ന്യൂഡൽഹി: ജൂൺ 21 ന് നടക്കാനിരിക്കുന്ന നീറ്റ് യുജി (NEET UG 2026) പരീക്ഷയുമായി ബന്ധപ്പെട്ട് നാഷണൽ ടെസ്റ്റിംഗ് ഏജൻസി (NTA) സുപ്രധാനമായ ചില പരിഷ്കാരങ്ങൾ പ്രഖ്യാപിച്ചു. പരീക്ഷാ സമയത്തിൽ 15 മിനിറ്റിന്റെ വർധന വരുത്തിയതും ചോദ്യപേപ്പറിന്റെ ഘടന പരിഷ്കരിച്ചതുമാണ് പ്രധാന മാറ്റങ്ങൾ. ഇന്ന് (ജൂൺ 12) പുറത്തിറക്കിയ ഔദ്യോഗിക വിജ്ഞാപനത്തിൽ ഇതുസംബന്ധിച്ച കാര്യങ്ങൾ NTA വ്യക്തമാക്കിയിട്ടുണ്ട്. പരീക്ഷ "ന്യായമായയും സുരക്ഷിതമായും ഉദ്യോഗാർത്ഥികളുടെ സൗകര്യങ്ങൾക്ക് അ‌നുയോജ്യമായും മാറ്റുക" എന്നതിനൊപ്പം പരീക്ഷാ ദിവസത്തെ സുഖസൗകര്യങ്ങളും വ്യക്തതയും മെച്ചപ്പെടുത്തുക എന്ന ലക്ഷ്യത്തോടെയാണ് പുതിയ നടപടികൾ. വിദ്യാർഥികൾക്ക് കൂടുതൽ ആശ്വാസം നൽകുന്ന നിലയ്ക്കുള്ളതാണ് പുതിയ പരിഷ്കരണങ്ങൾ എന്നത് ശ്രദ്ധേയമാണ്.

പരീക്ഷാ ​ടൈം ദീർഘിപ്പിച്ചു

വിദ്യാർഥികൾക്ക് പരീക്ഷയ്ക്കായി അ‌നുവദിച്ചിരുന്ന സമയം ദീർഘിപ്പിച്ചു എന്നതാണ് NTA യുടെ പുതിയ തീരുമാനങ്ങളിൽ ഏറ്റവും ശ്രദ്ധേയമായിട്ടുള്ളത്. മുൻ വർഷങ്ങളിലെ ഫീഡ്‌ബാക്കിന്റെ അടിസ്ഥാനത്തിൽ, പരീക്ഷാ ദൈർഘ്യം 195 മിനിറ്റായി പരിഷ്കരിച്ചു. ഉച്ചയ്ക്ക് 2:00 മുതൽ വൈകുന്നേരം 5:15 വരെയാണ് പരീക്ഷ ഷെഡ്യൂൾ ചെയ്തിരിക്കുന്നത്.

Also Read: 508 കിലോമീറ്ററോടാന്‍ വേണ്ടത് വെറും രണ്ട്‌ മണിക്കൂര്‍; മുംബൈ-അഹമ്മദാബാദ് ബുള്ളറ്റ് ട്രെയിന്‍ ട്രാക്കിലേക്ക്

അ‌ധികമായി അ‌നുവദിച്ച സമയത്തിൽ ഹാജർ ഷീറ്റുകളിൽ ഒപ്പിടൽ, ഇൻവിജിലേഷൻ നടപടിക്രമങ്ങൾ തുടങ്ങിയ നിർബന്ധിത പരീക്ഷാ ഔപചാരികതകൾ ഉൾപ്പെടുന്നുവെന്ന് ഏജൻസി വ്യക്തമാക്കി. ഭരണപരമായ നടപടികൾ കാരണം ഉദ്യോഗാർത്ഥികൾക്ക് ലഭിക്കേണ്ട എക്സാം ​ടൈം നഷ്ടപ്പെടുന്നില്ലെന്നും പരീക്ഷയിൽ പൂർണ്ണമായും ശ്രദ്ധ കേന്ദ്രീകരിക്കാൻ കഴിയുമെന്നും ഉറപ്പാക്കുക എന്നതാണ് മാറ്റത്തിന്റെ ലക്ഷ്യം.

റഫ് വർക്കിന് കൂടുതൽ സ്ഥലം

റഫ് വർക്കിന് കൂടുതൽ സ്ഥലം കിട്ടുംവിധത്തിൽ ചോദ്യപേപ്പർ ബുക്ക്‌ലെറ്റിലും NTA പുതിയതായി ചില മാറ്റങ്ങൾ വരുത്തിയിട്ടുണ്ട്. പരീക്ഷാ സമയത്ത് കണക്കുകൂട്ടലുകൾ, ഡയഗ്രമുകൾ, വർക്കിംഗ് നോട്ടുകൾ എന്നിവയ്ക്ക് കൂടുതൽ ഇടം നൽകുന്നതിനായി ചോദ്യപേപ്പർ ബുക്ക്‌ലെറ്റിൽ റഫ് വർക്കിനായി നൽകിയിരിക്കുന്ന സ്ഥലം NTA വർദ്ധിപ്പിച്ചു. അ‌തിനാൽ ഉദ്യോഗാർത്ഥികൾക്ക് ഇനി രണ്ട് റഫ്-വർക്ക് പേജുകൾ ലഭിക്കും.

ചോദ്യപ്പേപ്പറിന്റെ സ്ട്രക്ചറും മാറും

ചോദ്യപേപ്പർ ബുക്ക്‌ലെറ്റിന്റെ ഘടനയും ഇപ്പോൾ പരിഷ്കരിച്ചിട്ടുണ്ട്. നേരത്തെ, റഫ്-വർക്ക് പേജുകൾ ബുക്ക്‌ലെറ്റിന്റെ അവസാനം മാത്രമേ സ്ഥാപിച്ചിരുന്നുള്ളൂ. എന്നാൽ ഇനി മുതൽ ഫീഡ്‌ബാക്കിന് മറുപടിയായി, നിർദ്ദേശ പേജിന് തൊട്ടുപിന്നാലെ രണ്ട് റഫ്-വർക്ക് പേജുകൾ ദൃശ്യമാകും, ബാക്കിയുള്ള രണ്ടെണ്ണം അവസാനം തുടരും. ഈ പരിഷ്കരിച്ച ഫോർമാറ്റ് ഇംഗ്ലീഷിലും പ്രാദേശിക ഭാഷാ ചോദ്യപേപ്പറുകളിലും ലഭ്യമാകും.

മുൻകാല ലേഔട്ട് ഇടം കൈയ്യൻ വിദ്യാർത്ഥികൾ ഉൾപ്പെടെയുള്ളവർക്ക് സൗകര്യപ്രദമല്ലെന്ന് കണ്ടെത്തിയിരുന്നതിന്റെ അ‌ടിസ്ഥാനത്തിൽ കൂടിയാണ് പുതിയ മാറ്റം. ഇത് പരീക്ഷാർഥികൾക്ക് ഏറെ സഹായകരമാണെന്ന് എൻ‌ടി‌എ അഭിപ്രായപ്പെട്ടു. പരീക്ഷാ സുരക്ഷയെയോ നിലവാരത്തെയോ ബാധിക്കാതെ ഉപയോഗക്ഷമത മെച്ചപ്പെടുത്തുന്നതിനാണ് അപ്‌ഡേറ്റ് ചെയ്ത ഡിസൈൻ ഉദ്ദേശിച്ചിരിക്കുന്നതെന്ന് ഏജൻസി പറഞ്ഞു.

പോസിറ്റീവായി ബാധിക്കും

നടത്തിപ്പ് രീതിയിലെ ചെറിയ മാറ്റങ്ങൾ പോലും നീറ്റ് യുജി പോലുള്ള ഉയർന്ന നിലവാരത്തിലുള്ള പരീക്ഷയിലെ ഉദ്യോഗാർഥികളുടെ പെർഫോമൻസിനെ പോസിറ്റീവായി ബാധിക്കുമെന്ന് നാഷണൽ ടെസ്റ്റിംഗ് ഏജൻസി പ്രസ്താവിച്ചു. പരീക്ഷാ പ്രക്രിയയെ കൂടുതൽ "സുഖകരവും സൗഹൃദപരവും" ആക്കുന്നതിനാണ് ഈ മാറ്റങ്ങൾ ലക്ഷ്യമിടുന്നതെന്ന് അ‌ധികൃതർ വിശദീകരിക്കുന്നു.

ഹെൽപ്പ്‌ലൈൻ നമ്പർ

പരീക്ഷയുടെ സുഗമമായ നടത്തിപ്പിനായി അഡ്മിറ്റ് കാർഡുകളിലെയും ഇൻഫർമേഷൻ ബുള്ളറ്റിനിലെയും നിർദ്ദേശങ്ങൾ ശ്രദ്ധാപൂർവ്വം വായിക്കാനും പരീക്ഷാ ജീവനക്കാരുമായി സഹകരിക്കാനും ഉദ്യോഗാർത്ഥികളോട് NTA നിർദ്ദേശിച്ചു. സംശയങ്ങൾക്ക്, NTA യുടെ ഹെൽപ്പ്‌ലൈൻ നമ്പർ +91-11-40759000, ഇമെയിൽ, neetug2026@nta.ac.in, ഔദ്യോഗിക വെബ്‌സൈറ്റ് വിശദാംശങ്ങൾ എന്നിവയും നോട്ടീസിൽ പങ്കുവച്ചിട്ടുണ്ട്.

കേരളത്തിലെ ഹയർ സെക്കൻഡറി പ്ലസ് വൺ പ്രവേശനത്തിനായുള്ള (Plus One Admission 2026) കാത്തിരിപ്പ് അവസാന ഘട്ടത്തിലേക്ക് കടക്കുകയാണ്. ഏകജാലക പ്രക്രിയയിലൂടെ HSCAP വഴി ആദ്യ മുഖ്യ അലോട്ട്മെൻ്റ് (First Allotment) വരും ദിവസങ്ങളിൽ തന്നെ പ്രസിദ്ധീകരിക്കും. ട്രയൽ അലോട്ട്മെൻ്റിന് ശേഷം അപേക്ഷകൾ കൃത്യമായി പരിശോധിച്ച വിദ്യാർത്ഥികൾക്ക് ആദ്യ ലിസ്റ്റിൽ തന്നെ സീറ്റ് ലഭിക്കാൻ സാധ്യതയേറെയാണ്. എന്നാൽ അലോട്ട്മെൻ്റ് വന്ന ശേഷം പരിഭ്രാന്തി ഒഴിവാക്കാനും പ്രവേശനം സുഗമമാക്കാനും ആദ്യ ലിസ്റ്റ് വരുന്നതിന് മുൻപ് വിദ്യാർത്ഥികളും രക്ഷിതാക്കളും അറിഞ്ഞിരിക്കേണ്ട ചില കാര്യങ്ങളുണ്ട് അവ പരിശോധിക്കാം.

ALSO READ: തിരുത്തലുകള്‍ വരുത്താനുള്ള അവസാന അവസരം; ട്രയല്‍ അലോട്ട്‌മെന്റ് അവഗണിക്കരുത്‌

പരിശോധിക്കുക: ട്രയൽ അലോട്ട്മെൻ്റ് ഘട്ടത്തിൽ നിങ്ങൾ വരുത്തിയ തിരുത്തലുകൾ ഉൾപ്പെടെയുള്ള ഏറ്റവും പുതിയ പ്രിൻ്റൗട്ട് വെബ്‌സൈറ്റിൽ നിന്നും ലോഗിൻ ചെയ്ത് ഡൗൺലോഡ് ചെയ്ത് സൂക്ഷിക്കുക. ഇതിലെ വിവരങ്ങളും നിങ്ങളുടെ ഒറിജിനൽ സർട്ടിഫിക്കറ്റുകളിലെ വിവരങ്ങളും (പേര്, ജനനത്തീയതി, മാർക്കുകൾ, കമ്മ്യൂണിറ്റി ക്വാട്ട) ഒന്നാണെന്ന് ഉറപ്പുവരുത്തുക. ഇവ തമ്മിൽ എന്തെങ്കിലും വ്യത്യാസമുണ്ടായാൽ അലോട്ട്മെൻ്റ് ലഭിച്ചാലും സ്കൂളിൽ വെരിഫിക്കേഷൻ സമയത്ത് അഡ്മിഷൻ റദ്ദാക്കപ്പെടാം.

ഒറിജിനൽ സർട്ടിഫിക്കറ്റുകൾ: ആദ്യ അലോട്ട്മെൻ്റ് ലിസ്റ്റിൽ പേര് വന്നാൽ പ്രവേശനത്തിനായി അനുവദിച്ചിരിക്കുന്ന സമയം വളരെ കുറവായിരിക്കും. അതിനാൽ പ്രധാനപ്പെട്ട രേഖകളുടെ ഒറിജിനലും രണ്ട് സെറ്റ് ഫോട്ടോസ്റ്റാറ്റും ഇപ്പോൾത്തന്നെ ഒരു ഫയലിൽ തയാറാക്കി വെക്കുക.

എസ്എസ്എൽസി/ തത്തുല്യ പരീക്ഷയുടെ സർട്ടിഫിക്കറ്റ്

• ട്രാൻസ്ഫർ സർട്ടിഫിക്കറ്റ് (TC), കോൺടാക്ട് സർട്ടിഫിക്കറ്റ് (പഠിച്ച സ്കൂളിൽ നിന്നും ലഭിക്കുന്നത്)
• ആധാർ കാർഡ്
• ജാതി, വരുമാന സർട്ടിഫിക്കറ്റുകൾ (റിസർവേഷൻ ഉള്ളവർ വില്ലേജ് ഓഫീസിൽ നിന്നും വാങ്ങിയത്)
• ബോണസ് പോയിൻ്റ് തെളിയിക്കുന്ന സർട്ടിഫിക്കറ്റുകൾ (NCC, SPC, സ്കൗട്ട് ആൻ്റ് ​ഗൈഡ്, ക്ലബ്ബുകൾ, സ്പോർട്സ് എന്നിവയ്ക്ക് ബോണസ് പോയിൻ്റ് ക്ലെയിം ചെയ്തിട്ടുണ്ടെങ്കിൽ അവയുടെ ഒറിജിനൽ)

പ്രവേശനം: ആദ്യ അലോട്ട്മെൻ്റ് വരുമ്പോൾ കുട്ടികൾക്ക് പ്രധാനമായും രണ്ട് ഓപ്ഷനുകളാണ് ഉണ്ടാവുക. നിങ്ങൾ നൽകിയ അപേക്ഷയിലെ ഒന്നാമത്തെ ഓപ്ഷൻ തന്നെയാണ് ആദ്യ ലിസ്റ്റിൽ ലഭിക്കുന്നതെങ്കിൽ നിങ്ങൾ നിർബന്ധമായും ഫീസ് ഒടുക്കി സ്ഥിര പ്രവേശനം നേടിയിരിക്കണം. ഇവർക്ക് പിന്നീട് ഹയർ ഓപ്ഷനുകൾ നിലനിൽക്കില്ല. അതല്ല നിങ്ങൾക്ക് ലഭിച്ചത് 3-ാമത്തെയോ 5-ാമത്തെയോ ഓപ്ഷൻ ആണെങ്കിൽ നിങ്ങൾക്ക് താൽക്കാലിക പ്രവേശനം നേടാം. ഇതിന് ഫീസ് അടയ്‌ക്കേണ്ടതില്ല, സർട്ടിഫിക്കറ്റുകൾ സ്കൂളിൽ കാണിച്ച് ബോധ്യപ്പെടുത്തിയാൽ മതി. അടുത്ത അലോട്ട്മെൻ്റുകളിൽ മികച്ച ഓപ്ഷൻ ലഭിക്കാൻ ഇത് സഹായിക്കും. താൽക്കാലിക പ്രവേശനം നേടാതിരുന്നാൽ നിങ്ങൾ സിംഗിൾ വിൻഡോ പ്രക്രിയയിൽ നിന്ന് പൂർണ്ണമായി പുറത്താകും.

ശ്രദ്ധിക്കേണ്ടത്: ആദ്യ അലോട്ട്മെൻ്റ് ലിസ്റ്റ് വന്നാലുടൻ www.hscap.kerala.gov.in എന്ന വെബ്‌സൈറ്റിലെ 'Candidate Login' വഴി നിങ്ങളുടെ അലോട്ട്മെൻ്റ് സ്റ്റാറ്റസ് പരിശോധിക്കുക. നിശ്ചിത തീയതിക്കും സമയത്തിനും ഉള്ളിൽ സ്കൂളിൽ നേരിട്ടെത്തി താൽക്കാലികമോ സ്ഥിരമോ ആയ പ്രവേശനം നേടിയില്ലെങ്കിൽ പ്ലസ് വൺ പ്രവേശനത്തിനുള്ള നിങ്ങളുടെ യോഗ്യത നഷ്ടപ്പെടും. എല്ലാ അപേക്ഷകരും ട്രയൽ അലോട്ട്‌മെന്റ് ലിസ്റ്റ് നിർബന്ധമായും പരിശോധിക്കണം. അപേക്ഷയിലെ വിശദാംശങ്ങളും WGPA യും കൃത്യമാണെന്ന് ഉറപ്പുവരുത്തണം. WGPA കണക്കാക്കുന്ന രീതി പ്രോസ്‌പെക്ടസിൽ വ്യക്തമാക്കിയിട്ടുണ്ട്.

ENGLISH SUMMARY:

Kerala Plus One Admission 2026, Before First Allotment Students Must Know About These Things. Check the admission process, important documents, next steps for Class 11 students.

കോമൺ യൂണിവേഴ്സിറ്റി എൻട്രൻസ് ടെസ്റ്റ് (CUET UG 2026) പരീക്ഷയുടെ താത്കാലിക ഉത്തരസൂചിക പ്രസിദ്ധീകരിച്ചു. ആന്‍സര്‍ കീ ചലഞ്ച് ചെയ്യാന്‍ ഇന്നുംകൂടി അവസരമുണ്ട്. മെയ് 11 മുതൽ 31 വരെയും, ജൂൺ 06, 07 തീയതികളിലുമായാണ് നാഷണൽ ടെസ്റ്റിംഗ് ഏജൻസി (NTA) പരീക്ഷ നടത്തിയത്. 15,68,867 പേരാണ് പരീക്ഷയ്ക്ക് രജിസ്റ്റര്‍ ചെയ്തിരുന്നത്. പരീക്ഷാര്‍ത്ഥികള്‍ക്ക്‌ ഔദ്യോഗിക വെബ്സൈറ്റായ https://cuet.nta.nic.in സന്ദർശിച്ച് ഉത്തരസൂചിക പരിശോധിക്കാനും, തർക്കങ്ങളുണ്ടെങ്കിൽ അത് ഉന്നയിക്കാനുമുള്ള സൗകര്യം ലഭ്യമാണ്.

താത്കാലിക ഉത്തരസൂചികയിൽ തൃപ്തരല്ലാത്തവര്‍ക്ക്‌, ഓരോ ചോദ്യത്തിനും 200 രൂപ വീതം നോൺ-റീഫണ്ടബിൾ പ്രോസസിംഗ് ഫീസ് അടച്ച് ആക്ഷേപം രേഖപ്പെടുത്താം. ജൂൺ 11 രാത്രി 11:50 മണി വരെ ക്രെഡിറ്റ് കാർഡ്, ഡെബിറ്റ് കാർഡ്, നെറ്റ് ബാങ്കിംഗ് അല്ലെങ്കിൽ യുപിഐ മുഖേന ഫീസ് അടയ്ക്കാം.

ഫീസ് ലഭിക്കാത്ത ഒരു ചലഞ്ചും സ്വീകരിക്കുന്നതല്ല. മുകളിൽ പറഞ്ഞിരിക്കുന്ന ഓൺലൈൻ മാർഗ്ഗങ്ങളിലൂടെയല്ലാതെ മറ്റൊരു രീതിയിലും ഫീസ് അടയ്ക്കരുത്. ഉദ്യോഗാർത്ഥികൾ ഉന്നയിക്കുന്ന ആക്ഷേപങ്ങൾ വിദഗ്ദ്ധ പാനൽ പരിശോധിച്ച് വിലയിരുത്തും.

Also Read: KTET Certificate 2026: ഔദ്യോഗിക ആവശ്യങ്ങള്‍ക്ക് സര്‍ട്ടിഫിക്കറ്റിന്റെ പ്രിന്റൗട്ട്‌ മതിയോ? കെ ടെറ്റ് വിജയിച്ചവര്‍ അറിയാന്‍

ആക്ഷേപം ശരിയാണെന്ന് കണ്ടെത്തിയാൽ, ഉത്തരസൂചികയിൽ ആവശ്യമായ മാറ്റങ്ങൾ വരുത്തുകയും, അത് പരീക്ഷ എഴുതിയ മുഴുവൻ വിദ്യാർത്ഥികളുടെയും ഫലത്തിൽ ബാധകമാക്കുകയും ചെയ്യും. അന്തിമ ഉത്തരസൂചികയുടെ അടിസ്ഥാനത്തിലായിരിക്കും അന്തിമ ഫലം തയ്യാറാക്കുന്നതും പ്രഖ്യാപിക്കുന്നതും. ഏറ്റവും പുതിയ വിവരങ്ങൾക്കായി ഉദ്യോഗാർത്ഥികൾ വെബ്‌സൈറ്റ് സന്ദര്‍ശിക്കണമെന്ന് എന്‍ടിഎ അറിയിച്ചു.

ഉത്തരസൂചികയിൽ ആക്ഷേപങ്ങൾ സമർപ്പിക്കേണ്ട രീതി:

• ആദ്യമായി https://cuet.nta.nic.in എന്ന ഔദ്യോഗിക വെബ്സൈറ്റ് സന്ദർശിക്കുക
• 'Challenge (s) regarding Answer Key' എന്ന ലിങ്കിൽ ക്ലിക്ക് ചെയ്യുക.
• അതിനുശേഷം നിങ്ങളുടെ ആപ്ലിക്കേഷൻ നമ്പരുംപാസ്‌വേഡും നൽകി, സെക്യൂരിറ്റി ക്യാപ്ചയും രേഖപ്പെടുത്തി 'Submit' ബട്ടൺ അമർത്തി ലോഗിൻ ചെയ്യുക.
• ലോഗിൻ ചെയ്ത ശേഷം, എഴുതിയ ഉത്തരങ്ങൾ കാണുന്നതിനായി "View Question Paper" എന്ന ലിങ്കിലും, ഉത്തരസൂചിക പരിശോധിക്കുന്നതിനോ ചലഞ്ച് ചെയ്യുന്നതിനോ വേണ്ടി "Click to view/Challenge Answer Key" എന്ന ലിങ്കിലും ക്ലിക്ക് ചെയ്യുക.

ഉത്തരസൂചികയിലെ ചോദ്യങ്ങളുടെ ഐഡികൾ ക്രമരഹിതമായിട്ടായിരിക്കും നൽകിയിട്ടുണ്ടാവുക. പരീക്ഷാര്‍ത്ഥികള്‍ തങ്ങളുടെ ചോദ്യപേപ്പർ പരിശോധിച്ച്, അതിലെ ചോദ്യങ്ങളുടെ ഐഡികൾ ഉത്തരസൂചികയിൽ നൽകിയിട്ടുള്ളവയുമായി കൃത്യമായി ഒത്തുനോക്കേണ്ടതുണ്ട്.

ഉത്തരസൂചികയിലെ 'Correct Option(s)' എന്ന കോളത്തിന് താഴെ നൽകിയിരിക്കുന്ന ഐഡി ആണ് ആ ചോദ്യത്തിന്റെ ശരിയായ ഉത്തരമായി എൻടിഎ നിശ്ചയിച്ചിട്ടുള്ളത്. ഉത്തരത്തിൽ നിങ്ങൾക്ക് ആക്ഷേപമുണ്ടെങ്കിൽ, അടുത്ത നാല് കോളങ്ങളിലായി നൽകിയിരിക്കുന്ന ഓപ്ഷൻ ഐഡികളിൽ ശരിയെന്ന് തോന്നുന്ന ഒന്നോ അതിലധികമോ ഐഡികൾക്ക് നേരെയുള്ള ചെക്ക് ബോക്സിൽ ക്ലിക്ക് ചെയ്യാം.

നിങ്ങളുടെ വാദങ്ങളെ സാധൂകരിക്കുന്ന രേഖകൾ ഉണ്ടെങ്കിൽ അവ 'Choose File' എന്ന ഓപ്ഷൻ ഉപയോഗിച്ച് അപ്‌ലോഡ് ചെയ്യാം. ആവശ്യമായ ഓപ്ഷനുകൾ തിരഞ്ഞെടുത്ത ശേഷം പേജിന്റെ താഴേക്ക് സ്ക്രോൾ ചെയ്ത് 'Submit and review Claims' എന്നതിൽ ക്ലിക്ക് ചെയ്യണം.

ഇതോടെ ചലഞ്ച് ചെയ്ത എല്ലാ ഓപ്ഷൻ ഐഡികളും കാണിക്കുന്ന സ്ക്രീൻ പ്രത്യക്ഷപ്പെടും. ചലഞ്ചുകളിൽ എന്തെങ്കിലും മാറ്റം വരുത്താൻ ആഗ്രഹിക്കുന്നുവെങ്കിൽ 'Modify your Claims' എന്നതിൽ ക്ലിക്ക് ചെയ്യാം, അല്ലാത്തപക്ഷം 'Final Submit' നൽകാം. ക്ലെയിമുകൾ സേവ് ചെയ്ത ശേഷം നിങ്ങളുടെ ചലഞ്ചുകൾ വ്യക്തമാക്കുന്ന മറ്റൊരു സ്ക്രീൻ ദൃശ്യമാകും. തുടർന്ന് 'Pay Now' എന്നതിൽ ക്ലിക്ക് ചെയ്ത് ഫീസ് അടയ്ക്കണം.

എന്തെങ്കിലും ബുദ്ധിമുട്ടുകൾ നേരിടുകയാണെങ്കിൽ, ഉദ്യോഗാർത്ഥികൾക്ക് 011-40759000 എന്ന നമ്പറിൽ ബന്ധപ്പെടുകയോ അല്ലെങ്കിൽ cuet-ug@nta.ac.in എന്ന ഇമെയിൽ വിലാസത്തിലേക്ക് എഴുതുകയോ ചെയ്യാം.

English Summary

NTA has released the CUET UG 2026 provisional answer key and response sheets. Candidates can download them online from the official website at cuet.nta.nic.in. Objections can be raised by paying a non-refundable fee of ₹200 per question. The deadline to submit challenges and pay the fee online is June 11, 2026.

Plus One Result 2026: പ്ലസ് വണ്‍ റിസള്‍ട്ടിനായുള്ള വിദ്യാര്‍ത്ഥികളുടെ കാത്തിരിപ്പ് അല്‍പം കൂടി നീളും. ജൂണ്‍ 10-ന് ഫലം പ്രഖ്യാപിക്കുമെന്നായിരുന്നു നേരത്തെ വന്ന അറിയിപ്പുകളെങ്കിലും, ഫലം അറിയാന്‍ ഇനിയും ഒരു മാസം കൂടി കാത്തിരിക്കണം. ജൂലൈ 15-ന് റിസള്‍ട്ട് പുറത്തുവിടും. ഗള്‍ഫ് മേഖലയിലെ പരീക്ഷ കൂടി കഴിഞ്ഞ് ഫലപ്രഖ്യാപനം നടത്താനാണ് നീക്കം. പശ്ചിമേഷ്യന്‍ സംഘര്‍ഷത്തിന്റെ പശ്ചാത്തലത്തില്‍ മാറ്റിവെച്ച ഗള്‍ഫിലെ പ്ലസ് വണ്‍ പരീക്ഷകള്‍ ജൂണ്‍ 17 മുതല്‍ 23 വരെയാണ് നടക്കുന്നത്. തുടര്‍ന്ന് ജൂലൈ 15-ന് വിദ്യാര്‍ത്ഥികള്‍ക്ക് പ്ലസ് വണ്‍ പരീക്ഷയുടെ ഫലം അറിയാം

2025-ല്‍ ജൂണ്‍ രണ്ടിനാണ് റിസള്‍ട്ട് പുറത്തുവിട്ടത്. എന്നാല്‍ അപ്രതീക്ഷിതമായുണ്ടായ സംഭവവികാസങ്ങള്‍ മൂലം ഇത്തവണ ജൂണ്‍ അവസാനവാരം പോലും റിസള്‍ട്ട് പുറത്തുവിടാനാകാത്ത സാഹചര്യമാണ്. 4,11,025 വിദ്യാര്‍ത്ഥികളാണ് പ്ലസ് വണ്‍ ഫലം അറിയുന്നതിനായി കാത്തിരിക്കുന്നത്. സംസ്ഥാനത്ത്‌ മാർച്ച് 5 മുതൽ മാർച്ച് 27 വരെയാണ് പരീക്ഷ നടന്നത്.

ഫലം പരിശോധിക്കേണ്ട വിധം:

റിസള്‍ട്ട് പുറത്തുവിട്ടതിന് ശേഷം https://results.hse.kerala.gov.in/results/ എന്ന വെബ്‌സൈറ്റിലൂടെ പ്ലസ് വണ്‍ ഫലം പരിശോധിക്കാം. ഫലപ്രഖ്യാപനത്തിനു ശേഷം, ഈ ലിങ്കിലെ ഹോം പേജില്‍ തന്നെ റിസള്‍ട്ട് അറിയുന്നതിനുള്ള ഓപ്ഷന്‍ ലഭ്യമാകും. ഔദ്യോഗിക സർക്കാർ പോർട്ടലുകൾ, KITE കേരള പ്ലാറ്റ്‌ഫോമുകൾ, പിആർഡി ലൈവ്, സഫലം മൊബൈൽ ആപ്ലിക്കേഷൻ എന്നിവയിലൂടെയും ഫലം ലഭ്യമാകും.

Also Read: KTET Certificate 2026: ഔദ്യോഗിക ആവശ്യങ്ങള്‍ക്ക് സര്‍ട്ടിഫിക്കറ്റിന്റെ പ്രിന്റൗട്ട്‌ മതിയോ? കെ ടെറ്റ് വിജയിച്ചവര്‍ അറിയാന്‍

സര്‍ക്കുലര്‍ പുറത്ത്‌

പ്ലസ് വണ്‍ ഫലപ്രഖ്യാപനം ജൂലൈ 15-ലേക്ക് മാറ്റിയതായി പരീക്ഷാവിഭാഗം ജോയിന്റ് ഡയറക്ടര്‍ ഡോ. കെ. മാണിക്യരാജ് സര്‍ക്കുലറിലൂടെ അറിയിച്ചു. '2026 മാർച്ചിൽ നടന്ന ഒന്നാം വർഷ ഹയർ സെക്കണ്ടറി പരീക്ഷയുടെ ഫലം 10/06/2026 -നാണെന്ന് നേരത്തെ പ്രഖ്യാപിച്ചിരുന്നു. എന്നാൽ പശ്ചിമേഷ്യയിലെ യുദ്ധത്തെത്തുടർന്ന് മാറ്റി വച്ച ഗൾഫ് പരീക്ഷാകേന്ദ്രങ്ങളിലെ ഒന്നാം വർഷ പരീക്ഷകൾ നടത്തിയശേഷം വിദ്യാർത്ഥികളുടെ പരീക്ഷാഫലവും ചേർത്ത് ഒന്നാം വർഷ ഹയർ സെക്കണ്ടറി പരീക്ഷയുടെ ഫലം 15/07/2026 ന് പ്രസിദ്ധീകരിക്കുന്നതാണ്'-എന്ന് സര്‍ക്കുലറില്‍ പറയുന്നു.

തീയതി മാറ്റി

അതേസമയം, പ്ലസ് വണ്‍ ക്ലാസുകള്‍ തുടങ്ങുന്ന തീയതി ജൂലൈ ആറിലേക്ക് മാറ്റിയതായി റിപ്പോര്‍ട്ട്. ജൂലൈ രണ്ടിന് തുടങ്ങുമെന്നായിരുന്നു പ്രോസ്‌പെക്ടസില്‍ വ്യക്തമാക്കിയിരുന്നത്. ട്രയല്‍ അലോട്ട്‌മെന്റ് പരിശോധിക്കുന്നതിനുള്ള സമയപരിധി ഇന്ന് അവസാനിച്ചു. അപേക്ഷകര്‍ക്ക് തിരുത്തലുകള്‍ വരുത്താനുള്ള അവസാന അവസരമായിരുന്നു ഇത്. ഇനി ജൂണ്‍ 15-ന് ആദ്യ അലോട്ട്‌മെന്റ് പുറത്തുവിടും. ഈ അലോട്ട്‌മെന്റില്‍ ലഭിക്കുന്ന സ്‌കൂളില്‍ വിദ്യാര്‍ത്ഥികള്‍ക്ക് പ്ലസ് വണ്‍ അഡ്മിഷന്‍ നേടാം.

hscap.kerala.gov.in എന്ന വെബ്‌സൈറ്റ് വഴിയാണ് അലോട്ട്‌മെന്റ് പരിശോധിക്കേണ്ടത്. കാന്‍ഡിഡേറ്റ് ലോഗിനില്‍ പ്രവേശിക്കുമ്പോള്‍ അലോട്ട്‌മെന്റ് വിശദാംശങ്ങള്‍ കാണാനാകും. ജൂലൈ ഒന്നിന് മുഖ്യ അലോട്ട്‌മെന്റ് അവസാനിക്കും. ജൂലൈ 13 മുതല്‍ ഓഗസ്ത് എട്ട് വരെയാണ് സപ്ലിമെന്ററി ഘട്ടം. ഓഗസ്ത് എട്ടിന് അഡ്മിഷന്‍ അവസാനിപ്പിക്കും.

English Summary

The Kerala Plus One exam results will now be published on July 15 instead of June 10. This delay is due to the rescheduled exams in Gulf centers, which were postponed because of West Asian conflicts. The Gulf region exams will now take place from June 17 to June 23. Over 4 lakh students are currently waiting for their results this year.

തിരുവനന്തപുരം: കെ ടെറ്റ് പരീക്ഷ വിജയിച്ചവര്‍ക്ക് ഔദ്യോഗിക ആവശ്യങ്ങള്‍ക്ക് പ്രസ്തുത വെബ്‌സൈറ്റില്‍ നിന്ന് സര്‍ട്ടിഫിക്കറ്റ് ഡൗണ്‍ലോഡ് ചെയ്ത് ഉപയോഗിക്കാമെന്ന് പൊതുവിദ്യാഭ്യാസ ഡയറക്ടര്‍. ഫെബ്രുവരിയിലാണ് അധ്യാപക യോഗ്യത പരീക്ഷയായ കെ ടെറ്റ് നടന്നത്. പൊതുവിദ്യാഭ്യാസ ഡയറക്ടറുടെ സര്‍ക്കുലറിലാണ് ഔദ്യോഗിക ആവശ്യങ്ങള്‍ക്ക് കെ ടെറ്റ് വെബ്‌സൈറ്റില്‍ നിന്ന് സര്‍ട്ടിഫിക്കറ്റ് ഡൗണ്‍ലോഡ് ചെയ്ത് ഉപയോഗിക്കാമെന്ന് വ്യക്തമാക്കുന്നത്. പുതിയതായി ജോലിയില്‍ പ്രവേശിക്കുന്നതിന്, സര്‍വീസിലുള്ളവര്‍ക്ക് സ്ഥാനക്കയറ്റം ലഭിക്കുന്നതിന് തുടങ്ങിയ ആവശ്യങ്ങള്‍ക്ക് ഈ സര്‍ട്ടിഫിക്കറ്റ് ഹാജരാക്കാം. എന്നാല്‍ മേലധികാരികള്‍ ഇത്തരം സര്‍ട്ടിഫിക്കറ്റുകളുടെ ആധികാരികത ഔദ്യോഗിക വെബ്‌സൈറ്റ് പരിശോധിച്ചത് ഉറപ്പാക്കേണ്ടതുണ്ട്.

സര്‍ട്ടിഫിക്കറ്റ് വിതരണത്തിന് ഇനിയും സമയമെടുക്കുമെന്നതിനാലാണ് ഈ നിര്‍ദ്ദേശം. എന്നാല്‍, ഇത്തരത്തില്‍ ഡൗണ്‍ലോഡ് ചെയ്ത പ്രിന്റൗട്ടുകള്‍ ഹാജരാക്കുന്നതുമായി ബന്ധപ്പെട്ട് ചില വിദ്യാഭ്യാസ ഓഫീസുകള്‍ സംശയം ഉന്നയിക്കുന്നുണ്ടെന്നാണ് അധ്യാപകര്‍ പറയുന്നത്.

സ്‌പെഷ്യല്‍ കെ ടെറ്റ് പരീക്ഷ

അതേസമയം, ഫെബ്രുവരിയിലെ വിജ്ഞാപന പ്രകാരം ജൂണ്‍ 27, 28 തീയതികളില്‍ നടത്താനിരുന്ന സ്‌പെഷ്യല്‍ കെ ടെറ്റ് പരീക്ഷ മാറ്റി. ജൂലൈ 11, 12 തീയതികളില്‍ പരീക്ഷ നടത്തും.

Also Read: KEAM 2026: എഞ്ചിനീയറിങ് റാങ്ക് ലിസ്റ്റില്‍ ഉള്‍പ്പെടണമെങ്കില്‍ അവസാന അവസരം; മാര്‍ക്ക് സമര്‍പ്പിക്കുന്നതിനുള്ള തീയതി നീട്ടി

പരീക്ഷാഫലം പരിശോധിക്കാം

മെയ് 26-നാണ് കെ ടെറ്റ് പരീക്ഷയുടെ ഫലം പുറത്തുവിട്ടത്. ktet.kerala.gov.in എന്ന ഔദ്യോഗിക വെബ്‌സൈറ്റ് വഴി പരീക്ഷ എഴുതിയവര്‍ക്ക് റിസള്‍ട്ട് പരിശോധിക്കാം. ഫെബ്രുവരി 21, 23 തീയതികളിലായിരുന്നു കെ-ടെറ്റ് പരീക്ഷ സംഘടിപ്പിച്ചത്. പരീക്ഷ കഴിഞ്ഞ് 60 ദിവസത്തിനകം തന്നെ ഫലം പ്രഖ്യാപിക്കുമെന്ന് അധികൃതർ നേരത്തെ അറിയിച്ചിരുന്നെങ്കിലും, നിശ്ചിത സമയപരിധി കഴിഞ്ഞിട്ടും ഫലം വരാത്തത് പരീക്ഷ എഴുതിയവരില്‍ ആശങ്ക പരത്തിയിരുന്നു.

എസ്എസ്എൽസി പരീക്ഷാ ഫല പ്രഖ്യാപനത്തിന് ശേഷം കെ ടെറ്റ് റിസൾട്ട് ഉണ്ടാകുമെന്ന് റിപ്പോർട്ടുകൾ വന്നെങ്കിലും വീണ്ടും കാലതാമസം നേരിട്ടു. പരീക്ഷയുടെ ഉത്തരസൂചിക പുറത്തുവിടുന്നതിലും പതിവിലും കൂടുതൽ സമയമെടുത്തു.

വിരമിക്കാൻ രണ്ടു വർഷത്തിലധികം സർവീസ് ബാക്കിയുള്ള എല്ലാ അധ്യാപകരും നിർബന്ധമായും കെ ടെറ്റ് യോഗ്യത നേടിയിരിക്കണം എന്ന സുപ്രീംകോടതിയുടെ ഉത്തരവ് വന്നതിന് ശേഷം നടന്ന ആദ്യ പരീക്ഷയാണിത്.

ഫലം പരിശോധിക്കേണ്ട വിധം:

1. കെ-ടെറ്റിന്റെ ഔദ്യോഗിക വെബ്‌സൈറ്റായ ktet.kerala.gov.in സന്ദർശിക്കുക
2. ഹോം പേജിൽ കാണുന്ന ‘KTET Exam Result’ എന്ന ലിങ്കിൽ ക്ലിക്ക് ചെയ്യുക.
3. തുറന്നുവരുന്ന പേജിൽ, നിങ്ങൾ പരീക്ഷയെഴുതിയ കാറ്റഗറി തിരഞ്ഞെടുക്കുക.
4. നിങ്ങളുടെ രജിസ്റ്റർ നമ്പർ കൃത്യമായി രേഖപ്പെടുത്തുക.
5. തുടർന്ന് ജനനത്തീയതി ടൈപ്പ് ചെയ്തു നൽകുക.
6. വിവരങ്ങൾ നൽകിയ ശേഷം താഴെയുള്ള ‘Check Result’ എന്ന ബട്ടണിൽ ക്ലിക്ക് ചെയ്യുക.
7. പരീക്ഷാ ഫലം സ്‌ക്രീനിൽ തെളിയും. ഭാവിയിലെ ആവശ്യങ്ങൾക്കായി പ്രിന്റൗട്ടോ പിഡിഎഫ് ഫയലോ സൂക്ഷിച്ചു വെയ്ക്കാം.

കെ-ടെറ്റ് പരീക്ഷ

കേരളത്തിലെ സർക്കാർ, എയ്ഡഡ് സ്കൂളുകളിൽ ലോവർ പ്രൈമറി മുതൽ ഹൈസ്കൂൾ തലം വരെ അധ്യാപകരായി ജോലി ചെയ്യുന്നതിനുള്ള യോഗ്യതാ പരീക്ഷയാണിത്.

English Summary

Candidates who passed the KTET exam can now download their certificates online. These downloaded digital certificates can be used for official purposes. Teachers can submit them for new job appointments and promotions. Higher authorities must verify the certificates' authenticity using the official website.

കേരളത്തിലെ ഹയർ സെക്കൻഡറി ഒന്നാം വർഷ (Plus One Result 2026) പരീക്ഷാ ഫലം കാത്തിരിക്കുന്ന വിദ്യാർത്ഥികൾക്കും രക്ഷിതാക്കളും അറിയാൻ. മുൻപ് നിശ്ചയിച്ചിരുന്നതനുസരിച്ച് പ്ലസ് വൺ പരീക്ഷാ ഫലം ഇന്ന് (ജൂൺ 10) പ്രഖ്യാപിക്കുമെന്നാണ് കരുതിയിരുന്നതെങ്കിലും, ഫലപ്രഖ്യാപനം ഈ മാസം അവസാനത്തേക്ക് മാറ്റിവെച്ചതായി പരീക്ഷാവിഭാഗം ജോയിന്റ് ഡയറക്‌ടർ ഡോ. കെ മാണിക്യരാജ് ഔദ്യോഗികമായി അറിയിച്ചു. കേരളത്തിലെയും ഗൾഫ് മേഖലയിലെയും പരീക്ഷാ ഫലങ്ങൾ ഈ മാസം അവസാനത്തോടെ ഒരുമിച്ച് മാത്രമായിരിക്കും ഇനി പ്രസിദ്ധീകരിക്കുക.

ALSO READ: പ്ലസ് വണ്‍ റിസള്‍ട്ട് എന്ന് പുറത്തുവരും? ഫലപ്രഖ്യാപനം നാളെയോ?

ഫലപ്രഖ്യാപനം വൈകാൻ കാരണം എന്ത്?

പരീക്ഷാ ഫലം നീണ്ടുപോകാനുള്ള പ്രധാന കാരണം ഗൾഫ് മേഖലയിലെ പരീക്ഷകൾ പൂർത്തിയാകാത്തതാണ്. പശ്ചിമേഷ്യയിലെ യുദ്ധസാഹചര്യങ്ങളെത്തുടർന്ന് ഗൾഫ് രാജ്യങ്ങളിലെ ചില പരീക്ഷാ കേന്ദ്രങ്ങളിൽ പ്ലസ് വൺ പരീക്ഷകൾ മുൻപ് മാറ്റിവെക്കേണ്ടി വന്നിരുന്നു. മാറ്റിവെച്ച ഈ പ്ലസ് വൺ പരീക്ഷകൾ ജൂൺ 17 മുതൽ ജൂൺ 23 വരെ പുതിയ തീയതികളിൽ ഗൾഫ് മേഖലയിൽ വെച്ച് നടത്താൻ നിശ്ചയിച്ചിട്ടുണ്ട്. ഈ പരീക്ഷകൾ കൂടി പൂർത്തിയായ ശേഷം മാത്രമേ മൂല്യനിർണ്ണയം നടത്തി ഫലം ഒരുമിച്ച് പ്രഖ്യാപിക്കാൻ സാധിക്കൂ എന്ന് പരീക്ഷാവിഭാഗം വ്യക്തമാക്കി.

ഫലം പുറത്തുവിട്ടാലുടൻ വിദ്യാർത്ഥികൾക്ക് https://results.hse.kerala.gov.in/results/ എന്ന വെബ്‌സൈറ്റിലൂടെയാണ് ഫലം പരിശോധിക്കാവുന്നതാണ്. റിസൾട്ട് പ്രഖ്യാപനത്തിന് മുമ്പ് ഈ സൈറ്റിൽ ഇതേക്കുറിച്ച് സൂചന നൽകുന്നതാണ് പതിവ്. എന്നാൽ ഇതുവരെ പ്ലസ് വൺ ഫലപ്രഖ്യാപനത്തെക്കുറിച്ച് ഈ വെബ്‌സൈറ്റിൽ ഒരു അപ്‌ഡേറ്റും വന്നിട്ടില്ല. അതുകൊണ്ട്, ഫലപ്രഖ്യാപനം എന്നതേക്ക് എന്ന കാര്യത്തിൽ ഇതുവരെ വ്യക്തതയില്ല.

ഫലം എങ്ങനെ പരിശോധിക്കാം?

ആദ്യം തന്നെ ഔദ്യോഗിക വെബ്‌സൈറ്റായ https://results.hse.kerala.gov.in/results/ ഓപ്പൺ ചെയ്യുക. ഹോം പേജിൽ കാണുന്ന 'DHSE PLUS ONE EXAM RESULTS 2026' എന്ന ലിങ്കിൽ ക്ലിക്ക് ചെയ്യുക.

തുറന്നുവരുന്ന പുതിയ പേജിൽ നിങ്ങളുടെ പരീക്ഷാ രജിസ്റ്റർ നമ്പറും, ശരിയായ ജനനത്തീയതിയും നൽകുക.

വിവരങ്ങൾ നൽകിയ ശേഷം താഴെയുള്ള 'Submit' ബട്ടൺ ക്ലിക്ക് ചെയ്യുക.

ഇപ്പോൾ നിങ്ങളുടെ മാർക്ക് ലിസ്റ്റ് സ്‌ക്രീനിൽ തെളിയും. ഭാവി ആവശ്യങ്ങൾക്കായി ഇതിന്റെ ഒരു പ്രിന്റൗട്ടോ അല്ലെങ്കിൽ സ്ക്രീൻഷോട്ടോ സൂക്ഷിക്കുക.

മൊബൈൽ ആപ്പ് വഴി അറിയാം?

വെബ്‌സൈറ്റുകളിൽ തിരക്ക് അനുഭവപ്പെടുകയാണെങ്കിൽ ഗൂഗിൾ പ്ലേ സ്റ്റോറിൽ നിന്നും കേരള സർക്കാരിന്റെ ഔദ്യോഗിക മൊബൈൽ ആപ്ലിക്കേഷനായ 'PRD Live' ഡൗൺലോഡ് ചെയ്തും ഒറ്റ ക്ലിക്കിൽ പ്ലസ് വൺ ഫലം അറിയാൻ സാധിക്കും.

ആദ്യ അലോട്ട്‌മെന്റ്‌

ട്രയൽ റിസൾട്ട് പ്രകാരം ലഭിക്കുന്ന അലോട്ട്‌മെന്റ് ലെറ്റർ ഉപയോഗിച്ച് അഡ്മിഷൻ നേടാനാകില്ല. അഡ്മിഷൻ നേടുന്നതിന് ആദ്യ അലോട്ട്‌മെന്റ് വരെ കാത്തിരിക്കണം. ജൂൺ 15-നാണ് ആദ്യ അലോട്ട്‌മെന്റ് പുറത്തുവിടുന്നത്. ട്രയൽ അലോട്ട്‌മെന്റ് ഘട്ടത്തിൽ നേരത്തെ നൽകിയ ഓപ്ഷനുകൾ പുനഃക്രമീകരിക്കുകയോ, പുതിയവ കൂട്ടിച്ചേർക്കുകയോ ചെയ്യാം. ട്രയൽ അലോട്ട്‌മെന്റിലെ അപേക്ഷാ വിവരങ്ങളും, WGPAയും കൃത്യമാണെന്ന് പരിശോധിച്ച് ഉറപ്പുവരുത്തണം. എന്നാൽ കാൻഡിഡേറ്റ് ലോഗിൻ സൃഷ്ടിക്കാൻ ഉപയോഗിച്ച വിശദാംശങ്ങളിൽ അപേക്ഷകന്റെ പേര് ഒഴികെയുള്ള വിവരങ്ങളൊന്നും തിരുത്താനാകില്ല.

English Summary:

DHSE Kerala Plus One Result 2026, The examination board has officially postponed the release to late June due to rescheduled exams in the Gulf region. Get the latest official updates and new tracking links here.

Plus One Result: പ്ലസ് വണ്‍ റിസള്‍ട്ടിനായുള്ള വിദ്യാര്‍ത്ഥികളുടെ കാത്തിരിപ്പ് നീളുന്നു. ഫലപ്രഖ്യാപനം നാളെയുണ്ടാകുമോയെന്ന ആകാംക്ഷയിലാണ് വിദ്യാര്‍ത്ഥികള്‍. ജൂണ്‍ 10-ന് റിസള്‍ട്ട് പുറത്തുവിടുമെന്നായിരുന്നു ആദ്യം വന്ന അറിയിപ്പുകള്‍. എന്നാല്‍ നാളെ ഫലപ്രഖ്യാപനം ഉണ്ടാകില്ലെന്നാണ് പുതിയ സൂചന. ഫലപ്രഖ്യാപനത്തിനുള്ള നടപടിക്രമങ്ങള്‍ പൂര്‍ത്തിയായില്ലെന്നും, റിസള്‍ട്ടിന് അല്‍പം കൂടി കാലതാമസമുണ്ടാകുമെന്നുമാണ് അനൗദ്യോഗിക സൂചനകള്‍. പ്ലസ് വണ്‍ റിസള്‍ട്ട് ജൂണ്‍ അവസാന വാരമോ, ജൂലൈയിലോ ആകും പുറത്തുവിടുകയെന്നാണ് ഏറ്റവും പുതിയ വിവരം. എന്നാല്‍ ഇതേക്കുറിച്ച് ഔദ്യോഗിക പ്രഖ്യാപനങ്ങളൊന്നും പുറത്തുവന്നിട്ടില്ല.

https://results.hse.kerala.gov.in/results/ എന്ന വെബ്‌സൈറ്റിലൂടെയാണ് ഫലം പുറത്തുവിടുന്നത്. റിസള്‍ട്ട് പ്രഖ്യാപനത്തിന് മുമ്പ് ഈ സൈറ്റില്‍ ഇതേക്കുറിച്ച് സൂചന നല്‍കുന്നതാണ് പതിവ്. എന്നാല്‍ ഇതുവരെ പ്ലസ് വണ്‍ ഫലപ്രഖ്യാപനത്തെക്കുറിച്ച് ഈ വെബ്‌സൈറ്റില്‍ ഒരു അപ്‌ഡേറ്റും വന്നിട്ടില്ല. അതുകൊണ്ട്, ഫലപ്രഖ്യാപനം ഇനിയും വൈകാനാണ് സാധ്യത.

ഇത്തവണ കാലതാമസം

കഴിഞ്ഞ തവണ ജൂണ്‍ രണ്ടിന് ഫലം പുറത്തുവിട്ടിരുന്നു. എന്നാല്‍ ഇത്തവണ ജൂണ്‍ മാസത്തില്‍ റിസള്‍ട്ട് പുറത്തുവിടാനുള്ള സാധ്യതകള്‍ മങ്ങുകയാണ്. 4,11,025 വിദ്യാര്‍ത്ഥികളാണ് പ്ലസ് വണ്‍ റിസള്‍ട്ടിനായി കാത്തിരിക്കുന്നത്. പുറത്തുവരുന്ന സൂചനകള്‍ പ്രകാരം, ഇവരുടെ കാത്തിരിപ്പ് ജൂലൈ വരെ നീളാനാണ് സാധ്യത.

Also Read: KEAM 2026: എഞ്ചിനീയറിങ് റാങ്ക് ലിസ്റ്റില്‍ ഉള്‍പ്പെടണമെങ്കില്‍ അവസാന അവസരം; മാര്‍ക്ക് സമര്‍പ്പിക്കുന്നതിനുള്ള തീയതി നീട്ടി

ട്രയല്‍ അലോട്ട്‌മെന്റ്‌

അതേസമയം, പ്ലസ് വണ്‍ ട്രയല്‍ അലോട്ട്‌മെന്റ് അപേക്ഷകര്‍ക്ക് നാളെ വരെ പരിശോധിക്കാം. ജൂണ്‍ 10-ന് വൈകുന്നേരം അഞ്ചു മണി വരെയാണ് ട്രയല്‍ അലോട്ട്‌മെന്റ് പരിശോധിക്കാന്‍ സമയപരിധി അനുവദിച്ചിരിക്കുന്നത്. അപേക്ഷയില്‍ തിരുത്തലുകള്‍ വരുത്താനുള്ള അവസാന അവസരമാണിത്. തിരുത്തലുകള്‍ ആവശ്യമാണെങ്കില്‍ നാളെ വൈകുന്നേരം അഞ്ച് മണിക്കുള്ളില്‍ അത് ചെയ്യണം. തുടര്‍ന്ന് ഫൈനല്‍ കണ്‍ഫര്‍മേഷന്‍ നല്‍കണം.

എന്ന വെബ്‌സൈറ്റ് വഴിയാണ് അപേക്ഷകര്‍ ട്രയല്‍ അലോട്ട്‌മെന്റ് പരിശോധിക്കേണ്ടത്. തിരുത്തലുകള്‍ ആവശ്യമാണെങ്കില്‍ കാന്‍ഡിഡേറ്റ് ലോഗിനിടെ എഡിറ്റ് ആപ്ലിക്കേഷന്‍ എന്ന ലിങ്കിലൂടെ ആവശ്യമായ തിരുത്തലുകള്‍ വരുത്തണം. തെറ്റായ വിവരങ്ങള്‍ നല്‍കി ലഭിക്കുന്ന അലോട്ട്‌മെന്റ് റദ്ദാക്കപ്പെടും.

വീടിന് സമീപമുള്ള സര്‍ക്കാര്‍/എയ്ഡഡ് ഹയര്‍സെക്കന്‍ഡറി സ്‌കൂളുകളിലെ ഹെല്‍പ് ഡെസ്‌ക് വഴി ട്രയല്‍ അലോട്ട്‌മെന്റ് പരിശോധിക്കുന്നതിനുള്ള സാങ്കേതിക സഹായം തേടാം. അപേക്ഷയില്‍ തിരുത്തലുകള്‍ വരുത്താനുള്ള അവസാന അവസരമായതിനാല്‍ എല്ലാ അപേക്ഷകരും നിര്‍ബന്ധമായി ട്രയല്‍ അലോട്ട്‌മെന്റ് പരിശോധിക്കണം.

ആദ്യ അലോട്ട്‌മെന്റ്‌

ട്രയല്‍ റിസള്‍ട്ട് പ്രകാരം ലഭിക്കുന്ന അലോട്ട്‌മെന്റ് ലെറ്റര്‍ ഉപയോഗിച്ച് അഡ്മിഷന്‍ നേടാനാകില്ല. അഡ്മിഷന്‍ നേടുന്നതിന് ആദ്യ അലോട്ട്‌മെന്റ് വരെ കാത്തിരിക്കണം. ജൂണ്‍ 15-നാണ് ആദ്യ അലോട്ട്‌മെന്റ് പുറത്തുവിടുന്നത്. ട്രയല്‍ അലോട്ട്‌മെന്റ് ഘട്ടത്തില്‍ നേരത്തെ നല്‍കിയ ഓപ്ഷനുകള്‍ പുനഃക്രമീകരിക്കുകയോ, പുതിയവ കൂട്ടിച്ചേര്‍ക്കുകയോ ചെയ്യാം.

ട്രയല്‍ അലോട്ട്‌മെന്റിലെ അപേക്ഷാ വിവരങ്ങളും, WGPAയും കൃത്യമാണെന്ന് പരിശോധിച്ച് ഉറപ്പുവരുത്തണം. എന്നാല്‍ കാന്‍ഡിഡേറ്റ് ലോഗിന്‍ സൃഷ്ടിക്കാന്‍ ഉപയോഗിച്ച വിശദാംശങ്ങളില്‍ അപേക്ഷകന്റെ പേര് ഒഴികെയുള്ള വിവരങ്ങളൊന്നും തിരുത്താനാകില്ല.

English Summary

Students are eagerly waiting for the Plus One results. The results were expected on June 10 but are now delayed. Officials have not completed the evaluation process yet. The results might release by late June or July.

KEAM Rank List: എഞ്ചിനീയറിങ് പ്രവേശന പരീക്ഷ എഴുതിയവര്‍ റാങ്ക് ലിസ്റ്റ് തയ്യാറാക്കുന്നതിനായി യോഗ്യതാ പരീക്ഷയുടെ മാര്‍ക്ക് സമര്‍പ്പിക്കേണ്ട അവസാന തീയതി ജൂണ്‍ 14 വരെ നീട്ടി. പ്ലസ്ടു അല്ലെങ്കില്‍ തത്തുല്യ പരീക്ഷയുടെ രണ്ടാം വര്‍ഷത്തിലെ മാത്തമാറ്റിക്‌സ്, ഫിസിക്‌സ്, കെമിസ്ട്രി എന്നീ വിഷയങ്ങള്‍ക്ക് ലഭിച്ച മാര്‍ക്ക് പ്രവേശനാ പരീക്ഷാ കമ്മീഷണറുടെ വെബ്‌സൈറ്റ് വഴി ജൂണ്‍ 14-ന് വൈകുന്നേരം ആറു മണിക്കകം സമര്‍പ്പിക്കണം. നേരത്തെ ജൂണ്‍ ഏഴു വരെയാണ് സമയപരിധി നിശ്ചയിച്ചിരുന്നത്. ജൂണ്‍ 14-നുള്ളില്‍ മാര്‍ക്കുകള്‍ സമര്‍പ്പിക്കാത്തവരെ റാങ്ക് ലിസ്റ്റില്‍ ഉള്‍പ്പെടുത്തില്ല.

http://cee.kerala.gov.in/ എന്ന വെബ്‌സൈറ്റ് വഴിയാണ് മാര്‍ക്കുകള്‍ സമര്‍പ്പിക്കേണ്ടത്. കെമിസ്ട്രി പഠിച്ചിട്ടില്ലാത്ത വിദ്യാര്‍ത്ഥികള്‍ക്ക് കമ്പ്യൂട്ടര്‍ സയന്‍സ്/ബയോടെക്‌നോളജി/ബയോളജി എന്നിവയുടെ മാര്‍ക്കുകള്‍ സമര്‍പ്പിക്കാം. പ്രവേശനാ പരീക്ഷാ കമ്മീഷണറുടെ ഔദ്യോഗിക വെബ്‌സൈറ്റിലെ 'കീം 2026-കാന്‍ഡിഡേറ്റ് പോര്‍ട്ടല്‍' വഴിയാണ് മാര്‍ക്ക് നല്‍കേണ്ടത്.

മാര്‍ക്ക് സമര്‍പ്പിക്കേണ്ട വിധം:

അപേക്ഷാ നമ്പര്‍, പാസ്‌വേഡ് എന്നിവ നല്‍കി കാന്‍ഡിഡേറ്ര് പോര്‍ട്ടലില്‍ ലോഗിന്‍ ചെയ്യണം. തുടര്‍ന്ന് 'Mark Submission for Engg' എന്ന മെനു ക്ലിക്ക് ചെയ്ത് മാര്‍ക്ക് സമര്‍പ്പിക്കാം. പരീക്ഷ പാസായതിന്റെ വിശദാംശങ്ങള്‍ രേഖപ്പെടുത്തുമ്പോള്‍ വിദ്യാര്‍ത്ഥിയുടെ യോഗ്യതാ പരീക്ഷയുടെ മാര്‍ക്കിനെക്കുറിച്ചുള്ള വിവരങ്ങള്‍ പ്രസ്തുത ബോര്‍ഡുകള്‍ പ്രവേശനാ പരീക്ഷാ കമ്മീഷണറുടെ ഓഫീസില്‍ നല്‍കിയിട്ടുണ്ടെങ്കില്‍ അത് വെബ്‌പേജില്‍ ദൃശ്യമാകും.

വെബ്‌പേജില്‍ കാണിച്ചിട്ടുള്ള ഈ മാര്‍ക്കുകള്‍ ശരിയാണെങ്കില്‍ 'Submit Mark data' എന്ന ബട്ടണ്‍ ക്ലിക്ക് ചെയ്ത് മാര്‍ക്ക് സമര്‍പ്പിക്കാം. എന്നാല്‍ വെബ്‌പേജില്‍ ദൃശ്യമാകുന്ന മാര്‍ക്കുകള്‍, മാര്‍ക്ക് ലിസ്റ്റിലുള്ളതില്‍ നിന്നും വ്യത്യസ്തമാണെങ്കില്‍ 'Change' എന്ന ബട്ടണ്‍ ക്ലിക്ക് ചെയ്യണം.

Also Read: NEET UG Re-Exam 2026: നീറ്റ് യുജി പരീക്ഷ 2026: ജൂൺ 14-ന് അഡ്മിറ്റ് കാർഡ് വരുമോ? എങ്ങനെ ഡൗൺലോഡ് ചെയ്യാം

തുടര്‍ന്ന് ശരിയായ മാര്‍ക്ക് വിശദാംശങ്ങള്‍ രേഖപ്പെടുത്തിയശേഷം സബ്മിറ്റ് ബട്ടണ്‍ ക്ലിക്ക് ചെയ്യണം. പ്രസ്തുത ബോര്‍ഡുകള്‍ മാര്‍ക്ക് വിശദാംശങ്ങള്‍ പ്രവേശനാ പരീക്ഷാ കമ്മീഷണറുടെ ഓഫീസില്‍ ലഭ്യമാക്കിയിട്ടില്ലെങ്കില്‍, വിദ്യാര്‍ത്ഥികള്‍ അത്തരം വിവരങ്ങള്‍ വെബ്‌സൈറ്റില്‍ നിഷ്‌കര്‍ഷിക്കുന്നതുപോലെ രേഖപ്പെടുത്തി സബ്മിറ്റ് ചെയ്യണം.

പരീക്ഷാ ബോര്‍ഡിന്റെ ഡാറ്റ ലഭ്യമല്ലാതിരുന്നതിനാല്‍ മാര്‍ക്കുകള്‍ രേഖപ്പെടുത്തേണ്ടി വന്നവരും, തിരുത്തലുകള്‍ വരുത്തേണ്ടി വന്ന വിദ്യാര്‍ത്ഥികളും മാര്‍ക്കുകള്‍ സമര്‍പ്പിക്കുമ്പോള്‍ മാര്‍ക്ക് ലിസ്റ്റും അപ്‌ലോഡ് ചെയ്യണം. ഇത്തരത്തില്‍ അപ്‌ലോഡ് ചെയ്യുന്ന സര്‍ട്ടിഫിക്കറ്റുകള്‍ വ്യക്തതയുള്ളതായിരിക്കണം.

കണ്‍ഫര്‍മേഷന്‍ റിപ്പോര്‍ട്ട്‌

മാര്‍ക്ക് സമര്‍പ്പിച്ചതിനു ശേഷം 'മാര്‍ക്ക് സബ്മിഷന്‍ കണ്‍ഫര്‍മേഷന്‍ റിപ്പോര്‍ട്ട്' ഡൗണ്‍ലോഡ് ചെയ്ത് സൂക്ഷിക്കണം. മാര്‍ക്ക് ലിസ്റ്റ് അപ്‌ലോഡ് ചെയ്യേണ്ടവര്‍, അത് ചെയ്താല്‍ മാത്രമേ കണ്‍ഫര്‍മേഷന്‍ റിപ്പോര്‍ട്ട് ലഭിക്കൂ. മാര്‍ക്ക് കണ്‍ഫര്‍മേഷന്‍ റിപ്പോര്‍ട്ട് പ്രവേശന പരീക്ഷാ കമ്മീഷണറുടെ ഓഫീസിലേക്ക് അയക്കരുത്.

ഓരോ വിഷയത്തിനും ലഭിച്ച മാര്‍ക്ക്, പരമാവധി മാര്‍ക്ക്, ഓരോ വിഷയവും പാസായ വര്‍ഷം, പരീക്ഷാ ബോര്‍ഡ് തുടങ്ങിയ വിശദാംശങ്ങള്‍ അഡ്മിഷന്‍ സമയത്ത് പരിശോധിക്കും. നല്‍കുന്ന വിവരങ്ങള്‍ കൃത്യമാണെന്ന് ഉറപ്പുവരുത്തുക.

English Summary

The deadline to submit qualifying exam marks for the KEAM Engineering rank list has been extended to June 14, 2026, at 6:00 PM. Candidates must log in to the "KEAM 2026-Candidate Portal" on the official website (cee.kerala.gov.in) to submit their marks. If the displayed marks are incorrect or missing, students must enter the correct data and upload their official mark list. After submission, candidates must download and keep the confirmation report, but they should not send it to the CEE office.

തിരുവനന്തപുരം: ശക്തമായ മഴയ്ക്ക് സാധ്യതയുള്ളതിനാല്‍ നാളെ വിവിധ ജില്ലകളില്‍ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. നിലവില്‍ കാസര്‍കോട്, കോഴിക്കോട്, കണ്ണൂര്‍ ജില്ലകളിലാണ് അവധി പ്രഖ്യാപിച്ചത്. ഈ മൂന്ന് ജില്ലകളിലും നാളെ റെഡ് അലര്‍ട്ടാണ്.

കാസര്‍കോട്

കാസര്‍കോട് ജില്ലയില്‍ നാളെ വിദ്യാഭ്യാസ സ്ഥാപനങ്ങള്‍ക്ക് അവധി. റെഡ് അലര്‍ട്ട് പ്രഖ്യാപിച്ച പശ്ചാത്തലത്തിലാണ് ജില്ലാ കളക്ടര്‍ അര്‍ജുന്‍ പാണ്ഡ്യന്‍ അവധി പ്രഖ്യാപിച്ചത്. റെഡ് അലര്‍ട്ട് പ്രഖ്യാപിക്കുകയും, ശക്തമായ മഴ തുടരുകയും ചെയ്യുന്ന പശ്ചാത്തലത്തില്‍ മുന്‍ കരുതല്‍ നടപടിയുടെ ഭാഗമായി ജൂണ്‍ ഒമ്പതിന് അവധി പ്രഖ്യാപിക്കുകയാണെന്ന് അദ്ദേഹം അറിയിച്ചു.

പ്രൊഫഷണല്‍ കോളേജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്ക് അവധിയാണ്. അങ്കണവാടികള്‍, നഴ്‌സറികള്‍, കേന്ദ്രീയ വിദ്യാലയങ്ങള്‍, സിബിഎസ്ഇ, ഐസിഎസ്ഇ സ്‌കൂളുകള്‍, ട്യൂഷന്‍ സെന്ററുകള്‍, മദ്രസകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും അവധിയാണ്. നേരത്തെ തീരുമാനിച്ച പരീക്ഷകള്‍ക്കും, അഭിമുഖങ്ങള്‍ക്കും മാറ്റമില്ല.

കോഴിക്കോട്‌

റെഡ് അലര്‍ട്ട് നിലവിലുള്ളതിനാല്‍ കോഴിക്കോട് ജില്ലയിലും നാളെ മുഴുവന്‍ വിദ്യാഭ്യാസ സ്ഥാപനങ്ങള്‍ക്കും അവധിയാണ്. റെഡ് അലര്‍ട്ട് പ്രഖ്യാപിച്ചതിനാലും, കനത്ത മഴയെ തുടര്‍ന്ന് വിവിധ സ്ഥലങ്ങളില്‍ വെള്ളക്കെട്ട് രൂപപ്പെട്ടതിനാലും, അടുത്ത ദിവസങ്ങളിലും ശക്തമായ കാറ്റും, മഴയമുണ്ടാകുമെന്ന മുന്നറിയിപ്പുള്ളതിനാലും എല്ലാ വിദ്യാഭ്യാസ സ്ഥാപനങ്ങള്‍ക്ക് ചൊവ്വാഴ്ച അവധി പ്രഖ്യാപിക്കുന്നതായി കളക്ടര്‍ അറിയിച്ചു.

സ്‌കൂളുകള്‍, മദ്രസകള്‍, ട്യൂഷന്‍ സെന്ററുകള്‍, പ്രൊഫഷണല്‍ കോളേജുകള്‍, അങ്കണവാടികള്‍ എന്നിവയ്ക്കാണ് മുന്‍കരുതല്‍ നടപടികളുടെ ഭാഗമായി അവധി പ്രഖ്യാപിച്ചത്. യൂണിവേഴ്‌സിറ്റി, പിഎസ്‌സി പരീക്ഷകള്‍ക്ക് മാറ്റമില്ല.

കണ്ണൂര്‍

കണ്ണൂര്‍ ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും നാളെ അവധിയാണ്. റെഡ് അലര്‍ട്ട് പ്രഖ്യാപിച്ച പശ്ചാത്തലത്തിലാണ് ജില്ലാ കളക്ടര്‍ അവധി പ്രഖ്യാപിച്ചത്. പ്രൊഫഷണല്‍ കോളേജുകള്‍ക്കും അവധി ബാധകമാണ്. അങ്കണവാടികള്‍, ട്യൂഷന്‍ സെന്ററുകള്‍, ഐസിഎസ്ഇ, സിബിഎസ്ഇ, കേന്ദ്രീയ വിദ്യാലയങ്ങള്‍, മദ്രസകള്‍ ഉള്‍പ്പെടെയുള്ളവയ്ക്കും അവധി ബാധകമാണ്. എന്നാല്‍ റസിഡന്‍ഷ്യല്‍ സ്‌കൂളുകള്‍ക്ക് അവധി ബാധകമല്ല. നേരത്തെ തീരുമാനിച്ച യൂണിവേഴ്‌സിറ്റി, പൊതു പരീക്ഷകള്‍ക്കും, അഭിമുഖങ്ങള്‍ക്കും മാറ്റമില്ല.

Also Read: Kerala Rain Alert: സംസ്ഥാനത്ത് അതിതീവ്ര മഴ മുന്നറിയിപ്പ്: നാളെ 3 ജില്ലകളിൽ റെഡ് അലർട്ട്

ശക്തമായ മഴയ്ക്ക് സാധ്യത

റെഡ് അലര്‍ട്ട് പ്രഖ്യാപിച്ച ഈ മൂന്ന് ജില്ലകളിലും നാളെ അതിശക്തമായ മഴയ്ക്ക് സാധ്യതയുണ്ട്. മലപ്പുറം, വയനാട് ജില്ലകളില്‍ നാളെ ഓറഞ്ച് അലര്‍ട്ടുണ്ട്. യെല്ലോ അലര്‍ട്ട് നിലവിലുള്ള പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍, പാലക്കാട് ജില്ലകളിലെ ഒറ്റപ്പെട്ടയിടങ്ങളിലും നാളെ ശക്തമായ മഴ പ്രതീക്ഷിക്കാം. തിരുവനന്തപുരം, കൊല്ലം, ആലപ്പുഴ ജില്ലകളില്‍ നാളെ ഗ്രീന്‍ അലര്‍ട്ടാണ്.

നിലവിലെ മുന്നറിയിപ്പുകള്‍ പ്രകാരം ജൂണ്‍ 10-ന് ഒരു ജില്ലയിലും ഓറഞ്ച് അലര്‍ട്ടോ, റെഡ് അലര്‍ട്ടോ നിലവിലില്ല. എന്നാല്‍ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്. മറ്റ് ജില്ലകളില്‍ ബുധനാഴ്ച ഗ്രീന്‍ അലര്‍ട്ടാണ്.

English Summary

Kasaragod, Kozhikode, and Kannur districts have declared a holiday for educational institutions tomorrow due to a red alert for heavy rain. The holiday applies to professional colleges, schools, tuitions, madrasas, and Anganwadis in these districts. However, all previously scheduled university exams, public exams, and interviews will be conducted without any change. In Kannur, residential schools are exempted from this holiday and will function as usual.

Kerala 11th Trial Allotment 2026 Published: ഹയര്‍ സെക്കന്‍ഡറി ഒന്നാം വര്‍ഷ പ്രവേശനത്തിനുള്ള ട്രയല്‍ അലോട്ട്‌മെന്റ് റിസള്‍ട്ട് അപേക്ഷകര്‍ക്ക് ഇപ്പോള്‍ പരിശോധിക്കാം. പ്രോസ്‌പെക്ടസ് മാനദണ്ഡങ്ങള്‍ പ്രകാരം സാധുതയുള്ള അപേക്ഷകളും, ഓപ്ഷനുമാണ് ട്രയല്‍ അലോട്ട്‌മെന്റില്‍ പരിഗണിച്ചിട്ടുള്ളത്. ട്രയല്‍ അലോട്ട്‌മെന്റ് നിസാരമായി തള്ളിക്കളയരുത്. അത് നിര്‍ബന്ധമായും പരിശോധിക്കണം. അപേക്ഷയില്‍ തിരുത്തലുകള്‍ വരുത്താനുള്ള അവസാന അവസരമാണിത്. ജൂണ്‍ 10 ന് വൈകുന്നേരം അഞ്ച് മണി വരെ ട്രയല്‍ അലോട്ട്‌മെന്റ് പരിശോധിക്കാം. തിരുത്തലുകള്‍ ആവശ്യമാണെങ്കില്‍ അത് ജൂണ്‍ 10-ന് വൈകിട്ട് അഞ്ച് മണിക്കുള്ളില്‍ നടത്തി ഫൈനല്‍ കണ്‍ഫര്‍മേഷന്‍ നല്‍കണം.

തെറ്റായ വിവരങ്ങള്‍ നല്‍കി ലഭിക്കുന്ന അലോട്ട്‌മെന്റ് റദ്ദാക്കപ്പെടും. അപേക്ഷയില്‍ തിരുത്തലുകള്‍ വരുത്താനുള്ള അവസാന അവസരമാണിത്. എന്നാല്‍ ട്രയല്‍ റിസള്‍ട്ട് പ്രകാരം ലഭിക്കുന്ന അലോട്ട്‌മെന്റ് ലെറ്റര്‍ ഉപയോഗിച്ച് അഡ്മിഷന്‍ നേടാനാകില്ല. അഡ്മിഷന്‍ നേടുന്നതിന് ആദ്യ അലോട്ട്‌മെന്റ് വരെ കാത്തിരിക്കണം. ജൂണ്‍ 15-നാണ് ആദ്യ അലോട്ട്‌മെന്റ് പുറത്തുവിടുന്നത്.

ട്രയല്‍ അലോട്ട്‌മെന്റ് പരിശോധിക്കേണ്ട വിധം:

https://hscap.kerala.gov.in/ എന്ന വെബ്‌സൈറ്റ് വഴിയാണ് ട്രയല്‍ അലോട്ട്‌മെന്റ് പരിശോധിക്കേണ്ടത്. ഈ വെബ്‌സൈറ്റിലെ 'കാന്‍ഡിഡേറ്റ് ലോഗിന്‍' എന്ന ഓപ്ഷന്‍ വഴി ലോഗിന്‍ ചെയ്യണം. തുടര്‍ന്ന് കാന്‍ഡിഡേറ്റ് ലോഗിനിലെ ട്രയല്‍ അലോട്ട്‌മെന്റ് എന്ന ലിങ്കിലൂടെ പരിശോധിക്കാം.

Also Read: Kerala SSLC SAY Exam 2026: എസ്എസ്എൽസി സേ പരീക്ഷാ ഹാൾ ടിക്കറ്റുകൾ പുറത്ത്; എങ്ങനെ കൈപ്പറ്റാം, പരീക്ഷകൾ ജൂൺ 10 മുതൽ

ട്രയല്‍ അലോട്ട്‌മെന്റ് പരിശോധിക്കുന്നതിനുള്ള സാങ്കേതിക സൗകര്യങ്ങള്‍ വിദ്യാര്‍ത്ഥികള്‍ക്ക് വീടിന് സമീപത്തുള്ള സര്‍ക്കാര്‍/എയ്ഡഡ് ഹയര്‍സെക്കന്‍ഡറി സ്‌കൂളിലെ ഹെല്‍പ് ഡെസ്‌കുകളില്‍ നിന്നു തേടാം.

തിരുത്തലുകള്‍ വരുത്തേണ്ടത് ഇങ്ങനെ:

തിരുത്തലുകള്‍ ആവശ്യമാണെങ്കില്‍ കാന്‍ഡിഡേറ്റ് ലോഗിനിലെ 'എഡിറ്റ് ആപ്ലിക്കേഷന്‍' എന്ന ലിങ്കിലൂടെ അത് ചെയ്യാം. ആവശ്യമായ തിരുത്തലുകളോ, ഉള്‍പ്പെടുത്തലുകളോ നടത്തി നിശ്ചിത സമയപരിധിക്കകം ഫൈനല്‍ കണ്‍ഫര്‍മേഷന്‍ നല്‍കണം. അപേക്ഷകര്‍ക്ക് ആവശ്യമായ വിശദ നിര്‍ദ്ദേശങ്ങള്‍ വെബ്‌സൈറ്റില്‍ നല്‍കിയിട്ടുണ്ട്.

സാധ്യതാ ലിസ്റ്റ് മാത്രം

ജൂണ്‍ 15-ന് പ്രസിദ്ധീകരിക്കുന്ന ആദ്യ അലോട്ട്‌മെന്റെ സാധ്യതാ ലിസ്റ്റ് മാത്രമാണ് ട്രയല്‍ റിസള്‍ട്ട്. ഈ ഘട്ടത്തില്‍ ആവശ്യമെങ്കില്‍ നേരത്തെ നല്‍കിയ ഓപ്ഷനുകള്‍ പുനഃക്രമീകരിക്കുകയോ, പുതിയവ കൂട്ടിച്ചേര്‍ക്കുകയോ ചെയ്യാം.

എല്ലാ അപേക്ഷകരും ട്രയല്‍ അലോട്ട്‌മെന്റ് ലിസ്റ്റ് നിര്‍ബന്ധമായും പരിശോധിക്കണം. അപേക്ഷയിലെ വിശദാംശങ്ങളും WGPA യും കൃത്യമാണെന്ന് ഉറപ്പുവരുത്തണം. WGPA കണക്കാക്കുന്ന രീതി പ്രോസ്‌പെക്ടസില്‍ വ്യക്തമാക്കിയിട്ടുണ്ട്.

ഏതൊക്കെ വിവരങ്ങള്‍ തിരുത്താം?

ജാതി, സംവരണ വിവരങ്ങള്‍, ബോണസ് പോയിന്റ് ലഭിക്കുന്ന വിവരങ്ങള്‍, അഡ്രസ് വിവരങ്ങള്‍ തുടങ്ങിയവ തിരുത്താം. അപേക്ഷയിലെ വിവരങ്ങള്‍ ശരിയാണെന്ന് ഉറപ്പുവരുത്തണം. തിരുത്തലുകള്‍ വരുത്താനുള്ള ഈ അവസാന അവസരം ഫലപ്രദമായി വിനിയോഗിക്കണം. എന്നാല്‍ കാന്‍ഡിഡേറ്റ് ലോഗിന്‍ സൃഷ്ടിക്കാന്‍ ഉപയോഗിച്ച വിവരങ്ങളില്‍ വിദ്യാര്‍ത്ഥിയുടെ പേര് ഒഴികെ മറ്റൊന്നും തിരുത്താനോ മാറ്റം വരുത്താനോ സാധിക്കില്ല. തെറ്റായ വിവരങ്ങള്‍ നല്‍കിയാല്‍ അത് പ്രവേശനത്തെ സാരമായി ബാധിക്കാം.

English Summary

Students can now check the Kerala Plus One Trial Allotment 2026 on the official HSCAP website. This is the final opportunity to correct application details or rearrange school options. All corrections must be submitted online before June 10, 2026, at 5:00 PM. Admission cannot be taken with this trial result, as the first main allotment will be released on June 15, 2026.

KEAM: 2026-ലെ എഞ്ചിനീയറിങ് പ്രവേശന പരീക്ഷ എഴുതിയവര്‍ യോഗ്യതാ പരീക്ഷയിലെ (പ്ലസ്ടു അല്ലെങ്കിൽ തത്തുല്യം) രണ്ടാം വർഷ മാർക്കുകൾ പ്രവേശന പരീക്ഷാ കമ്മീഷണറുടെ ഒഫീഷ്യൽ പോർട്ടലിൽ ഇന്ന് വൈകുന്നേരം ആറു മണിക്കുള്ളില്‍ അപ്‌ലോഡ് ചെയ്യണം. നിശ്ചിത സമയത്തിനകം മാർക്ക് വിവരങ്ങൾ സമർപ്പിക്കാത്ത വിദ്യാർത്ഥികളെ എഞ്ചിനീയറിങ് റാങ്ക് ലിസ്റ്റിൽ ഉൾപ്പെടുത്തുന്നതല്ല. മാത്തമാറ്റിക്‌സ്, ഫിസിക്‌സ്, കെമിസ്ട്രി എന്നിവയ്ക്ക് ലഭിച്ച മാര്‍ക്കാണ് സമര്‍പ്പിക്കേണ്ടത്. കെമിസ്ട്രി ഒരു വിഷയമായി പഠിച്ചിട്ടില്ലാത്ത വിദ്യാര്‍ത്ഥികളുടെ കമ്പ്യൂട്ടര്‍ സയന്‍സ്/ബയോടെക്‌നോളജി/ബയോളജി എന്നിവയുടെ മാര്‍ക്ക് പരിഗണിക്കും.

പ്രവേശന പരീക്ഷാ കമ്മീഷണറുടെ ഔദ്യോഗിക വെബ്‌സൈറ്റായ http://www.cee.kerala.gov.in/ വഴിയാണ് മാർക്കുകൾ സമർപ്പിക്കേണ്ടത്. മാർക്ക് രേഖപ്പെടുത്തുന്നതിനായി വിദ്യാർത്ഥികൾ ആദ്യം വെബ്‌സൈറ്റിലെ ‘KEAM 2026 Candidate Portal’ (കീം 2026 കാൻഡിഡേറ്റ് പോർട്ടൽ) എന്ന ലിങ്കില്‍ പ്രവേശിക്കണം. അതിനുശേഷം അപേക്ഷാ നമ്പറും പാസ്‌വേഡും നൽകി കാൻഡിഡേറ്റ് ഹോം പേജിലേക്ക് ലോഗിൻ ചെയ്യണം. തുടർന്ന് സ്ക്രീനിൽ കാണുന്ന ‘Mark Submission for Engg’ എന്ന പ്രെത്യേക മെനു ഓപ്ഷനിൽ ക്ലിക്ക് ചെയ്ത് മാർക്കുകൾ സമര്‍പ്പിക്കാം.

ഇക്കാര്യങ്ങള്‍ ശ്രദ്ധിക്കുക

പരീക്ഷ പാസായ ബോർഡ്, വർഷം, പരീക്ഷാ രജിസ്റ്റർ നമ്പർ എന്നിവ വെബ്‌സൈറ്റിൽ രേഖപ്പെടുത്തുമ്പോൾ, പ്രസ്തുത ബോർഡുകൾ വിദ്യാർത്ഥിയുടെ മാർക്ക് വിവരങ്ങൾ പ്രവേശന പരീക്ഷാ കമ്മീഷണറുടെ ഓഫീസിന് നല്‍കിയിട്ടുണ്ടെങ്കില്‍ ആ മാർക്കുകൾ വെബ്‌പേജിൽ ദൃശ്യമാകും.

Also Read: Kerala Plus One Admission 2026: പ്ലസ് വൺ പ്രവേശനം; ട്രയൽ അലോട്ട്മെൻ്റ് നാളെ, ഫലം എപ്പോൾ വരും? ഒറ്റ ക്ലിക്കിൽ പരിശോധിക്കാം

വെബ്‌പേജിൽ ദൃശ്യമാകുന്ന മാർക്കുകൾ ശരിയാണെന്ന് ഉറപ്പുവരുത്തുക. തിരുത്തലുകള്‍ ആവശ്യമില്ലെങ്കിൽ നേരിട്ട് ‘Submit Mark data’ എന്ന ബട്ടൺ ക്ലിക്ക് ചെയ്ത് സമര്‍പ്പിക്കാം. ഇങ്ങനെയുള്ള വിദ്യാർത്ഥികൾ മാർക്ക് ലിസ്റ്റിന്റെ കോപ്പി വെബ്‌സൈറ്റിൽ പ്രത്യേകം അപ്‌ലോഡ് ചെയ്യേണ്ടതില്ല.

വെബ്‌സൈറ്റിൽ കാണിക്കുന്ന മാർക്കുകളും മാർക്ക് ലിസ്റ്റിലെ മാർക്കുകളും തമ്മിൽ വ്യത്യാസമുണ്ടെങ്കിൽ ‘Change’ എന്ന ബട്ടണിൽ ക്ലിക്ക് ചെയ്യേണ്ടതാണ്. അതിനുശേഷം കൃത്യമായ മാർക്ക് വിവരങ്ങൾ രേഖപ്പെടുത്തിയെന്ന് ഉറപ്പുവരുത്തി ‘Submit mark Data’ എന്ന ബട്ടൺ അമർത്തണം.

വെബ്‌പേജിൽ ലഭ്യമായിരുന്ന മാർക്കുകളിൽ തിരുത്തലുകൾ വരുത്തേണ്ടി വന്ന വിദ്യാർത്ഥികളും, പരീക്ഷാ ബോർഡിന്റെ ഡാറ്റ ലഭ്യമല്ലാത്തതിനാൽ മാർക്കുകൾ സ്വയം രേഖപ്പെടുത്തിയവരും മാർക്ക് വിവരങ്ങൾ സബ്മിറ്റ് ചെയ്യുന്നതോടൊപ്പം പ്ലസ്ടു മാർക്ക് ലിസ്റ്റിന്റെ പകർപ്പ് കൂടി വെബ്‌സൈറ്റിൽ അപ്‌ലോഡ് ചെയ്യേണ്ടതുണ്ട്. ഇങ്ങനെ അപ്‌ലോഡ് ചെയ്യുന്ന സർട്ടിഫിക്കറ്റുകൾ വ്യക്തമായി വായിക്കാൻ കഴിയുന്ന തരത്തിലുള്ളതായിരിക്കണം.

മാർക്കുകൾ വിജയകരമായി സമർപ്പിച്ചതിന് ശേഷം 'മാർക്ക് സബ്മിഷൻ കൺഫർമേഷൻ റിപ്പോർട്ട്' ഡൗൺലോഡ് ചെയ്ത് സൂക്ഷിക്കണം. പ്ലസ്ടു മാർക്ക് ലിസ്റ്റ് അപ്‌ലോഡ് ചെയ്യാൻ നിർദ്ദേശിക്കപ്പെട്ടിട്ടുള്ള വിദ്യാർത്ഥികൾ, സർട്ടിഫിക്കറ്റ് അപ്‌ലോഡ് ചെയ്താൽ മാത്രമേ ഈ കൺഫർമേഷൻ റിപ്പോർട്ട് ലഭ്യമാകൂ. മാർക്കുകളും മറ്റ് വ്യക്തിഗത വിവരങ്ങളും കോളേജ് അഡ്മിഷൻ സമയത്ത് പരിശോധിക്കും. വിദ്യാർത്ഥികൾക്ക് 0471- 2332120, 2338487 എന്നീ ഒഫീഷ്യൽ ഹെൽപ്പ്‌ലൈൻ നമ്പറുകളിൽ ബന്ധപ്പെട്ട് സഹായം തേടാം.

English Summary

KEAM 2026 candidates must submit their Plus Two marks online before June 7 at 6 PM. Failure to upload these marks will result in exclusion from the Engineering Rank List. Marks can be submitted through the candidate portal on cee.kerala.gov.in. Students must upload their mark list if any data is edited or missing.

ബെംഗളൂരു: കര്‍ണാടകയുടെ തലസ്ഥാനമായ ബെംഗളൂരുവില്‍ യുണൈറ്റഡ് കിംഗ്ഡത്തിലെ ലിവര്‍പൂള്‍ സര്‍വകലാശാല ക്യാമ്പസ് തുറക്കാന്‍ പോകുന്നു. ബെംഗളൂരുവില്‍ ക്യാമ്പസ് സ്ഥാപിക്കുന്നതിനുള്ള അംഗീകാരപത്രം വിദ്യാഭ്യാസ മന്ത്രാലയം ലിവര്‍പൂള്‍ സര്‍വകലാശാലയ്ക്ക് കൈമാറി. വിവിധ ബിരുദ-ബിരുദാനന്തര പ്രോഗ്രാമുകളുമായാണ് ലിവര്‍പൂള്‍ ബെംഗളൂരുവില്‍ ബ്രാഞ്ച് ആരംഭിക്കാന്‍ പോകുന്നത്. ബിസിനസ് മാനേജ്‌മെന്റ്, കമ്പ്യൂട്ടര്‍ സയന്‍സ്, ഗെയിം ഡിസൈന്‍, ഫിനാന്‍സ്, ബയോമെഡിക്കല്‍ സയന്‍സസ് തുടങ്ങി വിവിധ കോഴ്‌സുകള്‍ ഇവിടെ ഉണ്ടാകുമെന്നാണ് വിവരം.

ജൂണ്‍ നാലിനാണ് കേന്ദ്ര വിദ്യാഭ്യാസമന്ത്രി ധര്‍മ്മേന്ദ്ര പ്രധാന്‍, വിദേശകാര്യമന്ത്രി ഡോ. എസ് ജയശങ്കര്‍, യുണൈറ്റഡ് കിംഗ്ഡം വിദേശകാര്യ സെക്രട്ടറി ഹോണര്‍ യെവെറ്റ് കൂപ്പര്‍ എന്നിവരുടെ സാന്നിധ്യത്തില്‍ വിദ്യാഭ്യാസ മന്ത്രാലയത്തിലെ ഉന്നത വിദ്യാഭ്യാസ വകുപ്പ് സെക്രട്ടറിയും യൂണിവേഴ്‌സിറ്റി ഗ്രാന്റ്‌സ് കമ്മീഷന്‍ ചെയര്‍മാനുമായ ഡോ. വിനീത് ജോഷി, ലിവര്‍പൂള്‍ ബെംഗളൂരു സര്‍വകലാശാലയിലെ പ്രൊവോസ്റ്റ് പ്രൊഫസര്‍ റിച്ചാര്‍ഡ് ഗ്രോസിന് അംഗീകാരപത്രം കൈമാറിയത്.

അന്താരാഷ്ട്ര നിലവാരത്തിലേക്ക് ഇന്ത്യയും

ലിവര്‍പൂള്‍ പോലുള്ള പ്രമുഖ സര്‍വകലാശാലകള്‍ ഇന്ത്യയില്‍ ബ്രാഞ്ചുകള്‍ സ്ഥാപിക്കുന്നത് രാജ്യത്തെ വിദ്യാഭ്യാസ സമ്പ്രദായത്തിന് തന്നെ പുത്തന്‍ ഉണര്‍വേകും. മികച്ച അക്കാദമിക സഹകരണം, മെച്ചപ്പെട്ട വിദ്യാര്‍ഥി മൊബിലിറ്റി, ഇന്ത്യയിലെ പ്രശസ്തമായ ആഗോള സ്ഥാപനങ്ങളുടെ സാന്നിധ്യം തുടങ്ങിയവയിലൂടെ വിദ്യാഭ്യാസത്തെ വേറിട്ട തലത്തിലേക്ക് എത്തിക്കുകയാണ് ലക്ഷ്യം. ദേശീയ വിദ്യാഭ്യാസ നയം 2020 നടപ്പാക്കുന്നതില്‍ ബെംഗളൂരുവില്‍ വരാന്‍ പോകുന്ന ലിവര്‍പൂള്‍ ബ്രാഞ്ച് നാഴികക്കല്ലാകുമെന്ന പ്രതീക്ഷയിലാണ് രാജ്യം.

2025 മെയ് 26നാണ് ഡല്‍ഹിയില്‍ വെച്ച് ലിവര്‍പൂള്‍ സര്‍വകലാശാലയ്ക്ക് ലെറ്റര്‍ ഓഫ് ഇന്റന്റ് നല്‍കിയത്. ഒരു വര്‍ഷത്തിനിടെ ബ്രാഞ്ചിന് ആവശ്യമായ അക്കാദമിക്, അടിസ്ഥാന സൗകര്യങ്ങള്‍ തുടങ്ങിയവ സര്‍വകലാശാല പൂര്‍ത്തിയാക്കിയതായി റിപ്പോര്‍ട്ടില്‍ പറയുന്നു. മാത്രമല്ല, യുജിസി ചട്ടങ്ങളുടെ വ്യവസ്ഥകള്‍ പാലിക്കുന്നുണ്ടോ എന്ന് ഉറപ്പാക്കുകയും ചെയ്യും.

എന്ന് പ്രവര്‍ത്തനമാരംഭിക്കും?

ഇന്ത്യയില്‍ ലിവര്‍പൂള്‍ സര്‍വകലാശാല സ്ഥാപിക്കുന്ന ബ്രാഞ്ചിലേക്കുള്ള പ്രവേശനത്തിനായുള്ള പ്രക്രിയകള്‍ ആരംഭിച്ചതായാണ് വിവരം. 2026 ഓഗസ്റ്റ് മാസത്തോടെ ക്യാമ്പസ് തുറന്ന് പ്രവര്‍ത്തിക്കുമെന്നും റിപ്പോര്‍ട്ടുകളുണ്ട്. ബെംഗളൂരു വൈറ്റ്ഫീല്‍ഡിലാണ് നിര്‍ദിഷ്ട ക്യാമ്പസ് വരുന്നത്. പ്ലസ് ടുവിന് ഇംഗ്ലീഷിന് നേടി മാര്‍ക്കിന്റെയും പ്രവേശന അഭിമുഖത്തിന്റെയും അടിസ്ഥാനത്തിലായിരിക്കും അഡ്മിഷന്‍ ലഭിക്കുന്നത്. ഇതോടൊപ്പം കുട്ടിയുടെ പഠനകാലയളവിലെ പ്രകടനവും വിലയിരുത്തപ്പെടും.

ലിവര്‍പൂള്‍ സര്‍വകലാശാല

യുകെയിലെ പ്രമുഖ സര്‍വകലാശാലകളിലൊന്നാണ് ലിവര്‍പൂള്‍. 1881ല്‍ സ്ഥാപിതമായ സര്‍വകലാശാല ഒട്ടനവധി പ്രതിഭകളെ ഈ ലോകത്തിന് സമ്മാനിച്ചു. യുകെയുടെ റസ്സല്‍ ഗ്രൂപ്പ് സര്‍വകലാശാലകളില്‍ ഉള്‍പ്പെടുന്ന ഒന്ന് കൂടിയാണിത്. മാത്രമല്ല, യുകെയിലെ ആദ്യത്തെ റെഡ് ബ്രിക്ക് സര്‍വകലാശാല എന്ന പേരിലും ലിവര്‍പൂള്‍ അറിയപ്പെടുന്നുണ്ട്.

ആഗോള റാങ്കിങ്ങായ ക്യൂഎസ് വേള്‍ഡ് യൂണിവേഴ്‌സിറ്റി റാങ്കിങ്ങില്‍ ഉള്‍പ്പെട്ട ലോകത്തിലെ മികച്ച 150 സര്‍വകലാശാലകളില്‍ ഒന്നാണ് ലിവര്‍പൂള്‍. മാത്രമല്ല, ഇതിനോടകം 10 നോബേല്‍ സമ്മാന ജേതാക്കളെ ഈ ലോകത്തിന് സമ്മാനിക്കാനും ലിവര്‍പൂളിന് സാധിച്ചിട്ടുണ്ട്. യുകെയ്ക്ക് പുറമെ ചൈനയിലാണ് നിലവില്‍ ലിവര്‍പൂളിന് ക്യാമ്പസുള്ളത്, ഇനിയും ഇന്ത്യയും ലിവര്‍പൂല്‍ പ്രവര്‍ത്തിക്കും.

English Summary

The University of Liverpool has opened admissions for its upcoming Bengaluru campus, offering students the chance to pursue a UK degree without leaving India. Interested candidates can now apply by following the university's admission process and meeting the required eligibility criteria before the deadline.

സംസ്ഥാനത്ത്‌ ഹയർ സെക്കൻഡറി പ്രവേശനത്തിനുള്ള ട്രയൽ അലോട്ട്‌മെൻ്റ് ജൂൺ എട്ടിന്‌ (നാളെ- തിങ്കൾ) പുറത്തുവരും. ജൂൺ മൂന്നുവരെയുള്ള അപേക്ഷകൾ പരിഗണിച്ചശേഷമാണ് ട്രയൽ അലോട്ട്‌മെൻ്റ് പുറത്തുവിടുക. അതിന് ശേഷം വിദ്യാർഥികൾക്ക്‌ തെറ്റുകൾ തിരുത്തുന്നതിനും സ്‌കൂളും വിഷയവും മാറ്റുന്നതിനും അവസരമുണ്ടാകും. പ്ലസ് വൺ ഏകജാല പ്രക്രിയയുടെ ഏറ്റവും നിർണ്ണായകമായ ഘട്ടമായ ട്രയൽ അലോട്ട്മെൻ്റ് (Plus One Trial Allotment 2026). പ്രധാന അലോട്ട്മെൻ്റുകൾക്ക് മുൻപായി വിദ്യാർത്ഥികൾക്ക് തങ്ങൾക്ക് ഏത് സ്കൂളിലാണ് സീറ്റ് ലഭിക്കാൻ സാധ്യതയെന്ന് മനസ്സിലാക്കാനുള്ള അവസാന അവസരമാണിത്.

ട്രയൽ അലോട്ട്മെൻ്റ് രാവിലെ 10 മണിക്ക് പ്രസിദ്ധീകരിക്കുന്നതാണ്. പൊതുവിദ്യാഭ്യാസ വകുപ്പിൻ്റെ ഔദ്യോഗിക പോർട്ടലിൽ അലോട്ട്മെൻ്റ് വിവരങ്ങൾ പരിശോധിക്കാനാകും. റിസൾട്ട് പുറത്തുവിട്ടാൽ വിദ്യാർത്ഥികൾക്ക് അവരുടെ മൊബൈൽ ഫോൺ വഴിയോ കമ്പ്യൂട്ടർ വഴിയോ ഒരൊറ്റ ക്ലിക്കിൽ പട്ടിക പരിശോധിക്കാവുന്നതാണ്. പ്രസ് വൺ പ്രവേശനത്തിനുള്ള ആദ്യ ഘട്ട അപേക്ഷ സമർപ്പിക്കൽ അവസാനിപ്പിച്ചു. അപേക്ഷ സമർപ്പിക്കാൻ കഴിയാത്തവർക്ക് വരാനിരിക്കുന്ന ഘട്ടത്തിൽ അപേക്ഷ സമർപ്പിക്കാം.

ALSO READ: സിബിഎസ്ഇ വിദ്യാർത്ഥികൾക്ക് ആശ്വാസം; പുനർമൂല്യനിർണ്ണയത്തിന് അപേക്ഷിക്കാനുള്ള തീയതി നീട്ടി

പ്രോസ്‌പക്ട‌സ് മാനദണ്ഡങ്ങൾ അനുസരിച്ച് സാധുതയുള്ള അപേക്ഷകളും ഓപ്ഷനുകളുമാണ് അലോട്ട്മെൻറിനായി പരിഗണിച്ചിട്ടുള്ളത്. ഹയർസെക്കണ്ടറി https://www.hscap.kerala.gov.in/ എന്ന വെബ്സൈറ്റിലൂടെയാണ് ഇത് പരിശോധിക്കേണ്ടത്. മോഡൽ റെസിഡെൻഷ്യൽ സ്‌കൂളുകളിൽ പ്രവേശനത്തിന് അപേക്ഷിച്ചവരുടേയും ട്രയൽ അലോട്ട്മെൻ്റും ഇതോടൊപ്പം പ്രസിദ്ധീകരിക്കുന്നതാണ്. അപേക്ഷകർക്ക് Candidate Login-MRS എന്നതിലൂടെ ലോഗിൻ ചെയ്ത് ക്യാൻഡിഡേറ്റ് ലോഗിനിലെ Trial Results എന്ന ലിങ്കിലൂടെ റിസൾട്ട് പരിശോധിക്കാവുന്നതാണ്.

അപേക്ഷകർക്കുള്ള വിശദ നിർദ്ദേശങ്ങളും ഇതേ വെബ്സൈറ്റിൽ ലഭ്യമാകുന്നതാണ്. 2026 ജൂൺ 10ന് വൈകിട്ട് 5 മണിവരെ അപേക്ഷകർക്ക് ട്രയൽ അലോട്ട്മെൻ്റ് ലിസ്റ്റ് പരിശോധിക്കാനുള്ള അവസരമുണ്ടാകും. എന്തെങ്കിലും തിരുത്തലുകൾ ആവശ്യമാണെങ്കിൽ ക്യാൻഡിഡേറ്റ് ലോഗിനിലെ Edit Application എന്ന ലിങ്കിലൂടെ ആവശ്യമായ തിരുത്തലുകൾ വരുത്തി 2026 ജൂൺ 10 ന് വൈകിട്ട് അഞ്ച് മണിക്കുള്ളിൽ അപേക്ഷിക്കാം. തെറ്റായ വിവരങ്ങൾ നൽകി ലഭിക്കുന്ന അലോട്ട്മെൻ്റ് റദ്ദാക്കപ്പെടും. അപേക്ഷയിൽ തിരുത്തലുകൾ വരുത്തുവാനുള്ള അവസാന അവസരമാണിത്.

ഫലം എവിടെ, എങ്ങനെ പരിശോധിക്കാം?

• ആദ്യം തന്നെ പൊതുവിദ്യാഭ്യാസ വകുപ്പിൻ്റെ ഔദ്യോ​ഗിക വെബ്‌സൈറ്റായ www.hscap.kerala.gov.in സന്ദർശിക്കുക.
• ഹോം പേജിലുള്ള 'Candidate Login' എന്ന ലിങ്കിൽ ക്ലിക്ക് ചെയ്യുക. നിങ്ങളുടെ യൂസർ നെയിമും , പാസ്‌വേഡും നൽകി ലോഗിൻ ചെയ്യുക.
• ലോഗിൻ ചെയ്ത ശേഷം കാണുന്ന പേജിലെ 'Trial Allotment Results' എന്ന ലിങ്കിൽ ക്ലിക്ക് ചെയ്താൽ നിങ്ങൾക്ക് നിലവിൽ ലഭിച്ച സ്കൂളും കോഴ്സും സ്ക്രീനിൽ കാണാം.

ഓപ്ഷനുകൾ മാറ്റാൻ അവസരം

• ലഭിച്ച സ്കൂളോ കോഴ്സോ തൃപ്തികരമല്ലെങ്കിൽ നിങ്ങൾക്ക് മുൻഗണനാക്രമം മാറ്റുകയോ പുതിയ ഓപ്ഷനുകൾ കൂട്ടിച്ചേർക്കുകയോ ചെയ്യാം.
• അലോട്ട്മെന്റ് ലഭിക്കാത്തവർക്ക് നിങ്ങളുടെ മാർക്കിന് അനുസരിച്ചുള്ള സ്കൂളുകളല്ല നൽകിയതെന്ന് മനസ്സിലാക്കാം. അതിനാൽ മറ്റ് സ്കൂളുകൾ കൂടി ഓപ്ഷനായി നൽകി ആദ്യ അലോട്ട്മെന്റിൽ സീറ്റ് ഉറപ്പാക്കാം.
• പേര്, ജനനത്തീയതി, മാർക്കുകൾ, ബോണസ് പോയിന്റുകൾ എന്നിവയിൽ എന്തെങ്കിലും തെറ്റുണ്ടെങ്കിൽ അത് തിരുത്താൻ വെബ്‌സൈറ്റിൽ സൗകര്യമുണ്ടാകും.
• ഇത് കഴിഞ്ഞുള്ള ആദ്യത്തെ പ്രധാന അലോട്ട്മെൻ്റ് ജൂൺ 15-ന് പ്രസിദ്ധീകരിക്കും. ജൂലൈ 2 മുതൽ പ്ലസ് വൺ ക്ലാസുകൾ ആരംഭിക്കാനാണ് നിലവിലെ തീരുമാനം.

English Summary:

Kerala Plus One Trial Allotment 2026 will be published tomorrow, June 8th. Check the expected release time on official hscap.kerala.gov.in candidate login link. Here Is the step-by-step guide to edit your options or correct application errors instantly.

Milma Recruitment 2026: കേരള കോപ്പറേറ്റീവ് മിൽക്ക് മാർക്കറ്റിംഗ് ഫെഡറേഷൻ ലിമിറ്റഡിൽ (KCMMF - മില്‍മ) കരാറടിസ്ഥാനത്തിൽ സെയിൽസ് ഓഫീസർ തസ്തികയിലേക്ക് നിയമനം നടത്തുന്നതിനായി സെന്റർ ഫോർ മാനേജ്മെന്റ് ഡെവലപ്മെന്റ് (സിഎംഡി) അപേക്ഷ ക്ഷണിച്ചു. താല്പര്യമുള്ള ഉദ്യോഗാർത്ഥികൾ ഈ റിക്രൂട്ട്‌മെന്റിന്റെ നിബന്ധനകളും വ്യവസ്ഥകളും കൃത്യമായി മനസ്സിലാക്കിയ ശേഷം സിഎംഡിയുടെ ഔദ്യോഗിക വെബ്‌സൈറ്റ് (www.cmd.kerala.gov.in) വഴി ഓൺലൈനായി അപേക്ഷിക്കേണ്ടതാണ്. ജൂണ്‍ 17-ന് വൈകുന്നേരം അഞ്ച് മണി വരെ അപേക്ഷിക്കാം. ആകെ 2 ഒഴിവുകളാണ് ഈ തസ്തികയിലേക്ക് റിപ്പോർട്ട് ചെയ്തിട്ടുള്ളത്.

അപേക്ഷകർക്ക് എംബിഎ  ബിരുദവും അതോടൊപ്പം എഫ്എംസിജി സെയിൽസ് മേഖലയിൽ കുറഞ്ഞത് 5 വർഷത്തെ പ്രവൃത്തിപരിചയവും ഉണ്ടായിരിക്കണം. സെയില്‍സില്‍ നൈപുണ്യം വേണം. മോഡേൺ ട്രേഡ്, ഓൺലൈൻ മാർക്കറ്റിംഗ് എന്നിവയിൽ പരിചയമുള്ളവർക്ക് മുൻഗണന നൽകും.

സെയിൽസ് അസോസിയേറ്റുകൾക്ക് പുതിയ ലീഡുകൾ കണ്ടെത്താനും പുതിയ ഡീലുകൾ ഉറപ്പിക്കാനുമുള്ള ഗ്രൗണ്ട് സപ്പോർട്ട് നൽകാൻ പ്രാപ്തരായിരിക്കണം. ബിസിനസ് വിതരണ ശൃംഖലകൾ നിരന്തരം വിലയിരുത്തുകയും അവരുടെ പ്രവർത്തനക്ഷമത വികസിപ്പിക്കുകയും പരിശോധിക്കുകയും വേണം. ഫലപ്രദമായ തീരുമാനങ്ങൾ എടുക്കാനും പ്രശ്നങ്ങൾ പരിഹരിക്കാനുമുള്ള കഴിവ് ഉണ്ടായിരിക്കണം.

Also Read: UPSC CDS 2026: ആര്‍മിയിലും, എയര്‍ഫോഴ്‌സിലും, നേവിയിലും അവസരം; സിഡിഎസ് പരീക്ഷയ്ക്ക് യുപിഎസ്‌സി വിളിക്കുന്നു

പ്രായം & ശമ്പളം

ഉയർന്ന പ്രായപരിധി 35 വയസ്സാണ്. പ്രായപരിധി, പ്രവൃത്തിപരിചയം എന്നിവ കണക്കാക്കുന്നതിനുള്ള കട്ട് ഓഫ് തീയതി 2026 ജൂൺ 1-ാം തീയതിയാണ്. ഈ തസ്തികയിലേക്ക് തിരഞ്ഞെടുക്കപ്പെടുന്നവർക്ക് പ്രതിവർഷം 3.5 ലക്ഷം രൂപ മുതൽ 4.8 ലക്ഷം രൂപ വരെ സിറ്റിസി (3.5 to 4.8 Lacs CTC + TA/DA + Incentives) ലഭിക്കുന്നതായിരിക്കും.

സെയിൽസ് അസോസിയേറ്റുകളെ നയിക്കുകയും വികസിപ്പിക്കുകയും പ്രചോദിപ്പിക്കുകയും ചെയ്തുകൊണ്ട് വിൽപന-ലാഭ ലക്ഷ്യങ്ങൾ കൈവരിക്കുന്നതിനാവശ്യമായ സെയിൽസ് തന്ത്രങ്ങളും പദ്ധതികളും ആവിഷ്കരിക്കുകയെന്നതാണ് ഈ തസ്തികയിലെ പ്രധാന ഉത്തരവാദിത്തം.

സെയിൽസും ലാഭവും ഫലപ്രദമായി കൈകാര്യം ചെയ്യാനും നിലനിർത്താനും സെയിൽസ് ടീമിന് നിരന്തരമായ പരിശീലനവും പ്രചോദനവും വികസന അവസരങ്ങളും നൽകുക, എല്ലാ സ്റ്റാഫ് അംഗങ്ങൾക്കും ടീമംഗങ്ങൾക്കും നിരന്തരമായ നേതൃത്വവും മാർഗ്ഗനിർദ്ദേശവും നൽകുക, ഉപഭോക്താക്കളുമായി ശക്തമായ ബന്ധം സ്ഥാപിക്കുക, കൃത്യമായ റിപ്പോർട്ടുകൾ തയ്യാറാക്കുകയും പ്രകടനം വിലയിരുത്തുന്നതിനായി പതിവായി മീറ്റിംഗുകളിൽ പങ്കെടുക്കുകയും ചെയ്യുക തുടങ്ങി നിരവധി ചുമതലകളുമുണ്ട്.

അപേക്ഷിക്കുമ്പോള്‍ ശ്രദ്ധിക്കേണ്ടത്:

സ്കാൻ ചെയ്ത ചിത്രത്തിന്റെ സൈസ് 200 കെബിയേക്കാൾ കുറവായിരിക്കണം, ഇത് ജെപിജി ഫോർമാറ്റിൽ മാത്രമായിരിക്കണം. ഉദ്യോഗാർത്ഥി ഒരു വെള്ളപ്പേപ്പറിൽ ഒപ്പിട്ട ശേഷം അത് സ്കാൻ ചെയ്ത് ഓൺലൈൻ അപേക്ഷയിലെ നിശ്ചിത സ്ഥാനത്ത് അപ്‌ലോഡ് ചെയ്യണം. സ്കാൻ ചെയ്ത ഒപ്പിന്റെ സൈസ് 50 കെബിയേക്കാൾ കുറവായിരിക്കണം, ഇതും ജെപിജി ഫോർമാറ്റിലായിരിക്കണം.

അപേക്ഷിക്കുന്നതിന് മുൻപായി ഉദ്യോഗാർത്ഥികൾ വിശദമായ വിജ്ഞാപനം ശ്രദ്ധാപൂർവ്വം വായിച്ചു മനസ്സിലാക്കി തങ്ങൾക്ക് ഈ റിക്രൂട്ട്‌മെന്റിന് യോഗ്യതയുണ്ടെന്ന് സ്വയം ഉറപ്പുവരുത്തേണ്ടതാണ്. അപേക്ഷ സമർപ്പിക്കുന്ന സമയത്ത് ഫോം പൂരിപ്പിക്കുന്നതിൽ അപേക്ഷകർ പ്രത്യേകം ശ്രദ്ധിക്കേണ്ടതാണ്.

English Summary

CMD Kerala is inviting online applications for the post of Sales Officer at Milma. Candidates with an MBA and 5 years of FMCG sales experience can apply. The upper age limit for applicants is 35 years as of June 1, 2026. The last date to submit the online application is June 17, 2026.

സിബിഎസ്ഇ പ്ലസ് ടു പരീക്ഷാ ഫലം പുറത്തുവന്നതിന് പിന്നാലെ മാർക്ക് പരിശോധനയ്ക്കും പുനർമൂല്യനിർണ്ണയത്തിനുമുള്ള അപേക്ഷകൾ സ്വീകരിച്ചു (CBSE Class 12 Marks Verification & Revaluation) തുടങ്ങിയിരുന്നു. ഇപ്പോഴിതാ പുനർമൂല്യനിർണയത്തിന് അപേക്ഷിക്കാനുള്ള തീയതി ഇന്ന് അവസാനിക്കാനിരിക്കെ കുട്ടികൾക്ക് ആശ്വാസ വാർത്തയാണ് ഇപ്പോൾ പുറത്തുവരുന്നത്. പോർട്ടലിലെ തകരാറുകൾ കണ്ടെത്തിയതിനെ തുടർന്ന്, അപേക്ഷ സമർപ്പിക്കാനുള്ള അവസാന തീയതി ജൂൺ ഏഴ് വരെ നീട്ടി. വിവിധ കോണുകളിൽ നിന്നുള്ള പരാതികളും അഭ്യർത്ഥനയും മാനിച്ചാണ് തീയതി നീട്ടിയത്. ഇതോടെ വിദ്യാർത്ഥികൾക്ക് അപേക്ഷ സമർപ്പിക്കാൻ ഒരു ദിവസം കൂടി കിട്ടിയിരിക്കുകയാണ്.

സിബിഎസ്ഇ പ്ലസ് ടു പരീക്ഷാ ഫലം വന്നതിന് ശേഷം തങ്ങൾക്ക് ലഭിച്ച മാർക്കിൽ തൃപ്തരല്ലാത്തവർക്കും, മാർക്ക് കുറഞ്ഞുപോയി എന്ന് കരുതുന്നവർക്കും ഈ അവസരം പ്രയോജനപ്പെടുത്താം. നിലവിലെ റിപ്പോർട്ട് അനുസരിച്ച്, ജൂൺ 7-ന് ശേഷം ലഭിക്കുന്ന യാതൊരു അപേക്ഷകളും സിബിഎസ്ഇ സ്വീകരിക്കുന്നതല്ല. അതിനാൽ അവസാന നിമിഷത്തെ തിരക്ക് ഒഴിവാക്കാൻ വിദ്യാർത്ഥികൾ എത്രയും വേഗം അപേക്ഷ നടപടികൾ പൂർത്തിയാക്കേണ്ടതാണ്.

ALSO READ: യോഗ്യതാ പരീക്ഷയുടെ മാര്‍ക്ക്‌ നല്‍കാന്‍ ഇനി രണ്ടു ദിവസം മാത്രം; സമര്‍പ്പിക്കേണ്ടത് എങ്ങനെ?

ജൂൺ രണ്ടിനാണ് സിബിഎസ്ഇയുടെ പോസ്റ്റ്-റിസൾട്ട് സർവീസസ് പോർട്ടൽ പ്രവർത്തനമാരംഭിച്ചത്. എന്നാൽ തുടക്കം മുതൽ തന്നെ വെബ്‌സൈറ്റിൽ വലിയ തോതിലുള്ള സാങ്കേതിക തടസ്സങ്ങളാണ് വിദ്യാർത്ഥികൾ നേരിട്ടത്. ഉത്തരകടലാസുകങ്ങൾ ആക്‌സസ് ചെയ്യുന്നതിലും, വെരിഫിക്കേഷനും പുനർമൂല്യനിർണ്ണയത്തിനും ഓൺലൈനായി അപേക്ഷിക്കുന്നതിലും നിരവധി വിദ്യാർത്ഥികൾ തുടർച്ചയായി പരാതികൾ ഉന്നയിച്ചിരുന്നു. സെർവർ ഡൗൺ ആയതും ഒടിപി ലഭിക്കാത്തതുമുൾപ്പെടെയുള്ള പ്രശ്നങ്ങൾ കാരണം അപേക്ഷിക്കാൻ സാധിക്കാതെ പോയ വിദ്യാർത്ഥികളുടെ ബുദ്ധിമുട്ടുകൾ കണക്കിലെടുത്താണ് ഇപ്പോൾ സിബിഎസ്ഇ സമയപരിധി നീട്ടി നൽകിയിരിക്കുന്നത്.

ഉത്തരക്കടലാസുകളുടെ സ്കാൻ ചെയ്ത പകർപ്പുകൾ ലഭിക്കുന്ന വിദ്യാർത്ഥികൾ അവയിലെ പോരായ്മകൾ പരിശോധിക്കണമെന്ന് സിബിഎസ്ഇ ബോർഡ് പ്രത്യേകം അറിയിച്ചു. ഉത്തരക്കടലാസിലെ ചില പേജുകൾ സ്കാൻ ചെയ്ത പകർപ്പിൽ ഇല്ലാതെ വരിക, സപ്ലിമെന്ററി ഷീറ്റുകൾ ഇല്ലാതിരിക്കുക, ഉത്തരത്തിന്റെ ഭാഗമായി വരച്ച ഗ്രാഫുകളോ മാപ്പുകളോ നഷ്ടപ്പെടുക, തങ്ങളുടേതല്ലാത്ത മറ്റൊരു വിദ്യാർത്ഥിയുടെ ഉത്തരക്കടലാസിന്റെ പകർപ്പ് ലഭിക്കുക തുടങ്ങിയ പ്രശ്നങ്ങൾ വിദ്യാർത്ഥികൾക്ക് അറിയിക്കാവുന്നതാണ്.

അപേക്ഷിക്കേണ്ടത് എങ്ങനെ?

• ആദ്യം തന്നെ സിബിഎസ്ഇയുടെ ഔദ്യോഗിക വെബ്‌സൈറ്റ് സന്ദർശിച്ച് 'Main Website' എന്ന ലിങ്കിൽ ക്ലിക്ക് ചെയ്യുക.
• അവിടെ ഹോം പേജിൽ കാണുന്ന "Class XII Verification/Revaluation" എന്ന ലിങ്ക് ക്ലിക്ക് ചെയ്ത് നിങ്ങളുടെ റോൾ നമ്പറും മറ്റ് ആവശ്യമായ വിവരങ്ങളും നൽകുക.
• ഏതൊക്കെ വിഷയങ്ങൾക്കാണോ പുനർമൂല്യനിർണ്ണയം അല്ലെങ്കിൽ വെരിഫിക്കേഷൻ വേണ്ടത്, ആ വിഷയങ്ങൾ കൃത്യമായി തിരഞ്ഞെടുത്ത് അപേക്ഷ കൺഫേം ചെയ്യുക.
• ഓരോ പ്രക്രിയയ്ക്കും നിശ്ചയിച്ചിട്ടുള്ള അപേക്ഷാ ഫീസ് (Application Fee) ക്രെഡിറ്റ് കാർഡ്/ഡെബിറ്റ് കാർഡ് അല്ലെങ്കിൽ നെറ്റ് ബാങ്കിങ് വഴി ഓൺലൈനായി അടച്ച് രസീത് പ്രിന്റ് ഔട്ട് എടുത്ത് സൂക്ഷിക്കുക.

English Summary:

CBSE on Friday extended the last date for submission of applications for verification and re-evaluation of Class 12 answer sheets by one day till June 7. Move comes after technical glitch confirmed in a official portal.

തിരുവനന്തപുരം: കനത്ത മഴയെ തുടർന്ന് സംസ്ഥാനത്ത് നാല് ജില്ലകളിൽ ഇന്ന് അവധി പ്രഖ്യാപിച്ചു. റെഡ് അലർട്ട് പ്രഖ്യാപിച്ച കണ്ണൂർ, വയനാട്, കാസർഗോഡ്, കോഴിക്കോട് ജില്ലകളിലാണ് അവധി പ്രഖ്യാപിച്ചത്. ജില്ലകളിലെ പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണെന്ന് ജില്ലാ കളക്ടർമാർ അറിയിച്ചു.

അവധി ആർക്കെല്ലാം?

പ്രൊഫഷണൽ കോളജുകൾ, സ്കൂളുകൾ, അങ്കണവാടികൾ, ട്യൂഷൻ സെന്ററുകൾ, ഐ.സി.എസ്.ഇ, സി.ബി.എസ്.ഇ. സ്കൂളുകൾ, കേന്ദ്രീയ വിദ്യാലയങ്ങൾ, മദ്രസകൾ ഉൾപ്പെടെ ഉള്ള മതവിദ്യാഭ്യാസ സ്ഥാപനങ്ങൾ അടക്കം എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് അവധിയാണ്. അതേസമയം, റസിഡൻഷ്യൽ സ്കൂളുകൾക്ക് അവധി ബാധകമല്ല.

പരീക്ഷകൾക്ക് മാറ്റമുണ്ടോ?

അതിശക്തമായ മഴയുടെ പശ്ചാത്തലത്തിൽ റെഡ് അലർട്ട് പ്രഖ്യാപിച്ച കണ്ണൂ‍‍ർ, വയനാട്, കാസർഗോഡ്, കോഴിക്കോട് ജില്ലകളിലാണ് ഇന്ന് അവധി പ്രഖ്യാപിച്ചിട്ടുള്ളത്. എന്നാൽ, മുൻകൂട്ടി നിശ്ചയിച്ച സർവകലാശാല / പൊതു പരീക്ഷകൾക്ക് മാറ്റമുണ്ടായിരിക്കുന്നതല്ല എന്നും കളക്ടർമാർ അറിയിച്ചിട്ടുണ്ട്. കനത്ത മഴ തുടരുന്ന സാഹചര്യത്തിൽ അതീവ ജാഗ്രത പുലര്‍ത്തണമെന്നും അനാവശ്യ യാത്രകള്‍ ഒഴിവാക്കണമെന്നും കളക്ടര്‍ അറിയിച്ചു.

ഇന്നത്തെ കാലാവസ്ഥ

സംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പ് അറിയിച്ചു. വയനാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ഇന്ന് റെഡ് അലർട്ടാണ്. ജൂൺ 9 വരെ ഒറ്റപ്പെട്ടയിടങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിന് സാധ്യതയുണ്ടെന്നും അറിയിപ്പുണ്ട്. പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, പാലക്കാട് ജില്ലകളിൽ ഇന്ന് ഓറഞ്ച് അലർട്ടാണ്. തിരുവനന്തപുരം, കൊല്ലം, ആലപ്പുഴ ജില്ലകളിൽ യെല്ലോ അലർട്ടും.

ALSO READ: സംസ്ഥാനത്ത് പേമാരി; ഇന്നും നാളെയും റെഡ് അലർട്ട്, പ്രളയ സാധ്യത മുന്നറിയിപ്പ്

അതേസമയം, മലപ്പുറം, കോഴിക്കോട്, വയനാട് ജില്ലകളിൽ നാളെ റെഡ് അലർട്ടാണ്. അതിതീവ്രമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 204.4 mm -ൽ കൂടുതൽ മഴ ലഭിക്കുമെന്നാണ് അതിതീവ്രമായ മഴ എന്നത് കൊണ്ട് കാലാവസ്ഥ വകുപ്പ് അർത്ഥമാക്കുന്നത്.

ഉരുൾപൊട്ടലിന് സാധ്യത

കോഴിക്കോട് ജില്ലയില്‍ വടകര താലൂക്കില്‍ ഉള്‍പ്പെട്ട വിലങ്ങാട്, വാളൂക്ക്, മലയങ്ങാട്, ഉരുട്ടി, പന്നിയേരി തുടങ്ങിയ പ്രദേശങ്ങളില്‍ ശക്തമായ മഴയെത്തുടര്‍ന്ന് ഉരുള്‍പൊട്ടലിനും മണ്ണിടിച്ചിലിനും സാധ്യതയുള്ളതായി റിപ്പോര്‍ട്ട് ചെയ്തിട്ടുണ്ട്. ഇതിന്റെ പശ്ചാത്തലത്തിൽ ഈ പ്രദേശങ്ങളിലെ ജനങ്ങളെ ഉടന്‍ സുരക്ഷിത സ്ഥാനങ്ങളിലേക്ക് മാറ്റിപ്പാര്‍പ്പിക്കാന്‍ ജില്ലാ ദുരന്ത നിവാരണ അതോറിറ്റി ചെയര്‍പേഴ്‌സണ്‍ കൂടിയായ ജില്ലാ കലക്ടര്‍ എം.എസ് മാധവിക്കുട്ടി ഉത്തരവിട്ടു. മാറ്റിത്താമസിപ്പിക്കലും ക്യാമ്പുകളുടെ പ്രവര്‍ത്തനങ്ങളും ഏകോപിപ്പിക്കാന്‍ വടകര ആര്‍.ഡി.ഒയെ നോഡല്‍ ഓഫീസറും വടകര തഹസില്‍ദാരെ അസി. നോഡല്‍ ഓഫീസറുമായി ചുമതലപ്പെടുത്തി.

കൂടാതെ, ശനി, ഞായർ ദിവസങ്ങളിൽ വയനാട്ടിൽ റെഡ് അലെർട്ട് പ്രഖ്യാപിച്ചതിനാൽ കുറുവ ദ്വീപ്, ബാണാസുര മീൻമുട്ടി വെള്ളച്ചാട്ടം, കാറ്റുകുന്ന് ആനച്ചോല ട്രക്കിങ്, ചെമ്പ്രപീക്ക് ട്രക്കിങ്, സൂചിപ്പാറ വെള്ളച്ചാട്ടം എന്നിവിടങ്ങളിലേക്ക് പ്രവേശനം അനുവദിക്കില്ലെന്ന് വനംവകുപ്പ് അറിയിച്ചിട്ടുണ്ട്. തിരുവനന്തപുരം ജില്ലയിലെ കരമന (വെള്ളൈകടവ് സ്റ്റേഷൻ), പത്തനംതിട്ട ജില്ലയിലെ മണിമല (കല്ലൂപ്പാറ സ്റ്റേഷൻ) എന്നീ നദികളിൽ യെല്ലോ അലർട്ട് പ്രഖ്യാപിച്ചു.

English Summary:

Kerala Rains, Holiday declared for 4 red alert districts today. Schools and colleges to remain closed in Kannur, Wayanad, Kasaragod, and Kozhikode. Holidays have been declared for all educational institutions, including professional colleges in the districts.

KEAM 2026: ഇത്തവണത്തെ എഞ്ചിനീയറിങ് പ്രവേശന പരീക്ഷ എഴുതിയവര്‍ യോഗ്യതാ പരീക്ഷയുടെ (പ്ലസ്ടു അല്ലെങ്കില്‍ തത്തുല്യം) രണ്ടാം വര്‍ഷത്തില്‍ ഗണിതം, ഊര്‍ജതന്ത്രം, രസതതന്ത്രം എന്നിവയ്ക്ക് ലഭിച്ച മാര്‍ക്ക് പ്രവേശനാ പരീക്ഷാ കമ്മീഷണറുടെ ഔദ്യോഗിക വെബ്‌സൈറ്റില്‍ ജൂണ്‍ ഏഴിന് വൈകുന്നേരം ആറു മണിക്കകം സമര്‍പ്പിക്കണം. മാര്‍ക്ക് സമര്‍പ്പിക്കാത്ത വിദ്യാര്‍ത്ഥികളെ എഞ്ചിനീയറിങ് റാങ്ക് ലിസ്റ്റില്‍ ഉള്‍പ്പെടുത്തില്ല. കെമിസ്ട്രി പഠിച്ചിട്ടില്ലാത്ത വിദ്യാര്‍ത്ഥികളുടെ കമ്പ്യൂട്ടര്‍ സയന്‍സ്/ബയോടെക്‌നോളജി/ബയോളജി എന്നിവയുടെ മാര്‍ക്ക് പരിഗണിക്കും. http://www.cee.kerala.gov.in/ എന്ന വെബ്‌സൈറ്റ് വഴിയാണ് മാര്‍ക്ക് സമര്‍പ്പിക്കേണ്ടത്.

മാര്‍ക്ക് സമര്‍പ്പിക്കുന്നതിന് ഔദ്യോഗിക വെബ്‌സൈറ്റിലെ 'കീം 2026 കാന്‍ഡിഡേറ്റ് പോര്‍ട്ടല്‍' എന്ന ലിങ്കില്‍ പ്രവേശിക്കണം. തുടര്‍ന്ന് അപേക്ഷാ നമ്പര്‍, പാസ്‌വേഡ് എന്നിവ നല്‍കി ഹോം പേജില്‍ പ്രവേശിക്കണം. തുടര്‍ന്ന് 'Mark Submission for Engg' എന്ന മെനുവില്‍ ക്ലിക്ക് ചെയ്തു വേണം മാര്‍ക്ക് സമര്‍പ്പിക്കേണ്ടത്.

വിദ്യാര്‍ത്ഥികള്‍ ശ്രദ്ധിക്കേണ്ടത്‌

യോഗ്യതാ പരീക്ഷ പാസായ ബോര്‍ഡ്, വര്‍ഷം, രജിസ്റ്റര്‍ നമ്പര്‍ എന്നിവ നല്‍കുമ്പോള്‍ വിദ്യാര്‍ത്ഥിയുടെ യോഗ്യതാ പരീക്ഷയെക്കുറിച്ചുള്ള വിവരങ്ങള്‍ അതത് ബോര്‍ഡുകള്‍ പ്രവേശനാ പരീക്ഷാ കമ്മീഷണറുടെ ഓഫീസില്‍ നല്‍കിയിട്ടുണ്ടെങ്കില്‍ അത് വെബ്‌പേജില്‍ കാണാനാകും. വെബ്‌പേജില്‍ ദൃശ്യമാകുന്ന മാര്‍ക്കുകള്‍ ശരിയാണെന്ന് ബോധ്യപ്പെട്ടതിന് ശേഷം, തിരുത്തലുകള്‍ ആവശ്യമില്ലെങ്കില്‍ ‘Submit Mark data’ എന്ന ബട്ടണ്‍ ക്ലിക്ക് ചെയ്ത് അത് സമര്‍പ്പിക്കാം. ഈ വിദ്യാര്‍ത്ഥികള്‍ മാര്‍ക്ക് ലിസ്റ്റ് അപ്‌ലോഡ് ചെയ്യേണ്ടതില്ല.

Also Read: KEAM 2026: എൻജിനീയറിങ്, ഫാർമസി പ്രവേശന പരീക്ഷാ സ്കോർ പ്രസിദ്ധീകരിച്ചു; ഫലം എങ്ങനെ അറിയാം?

എന്നാല്‍ വെബ്‌സൈറ്റില്‍ കാണിച്ചിട്ടുള്ള മാര്‍ക്കുകള്‍ മാര്‍ക്ക് ലിസ്റ്റിലുള്ളതില്‍ നിന്നും വ്യത്യസ്തമാണെങ്കില്‍ ‘Change’ ബട്ടണ്‍ ക്ലിക്ക് ചെയ്യണം. തുടര്‍ന്ന് ശരിയായ മാര്‍ക്ക് വിവരങ്ങള്‍ രേഖപ്പെടുത്തിയ ശേഷം ‘Submit mark Data’ എന്ന ബട്ടണ്‍ ക്ലിക്ക് ചെയ്യണം.

മാര്‍ക്കുമായി ബന്ധപ്പെട്ടുള്ള വിവരങ്ങള്‍ പരീക്ഷാബോര്‍ഡുകള്‍ പ്രവേശന പരീക്ഷാ കമ്മീഷണറുടെ ഓഫീസില്‍ ലഭ്യമാക്കിയിട്ടില്ലെങ്കില്‍ വിദ്യാര്‍ത്ഥികള്‍ അവരവരുടെ ബോര്‍ഡ്, പാസായ വര്‍ഷം, രജിസ്റ്റര്‍ എന്നിവ രേഖപ്പെടുത്തുമ്പോള്‍ വെബ്‌സൈറ്റില്‍ നിഷ്‌കര്‍ഷിക്കുന്നതുപോലെ ചെയ്യണം. തുടര്‍ന്ന് ‘Submit Mark Data’ എന്ന ബട്ടണ്‍ ക്ലിക്ക് ചെയ്യണം.

വെബ്‌പേജില്‍ കാണിച്ചിരുന്ന മാര്‍ക്കുകകളില്‍ തിരുത്തലുകള്‍ വരുത്തേണ്ടി വന്നവരും, ബോര്‍ഡ് ഡാറ്റ ലഭ്യമല്ലാത്തിനാല്‍ മാര്‍ക്കുകള്‍ രേഖപ്പെടുത്തേണ്ടി വന്ന വിദ്യാര്‍ത്ഥികളും മാര്‍ക്കുകള്‍ സമര്‍പ്പിക്കുമ്പോള്‍ മാര്‍ക്ക് ലിസ്റ്റും അപ്‌ലോഡ് ചെയ്യണം. ഇത്തരത്തില്‍ അപ്‌ലോഡ് ചെയ്യുന്ന സര്‍ട്ടിഫിക്കറ്റുകള്‍ വ്യക്തതയുള്ളതായിരിക്കണം.

കണ്‍ഫര്‍മേഷന്‍ റിപ്പോര്‍ട്ട്‌

മാര്‍ക്കുകള്‍ സമര്‍പ്പിച്ച ശേഷം 'മാര്‍ക്ക് സബ്മിഷന്‍ കണ്‍ഫര്‍മേഷന്‍ റിപ്പോര്‍ട്ട്' ഡൗണ്‍ലോഡ് ചെയ്ത് സൂക്ഷിക്കണം. പ്ലസ്ടു മാര്‍ക്ക് ലിസ്റ്റ് അപ്‌ലോഡ് ചെയ്യേണ്ട വിദ്യാര്‍ത്ഥികള്‍, അത് ചെയ്താല്‍ മാത്രമേ മാര്‍ക്ക് സബ്മിഷന്‍ കണ്‍ഫര്‍മേഷന്‍ റിപ്പോര്‍ട്ട് ലഭിക്കൂ. വിദ്യാര്‍ത്ഥി സമര്‍പ്പിക്കുന്ന മാര്‍ക്ക് അടക്കമുള്ള വിശദാംശങ്ങള്‍ അഡ്മിഷന്‍ സമയത്ത് വിശദമായി പരിശോധിക്കും. സംശയങ്ങളുണ്ടെങ്കില്‍ 0471- 2332120, 2338487 എന്നീ ഹെല്‍പ്‌ലൈന്‍ നമ്പറുകളില്‍ ബന്ധപ്പെടാം.

English Summary

KEAM 2026 engineering candidates must submit their Plus Two marks online before June 7, 6:00 PM. Marks for Mathematics, Physics, and Chemistry (or alternatives like Computer Science) must be entered via the candidate portal. If the displayed board marks are correct, candidates can submit directly without uploading documents. Candidates who make corrections or have missing data must upload a clear copy of their mark sheet.

കാസർകോട്: കേരളത്തിൽ വരും ദിവസങ്ങളിൽ അതിതീവ്ര മഴയ്ക്കുള്ള സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് പ്രവചിച്ച പശ്ചാത്തലത്തിൽ, മുൻകരുതൽ നടപടിയുടെ ഭാഗമായി കാസർകോട്, വയനാട്, കോഴിക്കോട്, കണ്ണൂർ ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും നാളെ ജില്ലാ കളക്ടർമാർ അവധി പ്രഖ്യാപിച്ചു. പൊതുജനങ്ങളുടെയും വിദ്യാർത്ഥികളുടെയും സുരക്ഷ മുൻനിർത്തിയാണ് ഈ അടിയന്തര നടപടി. എന്നാൽ റസിഡൻഷ്യൽ സ്കൂളുകൾക്ക് ഈ അവധി ബാധകമായിരിക്കില്ല.

അവധി ബാധകമായ സ്ഥാപനങ്ങൾ

1. പ്രൊഫഷണൽ കോളേജുകൾ
2. സ്കൂളുകൾ, സി.ബി.എസ്.ഇ / ഐ.സി.എസ്.ഇ സ്കൂളുകൾ, കേന്ദ്രീയ വിദ്യാലയങ്ങൾ
3. അങ്കണവാടികൾ, ട്യൂഷൻ സെന്ററുകൾ
4. മദ്രസകൾ ഉൾപ്പെടെയുള്ള മതവിദ്യാഭ്യാസ സ്ഥാപനങ്ങൾ

പരീക്ഷകളിൽ മാറ്റമില്ല

വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ടെങ്കിലും, മുൻകൂട്ടി നിശ്ചയിച്ചിട്ടുള്ള സർവകലാശാല പരീക്ഷകൾ, പൊതു പരീക്ഷകൾ, വിവിധ അഭിമുഖങ്ങൾ എന്നിവയ്ക്ക് യാതൊരുവിധ മാറ്റവും ഉണ്ടായിരിക്കുന്നതല്ല എന്ന് അധികൃതർ വ്യക്തമാക്കിയിട്ടുണ്ട്. വരും മണിക്കൂറുകളിൽ അഞ്ച് ജില്ലകളിൽ റെഡ് അലർട്ടും ആറ് ജില്ലകളിൽ ഓറഞ്ച് അലർട്ടും പ്രഖ്യാപിച്ച സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്നും നിർദ്ദേശമുണ്ട്.

Also Read - Kerala Weather Alert: നാളെ മുതൽ മഴയുടെ മുഖം മാറും, വിവിധ ജില്ലകളിൽ റെഡ്, ഓറഞ്ച് അലർട്ടുകൾ

പൊതുജനങ്ങൾക്കുള്ള പ്രധാന ജാഗ്രതാ നിർദേശങ്ങൾ

ദുരന്ത സാധ്യതകൾ ഒഴിവാക്കുന്നതിനായി സംസ്ഥാന ദുരന്ത നിവാരണ അതോറിറ്റി കർശന നിർദേശങ്ങൾ പുറപ്പെടുവിച്ചിട്ടുണ്ട്. ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിലും നദിക്കരകളിലും താമസിക്കുന്നവർ അധികൃതരുടെ നിർദേശപ്രകാരം സുരക്ഷിത സ്ഥാനങ്ങളിലേക്കോ ദുരിതാശ്വാസ ക്യാമ്പുകളിലേക്കോ പകൽ സമയത്ത് തന്നെ മാറി താമസിക്കേണ്ടതാണ്.

• അടച്ചുറപ്പില്ലാത്ത വീടുകളിൽ താമസിക്കുന്നവർ പ്രത്യേക ജാഗ്രത പാലിക്കണം. കാറ്റിൽ മരങ്ങൾ കടപുഴകിയും പോസ്റ്റുകൾ തകർന്നും വീഴാൻ സാധ്യതയുള്ളതിനാൽ ശ്രദ്ധിക്കുക.
• നദികൾ മുറിച്ചുകടക്കാനോ, കുളിക്കാനോ മീൻപിടിക്കാനോ ഇറങ്ങരുത്. മേൽപ്പാലങ്ങളിൽ കയറി സെൽഫിയെടുക്കുന്നതും കാഴ്ച കാണുന്നതും പൂർണ്ണമായി ഒഴിവാക്കുക.
• വെള്ളച്ചാട്ടങ്ങൾ, മലയോര മേഖലകൾ എന്നിവിടങ്ങളിലേക്കുള്ള വിനോദയാത്രകൾ മഴ മുന്നറിയിപ്പ് മാറുന്നത് വരെ ഒഴിവാക്കണം. അത്യാവശ്യമല്ലാത്ത രാത്രിയാത്രകളും നിയന്ത്രിക്കുക.
• ദുരന്ത സാധ്യത മേഖലയിലുള്ളവർ അടിയന്തരമായി ഒരു എമർജൻസി കിറ്റ് തയ്യാറാക്കി വെക്കേണ്ടതാണ്.
• കേരളത്തിലെ എല്ലാ ജില്ലകളിലും 24 മണിക്കൂറും പ്രവർത്തിക്കുന്ന താലൂക്ക്, ജില്ലാ കൺട്രോൾ റൂമുകൾ സജ്ജമാണ്. അപകടസാധ്യത മുന്നിൽ കാണുന്ന ഘട്ടങ്ങളിൽ സഹായത്തിനായി 1077, 1070 എന്നീ ടോൾ ഫ്രീ നമ്പറുകളിൽ ബന്ധപ്പെടാം.

English Summary

Due to the Central Meteorological Department's warning of extremely heavy rainfall, district collectors have declared a holiday for all educational institutions, including professional colleges, schools, and tuitions, in Kasaragod, Kannur, Wayanad, and Kozhikode districts. However, this safety-driven holiday will not apply to residential schools, and all previously scheduled university examinations, public exams, and interviews will proceed without any change.

ഈ വർഷത്തെ എസ്എസ്എൽസി 'സേ' (SAY - Save A Year) / ഇംപ്രൂവ്‌മെൻ്റ് പരീക്ഷകളുടെ ഹാൾ ടിക്കറ്റുകൾ ഔദ്യോഗികമായി പുറത്തിറക്കി. ഉന്നത പഠനത്തിന് യോഗ്യത നേടാൻ ഒരുങ്ങുന്ന വിദ്യാർത്ഥികൾക്കായി ജൂൺ 10 മുതൽ ജൂൺ 17 വരെയാണ് സംസ്ഥാനത്തെ വിവിധ കേന്ദ്രങ്ങളിൽ വെച്ച് സേ പരീക്ഷകൾ നടത്തുന്നത്. സ്കൂൾ അധികൃതർക്ക് ഔദ്യോ​ഗിക വെബ്സൈറ്റ് വഴി ലോഗിൻ ചെയ്ത് ഹാൾ ടിക്കറ്റുകൾ ഡൗൺലോഡ് ചെയ്യാം. പരീക്ഷയ്ക്ക് രജിസ്റ്റർ ചെയ്ത വിദ്യാർത്ഥികൾക്ക് അതത് സ്കൂളുകളിൽ നിന്ന് നേരിട്ട് അഡ്മിറ്റ് കാർഡുകൾ കൈപ്പറ്റാവുന്നതാണ്.

മാർച്ച് 2026-ലെ മെയിൻ ബോർഡ് പരീക്ഷയിൽ മിനിമം യോഗ്യതാ മാർക്ക് (D+ ഗ്രേഡ്) നേടാൻ കഴിയാതെ പോയ വിദ്യാർത്ഥികൾക്ക് വരുന്ന അക്കാദമിക് വർഷം നഷ്ടപ്പെടാതെ തുടർപഠനം ഉറപ്പാക്കാനുള്ള അവസരമാണ് സേ പരീക്ഷയിലൂടെ വിദ്യാഭ്യാസ വകുപ്പ് നൽകുന്നത്. പരീക്ഷാ ഹാളിലേക്ക് പോകുമ്പോൾ അതത് സ്കൂളിൽ നിന്ന് ലഭിച്ച ഒറിജിനൽ ഹാൾ ടിക്കറ്റും ഒപ്പം സാധുവായ ഒരു തിരിച്ചറിയൽ രേഖയും നിർബന്ധമായും കൈയ്യിൽ കരുതേണ്ടതാണ്.

ALSO READ: ഇംപ്രൂവ്മെൻ്റ് പരീക്ഷ എഴുതുന്നവരാണോ? പ്ലസ് വൺ അപേക്ഷക്കുമ്പോൾ ഇക്കാര്യങ്ങൾ അറിയണം

ഹാൾ ടിക്കറ്റ് എങ്ങനെ കൈപ്പറ്റാം?

• ആദ്യം തന്നെ നിങ്ങൾ പരീക്ഷയ്ക്ക് രജിസ്റ്റർ ചെയ്ത സ്കൂളിൽ ബന്ധപ്പെടുക.
• വിദ്യാർത്ഥികൾ പരീക്ഷയ്ക്കായി അപേക്ഷ സമർപ്പിച്ച അതത് സ്കൂളുകളിലെത്തി വേണം ഹാൾ ടിക്കറ്റുകൾ കൈപ്പറ്റാൻ.
• സ്കൂൾ അധികൃതർക്ക് ഔദ്യോഗിക പോർട്ടൽ വഴി സ്കൂൾ ലോഗിൻ ഉപയോഗിച്ച് ഹാൾ ടിക്കറ്റുകൾ ഡൗൺലോഡ് ചെയ്യാം.
• ഹാൾ ടിക്കറ്റ് കൈപ്പറ്റുമ്പോൾ അതിൽ സ്കൂൾ പ്രധാനാധ്യാപകൻ്റെ ഒപ്പും സ്കൂളിൻ്റെ ഔദ്യോഗിക സീലും ഉണ്ടെന്ന് വിദ്യാർത്ഥികൾ ഉറപ്പുവരുത്തണം.
• അതുപോലെ തന്നെ നിങ്ങളുടെ പേരുവിവരങ്ങളും റോൾ നമ്പരും എല്ലാം ഹാൾ ടിക്കറ്റിൽ കൃത്യമാണോ എന്ന് പരിശോധിക്കണം.

പരീക്ഷാ ഹാളിൽ ശ്രദ്ധിക്കേണ്ടത്

ഹാൾ ടിക്കറ്റ്: ഒപ്പും സീലും ഉള്ള അസ്സൽ ഹാൾ ടിക്കറ്റ് ഇല്ലാതെ ഒരു വിദ്യാർത്ഥിയെയും പരീക്ഷാ ഹാളിലേക്ക് പ്രവേശിപ്പിക്കില്ല.

പരീക്ഷാ സമയം: നിശ്ചിത സമയത്തിന് കുറഞ്ഞത് 30 മിനിറ്റ് മുൻപെങ്കിലും പരീക്ഷാ കേന്ദ്രത്തിൽ എത്തിച്ചേരാൻ ശ്രമിക്കുക.

വിലക്കപ്പെട്ട വസ്തുക്കൾ: കാൽക്കുലേറ്ററുകൾ, സ്മാർട്ട് വാച്ചുകൾ, മൊബൈൽ ഫോണുകൾ, മറ്റ് ഇലക്ട്രോണിക് ഗാഡ്‌ജെറ്റുകൾ എന്നിവ പരീക്ഷാ ഹാളിലേക്ക് കൊണ്ടുവരാൻ പാടുള്ളതല്ല.

പ്ലസ് വൺ അഡ്മിഷൻ സാധ്യത: ഹയർ സെക്കൻഡറി ഒന്നാം വർഷ പ്രവേശനത്തിനുള്ള അലോട്ട്മെൻ്റ് പ്രക്രിയകൾ പുരോഗമിക്കുന്നതിനാൽ, ഈ പരീക്ഷയുടെ ഫലം ജൂൺ അവസാന വാരത്തോടെ പ്രഖ്യാപിച്ചേക്കും.

ടൈംടേബിൾ വിശദമായി

• ആദ്യദിനമായ ജൂൺ 10ന് രാവിലെ 9:30 മുതൽ 11:15 വരെയാണ് ഒന്നാം ഭാഷാ പേപ്പറായ മലയാളം പരീക്ഷ നടക്കുന്നത്.
• ജൂൺ 10 ബുധനാഴ്ച ഉച്ചയ്ക്ക് ശേഷമുള്ള സെഷനിൽ സാമൂഹ്യശാസ്ത്രം (Social Science) പരീക്ഷ നടത്തുന്നതാണ്.
• രണ്ടാം ദിനമായ ജൂൺ 11 വ്യാഴാഴ്ച്ച രാവിലെ ഗണിതശാസ്ത്രം (Mathematics) പരീക്ഷ നടക്കും.
• ജൂൺ 11 വ്യാഴാഴ്ച്ച ഉച്ചയ്ക്ക് ശേഷം 1:45 മുതൽ – 3:30 വരെ മലയാളം പാർട്ട് രണ്ട് പരീക്ഷ നടത്തുന്നതാണ്.
• ജൂൺ 12 വെള്ളിയാഴ്ച രാവിലെ 9:30 മുതൽ രാവിലെ 11:15 വരെ കെമസ്ട്രി പരീക്ഷ നടക്കും.
• പിന്നീട് ജൂൺ 15 തിങ്കളാഴ്ച്ച രാവിലെ 9:30 മുതൽ 12:15 വരെ ഇം​ഗ്ലീഷ് പരീക്ഷ നടത്തുന്നതാണ്.
• ജൂൺ 15 തിങ്കളാഴ്ച്ച ഉച്ചയ്ക്ക് ശേഷം 1:45 മുതൽ 3:30 വരെയാണ് ബയോളജി പരീക്ഷ നടക്കുന്നത്.
• ജൂൺ 16 ചൊവ്വാഴ്ച്ച രാവിലെ 9:30 മുതൽ ഉച്ചയ്ക്ക് 12:15 വരെ ഹിന്ദി പരീക്ഷ നടത്തും.
• ജൂൺ 16 ചൊവ്വാഴ്ച്ച ഉച്ചയ്ക്ക് ശേഷം 1:45 മുതൽ 3:30 വരെ ഫിസിക്സ് പരീക്ഷകൾ നടത്തും.
• ജൂൺ 17 ബുധനാഴ്ച്ച രാവിലെ 9:30 മുതൽ രാവിലെ 10:45 വരെ ഐടി പരീക്ഷ നടത്തുന്നതാണ്.

English Summary:

Kerala Pareeksha Bhavan has issued the Class 10th admit cards for the Save-a-Year (SAY) examinations. Students who signed up for the special supplementary exams will be able to collect them from their respective school authorities.

കേരളത്തിൽ പ്ലസ് വൺ (Kerala Plus One Admission 2026) പ്രവേശനത്തിനുള്ള ഏകജാലക നടപടികൾ സംസ്ഥാനത്ത് സജീവമായി പുരോഗമിക്കുകയാണ്. മെയ് 25 മുതലാണ് പ്ലസ് വൺ പ്രവേശനത്തിനുള്ള അപേക്ഷ ക്ഷണിച്ചു തുടങ്ങിയത്. ഈ മാസം എട്ടാം തീയതി (തിങ്കളാഴ്ച്ച) ട്രയൽ അലോട്ട്മെൻ്റ് പുറത്തുവരുന്നതാണ്. ഇതിനിടയിൽ ഗ്രേഡ് വർദ്ധിപ്പിക്കാനായി എസ്എസ്എൽസി ഇംപ്രൂവ്മെന്റ്/സേ പരീക്ഷ എഴുതാനായി കാത്തിരിക്കുന്ന ധാരാളം കുട്ടികളാണുള്ളത്. സേ പരീക്ഷ എഴുതാനിരിക്കുന്ന കുട്ടികൾക്ക് സാധാരണ കുട്ടികളെപോലെ ആദ്യ അലോട്ട്മെൻ്റ് വേളയിൽ അപേക്ഷ നൽകാനാവില്ല. ഈ സാഹചര്യത്തിൽ ഇംപ്രൂവ്മെന്റ് പരീക്ഷ എഴുതുന്ന വിദ്യാർത്ഥികൾക്ക് അപേക്ഷ സമർപ്പിക്കുന്നതിനെക്കുറിച്ച് വലിയ രീതിയിലുള്ള സംശയങ്ങൾ ഉണ്ടാകാറുണ്ട്. ഇംപ്രൂവ്മെൻ്റ് റിസൾട്ട് വരുന്നതിന് മുൻപ് അപേക്ഷിക്കണോ?, റിസൾട്ട് വന്ന ശേഷം മാർക്ക് എങ്ങനെ മാറ്റും? തുടങ്ങിയ നിങ്ങളുടെ എല്ലാ സംശയങ്ങൾക്കുമുള്ള ഉത്തരം നമുക്ക് വായിച്ചറിയാം.

ALSO READ: നീറ്റ് യുജി പരീക്ഷ 2026: ജൂൺ 14-ന് അഡ്മിറ്റ് കാർഡ് വരുമോ? എങ്ങനെ ഡൗൺലോഡ് ചെയ്യാം

പ്രധാനമായും അറിഞ്ഞിരിക്കേണ്ട കാര്യങ്ങൾ

ഇംപ്രൂവ്മെൻ്റ് പരീക്ഷാ ഫലം വരാൻ കാത്തുനിന്ന് പ്ലസ് വൺ അപേക്ഷ സമർപ്പിക്കാനുള്ള അവസാന തീയതി കളയരുത്. നിലവിൽ നിങ്ങളുടെ കയ്യിലുള്ള മാർക്കുകൾ/ഗ്രേഡുകൾ കൃത്യമായി രേഖപ്പെടുത്തിക്കൊണ്ട് നിശ്ചിത സമയപരിധിക്കുള്ളിൽ തന്നെ ഏകജാലക പോർട്ടലിൽ ഓൺലൈനായി രജിസ്റ്റർ ചെയ്യേണ്ടതാണ്.

നിങ്ങൾ ഇപ്പോൾ അപേക്ഷ സമർപ്പിച്ചതിന് ശേഷം ഇംപ്രൂവ്മെൻ്റ് പരീക്ഷാ ഫലം വരുമ്പോൾ, ഒഫീഷ്യൽ പോർട്ടലിൽ മാർക്കുകൾ പുതുക്കാനുള്ള അവസരം ഉണ്ടാകുന്നതാണ്. ട്രയൽ അലോട്ട്മെൻ്റ് സമയത്തോ അതിന് ശേഷമുള്ള സമയത്തോ അപേക്ഷകർക്ക് തങ്ങളുടെ പുതിയ ഉയർന്ന മാർക്കുകൾ പോർട്ടലിൽ അപ്‌ഡേറ്റ് ചെയ്യാൻ സാധിക്കും.

ഇംപ്രൂവ്മെൻ്റ് പരീക്ഷ എഴുതുമ്പോൾ മാർക്ക് കുറഞ്ഞുപോയാൽ എന്ത് സംഭവിക്കും എന്ന പേടി വേണ്ട. നിങ്ങൾ ആദ്യം എഴുതിയ പരീക്ഷയിലെ മാർക്കാണോ അതോ ഇംപ്രൂവ്മെൻ്റ് പരീക്ഷയിലെ മാർക്കാണോ ഏറ്റവും കൂടുതൽ, ആ ഉയർന്ന മാർക്ക് മാത്രമേ പ്ലസ് വൺ അലോട്ട്മെൻ്റിൻഅറെ വെയ്റ്റേജ് കണക്കാക്കാൻ സ്വീകരിക്കുകയുള്ളൂ. ‌

അപേക്ഷിക്കുമ്പോൾ ശ്രദ്ധിക്കേണ്ടത്

രജിസ്റ്റർ നമ്പർ നൽകേണ്ട വിധം: അപേക്ഷയിൽ നിങ്ങളുടെ ആദ്യത്തെ മെയിൻ പരീക്ഷയുടെ രജിസ്റ്റർ നമ്പറും വിവരങ്ങളും നൽകുക. ചില സാഹചര്യങ്ങളിൽ 'Appeared for Improvement/SAY' എന്നൊരു ഓപ്ഷൻ പോർട്ടലിൽ കാണാനാകും. ഉണ്ടെങ്കിൽ അതിനനുസരിച്ച് അപേക്ഷ സമർപ്പിക്കുക.

സ്കൂൾ/കോമ്പിനേഷൻ ഓപ്ഷനുകൾ: ഇംപ്രൂവ്മെൻ്റ് പരീക്ഷയിലൂടെ നിങ്ങളുടെ മാർക്ക് കൂടുമെന്ന ആത്മവിശ്വാസം ഉണ്ടെങ്കിൽ, കൂടുതൽ ഡബ്ല്യുജിപിഎ (WGPA) ആവശ്യമായി വരുന്ന മികച്ച സ്കൂളുകളും സയൻസ്/കൊമേഴ്സ് പോലുള്ള കോമ്പിനേഷനുകളും മുൻഗണനാ ക്രമത്തിൽ നൽകാവുന്നതാണ്. മാർക്ക് അപ്ഡേറ്റ് ചെയ്യുന്നതോടെ ഈ സീറ്റുകളിലേക്ക് നിങ്ങൾക്ക് എളുപ്പത്തിൽ അലോട്ട്മെൻ്റ് ലഭിക്കും.

കൂടുതൽ വിവരങ്ങൾ

ട്രയൽ അലോട്മെന്റ് ജൂൺ എട്ടിന് പ്രസിദ്ധീകരിക്കുന്നതാണ്. 15ന് ആണ് ആദ്യ അലോട്മെൻ്റ് ലിസ്റ്റ് പുറത്തുവിടുക. മുഖ്യ ഘട്ടത്തിലെ 3 അലോട്മെന്റിന് ശേഷം ജൂലൈ രണ്ടിനാണ് ഇത്തവണ പ്ലസ് വൺ ക്ലാസുകൾ ആരംഭിക്കുന്നത്. ജൂലൈ 13 മുതൽ സപ്ലിമെൻ്ററി പ്രവേശന നടപടികൾ ആരംഭിക്കും. പ്ലസ് വണ്ണിന് കൂടുതൽ അപേക്ഷകർ ഇത്തവണയും മലപ്പുറം ജില്ലയിൽ തന്നെയാണ് (82,678). കോഴിക്കോട് (46,979), പാലക്കാട് (44,117) ജില്ലകളാണ് അടുത്ത സ്ഥാനങ്ങളിൽ. മറ്റു ജില്ലകളിലെല്ലാം നാൽപതിനായിരത്തിൽ താഴെ അപേക്ഷകരെ ഉള്ളൂ. ഇടുക്കി (11420), വയനാട് (11790), പത്തനംതിട്ട (12081), കാസർകോട് (20431) ജില്ലകളിലാണ് കുറവ് അപേക്ഷകർ.

English Summary:

Appearing for the Kerala Class 10 SAY or Improvement Exam. Here how to utilize the correction window safely once your updated grades are announced.

ദേശീയ മെഡിക്കൽ പ്രവേശന പരീക്ഷയായ നീറ്റ് യുജി (NEET UG) പുനഃപരീക്ഷ ഈ മാസം 21ന് നടക്കും. മെയ് മൂന്നിന് നടന്ന പരീക്ഷയുടെ ചോദ്യപ്പേപ്പർ ചോർന്നുവെന്ന് വ്യക്തമായതോടെയാണ് ഇക്കൊല്ലത്തെ പരീക്ഷ റദ്ദാക്കിയത്. പിന്നാലെ മെഡിക്കൽ പ്രവേശനത്തിനായി വീണ്ടും പരീക്ഷ നടത്താൻ വിജ്ഞാപനം ഇറക്കുകയായിരുന്നു. പുതിയ ഹാൾടിക്കറ്റ് ഉടൻ കുട്ടികൾക്ക് വിതരണം ചെയ്യുമെന്നാണ് പ്രതീക്ഷിക്കുന്നത്. ഒരിക്കൽ പരീക്ഷയെഴുതിയതിനാൽ പുതുതായി രജിസ്ട്രേഷൻ നടത്തേണ്ടതിൻറെയോ ഫീസ് അടയ്ക്കേണ്ടതിൻറെയോ ആവശ്യമില്ലെന്ന് നാഷണൽ ടെസ്റ്റിംഗ് ഏജൻസി നേരത്തെ വ്യക്തമാക്കിയിരുന്നു. ജൂൺ 21 ന് ഉച്ചയ്ക്ക് 2 മുതൽ വൈകുന്നേരം 5.15 വരെയാണ് പരീക്ഷ നടക്കുന്നത്.

നീറ്റ് യുജി പുനഃപരീക്ഷയ്ക്ക് തയ്യാറെടുക്കുന്ന ലക്ഷക്കണക്കിന് വിദ്യാർത്ഥികൾ ഇപ്പോൾ അഡ്മിറ്റ് കാർഡിനായുള്ള കാത്തിരിപ്പിലാണ്. ജൂൺ 21-ലെ പുനഃപരീക്ഷയ്ക്കുള്ള അഡ്മിറ്റ് കാർഡ് ഈ വരുന്ന 14ന് ഉണ്ടാകുമെന്നാണ് കേന്ദ്ര വിദ്യാഭ്യാസ മന്ത്രാലയവും എൻടിഎയും നൽകുന്ന സൂചനകൾ. സാധാരണയായി പരീക്ഷയ്ക്ക് ഒരാഴ്ച്ചയ്ക്ക് മുമ്പാണ് വിദ്യാർത്ഥികൾക്ക് ഹാൾ ടിക്കറ്റ് നൽകുന്നത്. എക്സാം സിറ്റി ഇന്റിമേഷൻ സ്ലിപ്പ് ജൂൺ എഴ് അല്ലെങ്കിൽ എട്ട് തീയതികളിൽ റിലീസ് ചെയ്യുമെന്നാണ് പ്രതീക്ഷിക്കുന്നത്.

ALSO READ: സിബിഎസ്ഇ വിവാദത്തില്‍ കടുത്ത നടപടി; ചെയർമാനെയും സെക്രട്ടറിയെയും തെറിപ്പിച്ചു

ആദ്യ പരീക്ഷയ്ക്കായി മെയ് മാസം നിങ്ങൾക്ക് ലഭിച്ച പഴയ അഡ്മിറ്റ് കാർഡുകൾക്ക് ഇനി സാധുത ഉണ്ടായിരിക്കില്ല. ജൂൺ 21-ന് നടക്കുന്ന പരീക്ഷയ്ക്ക് ഹാളിലേക്ക് പ്രവേശിക്കാൻ എൻടിഎ പുതുതായി പുറത്തിറക്കുന്ന അഡ്മിറ്റ് കാർഡ് തന്നെ കൈവശം കരുതേണ്ടതാണ്. അഡ്മിറ്റ് കാർഡ് റിലീസ് ചെയ്തുകഴിഞ്ഞാൽ എൻടിഎയുടെ ഔദ്യോഗിക പോർട്ടൽ വഴി വളരെ എളുപ്പത്തിൽ ഉദ്യോഗാർത്ഥികൾക്ക് അഡ്മിറ്റ് കാർഡ് ഡൗൺലോഡ് ചെയ്യാവുന്നതാണ്.

അഡ്മിറ്റ് കാർഡ് ഡൗൺലോഡ് ചെയ്യേണ്ടത് എങ്ങനെ?

ആദ്യം നാഷണൽ ടെസ്റ്റിംഗ് ഏജൻസിയുടെ നീറ്റ് യുജി ഒഫീഷ്യൽ വെബ്‌സൈറ്റ് സന്ദർശിക്കുക.

ഹോം പേജിൽ കാണുന്ന 'Candidate Activity' എന്ന സെക്ഷന് താഴെയുള്ള "NEET UG 2026 Re-Exam Admit Card" എന്ന ലിങ്ക് കണ്ടെത്തുക.

തുറന്നുവരുന്ന പുതിയ പേജിൽ നിങ്ങളുടെ അപ്ലിക്കേഷൻ നമ്പർ, ജനനത്തീയതി അല്ലെങ്കിൽ പാസ്‌വേഡ്, സ്ക്രീനിൽ കാണുന്ന സെക്യൂരിറ്റി പിൻ എന്നിവ കൃത്യമായി നൽകി 'Submit' ബട്ടൺ ക്ലിക്ക് ചെയ്യുക.

ഇപ്പോൾ നിങ്ങളുടെ പുതിയ നീറ്റ് അഡ്മിറ്റ് കാർഡ് സ്ക്രീനിൽ തെളിയും.

ഇതിൽ നൽകിയിരിക്കുന്ന വിവരങ്ങൾ കൃത്യമാണെന്ന് ഉറപ്പുവരുത്തിയ ശേഷം അഡ്മിറ്റ് കാർഡി ഡൗൺലോഡ് ചെയ്യുക.

പരീക്ഷാ ദിവസം കൊണ്ടുപോകാനായി ഇതിൻ്റെ പ്രിൻ്റ് ഔട്ടുകൾ എടുത്ത് സൂക്ഷിക്കുക.

കമ്പ്യൂട്ടർ അധിഷ്ഠിതമാക്കുമോ?

അതേസമയം, അടുത്ത വർഷം മുതൽ നീറ്റ് പരീക്ഷ പൂർണ്ണമായും കമ്പ്യൂട്ടർ അധിഷ്ഠിതമാക്കാൻ തീരുമാനിച്ചതായി ദേശീയ പരീക്ഷാ ഏജൻസിയായ എൻടിഎ കോടതിയെ അറിയിച്ചു. വിദഗ്ധ സമിതിയുടെ ശുപാർശപ്രകാരം ആരോഗ്യ മന്ത്രാലയവുമായി ആലോചിച്ച് അടുത്ത പരീക്ഷാ സൈക്കിൾ മുതൽ ഇത് നടപ്പിലാക്കും. ജൂൺ 21-ലെ പുനഃപരീക്ഷ കടുത്ത സുരക്ഷാ മാനദണ്ഡങ്ങളോടെയും വിപുലമായ നിരീക്ഷണ സംവിധാനങ്ങളോടെയും മുൻ നിശ്ചയിച്ച പ്രകാരം തന്നെ നടക്കുമെന്നും എൻടിഎ കോടതിയിൽ വ്യക്തമാക്കി.

English Summary:

The National Testing Agency (NTA) is slated to release the admit cards for the National Eligibility-cum-Entrance Test for undergraduate (NEET UG) re-test 2026 on June 14. The exam is slated to be conducted on June 21 between 2 pm to 5.15 pm.

UPSC CDS 2: കമ്പൈന്‍ഡ് ഡിഫന്‍സ് സര്‍വീസസ് (സിഡിഎസ്) പരീക്ഷയ്ക്ക് യൂണിയന്‍ പബ്ലിക് സര്‍വീസ് കമ്മീഷന്‍ (യുപിഎസ്‌സി) അപേക്ഷ ക്ഷണിച്ചു. ജൂണ്‍ ഒമ്പത് വരെ അപേക്ഷിക്കാം. സെപ്തംബര്‍ 13-നാണ് പരീക്ഷ. upsc.gov.in എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. വിശദമായ നിർദ്ദേശങ്ങൾ പോർട്ടലിന്റെ ഹോം പേജില്‍ ലഭ്യമാണ്. ഉദ്യോഗാർത്ഥികൾ ആദ്യം ഈ നിർദ്ദേശങ്ങൾ ശ്രദ്ധാപൂർവ്വം വായിക്കണം. ഇതിനുശേഷം അപേക്ഷിക്കാം. ഉദ്യോഗാർത്ഥികൾക്ക് പരീക്ഷാ തീയതിയുടെ തൊട്ടുമുമ്പുള്ള ആഴ്ചയിലെ അവസാന പ്രവൃത്തി ദിവസം ഇ-അഡ്മിറ്റ് കാർഡ് നൽകും. ഇ-അഡ്മിറ്റ് കാർഡ് ഡൗൺലോഡ് ചെയ്യുന്നതിനായി കമ്മീഷന്റെ വെബ്‌സൈറ്റിൽ ലഭ്യമാക്കും. അഡ്മിറ്റ് കാർഡ് തപാൽ വഴിയോ ഇ-മെയിൽ വഴിയോ അയയ്ക്കില്ല.

അപേക്ഷയുമായി ബന്ധപ്പെട്ട വ്യക്തത, മാർഗ്ഗനിർദ്ദേശം അല്ലെങ്കിൽ സഹായം ആവശ്യമുള്ള ഉദ്യോഗാർത്ഥികൾക്ക് 011-24041001/011-40303444 എന്ന ഹെൽപ്പ്‌ലൈൻ നമ്പറിലോ upscsoap@nic.in എന്ന ഇമെയിൽ ഐഡിയിലോ ബന്ധപ്പെടാം. ജൂണ്‍ ഒമ്പത് വരെ എല്ലാ പ്രവൃത്തി ദിവസങ്ങളിലും രാവിലെ 10:00 മുതൽ വൈകുന്നേരം 5:30 വരെ ഹെൽപ്പ്‌ലൈൻ പ്രവർത്തിക്കും.

ഡെറാഡൂണിലെ ഇന്ത്യന്‍ മിലിട്ടറി അക്കാദമി (100 ഒഴിവുകള്‍), ഏഴിമല ഇന്ത്യന്‍ നേവല്‍ അക്കാദമി (26 ഒഴിവുകള്‍), ഹൈദരാബാദിലെ എയര്‍ ഫോഴ്‌സ് അക്കാദമി (32 ഒഴിവുകള്‍), ചെന്നൈയിലെ ഓഫീസേഴ്‌സ് ട്രെയിനിങ് അക്കാദമി (പുരുഷന്മാര്‍ക്ക് 275 ഒഴിവുകള്‍, സ്ത്രീകള്‍ക്ക് 18 ഒഴിവുകള്‍) എന്നിവിടങ്ങളിലെ കോഴ്‌സുകളിലാണ് അവസരം. ആകെ 451 ഒഴിവുകളുണ്ട്.

Also Read: SSC CGL 2026: കിടിലന്‍ കേന്ദ്ര സര്‍ക്കാര്‍ ജോലികള്‍; ഒന്നര ലക്ഷം വരെ ശമ്പളം; സിജിഎല്ലിന് അപേക്ഷിക്കാം

കേരളത്തില്‍ കൊച്ചിയിലും, കോഴിക്കോടും, തിരുവനന്തപുരത്തും, പരീക്ഷാ കേന്ദ്രങ്ങളുണ്ട്. ഓരോ കോഴ്‌സുകളുടെയും വിശദാംശങ്ങള്‍, പ്രായപരിധി, ശമ്പളം ഉള്‍പ്പെടെയുള്ള മറ്റ് വിവരങ്ങള്‍ എന്നിവ നോട്ടിഫിക്കേഷനില്‍ നല്‍കിയിട്ടുണ്ട്. അത് വിശദമായി വായിക്കുക.

എങ്ങനെ അപേക്ഷിക്കാം?

യുപിഎസ്‌സിയുടെ ഔദ്യോഗിക വെബ്‌സൈറ്റില്‍ പ്രവേശിക്കുക. ആവശ്യമുള്ള നിർദ്ദേശങ്ങൾ ഹോം പേജിലെ മെനു ബാറിൽ ലഭ്യമാണ്. ഓൺലൈൻ ആപ്ലിക്കേഷൻ പോർട്ടലിൽ രജിസ്റ്റർ ചെയ്തുകഴിഞ്ഞാൽ, കമ്മീഷന്റെ എല്ലാ പരീക്ഷകൾക്കും പൊതുവായുള്ള ഒരു യൂണിവേഴ്സൽ രജിസ്ട്രേഷൻ നമ്പർ സൃഷ്ടിക്കപ്പെടും. ഈ നമ്പര്‍ യുപിഎസ്‌സിയുടെ എല്ലാ പരീക്ഷകള്‍ക്കും ആവശ്യമാണ്.

നാഷണൽ ഡിഫൻസ് അക്കാദമി, ഇന്ത്യൻ മിലിട്ടറി അക്കാദമി, എയർഫോഴ്സ് അക്കാദമി, ഇന്ത്യൻ നേവൽ അക്കാദമി, ഓഫീസേഴ്സ് ട്രെയിനിംഗ് അക്കാദമി എന്നിവിടങ്ങളിൽ നേരത്തെ പ്രവേശനം ലഭിക്കുകയും, എന്നാല്‍ അച്ചടക്ക നടപടികളുടെ പേരിൽ അവിടെ നിന്ന് പുറത്താക്കപ്പെടുകയും ചെയ്തവരെ ഇന്ത്യൻ മിലിട്ടറി അക്കാദമി, ഇന്ത്യൻ നേവൽ അക്കാദമി, എയർഫോഴ്സ് അക്കാദമി എന്നിവിടങ്ങളിലേക്കോ കരസേനയിൽ ഷോർട്ട് സർവീസ് കമ്മീഷനിലേക്കോ പരിഗണിക്കില്ല.

പരീക്ഷയുടെ രീതി, സിലബസ് അടക്കമുള്ള വിശദാംശങ്ങളും നോട്ടിഫിക്കേഷനിലുണ്ട്. ഒഎംആര്‍ ഷീറ്റിൽ (ഉത്തരക്കടലാസ്) ഉത്തരങ്ങൾ എഴുതുന്നതിനും അടയാളപ്പെടുത്തുന്നതിനും, ഉദ്യോഗാർത്ഥികൾ കറുത്ത ബോൾ പേന മാത്രമേ ഉപയോഗിക്കാവൂ. മറ്റേതെങ്കിലും നിറത്തിലുള്ള പേന അനുവദനീയമല്ല. പെൻസിലോ ഇങ്ക് പേനയോ ഉപയോഗിക്കരുത്. ഒഎംആര്‍ ഉത്തരക്കടലാസിൽ എൻകോഡ് ചെയ്യുന്നതിലും വിശദാംശങ്ങൾ പൂരിപ്പിക്കുന്നതിലും (പ്രത്യേകിച്ച് റോൾ നമ്പർ, ടെസ്റ്റ് ബുക്ക്‌ലെറ്റ് സീരീസ് കോഡ് എന്നിവയുമായി ബന്ധപ്പെട്ട്) എന്തെങ്കിലും തെറ്റുകളുണ്ടായാല്‍ ഉത്തരക്കടലാസ് നിരസിക്കപ്പെടാൻ സാധ്യതയുണ്ട്.

English Summary

The UPSC has invited online applications for the Combined Defence Services (CDS) Exam until June 9. A total of 451 vacancies are available across various premium military, naval, and air force academies. The written examination is scheduled to be conducted on September 13 at multiple centers, including Kerala. Candidates must carefully read the official guidelines on upsc.gov.in and complete their universal registration before applying.

ന്യൂഡല്‍ഹി: സിബിഎസ്ഇ പന്ത്രണ്ടാം ക്ലാസ് പരീക്ഷാ ഫലവുമായി ബന്ധപ്പെട്ട് രാജ്യവ്യാപകമായി ഉയർന്നുവന്ന ഓൺ സ്ക്രീൻ മാർക്കിംഗ് വിവാദത്തിന് പിന്നാലെ കേന്ദ്രത്തിന്റെ നടപടി. സിബിഎസ്ഇ ചെയർമാൻ, സെക്രട്ടറി എന്നിവരെ അടിയന്തരമായി സ്ഥാനങ്ങളിൽ നിന്ന് നീക്കി. ചെയർമാൻ രാഹുൽ സിങ്ങിനെയും സെക്രട്ടറി ഹിമാൻഷു ഗുപ്തയെയുമാണ് നീക്കിയത്. ഡിജിറ്റൽ മൂല്യനിർണ്ണയ സംവിധാനത്തിൽ സംഭവിച്ച ഗുരുതരമായ ക്രമക്കേടുകളെയും അപാകതകളെയും കുറിച്ച് സമഗ്രമായ അന്വേഷണം നടത്താൻ മന്ത്രാലയം ഉയർന്നതലത്തിലുള്ള പ്രത്യേക സമിതിയെ നിയോഗിച്ചു.

അന്വേഷണത്തിന് മുന്‍ ഐഎഎസ് ഉദ്യോഗസ്ഥ എസ്. രാധാ ചൗഹാനെയാണ് സര്‍ക്കാര്‍ നിയോഗിച്ചത്. സിവിൽ സർവീസുകളുടെ സ്റ്റാൻഡേർഡൈസേഷനും സമന്വയവും നടപ്പിലാക്കാൻ ചുമതലപ്പെടുത്തിയിരിക്കുന്ന ഒരു സ്ഥാപനമായ കപ്പാസിറ്റി ബിൽഡിംഗ് കമ്മീഷന്റെ (സിബിസി) ചെയർപേഴ്‌സണാണ് നിലവിൽ രാധാ ചൗഹാൻ. ഒരു മാസത്തിനുള്ളില്‍ അന്വേഷണ റിപ്പോര്‍ട്ട് സമര്‍പ്പിക്കും.

ഉത്തരക്കടലാസുകൾ മാറിപ്പോകൽ, മൂല്യനിർണ്ണയത്തിലെ പിഴവുകൾ, തെറ്റായ പരിശോധന, ഗ്രേഡുകൾ തെറ്റായി രേഖപ്പെടുത്തൽ എന്നിവയുൾപ്പെടെയുള്ള ഗുരുതര ഗുരുതര ക്രമക്കേടുകള്‍ സംഭവിച്ചെന്നാണ് ആരോപണം. ഉത്തരക്കടലാസുകളുടെ സ്കാൻ ചെയ്ത പകർപ്പുകൾക്കായി അപേക്ഷിച്ച ചില വിദ്യാര്‍ത്ഥികള്‍ക്ക് മറ്റ് പകര്‍പ്പുകളാണ് കിട്ടിയതെന്നും ആരോപണമുണ്ടായിരുന്നു.

Also Read: CBSE System Glitch: സിബിഎസ്‌ഇ പുനർമൂല്യനിർണയം; പോർട്ടലിൻ്റെ തകരാർ പരിഹരിച്ചു, എന്ന് വരെ അപേക്ഷിക്കാം

മൂല്യനിർണ്ണയ പ്രക്രിയയ്ക്കിടയിൽ ഇത്തരത്തിൽ ഉത്തരക്കടലാസുകൾ മാറിപ്പോയ ഇരുപതോളം കേസുകൾ തിരിച്ചറിഞ്ഞിട്ടുണ്ടെന്ന് സി.ബി.എസ്.ഇ അധികൃതർ സമ്മതിച്ചിട്ടുണ്ട്. വെബ്‌സൈറ്റിലെ സുരക്ഷാ വീഴ്ചകളും പോരായ്മകളും ഉൾപ്പെടെയുള്ള സാങ്കേതിക പ്രശ്നങ്ങൾ വിദ്യാർത്ഥികളും സൈബർ സുരക്ഷാ വിദഗ്ധരും ചൂണ്ടിക്കാണിക്കുകയും ചെയ്തിരുന്നു.

ഇതിനുപുറമേ, ഈ മൂല്യനിർണ്ണയ പോർട്ടലിൽ പേയ്‌മെന്റ് ശരിയാകുന്നില്ലെന്നും, അപ്‌ലോഡ് ചെയ്ത പേജുകൾ മങ്ങിയതോ അല്ലെങ്കിൽ ചില പേജുകൾ പൂർണ്ണമായി കാണാതാവുകയോ ചെയ്യുന്നതായും ആരോപണമുയര്‍ന്നു. ഈ വിഷയം പാർലമെന്റിൽ ഉന്നയിക്കപ്പെട്ടതിനെത്തുടർന്നാണ് ഇന്ന് ഈ കർശന നടപടി ഉണ്ടായിരിക്കുന്നത്.

സൈബര്‍ ആക്രമണം

വിവാദങ്ങള്‍ക്ക് പിന്നാലെ സിബിഎസ്ഇയുടെ റീ വാല്യുവേഷന്‍ പോര്‍ട്ടലിന് നേരെ സൈബര്‍ ആക്രമണമുണ്ടായിരുന്നു. ശക്തമായ സൈബര്‍ ആക്രമണമാണ് ഹാക്കര്‍മാര്‍ നടത്തിയത്. എന്നാല്‍ നിലവില്‍ വെബ്‌സൈറ്റിന്റെ പ്രവര്‍ത്തനങ്ങള്‍ പുനഃസ്ഥാപിച്ചിട്ടുണ്ട്. നിരവധി വിദ്യാര്‍ത്ഥികള്‍ റീ വാല്യുവേഷനായുള്ള അപേക്ഷകള്‍ സമര്‍പ്പിച്ചതായും സിബിഎസ്ഇ വ്യക്തമാക്കി.

സിബിഎസ്ഇയുടെ കുറിപ്പ്‌

Update from our Cybersecurity Teams:

The CBSE revaluation portal is currently supporting over 8,000 concurrent users. As of 3:00 PM today, more than 16,000 students have successfully completed their submissions.

While thousands of students accessed the CBSE re-evaluation portal…

— CBSE HQ (@cbseindia29) June 2, 2026

"സിബിഎസ്ഇ റീവാല്യൂവേഷൻ പോർട്ടൽ നിലവിൽ 8,000-ത്തിലധികം കൺകറന്റ് ഉപയോക്താക്കളെ പിന്തുണയ്ക്കുന്നുണ്ട്. ഇന്ന് വൈകുന്നേരം 3:00 മണി വരെ, 16,000-ത്തിലധികം വിദ്യാർത്ഥികൾ തങ്ങളുടെ അപേക്ഷകൾ വിജയകരമായി പൂർത്തിയാക്കിയിട്ടുണ്ട്.

ഇന്ന് ആയിരക്കണക്കിന് വിദ്യാർത്ഥികൾ സിബിഎസ്ഇ റീ-ഇവാല്യൂവേഷൻ പോർട്ടൽ സന്ദർശിച്ചപ്പോൾ, സൈബർ ആക്രമണങ്ങളുടെ ഒരു പരമ്പരയിലൂടെ സേവനങ്ങൾ തടസ്സപ്പെടുത്താൻ ദുഷ്ടശക്തികൾ ശ്രമിച്ചു. പോർട്ടലിൽ 1.5 ദശലക്ഷം ഹിറ്റുകളും അനധികൃത ഫയൽ ആക്‌സസ് ചെയ്യാനുള്ള ഒരു ലക്ഷത്തിലധികം ശ്രമങ്ങളുമുണ്ടായി.

വിദ്യാർത്ഥികളുടെ പ്രതികരണങ്ങളുടെ അടിസ്ഥാനത്തിൽ, ഈ പ്രക്രിയ കൂടുതൽ സൗകര്യപ്രദവും തടസ്സമില്ലാത്തതുമാക്കുന്നതിനായി സെഷൻ സമയപരിധി നീട്ടുന്നത് ഉൾപ്പെടെ, ഞങ്ങൾ പ്ലാറ്റ്‌ഫോം കൂടുതൽ പരിഷ്കരിച്ചിട്ടുണ്ട്. ഞങ്ങളുടെ പ്രിയപ്പെട്ട വിദ്യാർത്ഥികൾക്ക് സാധ്യമായ എല്ലാ രീതിയിലും സൗകര്യങ്ങൾ ഉറപ്പാക്കുന്നതിനായി ഞങ്ങളുടെ ടീമുകൾ അതീവ ജാഗ്രതയോടും സജീവമായും നിലകൊള്ളുന്നു"-സിബിഎസ്ഇ എക്‌സില്‍ കുറിച്ചു.

English Summary

CBSE Chairman Rahul Singh and Secretary Himanshu Gupta have been removed following massive row over the On-Screen Marking system. The government has formed a high-level panel led by former IAS officer S. Radha Chauhan to probe the digital evaluation irregularities. Major technical glitches included widespread answer-sheet mismatches, faulty grade allocations, and severely blurred or missing scanned pages. Following discussions in Parliament, CBSE restored the website after a severe cyberattack, allowing students to continue submitting re-evaluation requests.

Plus One Admission: പ്ലസ് വണ്‍ പ്രവേശനത്തിന് അപേക്ഷിക്കാനുള്ള സമയപരിധി നാളെ (ജൂണ്‍ മൂന്ന്) അവസാനിക്കും. മെയ് 25 മുതലാണ് അപേക്ഷകള്‍ സ്വീകരിച്ച് തുടങ്ങിയത്. ജൂണ്‍ എട്ടിനാണ് ട്രയല്‍ അലോട്ട്‌മെന്റ്. ജൂണ്‍ 15-ന് ആദ്യ അലോട്ട്‌മെന്റ് പുറത്തുവിടും. ജൂലൈ ഒന്നിന് മുഖ്യ അലോട്ട്‌മെന്റ് അവസാനിക്കും. ജൂലൈ രണ്ടിന് ക്ലാസുകള്‍ ആരംഭിക്കും. ജൂലൈ 13 മുതല്‍ ഓഗസ്ത് അഞ്ച് വരെയാണ് സപ്ലിമെന്ററി ഘട്ടം. ഓഗസ്ത് എട്ടിന് അഡ്മിഷന്‍ അവസാനിപ്പിക്കും.

hscap.kerala.gov.in എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. പ്രോസ്‌പെക്ടസിലെ നിര്‍ദ്ദേശങ്ങള്‍ വിശദമായി വായിച്ചതിന് ശേഷം മാത്രം ഓണ്‍ലൈനായി അപേക്ഷിക്കുക. തുടര്‍ന്ന് ഔദ്യോഗിക വെബ്‌സൈറ്റില്‍ പ്രവേശിച്ച് 'കാന്‍ഡിഡേറ്റ് ലോഗിന്‍' സൃഷ്ടിക്കണം. അപേക്ഷ സമര്‍പ്പിക്കുമ്പോള്‍ ലഭിക്കുന്ന അപേക്ഷാ നമ്പര്‍ കൃത്യമായി എഴുതി സൂക്ഷിക്കണം.

'കാന്‍ഡിഡേറ്റ് ലോഗിന്‍'

കാന്‍ഡിഡേറ്റ് ലോഗിന്‍ സൃഷ്ടിക്കാന്‍ ആദ്യം ഔദ്യോഗിക വെബ്‌സൈറ്റില്‍ പ്രവേശിക്കണം. തുടര്‍ന്ന് ജില്ല തിരഞ്ഞെടുക്കണം. പിന്നീട് ലഭിക്കുന്ന പേജില്‍ എസ്എസ്എല്‍സി സ്‌കീം, രജിസ്റ്റര്‍ നമ്പര്‍, പേര്, ജനനത്തീയതി, മൊബൈല്‍ നമ്പര്‍ തുടങ്ങിയ വിശദാംശങ്ങള്‍ നല്‍കണം.

പ്രധാന തീയതികള്‍

• ഓണ്‍ലൈന്‍ അപേക്ഷാസമര്‍പ്പണം തുടങ്ങിയത്: മെയ് 25
• ഓണ്‍ലൈന്‍ അപേക്ഷാസമര്‍പ്പണം അവസാനിക്കുന്നത്: ജൂണ്‍ മൂന്ന്
• ട്രയല്‍ അലോട്ട്‌മെന്റ്: ജൂണ്‍ എട്ട്
• ആദ്യ അലോട്ട്‌മെന്റ്: ജൂണ്‍ 15
• മുഖ്യ അലോട്ട്‌മെന്റ് അവസാനിക്കുന്നത്: ജൂലൈ ഒന്ന്
• ക്ലാസുകള്‍ തുടങ്ങുന്നത്: ജൂലൈ രണ്ട്‌

രജിസ്‌ട്രേഷന്‍ പേജില്‍ കൊടുക്കുന്ന മൊബൈല്‍ നമ്പറിലാണ് ഒടിപി വരുന്നത്. തുടര്‍ന്ന് അപേക്ഷാ നമ്പറും ലഭിക്കും. ഒടിപി എന്റര്‍ ചെയ്തു കഴിയുമ്പോള്‍ ലഭിക്കുന്ന പേജു വഴി പാസ്‌വേര്‍ഡ് സൃഷ്ടിക്കാം. പുതിയ പാസ്‌വേര്‍ഡ് നല്‍കി അപ്‌ഡേറ്റ് ബട്ടണ്‍ ക്ലിക്ക് ചെയ്തു കഴിയുമ്പോള്‍ കാന്‍ഡിഡേറ്റ് ലോഗിന്‍ വിജയകരമായി സൃഷ്ടിക്കപ്പെടും.

Also Read: Kerala Plus One Admission 2026: പ്ലസ് വൺ പ്രവേശനം; ട്രയൽ അലോട്ട്മെൻ്റ് മൊബൈലിൽ എങ്ങനെ പരിശോധിക്കാം?

ലോഗിന്‍ ചെയ്യുമ്പോള്‍

അപേക്ഷാ നമ്പറും, പാസ്‌വേര്‍ഡും, ജില്ലയും നല്‍കിയാല്‍ കാന്‍ഡിഡേറ്റ് ലോഗിന്‍ നിര്‍വഹിക്കാം. ലോഗിന്‍ ബട്ടണില്‍ ക്ലിക്ക് ചെയ്തുകഴിയുമ്പോള്‍ 'അപ്ലെ ഓണ്‍ലൈന്‍' എന്ന ലിങ്കില്‍ ക്ലിക്ക് ചെയ്യണം. ഓണ്‍ലൈന്‍ അപേക്ഷയില്‍ ആദ്യം വിദ്യാര്‍ത്ഥി പത്താംതരം പഠിച്ച സ്‌കൂളിന്റെ വിവരങ്ങള്‍ നല്‍കണം. അടുത്തതായി യോഗ്യതാ പരീക്ഷയുടെ വിവരങ്ങള്‍ നല്‍കണം. തുടര്‍ന്ന് ആവശ്യപ്പെട്ട വിവരങ്ങളെല്ലാം നല്‍കണം.

വിവരങ്ങളെല്ലാം ഉള്‍പ്പെടുത്തി സബ്മിറ്റ് ചെയ്യുമ്പോള്‍ അപേക്ഷയിലെ വിവരങ്ങള്‍ കാണാനും, ആവശ്യമെങ്കില്‍ തിരുത്താനും സാധിക്കും. വിവരങ്ങള്‍ ഒരിക്കല്‍ കൂടി പൂര്‍ണമായി പരിശോധിച്ചതിന് ശേഷം മാത്രം അപേക്ഷാ സമര്‍പ്പണം പൂര്‍ത്തിയാക്കുക.

ട്രയല്‍ അലോട്ട്‌മെന്റ് കഴിഞ്ഞ് വിദ്യാര്‍ത്ഥികള്‍ക്ക് തന്നെ കാന്‍ഡിഡേറ്റ് ലോഗിന്‍ വഴി അപേക്ഷയില്‍ ഓപ്ഷനുകള്‍ ഉള്‍പ്പെടെ പുനഃക്രമീകരിക്കാനാകും. അപേക്ഷ സമര്‍പ്പിക്കുമ്പോഴും, അലോട്ട്‌മെന്റുമായി ബന്ധപ്പെട്ടും സംശയങ്ങളോ പരാതികളോ ഉണ്ടെങ്കില്‍ സമീപത്തെ സര്‍ക്കാര്‍/എയ്ഡഡ് ഹയര്‍സെക്കന്‍ഡറി സ്‌കൂളിലെ പ്രിന്‍സിപ്പലിന്റെ നേതൃത്വത്തിലുള്ള സ്‌കൂള്‍ തല ഹെല്‍പ് ഡെസ്‌കിനെ സമീപിക്കാം.

ഓണ്‍ലൈന്‍ അപേക്ഷാ സമര്‍പ്പണവുമായി ബന്ധപ്പെട്ട എല്ലാ വിശദവിവരങ്ങളും പ്രോസ്‌പെക്ടസില്‍ ലഭ്യമാണ്. https://hscap.kerala.gov.in/upfile/prospectus2026/prospectusmain.pdf എന്ന ലിങ്കില്‍ ക്ലിക്ക് ചെയ്താല്‍ പ്രോസ്‌പെക്ടസ് ലഭ്യമാകും. പ്രോസ്‌പെക്ടസ് പൂര്‍ണമായും വായിക്കുക. അതിനു ശേഷം അപേക്ഷിക്കുക.

English Summary

The deadline to apply online for Kerala Plus One admission via hscap.kerala.gov.in ends tomorrow, June 3. To apply, students must create a 'Candidate Login' using their SSLC details and a mobile number. The trial allotment will be released on June 8, followed by the first allotment on June 15. Regular classes will commence on July 2, and the entire admission process will wrap up by August 8.

കേരളത്തിൽ പ്ലസ് വൺ ഹയർസെക്കൻഡറി പ്രവേശനത്തിനുള്ള അപേക്ഷകൾ കഴിഞ്ഞ മെയ് 25 മുതൽ സ്വീകരിച്ച് തുടങ്ങിയിരുന്നു. വരുന്ന ജൂൺ എട്ടിനാണ് ട്രയൽ അലോട്ട്മെൻ്റ് പ്രസിദ്ധീകരിക്കുന്നത്. നമ്മൾ നൽകിയ ഓപ്ഷനുകൾ പ്രകാരം ഏത് സ്കൂളിലും കോഴ്സിലുമാണ് സീറ്റ് ലഭിക്കാൻ സാധ്യത എന്ന് മുൻകൂട്ടി അറിയുന്നതിനായാണ് ആദ്യ പ്രക്രിയ എന്നോണം ട്രയൽ അലോട്ട്മെന്റ് പ്രസിദ്ധീകരിക്കുന്നത്. ട്രയൽ അലോട്ട്മെൻ്റ് പുറത്തുവിട്ടാൽ ഉടൻ തന്നെ നിങ്ങൾക്ക് പൊതുവിദ്യാഭ്യാസ വകുപ്പിന്റെ വെബ്സൈറ്റിലൂടെ ഇത് പരിശോധിക്കാവുന്നതാണ്. എന്നാൽ മൊബൈൽ ഫോണിലൂടെ ഫലം എങ്ങനെ പരിശോധിക്കാമെന്ന് നമുക്ക് നോക്കാം.

ALSO READ: സിബിഎസ്‌ഇ പുനർമൂല്യനിർണയം; പോർട്ടലിൻ്റെ തകരാർ പരിഹരിച്ചു, എന്ന് വരെ അപേക്ഷിക്കാം

പ്ലസ് വൺ ട്രയൽ അലോട്ട്മെൻ്റ്

കമ്പ്യൂട്ടർ സെന്ററുകളിലോ അക്ഷയ കേന്ദ്രങ്ങളിലോ പോകാതെ തന്നെ വിദ്യാർത്ഥികൾക്ക് സ്വന്തം ഫോണിലൂടെ ട്രയൽ അലോട്ട്മെൻ്റ് ഫലം പരിശോധിക്കാവുന്നതാണ്. അതിനായി ആദ്യം തന്നെ പൊതു വിദ്യാഭ്യാസ വകുപ്പിന്റെ ഹയർസെക്കണ്ടറി അഡ്‍മിഷൻ വെബ്സൈറ്റ് അറിഞ്ഞിരിക്കണം.

• നിങ്ങളുടെ മൊബൈലിലെ ഏതെങ്കിലും ബ്രൗസർ തുറന്ന് കേരള ഹയർസെക്കൻഡറി അഡ്മിഷൻ പോർട്ടലായ www.hscap.kerala.gov.in എന്ന വെബ്‌സൈറ്റിലേക്ക് പ്രവേശിക്കുക.
• ഹോം പേജിൽ കാണുന്ന 'Candidate Login' എന്ന ലിങ്കിൽ ക്ലിക്ക് ചെയ്യുക.
• തുടർന്ന് നിങ്ങളുടെ യൂസർ ഐഡി, പാസ്‌വേഡ് എന്നിവ നൽകി ലോഗിൻ ക്ലിക്ക് ചെയ്യുക.
• ലോഗിൻ ചെയ്ത ശേഷം നിങ്ങളുടെ പ്രൊഫൈൽ പേജ് തുറന്നുവരും. അവിടെ കാണുന്ന 'Trial Results' എന്ന ഓപ്ഷനിൽ ക്ലിക്ക് ചെയ്യുക.
• ഇപ്പോൾ നിങ്ങൾക്ക് താല്ക്കാലികമായി അലോട്ട്മെന്റ് ലഭിച്ച സ്കൂളിന്റെ പേരും, കോഴ്സും, ഏത് കാറ്റഗറിയിലാണ് സീറ്റ് ലഭിച്ചതെന്നും കാണാനാകും.
• ഭാവി ആവശ്യങ്ങൾക്കായി ഇതിൻ്റെ ഒരു സ്ക്രീൻഷോട്ട് എടുത്തു സൂക്ഷിക്കുന്നത് നല്ലതാണ്.

ട്രയൽ അലോട്ട്മെൻ്റ് ലഭിച്ച ശേഷം

ട്രയൽ അലോട്ട്മെൻ്റ്  വഴി ലഭിക്കുന്നത് താല്ക്കാലിക സീറ്റ് മാത്രമാണ്. ഇതിലൂടെ നിങ്ങൾക്ക് നേരിട്ട് സ്കൂളിൽ പോയി അഡ്മിഷൻ എടുക്കാൻ സാധിക്കില്ല. ആദ്യത്തെ കൺഫേംഡ് അലോട്ട്മെൻ്റ് ആയ 'ഫസ്റ്റ് അലോട്ട്മെൻ്റ്' വരുന്നതിന് മുന്നോടിയായുള്ള ഒരു ട്രയൽ മാത്രമാണിത്. എന്നാൽ നിങ്ങൾ നൽകിയ അപേക്ഷയിൽ എന്തെങ്കിലും തിരുത്തലുകൾ വരുത്താൻ ട്രയൽ അലോട്ട്മെൻ്റ് സഹായിക്കും. നിങ്ങൾക്ക് ലഭിച്ച സ്കൂളും കോഴിസിലും തൃപ്തരല്ലെങ്കിൽ അവ ഫസ്റ്റ് അലോട്ട്മെൻ്റിന് മുമ്പായി തിരുത്തലുകൾ വരുത്തി വീണ്ടും നൽകാവുന്നതാണ്. എന്നാൽ ഫസ്റ്റ് അലോട്ട്മെൻ്റ് വന്ന ശേഷം ഉടൻ തന്നെ അഡ്മിഷൻ ലഭിച്ച സ്കൂളിൽ താൽക്കാലികമായി ചേരേണ്ടതാണ്. അല്ലാത്തപക്ഷം പിന്നീട് വരുന്ന അലോട്ട്മെൻ്റുകളിൽ നിങ്ങളെ പരി​ഗണിക്കുന്നതല്ല.

നിങ്ങളുടെ പേര്, ജനനത്തീയതി, മാർക്കുകൾ, കാറ്റഗറി എന്നിവയിൽ എന്തെങ്കിലും പിഴവുകൾ വന്നിട്ടുണ്ടെങ്കിൽ മാത്രമെ ട്രയൽ അലോട്ട്മെൻ്റിൽ തിരുത്തലുകൾ സാധ്യമാകുകയുള്ളൂ. ട്രയൽ അലോട്ട്മെൻ്റ് പ്രസിദ്ധീകരിച്ച് കഴിഞ്ഞാൽ തിരുത്തലുകൾ വരുത്താൻ നിശ്ചിത ദിവസങ്ങൾ മാത്രമേ സമയം അനുവദിക്കൂ. ഈ സമയത്തിനുള്ളിൽ വരുത്തുന്ന മാറ്റങ്ങൾ പരിഗണിച്ചായിരിക്കും ആദ്യ അലോട്ട്മെൻ്റ് ഫലം പുറത്തുവിടുക. ഇക്കൊല്ലത്തെ ട്രയൽ അലോട്ട്മെൻ്റ് ഫലം ജൂൺ 16നാണ് പ്രസിദ്ധീകരിക്കു. മൂന്നാം അലോട്ട്മെൻ്റ് ജൂൺ 29നും പുറത്തുവിടും. ജൂലൈ രണ്ടിന് പ്ലസ് വൺ ക്ലാസുകൾ ആരംഭിക്കാനാണ് നിലവിൽ നിശ്ചയിച്ചിരിക്കുന്നത്. പ്രവേശന നടപടികൾ ഓ​ഗസ്റ്റ് അഞ്ചോട് കൂടി അവസാനിക്കുന്നതാണ്.

English Summary:

Kerala Plus One Admission 2026, trial allotment will be published on June 8th Monday. Here is how to check trial allotment result via mobile phone. Step by step guide and direct link.

ന്യൂഡൽഹി: സിബിഎസ്‌ഇ പോർട്ടലിൻ്റെ സാങ്കേതിക തകരാർ പരിഹരിച്ചതായി അധികൃതർ. ഇതേതുടർന്ന് പുനർമൂല്യനിർണയത്തിന് അപേക്ഷ നൽകാനുള്ള പോർട്ടൽ വീണ്ടും പ്രവർത്തിച്ചു തുടങ്ങി. എന്നാൽ ഇന്നലെ രാവിലെ മുതൽ അർധരാത്രി വരെ വെബ്‌സൈറ്റുകൾ പൂർണമായും തടസ്സപ്പെട്ടിരുന്നു. പ്രശ്നങ്ങൾ പരിഹരിച്ചതോടെ ഇന്ന് മുതൽ ഈ മാസം ആറ് വരെ വിദ്യാർത്ഥികൾക്ക് പുനർമൂല്യനിർണയത്തിനായി അപേക്ഷ നൽകാവുന്നതാണ്. cbse.gov.in എന്ന പോർട്ടലിലൂടെയാണ് അപേക്ഷ നൽകേണ്ടത്. 12-ാം ക്ലാസ് ഫലപ്രഖ്യാപനത്തിൽ പിഴവ് സംഭവിച്ചതായി സിബിഎസ്‌ഇ കഴിഞ്ഞദിവസം സമ്മതിച്ചിരുന്നു.

ഉത്തരക്കടലാസുകൾ ഡിജിറ്റൽ രൂപത്തിലാക്കി മൂല്യനിർണയം നടത്തിയ ഓൺസ്‌ക്രീൻ മാർക്കിങ് (ഒഎസ്എം) രീതിയിൽ പാളിച്ച ഉണ്ടായെന്നായിരുന്നതായാണ് വിശദീകരണം. വീഴ്ച്ചയിൽ കേന്ദ്രവിദ്യാഭ്യാസ മന്ത്രാലയം ആഭ്യന്തര അന്വേഷണം ആരംഭിച്ചു. സിബിഎസ്ഇ പന്ത്രണ്ടാം ക്ലാസ് മൂല്യനിർണയത്തിൽ ഗുരുതര വീഴ്ചയെന്നായിരുന്നു കണ്ടെത്തൽ. ഓൺ സ്ക്രീൻ മാർക്കിങ് ട്രയൽ റണ്ണിൽ തന്നെ പിഴവുകൾ കണ്ടെത്തിയിരുന്നു. മുന്നറിയിപ്പ് അവഗണിച്ചാണ് പ്രധാന പരീക്ഷകളിൽ സിബിഎസ്‌ഇ ഒഎസ്എം രീതി ഉപയോഗിച്ചത്. ഉത്തരക്കടലാസുകൾ സ്കാൻ ചെയ്യാൻ കരാർ നൽകിയതിൽ ക്രമക്കേടുണ്ടെന്ന് കോൺഗ്രസ് അടക്കം ആരോപിച്ചിരുന്നു.

ALSO READ: പ്ലസ് വൺ പ്രവേശനം: സേ പരീക്ഷയെഴുതുന്ന കുട്ടികൾ എപ്പോൾ അപേക്ഷിക്കണം?

വെരിഫിക്കേഷൻ, പുനർമൂല്യനിർണ്ണയ പ്രക്രിയകൾക്കുള്ള ഫീസ് ബോർഡ് 100 രൂപയായി കുറയ്ക്കുകയും ചെയ്തിരുന്നു. വെരിഫിക്കേഷൻ ഫീസ് 500 രൂപയിൽ നിന്ന് 100 രൂപയായി കുറച്ചു. ഓരോ ചോദ്യത്തിനും പുനഃപരിശോധന നടത്തുന്നതിനുള്ള ഫീസ് 25 രൂപയാണ്. പുനർമൂല്യനിർണ്ണയത്തിന് ശേഷം മാർക്ക് കൂട്ടികിട്ടുന്ന വിദ്യാർത്ഥികൾക്ക് പുനർമൂല്യനിർണ്ണയത്തിനായി നൽകിയ ഫീസിന്റെ മുഴുവൻ തുകയും തിരികെ ലഭിക്കുമെന്ന് ബോർഡ് വ്യക്തമാക്കിയിട്ടുണ്ട്. അപേക്ഷിക്കുമ്പോൾ എന്തെങ്കിലും സംശയങ്ങളുള്ള വിദ്യാർത്ഥികൾക്ക് 1800 11 8004 എന്ന നമ്പറിൽ സിബിഎസ്ഇ ടെലി-കൗൺസിലിംഗ് ഹെൽപ്പ്‌ലൈനുമായി ബന്ധപ്പെടാം അല്ലെങ്കിൽ resultcbse2026@cbseshiksha.in എന്ന ഇമെയിൽ വിലാസത്തിൽ ബന്ധപ്പെടാമെന്നും ബോർഡ് അറിയിച്ചു.

പുനർമൂല്യനിർണ്ണയത്തിന് എങ്ങനെ അപേക്ഷിക്കാം

CBSE പുനർമൂല്യനിർണ്ണയ പോർട്ടൽ ഇന്ന് മുതൽ വീണ്ടും സജീവമാവുകയാണ്. ഉത്തരക്കടലാസുകളുടെ പുനർമൂല്യനിർണ്ണയത്തിനായി അപേക്ഷിക്കുന്നതിന് താഴെ നൽകിയിരിക്കുന്ന ഘട്ടങ്ങളിലൂടെ മുന്നോട്ട് പോവുക.

• ആദ്യം തന്നെ സിബിഎസ്ഇയുടെ ഔദ്യോഗിക വെബ്സൈറ്റാ cbse.gov.in സന്ദർശിക്കുക
• ശേഷം സൈറ്റിൽ നൽകിയിരിക്കുന്ന "വെരിഫിക്കേഷനായി അപേക്ഷിക്കുക/പുനർമൂല്യനിർണ്ണയം നടത്തുക" എന്ന ലിങ്കിൽ ക്ലിക്ക് ചെയ്യുക
• പിന്നീട് അതിൽ ക്ലാസ് തിരഞ്ഞെടുക്കുക
• പുനർമൂല്യനിർണ്ണയം നടത്തേണ്ട വിഷയങ്ങളും നിർദ്ദിഷ്ട ചോദ്യങ്ങളും തിരഞ്ഞെടുത്ത് അപേക്ഷാ ഫോം പൂരിപ്പിക്കുക
• ക്രെഡിറ്റ് കാർഡ്, ഡെബിറ്റ് കാർഡ് അല്ലെങ്കിൽ നെറ്റ് ബാങ്കിംഗ് ഉപയോഗിച്ച് ഫീസ് ഓൺലൈനായി അടയ്ക്കുക
• ഫോം സമർപ്പിച്ച് അതിൻ്റെ രസീത് ഡൗൺലോട് ചെയ്ത് കൈവശം സൂക്ഷിക്കുക.

പുനർമൂല്യനിർണ്ണയ ഫലം എപ്പോൾ?

പുനർമൂല്യനിർണ്ണയ അപേക്ഷകൾ സ്വീകരിച്ചുകഴിഞ്ഞാൽ, ഉടൻ തന്നെ വിദഗ്ധർ ഉത്തരക്കടലാസുകൾ വിലയിരുത്തും. പുതുക്കിയ മാർക്കുകൾ ബോർഡ് ഔദ്യോഗിക പോർട്ടലിൽ അതിന് ശേഷം പ്രസിദ്ധീകരിക്കും. കൂടുതൽ മാർക്ക് ലഭിച്ചവർക്ക് മാർക്ക് ഷീറ്റുകളുടെ പുതുക്കിയ പകർപ്പ് നൽകുന്നതാണ്. ഫലം എപ്പോൾ എന്ന കാര്യത്തിൽ നിലവിൽ ധാരണയായിട്ടില്ല.

English Summary:

CBSE Class 12 students now apply for revaluation via cbse.gov.in official portal. Experts Resolved the technical glitch on its official application portal. Deadline extended to June 6th, 2026. Check the step-by-step application process here.

SSC CGL 2026 Recruitment: സ്റ്റാഫ് സെലക്ഷന്‍ കമ്മീഷന്‍ (എസ്എസ്‌സി) നടത്തുന്ന കമ്പൈന്‍ഡ് ഗ്രാജ്വേറ്റ് ലെവല്‍ (സിജിഎല്‍) പരീക്ഷയ്ക്ക് ജൂണ്‍ 22 വരെ അപേക്ഷിക്കാം. മെയ് 21 മുതലാണ് സിജിഎല്‍ 2026 പരീക്ഷയ്ക്ക് അപേക്ഷകള്‍ സ്വീകരിച്ച് തുടങ്ങിയത്. ജൂണ്‍ 23 വരെ ഫീസ് അടയ്ക്കാം. തിരുത്തലുകള്‍ വരുത്താനുള്ള ആപ്ലിക്കേഷന്‍ വിന്‍ഡോ ജൂണ്‍ 29 മുതല്‍ ജൂലൈ ഒന്ന് വരെ ലഭ്യമാകും. ഓഗസ്ത്-സെപ്തംബര്‍ മാസങ്ങളില്‍ ടയര്‍ 1 പരീക്ഷ നടത്തും. ഡിസംബറിലാണ് ടയര്‍ 2 പരീക്ഷ. ആപ്ലിക്കേഷന്‍ ഫോം പൂരിപ്പിക്കുന്നതില്‍ ബുദ്ധിമുട്ട് നേരിട്ടാല്‍ 1800 309 3063 എന്ന ടോള്‍ ഫ്രീ നമ്പറില്‍ ബന്ധപ്പെടാമെന്ന് എസ്എസ്‌സി അറിയിച്ചു.

പേ ലെവല്‍-8 തസ്തികകളില്‍ 47,600 മുതല്‍ 1,51,100 വരെയാണ് ശമ്പളം. 18 മുതല്‍ 30 വയസ് വരെയുള്ളവര്‍ക്ക് അപേക്ഷിക്കാം. 44,900 മുതല്‍ 1,42,000 വരെ പേ ലെവല്‍ 7 തസ്തികകളില്‍ ലഭിക്കും. പേ ലെവല്‍ 6 തസ്തികകളില്‍ 35,400 മുതല്‍ 1,12,400 വരെ ലഭിക്കും. 29,200 മുതല്‍ 92,300 വരെ പേ ലെവല്‍ അഞ്ച് തസ്തികകളില്‍ ശമ്പളമായി ലഭിക്കും. 25,500 മുതല്‍ 81,100 വരെയാണ് പേ ലെവല്‍ നാല് തസ്തികകളിലെ ശമ്പളം.

എല്ലാ തസ്തികകളിലും കൂടി ആകെ 12,256 ഒഴിവുകളുണ്ട്. തസ്തികകള്‍, പ്രായപരിധി, വിദ്യാഭ്യാസ യോഗ്യത തുടങ്ങിയ വിശദാംശങ്ങള്‍ ഔദ്യോഗിക വിജ്ഞാപനത്തില്‍ നല്‍കിയിട്ടുണ്ട്. വിവിധ കേന്ദ്ര മന്ത്രാലയങ്ങള്‍, വകുപ്പുകള്‍ തുടങ്ങിയവിടങ്ങളില്‍ ജോലി ലഭിക്കുന്നതിനുള്ള സുവര്‍ണാവസരമാണ് സിജിഎല്‍ പരീക്ഷ.

Also Read: Kerala Plus One Admission 2026: പ്ലസ് വൺ പ്രവേശനം: സേ പരീക്ഷയെഴുതുന്ന കുട്ടികൾ എപ്പോൾ അപേക്ഷിക്കണം?

അപേക്ഷിക്കേണ്ട വിധം:

എസ്‌എസ്‌സി ഹെഡ്ക്വാർട്ടറിന്റെ പുതിയ വെബ്‌സൈറ്റായ https://ssc.gov.in-ലോ 'മൈ എസ്‌എസ്‌സി മൊബൈൽ ആപ്ലിക്കേഷൻ' വഴിയോ (ഗൂഗിൾ പ്ലേ സ്റ്റോറിൽ നിന്ന് ഡൗൺലോഡ് ചെയ്യാം) ഓൺലൈനായി മാത്രമേ അപേക്ഷകൾ സമർപ്പിക്കാവൂ. ഔദ്യോഗിക വെബ്‌സൈറ്റില്‍ നല്‍കിയിരിക്കുന്ന നോട്ടിഫിക്കേഷന്‍ പൂര്‍ണമായി വായിച്ചതിന് ശേഷം മാത്രമേ അപേക്ഷിക്കാവൂ.

വണ്‍ ടൈം രജിസ്‌ട്രേഷന്‍ പൂര്‍ത്തിയാക്കിയ ശേഷം, വിദ്യാര്‍ത്ഥികള്‍ക്ക് അപേക്ഷ പൂരിപ്പിക്കാം. 100 രൂപയാണ് അപേക്ഷാ ഫീസ്. വനിതകളെയും പട്ടികജാതി (എസ്‌സി), പട്ടികവർഗ (എസ്‌ടി), പിഡബ്ല്യുബിഡി, മുൻ സൈനികർ എന്നീ വിഭാഗങ്ങളിൽപ്പെട്ട ഉദ്യോഗാര്‍ത്ഥികളെയും ഫീസ് അടയ്ക്കുന്നതിൽ നിന്ന് ഒഴിവാക്കിയിട്ടുണ്ട്.

ഓൺലൈൻ അപേക്ഷകൾ സ്വീകരിക്കുന്നതിനുള്ള അവസാന തീയതിക്ക് ശേഷം, ചില പിഴവുകള്‍ തിരുത്താന്‍ കമ്മീഷൻ മൂന്ന്‌ ദിവസത്തെ സമയം നൽകും. അതിൽ അപേക്ഷകർക്ക് അവരുടെ ആവശ്യാനുസരണം ഓൺലൈൻ അപേക്ഷ ഡാറ്റയിൽ ആവശ്യമായ തിരുത്തലുകൾ വരുത്തിയ ശേഷം അപേക്ഷകൾ വീണ്ടും സമർപ്പിക്കാനാകും.

ആദ്യമായി തിരുത്തൽ വരുത്തുന്നതിനും പരിഷ്കരിച്ച അപേക്ഷ വീണ്ടും സമർപ്പിക്കുന്നതിനും കമ്മീഷൻ 200 രൂപ ചാർജ് ഈടാക്കും. രണ്ടാം തവണ തിരുത്തൽ വരുത്തുന്നതിനും പരിഷ്കരിച്ച അപേക്ഷ വീണ്ടും സമർപ്പിക്കുന്നതിനും 500 രൂപയും കമ്മീഷൻ ഈടാക്കും. എല്ലാ ഉദ്യോഗാർത്ഥികൾക്കും ഈ ചാർജുകൾ ബാധകമായിരിക്കും. കേരളത്തില്‍ എറണാകുളം, കൊല്ലം, കോട്ടയം, കോഴിക്കോട്, തൃശൂര്‍, തിരുവനന്തപുരം, കണ്ണൂര്‍ ജില്ലകളില്‍ പരീക്ഷാ കേന്ദ്രങ്ങളുണ്ട്. ഓണ്‍ലൈനായാണ് ടയര്‍ 1, ടയര്‍ 2 പരീക്ഷകള്‍ നടത്തുന്നത്. സിലബസ് അടക്കമുള്ള വിശദാംശങ്ങളും വിജ്ഞാപനത്തില്‍ നല്‍കിയിട്ടുണ്ട്.

English Summary

Online applications for the SSC CGL 2026 exam are open until June 22. The recruitment drive offers 12,256 central government job vacancies across various pay levels. The Tier 1 exam will be held in August-September, followed by Tier 2 in December. Candidates can apply through the new official website or the mobile app for a fee of 100 rupees.

എസ്എസ്എൽസി ഫലം വന്നതിന് പിന്നാലെ സംസ്ഥാനത്ത് പ്ലസ് വൺ പ്രവേശനത്തിനായുള്ള (HSCAP) അപേക്ഷാ നടപടിക്രമങ്ങൾ ഇക്കഴിഞ്ഞ മെയ് 25 മുതൽ സജീവമായിക്കഴിഞ്ഞു. ജൂൺ എട്ടിനാണ് ട്രയൽ അലോട്ട്മെൻ്റ് ഫലം പുറത്തുവരുന്നത്. എന്നാൽ, ഒന്നോ രണ്ടോ വിഷയങ്ങൾക്ക് പരാജയപ്പെടുകയോ അല്ലെങ്കിൽ മാർക്ക് വർദ്ധിപ്പിക്കാനായോ സേ/ഇംപ്രൂവ്‌മെന്റ് പരീക്ഷ എഴുതുന്ന വിദ്യാർത്ഥികൾ വലിയ ആശങ്കയിലാണ്. മറ്റ് കുട്ടികളോടൊപ്പം ഞങ്ങൾക്കും പ്ലസ് വൺ പ്രവേശനത്തിന് അപേക്ഷിക്കാൻ കഴിയുമോ, സീറ്റുകൾ നഷ്ടമാകുമോ എന്നിങ്ങളെ നിരവധി കാര്യങ്ങളാണ് അവരെ അലട്ടുന്ന പ്രശ്നം. അത്തരത്തിൽ സേ പരീക്ഷ എഴുതാൻ കാത്തിരിക്കുന്ന കുട്ടികൽ എപ്പോഴാണ് പ്ലസ് വൺ പ്രവേശനത്തിന് അപേക്ഷിക്കേണ്ടതെന്ന് നമുക്ക് നോക്കാം.

സേ പരീക്ഷയെഴുതുന്നവർ എപ്പോൾ അപേക്ഷിക്കണം?

സംസ്ഥാനത്തെ പ്ലസ് വൺ ഏകജാലക പ്രവേശനത്തിനുള്ള ആദ്യഘട്ട അപേക്ഷകൾ സ്വീകരിച്ചു തുടങ്ങി. നിലവിൽ നടന്നു കൊണ്ടിരിക്കുന്ന പ്രധാന അലോട്ട്മെന്റ് ഘട്ടത്തിൽ (Main Phase) സേ പരീക്ഷ എഴുതുന്ന വിദ്യാർത്ഥികൾക്ക് അപേക്ഷിക്കാൻ സാധിക്കില്ല. ഇക്കൊല്ലത്തെ സേ പരീക്ഷ ജൂൺ ഒമ്പത് മുതൽ 19 വരെയാണ് നടക്കുന്നത്. അതിന് ശേഷം ജൂൺ അവസാനത്തോടെയോ ജൂലൈ ആദ്യ വാരത്തിലോ ഫലം പ്രതീക്ഷിക്കാം. സേ പരീക്ഷാ ഫലം ഔദ്യോഗികമായി പ്രഖ്യാപിച്ചതിന് ശേഷം മാത്രമാണ് ഇവർക്ക് പ്ലസ് വൺ പ്രവേശനത്തിന് അപേക്ഷിക്കാൻ സാധിക്കുക.

ALSO READ: പ്ലസ് വൺ പ്രവേശനം; ഫുൾ എ പ്ലസ് ഉണ്ടെന്ന് കരുതി സയൻസ് എടുക്കണോ?

ജൂൺ 29നാണ് മൂന്നാമത്തെ അലോട്ട്മെൻ്റ് പുറത്തുവരുന്നത്. എന്നാൽ ഇതിന് ശേഷം വിദ്യാഭ്യാസ വകുപ്പ് സപ്ലിമെന്ററി അലോട്ട്മെൻ്റ് ഘട്ടം ആരംഭിക്കും. ഈ ഘട്ടത്തിലാണ് സേ പരീക്ഷ ജയിച്ച കുട്ടികൾ പുതിയ അപേക്ഷകൾ നൽകേണ്ടത്. ആദ്യം അപേക്ഷിച്ചവർ സീറ്റുകൾ കൊണ്ടുപോകുമോ എന്ന ഭയം സേ പരീക്ഷ എഴുതുന്ന കുട്ടികൾക്ക് വേണ്ട. സേ പരീക്ഷ ജയിച്ചു വരുന്ന കുട്ടികൾക്കായി എല്ലാ വർഷവും വിദ്യാഭ്യാസ വകുപ്പ് സപ്ലിമെന്ററി ഘട്ടത്തിൽ പ്രത്യേകമായി സീറ്റുകൾ മാറ്റിവെക്കാറുണ്ട്. സപ്ലിമെന്ററി ഘട്ടത്തിൽ നിങ്ങൾക്ക് ഇഷ്ടമുള്ള സ്കൂളുകളും കോമ്പിനേഷനുകളും തിരഞ്ഞെടുക്കാം.

എസ്എസ്എൽസി സേ പരീക്ഷ

ഇത്തവണത്തെ എസ്എസ്എൽസി സേ/ ഇംപ്രൂവ്‌മെന്റ് പരീക്ഷകളുടെ ടൈംടേബിൾ പുറത്തുവന്നിട്ടുണ്ട്. ജൂൺ ഒമ്പത് മുതൽ 19 വരെയാണ് എസ്എസ്എൽസി സേ പരീക്ഷ നടക്കുന്നത്. ഒരു വർഷം നഷ്ടപ്പെടുത്താതെ വിദ്യാർത്ഥികൾക്ക് തുടർപഠനം ഉറപ്പാക്കാനുള്ള അവസരമാണിത്. പരീക്ഷാ തീയതികളും, ടൈംടേബിളും സംബന്ധിച്ച് കൂടുതൽ വിവരങ്ങൾ പരിശോധിക്കാം. എസ്എസ്എൽസി പരീക്ഷാ ഫലം പ്രഖ്യാപിച്ചതിന് പിന്നാലെ, ഉന്നതപഠനത്തിന് അർഹത നേടാൻ സാധിക്കാത്ത വിദ്യാർത്ഥികൾക്കും മാർക്ക് വർദ്ധിപ്പിക്കാൻ ആഗ്രഹിക്കുന്നവർക്കും സേ പരീക്ഷ എഴുതാവുന്നതാണ്.

പ്ലസ് വൺ പ്രവേശനവും അലോട്ട്മെൻ്റ് തീയതിയും

• ട്രയൽ അലോട്ട്മെൻ്റ് വരുന്നത് ജൂൺ എട്ട്
• ആദ്യ അലോട്ട്മെൻ്റ് വരുന്നത് ജൂൺ 16
• രണ്ടാം അലോട്ട്മെൻ്റ് വരുന്നത് ജൂൺ 22
• മൂന്നാം അലോട്ട്മെൻ്റ് വരുന്നത് ജൂൺ 29
• പ്ലസ് വൺ ക്ലാസുകൾ ആരംഭിക്കുന്നത് ജൂലൈ രണ്ട്
• പ്രവേശന നടപടികൾ അവസാനിക്കുന്നത് ഓ​ഗസ്റ്റ് അഞ്ച്
• ജൂൺ ആദ്യവാരത്തോടെ ട്രയൽ അലോട്ട്മെൻ്റ് ഹയർസെക്കൻഡറി പോർട്ടലിൽ പ്രസിദ്ധീകരിക്കുന്നതാണ്.

English Summary:

Complete guide to Kerala Plus One Admission 2026 for SAY/Improvement students. Also explains HSCAP supplementary allotment process, and how seats are securely reserved for you.

തിരുവനന്തപുരം: രണ്ട് മാസത്തെ നീണ്ട വേനലവധിക്കുശേഷം സംസ്ഥാനത്തെ സ്‌കൂളുകൾ ഇന്ന് തുറക്കും (Kerala School Reopening 2026). എല്ലാ വിദ്യാലയങ്ങളിലും പ്രവേശനോത്സവം നടത്തി നവാഗതരെ ആഘോഷപൂർവം വരവേൽക്കും. സംസ്ഥാനതല പ്രവേശനോത്സവം തിരുവനന്തപുരം പട്ടം ഗവ. മോഡൽ ഗേൾസ് ഹയർ സെക്കൻഡറി സ്‌കൂളിൽ ഇന്ന് രാവിലെ 10 മണിക്ക് മുഖ്യമന്ത്രി വി ഡി സതീശൻ ഉദ്ഘാടനം ചെയ്യും. ചടങ്ങിൽ വിദ്യാഭ്യാസ മന്ത്രി എൻ ഷംസുദീൻ അധ്യക്ഷത വഹിക്കും. എന്നാൽ പ്രവേശനോത്സവമായ ഇന്ന് നീണ്ട പ്രസംഗങ്ങൾക്കുപകരം കുട്ടികളുമായി സംവദിക്കുന്ന പരിപാടികൾ സംഘടിപ്പിക്കാനാണ് സർക്കാർ നിർദേശം നൽകിയിരിക്കുന്നത്. അതോടൊപ്പം വിദ്യാർഥികളും രക്ഷിതാക്കളും അധ്യാപകരും ചേർന്ന് സൈബർസുരക്ഷാ പ്രതിജ്ഞയുമെടുക്കും.

കുട്ടികളിൽ സൈബർ സുരക്ഷ സംബന്ധിച്ച ബോധവൽക്കരണം ലക്ഷ്യമിട്ടാണ് കേരള പോലീസ് സൈബർ ഡോം നടപ്പാക്കുന്ന കിഡ് ഗ്ലൗ പദ്ധതിയുടെ ഭാഗമായി ഇന്ന് എല്ലാ പ്രവേശനോത്സവ ചടങ്ങുകളിലും സൈബർ സുരക്ഷാ പ്രതിജ്ഞയെടുക്കുന്നത്. സംസ്ഥാനത്തെ സ്കൂളുകളിൽ പഠനസമയം ഉറപ്പാക്കാൻ വിദ്യാഭ്യാസ കലണ്ടറും തയ്യാറായിട്ടുണ്ട്. എൽപി സ്‌കൂളുകളിൽ 800 മണിക്കൂറാണ് അധ്യയനസമയമെന്നതിനാൽ, ശനിയാഴ്ചകൾ ഇത്തവണ അധിക പ്രവൃത്തിദിനമാക്കില്ല.

ALSO READ: അധിക പ്രവൃത്തിദിനങ്ങളില്‍ തീരുമാനം; ഈ അധ്യയന വര്‍ഷം എത്ര ശനിയാഴ്ചകളില്‍ സ്‌കൂളില്‍ പോകണം?

ഇത്തവണ 197 പ്രവൃത്തിദിനങ്ങളാണ് ഉണ്ടാവുക. യുപിയിൽ ആയിരം മണിക്കൂർ അധ്യയനം ഉറപ്പാക്കാൻ മൂന്ന് ശനിയാഴ്ചകൾ പ്രവൃത്തിദിനമാക്കാൻ തീരുമാനിച്ചിട്ടുണ്ട്. ഹൈസ്‌കൂളിൽ 1200 മണിക്കൂർ അധ്യയനം ഉറപ്പാക്കാൻ ഏഴ് ശനിയാഴ്ചകളിൽ പ്രവൃത്തിദിനമായിരിക്കും. പാഠപുസ്തക വിതരണം ഇന്നലെകൊണ്ട് പൂർത്തിയാകുമെന്ന് പൊതുവിദ്യാഭ്യാസ വകുപ്പ് അറിയിച്ചു. ശനിയാഴ്ച്ച വൈകിട്ടുവരെയുള്ള കണക്കുകൾ പ്രകാരം, 95 ശതമായനം പുസ്തകവിതരണമാണ് നടന്നത്. അതേസമയം, പല കേന്ദ്രസിലബസ് സ്കൂളുകളിലും അധ്യയനം നാളെ ആരംഭിക്കില്ല. ഈ ആഴ്ചയിലെതന്നെ മറ്റു ദിവസങ്ങളിലാണ് ആ സ്കൂളുകളിൽ അധ്യയന ആരംഭിക്കുക.

മഴ മുന്നറിയിപ്പുള്ളതിനാൽ കുട്ടികൾ ശ്രദ്ധിക്കേണ്ടത്

സ്കൂൾ തുറക്കുന്ന ഇന്ന് സംസ്ഥാനത്ത് കാലവർഷം സജീവമായതിനാൽ കേന്ദ്ര കാലാവസ്ഥാ വകുപ്പ് 9 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ എന്നീ ജില്ലകളിലാണ് ശക്തമായ മഴ മുന്നറിയിപ്പുള്ളത്.

മുൻകരുതലുകൾ‌

• കുട്ടികളുടെ കൈകളിൽ കുടയോ റെയിൻകോട്ടോ കൊടുത്തുവിടാൻ രക്ഷിതാക്കൾ ശ്രദ്ധിക്കണം.
• ശക്തമായ കാറ്റും മഴയും ഉള്ളപ്പോൾ മരങ്ങൾക്കോ അപകടാവസ്ഥയിലുള്ള ബോർഡുകൾക്കോ താഴെ നിൽക്കരുത്.
• സ്കൂൾ പരിസരങ്ങളിലും റോഡരികുകളിലും വെള്ളക്കെട്ടുകളുള്ള ഭാഗങ്ങളിൽ കുട്ടികൾ ഇറങ്ങാതിരിക്കാൻ അധ്യാപകർ പ്രത്യേകം ശ്രദ്ധിക്കണം.
• സ്കൂൾ വാഹനങ്ങളുടെ ഫിറ്റ്നസ് പരിശോധനകൾ മോട്ടോർ വാഹന വകുപ്പ് പൂർത്തിയാക്കിയിട്ടുണ്ടെങ്കിലും, ആദ്യ ദിവസങ്ങളിലെ ഗതാഗതക്കുരുക്ക് ഒഴിവാക്കാൻ വിദ്യാലയങ്ങളിലേക്ക് നേരത്തെ തന്നെ പുറപ്പെടുക.
• പുതിയ പാഠപുസ്തകങ്ങളും നോട്ടുബുക്കുകളും നനയാതിരിക്കാൻ പ്ലാസ്റ്റിക് കവറുകളിലോ വാട്ടർപ്രൂഫ് ബാഗുകളിലോ സൂക്ഷിക്കുക.
• സ്കൂൾ ബസ്സിലോ ഓട്ടോയിലോ കയറുമ്പോഴും ഇറങ്ങുമ്പോഴും തിരക്ക് കൂട്ടരുത്. റോഡുകിളിൽ മഴപെയ്ത് വഴുക്കലുള്ളതായതിനാൽ വീഴാൻ സാധ്യതയുണ്ട്.
• കുട്ടികളെ കൃത്യസമയത്ത് സ്കൂളിൽ എത്തിക്കാനും തിരികെ കൊണ്ടുവരാനും രക്ഷിതാക്കൾ ശ്രദ്ധിക്കുക. സ്കൂളിൽ നിന്നുള്ള അറിയിപ്പുകൾ കൃത്യമായി നിരീക്ഷിക്കുക.

English Summary:

Kerala school reopening marks the commencement of the new academic year today on june first monday. State-level admission festival inauguration by the Chief Minister in Thiruvananthapuram. The event will also emphasize cyber safety awareness for students through a pledge.

തിരുവനന്തപുരം: വേനലവധിക്ക് പരിസമാപ്തി കുറിച്ച് സംസ്ഥാനത്ത് പുതിയ അധ്യയന വര്‍ഷം നാളെ ആരംഭിക്കും. കുട്ടികളെ വരവേല്‍ക്കാന്‍ വിപുലമായ രീതിയിലാണ് പ്രവേശനോത്സവം സംഘടിപ്പിക്കുന്നത്. സംസ്ഥാനതല ഉദ്ഘാടനം പട്ടം ഗവ. മോഡല്‍ ഗേള്‍സ് ഹയര്‍ സെക്കന്‍ഡറി സ്‌കൂളില്‍ മുഖ്യമന്ത്രി വി.ഡി. സതീശന്‍ നിര്‍വഹിക്കും. രാവിലെ ഒമ്പതിന് നടക്കുന്ന ചടങ്ങളില്‍ വിദ്യാഭ്യാസമന്ത്രി എന്‍. ഷംസുദ്ദീന്‍ അധ്യക്ഷനാകും. ആരോഗ്യ-ദേവസ്വം വകുപ്പ് മന്ത്രി കെ. മുരളീധരന്‍, ഗതാഗതമന്ത്രി സി.പി. ജോണ്‍ തുടങ്ങിയവരും പങ്കെടുക്കും. യുഡിഎഫ് സര്‍ക്കാര്‍ അധികാരമേറ്റതിനു ശേഷമുള്ള ആദ്യ പ്രവേശനോത്സവമാണിത്.

പ്രവൃത്തിദിനങ്ങള്‍

പുതിയ അധ്യയന വര്‍ഷത്തിലെ വിദ്യാഭ്യാസ കലണ്ടറും തയ്യാറാക്കിയിട്ടുണ്ട്. പുതിയ അധ്യയനവർഷത്തിൽ ആകെ 197 ദിവസങ്ങളാണ് പൊതുവായ പ്രവൃത്തിദിനങ്ങൾ. എല്‍പി വിഭാഗത്തില്‍ ആകെ 800 അധ്യയന മണിക്കൂറുകള്‍ ആവശ്യമുണ്ട്. എൽപി, ഹയർ സെക്കൻഡറി സ്കൂളുകളിൽ ശനിയാഴ്ചകളിൽ ക്ലാസുകൾ ഉണ്ടായിരിക്കുന്നതല്ല.

എൽപി സ്കൂളുകളിലും, നിലവിൽത്തന്നെ അധിക പഠനസമയമുള്ള ഹയർ സെക്കൻഡറി വിഭാഗത്തിലും ഈ 197 ദിവസങ്ങളിലായിരിക്കും അധ്യയനം നടക്കുക. ഹൈസ്കൂൾ വിഭാഗത്തിൽ 7 ശനിയാഴ്ചകൾ അധികമായി ക്ലാസുകൾ ഉണ്ടായിരിക്കും. യുപി സ്‌കൂളുകളില്‍ മൂന്ന്‌ ശനിയാഴ്ചകൾ അധിക പ്രവൃത്തിദിനങ്ങളായിരിക്കും. എന്നാൽ ആഴ്ചയിൽ ആറു ദിവസവും തുടർച്ചയായി ക്ലാസുകൾ വരുന്ന രീതിയിലല്ല ഇത് ക്രമീകരിച്ചിരിക്കുന്നത്.

Also Read: Kerala SSLC SAY Exam 2026: എസ്എസ്എൽസി സേ പരീക്ഷ അടുത്തു; സപ്ലിമെൻ്ററി, ഇംപ്രൂവ്‌മെന്റ് ടൈംടേബിൾ അറിയാം

യുപി വിഭാഗത്തില്‍ ആയിരം അധ്യയന മണിക്കൂറും, ഹൈസ്‌കൂളുകളില്‍ 1200 മണിക്കൂര്‍ പഠനസമയവും ഉറപ്പാക്കുന്നതിനായാണ് അധിക പ്രവൃത്തിദിനങ്ങള്‍ നിശ്ചയിച്ചിരിക്കുന്നത്. ശനിയാഴ്ചകളിലെ അധിക ദിവസങ്ങൾ ഉൾപ്പെടെ ആകെ 200 പ്രവൃത്തിദിനങ്ങൾ യുപി സ്കൂളുകൾക്ക് ഉണ്ടായിരിക്കും. ആകെ 204 പ്രവൃത്തിദിനങ്ങളാണ് ഹൈസ്കൂളുകൾക്കായി നിശ്ചയിച്ചിരിക്കുന്നത്.

എന്നാല്‍, പ്രാദേശികമായ അവധികൾ കാരണം നിശ്ചിത പ്രവൃത്തിദിനങ്ങൾ നഷ്ടമാവുകയാണെങ്കിൽ, അത് പരിഹരിക്കാനായി കൂടുതൽ ശനിയാഴ്ചകൾ പ്രവൃത്തിദിനങ്ങളായി മാറ്റും.

അധിക സമയക്രമം ഈ അധ്യയനവർഷത്തിലും ഹൈസ്കൂളുകളിൽ തുടരുന്നതാണ്. കുട്ടികൾക്ക് വർഷത്തിൽ 1100 അധ്യയന മണിക്കൂറുകൾ ഉറപ്പാക്കുക എന്നതാണ് ലക്ഷ്യം. വെള്ളിയാഴ്ച ഒഴികെയുള്ള എല്ലാ പ്രവൃത്തിദിനങ്ങളിലും രാവിലെയും വൈകുന്നേരവും 15 മിനിറ്റ് വീതം അധികമായി പഠനസമയം ഉണ്ടായിരിക്കും. ഇതുപ്രകാരം രാവിലെ 9.45 മുതല്‍ വൈകിട്ട് 4.15 വരെയാകും ക്ലാസ്.

ഔദ്യോഗിക പ്രവേശനോത്സവ ഗാനം

സൈബർ സുരക്ഷാ പ്രതിജ്ഞ

പ്രവേശനോത്സവത്തില്‍ നീണ്ട പ്രസംഗങ്ങള്‍ ഒഴിവാക്കും. പകരം വിദ്യാര്‍ത്ഥികളുമായി സംവദിക്കുന്ന പരിപാടികള്‍ സംഘടിപ്പിക്കാനാണ് സര്‍ക്കാര്‍ നിര്‍ദ്ദേശം നല്‍കിയിരിക്കുന്നത്. കുട്ടികള്‍ക്ക്‌ സൈബർ സുരക്ഷയെക്കുറിച്ച് ബോധവൽക്കരണം നൽകാൻ കേരള പോലീസ് സൈബർ ഡോം വിഭാവനം ചെയ്ത 'കിഡ് ഗ്ലൗ' പദ്ധതിയുടെ ഭാഗമായി വിദ്യാർത്ഥികൾ പ്രത്യേക സൈബർ സുരക്ഷാ പ്രതിജ്ഞ ചൊല്ലും. വര്‍ധിച്ചുവരുന്ന ഓണ്‍ലൈന്‍ ചതിക്കുഴികള്‍, സുരക്ഷിതമല്ലാത്ത ഡിജിറ്റല്‍ ഇടപാടുകള്‍ തുടങ്ങിയവയെക്കുറിച്ച് വിദ്യാര്‍ത്ഥികള്‍ അവബോധം ശക്തമാക്കുകയാണ് ലക്ഷ്യം.

സംസ്ഥാനത്തെ സ്കൂളുകളിലേക്കുള്ള പാഠപുസ്തകങ്ങളുടെ വിതരണം ഉടന്‍ പൂര്‍ത്തിയാക്കാനാണ് നീക്കം. 90 ശതമാനത്തിലേറെ പുസ്തകവിതരണം ഇതിനകം പൂര്‍ത്തിയായി. ഗ്രീന്‍ പ്രോട്ടോക്കോള്‍ പാലിച്ചാകും പ്രവേശനോത്സവം സംഘടിപ്പിക്കുക.

English Summary

Kerala's new school year features extra working Saturdays for UP and High School sections to complete lessons. High school classes will run from 9:45 AM to 4:15 PM to ensure 1,100 instructional hours. Students will take a cyber security pledge during their school reopening ceremony tomorrow. Textbook distribution is almost complete, though some CBSE schools will reopen later this week.

എസ്എസ്എൽസി പരീക്ഷാ ഫലം പ്രഖ്യാപിച്ചതിന് പിന്നാലെ, ഉന്നതപഠനത്തിന് അർഹത നേടാൻ സാധിക്കാത്ത വിദ്യാർത്ഥികൾക്കും മാർക്ക് വർദ്ധിപ്പിക്കാൻ ആഗ്രഹിക്കുന്നവർക്കുമായുള്ള എസ്എസ്എൽസി സേ/ ഇംപ്രൂവ്‌മെന്റ് പരീക്ഷകൾ നടത്താറുണ്ട്. ഇത്തവണത്തെ സേ/ ഇംപ്രൂവ്‌മെന്റ് പരീക്ഷകളുടെ ടൈംടേബിൾ പുറത്തുവന്നിട്ടുണ്ട്. ജൂൺ ഒമ്പത് മുതൽ 19 വരെയാണ് എസ്എസ്എൽസി സേ പരീക്ഷ നടക്കുന്നത്. ഒരു വർഷം നഷ്ടപ്പെടുത്താതെ വിദ്യാർത്ഥികൾക്ക് തുടർപഠനം ഉറപ്പാക്കാനുള്ള അവസരമാണിത്. പരീക്ഷാ തീയതികളും, ടൈംടേബിളും സംബന്ധിച്ച് കൂടുതൽ വിവരങ്ങൾ പരിശോധിക്കാം.

ALSO READ: പ്ലസ് വൺ പ്രവേശനം; ഫുൾ എ പ്ലസ് ഉണ്ടെന്ന് കരുതി സയൻസ് എടുക്കണോ?

ടൈംടേബിൾ വിശദമായി

1. ആദ്യദിനമായ ജൂൺ 9-ന് രാവിലെ 9:30 മുതൽ 11:15 വരെയാണ് ഒന്നാം ഭാഷാ പേപ്പറായ മലയാളം പരീക്ഷ നടക്കുന്നത്.
2. ജൂൺ 9 ചൊവ്വാഴ്ച ഉച്ചയ്ക്ക് ശേഷമുള്ള സെഷനിൽ സാമൂഹ്യശാസ്ത്രം (Social Science) പരീക്ഷ നടത്തുന്നതാണ്.
3. രണ്ടാം ദിനമായ ജൂൺ 10 ബുധനാഴ്ച രാവിലെ ഗണിതശാസ്ത്രം (Mathematics) പരീക്ഷ നടക്കും.
4. ജൂൺ 10 ബുധനാഴ്ച ഉച്ചയ്ക്ക് ശേഷം 1:45 മുതൽ – 3:30 വരെ മലയാളം പാർട്ട് രണ്ട് പരീക്ഷ നടത്തുന്നതാണ്.
5. ജൂൺ 12 വെള്ളിയാഴ്ച രാവിലെ 9:30 മുതൽ രാവിലെ 11:15 വരെ കെമസ്ട്രി പരീക്ഷ നടക്കും.
6. പിന്നീട് ജൂൺ 15 തിങ്കളാഴ്ച്ച രാവിലെ 9:30 മുതൽ 12:15 വരെ ഫിസിക്സ് പരീക്ഷ നടത്തുന്നതാണ്.
7. ജൂൺ 15 തിങ്കളാഴ്ച്ച ഉച്ചയ്ക്ക് ശേഷം 1:45 മുതൽ 3:30 വരെയാണ് ബയോളജി പരീക്ഷ നടക്കുന്നത്.
8. ജൂൺ 17 ബുധനാഴ്ച രാവിലെ 9:30 മുതൽ ഉച്ചയ്ക്ക് 12:15 വരെ ഇംഗ്ലീഷ് പരീക്ഷ നടത്തും.
9. ജൂൺ 17 ബുധനാഴ്ച ഉച്ചയ്ക്ക് ശേഷം 1:45 മുതൽ 3:30 വരെ ഹിന്ദി പരീക്ഷകൾ നടത്തും.
10. ജൂൺ 19 വെള്ളിയാഴ്ച രാവിലെ 9:30 മുതൽ രാവിലെ 10:45 വരെ ഐട് പരീക്ഷ നടത്തുന്നതാണ്.

സേ/ ഇംപ്രൂവ്‌മെന്റ് പരീക്ഷ ആർക്കെല്ലാം എഴുതാം നിയമങ്ങൾ എന്തെല്ലാം

• റഗുലർ പരീക്ഷയിൽ എല്ലാ വിഷയങ്ങളിലും വിജയിച്ച വിദ്യാർത്ഥികൾക്കാണ് മാർക്ക് മെച്ചപ്പെടുത്താൻ അവസരമുള്ളത്. ഇവർക്ക് സ്കോർ വർദ്ധിപ്പിക്കുന്നതിനായി പരമാവധി മൂന്ന് വിഷയങ്ങളിൽ വരെ ഇംപ്രൂവ്‌മെന്റ് പരീക്ഷ എഴുതാവുന്നതാണ്.
• റഗുലർ പരീക്ഷ എഴുതി ഒന്നോ അതിലധികമോ വിഷയങ്ങളിൽ പരാജയപ്പെടുകയോ ചെയ്ത വിദ്യാർത്ഥികൾക്ക് സേ പരീക്ഷ എഴുതാം. ഇവർക്ക് പരമാവധി മൂന്ന് വിഷയങ്ങൾ വരെ സപ്ലിമെന്ററി പരീക്ഷയായി എഴുതാൻ അനുവാദമുണ്ട്.
• പരീക്ഷയുടെ ഹാൾ ടിക്കറ്റുമായി ബന്ധപ്പെട്ട അറിയിപ്പ് ഉടൻ പുറത്തുവിടുന്നതാണ്. വിദ്യാർത്ഥികൾക്ക് അവരവരുടെ സ്കൂളുകളിൽ നിന്ന് ഇവ ലഭ്യമാക്കും.
• സേ പരീക്ഷയിൽ പുനർ മൂല്യനിർണയം അനുവദിക്കുന്നതല്ല.
• മാർച്ചിൽ നടന്ന പൊതു പരീക്ഷയ്ക്ക് പരീക്ഷാർത്ഥിത്വം ക്യാൻസൽ ചെയ്തവർക്ക് 'സേ' പരീക്ഷയ്ക്കിരിക്കാൻ അർഹതയുണ്ടായിരിക്കുന്നതല്ല.
• സേ പരീക്ഷയ്ക്ക് അപേക്ഷിച്ചവരിലാരെങ്കിലും പുനർമൂല്യനിർണ്ണയത്തിൽ ഉപരിപഠനത്തിനർഹത നേടിയതായിക്കണ്ടാൽ സേ പരീക്ഷാഫലം പരി​ഗണിക്കുന്നതല്ല.
• IED വിദ്യാർത്ഥികൾക്ക് മാർച്ചിലെ പരീക്ഷയ്ക്ക് ലഭിച്ച ആനുകൂല്യം 'സേ' പരീക്ഷയ്ക്കും ലഭിക്കുന്നതാണ്. ഇതിനായി ഡിജിഇയിൽ നിന്നും ലഭിച്ച ഉത്തരവിന്റെ കോപ്പി കൂടി അപേക്ഷയോടൊപ്പം സമർപ്പിക്കേണ്ടതാണ്.

English Summary:

Kerala SSLC SAY Exam 2026 Will Conduct On June 10 To 19. Here Is How To Download Class 10th Supplementary, Improvement Time Table Via Online. And Also Check The Rules And Regulations Before Exam.

ന്യൂഡൽഹി: രാജ്യത്തെ പ്രമുഖ കേന്ദ്ര സർവ്വകലാശാലകളിലെ ബിരുദ പ്രവേശനത്തിനായി ദേശീയ പരീക്ഷാ ഏജൻസി (NTA) നടത്തുന്ന സിയുഇടി യുജി (CUET UG) പരീക്ഷകളിൽ വീണ്ടും പിഴവ്. വിവിധ വിഷയങ്ങളിലായി നടന്നുവരുന്ന തുടർഘട്ട പരീക്ഷകളാണ് സാങ്കേതിക പ്രശ്നങ്ങൾ മൂലം നിശ്ചയിച്ചിരുന്ന സമയത്ത് ആരംഭിക്കാൻ കഴിയാതെ വൈകിയത്. ശനിയാഴ്ച നടന്ന പരീക്ഷയിലാണ് വിദ്യാർത്ഥികളെ ആശങ്കയിലാക്കിയ തകരാർ റിപ്പോർട്ട് ചെയ്തത്. പരീക്ഷാ നടത്തിപ്പ് ചുമതലയുള്ള ടിസിഎസിന്റെ ഭാഗത്തുണ്ടായ സാങ്കേതിക പ്രശ്നമാണ് കാരണമെന്നാണ് നിലവിൽ പുറത്തുവരുന്ന റിപ്പോർട്ട്. ടാറ്റ കൺസൾട്ടൻസി സർവീസസ് ലിമിറ്റഡിന്റെ ചീഫ് എക്‌സിക്യൂട്ടീവ് ഓഫീസറും മാനേജിംഗ് ഡയറക്ടറുമായ കെ. കൃതിവാസൻ തന്നെയാണ് ഇക്കാര്യം അറിയിച്ചിരിക്കുന്നത്.

മെയ് 11 ന് ആരംഭിച്ച പരീക്ഷയുടെ വിവിധ വിഷയങ്ങളിലുള്ള തുടര്‍ ഘട്ടമാണ് ഇക്കഴിഞ്ഞ ശനിയാഴ്ച്ച നടന്നത്. പിന്നീട് സാങ്കേതിക പ്രശ്നങ്ങൾ പരിഹരിച്ചിച്ച് വിദ്യാർത്ഥികൾക്ക് പരീക്ഷയെഴുതാൻ സാധിക്കുകയും ചെയ്തു. പരീക്ഷയിലെ അനിശ്ചിതത്വം പതിനായിരക്കണക്കിന് വിദ്യാര്‍ഥികളെയാണ് ബാധിച്ചത്. പരീക്ഷയിലെ തങ്ങളുടെ പ്രകടനത്തെ തന്നെ ഇത് ബാധിച്ചതായാണ് പല വിദ്യാർത്ഥികളും ഇതിനോട് പ്രതികരിച്ചത്.

ALSO READ: പ്ലസ് വണ്‍ റിസള്‍ട്ടിന് എത്ര നാള്‍ കാത്തിരിക്കണം? എങ്ങനെ ഫലമറിയാം?

രാവിലത്തെ സെഷനിൽ തടസം നേരിട്ടവര്‍ക്ക് അധിക സമയം നൽകിയിരുന്നു. പിന്നീട് ഉച്ചയ്ക്ക് ശേഷമുള്ള സെഷന്റെ സമയം പുതുക്കുകയും ചെയ്തു. റിപ്പോർട്ടിംഗ് സമയം ഉച്ചയ്ക്ക് 2:30 മുതലായിരുന്നു. പരീക്ഷ നടന്നത് വൈകുന്നേരം 4:00 മണി മുതലാണ്. നേരത്തെ മൂന്ന് മണിക്കാണ് ഉച്ചയ്ക്ക് ശേഷമുള്ള സെഷൻ ക്രമീകരിച്ചിരുന്നത്. പരീക്ഷ വൈകിയതിനെ തുടർന്ന് വിദ്യാർത്ഥികളും രക്ഷിതാക്കളും ട്വിറ്റർ പ്ലാറ്റ്‌ഫോമിലൂടെ പരാതി രേഖപ്പെടുത്തി രം​ഗത്തെത്തി. കൃത്യമായ ആശയവിനിമയം നടത്താൻ പരീക്ഷാ കേന്ദ്രങ്ങളിലെ അധികൃതർ തയ്യാറായില്ലെന്ന തരത്തിലും ആരോപണം ഉയരുന്നുണ്ട്.

മുൻ വർഷങ്ങളിലും സമാന സാഹചര്യം

2025 മുതൽ പൂർണ്ണമായും കമ്പ്യൂട്ടർ അധിഷ്ഠിതമായിട്ടാണ് സിയുഇടി യുജി പരീക്ഷകൾ നടത്തുന്നത്. മുൻവർഷങ്ങളിലും സെർവർ തകരാറുകൾ റിപ്പോർട്ട് ചെയ്തിട്ടുണ്ട്. കഴിഞ്ഞ വർഷം നടത്തിയ പരീക്ഷയിൽ അവസാന നിമിഷം പരീക്ഷാ കേന്ദ്രം മാറ്റുന്നതടക്കമുള്ള നടപടികളിലേക്ക് കടന്നത് വലിയ വിവാദമായിരുന്നു. എടിഎയുടെ ഭാ​ഗത്തെ അനാസ്ഥ ചൂണ്ടികാട്ടി നിരവധി വിദ്യാർത്ഥികളാണ് പ്രതിഷേധം അറിയിച്ചത്.

പരീക്ഷയുമായി ബന്ധപ്പെട്ട ടിസിഎസിൻ്റെ പ്രസ്താവന

A statement by K Krithivasan, CEO & MD TCS @NTA_Exams pic.twitter.com/cebDJw7E3y

— TCS iON (@TCS_iON) May 30, 2026

ENGLISH SUMMARY:

Tata Consultancy Services Ltd.'s chief executive officer and managing director K. Krithivasan stated that the delay CUET-UG 2026 examination. Students faced serious technical issue around two hours on Saturday Exam.

Kerala Plus One Result 2026 Date: പ്ലസ് വണ്‍ റിസള്‍ട്ടിനായി വിദ്യാര്‍ത്ഥികളുടെ കാത്തിരിപ്പ് തുടരുന്നു. എസ്എസ്എല്‍സി, പ്ലസ്ടു, പ്ലസ് വണ്‍ ഇമ്പ്രൂവ്‌മെന്റ് അടക്കമുള്ള മിക്ക പരീക്ഷകളുടെയും ഫലം പ്രഖ്യാപിച്ചുകഴിഞ്ഞു. ഇനി പ്ലസ് വണ്‍ റിസള്‍ട്ട് മാത്രമാണ് പുറത്തുവരാനുള്ളത്. ഫലപ്രഖ്യാപനത്തിന് ഇനി അധികം കാത്തിരിക്കേണ്ടി വരില്ല. ജൂണ്‍ രണ്ടാം വാരത്തില്‍ ഫലം പ്രഖ്യാപിക്കുമെന്നാണ് സൂചന. ജൂണ്‍ പത്തോടെ ഫലപ്രഖ്യാപനം നടത്താനാണ് നീക്കം. അല്‍പമൊന്ന് വൈകിയാലും ജൂണ്‍ 15-നകം ഫലം പ്രതീക്ഷിക്കാം.

കഴിഞ്ഞ തവണ ജൂണ്‍ രണ്ടിനായിരുന്നു ഫലപ്രഖ്യാപനം. എന്നാല്‍ ഇത്തവണ ജൂണ്‍ രണ്ടിന് റിസള്‍ട്ട് പുറത്തുവിടാന്‍ സാധ്യതയില്ല. എസ്എസ്എല്‍സി, പ്ലസ്ടു ഫലപ്രഖ്യാപനടമക്കം മുന്‍ നിശ്ചയിച്ച തീയതിയില്‍ നിന്ന് അല്‍പം വൈകിയിരുന്നു. നിയമസഭാ തിരഞ്ഞെടുപ്പ്, ഗള്‍ഫിലെ പ്രതിസന്ധി അടക്കമുള്ള വിഷയങ്ങളായിരുന്നു കാരണം. പ്ലസ്ടു റിസള്‍ട്ട് മെയ് 26-നാണ് പുറത്തുവിട്ടത്. മെയ് 22-ന് ഫലപ്രഖ്യാപനം നടത്താനായിരുന്നു ആദ്യ തീരുമാനം.

റിസള്‍ട്ട് എങ്ങനെ പരിശോധിക്കാം?

https://results.hse.kerala.gov.in/results/എന്ന ഔദ്യോഗിക വെബ്‌സൈറ്റില്‍ ഫലം ലഭ്യമാകും. മറ്റു റിസള്‍ട്ടുകളെപ്പോലെ, ഉച്ചയ്ക്ക് മൂന്ന് മണിയോടെയാകും ഫലപ്രഖ്യാപനം. https://results.kite.kerala.gov.in/ എന്ന വെബ്‌സൈറ്റിലും റിസള്‍ട്ട് ലഭ്യമാകും. ഡിജിലോക്കറില്‍ റിസള്‍ട്ട് പ്രസിദ്ധീകരിക്കുമോയെന്ന് വ്യക്തമല്ല. 4,11,025 വിദ്യാര്‍ത്ഥികളാണ് ഇത്തവണ പ്ലസ് വണ്‍ പരീക്ഷയെഴുതിയത്.

Also Read: Kerala Plus One Admission 2026: പ്ലസ് വൺ പ്രവേശനം; ഫുൾ എ പ്ലസ് ഉണ്ടെന്ന് കരുതി സയൻസ് എടുക്കണോ?

പ്ലസ് വണ്‍ പ്രവേശനം

അതേസമയം, പ്ലസ് വണ്‍ പ്രവേശന നടപടികള്‍ പുരോഗമിക്കുന്നു. ജൂണ്‍ മൂന്ന് വരെ അഡ്മിഷന് അപേക്ഷിക്കാം. ജൂണ്‍ എട്ടിനാണ് ട്രയല്‍ അലോട്ട്‌മെന്റ്. ജൂണ്‍ 15-ന് ആദ്യ അലോട്ട്‌മെന്റ് പുറത്തുവിടും. ജൂലൈ ഒന്നിന് മുഖ്യ അലോട്ട്‌മെന്റ് അവസാനിക്കും. ജൂലൈ രണ്ടിന് ക്ലാസുകള്‍ ആരംഭിക്കും. ജൂലൈ 13 മുതല്‍ ഓഗസ്ത് അഞ്ച് വരെയാണ് സപ്ലിമെന്ററി ഘട്ടം. ഓഗസ്ത് അഞ്ചിന് അഡ്മിഷന്‍ അവസാനിപ്പിക്കും.

ഹയര്‍സെക്കന്‍ഡറി അഡ്മിഷന്‍ ഗേറ്റ്‌വേ ആയ https://hscap.kerala.gov.in/ എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. പ്രോസ്‌പെക്ടസും അനുബന്ധങ്ങളും വ്യക്തമായി വായിച്ചതിന് ശേഷം മാത്രം അപേക്ഷിക്കുക. ആദ്യം ‘ക്രിയേറ്റ് കാന്‍ഡിഡേറ്റ് ലോഗിന്‍’ എന്ന ലിങ്കിലൂടെ ക്യാന്‍ഡിഡേറ്റ് ലോഗിന്‍ സൃഷ്ടിക്കണം.

ഇതിനു ശേഷം അപേക്ഷിക്കാന്‍ ആഗ്രഹിക്കുന്ന ജില്ല തിരഞ്ഞെടുക്കുക. എസ്എസ്എല്‍സി സ്‌കീം, വിദ്യാര്‍ത്ഥിയുടെ പേര്, ജനനത്തീയതി, രജിസ്റ്റര്‍ നമ്പര്‍ തുടങ്ങിയ വിശദാംശങ്ങള്‍ നല്‍കേണ്ടതുണ്ട്. നല്‍കുന്ന മൊബൈല്‍ നമ്പറില്‍ ഒടിപി ലഭിക്കും. ഈ ഒടിപി കൊടുക്കുമ്പോള്‍ പാസ്‌വേഡ് സൃഷ്ടിക്കാനുള്ള പേജ് ലഭിക്കും.

പാസ്‌വേഡ് നല്‍കിയതിന് ശേഷം അപ്‌ഡേറ്റ് ബട്ടണ്‍ ക്ലിക്ക് ചെയ്യണം. ഇങ്ങനെ ചെയ്യുമ്പോള്‍ ക്യാന്‍ഡിഡേറ്റ് ലോഗിന്‍ സൃഷ്ടിക്കപ്പെടും. ഇതോടൊപ്പം ആപ്ലിക്കേഷന്‍ നമ്പറും ലഭിക്കും. ഇതിനു ശേഷം ക്യാന്‍ഡിഡേറ്റ് ലോഗിന്‍ വഴി അപേക്ഷിക്കാം. വിശദാംശങ്ങള്‍ കൃത്യമായി പൂരിപ്പിക്കണം. വിശദാംശങ്ങള്‍ കൃത്യമായി പൂരിപ്പിക്കണം. ഔദ്യോഗിക വെബ്‌സൈറ്റിലെ യൂസര്‍ മാനുവല്‍ വായിക്കുന്നത് ഉപകാരപ്പെടും. സംശയങ്ങളുണ്ടെങ്കില്‍ തൊട്ടടുത്ത ഹയര്‍ സെക്കന്‍ഡറി സ്‌കൂളിലെ ഹെല്‍പ് ഡെസ്‌കിനെ സമീപിക്കുക.

English Summary

Students are waiting for the Plus One exam results in Kerala. The results are expected to be announced by June 10 or June 15. This year's delayed announcement is due to election duties and other factors. Around 4.11 lakh students can check their results on the official website.

എസ്എസ്എൽസി ഫലം പുറത്തുവന്നതുമുതൽ വിദ്യാർത്ഥികളുടെ മനസിലെ ചോദ്യമാണ് പ്ലസ് വണ്ണിന് ഏത് ​ഗ്രൂപ്പ് തിരഞ്ഞെടുക്കും എന്നുള്ളത്. പത്താം ക്ലാസിൽ എല്ലാ വിഷയങ്ങൾക്കും എ പ്ലസ് ലഭിച്ച ഭൂരിഭാഗം വിദ്യാർത്ഥികളുടെയും രക്ഷിതാക്കളുടെയും മനസ്സിൽ ആദ്യം ഓടിയെത്തുന്ന സയൻസ് എടുക്കാമെന്നാണ്. ഉയർന്ന മാർക്ക് ഉണ്ടെന്ന ഒരൊറ്റ കാരണം കൊണ്ട് മാത്രം സയൻസ് ഗ്രൂപ്പ് തിരഞ്ഞെടുക്കേണ്ട ആവശ്യമില്ല. പ്ലസ് വൺ പ്രവേശനത്തിനുള്ള (Kerala Plus One Admission) അപേക്ഷകൾ സമർപ്പിക്കുന്നതിന് മുൻപ് വിദ്യാർത്ഥികളും രക്ഷിതാക്കളും നിർബന്ധമായും അറിയേണ്ടതായി ചില പ്രധാന കാര്യങ്ങൾ നമുക്ക് നോക്കാം.

നിങ്ങളുടെ താല്പര്യം മനസ്സിലാക്കുക?

മാർക്കിനേക്കാൾ പ്രധാനം വിദ്യാർത്ഥികളായ നിങ്ങളുടെ അഭിരുചിയും കരിയറിലേക്കുള്ള ലക്ഷ്യങ്ങളുമാണ്. നിങ്ങളുടെ ലക്ഷ്യം ഡോക്ടർ, എഞ്ചിനീയർ, നഴ്‌സിങ്, റിസർച്ച് തുടങ്ങിയ സയൻസ് മേഖലകളാണെങ്കിൽ മാത്രമെ സയൻസ് ഗ്രൂപ്പ് തിരഞ്ഞെടുത്ത് പഠിക്കാവൂ. സിവിൽ സർവീസ് (IAS/IPS), ബിസിനസ്സ് മാനേജ്‌മെന്റ് (MBA), ചാർട്ടേഡ് അക്കൗണ്ടന്റ് (CA), നിയമം (LLB), ജേണലിസം, ഡിജിറ്റൽ മാർക്കറ്റിംഗ് തുടങ്ങിയ മേഖലകളിലാണ് താല്പര്യമെങ്കിൽ കൊമേഴ്‌സ് അല്ലെങ്കിൽ ഹ്യുമാനിറ്റീസ് ഗ്രൂപ്പുകളാണ് കൂടുതൽ അനുയോജ്യം.

ALSO READ: പ്ലസ് വൺ പ്രവേശനം; ട്രയൽ അലോട്ട്മെൻ്റിന് ശേഷം സീറ്റ് ഉറപ്പാക്കാൻ ആദ്യം ചെയ്യേണ്ടത്

മാർക്ക് കുറഞ്ഞവർ മാത്രം എടുക്കുന്നതാണ് ഹ്യുമാനിറ്റീസ് എന്ന ചിന്താഗതി നമ്മുടെ നാട്ടിൽ പൊതുവെ കേട്ടുവരാറുണ്ട്യ. എന്നാൽ ഇത് പൂർണ്ണമായും തെറ്റാണ്. ഉയർന്ന ശമ്പളം ലഭിക്കാൻ സാധ്യതയുള്ള ഹ്യൂമൻ റിസോഴ്‌സ്, സൈക്കോളജി, കോർപ്പറേറ്റ് ലോ തുടങ്ങിയ മേഖലകളിലേക്ക് പോകാൻ ഹ്യുമാനിറ്റീസ് ഏറെ സഹായിക്കും.

അപേക്ഷിക്കുമ്പോൾ ശ്രദ്ധിക്കേണ്ടത്

പ്ലസ് വൺ ഏകജാലക അപേക്ഷ സമർപ്പിക്കുമ്പോൾ താല്പര്യമുള്ള ഗ്രൂപ്പുകൾക്ക് കൃത്യമായ മുൻഗണന നൽകി വേണം ഫോം പൂരിപ്പിക്കാൻ. ഫുൾ എ പ്ലസ് ഉള്ളതുകൊണ്ട് ഏത് സ്കൂളിൽ അപേക്ഷിച്ചാലും ആദ്യ അലോട്ട്മെന്റിൽ തന്നെ സീറ്റ് ലഭിക്കാൻ സാധ്യത കൂടുതലാണ്. അതിനാൽ സ്കൂളും ഗ്രൂപ്പും ശ്രദ്ധാപൂർവ്വം തിരഞ്ഞെടുക്കണം. ട്രയൽ അലോട്ട്‌മെൻ്റ് പ്രസിദ്ധീകരിച്ച ശേഷം ആദ്യം തന്നെ അതിൽ നിങ്ങൾ നൽകിയ ഏതെങ്കിലും സ്കൂളോ കോമ്പിനേഷനോ ലഭിച്ചിട്ടുണ്ടോ എന്ന് പരിശോധിക്കണം. അതില്ലാത്തപക്ഷം ഉടൻ തന്നെ തിരുത്തലുകൾ വരുത്തി വീണ്ടും അപേക്ഷിക്കാവുന്നതാണ്.

നിങ്ങൾക്ക് ലഭിച്ച ഓപ്ഷൻ എത്രാമത്തേതാണെന്ന് നോക്കുക. എന്തുകൊണ്ടാണ് നിങ്ങൾക്ക് ആ​ഗ്രഹിച്ച സീറ്റ് ലഭിക്കാത്തതെന്ന് ആദ്യം മനസ്സിലാക്കണം. ഇവർ ആദ്യ അലോട്ട്മെൻ്റിന് മുമ്പ് ഓപ്ഷനുകളിൽ മാറ്റം വരുത്തേണ്ടത് നിർബന്ധമാണ്. ട്രയൽ അലോട്ട്‌മെൻ്റിൽ ലഭിച്ച സ്കൂളോ കോമ്പിനേഷനോ നിങ്ങൾക്ക് പൂർണ്ണ തൃപ്തികരമല്ലെങ്കിൽ, അവ മാറ്റാൻ ലഭിക്കുന്ന അവസാന അവസരമാണിത്.

പ്ലസ് വൺ പ്രവേശനവും അലോട്ട്മെൻ്റ് തീയതികളും

1. ട്രയൽ അലോട്ട്മെൻ്റ് വരുന്നത് ജൂൺ എട്ടാം തീയതിയാണ്.
2. അതിന് ശ്ഷമുള്ള ആദ്യ അലോട്ട്മെൻ്റ് പ്രസിദ്ധീകരിക്കുക ജൂൺ 16ന്.
3. രണ്ടാം അലോട്ട്മെൻ്റ് വരുന്നത് ജൂൺ 22നാണ്.
4. മൂന്നാം അലോട്ട്മെൻ്റ് ജൂൺ 29നും പുറത്തുവിടുന്നതാണ്.
5. സംസ്ഥാനത്ത് ഇക്കൊല്ലത്തെ പ്ലസ് വൺ ക്ലാസുകൾ ജൂലൈ 2 മുതൽ ആരംഭിക്കും.
6. പ്ലസ് വൺ പ്രവേശന നടപടികൾ ഓ​ഗസ്റ്റ് അഞ്ചിന് അവസാനിക്കുന്നു.

English Summary:

Kerala Plus One admission process is being conducted through the Higher Secondary Centralised Admission Process (HSCAP). Here Is Students Must Keep These Things In Your Mind Before Group Selection. Candidates who have successfully passed SSLC can now complete the online registration through the official HSCAP portal.

ന്യൂഡൽഹി: ദേശീയ മെഡിക്കൽ പ്രവേശന പരീക്ഷയായ നീറ്റ് യുജി (NEET-UG Exam) അടുത്ത വർഷം മുതൽ കമ്പ്യൂട്ടർ അധിഷ്ഠിത ടെസ്റ്റ് രീതിയിലേക്ക് മാറ്റാൻ ഒരുങ്ങി ദേശീയ പരീക്ഷാ ഏജൻസി (എൻടിഎ). നിലവിലുള്ള പേപ്പർ-പെൻ രീതിക്ക് ഇതിലൂടെ മാറ്റം വരുക. കേന്ദ്ര സർക്കാരുമായി കൂടിയാലോചിച്ച് 2027-ലെ സൈക്കിൾ മുതൽ ഇവ നടപ്പിലാക്കുമെന്നാണ് എൻടിഎ സുപ്രീം കോടതിയെ അറിയിച്ചിരിക്കുന്നത്. ഈ വർഷത്തെ നീറ്റ് പരീക്ഷാ ക്രമക്കേടുകളുമായി ബന്ധപ്പെട്ട ഹർജികൾ പരിഗണിക്കുന്ന ജസ്റ്റിസുമാരായ പി എസ് നരസിംഹ, അലോക് ആരാധെ എന്നിവരടങ്ങിയ ബെഞ്ചിന് മുൻപാകെ സമർപ്പിച്ച സത്യവാങ്മൂലത്തിലാണ് എൻടിഎ ഇക്കാര്യം വ്യക്തമാക്കിയത്.

ALSO READ: പ്ലസ് ടു പരീക്ഷാ ഫലത്തിൽ അതൃപ്തിയുണ്ടോ?; റീവാല്യൂവേഷനും ഫോട്ടോകോപ്പിക്കും അപേക്ഷിക്കാം

വിദഗ്ധ സമിതി ശുപാർശ

എൻടിഎയുടെ പരീക്ഷാ നടത്തിപ്പ് പരിഷ്കരിക്കുന്നതിനായി ഐഎസ്ആർഒ മുൻ ചെയർമാൻ ഡോ. കെ രാധാകൃഷ്ണന്റെ അധ്യക്ഷതയിൽ രൂപീകരിച്ച ഉന്നതാധികാര സമിതി സമർപ്പിച്ച 101 ശുപാർശകളുടെ ഭാഗമായാണ് പരീക്ഷ കമ്പ്യൂട്ടർ അധിഷ്ടതമാക്കാൻ എൻടിഎ ഒരുങ്ങുന്നത്. പരീക്ഷകൾ വിവിധ സെഷനുകളായും ഘട്ടങ്ങളായി നടത്താനും ശുപാർശയിൽ പറയുന്നുണ്ട്. എൻടിഎ നടത്തുന്ന മറ്റ് പ്രധാന പരീക്ഷകളെല്ലാം നിലവിൽ കമ്പ്യൂട്ടർ അധിഷ്ഠിതമായാണ് നടക്കുന്നത്. ആരോഗ്യ-കുടുംബക്ഷേമ മന്ത്രാലയത്തിന്റെയും നാഷണൽ മെഡിക്കൽ കമ്മീഷന്റെയും നിർദ്ദേശപ്രകാരം നീറ്റ് മാത്രമാണ് ഒഎംആർ ഷീറ്റ് ഉപയോഗിച്ച് പേപ്പർ-പെൻ രീതിയിൽ ഇപ്പോഴും നടത്തിവരുന്നത്. ഈ മാറ്റം നിലവിൽ വരുന്നതോടെ എൻടിഎയുടെ എല്ലാ പ്രധാന പരീക്ഷകളും ഡിജിറ്റൽ പ്ലാറ്റ്‌ഫോമിലേക്ക് മാറും.

സുരക്ഷ ശക്തമാക്കാൻ എഐ

നിലവിലെ വലിയ വെല്ലുവിളിയായ ചോദ്യപേപ്പർ ചോർച്ചയും ക്രമക്കേടുകളും പൂർണ്ണമായി തടയുന്നതിനായി വിപുലമായ സുരക്ഷാ ക്രമീകരണങ്ങളാണ് സത്യവാങ്മൂലത്തിൽ എൻടിഎ മുന്നോട്ടുവെക്കുന്നത്. ചോദ്യപേപ്പർ വിവർത്തനത്തിന്റെ 85 ശതമാനവും ഇനി മനുഷ്യ ഇടപെടലുകൾ ഒഴിവാക്കി എഐ സാങ്കേതികവിദ്യ ഉപയോ​ഗിച്ച് നിർവഹിക്കാനാണ് നീക്കം. ചോദ്യപേപ്പർ തയ്യാറാക്കുന്നവർ, മോഡറേറ്റർമാർ, വിവർത്തകർ എന്നിവരെ തിരഞ്ഞെടുക്കുന്നതിൽ റാൻഡമൈസേഷനും റൊട്ടേഷൻ പോളിസിയും കർശനമാക്കും.

നീറ്റ് ചോദ്യപേപ്പർ ചോർച്ച വിവാദം

ഇക്കഴിഞ്ഞ മെയ് മൂന്ന്ന് നടന്ന പരീക്ഷയിലും ക്രമക്കേടുകൾ കണ്ടെത്തിയതിനെ തുടർന്ന് പരീക്ഷ റദ്ദാക്കിയിരുന്നു. റദ്ദാക്കിയ പരീക്ഷ വരുന്ന ജൂൺ 21ന് നടത്തുന്നതാണ്. വരാനിരിക്കുന്ന പുനഃപരീക്ഷ കർശനമായ സുരക്ഷാ മാനദണ്ഡങ്ങളോടെയും മൾട്ടി-ലെയർ ഓതന്റിക്കേഷനോടെയുമായിരിക്കും നടത്തുകയെന്നും എൻടിഎ കോടതിയെ അറിയിച്ചിട്ടുണ്ട്. നിലവിലെ ക്രമക്കേടുകളെക്കുറിച്ചുള്ള സിബിഐ അന്വേഷണവുമായി ഏജൻസി പൂർണ്ണമായി സഹകരിക്കുന്നുണ്ടെന്നും സത്യവാങ്മൂലത്തിൽ വ്യക്തമാക്കുന്നു.

ജൂൺ 14-ഓടെ പുതിയ അഡ്മിറ്റ് കാർഡുകൾ വിദ്യാർത്ഥികൾക്ക് ലഭ്യമായി തുടങ്ങും. പുനഃപരീക്ഷയ്ക്ക് വിദ്യാർത്ഥികൾ പ്രത്യേക ഫീസ് നൽകേണ്ടതില്ലെന്നും മുൻപ് അടച്ച തുക ഇതിനായി പരിഗണിക്കുംമെന്നും നേരത്തെ അധികൃതർ അറിയിച്ചിരുന്നു. പുനഃപരീക്ഷയ്ക്കായി വിദ്യാർത്ഥികൾ പുതിയതായി രജിസ്റ്റർ ചെയ്യേണ്ടതുമില്ല. പരീക്ഷാ ക്രമക്കേടുകളെക്കുറിച്ചുള്ള ആരോപണങ്ങളിൽ സമഗ്രമായ അന്വേഷണം നടത്തുന്നതിനായി കേന്ദ്ര സർക്കാർ ഈ വിഷയം സിബിഐക്ക് വിട്ടിരിക്കുകയാണ്.

പുനഃപരീക്ഷയുമായി ബന്ധപ്പെട്ട് സോഷ്യൽ മീഡിയയിൽ പ്രചരിക്കുന്ന അടിസ്ഥാനരഹിതമായ വാർത്തകൾ വിശ്വസിക്കരുതെന്നും ഔദ്യോഗിക അറിയിപ്പുകൾക്കായി കാത്തിരിക്കണമെന്നും വിദ്യാർത്ഥികളോടും രക്ഷിതാക്കളോടും എൻടിഎ അഭ്യർത്ഥിച്ചു. പരീക്ഷാ തീയതികളും അഡ്മിറ്റ് കാർഡ് വിവരങ്ങളും എൻടിഎയുടെ ഔദ്യോഗിക വെബ്സൈറ്റിലൂടെ മാത്രമാണ് അറിയിക്കുക.

English Summary:

NTA told the Supreme Court that it is prepared to conduct the NEET-UG examination in computer-based test (CBT) mode from next year after consultations with the Centre. NEET-UG paper leak that led to the cancellation of the May 3 examination this year.

സംസ്ഥാനത്ത് പ്ലസ് വൺ അഡ്മിഷനുള്ള നടപടിക്രമങ്ങൾ ആരംഭിച്ചുകഴിഞ്ഞു. പ്ലസ് വൺ പ്രവേശനത്തിനുള്ള അപേക്ഷകൾ ഇക്കഴിഞ്ഞ 25ാം തീയതി മുതൽ സ്വീകരിച്ച് തുടങ്ങിയിരുന്നു. അപേക്ഷ സമർപ്പിക്കാനുള്ള അവസാന തീയതി ജൂൺ മൂന്ന് വരെയാണ്. ഇനി അടുത്തതായി വരാനിരിക്കുന്ന അലോട്ട്മെൻ്റ് നടപടികളിൽ ആദ്യത്തേതാണ് ട്രയൽ അലോട്ട്മെൻ്റ്. വിദ്യാർത്ഥികൾ സമർപ്പിച്ച അപേക്ഷകളുടെ അടിസ്ഥാനത്തിൽ ഒന്നാമത്തെ അലോട്ട്‌മെൻ്റിൽ ഏത് സ്കൂളിൽ സീറ്റ് ലഭിക്കാൻ സാധ്യതയുണ്ടെന്ന് മനസ്സിലാക്കാനാണ് ട്രയൽ അലോട്ട്‌മെൻ്റ് പ്രസിദ്ധീകരിക്കുന്നത്.

എന്നാൽ പല കുട്ടികൾക്കും ട്രയൽ അലോട്ട്‌മെൻ്റ് വന്നതിനു ശേഷം സീറ്റ് ഉറപ്പിക്കാൻ ആദ്യം ചെയ്യേണ്ടത് എന്താണെന്ന് അറിയണമെന്നില്ല. വരാനിരിക്കുന്ന പ്രധാന അലോട്ട്‌മെൻ്റുകളിൽ നിങ്ങളുടെ സീറ്റ് സുരക്ഷിതമാക്കാൻ ആദ്യം ചെയ്യേണ്ട കാര്യങ്ങൾ എന്തൊക്കെയാണെന്ന് നമുക്ക് മനസ്സിലാക്കാം.

ALSO READ: പ്ലസ് വൺ പ്രവേശനം: ട്രയൽ അലോട്ട്മെൻ്റ് ജൂൺ ആദ്യവാരം? ആദ്യ അലോട്ട്മെൻ്റ് എന്ന് വരും

അലോട്ട്‌മെൻ്റ് സ്റ്റാറ്റസ് പരിശോധിക്കുക

ട്രയൽ അലോട്ട്‌മെൻ്റ് പ്രസിദ്ധീകരിച്ച ശേഷം ആദ്യം തന്നെ അതിൽ ഏതെങ്കിലും സ്കൂളോ കോമ്പിനേഷനോ ലഭിച്ചിട്ടുണ്ടോ എന്ന് പരിശോധിക്കണം. നിങ്ങൾക്ക് ലഭിച്ച ഓപ്ഷൻ എത്രാമത്തേതാണെന്ന് നോക്കുക. എന്തുകൊണ്ടാണ് നിങ്ങൾക്ക് ആ​ഗ്രഹിച്ച സീറ്റ് ലഭിക്കാത്തതെന്ന് ആദ്യം മനസ്സിലാക്കണം. ഇവർ ആദ്യ അലോട്ട്മെൻ്റിന് മുമ്പ് ഓപ്ഷനുകളിൽ മാറ്റം വരുത്തേണ്ടത് നിർബന്ധമാണ്. ട്രയൽ അലോട്ട്‌മെൻ്റിൽ ലഭിച്ച സ്കൂളോ കോമ്പിനേഷനോ നിങ്ങൾക്ക് പൂർണ്ണ തൃപ്തികരമല്ലെങ്കിൽ, അവ മാറ്റാൻ ലഭിക്കുന്ന അവസാന അവസരമാണിത്.

ഓപ്ഷനുകൾ മാറ്റുക

നിങ്ങൾക്ക് ഇപ്പോൾ ലഭിച്ച ഓപ്ഷനേക്കാൾ മികച്ച മറ്റൊരു സ്കൂളിലേക്ക് മാറണമെന്നുണ്ടെങ്കിൽ, ആ സ്കൂളുകളെ നിങ്ങളുടെ ലിസ്റ്റിൽ മുകളിലെ ഓപ്ഷനുകളായി ഉൾപ്പെടുത്തണം. ട്രയലിൽ സീറ്റ് ലഭിക്കാത്തവർ കട്ട്-ഓഫ് മാർക്ക് കുറവുള്ള മറ്റ് സ്കൂളുകളോ കോമ്പിനേഷനുകളോ കൂടി അപേക്ഷയിൽ പുതുതായി കൂട്ടിച്ചേർക്കാൻ ശ്രദ്ധിക്കുക. നിങ്ങളുടെ അപേക്ഷയിൽ വന്നിട്ടുള്ള എന്തെങ്കിലും തെറ്റുകൾ കാരണം റാങ്ക് ലിസ്റ്റിൽ പിന്നോട്ട് പോയിട്ടുണ്ടെങ്കിൽ അത് തിരുത്താനുള്ള അവസരമാണിത്.

പേര്, ജനനത്തീയതി, ലോഗിൻ വിവരങ്ങൾ എന്നിവ കൃത്യമായി പരിശോധിക്കുക. എൻസിസി, എസ്പിസി, സ്കൗട്ട് ആൻ്റ് ഗൈഡ്, സ്പോർട്സ് എന്നിവയുടെ സർട്ടിഫിക്കറ്റുകൾ ഉണ്ടായിട്ടും ബോണസ് പോയിൻ്റ് ക്ലെയിം ചെയ്യാൻ വിട്ടുപോയിട്ടുണ്ടെങ്കിൽ അത് ആദ്യ അലോട്ട്മെൻ്റിന് മുമ്പായി ചേർക്കാവുന്നതാണ്. ഇത് നിങ്ങളുടെ റാങ്ക് വലിയ രീതിയിൽ ഉയർത്തും.

ട്രയൽ അലോട്ട്‌മെൻ്റിന് ശേഷം സ്കൂളിൽ ചേരണോ?

ട്രയൽ അലോട്ട്‌മെൻ്റ് എന്നാൽ പ്രവേശനത്തിനുള്ള വാതിലല്ല, മറിച്ച് ഒരു നിങ്ങൾക്ക് ലഭിക്കാൻ സാധ്യതയുള്ള ​ഗ്രൂപ്പും സ്കൂളും ഏതാണെന്ന് മനസ്സിലാക്കാനുള്ള അവസരമാണ്. അതിനാൽ ട്രയൽ അലോട്ട്‌മെൻ്റിൽ പേര് വന്ന വിദ്യാർത്ഥികൾ ഫീസടയ്ക്കാനോ സർട്ടിഫിക്കറ്റുകൾ വെരിഫൈ ചെയ്യാനോ സ്കൂളുകളിൽ നേരിട്ട് പോകേണ്ടതില്ല. ഓൺ‌ലൈൻ പ്രൊഫൈലിൽ വരുത്തുന്ന മാറ്റങ്ങളുടെ അടിസ്ഥാനത്തിൽ പ്രസിദ്ധീകരിക്കുന്ന 'ആദ്യ അലോട്ട്‌മെൻ്റ്' വന്നതിനു ശേഷം മാത്രമേ താല്ക്കാലികമായോ സ്ഥിരമായോ പ്രവേശനത്തിനായി സ്കൂളുകളിൽ പോകേണ്ടതുള്ളൂ.

പ്ലസ് വൺ പ്രവേശനവും അലോട്ട്മെൻ്റ് തീയതിയും

• ട്രയൽ അലോട്ട്മെൻ്റ് വരുന്നത് ജൂൺ എട്ട്
• ആദ്യ അലോട്ട്മെൻ്റ് വരുന്നത് ജൂൺ 16
• രണ്ടാം അലോട്ട്മെൻ്റ് വരുന്നത് ജൂൺ 22
• മൂന്നാം അലോട്ട്മെൻ്റ് വരുന്നത് ജൂൺ 29
• പ്ലസ് വൺ ക്ലാസുകൾ ആരംഭിക്കുന്നത് ജൂലൈ 2
• പ്രവേശന നടപടികൾ അവസാനിക്കുന്നത് ഓ​ഗസ്റ്റ് അഞ്ച്

English Summary:

Kerala Plus One Admission 2026, What Every Student Must Do After Trial Allotment Published. Here Is The Step By Step Guide For Applying And Avoid Mistake During Admission Process.

ഹയർ സെക്കൻഡറി രണ്ടാം വർഷ (Plus Two) പരീക്ഷാ ഫലം വന്നതിന് പിന്നാലെ പ്രതീക്ഷിച്ച മാർക്ക് ലഭിക്കാത്ത വിഷമത്തിൽ ധാരാളം കുട്ടികളുണ്ടാകും. പരീക്ഷാ ഫലത്തിൽ എന്തെങ്കിലും തരത്തിലുള്ള അതൃപ്തിയോ മാർക്കിൽ സംശയമോ ഉള്ള വിദ്യാർത്ഥികൾക്ക് പൊതുവിദ്യാഭ്യാസ വകുപ്പ് പുനർമൂല്യനിർണയം, സൂക്ഷ്മപരിശോധന, ഫോട്ടോകോപ്പി എന്നിവയ്ക്ക് അപേക്ഷിക്കാനുള്ള അവസരം വരും ദിവസങ്ങളിൽ ഒരുക്കിയിട്ടുണ്ട്. വിദ്യാർത്ഥികൾക്കും രക്ഷിതാക്കൾക്കുമായി ഈ അപേക്ഷാ പ്രക്രിയയുടെ വിശദമായ വിവരങ്ങൾ നമുക്ക് പരിശോധിക്കാം. മാർച്ചിൽ നടന്ന രണ്ടാം വർഷ ഹയർസെക്കൻഡറി ‌പരീക്ഷയുടെ ഫലം ഇക്കഴിഞ്ഞ 26ാം തീയതിയാണ് പ്രസിദ്ധീകരിച്ചത്.

ഉത്തരക്കടലാസുകളുടെ പുനർമൂല്യനിർണയം, സൂക്‌ഷ്മപരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകൾ ഫീസ് സഹിതം, വിദ്യാർത്ഥികൾ സ്കൂളിലെ പ്രിൻസിപ്പാളിന് ജൂൺ മൂന്നിനകം സമർപ്പിക്കേണ്ടതാണ്. ഇരട്ട മൂല്യനിർണ്ണയം നടത്തിയ ഫിസിക്സ്, കെമിസ്ട്രി, കണക്ക് എന്നീ വിഷയങ്ങളുടെ ഉത്തരക്കടലാസുകളുടെ പുനർമൂല്യനിർണയമോ, സൂക്ഷ്മപരിശോധനയോ ഉണ്ടായിരിക്കുന്നതല്ല എന്ന കാര്യം വിദ്യാർത്ഥികൾ പ്രത്യേകം ശ്രദ്ധിക്കണം. എന്നാൽ മേൽപ്പറഞ്ഞ ഉത്തരക്കടലാസുകളുടെ ഫോട്ടോകോപ്പിക്ക് നിങ്ങൾക്ക് അപേക്ഷിക്കാവുന്നതാണ്.

Also Read: പ്ലസ് ടു സേ, ഇംപ്രൂവ്‌മെന്റ് പരീക്ഷയ്ക്ക് എത്ര രൂപ നല്‍കണം? എങ്ങനെ അപേക്ഷിക്കാം?

ലക്ഷദ്വീപിലുളള ഹയർ സെക്കണ്ടറി സ്കൂളുകളിലെ വിദ്യാർത്ഥികളുടെ അപേക്ഷാഫീസ്, ഡിമാൻ്റ് ഡ്രാഫ്റ്റ് (Drawn in favour of Joint Director, Examinations (Higher Secondary Wing), Directorate of General Education, Thiruvananthapuram) മുഖാന്തിരം അതാതു സ്കൂൾ പ്രിൻസിപ്പാൾമാർ ജൂൺ മൂന്നനകം സമർപ്പിക്കേണ്ടതാണ്. എന്നാൽ അൺ-എയ്‌ഡഡ് ഹയർ സെക്കണ്ടറി സ്കൂളുകളിൽ നിന്നും പുനർമൂല്യനിർണ്ണയം, ഫോട്ടോകോപ്പി, സൂക്‌ഷ്മപരിശോധന എന്നിവയ്ക്കായി അപേക്ഷിക്കുന്ന വിദ്യാർത്ഥികളുടെ ഫീസ് മേൽപ്പറഞ്ഞ തീയതിക്കുള്ളിൽ പ്രിൻസിപ്പാൾമാർ ട്രഷറികളിൽ ഒടുക്കേണ്ടതാണ്. റീഫണ്ടിന് അർഹരായ അൺ-എയ്‌ഡഡ് സ്കൂൾ വിദ്യാർത്ഥികളുടെ അപേക്ഷ ചലാൻ, ബാങ്ക് പാസ്ബുക്ക് എന്നിവയുടെ പകർപ്പ് സഹിതം അതാത് പ്രിൻസിപ്പാൾമാർ മുഖേന ഹയർ സെക്കണ്ടറി ഡയറക്ടറേറ്റിലേയ്ക്ക് അയച്ചു നൽകേണ്ടതാണ്.

പ്ലസ് ടു സേ, ഇംപ്രൂവ്‌മെന്റ് പരീക്ഷ

പ്ലസ് ടു സേ, ഇംപ്രൂവ്‌മെന്റ് പരീക്ഷയ്ക്ക് വിദ്യാർത്ഥികൾക്ക് അപേക്ഷിക്കാനുള്ള അവസരമുണ്ട്. ഡി പ്ലസ് ഗ്രേഡോ, അതിന് മുകളിലോ നേടാനാകാത്തവർ യോഗ്യത നേടാത്ത എല്ലാ വിഷയങ്ങൾക്കും രജിസ്റ്റർ ചെയ്യാവുന്നതാണ്. എന്നാൽ എല്ലാ വിഷയങ്ങൾക്കും ഡി പ്ലസ് ഗ്രേഡോ, അതിന് മുകളിലോ നേടിയവർക്ക് ഏതെങ്കിലും ഒരു വിഷയത്തിന് മാത്രം ഗ്രേഡ് മെച്ചപ്പെടുത്താൻ ഇംപ്രൂവ്‌മെന്റ് പരീക്ഷയ്ക്ക് അപേക്ഷിക്കാൻ സാധിക്കൂ. ബയോളജി പരീക്ഷയ്ക്ക് രജിസ്റ്റർ ചെയ്യുന്നവർ ബോട്ടണിയും, സുവോളജിയും എഴുതേണ്ടതുണ്ട്.

മാർച്ചിലെ രണ്ടാം വർഷ ഹയർ സെക്കൻഡറി പരീക്ഷയ്ക്ക് രജിസ്റ്റർ ചെയ്യാത്തവർക്ക് ജൂണിൽ നടക്കുന്ന സേ, ഇംപ്രൂവ്‌മെന്റ് പരീക്ഷയ്ക്ക് രജിസ്റ്റർ ചെയ്യാനാകില്ല എന്ന കാര്യം വിദ്യാർത്ഥികൾ ശ്രദ്ധിക്കണം. സേ പരീക്ഷയിൽ വിദ്യാർത്ഥിക്ക് ഇതുവരെ കിട്ടിയ സ്‌കോറുകളുടെ അടിസ്ഥാനത്തിൽ യോഗ്യത രേഖപ്പെടുത്തി ക്രോഡീകരിച്ച സർട്ടിഫിക്കറ്റാകും നൽകുക. പരീക്ഷാ കേന്ദ്രങ്ങളുടെയും, ക്ലബ് ചെയ്യപ്പെട്ട സ്‌കൂളുകളുടെയും ലിസ്റ്റ് https://hseportal.kerala.gov.in/ എന്ന വകുപ്പുതല പോർട്ടലിൽ ലഭിക്കും.

പരീക്ഷയ്ക്ക് രജിസ്റ്റർ ചെയ്ത സ്‌കൂളിൽ നിന്ന് തന്നെ അപേക്ഷാം വാങ്ങാവുന്നതാണ്. പൂരിപ്പിച്ച അപേക്ഷകൾ ഫീസ് സഹിതം നിശ്ചിത സമയപരിധിക്കുള്ളിൽ സ്‌കൂൾ പ്രിൻസിപ്പലിന് സമർപ്പിക്കേണ്ടത്. അപേക്ഷയിൽ പാസ്‌പോർട്ട് സൈസ് ഫോട്ടോ ഉണ്ടായിരിക്കണം. പ്രിൻസിപ്പൽ അത് സാക്ഷ്യപ്പെടുത്തണം. സേ പരീക്ഷയും, ഇംപ്രൂവ്‌മെന്റ് പരീക്ഷയും ജൂൺ 29 മുതൽ ജൂലൈ മൂന്ന് വരെ നടക്കും. വിജ്ഞാപനം എച്ച്എസ്ഇ പോർട്ടലിൽ ലഭ്യമാണ്. ഈ വിജ്ഞാപനം പൂർണമായും വായിക്കേണ്ടതാണ്.

English Summary:

Kerala, has officially opened the application window for Revaluation, Scrutiny, and Photocopy of answer sheets for the Second Year (Plus Two) March 2026 Higher Secondary Examinations. Before submitting the application form students must know these things.

ന്യൂഡല്‍ഹി: പരീക്ഷാ മൂല്യനിര്‍ണയത്തിന് ആദ്യമായി ഓണ്‍ സ്‌ക്രീന്‍ മാര്‍ക്കിങ് (ഒഎസ്എം) സംവിധാനം പ്രയോജനപ്പെടുത്തി സിബിഎസ്ഇ. പരീക്ഷയെഴുതിയ 17 ലക്ഷം വിദ്യാര്‍ഥികളുടെ 98 ലക്ഷം ഉത്തരക്കടലാസുകള്‍ ഇത്തരത്തില്‍ മൂല്യനിര്‍ണയം നടത്തിയതായി കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ പറഞ്ഞു.

40 കോടി പരീക്ഷ പേപ്പറുകളാണ് സിബിഎസ്ഇ ഇത്തരത്തില്‍ മൂല്യനിര്‍ണയത്തിന് വിധേയമാക്കിയത്. ഒഎസ്എം പുരോഗമനമായ ആശയമാണെന്നു ഇത് സുതാര്യത ഉറപ്പാക്കുന്നുവെന്നും മന്ത്രി അഭിപ്രായപ്പെട്ടു.

ഒഎസ്എം ഒരു പുരോഗമനമായ സംവിധാനമാണ്. ലോകത്തിലെ വിവിധ സര്‍വകലാശാലകളിലും വിദ്യാഭ്യാസ സ്ഥാപനങ്ങളിലും നിലവില്‍ ഈ രീതിയാണ് ഉപയോഗിക്കുന്നത്. പൂര്‍ണമായും വിദ്യാര്‍ഥികേന്ദ്രീകൃതമായ സംവിധാനമാണിത്. വിദ്യാര്‍ഥികള്‍ക്ക് അവരുടെ മാര്‍ക്കിനെ കുറിച്ച് കൂടുതല്‍ സുതാര്യമായ വിവരങ്ങള്‍ ലഭ്യമാക്കുക എന്നതാണ് ഒഎസ്എമ്മിന്റെ ലക്ഷ്യമെന്നും മന്ത്രി വ്യക്തമാക്കി.

എന്താണ് ഒഎസ്എം?

ഈ വര്‍ഷം മുതല്‍ സിബിഎസ്ഇ പരീക്ഷാമൂല്യനിര്‍ണയത്തില്‍ ഉപയോഗിച്ച ഒഎസ്എം സംവിധാനം പലര്‍ക്കും അത്ര പരിചയമുള്ള ഒന്നല്ല. കൂടുതല്‍ സുതാര്യവും വിദ്യാര്‍ഥികളുടെ താത്പര്യം സംരക്ഷിക്കുന്നതുമാണ് ഒഎസ്എം എന്നാണ് കേന്ദ്ര സര്‍ക്കാരിന്റെ വാദം.

ഒഎസ്എം എന്നത് പരീക്ഷാ ഉത്തരക്കടലാസുകള്‍ സ്‌കാന്‍ ചെയ്ത് ഡിജിറ്റല്‍ രൂപത്തിലാക്കി കമ്പ്യൂട്ടര്‍ സ്‌ക്രീനിലൂടെ മൂല്യനിര്‍ണയം നടത്തുന്ന സംവിധാനമാണ്. ഈ സംവിധാനത്തില്‍ വിദ്യാര്‍ഥികളുടെ ഉത്തരക്കടലാസുകള്‍ ഹൈ-ക്വാളിറ്റി സ്‌കാനറുകള്‍ ഉപയോഗിച്ച് ഡിജിറ്റൈസ് ചെയ്യുന്നു. പിന്നീട് സുരക്ഷിതമായ ഓണ്‍ലൈന്‍ പ്ലാറ്റ്‌ഫോമിലൂടെ ബന്ധപ്പെട്ട ചുമതലയുള്ളവര്‍ക്ക് അയയ്ക്കുകയും അവര്‍ സ്‌ക്രീനില്‍ നോക്കി മാര്‍ക്ക് രേഖപ്പെടുത്തുകയും ചെയ്യുന്നതാണ് രീതി.

എന്തുകൊണ്ട് ഒഎസ്എമ്മിന് ഇത്ര പ്രാധാന്യം ലഭിക്കുന്നു?

ഒഎസ്എം സംവിധാനത്തില്‍ ഓരോ മാര്‍ക്കും ഡിജിറ്റലായി രേഖപ്പെടുത്തപ്പെടുന്നതിനാല്‍ പിഴവുകള്‍ കുറയുന്നുവെന്നാണ് സര്‍ക്കാര്‍ വാദം. മാര്‍ക്ക് മാറ്റം, പേജ് നഷ്ടപ്പെടല്‍ തുടങ്ങിയ പ്രശ്നങ്ങള്‍ ഒഴിവാക്കാനും ഈ രീതി സഹായിക്കും.

ഡിജിറ്റല്‍ സംവിധാനമായതിനാല്‍ മൂല്യനിര്‍ണയം വേഗത്തില്‍ പൂര്‍ത്തിയാക്കാന്‍ കഴിയും. ഇതിലൂടെ ഫലപ്രഖ്യാപനവും വേഗത്തിലാകും. ഉത്തരക്കടലാസുകള്‍ നഷ്ടപ്പെടുകയോ കേടുപാടുകള്‍ സംഭവിക്കുകയോ ചെയ്യാനുള്ള സാധ്യതയില്ല. എല്ലാ വിവരങ്ങളും ഡിജിറ്റല്‍ രൂപത്തില്‍ സുരക്ഷിതമായി ഉണ്ടാകും.

Also Read: Kerala Plus One Admission 2026: പ്ലസ് വൺ പ്രവേശനം: ട്രയൽ അലോട്ട്മെൻ്റ് ജൂൺ ആദ്യവാരം? ആദ്യ അലോട്ട്മെൻ്റ് എന്ന് വരും

മാര്‍ക്ക് സംബന്ധിച്ച കൂടുതല്‍ വ്യക്തതയും സുതാര്യതയും വിദ്യാര്‍ഥികള്‍ക്ക് ലഭിക്കും. റീ-വാലുവേഷന്‍ പോലുള്ള നടപടികളും എളുപ്പമാകും. ഡിജിറ്റല്‍ മൂല്യനിര്‍ണയ സംവിധാനം ലോകത്തിലെ നിരവധി സര്‍വകലാശാലകളും വിദ്യാഭ്യാസ സ്ഥാപനങ്ങളും ഇതിനകം ഉപയോഗിക്കുന്നുണ്ട്. വലിയ പരീക്ഷകള്‍ നടത്തുന്ന സ്ഥാപനങ്ങള്‍ കൂടുതല്‍ കാര്യക്ഷമതയ്ക്കായി ഇത്തരം സംവിധാനങ്ങളിലേക്ക് മാറിക്കൊണ്ടിരിക്കുകയാണെന്നാണ് വിവരം.

ഒഎസ്എം എങ്ങനെ പ്രവര്‍ത്തിക്കുന്നു?

• പരീക്ഷ കഴിഞ്ഞാല്‍ ഉത്തരക്കടലാസുകള്‍ ശേഖരിക്കും
• ഓരോ പേജും സ്‌കാന്‍ ചെയ്ത് ഡിജിറ്റല്‍ കോപ്പിയാക്കും
• സ്‌കാന്‍ ചെയ്ത ഫയലുകള്‍ സുരക്ഷിത സര്‍വറുകളില്‍ അപ്ലോഡ് ചെയ്യും
• പരീക്ഷ നടത്തിപ്പുകാര്‍ക്ക് ഓണ്‍ലൈന്‍ ആക്സസ് നല്‍കുന്നു
• ശേഷം ഇവര്‍ സ്‌ക്രീനില്‍ നോക്കി മാര്‍ക്ക് രേഖപ്പെടുത്തുന്നു
• സിസ്റ്റം സ്വയം മാര്‍ക്ക് കണക്കാക്കി ഡാറ്റ സംഭരിക്കുന്നു

English Summary

Union Education Minister Dharmendra Pradhan said CBSE evaluated nearly 40 crore scanned answer sheet pages using the On-Screen Marking (OSM) system for the first time. The digital evaluation process was introduced to improve transparency, efficiency and student-centric assessment.

കേരളത്തിൽ എസ്എസ്എൽസി, സിബിഎസ്ഇ പരീക്ഷാ ഫലങ്ങൾ പുറത്തുവന്നതിന് പിന്നാലെ പ്ലസ് വൺ പ്രവേശനത്തിനുള്ള തയ്യാറെടുപ്പിലാണ് വിദ്യാർത്ഥികൾ എല്ലാവരും. പ്ലസ് വൺ പ്രവേശനത്തിനുള്ള അപേക്ഷകൾ ഇക്കഴിഞ്ഞ 25ാം തീയതി മുതൽ സ്വീകരിച്ച് തുടങ്ങിയിരുന്നു. പ്ലസ് വൺ പ്രവേശനത്തിനുള്ള അപേക്ഷ സമർപ്പിക്കാനുള്ള അവസാന തീയതി ജൂൺ മൂന്ന് വരെയാണ്. ഇനി അടുത്തതായി വരാനിരിക്കുന്നത് അലോട്ട്മെൻ്റ് നടപടികളാണ്. ഏകജാലക സംവിധാനമായ (HSCAP- Higher Secondary Centralized Admission Process) വഴിയുള്ള അലോട്ട്മെന്റ് രീതിയിലൂടെയാണ് സംസ്ഥാനത്ത് പ്ല്സ് വൺ പ്രവേശനം നടത്തുന്നത്.

അലോട്ട്മെൻ്റ് പ്രക്രിയയിൽ വിദ്യാർത്ഥികൾക്ക് തങ്ങൾക്ക് ലഭിക്കാൻ സാധ്യതയുള്ള സ്കൂളും കോഴ്സും മുൻകൂട്ടി മനസ്സിലാക്കാൻ സഹായിക്കുന്ന ട്രയൽ അലോട്ട്മെൻ്റ് ജൂൺ ആദ്യവാരത്തിൽ പ്രസിദ്ധീകരിക്കുമെന്നാണ് ഇക്കഴിഞ്ഞ ദിവസം പുറത്തുവന്ന റിപ്പോർട്ടുകൾ സൂചിപ്പിക്കുന്നു. ഇതിന് പിന്നാലെ തന്നെ പ്രധാന അലോട്ട്മെൻ്റുകളും ആരംഭിക്കും. പ്ലസ് വൺ പ്രവേശനവുമായി ബന്ധപ്പെട്ട പൂർണ്ണമായ വിവരങ്ങളും തീയതികളും നമുക്ക് വിശദമായി പരിശോധിക്കാം.

ALSO READ: പ്ലസ് ടു സേ, ഇംപ്രൂവ്‌മെന്റ് പരീക്ഷയ്ക്ക് എത്ര രൂപ നല്‍കണം? എങ്ങനെ അപേക്ഷിക്കാം?

പ്ലസ് വൺ പ്രവേശനവും അലോട്ട്മെൻ്റ് തീയതിയും

1. ട്രയൽ അലോട്ട്മെൻ്റ് വരുന്നത് ജൂൺ എട്ട്
2. ആദ്യ അലോട്ട്മെൻ്റ് വരുന്നത് ജൂൺ 16
3. രണ്ടാം അലോട്ട്മെൻ്റ് വരുന്നത് ജൂൺ 22
4. മൂന്നാം അലോട്ട്മെൻ്റ് വരുന്നത് ജൂൺ 29
5. പ്ലസ് വൺ ക്ലാസുകൾ ആരംഭിക്കുന്നത് ജൂലൈ 2
6. പ്രവേശന നടപടികൾ അവസാനിക്കുന്നത് ഓ​ഗസ്റ്റ് അഞ്ച്

അലോട്ട്മെൻ്റ് എവിടെ പരിശോധിക്കാം?

ജൂൺ ആദ്യവാരത്തോടെ ട്രയൽ അലോട്ട്മെൻ്റ് ഹയർസെക്കൻഡറി പോർട്ടലിൽ പ്രസിദ്ധീകരിക്കുന്നതാണ്. അപേക്ഷയിൽ എന്തെങ്കിലും തെറ്റുകളോ ഓപ്ഷനുകളിൽ മാറ്റങ്ങളോ വരുത്താനുണ്ടെങ്കിൽ വിദ്യാർത്ഥികൾക്ക് ഇതിലൂടെ തിരുത്തലുകൾ വരുത്താനുള്ള അവസരമുണ്ട്.

ട്രയൽ അലോട്ട്മെൻ്റിലെ തിരുത്തലുകൾ പൂർത്തിയാക്കിയ ശേഷം ജൂൺ ജൂൺ 16 ഓടെ ആദ്യ അലോട്ട്മെൻ്റ് ലിസ്റ്റ് പ്രസിദ്ധീകരിക്കുന്നതാണ്. ഈ ഘട്ടത്തിൽ ഒന്നാമത്തെ ഓപ്ഷൻ ലഭിക്കുന്നവർ സ്ഥിരപ്രവേശനം നേടേണ്ടതുണ്ട്.

ആദ്യ അലോട്ട്മെൻ്റിൽ താല്ക്കാലിക പ്രവേശനം നേടിയവർക്കും മാറ്റങ്ങൾ ആഗ്രഹിക്കുന്നവർക്കുമായി തുടർന്നുള്ള ദിവസങ്ങളിൽ രണ്ടാമത്തെയും മൂന്നാമത്തെയും അലോട്ട്മെന്റുകൾ പുറത്തുവിടുന്നതാണ്. ഇത്തവണ രണ്ടാം അലോട്ട്മെൻ്റ് ജൂൺ 22നും മൂന്നാം അലോട്ട്മെൻ്റ് ജൂൺ 29നും പുറത്തുവിടും. പ്ലസ് വൺ ക്ലാസുകൾ ആരംഭിക്കുന്നത് ജൂലൈ രണ്ടോടെ ആരംഭിക്കുകയും ചെയ്യും.

അലോട്ട്മെൻ്റ് എങ്ങനെ പരിശോധിക്കാം?

• ഹയർസെക്കൻഡറിയുടെ ഔദ്യോഗിക വെബ്സൈറ്റ് സന്ദർശിച്ചാൽ നിങ്ങൾക്ക് അലോട്ട്മെൻ്റ് ലിസ്റ്റ് പരിശോധിക്കാനാകും.
• വെബ്സൈറ്റിലെ 'Candidate Login' എന്ന ലിങ്കിൽ ക്ലിക്ക് ചെയ്ത് അക്കൗണ്ട് തുറക്കുക.
• നിങ്ങളുടെ കൃത്യമായ ആപ്ലിക്കേഷൻ നമ്പരും പാസ്‌വേഡും നൽകി ലോഗിൻ ചെയ്യുക.
• ലോഗിൻ ചെയ്ത ശേഷം 'Trial Result' അല്ലെങ്കിൽ 'Allotment Result' എന്ന ഓപ്ഷൻ ക്ലിക്ക് ചെയ്ത് നിങ്ങൾക്ക് അലോട്ട്മെന്റ് ലഭിച്ച സ്കൂളും കോഴ്സും പരിശോധിക്കാം.
• ട്രയൽ അലോട്ട്മെൻ്റ് വരുമ്പോൾ ശ്രദ്ധിക്കേണ്ടത്
• ട്രയൽ അലോട്ട്മെൻ്റിൽ നിങ്ങൾക്ക് ലഭിച്ച സ്കൂളോ കോഴ്സോ തൃപ്തികരമല്ലെങ്കിൽ, ആദ്യ അലോട്ട്മെൻ്റിന് മുൻപായി നിങ്ങളുടെ ഓപ്ഷനുകൾ തിരുത്താവുന്നതാണ്.
• നിങ്ങളുടെ പേര്, ജാതി, ബോണസ് പോയിൻ്റുകൾ എന്നിവയിൽ എന്തെങ്കിലും പിഴവുകൾ വന്നിട്ടുണ്ടെങ്കിൽ അത് തിരുത്താനുള്ള അവസാന അവസരമാണിത്. ഇവിടെ തിരുത്തിയില്ലെങ്കിൽ ആദ്യ അലോട്ട്മെൻ്റിൽ സീറ്റ് ലഭിച്ചാലും പ്രവേശനം നഷ്ടമായേക്കാം.

English Summary:

Kerala Plus One Trial Allotment Out on June 8th 2026. Plus One Classes Begins On July 3rd And Admission Process Closed On August 5. Check The Complete Guide For Allotment And Class 11th Joining.

DHSE Kerala Plus Two SAY and Improvement Exam 2026: പ്ലസ് ടു സേ, ഇംപ്രൂവ്‌മെന്റ് പരീക്ഷയ്ക്ക് വിദ്യാര്‍ത്ഥികള്‍ക്ക് അപേക്ഷിക്കാം. ഡി പ്ലസ് ഗ്രേഡോ, അതിന് മുകളിലോ നേടാനാകാത്തവര്‍ യോഗ്യത നേടാത്ത എല്ലാ വിഷയങ്ങള്‍ക്കും രജിസ്റ്റര്‍ ചെയ്യണം. എല്ലാ വിഷയങ്ങള്‍ക്കും ഡി പ്ലസ് ഗ്രേഡോ, അതിന് മുകളിലോ നേടിയവര്‍ക്ക് ഏതെങ്കിലും ഒരു വിഷയത്തിനു മാത്രം ഗ്രേഡ് മെച്ചപ്പെടുത്താന്‍ ഇംപ്രൂവ്‌മെന്റ് പരീക്ഷയ്ക്ക് അപേക്ഷിക്കാം. ബയോളജി പരീക്ഷയ്ക്ക് രജിസ്റ്റര്‍ ചെയ്യുന്നവര്‍ ബോട്ടണിയും, സുവോളജിയും എഴുതണം.

മാര്‍ച്ചിലെ രണ്ടാം വര്‍ഷ ഹയര്‍ സെക്കന്‍ഡറി പരീക്ഷയ്ക്ക് രജിസ്റ്റര്‍ ചെയ്യാത്തവര്‍ക്ക് ജൂണില്‍ നടക്കുന്ന സേ, ഇംപ്രൂവ്‌മെന്റ് പരീക്ഷയ്ക്ക് രജിസ്റ്റര്‍ ചെയ്യാനാകില്ല. സേ പരീക്ഷയില്‍ വിദ്യാര്‍ത്ഥിക്ക് ഇതുവരെ കിട്ടിയ സ്‌കോറുകളുടെ അടിസ്ഥാനത്തില്‍ യോഗ്യത രേഖപ്പെടുത്തി ക്രോഡീകരിച്ച സര്‍ട്ടിഫിക്കറ്റാകും നല്‍കുക.

പരീക്ഷാ കേന്ദ്രങ്ങളുടെയും, ക്ലബ് ചെയ്യപ്പെട്ട സ്‌കൂളുകളുടെയും ലിസ്റ്റ് https://hseportal.kerala.gov.in/ എന്ന വകുപ്പുതല പോര്‍ട്ടലില്‍ ലഭിക്കും.

Also Read: Kerala Plus Two Result 2026: റിസൾട്ട് വന്നു! പ്ലസ് ടു പരീക്ഷാ ഫലം പ്രഖ്യാപിച്ചു; വിജയശതമാനം 77.97

ശ്രദ്ധിക്കേണ്ട കാര്യങ്ങള്‍

പരീക്ഷയ്ക്ക് രജിസ്റ്റര്‍ ചെയ്ത സ്‌കൂളില്‍ നിന്നു അപേക്ഷാഫോറം വാങ്ങാം. പൂരിപ്പിച്ച അപേക്ഷകള്‍ ഫീസ് സഹിതം നിശ്ചിത സമയപരിധിക്കുള്ളില്‍ സ്‌കൂള്‍ പ്രിന്‍സിപ്പലിന് നല്‍കണം. അപേക്ഷയില്‍ പാസ്‌പോര്‍ട്ട് സൈസ് ഫോട്ടോ പതിപ്പിക്കണം. പ്രിന്‍സിപ്പല്‍ അത് സാക്ഷ്യപ്പെടുത്തണം.

iExaMS പോര്‍ട്ടല്‍ വഴി ഓണ്‍ലൈനായി പ്രിന്‍സിപ്പല്‍മാര്‍ പരീക്ഷയ്ക്ക് രജിസ്റ്റര്‍ ചെയ്യണം. അഡ്മിഷന്‍ ടിക്കറ്റ് ലഭ്യമാകുമ്പോള്‍ പ്രിന്‍സിപ്പല്‍മാര്‍ അത് ഡൗണ്‍ലോഡ് ചെയ്ത് പരീക്ഷയ്ക്ക് മൂന്നു ദിവസം മുമ്പെങ്കിലും വിദ്യാര്‍ത്ഥികള്‍ക്ക് നല്‍കണം. അഡ്മിഷന്‍ ടിക്കറ്റില്‍ തെറ്റുകളില്ലെന്ന് വിദ്യാര്‍ത്ഥികള്‍ ഉറപ്പുവരുത്തണം. പരീക്ഷാ കേന്ദ്രം ഏതാണെന്ന് ബന്ധപ്പെട്ട പ്രിന്‍സിപ്പല്‍മാര്‍ പരീക്ഷാര്‍ത്ഥികളെ അറിയിക്കണം.

പ്രിന്‍സിപ്പല്‍മാര്‍ അപേക്ഷയിലെ വിശദാംശങ്ങള്‍ ക്രോഡീകരിക്കണം. നിശ്ചിത സമയപരിധിക്കുള്ളില്‍ അത് ഡിപ്പാര്‍ട്ട്‌മെന്റ് പോര്‍ട്ടലില്‍ അപ്‌ലോഡ് ചെയ്യണം.

പ്രധാന തീയതികള്‍

• അപേക്ഷ സമര്‍പ്പിക്കേണ്ട അവസാന തീയതി: ജൂണ്‍ 1
• പ്രിന്‍സിപ്പല്‍മാര്‍ ട്രഷറിയില്‍ ഫീസ് ഒടുക്കേണ്ട അവസാന തീയതി: ജൂണ്‍ രണ്ട്
• 600 രൂപ ഫൈനോടെ അപേക്ഷ സമര്‍പ്പിക്കേണ്ട അവസാന തീയതി: ജൂണ്‍ മൂന്ന്
• പ്രിന്‍സിപ്പല്‍മാര്‍ ഫൈനോടുകൂടിയ ഫീസ് ട്രഷറിയില്‍ ഒടുക്കേണ്ട അവസാന തീയതി: ജൂണ്‍ നാല്‌
• ഡിപ്പാര്‍ട്ട്‌മെന്റ് പോര്‍ട്ടല്‍ വഴി ഓണ്‍ലൈന്‍ രജിസ്‌ട്രേഷന്‍ നടത്തേണ്ട അവസാന തീയതി: ജൂണ്‍ അഞ്ച്‌

പരീക്ഷാ ഫീസ്‌

1. സേ പരീക്ഷാ ഫീസ് (പ്രായോഗിക പരീക്ഷ ഇല്ലാത്ത വിഷയങ്ങള്‍ക്ക്): 150 രൂപ (ഒരു വിഷയത്തിന്)
2. സേ പരീക്ഷാ ഫീസ് (പ്രായോഗിക പരീക്ഷയുള്ള വിഷയങ്ങള്‍ക്ക്): 175 രൂപ (ഒരു വിഷയത്തിന്)
3. ഇംപ്രൂവ്‌മെന്റ് പരീക്ഷാ ഫീസ്: 500 രൂപ (ഒരു വിഷയത്തിന്)
4. സര്‍ട്ടിഫിക്കറ്റ് ഫീസ്: 40 രൂപ

സേ പരീക്ഷയും, ഇംപ്രൂവ്‌മെന്റ് പരീക്ഷയും ജൂണ്‍ 29 മുതല്‍ ജൂലൈ മൂന്ന് വരെ നടക്കും. വിജ്ഞാപനം എച്ച്എസ്ഇ പോര്‍ട്ടലില്‍ ലഭ്യമാണ്. ഈ വിജ്ഞാപനം പൂര്‍ണമായും വായിക്കേണ്ടതാണ്.

English Summary

Students can now apply for the Plus Two SAY and Improvement exams.The last date to submit applications to the school principal is June 1. Exam fees range from ₹150 to ₹500 depending on the paper.The examinations will be conducted from June 29 to July 3.

ന്യൂഡൽഹി: നീറ്റ് യുജി പരീക്ഷാ ഫീസ് റീഫണ്ടിനായി ബാങ്ക് അക്കൗണ്ട് വിവരങ്ങൾ സമർപ്പിക്കാനുള്ള സമയപരിധി ദേശീയ പരീക്ഷാ ഏജൻസി ഇന്ന് രാത്രി 11:50-ഓടെ അവസാനിപ്പിക്കും. അർഹരായ ഉദ്യോഗാർത്ഥികൾക്ക് ഔദ്യോഗിക രജിസ്ട്രേഷൻ പോർട്ടൽ വഴി തങ്ങളുടെ ബാങ്ക് വിവരങ്ങൾ സമർപ്പിക്കാവുന്നതാണ്.

തുടർനടപടികൾ കൃത്യമായി പൂർത്തിയാക്കാൻ ഉദ്യോഗാർത്ഥികൾ നീറ്റ് യുജി രജിസ്ട്രേഷൻ പോർട്ടലിൽ ലോഗിൻ ചെയ്ത് 'റീഫണ്ട് ലിങ്ക്' ക്ലിക്ക് ചെയ്യേണ്ടതുണ്ട്. ബാങ്ക് അക്കൗണ്ട് വിവരങ്ങളുടെ കൃത്യത ഉറപ്പാക്കാൻ താല്പര്യമുള്ളവർക്ക് കാൻസൽ ചെയ്ത ചെക്കിന്റെ പകർപ്പ് കൂടി അപ്‌ലോഡ് ചെയ്യാവുന്നതാണ്. ഒരിക്കൽ സമർപ്പിച്ച വിവരങ്ങൾ അന്തിമമായിരിക്കുമെന്നും പിന്നീട് മാറ്റങ്ങൾ വരുത്താൻ സാധിക്കില്ലെന്നും എൻടിഎ വ്യക്തമാക്കിയിട്ടുണ്ട്.

അടുത്ത വർഷം മുതൽ കമ്പ്യൂട്ടർ അധിഷ്ഠിത പരീക്ഷ

നീറ്റ് യുജി ചോദ്യപേപ്പർ ചോർച്ച വിവാദവുമായി ബന്ധപ്പെട്ട് രാജ്യത്ത് വലിയ പ്രതിഷേധങ്ങൾ നിലനിൽക്കുന്ന പശ്ചാത്തലത്തിൽ, പരീക്ഷാ നടത്തിപ്പിൽ സുരക്ഷാ വീഴ്ചയുണ്ടായതായി കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ സമ്മതിച്ചു. ഇതിന് പരിഹാരമായി, അടുത്ത വർഷം മുതൽ നീറ്റ് പരീക്ഷ പൂർണ്ണമായും കമ്പ്യൂട്ടർ അധിഷ്ഠിത ടെസ്റ്റ് (CBT) മോഡിലേക്ക് മാറ്റാൻ ആലോചിക്കുന്നതായി അദ്ദേഹം അറിയിച്ചു.

ചോദ്യപേപ്പർ ചോർച്ച കേസുമായി ബന്ധപ്പെട്ട് സിബിഐ അന്വേഷണം ഊർജ്ജിതമാക്കിയിട്ടുണ്ട്. കേസിലെ പ്രതിയായ ശിവരാജ് രഘുനാഥ് മൊട്ടേഗാവ്കറെ ഇന്ന് വീണ്ടും കോടതിയിൽ ഹാജരാക്കും. മറ്റൊരു പ്രതിയായ മനീഷ ഗുരുനാഥ് മന്ധാരെയെ കോടതി 14 ദിവസത്തെ സിബിഐ കസ്റ്റഡിയിൽ വിട്ടിരിക്കുകയാണ്.

ജൂൺ 21-ന് റീടെസ്റ്റ്; ബിഹാറിൽ സൗജന്യ ബസ് യാത്ര

ചോദ്യപേപ്പർ ചോർച്ചയെ തുടർന്ന് റദ്ദാക്കപ്പെട്ട പരീക്ഷകൾക്ക് പകരമുള്ള നീറ്റ് റീടെസ്റ്റ് ജൂൺ 21-ന് നടക്കും. പരീക്ഷാർത്ഥികളുടെ സൗകര്യാർത്ഥം ജൂൺ 21-ന് ബിഹാറിലെ എല്ലാ സർക്കാർ ബസുകളിലും യാത്ര പൂർണ്ണമായും സൗജന്യമായിരിക്കുമെന്ന് ബിഹാർ മുഖ്യമന്ത്രി അറിയിച്ചു. പരീക്ഷാർത്ഥികൾക്കും രക്ഷിതാക്കൾക്കുമായി റെയിൽവേ സ്റ്റേഷനുകളിലും ബസ് സ്റ്റാൻഡുകളിലും കുടിവെള്ളവും ലഘുഭക്ഷണവും ഒരുക്കാൻ സന്നദ്ധ സംഘടനകളോടും പ്രാദേശിക ഭരണകൂടത്തോടും മുഖ്യമന്ത്രി അഭ്യർത്ഥിച്ചു.

എന്താണ് നീറ്റ്‌

ഇന്ത്യയിലെ മുഴുവൻ മെഡിക്കൽ സ്ഥാപനങ്ങളിലെയും അണ്ടർഗ്രാജുവേറ്റ് മെഡിക്കൽ കോഴ്സുകളിലേക്കുള്ള (MBBS, BDS) പ്രവേശനത്തിനായി ദേശീയ പരീക്ഷാ ഏജൻസി നടത്തുന്ന ഏകീകൃത പ്രവേശന പരീക്ഷയാണ് നീറ്റ് യുജി. കൂടാതെ നാഷണൽ കമ്മീഷൻ ഫോർ ഇന്ത്യൻ സിസ്റ്റം ഓഫ് മെഡിസിൻ ആക്ട് പ്രകാരം ആയുർവേദ (BAMS), യുനാനി (BUMS), സിദ്ധ (BSMS) കോഴ്സുകളിലേക്കുള്ള പ്രവേശനവും ഈ പരീക്ഷയുടെ അടിസ്ഥാനത്തിലാണ് നടക്കുന്നത്.

English Summary

The National Testing Agency (NTA) will close the NEET UG 2026 fee refund window tonight at 11:50 PM, requiring candidates to finalize their bank details on the official portal. Meanwhile, amid ongoing CBI custody extensions for key accused in the paper leak case, Education Minister Dharmendra Pradhan acknowledged the breach and announced that the exam will transition to a Computer-Based Test (CBT) mode starting next year.

തിരുവനന്തപുരം: സംസ്ഥാനത്തെ കോളേജുകളിൽ പഠിക്കുന്ന പെൺകുട്ടികൾക്ക് പ്രതിമാസം 1000 രൂപ നൽകുമെന്ന തിരഞ്ഞെടുപ്പ് വാഗ്ദാനമായ 'ഇന്ദിരാ ഗാരന്റി' നടപ്പാക്കുന്നതിനായുള്ള പ്രാഥമിക നടപടികൾ സർക്കാർ ആരംഭിച്ചു. ഇതിന്റെ ഭാഗമായി സംസ്ഥാനത്തെ സർവകലാശാലകളിലും ഉന്നതവിദ്യാഭ്യാസ സ്ഥാപനങ്ങളിലുമായി എത്ര പെൺകുട്ടികൾ പഠിക്കുന്നുണ്ടെന്നുള്ള വിവര ശേഖരണം ഉന്നതവിദ്യാഭ്യാസ വകുപ്പ് തുടങ്ങി. നിലവിൽ ഇതിനെക്കുറിച്ചുള്ള ഏകീകൃത വിവരം സർക്കാരിന്റെ പക്കലില്ല.

ഖജനാവിന് വൻ ബാധ്യത; പ്രതിവർഷം 800 കോടിയിലധികം രൂപ വേണ്ടിവരും

ഏറ്റവുമൊടുവിലത്തെ അഖിലേന്ത്യാ ഉന്നതവിദ്യാഭ്യാസ സർവേയിലെ (AISHE) കണക്കുകൾ പരിശോധിച്ചാൽ ഈ പദ്ധതി നടപ്പാക്കാൻ സർക്കാരിന് ഭീമമായ തുക കണ്ടെത്തേണ്ടി വരും. 2023-ലെ സർവേ അനുസരിച്ച് കേരളത്തിൽ ഉന്നതവിദ്യാഭ്യാസ രംഗത്ത് പെൺകുട്ടികളുടെ പ്രവേശനാനുപാതം 59.47 ശതമാനമാണ്. ഇത് ദേശീയ ശരാശരിയേക്കാൾ (47.8%) വളരെ കൂടുതലാണ്.

സംസ്ഥാനത്ത് ആകെ 10,99,113 വിദ്യാർഥികളാണ് ഉന്നതവിദ്യാഭ്യാസത്തിനായി ചേർന്നത്. ഈ കണക്കുകൾ പ്രകാരം കേരളത്തിലെ ഉന്നതവിദ്യാഭ്യാസ സ്ഥാപനങ്ങളിൽ പഠിക്കുന്ന പെൺകുട്ടികളുടെ എണ്ണം ശരാശരി ഏഴു ലക്ഷത്തോളം വരും. ഏഴു ലക്ഷം പെൺകുട്ടികൾക്ക് ആയിരം രൂപ വീതം നൽകണമെങ്കിൽ പ്രതിമാസം 70 കോടി രൂപ വേണ്ടിവരും. അതായത് വർഷത്തിൽ 800 കോടിയിലധികം രൂപ ഇതിനായി മാത്രം കണ്ടെത്തേണ്ടി വരും.

Also Read: Kerala Plus Two Result 2026: റിസൾട്ട് വന്നു! പ്ലസ് ടു പരീക്ഷാ ഫലം പ്രഖ്യാപിച്ചു; വിജയശതമാനം 77.97

അന്തിമ കണക്കെടുപ്പ് പൂർത്തിയായാൽ മാത്രമേ കൃത്യമായ തുക എത്രയെന്ന് വ്യക്തമാകൂ. നിലവിലെ സാമ്പത്തിക സാഹചര്യത്തിൽ ഈ തുക എങ്ങനെ കണ്ടെത്തുമെന്നത് സർക്കാരിന് മുന്നിലെ വലിയൊരു വെല്ലുവിളിയാണ്. ഇത്തവണ ഹയർ സെക്കൻഡറി പരീക്ഷയിൽ വിജയിച്ചവരിലും പെൺകുട്ടികളാണ് കൂടുതൽ എന്നത് ഗുണഭോക്താക്കളുടെ എണ്ണം ഇനിയും വർദ്ധിപ്പിക്കും.

നിലവിലെ സ്കോളർഷിപ്പുകളുടെ ഭാവി എന്താകും?

പട്ടികവിഭാഗങ്ങൾക്കുള്ള ആനുകൂല്യങ്ങൾക്ക് പുറമേ, കുടുംബ വരുമാനത്തിന്റെയും മറ്റും അടിസ്ഥാനത്തിൽ നിലവിൽ ഒട്ടേറെ സ്കോളർഷിപ്പുകളും ഫെലോഷിപ്പുകളും ഉന്നതവിദ്യാഭ്യാസ രംഗത്ത് പെൺകുട്ടികൾക്ക് ലഭിക്കുന്നുണ്ട്. ഇന്ദിരാ ഗാരന്റി പദ്ധതി നിലവിൽ വരുമ്പോൾ ഈ സ്കോളർഷിപ്പുകളെല്ലാം തുടരുമോ എന്ന കാര്യത്തിൽ ഇപ്പോൾ വ്യക്തതയില്ല.

നിലവിൽ മറ്റ് ആനുകൂല്യങ്ങൾ ലഭിക്കുന്നവരെ ഈ പദ്ധതിയിൽ നിന്ന് മാറ്റിനിർത്തണമെങ്കിൽ സർക്കാർ പുതിയ മാനദണ്ഡങ്ങൾ രൂപീകരിക്കേണ്ടി വരും. ഇതുമായി ബന്ധപ്പെട്ട കൃത്യമായ മാർഗ്ഗരേഖകൾ വരും ദിവസങ്ങളിൽ മാത്രമേ പുറത്തുവരൂ.

ENGLISH SUMMARY

The Kerala Higher Education Department has commenced a census of female college students to implement the 'Indira Guarantee' election promise of providing RS1,000 monthly to college-going girls. Based on current data, the scheme will benefit around seven lakh students, incurring a massive financial liability of over ₹800 crore annually for the state exchequer. Funding this initiative remains a significant challenge for the government, which is yet to clarify whether existing scholarships and fellowships will continue alongside the new scheme.

തിരുവനന്തപുരം: സംസ്ഥാനത്ത് പുതിയ അധ്യയന വർഷം ആരംഭിക്കാൻ ദിവസങ്ങൾ മാത്രം ബാക്കിനിൽക്കെ, സ്കൂൾ അധ്യാപകരുടെ സ്ഥലംമാറ്റം തടഞ്ഞ് പൊതുവിദ്യാഭ്യാസ വകുപ്പ് ഉത്തരവിറക്കി. 2026 - 27 അധ്യയന വർഷത്തെ പൊതുസ്ഥലംമാറ്റമാണ് വിദ്യാഭ്യാസ വകുപ്പ് പെട്ടെന്ന് തടഞ്ഞിരിക്കുന്നത്. വരാനിരിക്കുന്ന സെൻസസ് ചുമതലകൾ കാരണമാണ് ഈ അടിയന്തര നടപടിയെന്നാണ് വകുപ്പിന്റെ ഔദ്യോഗിക വിശദീകരണം.

വിദ്യാഭ്യാസ വകുപ്പിന്റെ ഈ പുതിയ നീക്കത്തോടെ അധ്യാപകരുടെ ജില്ലാതല സ്ഥലംമാറ്റ നടപടികൾ പൂർണ്ണമായി മരവിപ്പിക്കപ്പെട്ടു. സെൻസസ് ഡ്യൂട്ടി നിശ്ചയിച്ചിട്ടില്ലാത്ത പ്രധാന അധ്യാപകരുടെ (ഹെഡ്മാസ്റ്റർമാർ) സ്ഥലംമാറ്റം പോലും ഈ ഉത്തരവിലൂടെ തടഞ്ഞിട്ടുണ്ട് എന്നത് അധ്യാപകർക്കിടയിൽ വലിയ പ്രതിഷേധത്തിന് കാരണമായിട്ടുണ്ട്.

ഉത്തരവിനെക്കുറിച്ച് അറിയില്ലെന്ന് വിദ്യാഭ്യാസ മന്ത്രി

അതേസമയം, വിദ്യാഭ്യാസ വകുപ്പിന്റെ ഈ വിവാദ ഉത്തരവിനെ തള്ളി വിദ്യാഭ്യാസ മന്ത്രി ഷംസുദ്ദീൻ രംഗത്തെത്തി. സെൻസസ് കണക്കിലെടുത്ത് അധ്യാപകരുടെ സ്ഥലംമാറ്റം പൂർണ്ണമായി വേണ്ടെന്നുവെക്കാൻ സർക്കാർ തീരുമാനിച്ചിട്ടില്ലെന്ന് മന്ത്രി വ്യക്തമാക്കി. ഇത്തരമൊരു ഉത്തരവ് പുറത്തിറങ്ങിയതിനെക്കുറിച്ച് തനിക്ക് ഔദ്യോഗികമായി അറിവില്ലെന്നും മന്ത്രി മാധ്യമങ്ങളോട് പ്രതികരിച്ചു. മന്ത്രിയുടെ ഈ പ്രസ്താവന വകുപ്പിനുള്ളിലെ ഏകോപനമില്ലായ്മ വ്യക്തമാക്കുന്നതാണെന്ന ആക്ഷേപവും ഉയരുന്നുണ്ട്.

ശക്തമായ പ്രതിഷേധവുമായി കെ.എസ്.ടി.എ

സ്കൂളുകൾ തുറക്കുന്നതിന് തൊട്ടുമുമ്പ് നടപ്പിലാക്കിയ ഈ നടപടിക്കെതിരെ അധ്യാപക സംഘടനയായ കേരള സ്കൂൾ ടീച്ചേഴ്സ് അസോസിയേഷൻ (കെ.എസ്.ടി.എ) ശക്തമായ പ്രതിഷേധവുമായി രംഗത്തെത്തി. വിദ്യാഭ്യാസ വകുപ്പിന്റെ ഈ തീരുമാനം പുതിയ സർക്കാരിന്റെ അധ്യാപക ദ്രോഹ നടപടിയാണെന്ന് കെ.എസ്.ടി.എ കുറ്റപ്പെടുത്തി. അധ്യാപകരെ കടുത്ത പ്രതിസന്ധിയിലാക്കുന്ന ഈ മരവിപ്പിക്കൽ ഉത്തരവ് അടിയന്തരമായി പിൻവലിക്കണമെന്നും സംഘടന ആവശ്യപ്പെട്ടു. വർഷാവസാന പരീക്ഷകളും അവധിക്കാലവും കഴിഞ്ഞ് സ്കൂളുകൾ വീണ്ടും തുറക്കാനിരിക്കെ, അവസാന നിമിഷമുണ്ടായ ഈ ഉത്തരവ് അധ്യാപകരുടെയും സ്കൂളുകളുടെയും മുന്നൊരുക്കങ്ങളെ പ്രതികൂലമായി ബാധിക്കുമെന്നാണ് വിലയിരുത്തപ്പെടുന്നത്.

സ്‌കൂളിൽ അധ്യാപകർ മൊബൈൽ ഫോൺ ഉപയോഗിക്കരുത്

ജില്ലയിലെ സ്കൂളുകളിൽ അധ്യാപകരുടെ മൊബൈൽ ഫോൺ ഉപയോഗത്തിന് കർശന വിലക്കേർപ്പെടുത്തി ജില്ലാ വിദ്യാഭ്യാസ ഓഫീസറുടെ ഉത്തരവ്. ഇനി മുതൽ സ്കൂളുകളിൽ ഔദ്യോഗിക ആവശ്യങ്ങൾക്കല്ലാതെ മൊബൈൽ ഫോൺ ഉപയോഗിക്കാൻ പാടില്ലെന്ന് ഉത്തരവിൽ വ്യക്തമാക്കുന്നു.

Also Read: Kerala Plus Two Result 2026: റിസൾട്ട് വന്നു! പ്ലസ് ടു പരീക്ഷാ ഫലം പ്രഖ്യാപിച്ചു; വിജയശതമാനം 77.97

ക്ലാസ് സമയങ്ങളിൽ അധ്യാപകർ മൊബൈൽ ഫോൺ ഉപയോഗിക്കുന്നത് കുട്ടികളുടെ പഠനത്തെയും അവരുടെ സ്വഭാവ രൂപീകരണത്തെയും ദോഷകരമായി ബാധിക്കുന്നു എന്ന് കാണിച്ച് വ്യാപകമായ പരാതികൾ ഉയർന്ന സാഹചര്യത്തിലാണ് വിദ്യാഭ്യാസ വകുപ്പിന്റെ ഈ അടിയന്തര നടപടി. സ്കൂളുകളിൽ കുട്ടികളുടെ പഠന അന്തരീക്ഷം കൂടുതൽ മെച്ചപ്പെടുത്തുന്നതിനും അച്ചടക്കം ഉറപ്പാക്കുന്നതിനും വേണ്ടിയാണ് പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചിട്ടുള്ളതെന്ന് വിദ്യാഭ്യാസ വകുപ്പ് അധികൃതർ വ്യക്തമാക്കി. നിർദ്ദേശങ്ങൾ ലംഘിക്കുന്നവർക്കെതിരെ കർശന നടപടിയുണ്ടാകുമെന്നാണ് സൂചന.

English Summary

Kerala's Education Department has frozen teacher transfers for the 2026-27 academic year citing upcoming census duties, drawing strong criticism from the KSTA which labeled it an "anti-teacher" move. However, Education Minister Shamsuddeen has distanced himself from the controversy, claiming he was completely unaware of the order's issuance.

KTET Result Published: കേരള ടീച്ചര്‍ എലിജിബിലിറ്റി ടെസ്റ്റ് (കെടെറ്റ്) പരീക്ഷാഫലം പ്രഖ്യാപിച്ചു. പരീക്ഷയെഴുതിയ ഉദ്യോഗാർത്ഥികൾക്ക് തങ്ങളുടെ രജിസ്ട്രേഷൻ നമ്പറും ജനനത്തീയതിയും ഉപയോഗിച്ച് ഔദ്യോഗിക വെബ്‌സൈറ്റിലൂടെ ഫലം പരിശോധിക്കാവുന്നതാണ്. ktet.kerala.gov.in എന്ന ഔദ്യോഗിക വെബ്‌സൈറ്റ് വഴിയാണ് കെടെറ്റ് റിസള്‍ട്ട് പരിശോധിക്കേണ്ടത്. ഫെബ്രുവരി 21, 23 തീയതികളിലായിരുന്നു പരീക്ഷ (K-TET DECEMBER 2025) നടന്നത്. 60 ദിവസത്തിനകം ഫലം പ്രഖ്യാപിക്കുമെന്നായിരുന്നു അറിയിച്ചിരുന്നത്. എന്നാല്‍ 60 ദിവസം പിന്നിട്ടിട്ടും റിസള്‍ട്ട് പുറത്തുവിടാത്തതില്‍ ഉദ്യോഗാര്‍ത്ഥികള്‍ ആശങ്കയിലായിരുന്നു.

എസ്എസ്എല്‍സി ഫലത്തിനു ശേഷം റിസള്‍ട്ട് പുറത്തുവിടുമെന്ന് റിപ്പോര്‍ട്ടുകളുണ്ടായിരുന്നെങ്കിലും, ഫലപ്രഖ്യാപനം പിന്നെയും നീണ്ടു. വിരമിക്കാന്‍ രണ്ടു വര്‍ഷത്തിലധികം ബാക്കിയുള്ള അധ്യാപകര്‍ നിര്‍ബന്ധമായും കെടെറ്റ് യോഗ്യത നേടണമെന്ന സുപ്രീംകോടതി വിധിക്കു ശേഷം നടന്ന ആദ്യ പരീക്ഷയാണിത്. ഉത്തരസൂചിക പുറത്തുവിടുന്നതിലും കാലതാമസമുണ്ടായി.

ഫലം പരിശോധിക്കേണ്ടത് എങ്ങനെ?

• ktet.kerala.gov.in എന്ന ഔദ്യോഗിക വെബ്‌സൈറ്റ് സന്ദര്‍ശിക്കുക
• ഹോം പേജിൽ കാണുന്ന 'KTET Exam Result' എന്ന ലിങ്കിൽ ക്ലിക്ക് ചെയ്യുക.
• ആദ്യം നാലു കാറ്റഗറികളില്‍ നിങ്ങളുടെ വിഭാഗം തിരഞ്ഞെടുക്കുക
• തുടര്‍ന്ന് രജിസ്റ്റര്‍ നമ്പര്‍ നല്‍കുക
• അതിനുശേഷം ജനനത്തീയതിയും ടൈപ്പ് ചെയ്യുക
• 'Check Result' എന്ന ബട്ടണിൽ ക്ലിക്ക് ചെയ്യുക
• നിങ്ങളുടെ റിസൾട്ട് സ്ക്രീനിൽ തെളിയും. ഭാവി ആവശ്യങ്ങൾക്കായി ഇതിന്റെ പ്രിന്റൗട്ട് അല്ലെങ്കിൽ പിഡിഎഫ് സൂക്ഷിച്ചുവെയ്ക്കണം.

Also Read: Kerala Plus Two Result 2026: റിസൾട്ട് വന്നു! പ്ലസ് ടു പരീക്ഷാ ഫലം പ്രഖ്യാപിച്ചു; വിജയശതമാനം 77.97

യോഗ്യതാ പരീക്ഷ

സര്‍ക്കാര്‍, എയ്ഡഡ് മേഖലയില്‍ ലോവര്‍ പ്രൈമറി മുതല്‍ ഹൈസ്‌കൂള്‍ വരെ അധ്യാപകരാകാനുള്ള യോഗ്യതാ പരീക്ഷയാണ് കെ ടെറ്റ്. ഡിസംബര്‍ 30 വരെയാണ് ഓണ്‍ലൈനായി അപേക്ഷിക്കാന്‍ സമയപരിധി അനുവദിച്ചത്. ലോവര്‍ പ്രൈമറി, അപ്പര്‍ പ്രൈമറി, ഹൈസ്‌കൂള്‍, ഭാഷ/സ്‌പെഷ്യലിസ്റ്റ് അധ്യാപകര്‍ എന്നീ നാലു വിഭാഗങ്ങളിലായിരുന്നു അവസരം.

ഇതില്‍ ഒന്നും രണ്ടും വിഭാഗങ്ങള്‍ക്ക് ഫെബ്രുവരി 21-ന് രാവിലെയും ഉച്ചയ്ക്കും പരീക്ഷ നടന്നു. മൂന്നും നാലും കാറ്റഗറി ഉദ്യോഗാര്‍ത്ഥികള്‍ക്ക് ഫെബ്രുവരി 23-നായിരുന്നു പരീക്ഷ. യോഗ്യത നേടുന്നതിന് പരീക്ഷയില്‍ 60 ശതമാനം മാര്‍ക്ക് ലഭിക്കണം. സംവരണവിഭാഗങ്ങള്‍ക്ക് 55 ശതമാനം മാര്‍ക്ക് മതി.

കെ-ടെറ്റ് നിര്‍ബന്ധമാക്കി

അതേസമയം, ഹൈസ്‌കൂള്‍ വരെയുള്ള പൊതുവിദ്യാലയങ്ങളിലെ താല്‍ക്കാലിക നിയമനങ്ങള്‍ക്കും കെ-ടെറ്റ് നിര്‍ബന്ധമാക്കിയിരുന്നു. ഇതുമായി ബന്ധപ്പെട്ട് പൊതുവിദ്യാഭ്യാസ വകുപ്പ് ഉത്തരവിറക്കി.

താല്‍ക്കാലിക നിയമനങ്ങള്‍ സംവരണ വ്യവസ്ഥകളും കൃത്യമായി പാലിക്കണം. 1:1 എന്ന അനുപാതത്തില്‍ രണ്ടാമത്തെ ഒഴിവ് പിന്നാക്ക വിഭാഗങ്ങള്‍ക്ക് ക്രമമനുസരിച്ച് നല്‍കണം. ഇത്തരത്തിലുള്ള സംവരണ ഒഴിവില്‍ അര്‍ഹരായ ഉദ്യോഗാര്‍ത്ഥികളില്ലെങ്കില്‍ മാത്രമേ പൊതുവിഭാഗത്തില്‍ നിന്ന് നിയമനം നടത്താവൂ.

എന്നാല്‍ ഇതിന് പകരമായി തൊട്ടടുത്ത് വരാനിരിക്കുന്ന ഒഴിവ് സംവരണ വിഭാഗത്തിനായി മാറ്റിവയ്ക്കണം. വിദ്യാഭ്യാസ ഓഫീസര്‍മാര്‍ ഈ സംവരണക്രമം ഉറപ്പുവരുത്തണമെന്നാണ് നിര്‍ദ്ദേശം. താല്‍ക്കാലിക അധ്യാപകരായി നിയമിക്കേണ്ടത് പൂര്‍ണ യോഗ്യതയുള്ളവരെ മാത്രമാകണം. താല്‍ക്കാലിക നിയമനത്തിനുള്ള ഇന്റര്‍വ്യൂവില്‍ അതത് തദ്ദേശ സ്വയംഭരണ സ്ഥാപനങ്ങളിലെ വിദ്യാഭ്യാസ സ്ഥിരസമിതി അധ്യക്ഷനോ, അവരുടെ പ്രതിനിധിയോ ഉണ്ടായിരിക്കണമെന്നും നിര്‍ദ്ദേശമുണ്ട്.

English Summary

The Kerala Teacher Eligibility Test (K-TET) results have been officially announced. Candidates can check their scores on the website ktet.kerala.gov.in using their registration details. To qualify, general category students need 60% marks, while reserved categories require 55%. This exam is crucial for those seeking teaching positions in government and aided schools.

Kerala Board 12th Result 2026 Announced: പ്ലസ് ടു റിസള്‍ട്ട് പുറത്തുവിട്ടു. വിദ്യാഭ്യാസ മന്ത്രി എന്‍. ഷംസുദ്ദീന്‍ ഉച്ചയ്ക്ക് മൂന്നിനാണ് ഫലപ്രഖ്യാപനം നടത്തിയത്. 77.97 ശതമാനം വിദ്യാര്‍ത്ഥികള്‍ ഉപരിപഠനത്തിന് യോഗ്യത നേടി. കഴിഞ്ഞ തവണ 77.81 ആയിരുന്നു വിജയശതമാനം. വിദ്യാര്‍ത്ഥികള്‍ക്ക് ഔദ്യോഗിക വെബ്‌സൈറ്റുകള്‍, ഡിജിലോക്കര്‍ സംവിധാനം, വാട്‌സാപ്പ്, എസ്എംഎസ് എന്നീ മാര്‍ഗങ്ങളിലൂടെ ഫലം പരിശോധിക്കാം. 4,52,437 വിദ്യാര്‍ത്ഥികളാണ് ഇത്തവണ പരീക്ഷ എഴുതിയത്. വിഎച്ച്എസ്ഇ റിസള്‍ട്ടും പ്രഖ്യാപിച്ചിട്ടുണ്ട്.

ഫലം എങ്ങനെ പരിശോധിക്കാം?

• results.hse.kerala.gov.in
• prd.kerala.gov.in
• results.kite.kerala.gov.in
• nammudekeralam.kerala.gov.in

digilocker.gov.in എന്ന ലിങ്ക് വഴി ഡിജിലോക്കറിലൂടെയും പ്ലസ് ടു റിസള്‍ട്ട് പരിശോധിക്കാം. എസ്എംഎസ്, വാട്‌സാപ്പ് സംവിധാനങ്ങളിലൂടെയും ഫലം അറിയാന്‍ സൗകര്യമൊരുക്കിയിട്ടുണ്ട്. 56263 എന്ന നമ്പറിലേക്കാണ് ഫലം അറിയാന്‍ മെസേജ് അയയ്‌ക്കേണ്ടത്. ഇതിന് ആദ്യം KERALA12 എന്ന് ടൈപ്പ് ചെയ്യുക. തുടര്‍ന്ന് ഒരു സ്‌പേസിട്ട് രജിസ്‌ട്രേഷന്‍ നമ്പര്‍ ടൈപ്പ് ചെയ്യുക. തുടര്‍ന്ന് ഈ നമ്പറിലേക്ക് എസ്എംഎസ് അയക്കുക.

ഫലപ്രഖ്യാപനം തത്സമയം

Also Read: Kerala Plus Two Result 2026 Live: പ്ലസ് ടു ഫലം പ്രഖ്യാപിച്ചു, വിജയശതമാനം കൂടി

വാട്‌സ്ആപ്പിലൂടെയും പ്ലസ് ടു റിസള്‍ട്ട് അറിയാനാകും. 91886 19958 എന്ന നമ്പറിലേക്കാണ് ഇതിനായി വാട്‌സ്ആപ്പ് സന്ദേശം അയയ്‌ക്കേണ്ടത്. ഈ നമ്പറിലേക്ക് ആദ്യം ‘RESULT’ എന്ന് ടൈപ്പ് ചെയ്ത് വാട്‌സ്ആപ്പിലൂടെയും മെസേജ് അയയ്ക്കണം. തുടര്‍ന്ന് ലഭിക്കുന്ന എച്ച്എസ്‌സി, വിഎച്ച്എസ്‌സി ഓപ്ഷനുകളില്‍ ഏതാണ് വേണ്ടതെന്ന് തിരഞ്ഞെടുക്കണം. തുടര്‍ന്ന്‌ രജിസ്റ്റര്‍ നമ്പറും, ജനനത്തീയതിയും നല്‍കണം. പിന്നാലെ റിസള്‍ട്ട് പിഡിഎഫ് രൂപത്തില്‍ ലഭിക്കും.

290398 വിദ്യാര്‍ത്ഥികള്‍ക്ക് യോഗ്യത

ഹയർസെക്കൻഡറി വിഭാ​ഗത്തിൽ 1990 സ്കൂളുകളിൽ 372423 പേർ പരീക്ഷ എഴുതി. ഇതില്‍ 290398 കുട്ടികള്‍ ഉപരിപഠനത്തിന് യോഗ്യത നേടിയെന്ന് വിദ്യാഭ്യാസമന്ത്രി അറിയിച്ചു. ജൂണ്‍ 29 മുതല്‍ ജൂലൈ മൂന്ന് വരെ സേ പരീക്ഷ നടക്കും. ഹയര്‍സെക്കന്‍ഡറിയില്‍ 4.52 ലക്ഷം വിദ്യാര്‍ത്ഥികളും, വൊക്കേഷണലില്‍ 26,826 പേരും ഇത്തവണ പരീക്ഷ എഴുതി. മാര്‍ച്ച് ആറു മുതല്‍ 26 വരെയാണ് ഹയര്‍സെക്കന്‍ഡറി പരീക്ഷ നടന്നത്.

30,561 വിദ്യാര്‍ത്ഥികള്‍ക്ക് എല്ലാ വിഷയത്തിനും എ പ്ലസ് ലഭിച്ചു. സയന്‍സില്‍ 1,58,836 കുട്ടികളും (84.55 ശതമാനം), കൊമേഴ്‌സില്‍ 81,147 പേരും (74.74 ശതമാനം), ഹ്യുമാനിറ്റിസില്‍ 50,398 (66.38 ശതമാനം) വിദ്യാര്‍ത്ഥികളും വിജയിച്ചു.

86.89% പെണ്‍കുട്ടികളും, 68.41 ശതമാനം ആണ്‍കുട്ടികളും പ്ലസ് ടു പാസായി. സര്‍ക്കാര്‍ സ്‌കൂളുകളുടെ വിജയശതമാനം 72.66 ആണ്. 82.82 ആണ് എയ്ഡഡ് സ്‌കൂളുകളുടെ വിജയശതമാനം. അണ്‍ എയ്ഡഡ് സ്‌കൂളുകളുടെ വിജയശതമാനം 78.18 ആണ്.

ഇടുക്കി ജില്ലയിലാണ് കൂടുതല്‍ വിജയശതമാനം. 84.64 ശതമാനം വിദ്യാര്‍ത്ഥികള്‍ ഇടുക്കിയില്‍ ജയിച്ചു. 71.71 ശതമാനം വിജയം രേഖപ്പെടുത്തിയ കാസര്‍കോട് ജില്ലയിലാണ് ഏറ്റവും കുറവ് വിജയശതമാനം. 76 സ്‌കൂളുകളാണ് 100 ശതമാനം വിജയം നേടിയത്. ഇതില്‍ ഒമ്പതെണ്ണം സര്‍ക്കാര്‍ സ്‌കൂളുകളാണ്. മലപ്പുറം ജില്ലയിലാണ് ഏറ്റവും കൂടുതല്‍ എ പ്ലസുകള്‍ ലഭിച്ചത്. 50 പെണ്‍കുട്ടികള്‍ക്കും, 10 ആണ്‍കുട്ടികള്‍ക്കും മുഴുവന്‍ മാര്‍ക്കും (1200) ലഭിച്ചു.

English Summary

The Plus Two results have been officially announced by the Education Minister. The overall pass percentage this year is 77.97%, slightly higher than last year. Out of 4.52 lakh students who took the exam, over 2.90 lakh qualified for higher studies. Students can check their results online, and the SAY exams will be held from June 29 to July 3.

തിരുവനന്തപുരം: സംസ്ഥാനത്തെ ഹയർ സെക്കൻഡറി പരീക്ഷാ ഫലം പ്രഖ്യാപിച്ചു. ഉച്ച കഴിഞ്ഞ് 3 മൂന്ന് മണിക്ക് വിദ്യാഭ്യാസമന്ത്രി എന്‍. ഷംസുദ്ദീനാണ് ഫലം പ്രഖ്യാപിച്ചത്.  മാർച്ച് ആറു മുതൽ എട്ട് വരെ നടന്ന പരീക്ഷയിൽ ഫലം  കാത്തിരിക്കുന്നത് ഏകദേശം 4.5 ലക്ഷത്തോളം വിദ്യാർഥികളാണ്. ഫലം ഔദ്യോഗികമായി പ്രഖ്യാപിച്ചാൽ അധികം താമസിക്കാതെ തന്നെ വിദ്യാർഥികൾക്ക അത് വിവിധ വെബ്സൈറ്റുകളിലടക്കം ഓൺലൈനായി പരിശോധിക്കാൻ സാധിക്കും. ഫല പ്രഖ്യാപനത്തിന് പിന്നാലെ ടീവി-9 മലയാളത്തിൻ്റെ ലൈവ് ബ്ലോഗിലും നിങ്ങൾക്ക് തത്സമയം ഫലങ്ങൾ അറിയാൻ സാധിക്കും.

English Summary

Kerala Higher Secondary Vocational Higher Secondary Second Year Result Will Announce Today. New Education Minister N Shamsudeen Announce Result officially at 3PM. And Students Gets Result By 3.30 PM.

സംസ്ഥാനത്തെ ഹയര്‍ സെക്കന്‍ഡറി ഫലം ഇന്ന് വരും. മെയ് 26ന് ഉച്ചയ്ക്ക് മൂന്ന് മണിക്കാണ് ഫലം വരുന്നത്. 2026 മാര്‍ച്ച് ആറിനും മാര്‍ച്ച് 28നും ഇടയിലാണ് പരീക്ഷകള്‍. 4.5 ലക്ഷത്തിലധികം വിദ്യാര്‍ഥികളാണ് പരീക്ഷ എഴുതിയത്. വിവിധ മാര്‍ഗങ്ങളിലൂടെ പരീക്ഷാഫലം പരിശോധിക്കാവുന്നതാണ്.

ഹയര്‍ സെക്കന്‍ഡറി പരീക്ഷാഫലം എങ്ങനെ പരിശോധിക്കാം

1. keralaresults.nic.in
2. results.kite.kerala.gov.in
3. results.kerala.gov.in
4. dhsekerala.gov.in

എന്നീ ഔദ്യോഗിക വെബ്സൈറ്റുകളിലൂടെ വിദ്യാര്‍ഥികള്‍ക്ക് തങ്ങളുടെ ഫലം പരിശോധിക്കാവുന്നതാണ്. ഇതിന് പുറമെ സഫലം, പിആര്‍ഡി ആപ്പ്, എസ്എംഎസ്, ഡിജിലോക്കര്‍ തുടങ്ങിയ ആപ്പുകള്‍ വഴിയും വിദ്യാര്‍ത്ഥികള്‍ക്ക് അവരുടെ ഫലം അറിയാന്‍ സാധിക്കും.

സഫലം കൈറ്റ് ആപ്പില്‍ എങ്ങനെ ഫലം അറിയാം?

• ഗൂഗിള്‍ പ്ലേ സ്റ്റോറില്‍ നിന്ന് സഫലം കൈറ്റ് ആപ്പ് ഡൗണ്‍ലോഡ് ചെയ്‌തെടുക്കുക.
• അതിന് ശേഷം ആപ്പ് തുറന്ന് എച്ച്എസ്ഇ അല്ലെങ്കില്‍ പ്ലസ് ടു റിസള്‍ട്ട് 2026 ഓപ്ഷന്‍ ക്ലിക്ക് തിരഞ്ഞെടുക്കാം.
• ശേഷം നിങ്ങളുടെ രജിസ്‌ട്രേഷന്‍ നമ്പറും ജനന തീയതിയും കൊടുക്കുക.
• ഇതെല്ലാം നല്‍കിയ ശേഷം സമര്‍പ്പിക്കുക അല്ലെങ്കില്‍ സബ്മിറ്റ് ഓപ്ഷന്‍ എന്നതില്‍ ക്ലിക്ക് ചെയ്യണം.
• ഇതുകൊടുത്താല്‍ ഫലങ്ങള്‍ കാണിക്കുന്ന പുതിയ വിന്‍ഡോ തുറന്നുവരും.
• റിസള്‍ട്ട് അറിഞ്ഞ ശേഷം അത് ഡൗണ്‍ലോഡ് ചെയ്‌തെടുക്കാവുന്നതാണ്.

പിആര്‍ഡി ലൈവ് വഴിയും പ്ലസ് ടു ഫലം കിട്ടും

1. പിആര്‍ഡി ലൈവ് ആപ്പ് ഡൗണ്‍ലോഡ് ചെയ്‌തെടുക്കുക.
2. ആപ്പ് തുറന്ന് കേരള എച്ച്എസ്ഇ ഫലം എന്നതില്‍ ക്ലിക്ക് ചെയ്യണം.
3. പ്ലസ് ടു ഫലത്തിനായി എച്ച്എസ്ഇ തിരഞ്ഞെടുക്കാം.
4. ഇതിന് ശേഷം നിങ്ങളുടെ രജിസ്‌ട്രേഷന്‍ നമ്പര്‍ നല്‍കാം.
5. ഫലത്തിനായി സബ്മിറ്റ് കൊടുക്കാം.
6. ഈ ഫലം ഡൗണ്‍ലോഡ് ചെയ്‌തെടുക്കാവുന്നതാണ്.

Also Read: Kerala Plus Two Result 2026: പ്ലസ് ടു ഫലമറിയാന്‍ ഇനി മണിക്കൂറുകള്‍ മാത്രം; ഫലം പരിശോധിക്കാന്‍ ഒന്നല്ല, പല മാര്‍ഗങ്ങള്‍

പ്ലസ് ടു ഫലം എസ്എംഎസിലും

• നിങ്ങളുടെ ഫോണിലെ എസ്എംഎസ് ആപ്പ് തുറക്കാം.
• ശേഷം KERALA12 എന്ന് ടൈപ്പ് ചെയ്ത് തുടര്‍ന്ന് ഒരു സ്പെയ്സും നിങ്ങളുടെ രജിസ്‌ട്രേഷന്‍ നമ്പറും നല്‍കണം.
• 56263 എന്ന നമ്പറിലേക്ക് വേണം ഇത് അയക്കാം.
• ഇത് അയച്ച് ഉടന്‍ തന്നെ ഫലം ഫോണിലേക്ക് എത്തും.

പ്ലസ് ടു ഫലം നമ്മുടെ കേരളം ആപ്പിലൂടെ അറിയാം

• ഗൂഗിള്‍ പ്ലേ സ്റ്റോറില്‍ നിന്ന് നമ്മുടെ കേരളം ആപ്പ് ഡൗണ്‍ലോഡ് ചെയ്യുക.
• ആപ്പില്‍ വണ്‍ ടൈം രജിസ്‌ട്രേഷന്‍ ചെയ്യണം.
• ശേഷം ആപ്പിലെ സേവനങ്ങള്‍ വിഭാഗത്തില്‍ പ്ലസ് ടു റിസള്‍ട്‌സ് എന്ന ഓപ്ഷന്‍ തിരഞ്ഞെടുക്കാം.
• രജിസ്റ്റര്‍ നമ്പറും ജനന തീയതിയും നല്‍കിയാല്‍ പരീക്ഷാഫലം ലഭിക്കുന്നതാണ്.

വാട്‌സ്ആപ്പിലും വഴി പ്ലസ് ടു ഫലം ലഭിക്കുമോ

വാട്‌സ്ആപ്പ് വഴിയും നിങ്ങള്‍ക്ക് പ്ലസ് ടു ഫലം അറിയാന്‍ സാധിക്കും. എങ്ങനെയാണ് പ്ലസ് ഫലം വാട്‌സ്ആപ്പിലൂടെ അറിയാന്‍ കഴിയുന്നതെന്ന് നോക്കാം.

വാട്‌സ്ആപ്പ് തുറന്ന് 9188619958 എന്ന നമ്പര്‍ ടൈപ്പ് ചെയ്ത് അതിലേക്ക് RESULT എന്ന് ടൈപ്പ് ചെയ്ത് മെസേജ് അയക്കാം. തുടര്‍ന്ന് നിങ്ങളോട് രജിസ്റ്റര്‍ നമ്പര്‍ എന്നിവ കൊടുത്ത് സബ്മിറ്റ് കൊടുത്താല്‍ ഫലം ലഭ്യമാകും.

കേരളത്തില്‍ മറ്റൊരു അധ്യയന വര്‍ഷം കൂടി തുടങ്ങാന്‍ പോകുകയാണ്. അവധിയെല്ലാം അവസാനിച്ച് പഠനത്തിന്റെ നാളുകളിലേക്ക് വിദ്യാര്‍ഥികള്‍ കടക്കും. വേനലവധിയില്‍ പ്രവേശിക്കുമ്പോഴുണ്ടാകുന്ന ആവേശം, പല വിദ്യാര്‍ഥികള്‍ക്കും സ്‌കൂള്‍ തുറക്കുമ്പോള്‍ ഉണ്ടാകാറില്ല. എന്നാല്‍ സ്‌കൂളില്‍ പോകാതെ എങ്ങനാണ്? ഓരോ അധ്യയന വര്‍ഷങ്ങളിലും ധാരാളം അവധികളും വിദ്യാര്‍ഥികളെ തേടിയെത്തുന്നു. എന്നാല്‍ ഈ വര്‍ഷം അവധികള്‍ കുറവാണോ?

സ്‌കൂള്‍ തുറക്കുന്ന ജൂണ്‍ മാസത്തില്‍ തന്നെ വിദ്യാര്‍ഥികള്‍ക്ക് നിരാശയാണ്. അവധികള്‍ കാര്യമായില്ല. തുടര്‍ന്നുള്ള മാസങ്ങളിലും സ്ഥിതി സമാനം തന്നെ. ഓണം, ക്രിസ്മസ് തുടങ്ങി നീണ്ട അവധികള്‍ മാറ്റിനിര്‍ത്തിയാല്‍ ഇടയ്ക്കിടെ ലഭിക്കുന്ന അവധികളില്‍ കുറവുണ്ടായേക്കാം. എങ്കിലും അവധികളേറെയുള്ള മാസങ്ങളും ധാരാളം. ഓരോ മാസങ്ങളും വിദ്യാര്‍ഥികള്‍ക്ക് ലഭിക്കാന്‍ സാധ്യതയുള്ള അവധികള്‍ വിശദമായി നോക്കാം.

ജൂണ്‍ മാസത്തിലെ അവധികള്‍

ജൂണ്‍ ഒന്നിന് സ്‌കൂള്‍ തുറന്നാല്‍ ആ ആഴ്ച മുഴുവന്‍ സ്‌കൂളില്‍ പോയേ മതിയാകൂ, അവധികളൊന്നും തന്നെയില്ല. ജൂണ്‍ 7, ജൂണ്‍ 14, ജൂണ്‍ 21, ജൂണ്‍ 28 എന്നീ ദിവസങ്ങളിലാണ് ഞായറാഴ്ചകള്‍ വരുന്നത്. ചില സ്‌കൂളുകളില്‍ ശനിയാഴ്ച പ്രവൃത്തിദിനവും വെള്ളി അവധിയുമായതിനാല്‍ ആകെ ലഭിക്കുന്ന അവധികളുടെയും ദിവസങ്ങളുടെയും എണ്ണത്തില്‍ വ്യത്യാസം വരും. ജൂണ്‍ 13നാണ് രണ്ടാം ശനി, ജൂണ്‍ 27ന് നാലാം ശനിയും വരുന്നു. ജൂണ്‍ 25ന് എത്തുന്ന മുഹറമാണ് വിദ്യാര്‍ഥികള്‍ക്ക് ആശ്വാസം പകരുന്ന മറ്റൊരു അവധി.

ജൂലൈ മാസത്തിലെ അവധികള്‍

ജൂലൈ മാസത്തിലെയും സ്ഥിതി വ്യത്യസ്തമല്ല, അവധികള്‍ വളരെ കുറവാണ്. ജൂലൈ 5, ജൂലൈ 12, ജൂലൈ 19, ജൂലൈ 26 എന്നിവ ഞായറാഴ്ചകളും ജൂലൈ 11 രണ്ടാം ശനിയും ജൂലൈ 25 നാലാം ശനിയുമാണ്. മറ്റ് അവധികളൊന്നും തന്നെ ജൂലൈ മാസത്തിലില്ല.

ഓഗസ്റ്റ് മാസത്തിലെ അവധികള്‍

ഓഗസ്റ്റ് മാസം വിദ്യാര്‍ഥികള്‍ക്ക് അല്‍പം സന്തോഷ പകരുന്നതാണ്. കാരണം ഇത്തവണ ഓണം ഓഗസ്റ്റ് മാസത്തിലാണ്, അതിനാല്‍ തന്നെ സ്‌കൂള്‍ തുറന്ന് മൂന്നാം മാസത്തില്‍ വീണ്ടും അവധിയിലേക്ക് പ്രവേശിക്കാനാകും. ഓഗസ്റ്റ് 2, ഓഗസ്റ്റ് 9, ഓഗസ്റ്റ് 16, ഓഗസ്റ്റ് 23, ഓഗസ്റ്റ് 30 എന്നിവയാണ് ഞായറാഴ്ചകള്‍. ഓഗസ്റ്റ് 8, ഓഗസ്റ്റ് 22 എന്നിവയാണ് രണ്ടാം ശനിയാഴ്ചകളും.

ഓഗസ്റ്റ് 15 സ്വാതന്ത്ര്യദിനം- ശനിയാഴ്ചയാണ് ഈ വര്‍ഷം സ്വാതന്ത്ര്യദിനാഘോഷം.
ഓണം അവധികള്‍- പരീക്ഷ കഴിഞ്ഞ് ഓഗസ്റ്റ് 22 മുതല്‍ സ്‌കൂളുകള്‍ ഓണാവധിയിലേക്ക് പ്രവേശിക്കും. ശേഷം സെപ്റ്റംബര്‍ മൂന്നിനായിരിക്കും ക്ലാസുകള്‍ പുനഃരാരംഭിക്കുന്നത്. എന്നാല്‍ 10 ദിവസം കൃത്യമായി അവധി ലഭിക്കുമോ എന്ന കാര്യവും സംശയമാണ്.

Also Read: Kerala School Reopening: ജൂണ്‍ ഒന്നിന് സ്‌കൂള്‍ തുറക്കില്ല…തീയതി നീട്ടി? പ്രവേശനോത്സവം ഈ ദിവസം

സെപ്റ്റംബര്‍ മാസത്തിലെ അവധികള്‍

ചില സ്‌കൂളുകള്‍ സെപ്റ്റംബര്‍ ഏഴിനായിരിക്കും ഓണാവധി കഴിഞ്ഞ ക്ലാസുകള്‍ ആരംഭിക്കുന്നത്. കാരണം സെപ്റ്റംബര്‍ നാലിന് ശ്രീകൃഷ്ണ ജയന്തി ആയതിനാല്‍ വിദ്യാഭ്യാസ സ്ഥാപനങ്ങള്‍ക്ക് അവധിയാണ്. ഇതെല്ലാം കഴിഞ്ഞ് സെപ്റ്റംബര്‍ ഏഴിന് തിങ്കളാഴ്ചയാകും ക്ലാസ് തുടങ്ങുന്നത്. സെപ്റ്റംബര്‍ 6,13,20,27 എന്നീ ദിവസങ്ങളിലാണ് ഞായറാഴ്ചകള്‍. സെപ്റ്റംബര്‍ 12ന് രണ്ടാം ശനിയും സെപ്റ്റംബര്‍ 26ന് നാലാം ശനിയും വരുന്നു. സെപ്റ്റംബര്‍ 21ന് ശ്രീനാരായണഗുരു സമാധി ആയതിനാല്‍ അന്നും അവധിയായിരിക്കും.

ഒക്‌ടോബര്‍ മാസത്തിലെ അവധികള്‍

മറ്റ് മാസങ്ങളെ അപേക്ഷിച്ച് ഒക്ടോബര്‍ മാസത്തില്‍ കുറച്ചധികം അവധികളുണ്ട്. ഒക്ടോബര്‍ 4, 11, 13, 25 ദിവസങ്ങളിലാണ് ഞായറാഴ്ചകള്‍. ഒക്ടോബര്‍ 10ന് രണ്ടാം ശനിയും, ഒക്ടോബര്‍ 24ന് നാലാം ശനിയുമാണ്. ഇവയ്ക്ക് പുറമെ ഒക്ടോബര്‍ രണ്ടിന് ഗാന്ധി ജയന്തി പ്രമാണിച്ച് അവധിയാണ്. കൂടാതെ ഒക്ടോബര്‍ 20, 21 ദിവസങ്ങളില്‍ മഹാനവമി, വിജയദശമി അവധികളുമുണ്ട്.

നവംബര്‍ മാസത്തിലെ അവധികള്‍

ഒട്ടും അവധികളില്ലാത്തൊരു മാസമെന്ന് വേണമെങ്കില്‍ നവംബറിനെ പറയാം. കേരളപിറവി ദിനമായ നവംബര്‍ ഒന്ന് പോലും വരുന്നത് ഞായറാഴ്ചയാണ്. നവംബര്‍ 1, 8, 15, 22, 29 ദിവസങ്ങളാണ് ഞായറാഴ്ചകള്‍. നവംബര്‍ 14 രണ്ടാം ശനിയും 28 നാലാം ശനിയുമാണ്. മറ്റ് അവധികളൊന്നും ഈ മാസത്തിലില്ല.

ഡിസംബര്‍ മാസത്തിലെ അവധികള്‍

ഡിസംബര്‍ മാസവും കുട്ടികള്‍ക്ക് സന്തോഷം പകരും. ഡിസംബര്‍ 18ന് പരീക്ഷ കഴിഞ്ഞ സ്‌കൂള്‍ അടച്ചാല്‍ പിന്നീട് 28നാണ് തുറക്കുന്നത്. ഇതിന് പുറനെ ഡിസംബര്‍ 6, 13, 20, 277 എന്നീ ദിവസങ്ങള്‍ ഞായറാഴ്ചകളും ഡിസംബര്‍ 12 രണ്ടാം ശനിയും 26 നാലാം ശനിയുമാണ്.

English Summary

School students in Kerala may receive fewer holidays in the 2026-27 academic year due to changes in the academic calendar and working day adjustments. The revised holiday count and reasons behind the possible reduction are drawing attention among students and parents.

Kerala Plus Two Result: വിദ്യാര്‍ത്ഥികളുടെയും, രക്ഷിതാക്കളുടെയും കാത്തിരിപ്പിന് വിരാമം കുറിച്ച് പ്ലസ് ടു റിസള്‍ട്ട് നാളെ (മെയ് 26) പുറത്തുവിടും. ഉച്ചയ്ക്ക് മൂന്നിനാണ് ഫലപ്രഖ്യാപനം. വിദ്യാഭ്യാസ മന്ത്രി എൻ. ഷംസുദ്ദീൻ ഔദ്യോഗികമായി ഫലപ്രഖ്യാപനം നടത്തും. തുടര്‍ന്ന്‌ വിദ്യാർത്ഥികൾക്ക് ഓൺലൈൻ സംവിധാനങ്ങളിലൂടെ തങ്ങളുടെ മാർക്കുകൾ പരിശോധിക്കാം. മെയ് 22-നായിരുന്നു ഫലം പ്രഖ്യാപിക്കാൻ ആദ്യം നിശ്ചയിച്ചിരുന്നത്. എന്നാൽ ചില സാങ്കേതിക കാരണങ്ങളാൽ ഇത് മെയ് 26-ലേക്ക് മാറ്റിവെയ്ക്കുകയായിരുന്നു. ഇത്തവണ 4,52,437 വിദ്യാർത്ഥികളാണ് തങ്ങളുടെ പരീക്ഷാ ഫലത്തിനായി കാത്തിരിക്കുന്നത്.

റിസള്‍ട്ട് എങ്ങനെ പരിശോധിക്കാം?

ഫലപ്രഖ്യാപനത്തിന് ശേഷം വിദ്യാർത്ഥികൾക്ക് താഴെ പറയുന്ന ഔദ്യോഗിക വെബ്‌സൈറ്റുകളിലൂടെയും മൊബൈൽ ആപ്പുകളിലൂടെയും ഫലം ലഭ്യമാകും:

• results.hse.kerala.gov.in
• prd.kerala.gov.in
• results.kite.kerala.gov.in

ഡിജിലോക്കറിലും ഫലം അറിയാം

digilocker.gov.in എന്ന ലിങ്ക് വഴി ഡിജിലോക്കറിലും ഫലം പരിശോധിക്കാം. 'സഫലം' ആപ്പ്, 'നമ്മുടെ കേരളം' എന്നീ മൊബൈൽ ആപ്ലിക്കേഷനുകൾ വഴിയും റിസൾട്ട് അറിയാം. എസ്എംഎസ് വഴിയും ഫലം ലഭ്യമാക്കാനുള്ള സൗകര്യമുണ്ട്.

വാട്‌സാപ്പിലും റിസള്‍ട്ട് അറിയാം

വാട്‌സാപ്പിലും പ്ലസ്ടു ഫലം പരിശോധിക്കാനാകും. 91886 19958 എന്ന വാട്‌സ്ആപ്പ് നമ്പറാണ് ഉപയോഗിക്കേണ്ടത്. ഈ നമ്പറിലേക്ക് 'RESULT' എന്ന് ടൈപ്പ് ചെയ്ത് മെസേജ് അയച്ചാല്‍ മതി. തുടര്‍ന്ന് എച്ച്എസ്‌സി, വിഎച്ച്എസ്‌സി എന്നിവയില്‍ ഏതാണ് തിരഞ്ഞെടുക്കേണ്ടതെന്ന ഓപ്ഷന്‍ ലഭിക്കും. അതിനുശേഷം രജിസ്റ്റര്‍ നമ്പറും, ജനനത്തീയതിയും നല്‍കണം. ഇതിനു പിന്നാലെ റിസള്‍ട്ട് പിഡിഎഫ് രൂപത്തില്‍ ലഭിക്കും.

മുന്‍വര്‍ഷങ്ങളില്‍ സംഭവിച്ചത്‌

കഴിഞ്ഞ കുറച്ചു വർഷങ്ങളിലെ പ്ലസ് ടു വിജയശതമാനം പരിശോധിച്ചൽ ഇത്തവണയും മികച്ച വിജയം തന്നെയാണ് പ്രതീക്ഷിക്കുന്നത്. മുൻവർഷങ്ങളിലെ കണക്കുകൾ പരിശോധിക്കാം:

Kerala Plus One Admission: 2026-27 അധ്യയന വര്‍ഷത്തിലെ പ്ലസ് വണ്‍ ഏകജാലക പ്രവേശനത്തിന് വിദ്യാര്‍ത്ഥികള്‍ക്ക് ഇപ്പോള്‍ മുതല്‍ അപേക്ഷിക്കാം. പ്രോസ്‌പെക്ടസ് പുറത്തിറങ്ങി. ആദ്യം തന്നെ ഹയര്‍സെക്കന്‍ഡറി അഡ്മിഷന്‍ ഗേറ്റ്‌വേ ആയ https://hscap.kerala.gov.in/ എന്ന വെബ്‌സൈറ്റില്‍ പ്രവേശിച്ച് പ്രോസ്‌പെക്ടസും അനുബന്ധങ്ങളും വ്യക്തമായി വായിച്ച് മനസിലാക്കണം. ഈ വെബ്‌സൈറ്റിലെ 'ക്രിയേറ്റ് കാന്‍ഡിഡേറ്റ് ലോഗിന്‍' എന്ന ലിങ്കിലൂടെ ക്യാന്‍ഡിഡേറ്റ് ലോഗിന്‍ സൃഷ്ടിക്കാം. ഈ ക്യാന്‍ഡിഡേറ്റ് ലോഗിനിലൂടെയാണ് അപേക്ഷാ സമര്‍പ്പണവും, തുടര്‍ന്നുള്ള പ്രവേശന പ്രവര്‍ത്തനങ്ങളും നടത്തേണ്ടത്.

അപേക്ഷ സമര്‍പ്പിക്കുമ്പോള്‍ അപേക്ഷാ നമ്പര്‍ കൃത്യമായി എഴുതി സൂക്ഷിക്കണം. അപേക്ഷയില്‍ വിദ്യാര്‍ത്ഥിയുടെയോ, രക്ഷകര്‍ത്താവിന്റെയോ മൊബൈല്‍ നമ്പര്‍ മാത്രം നല്‍കുന്നതാണ് അഭികാമ്യം. പ്രോസ്‌പെക്ടസിലെ അനുബന്ധം രണ്ടിലെ ലിസ്റ്റുകള്‍ പരിശോധിച്ച് അപേക്ഷാര്‍ത്ഥി ഏത് കാറ്റഗറിയിലാണെന്ന് മനസിലാക്കണം. തുടര്‍ന്ന് ആ കാറ്റഗറി സെലക്ട് ചെയ്യണം. അലോട്ട്‌മെന്റുകളും അനുബന്ധ വിവരങ്ങളും അറിയാന്‍ ഔദ്യോഗിക വെബ്‌സൈറ്റ് നിരന്തരം സന്ദര്‍ശിക്കണം.

അഡ്മിഷനിലെ വിവിധ ഘട്ടങ്ങള്‍

1. ക്യാന്‍ഡിഡേറ്റ് ലോഗിന്‍
2. ഓണ്‍ലൈന്‍ അപേക്ഷാ സമര്‍പ്പണം
3. ട്രയല്‍ അലോട്ട്‌മെന്റ് പരിശോധന
4. ഓപ്ഷന്‍ പുനഃക്രമീകരണം
5. അലോട്ട്‌മെന്റ് പരിശോധന
6. സ്‌കൂള്‍ പ്രവേശനം

അപേക്ഷ സമര്‍പ്പിക്കേണ്ട രീതി

ആദ്യം ക്യാന്‍ഡിഡേറ്റ് ലോഗിന്‍ സൃഷ്ടിക്കണം. തുടര്‍ന്ന് വിദ്യാര്‍ത്ഥി അപേക്ഷിക്കാന്‍ ഉദ്ദേശിക്കുന്ന ജില്ല തിരഞ്ഞെടുക്കണം. തുടര്‍ന്ന് കാണുന്ന ലോഗിന്‍ പേജില്‍ എസ്എസ്എല്‍സി സ്‌കീം, രജിസ്റ്റര്‍ നമ്പര്‍, വിദ്യാര്‍ത്ഥിയുടെ പേര്, ജനനത്തീയതി, മൊബൈല്‍ നമ്പര്‍ തുടങ്ങിയ വിശദാംശങ്ങള്‍ നല്‍കണം. മൊബൈല്‍ നമ്പര്‍ കൊടുക്കുമ്പോള്‍ അതീവ ശ്രദ്ധ പാലിക്കണം. ഈ നമ്പറിലാകും ഒടിപി ലഭിക്കുന്നത്. ഒടിപി കൊടുത്തുകഴിയുമ്പോള്‍ അപേക്ഷകന്റെ ക്യാന്‍ഡിഡേറ്റ് ലോഗിന്റെ പാസ്‌വേഡ് സൃഷ്ടിക്കാനുള്ള പേജ് ലഭ്യമാകും.

പാസ്‌വേര്‍ഡ് നല്‍കി അപ്‌ഡേറ്റ് ബട്ടണ്‍ ക്ലിക്ക് ചെയ്യുമ്പോള്‍ ക്യാന്‍ഡിഡേറ്റ് ലോഗിന്‍ സൃഷ്ടിക്കപ്പെടും. ആപ്ലിക്കേഷന്‍ നമ്പറും ലഭ്യമാകും. തുടര്‍ന്ന് ക്യാന്‍ഡിഡേറ്റ് ലോഗിന്‍ എന്ന ബട്ടണില്‍ ക്ലിക്ക് ചെയ്തു അപേക്ഷാ നമ്പറും, പാസ്‌വേര്‍ഡും, ജില്ലയും നല്‍കണം. തുടര്‍ന്ന് ദൃശ്യമാകുന്ന സ്‌ക്രീനില്‍ 'അപ്ലെ ഓണ്‍ലൈന്‍' എന്ന ലിങ്കില്‍ ക്ലിക്ക് ചെയ്യണം. പിന്നാലെ ലഭ്യമാകുന്ന സ്‌ക്രീനില്‍ ചോദിച്ചിരിക്കുന്ന വിശദാംശങ്ങളെല്ലാം കൃത്യമായി പൂരിപ്പിക്കുക.

Also Read: Kerala Plus Two Result 2026: പ്ലസ്ടു റിസള്‍ട്ട് എപ്പോള്‍ വരും? എങ്ങനെ വേഗത്തില്‍ അറിയാം

പ്രധാന തീയതികള്‍

• അപേക്ഷാസമര്‍പ്പണം ആരംഭിക്കുന്ന തീയതി: മെയ് 25
• അപേക്ഷാസമര്‍പ്പണം അവസാനിക്കുന്ന തീയതി: ജൂണ്‍ മൂന്ന്
• ട്രയല്‍ അലോട്ട്‌മെന്റ്: ജൂണ്‍ എട്ട്
• ആദ്യ അലോട്ട്‌മെന്റ്: ജൂണ്‍ 15
• മുഖ്യ അലോട്ട്‌മെന്റ് അവസാനിക്കുന്നത്: ജൂലൈ ഒന്ന്
• ക്ലാസുകള്‍ തുടങ്ങുന്നത്: ജൂലൈ രണ്ട്
• സപ്ലിമെന്ററി ഘട്ടം: ജൂലൈ 13 മുതല്‍ ഓഗസ്ത് അഞ്ച് വരെ
• അഡ്മിഷന്‍ അവസാനിപ്പിക്കുന്നത്: ഓഗസ്ത് അഞ്ച്‌

https://hscap.kerala.gov.in/prospectus2026.php എന്ന ലിങ്കില്‍ ക്ലിക്ക് ചെയ്താല്‍ പ്രോസ്‌പെക്ടസ് ലഭ്യമാകും. https://hscap.kerala.gov.in/upfile/usermanual_2026.pdf എന്ന ലിങ്കില്‍ അപേക്ഷിക്കേണ്ടത് എങ്ങനെയെന്ന് വിശദമാക്കുന്ന യൂസര്‍ മാനുവലും കിട്ടും. പ്രോസ്‌പെക്ടസും, യൂസര്‍ മാനുവലും വിശദമായി വായിച്ചതിന് ശേഷം മാത്രം അപേക്ഷിക്കുക.

എല്ലാ വിശദാംശങ്ങളും കൃത്യമായി നല്‍കി സബ്മിറ്റ് ചെയ്യുമ്പോള്‍ അപേക്ഷയിലെ വിവരങ്ങള്‍ കാണാനും, ആവശ്യമെങ്കില്‍ തിരുത്താനും അവസരമുണ്ട്. അപേക്ഷയിലെ വിവരങ്ങള്‍ ഒരിക്കല്‍ കൂടി പൂര്‍ണമായി പരിശോധിച്ചതിന് ശേഷം അപേക്ഷാ സമര്‍പ്പണം പൂര്‍ത്തിയാക്കുക. സംശയങ്ങളോ, പരാതികളോ ഉണ്ടെങ്കില്‍ തൊട്ടടുത്ത സര്‍ക്കാര്‍/എയ്ഡഡ് ഹയര്‍സെക്കന്‍ഡറി സ്‌കൂളിലെ പ്രിന്‍സിപ്പലിന്റെ നേതൃത്വത്തിലുള്ള ഹെല്‍പ് ഡെസ്‌കിനെ സമീപിക്കാം.

English Summary

Online applications for Kerala Plus One admission (2026-27) are open until June 3. Candidates must create a login on the HSCAP website to apply. The first allotment list will be published on June 15. Classes are scheduled to begin on July 2.