുകളാണ് റിപ്പോർട്ട് ചെയ്തിട്ടുള്ളത്. ഏഴാം ക്ലാസ് വിജയിച്ചവർക്ക് അപേക്ഷിക്കാവുന്ന മികച്ച അവസരമാണിത്. താല്പര്യമുള്ള ഉദ്യോ​ഗാർത്ഥികൾക്ക് ഒക്ടോബർ 30-ന് വൈകുന്നേരം അഞ്ച് മണിക്ക് മുൻപായി അപേക്ഷകൾ സമർപ്പിക്കാവുന്നതാണ്.

ALSO READ: ഇന്ത്യൻ സൈന്യത്തിൽ ഡോക്ടറാകാം; ശമ്പളം 61,300 രൂപ മുതൽ, യോഗ്യതയും തിരഞ്ഞെടുപ്പ് രീതിയും അറിയാം

തസ്തികകളും ഒഴിവുകളുടെ വിവരങ്ങളും

സോപാനം വാച്ച്മാൻ: ഈ തസ്തികയിലേക്ക് 15 ഒഴിവുകളാണുള്ളത്. പ്രതിമാസ ശമ്പളമായി 18000 രൂപയാണ് നൽകുക. 30 വയസ്സിനും 50 വയസ്സിനും ഇടയിൽ പ്രായമുള്ളവർക്ക് അപേക്ഷിക്കാം. ഏഴാം ക്ലാസ് പാസായവർക്ക് മാത്രമെ അപേക്ഷിക്കാനാകു. ശാരീരിക വൈകല്യങ്ങൾ ഇല്ലാത്ത ആരോഗ്യവാനായ പുരുഷനായിരിക്കണം. നല്ല കാഴ്ചശക്തി നിർബന്ധമാണ്. നിലവിൽ ഗുരുവായൂർ ദേവസ്വത്തിൽ ജോലി ചെയ്യുന്ന സോപാനം കാവൽക്കാർ ഈ തസ്തികയിലേക്ക് അപേക്ഷിക്കാൻ അർഹരല്ല.

ലേഡി സെക്യൂരിറ്റി ഗാർഡ്: ഈ തസ്തികയിലേക്ക് 15 ഒഴിവുകളാണുള്ളത്. പ്രതിമാസ ശമ്പളമായി 18000 രൂപയാണ് നൽകുക. 55 വയസ്സിനും 60 വയസ്സിനും ഇടയിൽ പ്രായമുള്ളവർക്ക് അപേക്ഷിക്കാം. ഏഴാം ക്ലാസ് പാസായവർക്ക് മാത്രമെ അപേക്ഷിക്കാനാകു. ശാരീരിക വൈകല്യങ്ങൾ ഉണ്ടാകുവാൻ പാടില്ല. നല്ല കാഴ്ചശക്തി ഉണ്ടായിരിക്കണം. നിലവിലുള്ള ലേഡി സെക്യൂരിറ്റി ഗാർഡുകൾ അപേക്ഷിക്കാൻ അർഹരല്ല.

അപേക്ഷാ ഫോം ഗുരുവായൂർ ദേവസ്വം ഓഫീസിൽ നിന്നും നേരിട്ട് ലഭിക്കുന്നതാണ്. 118 രൂപയാണ് അപേക്ഷാ ഫോം വാങ്ങുന്നതിനുള്ള ഫീസ്. പട്ടികജാതി / പട്ടികവർഗ്ഗ വിഭാഗത്തിൽപ്പെട്ടവർ ജാതി തെളിയിക്കുന്ന രേഖ ഹാജരാക്കിയാൽ അപേക്ഷാ ഫോം സൗജന്യമായി നൽകുന്നതാണ്. അപേക്ഷാ ഫോമുകൾ തപാൽ മാർഗ്ഗം അയച്ചു നൽകുന്നതല്ല. ദേവസ്വം ഓഫീസിൽ നിന്ന് നേരിട്ട് കൈപ്പറ്റേണ്ടതാണ്.

മെഡിക്കൽ സർട്ടിഫിക്കറ്റ് നിർബന്ധം

അപേക്ഷകർ ശാരീരികക്ഷമത ഉള്ളവരാണെന്ന് തെളിയിക്കുന്നതിന് ഗവൺമെന്റ് അസിസ്റ്റന്റ് സർജനിൽ കുറയാത്ത പദവിയിലുള്ള ഡോക്ടർ നൽകിയ ഒറിജിനൽ മെഡിക്കൽ ഫിറ്റ്നസ് സർട്ടിഫിക്കറ്റ് അപേക്ഷയോടൊപ്പം നിർബന്ധമായും ഉള്ളടക്കം ചെയ്യണം. ഒക്ടോബർ ഏഴിന് ശേഷം എടുത്തതായിരിക്കണം മെഡിക്കൽ സർട്ടിഫിക്കറ്റ്. പൂരിപ്പിച്ച അപേക്ഷാ ഫോം, മെഡിക്കൽ ഫിറ്റ്നസ് സർട്ടിഫിക്കറ്റ്, വിദ്യാഭ്യാസ യോഗ്യത, വയസ്സ്, ജാതി (ബാധകമെങ്കിൽ) എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം ദേവസ്വം ഓഫീസിൽ നേരിട്ടോ തപാൽ വഴിയോ നൽകാം. അഡ്മിനിസ്ട്രേറ്റർ, ഗുരുവായൂർ ദേവസ്വം, ഗുരുവായൂർ – 680101 എന്നീ വിലാസത്തിൽ വേണം അപേക്ഷ സമർപ്പിക്കാൻ. കൂടുതൽ വിവരങ്ങൾക്ക് guruvayurdevaswom.in എന്ന വെബ്സൈറ്റ് സന്ദർശിക്കാവുന്നതാണ്.

English Summary:

Guruvayur Devaswom Announces Recruitment For 30 vacancies of Sopanam Watchman and Lady Security Guard posts. Check the eligibility, salary and Application process.

ബാങ്കിങ് മേഖലയില്‍ മികച്ച ശമ്പളവും തൊഴില്‍സുരക്ഷയും ആഗ്രഹിക്കുന്ന നിരവധി പേരുണ്ട്. ഇത്തരക്കാര്‍ക്കിടയില്‍ ഏറെ താല്‍പര്യമുള്ള ജോലിയാണ് സ്റ്റേറ്റ് ബാങ്ക് ഓഫ് ഇന്ത്യയിലെ മാനേജര്‍ പദവി. പ്ലസ് ടു പൂര്‍ത്തിയാക്കിയവര്‍ക്ക് ഈ ലക്ഷ്യത്തിലേക്കുള്ള യാത്ര എങ്ങനെ തുടങ്ങാം? ഏത് കോഴ്സ് തിരഞ്ഞെടുക്കണം? ഏതൊക്കെ പരീക്ഷകളാണ് എഴുതേണ്ടത്? ഇതെല്ലാം കൃത്യമായി മനസിലാക്കിയാല്‍ ബാങ്കിങ് കരിയറിനായി നേരത്തേ തയാറെടുക്കാം. എന്നാല്‍ പ്ലസ് ടു കഴിഞ്ഞ ഉടന്‍ എസ്ബിഐയില്‍ മാനേജരായി നിയമനം നേടാന്‍ സാധിക്കില്ല. ആദ്യം അംഗീകൃത സര്‍വകലാശാലയില്‍നിന്ന് ബിരുദം പൂര്‍ത്തിയാക്കണം. അതിനുശേഷം ബാങ്കിങ് മേഖലയിലെ വിവിധ തസ്തികകളിലേക്ക് അപേക്ഷിക്കാം.

പ്ലസ് ടുവിന് ശേഷം ഏത് കോഴ്സ് തിരഞ്ഞെടുക്കണം?

എസ്ബിഐയില്‍ ഓഫീസര്‍ തസ്തിക ലക്ഷ്യമിടുന്നവര്‍ക്ക് പ്ലസ് ടുവിന് ശേഷം ഏതെങ്കിലും വിഷയത്തില്‍ ബിരുദം നേടാം. കൊമേഴ്സ്, സാമ്പത്തികശാസ്ത്രം, ഫിനാന്‍സ് തുടങ്ങിയ വിഷയങ്ങള്‍ പഠിക്കുന്നത് ബാങ്കിങ് മേഖലയിലെ കാര്യങ്ങള്‍ മനസിലാക്കാന്‍ സഹായകരമാകും. എന്നാല്‍ ഈ വിഷയങ്ങളില്‍ ബിരുദം നേടിയിരിക്കണമെന്നത് നിര്‍ബന്ധമല്ല. ബിരുദപഠനത്തോടൊപ്പം മത്സരപ്പരീക്ഷകള്‍ക്കുള്ള തയാറെടുപ്പും ആരംഭിക്കാം.

എസ്ബിഐയില്‍ ഓഫീസറാകാന്‍ എങ്ങനെ?

ബിരുദത്തിന് ശേഷം എസ്ബിഐ പ്രൊബേഷണറി ഓഫീസര്‍ (പിഒ) പരീക്ഷ എഴുതുന്നതാണ് ബാങ്കിങ് മേഖലയിലെ ഓഫീസര്‍ തസ്തിക ലക്ഷ്യമിടുന്നവര്‍ക്കുള്ള പ്രധാന വഴികളിലൊന്ന്. പ്രാഥമിക പരീക്ഷയും മുഖ്യ പരീക്ഷയും ഉള്‍പ്പെടുന്ന തിരഞ്ഞെടുപ്പ് പ്രക്രിയയില്‍ വിജയിക്കുന്നവര്‍ക്ക് അഭിമുഖം ഉള്‍പ്പെടെയുള്ള തുടര്‍ഘട്ടങ്ങള്‍ നേരിടേണ്ടിവരും. തിരഞ്ഞെടുപ്പ് രീതിയില്‍ വിജ്ഞാപനത്തിനനുസരിച്ച് മാറ്റങ്ങളുണ്ടാകാം.

Also Read: Indian Army Recruitment: ഇന്ത്യൻ സൈന്യത്തിൽ ഡോക്ടറാകാം; ശമ്പളം 61,300 രൂപ മുതൽ, യോഗ്യതയും തിരഞ്ഞെടുപ്പ് രീതിയും അറിയാം

പിഒ ആയി നിയമിക്കപ്പെടുന്നവര്‍ക്ക് പരിശീലനവും പ്രൊബേഷന്‍ കാലയളവും ഉണ്ടായിരിക്കും. തുടര്‍ന്ന് ബാങ്കിന്റെ നിയമങ്ങള്‍ക്കും സ്ഥാനക്കയറ്റ മാനദണ്ഡങ്ങള്‍ക്കും അനുസരിച്ച് ഉയര്‍ന്ന തസ്തികകളിലേക്ക് മുന്നേറാം. അനുഭവവും യോഗ്യതയും പ്രകടനവും അടിസ്ഥാനമാക്കി ഭാവിയില്‍ മാനേജര്‍ പദവിയിലെത്താനും അവസരമുണ്ട്.

ക്ലാര്‍ക്ക് ജോലിയിലൂടെ മാനേജര്‍ പദവിയിലെത്താം

എസ്ബിഐ ക്ലാര്‍ക്ക് പരീക്ഷയും ബിരുദധാരികള്‍ക്ക് പരിഗണിക്കാവുന്ന മറ്റൊരു അവസരമാണ്. ക്ലറിക്കല്‍ തസ്തികയില്‍ നിയമനം നേടിയ ശേഷം ആവശ്യമായ പ്രവൃത്തിപരിചയം നേടുകയും ബാങ്കിന്റെ ആഭ്യന്തര പരീക്ഷകളും സ്ഥാനക്കയറ്റ നടപടികളും വിജയകരമായി പൂര്‍ത്തിയാക്കുകയും ചെയ്താല്‍ ഉയര്‍ന്ന തസ്തികകളിലേക്ക് കടക്കാം.

English Summary

Learn how to become a bank manager at the State Bank of India (SBI), including the educational qualifications required after Class 12, the SBI PO examination, eligibility criteria, and the steps to prepare for a banking career.

മെഡിക്കല്‍ മേഖലയില്‍ മികച്ചൊരു കരിയര്‍ ആഗ്രഹിക്കുന്നതിനൊപ്പം രാജ്യത്തെ സേവിക്കാനും താല്‍പര്യമുള്ളവര്‍ക്ക് ഇന്ത്യന്‍ സൈന്യത്തില്‍ ഡോക്ടറാകാനുള്ള അവസരമുണ്ട്. ആര്‍മ്ഡ് ഫോഴ്സസ് മെഡിക്കല്‍ സര്‍വീസസ് (എഎഫ്എംഎസ്), ആര്‍മി മെഡിക്കല്‍ കോര്‍പ്‌സ് (എഎംസി) എന്നിവയുടെ ഭാഗമായി പ്രവര്‍ത്തിക്കുന്ന ഡോക്ടര്‍മാര്‍ക്ക് സൈനികര്‍ക്കും അവരുടെ കുടുംബങ്ങള്‍ക്കും ചികിത്സ നല്‍കാന്‍ കഴിയും.

ഇന്ത്യന്‍ സൈന്യത്തില്‍ ഡോക്ടറാകാന്‍ പ്രധാനമായും രണ്ട് വഴികളാണുള്ളത്. പൂനെയിലെ ആംഡ് ഫോഴ്സസ് മെഡിക്കല്‍ കോളേജില്‍ (എഎഫ്എംസി) എംബിബിഎസിന് പ്രവേശനം നേടുക എന്നതാണ് ആദ്യത്തെ വഴി. അംഗീകൃത മെഡിക്കല്‍ കോളേജില്‍നിന്ന് എംബിബിഎസ് പൂര്‍ത്തിയാക്കിയ ശേഷം എഎഫ്എംഎസ് നടത്തുന്ന നിയമന നടപടികളില്‍ പങ്കെടുക്കുക എന്നതാണ് രണ്ടാമത്തെ മാര്‍ഗം. യോഗ്യത, തിരഞ്ഞെടുപ്പ് നടപടികള്‍, ശമ്പളം, സ്ഥാനക്കയറ്റം എന്നിവയെക്കുറിച്ച് അറിയാം.

എഎഫ്എംഎസ് പൂനെയില്‍ എംബിബിഎസ് പഠിക്കാം

ഇന്ത്യന്‍ സൈന്യത്തില്‍ ഡോക്ടറാകാന്‍ ആഗ്രഹിക്കുന്ന വിദ്യാര്‍ഥികള്‍ക്ക് പരിഗണിക്കാവുന്ന പ്രധാന മാര്‍ഗമാണ് പൂനെയിലെ ആംഡ് ഫോഴ്സസ് മെഡിക്കല്‍ കോളേജ്. ഇവിടെ എംബിബിഎസ് പ്രവേശനം നേടുന്നതിന് നീറ്റ് യുജി പരീക്ഷയില്‍ പങ്കെടുക്കണം. പ്രവേശന മാനദണ്ഡങ്ങള്‍ അനുസരിച്ച് ഷോര്‍ട്ട്ലിസ്റ്റ് ചെയ്യപ്പെടുന്നവരെ തുടര്‍ തിരഞ്ഞെടുപ്പ് നടപടികള്‍ക്ക് പരിഗണിക്കും. ഇതില്‍ സ്‌ക്രീനിങ്, അഭിമുഖം തുടങ്ങിയ ഘട്ടങ്ങള്‍ ഉള്‍പ്പെട്ടേക്കാം.

എംബിബിഎസ് കഴിഞ്ഞവര്‍ക്കും അവസരം

മറ്റേതെങ്കിലും അംഗീകൃത മെഡിക്കല്‍ കോളേജില്‍നിന്ന് എംബിബിഎസ് പൂര്‍ത്തിയാക്കിയവര്‍ക്കും ഇന്ത്യന്‍ സൈന്യത്തില്‍ ഡോക്ടറായി ജോലി നേടാന്‍ അപേക്ഷിക്കാം. വിദ്യാഭ്യാസ യോഗ്യതയ്‌ക്കൊപ്പം നിര്‍ബന്ധിത ഇന്റേണ്‍ഷിപ്പ് പൂര്‍ത്തിയാക്കിയിരിക്കണം. പ്രായപരിധി, രജിസ്‌ട്രേഷന്‍, മറ്റ് യോഗ്യതകള്‍ എന്നിവയും വിജ്ഞാപനത്തില്‍ വ്യക്തമാക്കിയിട്ടുണ്ടാകും. തിരഞ്ഞെടുപ്പ് നടപടികളുടെ ഭാഗമായി അഭിമുഖവും മെഡിക്കല്‍ പരിശോധനയും നടത്താം. തിരഞ്ഞെടുക്കപ്പെടുന്നവര്‍ക്ക് നിശ്ചിത ചട്ടങ്ങള്‍ അനുസരിച്ച് ഷോര്‍ട്ട് സര്‍വീസ് കമ്മീഷന്‍ (എസ്എസ്‌സി) വഴി നിയമനം ലഭിക്കാം.

Also Read: Indian Army Recruitment: ഇന്ത്യൻ ആർമിയിൽ ജോലി നേടാൻ എന്തൊക്കെ യോഗ്യതകൾ വേണം? വിശദമായി അറിയാം

എത്രയാണ് ശമ്പളം?

ഇന്ത്യന്‍ സൈന്യത്തില്‍ ഡോക്ടര്‍മാരായി നിയമിക്കപ്പെടുന്ന ഓഫീസര്‍മാര്‍ക്ക് അടിസ്ഥാന ശമ്പളത്തിന് പുറമെ വിവിധ അലവന്‍സുകളും ലഭിക്കാന്‍ അര്‍ഹതയുണ്ടാകും. നല്‍കിയിരിക്കുന്ന ശമ്പള വിവരങ്ങള്‍ പ്രകാരം, അടിസ്ഥാന ശമ്പളം 61,300 രൂപയും മിലിട്ടറി സര്‍വീസ് പേ (എംഎസ്പി) 15,500 രൂപയുമാണ്.

ഇതിനുപുറമെ നോണ്‍ പ്രാക്ടീസിങ് അലവന്‍സ് (എന്‍പിഎ), ക്ഷാമബത്ത (ഡിഎ), മറ്റ് ബാധകമായ അലവന്‍സുകള്‍ എന്നിവയും ചട്ടങ്ങള്‍ക്കനുസരിച്ച് ലഭിക്കാം. സര്‍ക്കാര്‍ താമസസൗകര്യം, മെഡിക്കല്‍ സേവനങ്ങള്‍, കാന്റീന്‍ സൗകര്യങ്ങള്‍ തുടങ്ങിയ ആനുകൂല്യങ്ങള്‍ക്കും അര്‍ഹതയുണ്ടാകാം. ഇവയെല്ലാം നിയമന വ്യവസ്ഥകള്‍ക്കും നിലവിലുള്ള ചട്ടങ്ങള്‍ക്കും വിധേയമാണ്.

സ്ഥാനക്കയറ്റവും കരിയര്‍ വളര്‍ച്ചയും

ഇന്ത്യന്‍ സൈന്യത്തില്‍ ഡോക്ടര്‍മാര്‍ക്ക് സേവനപരിചയത്തിന്റെയും നിലവിലുള്ള നിയമങ്ങളുടെയും അടിസ്ഥാനത്തില്‍ സ്ഥാനക്കയറ്റം നേടാന്‍ അവസരമുണ്ട്. ക്യാപ്റ്റന്‍ റാങ്കില്‍നിന്ന് മേജര്‍, ലെഫ്റ്റനന്റ് കേണല്‍, കേണല്‍ തുടങ്ങിയ ഉയര്‍ന്ന റാങ്കുകളിലേക്ക് മുന്നേറാന്‍ കഴിയും. തുടര്‍ന്നുള്ള സ്ഥാനക്കയറ്റങ്ങള്‍ ബാധകമായ സേവന ചട്ടങ്ങള്‍ക്കനുസരിച്ചായിരിക്കും.

English Summary

Discover how to become a doctor in the Indian Army through AFMC Pune or AFMS recruitment after MBBS. Learn about eligibility, selection procedures, starting basic pay of ₹61,300, allowances, benefits and promotion opportunities.

മെഡിക്കൽ പിജി പ്രവേശനം കാത്തിരിക്കുന്ന ഉദ്യോഗാർത്ഥികൾക്ക് സുപ്രധാന അറിയിപ്പ്. മെഡിക്കൽ കൗൺസിലിംഗ് കമ്മിറ്റി (MCC) നടത്തുന്ന നീറ്റ് പിജി 2026 കൗൺസിലിംഗിന്റെ ഒന്നാം ഘട്ട രജിസ്ട്രേഷൻ നടപടികൾ ഇന്ന് (തിങ്കൾ, ഒക്ടോബർ 12) ആരംഭിക്കും. 50 ശതമാനം ഓൾ ഇന്ത്യ ക്വാട്ട (AIQ) സീറ്റുകളിലേക്കും, ഡീംഡ്/ കേന്ദ്ര സർവകലാശാലകൾ, ESIC, എയിംസ് തുടങ്ങിയ പ്രമുഖ മെഡിക്കൽ സ്ഥാപനങ്ങളിലെ 100 ശതമാനം സീറ്റുകളിലേക്കുമാണ് ആദ്യ ഘട്ടത്തിൽ പ്രവേശനം നടക്കുന്നത്. വിദ്യാർത്ഥികൾക്ക്, ഒക്ടോബർ 21 ഉച്ചയ്ക്ക് 12:00 മണി വരെ രജിസ്ട്രേഷൻ നടപടികൾ തുടരാം.

അപേക്ഷകർ മെഡിക്കൽ കൗൺസിലിംഗ് കമ്മിറ്റിയുടെ ഔദ്യോഗിക വെബ്‌സൈറ്റായ mcc.nic.in സന്ദർശിച്ച് രജിസ്ട്രേഷൻ പൂർത്തിയാക്കണം. നോൺ-റീഫണ്ടബിൾ രജിസ്ട്രേഷൻ ഫീസും റിഫണ്ടബിൾ സെക്യൂരിറ്റി ഡെപ്പോസിറ്റും ഓൺലൈനായി വേണം അടയ്ക്കാൻ. ഒന്നാം റൗണ്ടിനായുള്ള ഓൺലൈൻ രജിസ്ട്രേഷനും ഫീസ് പേയ്‌മെന്റ് പ്രക്രിയയും ഒക്ടോബർ 12-ന് ഔദ്യോഗികമായി ആരംഭിക്കുമെന്നും അധികൃതർ അറിയിച്ചു. ഫീസ് അടയ്ക്കാനുള്ള സൗകര്യം, ഒക്ടോബർ 21-ന് ഉച്ചയ്ക്ക് മൂന്ന് മണി വരെ ലഭ്യമാണ്.

ALSO READ: സിബിഎസ്ഇ പരീക്ഷകൾ: തെറ്റില്ലാതെ വിദ്യാർത്ഥി വിവരങ്ങൾ നൽകാൻ

ഓപ്ഷനുകൾ രേഖപ്പെടുത്തുന്നതിനായി ഒക്ടോബർ 13 മുതൽ 22 വരെ രാവിലെ 10 മണി വരെ സമയം അനുവദിക്കും. ഓപ്ഷനുകൾ ലോക്ക് ചെയ്യുന്നതിനായി ഒക്ടോബർ 21 വൈകുന്നേരം നാല് മണി മുതൽ ഒക്ടോബർ 22 രാവിലെ 10 മണി വരെയാണ് സമയം. സീറ്റ് അലോട്ട്മെന്റ് നടപടികൾ ഒക്ടോബർ 22 മുതൽ 23 വരെ നടക്കും.

ഒന്നാം ഘട്ട ഫലം ഒക്ടോബർ 24ന് പുറത്തുവിടുമെന്നാണ് പ്രതീക്ഷിക്കുന്നത്. ഓപ്ഷൻ നൽകുന്നതിനും സീറ്റ് അലോട്ട്‌മെന്റിനുമുള്ള നടപടികൾക്ക് ശേഷം, 2026 ഒക്ടോബർ 24ന് MCC ഒന്നാം ഘട്ട സീറ്റ് അലോട്ട്‌മെന്റ് ഫലം പ്രഖ്യാപിക്കും. സീറ്റ് ലഭിക്കുന്ന ഉദ്യോഗാർത്ഥികൾ നിശ്ചിത സമയത്തിനുള്ളിൽ റിപ്പോർട്ടിംഗ്, പ്രവേശനം എന്നിവയുമായി ബന്ധപ്പെട്ട നടപടിക്രമങ്ങൾ പൂർത്തിയാക്കേണ്ടതുണ്ട്.

അപേക്ഷിക്കേണ്ട വിധം

• mcc.nic.in എന്ന ഔദ്യോഗിക വെബ്‌സൈറ്റ് സന്ദർശിച്ച് 'NEET PG 2026 Counselling' വിഭാഗം തിരഞ്ഞെടുക്കുക.
• NEET PG റോൾ നമ്പറും പാസ്‌വേഡും ഉപയോഗിച്ച് പുതിയ കാൻഡിഡേറ്റ് രജിസ്ട്രേഷൻ പൂർത്തിയാക്കുക.
• ആവശ്യമായ കൗൺസിലിംഗ് ഫീസും റീഫണ്ടബിൾ സെക്യൂരിറ്റി ഡെപ്പോസിറ്റും ഓൺലൈനായി അടയ്ക്കുക.
• നിങ്ങൾക്ക് താല്പര്യമുള്ള കോളേജുകളും കോഴ്‌സുകളും മുൻഗണനാ ക്രമത്തിൽ സമർപ്പിച്ച് ലോക്ക് ചെയ്യുക.

English Summary:

MCC will begin the Round 1 registration process for NEET PG 2026 counselling Today, October 12. Eligible candidates can register and pay the required fee until October 21, 2026, up to 12 noon.

എംബിബിഎസ്, ബിഡിഎസ് കോഴ്‌സുകളിലെ മൂന്നാം അലോട്ട്‌മെന്റ് പ്രസിദ്ധീകരിച്ചു. പ്രവേശന പരീക്ഷാ കമ്മീഷണറുടെ ഔദ്യോഗിക വെബ്‌സൈറ്റായ cee.kerala.gov.in -ല്‍ അലോട്ട്‌മെന്റ് പരിശോധിക്കാം. ഒക്ടോബര്‍ എട്ടിന് പ്രസിദ്ധീകരിച്ച താത്കാലിക അലോട്ട്‌മെന്റുമായി ബന്ധപ്പെട്ട്‌ വിദ്യാര്‍ത്ഥികളില്‍ നിന്നും ലഭിച്ച പരാതികള്‍ പരിഹരിച്ച ശേഷമാണ് മൂന്നാം അലോട്ട്‌മെന്റ് പുറത്തുവിട്ടത്. എംസിസി ലഭ്യമാക്കിയ അയോഗ്യരുടെ ലിസ്റ്റും പരിഗണിച്ചിരുന്നു. വിദ്യാര്‍ത്ഥികളുടെ ഹോം പേജില്‍ അലോട്ട്‌മെന്റ് വിശാദംശങ്ങള്‍ ലഭ്യമാണ്. അതില്‍ പേര്, റോള്‍ നമ്പര്‍, കോഴ്‌സ്, കോളേജ്, കാറ്റഗറി തുടങ്ങിയ വിവരങ്ങളെല്ലാം രേഖപ്പെടുത്തിയിട്ടുണ്ടാകും.

ഹോം പേജില്‍ നിന്ന് അലോട്ട്‌മെന്റ് മെമ്മോയുടെ പ്രിന്റൗട്ടെടുക്കണം. മെമ്മോയില്‍ രേഖപ്പെടുത്തിയിട്ടുള്ള ഫീസ് ഒടുക്കി ഇന്ന് (ഒക്ടോബര്‍ 12) മുതല്‍ ഒക്ടോബര്‍ 14-ന് വൈകുന്നേരം നാലു മണിക്കുള്ളില്‍ അലോട്ട്‌മെന്റ് ലഭിച്ച കോളേജില്‍ ബാധകമായ രേഖകളുമായെത്തി അഡ്മിഷന്‍ നേടാം.

ഈ അലോട്ട്‌മെന്റ് പ്രകാരം കാണിക്കുന്ന ഫീസ് നേരത്തെ അലോട്ട്‌മെന്റിന്റെ ഭാഗമായി അടച്ച അധിക ഫീസിനെക്കാള്‍ കുറവാണെങ്കില്‍ അധികമായി അടച്ച ഫീസ് എല്ലാ കോഴ്‌സുകളിലേക്കുമുള്ള അലോട്ട്‌മെന്റ് നടപടികള്‍ പൂര്‍ത്തിയായതിനു ശേഷം വിദ്യാര്‍ത്ഥികള്‍ക്ക് തിരികെ നല്‍കും.

Also Read: UGC NET 2026: യുജിസി നെറ്റ് 2026; രജിസ്ട്രേഷൻ ആരംഭിച്ചു, പരീക്ഷ ഡിസംബർ 14 മുതൽ 19 വരെ

പുതിയതായി അലോട്ട്‌മെന്റ് കിട്ടിയവര്‍ മെമ്മോയില്‍ കാണിച്ചിട്ടുള്ള ഫീസ് നിശ്ചിത സമയപരിധിക്കുള്ളില്‍ അടച്ചശേഷം അലോട്ട്‌മെന്റ് ലഭിച്ച കോളേജില്‍ ഒക്ടോബര്‍ 14-ന് വൈകുന്നേരം നാലു മണിക്കുള്ളില്‍ പ്രവേശനം നേടണം. അഡ്മിഷന്‍ സമയത്ത് ഡാറ്റാ ഷീറ്റ്, അലോട്ട്‌മെന്റ് മെമ്മോ എന്നിവയും, ബാധകമായ രേഖകളും കോളേജ് അധികൃതര്‍ക്ക് മുന്നില്‍ ഹാജരാക്കണം.

ഡാറ്റാ ഷീറ്റ് ഡൗണ്‍ലോഡ് ചെയ്യണം

അലോട്ട്‌മെന്റ് കിട്ടിയ വിദ്യാര്‍ത്ഥികള്‍ ഹോം പേജില്‍ നിന്ന് ഡാറ്റാ ഷീറ്റ് ഡൗണ്‍ലോഡ് ചെയ്യണം. അഡ്മിഷന്‍ സമയത്ത് വിദ്യാര്‍ത്ഥികള്‍ക്ക് ഈ ഡാറ്റാ ഷീറ്റ് കോളേജ് അധികാരികള്‍ക്ക് മുന്നില്‍ ഹാജരാക്കണം. നിശ്ചിത സമയപരിധിക്കുള്ളില്‍ ഫീസ് അടച്ച് അഡ്മിഷന്‍ നേടാത്തവരുടെ അലോട്ട്‌മെന്റും, ബന്ധപ്പെട്ട സ്ട്രീമിലെ ഹയര്‍ ഓപ്ഷനുകളും റദ്ദാകും. ഈ ഘട്ടത്തില്‍ പെനാല്‍റ്റിയും ബാധകമായിരിക്കും.

മൂന്നാം അലോട്ട്‌മെന്റിന് ശേഷം ഒഴിവുകള്‍ നിലനില്‍ക്കുന്നുണ്ടെങ്കില്‍ അവ സ്‌ട്രേ വേക്കന്‍സി അലോട്ട്‌മെന്റിലൂടെ നികത്തും. സ്‌ട്രേ വേക്കന്‍സി അലോട്ട്‌മെന്റിന് പുതിയതായി ഓപ്ഷന്‍ രജിസ്‌ട്രേഷന്‍ സൗകര്യം ലഭ്യമാകും. സ്‌ട്രേ വേക്കന്‍സി അലോട്ട്‌മെന്റിനായി പുതിയതായി ഓപ്ഷന്‍ ക്ഷണിക്കും. ഹെല്‍പ്‌ലൈന്‍ നമ്പര്‍: 0471 2332120, 2338487.

English Summary

CEE Kerala has published the KEAM 2026 third-phase allotment list for MBBS and BDS courses. Allotted candidates must download their allotment memo and data sheet from the portal. Admissions and fee payments must be completed at the assigned colleges between October 12 and October 14, 2026, by 4:00 PM. Remaining vacant seats will be filled through a fresh option registration for the stray vacancy allotment.

പ്ലസ് വണ്‍ ഇമ്പ്രൂവ്‌മെന്റ് പരീക്ഷ നാളെ (ഒക്ടോബര്‍ 12) മുതല്‍ ആരംഭിക്കും. തിങ്കളാഴ്ച മുതല്‍ ഒക്ടോബര്‍ 17 വരെയാണ് പരീക്ഷ. കേരളത്തിന് പുറമെ ലക്ഷദ്വീപിലും യുഎഇയിലും പരീക്ഷാ കേന്ദ്രങ്ങളുണ്ട്. ഫിസിക്‌സ്, സോഷ്യോളജി, ആന്ത്രോപോളജി വിഷയങ്ങളാണ് നാളെ രാവിലെ നടക്കുന്നത്. ഉച്ചകഴിഞ്ഞ് ജോഗ്രഫി, മ്യൂസിക്ക്, സോഷ്യല്‍ വര്‍ക്ക്, ജിയോളജി, അക്കൗണ്ടന്‍സി എന്നീ വിഷയങ്ങളില്‍ പരീക്ഷ നടക്കും. ഒക്ടോബര്‍ 13-ന് രാവിലെ പാര്‍ട്ട് 1 ഇംഗ്ലീഷ് പരീക്ഷ നടക്കും. മാത്തമാറ്റിക്‌സ്, പാര്‍ട്ട് 3 ലാംഗ്വേജസ്, സംസ്‌കൃത് ശാസ്ത്ര, സൈക്കോളജി വിഷയങ്ങളില്‍ ഒക്ടോബര്‍ 14-ന് രാവിലെ പരീക്ഷ സംഘടിപ്പിക്കും.

ഒക്ടോബര്‍ 14-ന് ഉച്ചകഴിഞ്ഞാണ് ഇക്കണോമിസ്‌ക്, ഇലക്ട്രോണിക് സിസ്റ്റംസ് എന്നീ വിഷയങ്ങളിലെ പരീക്ഷ. 15-ന് രാവിലെ നടക്കുന്നത് പാര്‍ട്ട് 2 ലാംഗ്വേജസ്, കമ്പ്യൂട്ടര്‍ സയന്‍സ് ആന്‍ഡ് ഇന്‍ഫര്‍മേഷന്‍ ടെക്‌നോളജി എന്നീ വിഷയങ്ങളിലെ പരീക്ഷകളാണ്. അന്ന് ഉച്ചകഴിഞ്ഞ് ഹോം സയന്‍സ്, ഗാന്ധിയന്‍ സ്റ്റഡീസ്, ഫിലോസഫി, ജേണലിസം, കമ്പ്യൂട്ടര്‍ സയന്‍സ്, സ്റ്റാറ്റിസ്റ്റിക്‌സ് എന്നീ വിഷയങ്ങളിലെ പരീക്ഷ നടക്കുമെന്നും ടൈം ടേബിളില്‍ വ്യക്തമാക്കുന്നു.

കെമിസ്ട്രി, ഹിസ്റ്ററി, ഇസ്ലാമിക് ഹിസ്റ്ററി ആന്‍ഡ് കള്‍ച്ചര്‍, ബിസിനസ് സ്റ്റഡീസ്, കമ്മ്യൂണിക്കേറ്റീവ് ഇംഗ്ലീഷ് എന്നീ വിഷയങ്ങളിലെ പരീക്ഷ ഒക്ടോബര്‍ 16-ന് രാവിലെയും, ബയോളജി, ഇലക്ട്രോണിക്‌സ്, പൊളിറ്റിക്കല്‍ സയന്‍സ്, സംസ്‌കൃത് സാഹിത്യ, കമ്പ്യൂട്ടര്‍ ആപ്ലിക്കേഷന്‍, ഇംഗ്ലീഷ് ലിറ്ററേചര്‍ എന്നീ വിഷയങ്ങളിലെ പരീക്ഷ അവസാന ദിവസമായ 17-ന് രാവിലെയും നടത്തും.

ആര്‍ട്ട് സബ്ജക്ടുകള്‍

• ഒക്ടോബര്‍ 12 (രാവിലെ): മെയിന്‍
• ഒക്ടോബര്‍ 13 (രാവിലെ): പാര്‍ട്ട് 1 ഇംഗ്ലീഷ്
• ഒക്ടോബര്‍ 13 (ഉച്ചകഴിഞ്ഞ്): സബ്‌സിഡറി
• ഒക്ടോബര്‍ 14 (രാവിലെ): സംസ്‌കൃതം
• ഒക്ടോബര്‍ 15 (രാവിലെ) പാര്‍ട്ട് 2 വിഷയങ്ങള്‍
• ഒക്ടോബര്‍ 16 (രാവിലെ): ലിറ്ററേച്ചര്‍
• ഒക്ടോബര്‍ 17 (രാവിലെ): ഏസ്‌തെറ്റിക്‌

Also Read: Kerala Plus One Improvement Exam 2026: ഇനി പഠിച്ച് തുടങ്ങാം! പ്ലസ് വണ്‍ ഇമ്പ്രൂവ്‌മെന്റ് പരീക്ഷയുടെ ടൈം ടേബിള്‍ ഇതാ

പരീക്ഷയുടെ സമയം

രാവിലത്തെ പരീക്ഷകളില്‍ പ്രാക്ടിക്കല്‍ ഇല്ലാത്തത് 9.30 മുതല്‍ 12.15 വരെ നടക്കും. ബയോളജിയും, മ്യൂസിക്കും ഒഴികെയുള്ള പ്രാക്ടിക്കലുള്ള വിഷയങ്ങള്‍ രാവിലെ 9.30 മുതല്‍ 11.45 വരെ നടക്കും. ബയോളജി പരീക്ഷ 9.30 മുതല്‍ 11.55 വരെയാണ് (25 മിനിറ്റ്-അതായത് ബോട്ടണിക്കും, സുവോളജിക്കും 15 മിനിറ്റും, സുവോളജിക്ക് 10 മിനിറ്റും തയ്യാറെടുപ്പ് സമയം).

ഉച്ചകഴിഞ്ഞ് ഷെഡ്യൂള്‍ ചെയ്തിട്ടുള്ള വിഷയങ്ങളില്‍ പ്രാക്ടിക്കല്‍ ഇല്ലാത്തത് രണ്ട് മുതല്‍ 4.45 വരെ നടക്കും. പ്രാക്ടിക്കലുള്ള വിഷയങ്ങള്‍ രണ്ട് മുതല്‍ 4.15 വരെ നടക്കും. മ്യൂസിക് പരീക്ഷ ഉച്ചകഴിഞ്ഞ് രണ്ട് മുതല്‍ 3.45 വരെയാണ് നടത്താനിരിക്കുന്നത്. എല്ലാ പരീക്ഷയ്ക്കും 15 മിനിറ്റ് കൂള്‍ ഓഫ് ടൈം അനുവദിക്കും.

English Summary

The Plus One improvement exams run from October 12 to 17, 2026, across Kerala, Lakshadweep, and the UAE. Morning exams generally start at 9:30 AM, while afternoon sessions begin at 2:00 PM. Exam durations vary depending on whether the subject includes practical components. All exams include an additional 15-minute cool-off time for students.

ഉന്നതവിദ്യാഭ്യാസരംഗത്തും ഗവേഷണ മേഖലകളിലും തിളക്കമാർന്ന കരിയർ ആഗ്രഹിക്കുന്നവർക്കായി നാഷണൽ ടെസ്റ്റിങ് ഏജൻസി (എൻടിഎ) നടത്തുന്ന യുജിസി നെറ്റ് ഡിസംബർ 2026 സെഷനിലേക്കുള്ള വിജ്ഞാപനം പുറത്ത്. സർവകലാശാലകളിലും കോളേജുകളിലും അസിസ്റ്റന്റ് പ്രൊഫസർ പദവിയിലേക്കുള്ള യോഗ്യത, ജൂനിയർ റിസർച്ച് ഫെലോഷിപ്പ് (ജെആർഎഫ്), കൂടാതെ പിഎച്ച്ഡി പ്രവേശനം എന്നിവ നിർണയിക്കുന്നതിനുള്ള ദേശീയതല പരീക്ഷയാണ് യുജിസി നെറ്റ്.

യുജിസി നെറ്റ് പരീക്ഷയുടെ 2026 ഡിസംബറിലേക്കുള്ള രജിസ്ട്രേഷൻ നടപടികൾ എൻടിഎ ആരംഭിച്ചു. താല്പര്യമുള്ള ഉദ്യോഗാർത്ഥികൾക്ക് ഒക്ടോബർ 28 രാത്രി 11:50 വരെ അപേക്ഷാ ഫോമുകൾ സമർപ്പിക്കാവുന്നതാണ്. ഔദ്യോഗിക അറിയിപ്പ് പ്രകാരം, 87 വിഷയങ്ങളിലായി 2026 ഡിസംബർ 14 മുതൽ 19 വരെയാണ് പരീക്ഷ നടക്കുക. കമ്പ്യൂട്ടർ അധിഷ്ഠിത പരീക്ഷാ (CBT) യാണ് നടത്താൻ നിശ്ചയിച്ചിരിക്കുന്നത്. ജൂനിയർ റിസർച്ച് ഫെലോഷിപ്പ് (JRF) നേടുന്നതിനും, അസിസ്റ്റന്റ് പ്രൊഫസറായി നിയമനം ലഭിക്കുന്നതിനും, പിഎച്ച്ഡി പ്രോഗ്രാമുകളിൽ പ്രവേശനം നേടുന്നതിനും യോഗ്യത നിർണ്ണയിക്കുന്നത് യുജിസി നെറ്റ് പരീക്ഷയിലൂടെയാണ്.

ALSO READ: സിബിഎസ്ഇ പരീക്ഷകൾ: തെറ്റില്ലാതെ വിദ്യാർത്ഥി വിവരങ്ങൾ നൽകാൻ

ആർക്കൊക്കെ അപേക്ഷിക്കാം?

ഉദ്യോഗാർത്ഥികൾക്ക് ugcnet.nta.nic.in എന്ന ഔദ്യോഗിക വെബ്സൈറ്റ് വഴി അപേക്ഷിക്കാവുന്നതാണ്. അംഗീകൃത സർവകലാശാലയിൽ നിന്ന് കുറഞ്ഞത് 55 ശതമാനം മാർപ്പോടെ മാസ്റ്റർ ബിരുദമോ തത്തുല്യ പരീക്ഷയോ വിജയിച്ചിരിക്കണം. സംവരണ വിഭാഗക്കാർക്ക് ചട്ടപ്രകാരമുള്ള മാർക്ക് ഇളവ് ബാധകമാണ്. അപേക്ഷിക്കുന്നതിന് നിശ്ചിത ഉയർന്ന പ്രായപരിധിയുണ്ട്. സാധാരണയായി 30 വയസ്സ് വരെയാണ് അനുവദിക്കുക. സംവരണ വിഭാഗക്കാർക്ക് ഇളവുകൾ ലഭ്യമാണ്. അപേക്ഷാഫോറം പൂരിപ്പിക്കുന്നതിന് മുൻപ് വിജ്ഞാപനത്തിലെ നിർദ്ദേശങ്ങൾ ശ്രദ്ധാപൂർവ്വം വായിക്കുക. തെറ്റുകളില്ലാതെ വിവരങ്ങൾ നൽകാൻ പ്രത്യേകം ശ്രദ്ധിക്കുക.

ജനറൽ/ അൺറിസർവ്ഡ് വിഭാ​ഗത്തിൽപ്പെട്ട ഉദ്യോ​ഗാർത്ഥികൾക്ക് 1,150 രൂപയാണ് അപേക്ഷ ഫീസ്. ജനറൽ-EWS/ OBC-NCL വിഭാ​ഗത്തിൽപ്പെട്ട ഉദ്യോ​ഗാർത്ഥികൾക്ക് 600 രൂപയും, SC/ ST/ PwD/ ട്രാൻസ്‌ജെൻഡർ വിഭാ​ഗത്തിൽപ്പെട്ട ഉദ്യോ​ഗാർത്ഥികൾക്ക് 325 രൂപയുമാണ് അപേക്ഷാ ഫീസ്. ഒക്ടോബർ 28-ലെ സമയപരിധി നഷ്ടപ്പെട്ട ഉദ്യോഗാർത്ഥികൾക്ക്, 500 രൂപ അധിക പിഴ അടച്ചുകൊണ്ട് ഒക്ടോബർ 29 മുതൽ 31 വരെയുള്ള ദിവസങ്ങളിൽ അപേക്ഷ സമർപ്പിക്കാവുന്നതാണ്.

UGC NET ഡിസംബർ 2026-ലേക്ക് എങ്ങനെ അപേക്ഷിക്കാം

• ആദ്യം തന്നെ ഉദ്യോ​ഗാർത്ഥികൾ ഔദ്യോഗിക വെബ്സൈറ്റായ ugcnet.nta.nic.in സന്ദർശിക്കുക.
• ശേഷം അതിൽ നൽകിയിരിക്കുന്ന UGC NET ഡിസംബർ 2026 രജിസ്ട്രേഷനായുള്ള ലിങ്ക് തുറക്കുക.
• രജിസ്ട്രേഷൻ നടപടികൾ പൂർത്തിയാക്കി അപേക്ഷാ ഫോം പൂരിപ്പിക്കുക.
• ആവശ്യമായ വിവരങ്ങൾ കൃത്യമായി നൽകുകയും ആവശ്യമായ രേഖകൾ അപ്‌ലോഡ് ചെയ്യുകയും ചെയ്യുക.
• ലഭ്യമായ ഓൺലൈൻ പേയ്‌മെന്റ് രീതികളിലൊന്ന് ഉപയോഗിച്ച് അപേക്ഷാ ഫീസ് അടയ്ക്കുക.
• ഫോം സമർപ്പിക്കുകയും ഭാവി ആവശ്യങ്ങൾക്കായി സബ്മിറ്റ് പേജിന്റെ ഒരു പകർപ്പ് സൂക്ഷിച്ചുവെക്കുകയും ചെയ്യുക.

English Summary:

NTA has opened the online registration process for the UGC NET December 2026. Candidates can submit their application forms from October 8 to October 28, 2026, up to 11:50 pm.

2027-ലെ പത്താം ക്ലാസ്, പന്ത്രണ്ടാം ക്ലാസ് ബോർഡ് പരീക്ഷകൾക്കുള്ള തയ്യാറെടുപ്പുകൾ തടസ്സമില്ലാതെ നടത്തുന്നതിനായി, വിദ്യാർത്ഥികളുടെ വിവരങ്ങൾ (List of Candidates - LOC) കൃത്യതയോടെയും സമയബന്ധിതമായും സമർപ്പിക്കണമെന്ന് സെൻട്രൽ ബോർഡ് ഓഫ് സെക്കൻഡറി എഡ്യൂക്കേഷൻ (CBSE) അഫിലിയേറ്റഡ് സ്കൂളുകൾക്ക് നിർദ്ദേശം നൽകി. ബോർഡ് പരീക്ഷ എഴുതുന്ന എല്ലാ വിദ്യാർത്ഥികളുടെയും കൃത്യമായ വിവരങ്ങൾ നിശ്ചിത സമയപരിധിക്കുള്ളിൽ തന്നെ പോർട്ടലിൽ രേഖപ്പെടുത്തേണ്ടതുണ്ട്. വിദ്യാർത്ഥികളുടെ വിവരങ്ങൾ ഓൺലൈനായി രേഖപ്പെടുത്തുന്നതിന് മുൻപ്, സിബിഎസ്ഇ ഇതോടൊപ്പം പുറത്തിറക്കിയ നിർണ്ണായക സർക്കുലറുകൾ സ്കൂൾ അധികൃതർ കൃത്യമായി പരിശോധിക്കണമെന്ന് ബോർഡ് വ്യക്തമാക്കി.

പേര്, ജനനതീയതി, വിഷയം, മാതാപിതാക്കളുടെ പേര് തുടങ്ങിയ വിവരങ്ങളിൽ ചെറിയൊരു പിശക് പോലും വരാൻ പാടില്ല. വിവരങ്ങൾ പോർട്ടലിൽ എൻ്ററി ചെയ്യുന്ന ചുമതലയുള്ള ജീവനക്കാർക്ക് ബോർഡിന്റെ എല്ലാ മാർഗ്ഗനിർദ്ദേശങ്ങളെക്കുറിച്ചും പൂർണ്ണമായ ധാരണയുണ്ടെന്ന് സ്കൂൾ പ്രിൻസിപ്പൽമാർ ഉറപ്പാക്കണം. വിദ്യാർത്ഥികളുടെ അന്തിമ വിവരങ്ങൾ അടങ്ങിയ LOC പട്ടിക വരുന്ന ഒക്ടോബർ 21-നകം തെറ്റുകളില്ലാതെ സമർപ്പിക്കേണ്ടതാണ്.

ALSO READ: നീറ്റ് പിജി 2026 കൗൺസിലിംഗ്; ആദ്യ റൗണ്ട് രജിസ്ട്രേഷൻ ഒക്ടോബർ 12ന്

ബോർഡ് പരീക്ഷയുടെ ഹാൾ ടിക്കറ്റ്, മാർക്ക് ലിസ്റ്റ്, കൺസോളിഡേറ്റഡ് സർട്ടിഫിക്കറ്റ് എന്നിവ തയ്യാറാക്കുന്നത് സ്കൂളുകൾ നൽകുന്ന ഈ ഡാറ്റ മുൻനിർത്തിയാണ്. അതിനാൽ സമർപ്പിച്ചതിന് ശേഷം പിശകുകൾ തിരുത്തുന്നത് ഭാവിയിൽ വിദ്യാർത്ഥികൾക്ക് വലിയ ബുദ്ധിമുട്ടുകൾ സൃഷ്ടിച്ചേക്കാം. ആയതിനാൽ സർക്കുലറിലെ ഓരോ വിവരവും കൃത്യമായി ഉറപ്പുവരുത്തിയ ശേഷം മാത്രം രജിസ്ട്രേഷൻ നടപടികൾ പൂർത്തിയാക്കാൻ സ്കൂളുകൾ പ്രത്യേകം ശ്രദ്ധിക്കണം.

2026-27 അധ്യയന വർഷത്തെ 10, 12 ക്ലാസ് പരീക്ഷകൾക്കായി വിദ്യാർത്ഥികളുടെ വിവരങ്ങൾ രേഖപ്പെടുത്തുന്നതിനുള്ള മാനദണ്ഡങ്ങൾ വിശദീകരിച്ചുകൊണ്ട് സെപ്റ്റംബർ 17-ന് വിശദമായ വിജ്ഞാപനം സിബിഎസ്ഇ പുറപ്പെടുവിച്ചിട്ടുണ്ട്.

പരീക്ഷ തീയിത് എപ്പോൾ പ്രഖ്യാപിക്കും?

2027-ലെ ബോർഡ് പരീക്ഷകളുടെ സമയക്രമം സിബിഎസ്ഇ ഉടൻ പുറത്തിറക്കുമെന്നാണ് പ്രതീക്ഷിക്കുന്നത്. രണ്ടാമത്തെ പത്താം ക്ലാസ് ബോർഡ് പരീക്ഷയ്ക്കുള്ള LOC, ആദ്യത്തെ ബോർഡ് പരീക്ഷ പൂർത്തിയായ ശേഷമേ പുറത്തിറക്കൂ. അടുത്ത മാർച്ചിൽ ആരംഭിക്കുന്ന സിബിഎസ്ഇ 10, 12 ബോർഡ് പരീക്ഷയ്ക്കുള്ള പ്രൈവറ്റ് റജിസ്ട്രേഷൻ നടപടികൾ കഴിഞ്ഞ ദിവസം ആരംഭിച്ചിരുന്നു. ഇക്കുറി ബോർഡ് പരീക്ഷയിൽ എസൻഷ്യൽ റിപ്പീറ്റ് വിഭാഗത്തിൽ ഉൾപ്പെട്ടവർ, കംപാർട്മെന്റ് വിഭാഗത്തിൽ ഉൾപ്പെട്ടവർ, 2021 മുതൽ 2025 വരെ വർഷങ്ങളിൽ തോൽവി / എസൻഷ്യൽ റിപ്പീറ്റ് വിഭാഗത്തിൽ ഉൾപ്പെട്ടവർ, ഈ വർഷത്തെ ബോർഡ് പരീക്ഷയിൽ ജയിച്ചിട്ടും പ്രകടനം മെച്ചപ്പെടുത്തി മാർക്ക് കൂടുതൽ നേടാൻ ആഗ്രഹിക്കുന്നവർ എന്നിവർക്ക് സിബിഎസ്ഇ പോർട്ടലിലൂടെ അപേക്ഷിക്കാം.

English Summary:

CBSE has reminded all affiliated schools to ensure the accuracy and timely submission of the list of candidates (LOC) for the Class 10 and Class 12 board examinations 2027. The Board has urged schools to review the relevant circulars issued by CBSE before entering candidate details.

ഇന്ത്യന്‍ സൈന്യത്തില്‍ ജോലി നേടാന്‍ ആഗ്രഹിക്കുന്നവര്‍ ശാരീരികക്ഷമതയ്ക്കും ആരോഗ്യത്തിനും മാനസികമായ തയാറെടുപ്പിനും പ്രത്യേക ശ്രദ്ധ നല്‍കണം. സൈനിക സേവനത്തിന്റെ വെല്ലുവിളികള്‍ നേരിടാന്‍ ഉദ്യോഗാര്‍ഥികള്‍ക്ക് ആവശ്യമായ ശാരീരികവും വൈദ്യപരവുമായ യോഗ്യതകള്‍ ഇന്ത്യന്‍ ആര്‍മി നിശ്ചയിച്ചിട്ടുണ്ട്. ഉയരം, ഭാരം, കാഴ്ചശക്തി, ദന്താരോഗ്യം തുടങ്ങിയവയ്ക്കൊപ്പം ശാരീരികക്ഷമതയും തിരഞ്ഞെടുപ്പ് നടപടികളില്‍ പ്രധാനമാണ്. സൈന്യത്തിലെ വിവിധ തസ്തികകള്‍ക്കും പ്രവേശന വിഭാഗങ്ങള്‍ക്കും അനുസരിച്ച് യോഗ്യതാ മാനദണ്ഡങ്ങളില്‍ വ്യത്യാസമുണ്ടാകാം.

ഫിറ്റ്‌നസ് ടെസ്റ്റില്‍ എന്തൊക്കെ?

ഇന്ത്യന്‍ ആര്‍മി തിരഞ്ഞെടുപ്പിലെ പ്രധാന ഘട്ടങ്ങളിലൊന്നാണ് ശാരീരികക്ഷമത പരീക്ഷ. ഓട്ടം, വ്യായാമങ്ങള്‍, മറ്റ് ശാരീരിക പ്രവര്‍ത്തനങ്ങള്‍ എന്നിവയിലൂടെ ഉദ്യോഗാര്‍ഥികളുടെ ഫിറ്റ്‌നസ് വിലയിരുത്തുന്നു. 2.4 കിലോമീറ്റര്‍ ഓട്ടം 10 മിനിറ്റും 30 സെക്കന്‍ഡും കൊണ്ട് പൂര്‍ത്തിയാക്കുക, 40 പുഷ്-അപ്പുകള്‍, ആറ് പുള്‍-അപ്പുകള്‍, 30 സിറ്റ്-അപ്പുകള്‍ എന്നിവ ചെയ്യുക തുടങ്ങിയവയാണ് പരിശീലനത്തിനായി നിര്‍ദേശിച്ചിരിക്കുന്ന ലക്ഷ്യങ്ങള്‍. സ്‌ക്വാറ്റ്, ലഞ്ച് തുടങ്ങിയ വ്യായാമങ്ങളും നീന്തലിലെ അടിസ്ഥാന പരിജ്ഞാനവും ശാരീരികക്ഷമത മെച്ചപ്പെടുത്താന്‍ സഹായിക്കും.

ഉയരം, ഭാരം എത്ര വേണം?

ഉദ്യോഗാര്‍ഥികളുടെ ഉയരം, ഭാരം, നെഞ്ചളവ് എന്നിവ പരിശോധിക്കുന്നതാണ് ശാരീരിക അളവെടുപ്പ്. പ്രായം, ലിംഗം, അപേക്ഷിക്കുന്ന തസ്തിക, നിയമന മേഖല തുടങ്ങിയ ഘടകങ്ങള്‍ അനുസരിച്ച് നിശ്ചയിച്ചിട്ടുള്ള മാനദണ്ഡങ്ങള്‍ പാലിക്കണം. 25 വയസിന് മുകളിലുള്ള പുരുഷ ഉദ്യോഗാര്‍ഥിക്ക് 152 സെന്റിമീറ്റര്‍ ഉയരമുണ്ടെങ്കില്‍ 40 മുതല്‍ 58 കിലോഗ്രാം വരെയാണ് ഭാരം. 173 സെന്റിമീറ്റര്‍ ഉയരമുള്ള ഉദ്യോഗാര്‍ഥിക്ക് പരമാവധി 75 കിലോഗ്രാമും ആവശ്യമാണ്.

കാഴ്ചശക്തിക്കുള്ള നിബന്ധനകള്‍

സൈനിക സേവനത്തിന് ആവശ്യമായ കാഴ്ചശക്തി ഉദ്യോഗാര്‍ഥികള്‍ക്കുണ്ടെന്ന് മെഡിക്കല്‍ പരിശോധനയിലൂടെ ഉറപ്പാക്കും. കാഴ്ചശക്തി, നിറങ്ങള്‍ തിരിച്ചറിയാനുള്ള കഴിവ്, കണ്ണുകളുടെ ആരോഗ്യം തുടങ്ങിയവയാണ് പ്രധാനമായും പരിശോധിക്കുന്നത്.

Also Read: ക്യാപ്റ്റനോ മേജറോ ഉയർന്ന ശമ്പളം ആർക്കാണ്? ഇന്ത്യൻ ആർമിയിലെ ശമ്പളക്കണക്ക് അറിയാം

ടാറ്റൂ ഉണ്ടെങ്കില്‍ ആര്‍മിയില്‍ ചേരാമോ?

ഇന്ത്യന്‍ ആര്‍മിയില്‍ ചേരാന്‍ ആഗ്രഹിക്കുന്നവര്‍ ടാറ്റൂ സംബന്ധിച്ച ചട്ടങ്ങളും അറിഞ്ഞിരിക്കണം. ശരീരത്തില്‍ ടാറ്റൂ അനുവദിക്കുന്ന കാര്യത്തില്‍ നിയന്ത്രണങ്ങളുണ്ട്. ചില വിഭാഗങ്ങളിലെ ഉദ്യോഗാര്‍ഥികള്‍ക്ക് കൈത്തണ്ടയുടെ അകത്തളത്തില്‍ ടാറ്റൂ അനുവദിക്കുന്ന പ്രത്യേക വ്യവസ്ഥകളുണ്ട്.

ദന്താരോഗ്യവും മെഡിക്കല്‍ പരിശോധനയും

സൈനിക സേവനത്തിന് തിരഞ്ഞെടുക്കപ്പെടുന്നവര്‍ ദന്താരോഗ്യത്തിലും ശ്രദ്ധിക്കണം. പല്ലുകളുടെയും മോണകളുടെയും ആരോഗ്യം, വായിലെ അണുബാധകള്‍, മറ്റ് ദന്തപ്രശ്‌നങ്ങള്‍ എന്നിവ മെഡിക്കല്‍ പരിശോധനയില്‍ വിലയിരുത്താം.

മാനസികക്ഷമതയും അഭിമുഖവും

ശാരീരികക്ഷമതയ്‌ക്കൊപ്പം മാനസികമായ തയാറെടുപ്പും ഇന്ത്യന്‍ സൈന്യത്തിലെ തിരഞ്ഞെടുപ്പില്‍ പ്രധാനമാണ്. പ്രത്യേകിച്ച് ഓഫീസര്‍ തസ്തികകളിലേക്കുള്ള ചില തിരഞ്ഞെടുപ്പ് നടപടികളില്‍ ഉദ്യോഗാര്‍ഥികളുടെ വ്യക്തിത്വം, നേതൃത്വശേഷി, തീരുമാനമെടുക്കാനുള്ള കഴിവ്, സംഘമായി പ്രവര്‍ത്തിക്കാനുള്ള മികവ് എന്നിവ വിലയിരുത്തും.

English Summary

Candidates aspiring to join the Indian Army must meet specific physical, medical and mental fitness standards. Requirements may include physical fitness tests, height and weight measurements, eyesight checks, dental health assessments and psychological evaluations, depending on the entry category. Applicants should check the official Indian Army notification for the latest eligibility criteria.

കെഎസ്ആര്‍ടിസി സ്വിഫ്റ്റില്‍ ഡ്രൈവര്‍, കണ്ടക്ടര്‍, ഡ്രൈവര്‍ കം കണ്ടക്ടര്‍ തസ്തികകളിലേക്ക് ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിച്ചു. ഡ്രൈവര്‍ തസ്തികയില്‍ 385 ഒഴിവുകളുണ്ട്. ഒമ്പതാം ക്ലാസ് പാസായ, സാധുവായ ഹെവി മോട്ടോര്‍ വാഹന ലൈസന്‍സുള്ളവര്‍ക്ക് ഡ്രൈവര്‍ തസ്തികയിലേക്ക് അപേക്ഷിക്കാം. മോട്ടോര്‍ വാഹന ലൈസന്‍സ് കരസ്ഥമാക്കി ഏഴു വര്‍ഷം പൂര്‍ത്തിയാക്കിയിരിക്കണം. അതില്‍ ഹെവി മോട്ടോര്‍ വാഹന ലൈസന്‍സ് കരസ്ഥമാക്കി മൂന്ന് വര്‍,മോ അതിലധികമോ കാലയളവ് ഉണ്ടായിരിക്കണം. ഡ്രൈവിങ് ലൈസന്‍സില്‍ ഹെവി ഗുഡ്‌സ്, ഹെവി പാസഞ്ചേഴ്‌സ് വാഹനങ്ങളുടെ എന്‍ഡോഴ്‌സ്‌മെന്റ് ഉണ്ടായിരിക്കണം. 21-55 പ്രായപരിധിയിലുള്ളവര്‍ക്ക് അപേക്ഷിക്കാം.

കണ്ടക്ടര്‍ തസ്തികയില്‍ 345 ഒഴിവുകളാണുള്ളത്. പത്താം ക്ലാസ് യോഗ്യതയുള്ളവര്‍ക്ക് അപേക്ഷിക്കാം. ഉദ്യോഗാര്‍ത്ഥികള്‍ക്ക് മോട്ടോര്‍ വെഹിക്കിള്‍ ആക്ട് 1988 പ്രകാരമുള്ള സാധുവായ കണ്ടക്ടര്‍ ലൈസന്‍സ് ഉണ്ടായിരിക്കണം. നിയമനം ലഭിച്ച് ഒരു മാസത്തിനുള്ളില്‍ സാധുവായ ലൈസന്‍സ് ഹാജരാക്കിയാലും മതി. 21-55 ആണ് പ്രായപരിധി.

310 ഒഴിവുകളാണ് ഡ്രൈവര്‍-കം-കണ്ടക്ടര്‍ തസ്തികയിലുള്ളത്. അപേക്ഷകര്‍ പത്താം ക്ലാസ് പാസായിരിക്കണം. ഹെവി ഡ്രൈവിങ് ലൈസന്‍സ് ഉണ്ടായിരിക്കണം. മുപ്പതിലധികം സീറ്റുകളുള്ള ഹെവി പാസഞ്ചര്‍ വാഹനങ്ങളില്‍ കുറഞ്ഞത് അഞ്ച് വര്‍ഷത്തെയെങ്കിലും ഡ്രൈവിങിലുള്ള പ്രവൃത്തി പരിചയം വേണം. പ്രവൃത്തി പരിചയം തെളിയിക്കുന്നതിന് മോട്ടോര്‍ വാഹന തൊഴിലാളി ക്ഷേമനിധിയിലേക്ക് വരിസംഖ്യ നല്‍കിയതിന്റെ പകര്‍പ്പോ, സര്‍ക്കാര്‍ സ്ഥാപനങ്ങളില്‍ നിന്നു ലഭ്യമായ പ്രവൃത്തി പരിചയ സര്‍ട്ടിഫിക്കറ്റുകളുടെ പകര്‍പ്പോ ഹാജരാക്കണം. 21-55 പ്രായപരിധിയിലുള്ളവര്‍ക്ക് അപേക്ഷിക്കാം.

Also Read: Sabarimala Job Vacancy: ശബരിമലയിൽ ഒഴിവുകൾ; 500 സെക്യൂരിറ്റി ഗാർഡുമാരെ ആവശ്യം, അപേക്ഷ അയക്കേണ്ടത് എങ്ങനെ?

ഓരോ തസ്തികയിലേക്കും വേണ്ട ഉയരം, മെഡിക്കല്‍ യോഗ്യതകള്‍ എന്നിവ ഔദ്യോഗിക വിജ്ഞാപനത്തില്‍ നല്‍കിയിട്ടുണ്ട്. അത് വായിച്ചു മനസിലാക്കിയതിന് ശേഷം മാത്രം അപേക്ഷിക്കുക.

എങ്ങനെയാണ് അപേക്ഷിക്കേണ്ടത്?

അപേക്ഷയോടൊപ്പം വിദ്യാഭ്യാസ യോഗ്യത, പ്രവൃത്തി പരിചയം, വയസ് എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ സര്‍ട്ടിഫിക്കറ്റുകളുടെ പകര്‍പ്പുകള്‍, പാസ്‌പോര്‍ട്ട് സൈസ് ഫോട്ടോ തുടങ്ങിയവ ഉള്‍പ്പെടുത്തി ഒക്ടോബര്‍ 22-ന് വൈകുന്നേരം അഞ്ച് മണിക്ക് മുമ്പായി www.cmd.kerala.gov.in എന്ന വെബ്‌സൈറ്റില്‍ ഓണ്‍ലൈനായി സമര്‍പ്പിക്കാം. ഔദ്യോഗിക വിജ്ഞാപനം ഈ വെബ്‌സൈറ്റില്‍ ലഭ്യമാണ്.

ഓണ്‍ലൈന്‍ അപേക്ഷകള്‍ മാത്രമേ സ്വീകരിക്കൂ. 100 രൂപയാണ് അപേക്ഷാഫീസ്. തസ്തികയിലേക്കുള്ള നിബന്ധനകള്‍, വ്യവസ്ഥകള്‍, മറ്റ് വിശദാംശങ്ങള്‍ എന്നി വിജ്ഞാപനത്തില്‍ നല്‍കിയിട്ടുണ്ട്. ദിവസ വേതന വ്യവസ്ഥയില്‍ തിരഞ്ഞെടുക്കപ്പെടുന്നവര്‍ക്ക് എട്ട് മണിക്കൂര്‍ ഡ്യൂട്ടിക്ക് 715 രൂപയാകും ലഭിക്കുന്നത്.

English Summary

KSRTC SWIFT has invited online applications for Driver, Conductor, and Driver-cum-Conductor positions. Candidates aged 21 to 55 with necessary qualification and driving or conductor licenses can apply. Selected candidates will receive a daily wage of ₹715 for an eight-hour shift.

മണ്ഡല-മകരവിളക്ക് ഉത്സവത്തോടനുബന്ധിച്ച് ശബരിമല, പമ്പ, നിലയ്ക്കൽ എന്നിവിടങ്ങളിൽ സുരക്ഷാ ജീവനക്കാരെ നിയമിക്കുന്നു. ദിവസവേതനാടിസ്ഥാനത്തിലുള്ള താൽക്കാലിക നിയമനമാണിത്. വിമുക്തഭടന്മാർക്കും സംസ്ഥാന പോലീസ്, എക്സൈസ്, ഫയർ ആൻഡ് റെസ്ക്യൂ സർവീസസ്, മറ്റ് യൂണിഫോംഡ് സേനകൾ എന്നിവയിൽ നിന്ന് വിരമിച്ചവർക്കും അപേക്ഷിക്കാവുന്നതാണ്. ഉദ്യോഗാർത്ഥികൾക്ക് കുറഞ്ഞത് അഞ്ച് വർഷത്തെ പ്രവൃത്തിപരിചയം ഉണ്ടായിരിക്കണം.

പുരുഷന്മാർക്ക് മാത്രമാണ് ഈ ഒഴിവുകളിലേക്ക് അവസരം. 67 വയസ് വരെമാത്രമുള്ളവർക്കാണ് അപേക്ഷിക്കാനാകുക. തിരഞ്ഞെടുക്കപ്പെടുന്നവർക്ക് പ്രതിദിനം 900 രൂപ വേതനവും സൗജന്യ താമസവും ഭക്ഷണവും ലഭിക്കും. തിരുവനന്തപുരം നന്ദൻകോട് കൗഡിറിലുള്ള തിരുവിതാംകൂർ ദേവസ്വം ബോർഡ് ചീഫ് വിജിലൻസ് ആൻഡ് സെക്യൂരിറ്റി ഓഫീസർക്ക് നേരിട്ടോ, spdtbvig@gmail.com എന്ന ഇമെയിൽ വിലാസം വഴിയോ അപേക്ഷകൾ സമർപ്പിക്കാവുന്നതാണ്. ഓൺലൈനായി അപേക്ഷിക്കുന്നവർ പ്രത്യേകം അപേക്ഷ സമർപ്പിക്കേണ്ടതില്ല.

ALSO READ: ശബരിമലയിൽ നേഴ്സിങ് ഓഫീസർ അവസരം! അഭിമുഖം നാളെ; സമയവും സ്ഥലവും

താല്പര്യമുള്ളവർക്ക് ഒക്ടോബർ 20 വരെ അപേക്ഷിക്കാവുന്നതാണ്. ഒക്ടോബർ 24, 26, 27 തീയതികളിൽ രാവിലെ 10 മണി മുതൽ വൈകുന്നേരം 5 മണി വരെ അഭിമുഖങ്ങൾ നടക്കും. തിരുവനന്തപുരം, കൊല്ലം, പത്തനംതിട്ട, ആലപ്പുഴ എന്നിവിടങ്ങളിൽ നിന്നുള്ള ഉദ്യോഗാർത്ഥികൾ നന്ദൻകോട് തിരുവിതാംകൂർ ദേവസ്വം ബോർഡ് ഓഫീസിലെ സുമംഗലി ഓഡിറ്റോറിയത്തിൽ നടക്കുന്ന അഭിമുഖത്തിൽ പങ്കെടുക്കാം.

കോട്ടയം, ഇടുക്കി, എറണാകുളം, തൃശൂർ, പാലക്കാട്, കോഴിക്കോട്, വയനാട്, മലപ്പുറം, കണ്ണൂർ, കാസർകോട് എന്നിവിടങ്ങളിലെ ഉദ്യോഗാർത്ഥികൾ ആലുവയിലെ തിരുവിതാംകൂർ ദേവസ്വം ബോർഡ് ഗസ്റ്റ് ഹൗസിൽ നടക്കുന്ന അഭിമുഖത്തിൽ പങ്കെടുക്കണം. കൂടുതൽ വിവരങ്ങൾക്ക്, ഉദ്യോഗാർത്ഥികൾക്ക് ചീഫ് വിജിലൻസ് ആൻഡ് സെക്യൂരിറ്റി ഓഫീസറെ 7012149116 അല്ലെങ്കിൽ 9497964855 എന്നീ നമ്പറുകളിൽ ബന്ധപ്പെടാവുന്നതാണ്.

നേഴ്സിങ് ഓഫീസർ അവസരം

മണ്ഡല- മകരവിളക്ക് മഹോത്സവത്തോടനുബന്ധിച്ച് ആരോഗ്യവകുപ്പിന് കീഴിൽ നഴ്‌സിങ് ഓഫീസർമാരെയും നിയമിക്കുന്നുണ്ട്. പുരുഷ നഴ്‌സിങ് ഓഫീസർമാർക്കാണ് തസ്തികകളിൽ മുൻഗണന/ അവസരം നൽകുന്നത്. അടിയന്തിര വൈദ്യ സഹായ കേന്ദ്രങ്ങളിലാകും നഴ്‌സിങ് ഓഫീസർ തസ്തികയിൽ നിയമനം നടത്തുക. ആകെ 87 ഒഴിവുകൾ ആണുള്ളത്. ദിവസ വേതന അടിസ്ഥാനത്തിലായിരിക്കും നിയമനം. പമ്പ മുതൽ സന്നിധാനം വരെയും കരിമലയിലുമായി പ്രവർത്തിപ്പിക്കുന്ന വൈദ്യ സഹായ കേന്ദ്രങ്ങളിലാകും നിയമനം.

അംഗീകൃത കോളജിൽ നിന്ന് ജനറൽ നഴ്സിംഗ് അല്ലെങ്കിൽ ബിഎസ്സി നഴ്‌സിംഗ് കഴിഞ്ഞവർക്കാണ് അവസരം. അപേക്ഷിക്കുന്നവർക്ക് കേരള നഴ്സിംഗ് കൗൺസിൽ രജിസ്‌ട്രേഷൻ സർട്ടിഫിക്കറ്റ് കൈവശമുണ്ടായിരിക്കണം. മുൻ വർഷങ്ങളിൽ സേവനം നടത്തിയിട്ടുളളവർക്കും അമേരിക്കൻ ഹാർട്ട് അസോസിയേഷന്റെ എസിഎൽഎസ് സർട്ടിഫിക്കറ്റ് ഉളളവർക്കും മുൻഗണനയുണ്ടാകും. 2026 നവംബർ 14 മുതൽ 2027 ജനുവരി 21 വരെയാണ് സേവന കാലാവധി.

English Summary:

Sabarimala Security Guard Recruitment 2026 notification has been released Over Mandala–Makaravilakku festival. Travancore Devaswom Board has invited applications for temporary security guard jobs at Sabarimala, Pamba, and Nilakkal temples.