Food recipes in malayalam, Kerala Food Recipes, Cooking Recipes, Nutrition Tips in Malayalam

Vettu Cake Recipe: ഒരു നൊസ്റ്റാൾജിക് ചായക്കടിയായലോ! വെട്ടുകേക്ക് ഈസിയായി ഉണ്ടാക്കാം; കിടിലൻ കൂട്ട് ഇതാ

Neethu Vijayan — Mon, 26 Oct 2026 17:02:00 +0530

: പണ്ടുള്ള നാടൻ പലഹാരങ്ങളൊന്നും ഇന്ന് ഒരു കടകളിലും കിട്ടാതെയായിട്ടുണ്ട്. ഉഴുന്നുവടയും പരിപ്പുവടയുമാണ് പിന്നെയും ഇന്നും നിലനിൽക്കുന്നത്. ചൂടുചായയ്ക്കൊപ്പം കഴിക്കാൻ പണ്ടത്തെ നാടൻ ചായക്കടകളുടെ സ്വാദുള്ള ഒരു പലഹാരമാണ് വെട്ടുകേക്ക്. ഒരുപക്ഷേ പല നാടുകളിൽ പല പേരായിരിക്കാം. വൈകിട്ട് നല്ല മഴയത്ത് ചൂട് ചായയും വെട്ടുകേക്കും കഴിക്കാൻ കിട്ടിയാൽ ആരാണ് വേണ്ടെന്ന് പറയുന്നത്. (Image Credit Source: Social Media)

: ചായയെന്ന് ഓർക്കുമ്പോൾ ആദ്യം മനസ്സിലേക്ക് വരുന്നത് വെട്ടുകേക്ക് തന്നെയാണ്. പുറമേ നല്ല മൊരിഞ്ഞതും ഉള്ളിൽ പഞ്ഞിപോലെ മൃദുവായതുമായ വെട്ടുകേക്ക് വളരെ കുറഞ്ഞ ചേരുവകൾ കൊണ്ട് നമുക്ക് വീട്ടിൽ തന്നെ എളുപ്പത്തിൽ തയ്യാറാക്കാവുന്നതേയുള്ളൂ. വൈകുന്നേരത്തെ ചായക്കടിയായി തയ്യാറാക്കാവുന്ന ഏറ്റവും എളുപ്പമുള്ള വെട്ടുകേക്ക് റെസിപ്പി നമുക്ക് നോക്കാം.

: ആവശ്യമായ ചേരുവകൾ: മൈദ- 500 ഗ്രാം, മുട്ട-3 എണ്ണം, പഞ്ചാസാര പൊടിച്ചത്- 2 കപ്പ്, നെയ്യ്- ഒരു ടേബിൾസ്പൂൺ, എലക്കാ അഞ്ചെണ്ണം പൊടിച്ചത് , വാനില എസൻസ്- അര ടീസ് സ്പൂൺ , സോഡാപ്പൊടി- കാൽ ടീസ് സ്പൂൺ, റവ- 100 ഗ്രാം എന്നിവയാണ് വെട്ടുകേക്കിന് ആവശ്യമായ ചേരുവകൾ. പലരുടെയും ബാല്യകാലത്തിന്റെ മധുരിക്കുന്ന ഓർമയും എന്നും നാവിൻതുമ്പത്ത് തെളിഞ്ഞുവരുന്നൊരു വികാരവുമാണ് വെട്ടുകേക്ക്.

: തയാറാക്കുന്ന വിധം: മെദയും റവയും സോഡാപ്പൊടിയും കൂടി യോജിപ്പിച്ച് നന്നായി ഇളക്കി വയ്ക്കുക. ശേഷം മുട്ട നന്നായി അടിച്ചെടുത്ത് അതിലേക്ക് പഞ്ചസാര, പാൽ, നെയ്യ്, വാനില എസൻസ്, ഏലയ്ക്കപ്പൊടി എന്നിവ കൂടി ചേർത്തിളക്കുക. ഇത് മൈദ, റവ മിശ്രിതത്തിൽ ചേർത്ത് ചപ്പാത്തിയ്ക്ക് കുഴയ്ക്കുന്നതുപോലെ നന്നായി കുഴച്ച് നനച്ച തുണികൊണ്ട് കുറച്ച് സമയം മൂടി വയ്ക്കണം.

: ഏകദേശം രണ്ട് മണിക്കൂറെങ്കിലും അത് അങ്ങനെ ഇരിക്കണം. ശേഷം അരയിഞ്ച് കനത്തിൽ പരത്തി ചതുരകഷ്ണങ്ങളായി മുറിക്കുക. ഓരോ കഷ്ണത്തിന്റേയും ഓരോ മൂല നടുക്കുനിന്നും താഴോട്ട് പിളർത്തി പൂവിന്റെ ഇതൾ പോലെയാക്കണം. അതിനുശേഷം തിളച്ച എണ്ണയിലേക്ക് ഇട്ട് ഇത് വറുത്തുകോരിയെടുക്കാം. നല്ല പൂപോലത്തെ വെട്ടുകേക്ക് റെഡി. കുട്ടികൾക്ക് ചായക്കൊപ്പം കഴിക്കാൻ വളരെ നല്ലൊരു പലഹാരമാണിത്.

Kappa Puttu: കപ്പ മതി! സോഫ്റ്റ് പുട്ട് എളുപ്പത്തിൽ ഉണ്ടാക്കാം; റെസിപ്പി ഇതാ

Nithya Vinu — Mon, 26 Oct 2026 14:08:00 +0530

പുട്ട് ഇല്ലാതെ എന്ത് മലയാളി അടുക്കള അല്ലേ, കേരളീയരുടെ പ്രഭാതഭക്ഷണങ്ങളിൽ എക്കാലത്തും പുട്ടിന് പ്രമുഖ സ്ഥാനമാണുള്ളത്. അരിപ്പുട്ടും ഗോതമ്പ് പുട്ടും മാത്രമല്ല, പലതരം വെറൈറ്റികൾ പരീക്ഷിക്കാറുമുണ്ട്. ഇനി അരിപ്പൊടി കുറച്ചേ ഉള്ളൂവെങ്കിലും പ്രശ്നമില്ല. നല്ല പച്ചക്കപ്പ അല്ലെങ്കിൽ മരച്ചീനി ഉണ്ടെങ്കിൽ മിനിറ്റുകൾക്കുള്ളിൽ വളരെ എളുപ്പത്തിൽ ആവി പറക്കുന്ന സോഫ്റ്റ് കപ്പ പുട്ട് തയ്യാറാക്കാം. റെസിപ്പി ഇതാ....

ആവശ്യമായ ചേരുവകൾ

പച്ചക്കപ്പ - 600 ഗ്രാം
ഉപ്പ് - ആവശ്യത്തിന്
അരിപ്പൊടി - കാൽ കപ്പ്
തേങ്ങ ചിരകിയത് - ആവശ്യത്തിന്

തയ്യാറാക്കുന്ന വിധം

ആദ്യം പച്ചക്കപ്പയുടെ തൊലി കളഞ്ഞ് വൃത്തിയാക്കി ചെറിയ കഷ്ണങ്ങളാക്കുക. ശേഷം ഇത് നന്നായി ഗ്രേറ്റ് ചെയ്‌തോ അല്ലെങ്കിൽ ചെറുതായി പൊടിച്ചോ ഒരു പാത്രത്തിലേക്ക് മാറ്റുക.
ഇതിലേക്ക് അര ടേബിൾസ്പൂൺ ഉപ്പ് ചേർത്ത് നന്നായി ഇളക്കി യോജിപ്പിക്കുക.
അഞ്ച് മിനിറ്റ് കഴിഞ്ഞ് കപ്പയിലെ അധിക വെള്ളം പൂർണ്ണമായും പിഴിഞ്ഞ് കളഞ്ഞെടുക്കുക.
ഇതിലേക്ക് കാൽ കപ്പ് അരിപ്പൊടി കൂടി ചേർത്ത് കൈകൊണ്ട് നന്നായി ഇളക്കി യോജിപ്പിക്കുക.
കപ്പയിലെ ഈർപ്പം കൃത്യമായി നിലനിർത്താൻ വേണ്ടിയാണ് അരിപ്പൊടി ചേർക്കുന്നത്.
സാധാരണ പുട്ട് തയ്യാറാക്കുന്നത് പോലെ പുട്ടുകുറ്റിയിലേക്ക് അല്പം തേങ്ങ ചിരകിയതും തയ്യാറാക്കി വെച്ച കപ്പ മിശ്രിതവും മാറി മാറി നിറയ്ക്കുക.
ഇത് ആവിയിൽ നന്നായി വേവിച്ചെടുക്കുക.

ALSO READ: നല്ല വേവുള്ള മരച്ചീനി എങ്ങനെ തിരിച്ചറിയാം?; അറിഞ്ഞിരിക്കേണ്ട ചില സൂത്രവിദ്യകൾ

കപ്പ ആരോഗ്യഗുണങ്ങൾ

മരച്ചീനിയിൽ കാർബോഹൈഡ്രേറ്റ് ഉയർന്ന അളവിൽ അടങ്ങിയിട്ടുണ്ട്. അതിനാൽ കഠിനാധ്വാനം ചെയ്യുന്നവർക്കും കായികതാരങ്ങൾക്കും പെട്ടെന്ന് ഊർജ്ജം ലഭിക്കാൻ ഇത് സഹായിക്കും. അതുപോലെ ഇതിലടങ്ങിയിരിക്കുന്ന നാരുകൾ ദഹനപ്രക്രിയ സുഗമമാക്കുകയും മലബന്ധം തടയുകയും ചെയ്യുന്നു. കുടലിന്റെ ആരോഗ്യത്തിനും ഇത് നല്ലതാണ്.

മരച്ചീനിയിൽ പൊട്ടാസ്യം ധാരാളമായി അടങ്ങിയിട്ടുണ്ട്. ഇത് ശരീരത്തിലെ സോഡിയത്തിന്റെ അളവ് സന്തുലിതമാക്കാനും രക്തസമ്മർദ്ദം സാധാരണ നിലയിലാക്കാനും സഹായിക്കുന്നു. ഇതിൽ വൈറ്റമിൻ B-കോംപ്ലക്സ് (ഫോളേറ്റ്, തയാമിൻ, റൈബോഫ്ലേവിൻ) അടങ്ങിയിട്ടുണ്ട്. ഇത് നാഡീവ്യൂഹത്തിന്റെ പ്രവർത്തനങ്ങൾ കാര്യക്ഷമമാക്കാനും ക്ഷീണം അകറ്റാനും സഹായിക്കും.

കാൽസ്യം, ഫോസ്ഫറസ്, വൈറ്റമിൻ കെ എന്നിവ അടങ്ങിയിട്ടുള്ളതിനാൽ എല്ലുകളുടെയും പല്ലുകളുടെയും ആരോഗ്യത്തിന് മരച്ചീനി നല്ലതാണ്. മരച്ചീനിയിൽ അടങ്ങിയിരിക്കുന്ന ചില അമിനോ ആസിഡുകളും വൈറ്റമിനുകളും ചർമ്മത്തിലെ ഈർപ്പം നിലനിർത്താനും മുടിയുടെ ആരോഗ്യത്തിനും ഗുണകരമാണ്.

English Summary:

Kappa puttu is a traditional Kerala dish that offers a delicious alternative to regular rice puttu. It is easy to prepare at home using fresh tapioca , salt, rice flour, and grated coconut.

Tapioca Buying Tips: നല്ല വേവുള്ള മരച്ചീനി എങ്ങനെ തിരിച്ചറിയാം?; അറിഞ്ഞിരിക്കേണ്ട ചില സൂത്രവിദ്യകൾ

Neethu Vijayan — Sun, 25 Oct 2026 11:01:00 +0530

: കേരളീയരുടെ പ്രിയപ്പെട്ട ഭക്ഷണങ്ങളിൽ പ്രധാനിയാണ് കപ്പയും മീൻകറിയും. എന്നാൽ കപ്പ വാങ്ങി പുഴുങ്ങുമ്പോൾ പലപ്പോഴും അത് എത്ര സമയം വേവിച്ചാലും വേവാതെ കല്ലുപോലെ കിടക്കുന്നത് വീട്ടമ്മമാരെ അലട്ടുന്ന വലിയൊരു പ്രശ്നമാണ്. നല്ല പഞ്ഞിപോലെ വെന്തു കിട്ടുന്ന നല്ല നാടൻ മരച്ചീനി കടകളിൽ നിന്ന് എങ്ങനെ തിരിച്ചറിഞ്ഞു വാങ്ങാം എന്ന് കൃത്യമായി അറിഞ്ഞിരിക്കണം. ഇതിനായി നിങ്ങൾ അറിഞ്ഞിരിക്കേണ്ട ചില ലളിതമായ സൂത്രവിദ്യകൾ നമുക്ക് നോക്കാം. (Image Credit Source: Social Media)

: തൊലിയുടെ നിറം പരിശോധിക്കുക: കപ്പ വാങ്ങുമ്പോൾ അതിന്റെ പുറം തൊലി ചെറുതായി ഒന്ന് പൊളിച്ച് നോക്കുക. തൊലിക്കടിയിലെ മാംസളമായ ഭാഗം നല്ല പിങ്ക് അല്ലെങ്കിൽ ഇളം ചുവപ്പ് നിറത്തിലാണെങ്കിൽ അത് നല്ല വേവുള്ള മരച്ചീനിയാണെന്ന് ഉറപ്പിക്കാം. വെളുത്ത തൊലിയുള്ള കപ്പ ചിലപ്പോൾ വേവില്ലാതെ പോകാൻ സാധ്യതയുണ്ട്. തൊലി എളുപ്പത്തിൽ ഉരിഞ്ഞു പോരുന്നതും കട്ടി കുറഞ്ഞതുമായ മരച്ചീനിയാണ് പാചകത്തിന് ഏറ്റവും നല്ലത്. തൊലിക്ക് കട്ടി കൂടുതലാണെങ്കിൽ അത് വേവാനും കുറേ സമയമെടുക്കും.

: മുറിച്ചു നോക്കിയുള്ള പരിശോധന: കടകളിൽ നിന്ന് കപ്പ വാങ്ങുമ്പോൾ അതിന്റെ അഗ്രഭാഗം ചെറിയൊരു കഷ്ണം ഒടിച്ചു നോക്കുക. ഉള്ളിൽ കറുത്ത വരകളോ പുള്ളികളോ ഇല്ലാതെ നല്ല പാൽവെളുപ്പ് നിറത്തിൽ കാണപ്പെടുന്നത് നല്ല ഗുണനിലവാരമുള്ള കപ്പയുടെ ലക്ഷണമാണ്. അമിതമായി വലിപ്പമുള്ള കപ്പകൾ വാങ്ങാതിരിക്കാൻ ശ്രദ്ധിക്കുക. ഒരേ കനത്തിലുള്ള ഇടത്തരം വലിപ്പമുള്ള മരച്ചീനിയാണ് നന്നായി വെന്തു കിട്ടുക.

: കപ്പ ചെറിയ കഷണങ്ങളാക്കി മുറിച്ച ശേഷം തിളച്ച വെള്ളത്തിലിട്ട് വേവിക്കുക. ഇത് കപ്പ പെട്ടെന്ന് മൃദുവാകാൻ സഹായിക്കും. വേവിക്കുന്ന വെള്ളത്തിലേക്ക് ആവശ്യത്തിന് ഉപ്പും ഒരു നുള്ള് മഞ്ഞൾപ്പൊടിയും ചേർത്താൽ കപ്പയ്ക്ക് നല്ല മഞ്ഞ നിറവും മികച്ച രുചിയും ലഭിക്കും. കപ്പയുടെ കട്ടി നീക്കാനും കൂടുതൽ മൃദുവാക്കാനും, പകുതി വേവാകുമ്പോൾ ആദ്യത്തെ വെള്ളം ഊറ്റിക്കളഞ്ഞ് വീണ്ടും തിളച്ചവെള്ളം ഒഴിച്ച് വേവിച്ചെടുക്കുന്നത് നല്ലതാണ്.

: കപ്പ വേവിക്കുമ്പോൾ രണ്ടോ മൂന്നോ അല്ലി വെളുത്തുള്ളിയോ അല്പം ജീരകമോ ചതച്ചത് ചേർത്താൽ കപ്പയ്ക്ക് നല്ല മണവും ദഹനം എളുപ്പമാകാനും സഹായിക്കും. കപ്പ വെന്തു കഴിഞ്ഞ ശേഷം വെള്ളം ഊറ്റിക്കളഞ്ഞ്, തീ അണച്ച ശേഷം കുറഞ്ഞത് 5 മിനിറ്റ് പാത്രം അടച്ചു വെക്കുക. ആ ആവിയിൽ കിടന്ന് കപ്പ കൂടുതൽ മൃദുവായി മാറും. പിന്നീട് ഇതിലേക്ക് തേങ്ങയും ചെറിയ ഉള്ളിയും ജീരകവും ചതച്ചത് ചേർത്ത് നല്ല നാടൻ കപ്പ പുഴുക്കാക്കി കഴിക്കാം.

Eggless Omelet Recipe: മുട്ടയില്ലാത്ത ഓംലെറ്റോ… ഈ കിടിലൻ ഐറ്റം തയ്യാറാക്കുന്നത് എങ്ങനെ?

Neethu Vijayan — Sat, 24 Oct 2026 11:33:00 +0530

: മുട്ട കഴിക്കാത്തവർക്കും, വെജിറ്റേറിയൻ പ്രേമികൾക്കും, വ്രതദിനങ്ങളിൽ പോലും ഭയമില്ലാതെ കഴിക്കാൻ പറ്റിയ ഒന്നാണ് മുട്ടയില്ലാത്ത ഓംലെറ്റ് (Eggless Omelette). കാണാനും കഴിക്കാനും ഒറിജിനൽ മുട്ട ഓംലെറ്റ് പോലെ തന്നെയുള്ള ഈ വിഭവം വളരെ എളുപ്പത്തിലും കുറഞ്ഞ സമയം കൊണ്ടും വീട്ടിൽ തയ്യാറാക്കാം എന്നതാണ് ഏറ്റവും വലിയ ഗുണം. കണ്ണടച്ച് തുറക്കുന്ന സമയം കൊണ്ട് തയ്യാറാക്കാവുന്ന ഈ കിടിലൻ വെജിറ്റേറിയൻ ഓംലെറ്റ് റെസിപ്പി നോക്കാം. (Image Credit Source: Social Media)

: ആവശ്യമായ ചേരുവകൾ: കടലമാവ് – 30 ഗ്രാം, ഹൈ പ്രോട്ടീൻ പനീർ – 100 ഗ്രാം, ചെറുതായി അരിഞ്ഞ ചീര – മുക്കാൽ കപ്പ്, അരിഞ്ഞ കൂൺ – 67 എണ്ണം, ചെറി തക്കാളി – 23 എണ്ണം, ചീസ് സ്ലൈസ് – ഒരെണ്ണത്തിന്റെ പകുതി, ഉപ്പ് – ആവശ്യത്തിന്, ചില്ലി ഫ്‌ളേക്‌സ് – അര ടീസ്പൂൺ, മിക്‌സഡ് ഹെർബ്‌സ് – അര ടീസ്പൂൺ, കുരുമുളകുപൊടി – കാൽ ടീസ്പൂൺ, എണ്ണ – ആവശ്യത്തിന് എന്നിവയാണ് ആവശ്യമായ ചേരുവകൾ.

: തയ്യാറാക്കുന്ന വിധം: ഒരു പാത്രത്തിലേക്ക് കടലമാവ്, ഉപ്പ്, കുരുമുളകുപൊടി, ചില്ലി ഫ്‌ലേക്‌സ്, മിക്‌സഡ് ഹെർബ്‌സ് എന്നിവ എടുക്കുക. ശേഷം അതിലേക്ക് ആവശ്യത്തിന് വെള്ളം ഒഴിച്ച് ദോശമാവിനേക്കാൾ അൽപം നേർത്ത രൂപത്തിലുള്ള മിശ്രിതമാക്കി കലക്കിവയ്ക്കാം. ഒരു നോൺസ്റ്റിക് പാൻ ചൂടാക്കി അരിഞ്ഞ കൂൺ എണ്ണ ചേർക്കാതെ രണ്ടുമുതൽ മൂന്ന് മിനിറ്റ് വരെ വേവിക്കുക. തുടർന്ന് ചീരയും ചെറി തക്കാളിയും ചേർത്ത് അൽപം ഉപ്പും കുരുമുളകും ഇട്ട് ഒന്നോ രണ്ടോ മിനിറ്റ് കൂടി വഴറ്റിയെടുക്കാം.

: പാനിൽ അൽപം എണ്ണ പുരട്ടിയ ശേഷം കടലമാവ് കലക്കിയത് ഒഴിച്ച് ഓംലെറ്റിന്റെ രൂപത്തിൽ പരത്തുക. വളരെ നേർത്തതായി പരത്തരുത്. മിശ്രിതം പകുതിയോളം വെന്തുകഴിയുമ്പോൾ പനീർ ഗ്രേറ്റ് ചെയ്ത് മുകളിൽ വിതറുക. സ്പൂൺ ഉപയോഗിച്ച് പതുക്കെ അമർത്തി ചേർത്തുവയ്ക്കാം. നേരത്തേ വഴറ്റിവച്ച പച്ചക്കറികൾ ഓംലെറ്റിന്റെ മുകളിൽ നിരത്തുക. മുകളിൽ അര ചീസ് സ്ലൈസും വയ്ക്കാം.

: പാൻ മൂടിവച്ച് കുറഞ്ഞ തീയിൽ ഏകദേശം രണ്ട് മിനിറ്റ് കൂടി വേവിക്കുക. ചീസ് ഉരുകി ഓംലെറ്റ് നന്നായി വെന്തുകഴിഞ്ഞാൽ വിളമ്പാം. ഇഷ്ടമുണ്ടെങ്കിൽ അൽപം സോസ് കൂടി ചേർക്കാം. പനീറും കടലമാവും പ്രോട്ടീൻ ലഭിക്കാൻ സഹായിക്കുന്ന ചേരുവകളാണ്. പച്ചക്കറികളിൽ നിന്ന് ഫൈബറും വിവിധ പോഷകങ്ങളും ലഭിക്കും. അതിനാൽ ഫിറ്റ്നസ് നോക്കുന്നവർക്ക് ഇതിലും നല്ലൊരു വിഭവം വേറെയില്ല.

Kitchen Tips: പുളിച്ച തൈര് ഇനി കളയേണ്ട! വീണ്ടും ഉപയോഗിക്കാൻ ഇതാ മികച്ച വഴികൾ

Neethu Vijayan — Fri, 23 Oct 2026 12:15:00 +0530

: വീട്ടിലുണ്ടാക്കിയ തൈര് ഫ്രിഡ്ജിൽ വെക്കാൻ മറ്റോ മറന്ന് കട്ടി കൂടി വല്ലാതെ പുളിച്ചുപോയാൽ അത് വെറുതെ കളയേണ്ടതില്ല. അടുക്കളയിൽ സ്വാദിഷ്ടമായ വിഭവങ്ങൾ ഉണ്ടാക്കാനും മുടിയുടെയും ചർമ്മത്തിന്റെയും സംരക്ഷണത്തിനും പുളിച്ച തൈര് മികച്ച രീതിയിൽ ഉപയോഗിക്കാനാകും. പുളിച്ച തൈരിന്റെ പ്രധാന ഉപയോഗങ്ങൾ എന്തെല്ലാമെന്ന് നമുക്ക് നോക്കാം. ഇത് പല വിഭവങ്ങൾ തയ്യാറാക്കാനും ചേരുവയാക്കാനും സാധിക്കും. (Image Credit Source: Getty Images)

: കാച്ചിയ മോരുകറി/ പുളിശ്ശേരി: നല്ല നാടൻ കാച്ചിയ മോരുകറിക്കും പുളിശ്ശേരിക്കും ഏറ്റവും അനുയോജ്യം നന്നായി പുളിച്ച തൈരാണ്. അല്പം തേങ്ങയും പച്ചമുളകും അരച്ചുചേർത്ത് കടുക് വറുത്തിട്ടാൽ സ്വാദിഷ്ടമായ മോരുകറി തയാറാക്കാം. തേങ്ങ അരച്ചു ചേർക്കുന്നത് അമിതമായ പുളി കുറച്ച് നിർത്താൻ സഹായിക്കും.

: സോഫ്റ്റ് ഭട്ടൂര, നാൻ/ ആപ്പങ്ങൾ: ഭഭട്ടൂരയോ പൂരിയെയോ നാനിന്റെയോ മാവ് കുഴയ്ക്കുമ്പോൾ അല്പം പുളിച്ച തൈര് ചേർക്കുന്നത് വളരെ നല്ലതാണ്. കാരണം ഈസ്റ്റ് ചേർക്കാതെ തന്നെ മാവ് നന്നായി പൊന്തിവരുകയും പഞ്ഞി പോലെ മൃദുവാവുകയും ചെയ്യും. അതുപോലെ ഇൻസ്റ്റന്റ് റവ ദോശയോ ഇഡ്ഡലിയോ ഉണ്ടാക്കുമ്പോൾ പുളിച്ച തൈര് ചേർത്ത് മാവ് തയ്യാറാക്കിയാൽ റെസ്റ്റോറന്റ് ശൈലിയിലുള്ള രുചിയും മണവും ലഭിക്കും.

: ഇറച്ചി വിഭവങ്ങൾക്ക്: ചിക്കനോ മട്ടണോ വേവിക്കുന്നതിന് മുൻപ് പുളിച്ച തൈരിൽ അല്പം മസാല ചേർത്ത് പുരട്ടി വെച്ചാൽ ഇറച്ചി നല്ല സോഫ്റ്റായി വെന്തുകിട്ടും. അതിനാൽ പുളിച്ച തൈര് ഇനിയെന്ത് ചെയ്യുമെന്ന് ഓർത്ത് ആരും വിഷമിക്കരുത്. ഇത്തരം വിദ്യകൾ പരീക്ഷിച്ചാൽ നിങ്ങൾക്ക് അടുക്കളയിൽ പല കാര്യങ്ങളും ചെയ്യാനാകും. തൈര് അമിതമായി പുളിക്കാതിരിക്കാൻ ഫ്രിഡ്ജിൽ സൂക്ഷിക്കുന്നതാണ് ഉത്തമം.

: താരനും ചർമ്മത്തിനും: പുളിച്ച തൈരിലെ ലാക്റ്റിക് ആസിഡ് തലയോട്ടിയിലെ താരനും ചൊറിച്ചിലും അകറ്റാൻ വളരെ മികച്ചതാണ്. അല്പം ഉലുവപ്പൊടിയോ ചെറുപയർ പൊടിയോ പുളിച്ച തൈരിൽ കലർത്തി തലയോട്ടിയിൽ തേച്ച് 20 മിനിറ്റിന് ശേഷം കഴുകിക്കളയാം. അല്പം കടലമാവും ഒരു നുള്ളു മഞ്ഞൾപ്പൊടിയും പുളിച്ച തൈരിൽ ചാലിച്ച് മുഖത്ത് പുരട്ടുക. ഇത് ചർമ്മത്തിലെ കരിവാളിപ്പ് മാറ്റി സ്വാഭാവിക തിളക്കം നൽകും.

Instant Dosa Batter Recipe: അരിയരച്ച് കാത്തിരിക്കേണ്ട! ദോശമാവ് തയ്യാറാക്കാം 10 മിനിറ്റിൽ; റെസിപ്പി ഇതാ

Neethu Vijayan — Wed, 21 Oct 2026 13:46:00 +0530

തലേ ദിവസം രാത്രിയിൽ അരിയും ഉഴുന്നും കുതിർത്ത് വെച്ച്, അത് അരച്ച് പുളിപ്പിച്ചു ദോശയുണ്ടാക്കാൻ മടിയാണോ? ഇനി ആ ടെൻഷൻ വേണ്ട! അരിയരച്ച് മണിക്കൂറുകളോളം കാത്തിരിക്കേണ്ട ആവശ്യമില്ലാതെ, വെറും 10 മിനിറ്റിൽ തയ്യാറാക്കാവുന്ന കിടിലൻ ഇൻസ്റ്റന്റ് ദോശ റെസിപ്പി നമുക്ക് നോക്കിയാലോ. ദോശ ചുട്ടെടുക്കാൻ എളുപ്പമാണെങ്കിലും ദോശയ്ക്കുള്ള മാവ് തയ്യാറാക്കുന്നതിന് അൽപ്പം മുന്നൊരുക്കം ആവശ്യമാണ്. ദോശപ്രിയരായ കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഒരു കിടിലൻ റെസിപ്പിയാണ് ഇവിടെ പറയാൻ പോകുന്നത്.

ALSO READ: ദോശമാവ് എത്ര നാൾ ഫ്രിഡ്ജിൽ സൂക്ഷിക്കാം? ഈ അബദ്ധങ്ങൾ ചെയ്യല്ലേ…

ആവശ്യമായ ചേരുവകൾ:

ബ്രെഡ്- 5
റവ (വറുക്കാത്തത്)- 1 കപ്പ്
പുളിയില്ലാത്ത തൈര്- അര കപ്പ്
ഉപ്പ്- മുക്കാൽ ടീസ്പൂൺ
ചെറു ചൂടുവെള്ളം- ഒന്നേകാൽ കപ്പ്
ബേക്കിംഗ് സോഡ- കാൽക്കപ്പ്

തയ്യാറാക്കുന്ന വിധം

ആദ്യം തന്നെ ബ്രഡിന്റെ ബ്രൗൺ നിറത്തിലുള്ള നാല് വശങ്ങളും മുറിച്ച് മാറ്റുക. ശേഷം ബ്രഡ് കഷ്ണങ്ങളായി മുറിച്ച് മിക്സിയിലിട്ട് പൊടിച്ചെടുക്കുക. പൊടിച്ചെടുത്ത ബ്രഡിലേക്ക്, വറുക്കാത്ത റവ, അരക്കപ്പ് പുളിയില്ലാത്ത തൈര്, ഉപ്പ്, ചെറു ചൂടുവെള്ളം എന്നിവ ചേർത്ത് മിക്സിയിൽ നന്നായി അരച്ചെടുക്കുക. തരിയില്ലാതെ അരച്ചെടുക്കാൻ ശ്രദ്ധിക്കണം.

ഈ മാവിലേക്ക് അൽപ്പം വെള്ളം കൂടി ചേർത്ത് ദോശമാവിന്റെ പരുവമാക്കുക. ഒരുപാട് വെള്ളം ചേർക്കരുത്. ശേഷം കാൽ ടീസ്പൂൺ ബേക്കിംഗ് സോഡ കൂടി ചേർത്ത് നന്നായി ഇളക്കി യോജിപ്പിച്ചെടുക്കുക. ദോശമാവ് പോലെ പുളിക്കാനായി മാറ്റിവയ്ക്കേണ്ട ആവശ്യമില്ല എന്നതാണ് ഇതിൻ്റെ ഏറ്റവും വലിയ പ്രത്യേകത. ഈ ദോശമാവ് ഉടനെ തന്നെ ചുട്ടെടുക്കാം. വേണമെങ്കിൽ നെയ് ചേർത്തും ചുട്ടെടുക്കാവുന്നതാണ്.

ദോശക്കല്ല് ചൂടാക്കി അൽപ്പം എണ്ണയോ നെയ്യോ തടവിയ ശേഷം മാവ് ഒഴിച്ച് പരത്തുക. അടച്ചുവെച്ച് മീഡിയം തീയിൽ വേവിച്ചെടുത്താൽ മൊരിഞ്ഞും സോഫ്റ്റായുമുള്ള ഇൻസ്റ്റന്റ് ദോശ തയ്യാർ. സാമ്പാർ, ചട്നിപൊടി, ചമ്മന്തി എന്നിവ ചേർത്ത് കഴിക്കാൻ ഇത് ഏറെ രുചികരമാണ്. രാവിലെ തിരക്കുപിടിച്ച സമയത്ത് മാവില്ലെന്ന് ഓർത്ത് ടെൻഷൻ അടിക്കാതെ പെട്ടെന്ന് തന്നെ തയ്യാറാക്കാവുന്ന ഒന്നാണിത്. ജോലിക്ക് പോകുന്നവർക്കും വെറൈറ്റി വിഭവം വേണ്ടവർക്കും ഇത് ഉറപ്പായും പരീക്ഷിച്ച് നോക്കാം.

ദോശ ഒട്ടിപിടിക്കാതിരിക്കാൻ

ദോശക്കല്ല് പാകത്തിന് ചൂടാകാതെ മാവൊഴിച്ചാൽ അത് പെട്ടെന്ന് ഒട്ടിപ്പിടിക്കും. കല്ല് നന്നായി ചൂടായ ശേഷം തീ മീഡിയം ഫ്ലെയ്മിലേക്ക് മാറ്റുക.

കല്ല് നന്നായി ചൂടായ ശേഷം കുറച്ചു വെള്ളം അതിലേക്ക് തളിക്കുക. ഇത് കല്ലിന്റെ ചൂട് ഒരേപോലെ ക്രമീകരിക്കാൻ സഹായിക്കും. പിന്നീട് ഒരു തുണി വെച്ച് കല്ല് തുടച്ചു വ്യക്തമാക്കുക.

കല്ല് തുടച്ച ശേഷം വളരെ കുറച്ച് എണ്ണ മാത്രം തടവി കൊടുക്കുക. ഒരുപാട് എണ്ണ നിന്നാൽ മാവ് പരത്താൻ ബുദ്ധിമുട്ടാകും.

പുതിയ നോൺ-സ്റ്റിക്ക് അല്ലെങ്കിൽ ഇരുമ്പ് ദോശക്കല്ല് ഉപയോഗിക്കുമ്പോൾ ആദ്യം അതിൽ അൽപ്പം എണ്ണ തേച്ച് ചൂടാക്കി തുടച്ചെടുക്കുന്നത് ദോശ ഒട്ടിപ്പിടിക്കുന്നത് ഒഴിവാക്കും.

English Summary:

Golden, restaurant-style crispy dosa but don't have hours for batter fermentation? This instant dosa batter recipe is the ultimate morning savior. Made with simple hacks just 10 minutes.

Kitchen Tips: പൂ പോലത്തെ സോഫ്റ്റ് പുട്ട് ഉണ്ടാക്കാം; പൊടി കട്ടപിടിക്കാതെ നനച്ചെടുക്കാൻ ഇതാ ടിപ്സ്

Neethu Vijayan — Tue, 20 Oct 2026 11:19:00 +0530

മലയാളികളുടെ പ്രിയപ്പെട്ട പ്രഭാതഭക്ഷണമാണ് പുട്ടും കടലക്കറിയും. എന്നാൽ പലപ്പോഴും പുട്ടുപൊടി നനയ്ക്കുമ്പോൾ കട്ടകെട്ടിപ്പോകുകയോ പുട്ട് വെന്തു വരുമ്പോൾ കട്ടിയുള്ളതായി മാറുകയോ ചെയ്യുന്നത് വലിയ ബുദ്ധിമുട്ടുള്ള ഒരു കാര്യമാണ്. കടകളിൽ നിന്ന് വാങ്ങുന്ന പുട്ടിന്റെ അതേ സോഫ്റ്റ്‌നെസ്സിൽ പൂ പോലത്തെ പുട്ട് ഉണ്ടാക്കാൻ അരിപ്പൊടി കട്ടപിടിക്കാതെ തരിതരിപ്പായി നനച്ചെടുക്കാനുള്ള അടിപൊളി കുക്കിംഗ് ടിപ്പുകൾ നമുക്ക് നോക്കിയാലോ.

ALSO READ: ചൂടുമാറിയാലും ചപ്പാത്തി സോഫ്റ്റ്‌ ആയിരിക്കും! ടിപ്സിതാ..

പൂ പോലത്തെ പുട്ടിനായി പൊടി നനയ്ക്കാം ഇങ്ങനെ

ചെറുചൂടുവെള്ളം മാത്രം ഉപയോഗിക്കുക: അരിപ്പൊടി നനയ്ക്കാനായി തണുത്ത വെള്ളത്തിന് പകരം അല്പം ഉപ്പു ചേർത്ത ചെറുചൂടുവെള്ളം ഉപയോഗിക്കുന്നതാണ് എപ്പോഴും നല്ലത്. ചെറുചൂടുവെള്ളം തളിച്ചു കൊടുക്കുമ്പോൾ അരിപ്പൊടി വെള്ളം വേഗത്തിൽ വലിച്ചെടുക്കുകയും പൊടി മൃദുവായി മാറുകയും ചെയ്യും.

മിക്സിയിൽ അടിച്ച് എടുക്കാം: കൈ കൊണ്ട് എത്ര നനച്ചാലും പൊടി കട്ടപിടിക്കുന്നുണ്ടെങ്കിൽ ചെയ്യാൻ പറ്റിയ മാർഗമാണിത്. അല്പം ഉപ്പും വെള്ളവും തളിച്ച് സാദാ രീതിയിൽ നനച്ചുവെച്ച പുട്ടുപൊടി മിക്സിയുടെ വലിയ ജാറിലിട്ട് വെറും 5 മുതൽ 10 സെക്കൻഡ് വരെ പൾസ് ചെയ്തെടുക്കുക. ഇതോടെ പൊടിയിലുള്ള കട്ടകളെല്ലാം മാറി കടകളിൽ കിട്ടുന്നതുപോലെ നല്ല തരിതരിപ്പുള്ളതും പഞ്ഞി പോലെയുമുള്ള പുട്ടുപൊടി ലഭിക്കും.

10 മിനിറ്റ് മൂടിവെക്കുക: അരിപ്പൊടി നന്നായി നനച്ചെടുത്ത ഉടൻ തന്നെ പുട്ടുകുറ്റിയിൽ നിറച്ച് പുഴുങ്ങാൻ വയ്ക്കരുത്. പൊടി നനച്ച ശേഷം ഒരു 10-15 മിനിറ്റ് മൂടിവെക്കണം. ഇത് അരിപ്പൊടിയിലെ ഈർപ്പം ഒരേപോലെ പടരാനും പുട്ട് കൂടുതൽ സോഫ്റ്റ് ആകാനും സഹായിക്കും.

തേങ്ങ അല്പം പൊടിയിൽ ചേർക്കാം: പൊടി നനയ്ക്കുമ്പോൾ തന്നെ അല്പം ചിരകിയ തേങ്ങ കൂടി പൊടിയിലേക്ക് ചേർത്ത് തിരുമ്മി വെച്ചാൽ പുട്ടിന് നല്ല മണവും രുചിയും ലഭിക്കുമെന്ന് മാത്രമല്ല, പുട്ട് ഉതിർന്നു പോകാതെ നല്ല മൃദുവായി കിട്ടുകയും ചെയ്യും.

അമർത്തി നിറയ്ക്കരുത്: പുട്ടുകുറ്റിയിലേക്കോ ചില്ലേലേക്കോ പൊടിയും തേങ്ങയും ഇടുമ്പോൾ ഒരിക്കലും കൈ കൊണ്ട് അമർത്തി വയ്ക്കരുത്. അയവോടെ ഇട്ടു കൊടുത്താൽ മാത്രമേ ആവി കൃത്യമായി കയറുകയും പുട്ട് പൂ പോലെ വെന്തു കിട്ടുകയും ചെയ്യുകയുള്ളൂ.

ഗോതമ്പ് പുട്ട് സോഫ്റ്റാക്കാൻ: അരിപ്പൊടിയെ അപേക്ഷിച്ച് ഗോതമ്പ് പൊടിക്ക് വെള്ളം കൂടുതൽ ആവശ്യമാണ്. പൊടി നനയ്ക്കുമ്പോൾ അല്പം ചൂടുവെള്ളം തന്നെ ഉപയോഗിക്കാൻ ശ്രദ്ധിക്കുക. ഗോതമ്പ് പൊടിയിൽ പെട്ടെന്ന് കട്ടപിടിക്കാൻ സാധ്യതയുള്ളതിനാൽ, നനച്ചെടുത്ത ശേഷം വേണമെങ്കിൽ മിക്സിയുടെ ജാറിലിട്ട് ഒന്നുരണ്ട് തവണ പൾസ് ചെയ്തെടുത്താൽ നല്ല പഞ്ഞിപോലത്തെ ഗോതമ്പ് പുട്ട് കിട്ടും.

English Summary:

Soft, lump-free Puttu at home is easier than you think with a few simple kitchen secrets and water-ratio adjustments. Discover these mixing tips and steps to the perfect Kerala breakfast Puttu every single time.

Peanut Butter Recipe: കടയിൽ നിന്ന് വാങ്ങേണ്ട! പീനട്ട് ബട്ടർ ഇനി വീട്ടിൽ ഉണ്ടാക്കാം; മിനിറ്റുകൾ മതി

Neethu Vijayan — Mon, 19 Oct 2026 11:39:00 +0530

വ്യായാമം ചെയ്യുന്നവർക്കും ആരോഗ്യ കാര്യത്തിൽ ശ്രദ്ധിക്കുന്നവർക്കും പ്രഭാതഭക്ഷണത്തിന് ഒഴിവാക്കാനാകാത്ത ഒന്നാണ് പീനട്ട് ബട്ടർ (Peanut Butter). കുട്ടികൾക്കും ഏറെ ഇഷ്ടമുള്ള ഒന്നാണിത്. എന്നാൽ വിപണിയിൽ നിന്ന് വാങ്ങുന്ന പല പീനട്ട് ബട്ടറുകളിലും പ്രിസർവേറ്റീവുകൾ, സംസ്കരിച്ച പഞ്ചസാര, പാം ഓയിൽ എന്നിവ അടങ്ങിയിരിക്കാൻ സാധ്യതയേറെയാണ്. ഇവ അമിതമായി കഴിച്ചാൽ ആരോഗ്യത്തിൻ്റെ കാര്യം പോക്കാണ്. എന്നാൽ കേവലം 5 മുതൽ 10 മിനിറ്റിനുള്ളിൽ യാതൊരുവിധ രാസവസ്തുക്കളും ഇല്ലാതെ ഫ്രഷ് പീനട്ട് ബട്ടർ നമുക്ക് വീട്ടിൽ തന്നെ തയ്യാറാക്കാം. റെസിപ്പി നോക്കിയാലോ.

പ്രോട്ടീൻ, ആരോഗ്യകരമായ കൊഴുപ്പുകൾ, ഊർജം എന്നിവയാൽ സമ്പന്നമാണ് നിലക്കടല. ഇതിൽ നിന്ന് തയ്യാറാക്കുന്ന പീനട്ട് ബട്ടർ പ്രഭാതഭക്ഷണം, ലഘുഭക്ഷണം, സ്‌കൂൾ ടിഫിൻ എന്നിവയ്ക്ക് ഇത് വളരെ നല്ലതാണ്. കടയിൽ നിന്ന് വാങ്ങുന്നതിനേക്കാൾ ആരോഗ്യകരമായ പീനട്ട് ബട്ടർ വീട്ടിൽ തയ്യാറാക്കിയാലോ? എങ്ങനെ അത് തയ്യാറാക്കാം എന്ന് പരിശോധിക്കാം.

ALSO READ: എണ്ണ പിടിക്കില്ല, പൂരി നന്നായി പൊന്തിവരണോ? ടിപ്സിതാ...

ആവശ്യമായ ചേരുവകൾ

ഏകദേശം 1 കപ്പ് പീനട്ട് ബട്ടർ തയ്യാറാക്കാൻ ആവശ്യമായ ചേരുവകളാണ് ഇവിടെ പറയുന്നത്.

പച്ച നിലക്കടല - 1½ കപ്പ് (200 ഗ്രാം)

ഉപ്പ് - ആവശ്യത്തിന്

തേൻ അല്ലെങ്കിൽ ശർക്കരപ്പൊടി: 1-2 ടേബിൾ സ്പൂൺ

ഓയിൽ അല്ലെങ്കിൽ പീനട്ട് ഓയിൽ - 1 മുതൽ 2 ടീസ്പൂൺ (ആവശ്യമെങ്കിൽ ഉപയോഗിക്കാം)

തയ്യാറാക്കുന്ന വിധം

ആദ്യം തന്നെ പച്ച നിലക്കടല ഇടത്തരം തീയിലിട്ട് വറുത്തെടുക്കുക. ഇത് ചെറുതായി തണുപ്പിച്ച് തൊലികൾ നന്നായി നീക്കം ചെയ്യുക. തൊലി കളഞ്ഞ നിലക്കടല പാനിൽ ഇട്ട് കുറഞ്ഞ തീയിൽ 3-4 മിനിറ്റ് നന്നായി ചൂടാക്കിയെടുക്കുക. ഇത് നിലക്കടലയിലെ സ്വാഭാവിക എണ്ണമയം പുറത്തുവരാൻ സഹായിക്കും. തണുത്ത ശേഷം മിക്‌സർ ജാറിലേക്ക് നിലക്കടലയിട്ട് 1-2 മിനിറ്റ് നേരം നന്നായി അരയ്ക്കുക. ആവശ്യമെങ്കിൽ ഉപ്പും എണ്ണയും ചേർക്കുക. 2-3 മിനിറ്റ് തുടർച്ചയായി അടിക്കുമ്പോൾ നിലക്കടലയിലെ സ്വാഭാവിക എണ്ണ പുറത്തുവരുകയും മിശ്രിതം പേസ്റ്റ് പരുവത്തിലാവുകയും ചെയ്യും.

ഈ സമയത്ത് ഒരു നുള്ളു ഉപ്പും ആവശ്യാനുസരണം തേനോ ശർക്കരയുടെ പൊടിയോ ചേർത്ത് 30 സെക്കൻഡ് കൂടി നന്നായി അടിച്ചെടുക്കുക. നന്നായി ക്രീം രൂപത്തിലാകുന്നതു വരെ അരയ്ക്കുക. ക്രീമിയായ ഫ്രഷ് പീനട്ട് ബട്ടർ റെഡി. ഇത് വായു കടക്കാത്ത ജാറിലാക്കി ഫ്രിഡ്ജിൽ വെച്ചോ അല്ലാതെയോ സൂക്ഷിക്കാം. ഒരാഴ്ചവരെ വീട്ടിലുണ്ടാക്കുന്ന പീനട്ട് ബട്ടർ ഉപയോഗിക്കാം. നിലക്കടല അരച്ചെടുക്കുന്നതിന് മുൻപ് അല്പം വറുത്ത കടല തരിതരിപ്പായി പൊടിച്ച് മാറ്റിവയ്ക്കുക. പീനട്ട് ബട്ടർ തയ്യാറായ ശേഷം ഈ പൊടി അതിലേക്ക് ഇളക്കി ചേർത്താൽ കടകളിൽ ലഭിക്കുന്ന ക്രഞ്ചി പീനട്ട് ബട്ടർ കഴിക്കാം.

English Summary:

Using simple roasted peanuts, a touch of honey, and a pinch of salt, this easy recipe delivers a creamy, protein-packed peanut butter for your daily fitness goals. Discover quick peanut butter recipe .

Green Chilli Storage Tips: പച്ചമുളകിൻ്റെ ഞെട്ട് കളഞ്ഞ് ഫ്രിഡ്ജിൽ വെച്ചാൽ സംഭവിക്കുന്നത് കണ്ടോ? ഇത് അറിഞ്ഞിരിക്കണം

Neethu Vijayan — Sun, 18 Oct 2026 11:44:00 +0530

: ചന്തയിൽ നിന്ന് വാങ്ങുന്ന പച്ചമുളക് ദിവസങ്ങൾക്കുള്ളിൽ ചീഞ്ഞളിഞ്ഞുപോകുന്നതും കറുത്തുപോകുന്നതും മിക്ക വീട്ടമ്മമാരും പരാതിപ്പെടുന്ന പ്രധാന പ്രശ്നമാണ്. എന്നാൽ കൃത്യമായ ചില സൂത്രപ്പണികൾ ഉപയോഗിച്ചാൽ പച്ചമുളക് ഒരു മാസം വരെ വാടാതെയും കേടുവരാതെയും ഫ്രഷ്‌ ആയി സൂക്ഷിക്കാൻ സാധിക്കും. നിങ്ങളുടെ അടുക്കള ബഡ്ജറ്റ് തകരാതെയും ജോലി എളുപ്പമാക്കാനും പച്ചമുളക് കേടുവരാതിരിക്കാൻ സഹായിക്കുന്ന എളുപ്പവഴികൾ നോക്കാം. (Image Credit Source: Getty Images)

: പച്ചമുളകിന്റെ ഞെട്ട്: പച്ചമുളക് വാങ്ങി വീട്ടിലെത്തിച്ചാൽ ആദ്യം ചെയ്യേണ്ട കാര്യം അവ നന്നായി വൃത്തിയാക്കുക എന്നതാണ്. അതിൻ്റെ ശേഷം ആദ്യം തന്നെ അതിന്റെ ഞെട്ട് പറിച്ചുകളയുക. ഞെട്ടിലാണ് പൂപ്പലും ഈർപ്പവും ആദ്യം അടിഞ്ഞുകൂടുന്നതെന്ന് മനസ്സിലാക്കണം. ഞെട്ട് മാറ്റി സൂക്ഷിച്ചാൽ പച്ചമുളക് ചീഞ്ഞുപോകാതെ ഇരട്ടി സമയം ഫ്രഷ്‌ ആയിരിക്കും.

: ഈർപ്പം തുടച്ചുമാറ്റുക: പച്ചമുളക് കഴുകിയ ശേഷം അല്ലെങ്കിൽ വാങ്ങുമ്പോൾ തന്നെ അതിൽ വെള്ളമയമുണ്ടെങ്കിൽ ഒരു കോട്ടൺ തുണിയോ പേപ്പർ ടവലോ ഉപയോഗിച്ച് വെള്ളം പൂർണ്ണമായും തുടച്ച് ഉണക്കുക. ഈർപ്പമാണ് പച്ചമുളക് പെട്ടെന്ന് ചീഞ്ഞുപോകാനുള്ള പ്രധാന കാരണം. ഈർപ്പം പോയെന്ന് ഉറപ്പാക്കിയ ശേഷം മാത്രമെ ഇവ ഫ്രിഡ്ജിലേക്ക് മാറ്റാവൂ.

: കണ്ടെയ്നറും പേപ്പർ ടവലും: ഒരു അടപ്പുള്ള പ്ലാസ്റ്റിക് അല്ലെങ്കിൽ സ്റ്റീൽ ബോക്സിന്റെ അടിയിൽ ഒരു ടിഷ്യൂ പേപ്പറോ പേപ്പർ ടവലോ വിരിക്കുക. അതിനുമുകളിൽ ഞെട്ട് മാറ്റിയ പച്ചമുളക് ഇട്ട ശേഷം മുകളിലും ഒരു ടിഷ്യൂ പേപ്പർ വെച്ച് അടച്ച് ഫ്രിഡ്ജിൽ വെക്കുക. ബോക്സിനുള്ളിൽ രൂപപ്പെടുന്ന നീരാവി ടിഷ്യൂ പേപ്പർ വലിഞ്ഞെടുക്കുന്നതിനാൽ മുളക് ആഴ്ചകളോളം ഫ്രഷ്‌ ആയിരിക്കും.

: ചീഞ്ഞ മുളകുകൾ മാറ്റുക: എല്ലാ മുളകുകളും ഒരുമിച്ച് സൂക്ഷിക്കുന്നതിന് മുൻപ് കൂട്ടത്തിൽ ചെറിയ രീതിയിലെങ്കിലും പഴുത്തതോ, കറുത്തതോ, ചീഞ്ഞതോ ആയ മുളകുകൾ ഉണ്ടെങ്കിൽ അവ വേർതിരിച്ചു മാറ്റുക. ഒരൊറ്റ ചീഞ്ഞ മുളക് മതി ബാക്കിയുള്ള മുഴുവൻ പച്ചമുളകും കേടാക്കാൻ. വളരെ കൂടുതൽ പച്ചമുളക് ഉണ്ടെങ്കിൽ ഞെട്ട് കളഞ്ഞു വൃത്തിയാക്കി നേരെ ഫ്രീസറിൽ വെക്കാവുന്നതാണ്.

Amla Resam Rice Recipe: നെല്ലിക്കയിട്ട രസം റൈസ് ഒന്ന് പരീക്ഷിച്ചാലോ?; ഉച്ചയൂണിന് പ്ലേറ്റ് കാലിയാകും

Neethu Vijayan — Thu, 15 Oct 2026 12:33:00 +0530

ഉച്ചയൂണിന് എന്ത് വെറൈറ്റി ഉണ്ടാക്കുമെന്ന ആലോചനയിലാണോ? വിറ്റാമിൻ സിയുടെ കലവറയായ നെല്ലിക്ക ചേർത്ത് എളുപ്പത്തിൽ തയ്യാറാക്കാവുന്ന ഒന്നാന്തരം 'നെല്ലിക്ക രസം റൈസ്' (Amla Rasam Rice) പരീക്ഷിച്ചു നോക്കിയാലോ. രോഗപ്രതിരോധ ശേഷി കൂട്ടാനും ദഹനം സുഗമമാക്കാനും സഹായിക്കുന്ന ഈ വിഭവം കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ടതായിരിക്കും. നെല്ലിക്ക കഴിക്കാൻ മടിക്കുന്ന കുട്ടികൾ പോലും വളരെയേറെ ഇഷ്ട്ടത്തോടെ ഇത് കഴിക്കുമെന്ന കാര്യം ഉറപ്പാണ്.

നമ്മുടെ ദക്ഷിണേന്ത്യൻ ഭക്ഷണങ്ങൾക്ക് ലോകമെമ്പാടും ആരാധകർ ഏറെയാണ്. അത്തരത്തിലൊന്നാണ് പോഷകഗുണങ്ങളുടെ കാര്യത്തിൽ ഒട്ടും വിട്ടുവീഴ്ച വരുത്താത്ത നെല്ലിക്ക ഉപയോഗിച്ച് തയ്യാറാക്കുന്ന രസം റൈസ്. വളരെ കുറച്ച് ചേരുവകളും കുറഞ്ഞ സമയവും മതി ഈ വിഭവം തയ്യാറാക്കാൻ. ഇതിൻ്റെ കിടിലൻ റെസിപ്പി നോക്കിയാലോ.

ALSO READ: ഗോതമ്പ് ഉണ്ടയ്ക്ക് ഇത്രയും രുചിയോ?; കുഴക്കാതെ, പരത്താതെ ബോണ്ട

ആവശ്യമായ ചേരുവകൾ

നെല്ലിക്ക, തക്കാളി, മസാലപ്പൊടികൾ, അരി, പരിപ്പ് എന്നിവയാണ് നെല്ലിക്ക രസം റൈസിലെ പ്രധാന ചേരുവകൾ.

പച്ച നെല്ലിക്ക: 3 - 4 എണ്ണം (കുരു കളഞ്ഞത്)

വേവിച്ച ചോറ്: 2 കപ്പ്

തക്കാളി: 1 ചെറുത്

പച്ചമുളക്: 1 എണ്ണം

ഇഞ്ചി: ഒരു ചെറിയ കഷണം

കുരുമുളക്, ജീരകം: 1 ടീസ്പൂൺ വീതം (ചതച്ചത്)

കായപ്പൊടി: ഒരു നുള്ള്

കടുക്, വറ്റൽമുളക്, വേപ്പില: താളിക്കാൻ ആവശ്യത്തിന്

നെയ്യ് അല്ലെങ്കിൽ വെളിച്ചെണ്ണ: 2 ടീസ്പൂൺ

മല്ലിയില: അലങ്കരിക്കാൻ

ഉപ്പ്: പാകത്തിന്

നെല്ലിക്ക രസം റൈസ് തയ്യാറാക്കുന്ന വിധം

പരിപ്പ്, അരി എന്നിവ നല്ല ശുദ്ധമായ വെള്ളത്തിൽ കുതിർത്തുവെക്കുക. ചെറിയ കഷണങ്ങളായി മുറിച്ച നെല്ലിക്ക, തക്കാളി, വെളുത്തുള്ളി എന്നിവയും കുരുമുളക്, മസാലപ്പൊടികൾ, ജീരകം എന്നിവയും ഒരു മിക്‌സിയിൽ അരച്ച് മൃദുവായ പേസ്റ്റ് ഉണ്ടാക്കാം. ശേഷം ഒരു പാനിൽ അല്പം നെയ്യ് ചൂടാക്കി, കടുക്, വറ്റൽമുളക്, വേപ്പില എന്നിവ താളിക്കുക. മസാലപ്പൊടികളും ചേർക്കുക.

ഇതിലേക്ക് നേരത്തെ അരച്ചുവച്ചിരുന്ന നെല്ലിക്ക- തക്കാളി പേസ്റ്റ് ചേർക്കുക. രുചി കൂട്ടാൻ രസം മസാല ആവശ്യമെങ്കിൽ ചേർക്കാം. ഇതിലേക്ക് കുതിർത്ത അരിയും പരിപ്പും നെല്ലിക്ക കഷണങ്ങളും ചേർക്കുക. ശേഷം ഉപ്പിട്ട് ആവശ്യത്തിന് വെള്ളമൊഴിച്ച് വേവിക്കുക. അരിയും പരിപ്പും നന്നായി വെന്ത് യോജിക്കുന്നതുവരെ പ്രഷർ കുക്ക് ചെയ്യുക. പാകമായ നെല്ലിക്ക രസം ചോറ് ആവശ്യമെങ്കിൽ മല്ലിയില കൊണ്ട് അലങ്കരിച്ച് കഴിക്കാം.

നെല്ലിക്ക രസം റൈസ് ഗുണങ്ങൾ

പ്രതിരോധശേഷി വർദ്ധിപ്പിക്കുന്നു: നെല്ലിക്കയിലെ വിറ്റാമിൻ സി ജലദോഷം, പനി എന്നിവയിൽ നിന്ന് സംരക്ഷണം നൽകുന്നു.

എളുപ്പത്തിൽ ഉണ്ടാക്കാം: ബാക്കി വന്ന ചോറ് ഉപയോഗിച്ചും അഞ്ച് മിനിറ്റിൽ ഇത് തയ്യാറാക്കാം.

ദഹനത്തിന് ഉത്തമം: കുരുമുളകും ജീരകവും നെല്ലിക്കയും ചേരുന്നത് കൊണ്ട് വയറിന് വളരെ നല്ലതാണ്.

English Summary:

Amla Is Rich in Vitamin C and antioxidants. Also it is Easy to digest and suitable for weight management. Here is How to make Amla Or Nellika Resam Rice, easy recipe in malayalam.

Kitchen Tips: ദോശമാവിൽ പുളി കൂടിപ്പോയോ? കളയേണ്ട, വെറും അഞ്ച് മിനിറ്റിൽ ശരിയാക്കാം

Neethu Vijayan — Thu, 15 Oct 2026 11:59:00 +0530

: ചൂടുള്ള മൊരിഞ്ഞ ദോശ കഴിക്കാൻ ആഗ്രഹിച്ചു മാവെടുക്കുമ്പോഴായിരിക്കും ചിലപ്പോൾ മാവ് വല്ലാതെ പുളിച്ചുപോയെന്ന് മനസ്സിലാകുക. ദോശമാവാണെങ്കിലും ഇഡ്ഡലിക്കുള്ളത് ആണെങ്കിലും അമിതമായി പുളിച്ചാലും പുളിച്ചില്ലെങ്കിലും കുഴപ്പമാണ്. പുളി കൂടിയതിനാൽ ഇനി ഈ മാവ് കളയേണ്ടി വരുമോ എന്നോർത്ത് ടെൻഷനടിക്കേണ്ട. വെറും അഞ്ച് മിനിറ്റിൽ മാവിലെ പുളി കളഞ്ഞ് ദോശ സ്വാദിഷ്ടമാക്കാൻ ഇതാ ചില അടുക്കള വിദ്യകൾ. (Image Credit Source: Getty Images)

: തേങ്ങാപ്പാൽ: മാവിലെ പുളി അധികമാണെങ്കിൽ അതിലേക്ക് അല്പം പുതുതായി തയ്യാറാക്കിയ തേങ്ങാപ്പാലോ അല്ലെങ്കിൽ തേങ്ങ ചെറുതായി അരച്ചതോ ചേർക്കാം. ഇത് മാവിലെ പുളിരസം കുറയ്ക്കുന്നതോടൊപ്പം ദോശയ്ക്ക് നല്ല സോഫ്റ്റും കിടിലൻ സ്വാദും നൽകും. അതല്ലെങ്കിൽ, അൽപ്പം കട്ടിയുള്ള തിളപ്പിച്ച പാൽ മാവിലേക്ക് ചേർത്ത് കൊടുക്കുന്നത് പുളിരസം കുറയ്ക്കാൻ വളരെ നല്ലതാണ്. ശേഷം പെട്ടെന്ന് ദോശ തയ്യാറാക്കാം.

: ചോറ് അരച്ചു ചേർക്കുക: ഒരു പിടി ചോറ് മിക്സിയിൽ നന്നായി അരച്ചെടുത്തത് പുളിച്ച മാവിലേക്ക് ചേർത്തു നന്നായി ഇളക്കി യോജിപ്പിക്കാം. ഇത് മാവിന്റെ പുളി അകറ്റാൻ സഹായിക്കുക മാത്രമല്ല, ദോശ നല്ല മൃദുവായും പഞ്ഞിപോലെയിരിക്കാനും സഹായിക്കും. എന്ത് ചേർത്ത് കൊടുത്താലും മാവ് ഒരുപാട് വെള്ളം പോലെ ആകാതിരിക്കാൻ പ്രത്യേകം ശ്രദ്ധിക്കണം.

: തേങ്ങാവെള്ളം: മാവിലേക്ക് അൽപ്പം തേങ്ങാവെള്ളം പുളിയുള്ളതല്ലെങ്കിൽ ചേർക്കുന്നത് മാവിന്റെ സ്വാഭാവിക രുചി വീണ്ടെടുക്കാൻ സഹായിക്കും. അതുപോലെ അല്പം പഞ്ചസാരയോ ശർക്കരപ്പൊടിയോ ചേർക്കുന്നത് പുളിയുടെ അംശം പെട്ടെന്ന് ബാലൻസ് ചെയ്യാൻ സഹായിക്കും. ഈ പൊടികൈകൾ പ്രയോഗിക്കുമ്പോൾ മാവിലേക്ക് ആവശ്യത്തിന് ഉപ്പ് കൂടിയിട്ടുണ്ടോ എന്ന് പരിശോധിക്കാൻ മറക്കരുത്.

: പുളി മാറ്റാൻ ചേരുന്ന ചേരുവകൾക്കനുസരിച്ച് പാകത്തിന് ഉപ്പും ചേർത്ത് നന്നായി ഇളക്കി അഞ്ച് മിനിറ്റ് വെച്ചതിന് ശേഷം ദോശ ചുടാം. ഇനി പുളിച്ച മാവ് കണ്ട് വിഷമിക്കേണ്ട, ഈ എളുപ്പവഴികൾ പരീക്ഷിച്ചു നോക്കിയാൽ മതിയാകും. വേനൽക്കാലത്താണ് സാധാരണയായി ദോശമാവ് അമിതമായി പുളച്ചുപോകുന്നത്. അതിനാൽ ഈ സമയത്ത് മാവ് അരച്ച് വയ്ക്കുമ്പോഴും ശ്രദ്ധിക്കണം.

Ghee Adulteration Tips: കൈവെള്ളയിൽ വെച്ചാൽ ഉരുകുമോ? നല്ല നെയ്യ് തിരിച്ചറിയാനുള്ള നാടൻ വിദ്യകൾ

Neethu Vijayan — Wed, 14 Oct 2026 12:43:00 +0530

: വിപണിയിൽ ഇന്ന് ധാരാളം ബ്രാൻഡുകളിൽ നെയ്യ് ലഭ്യമാണ്. എന്നാൽ നമ്മൾ വാങ്ങുന്ന നെയ്യ് പൂർണ്ണമായും ശുദ്ധമാണോ, അതോ മറ്റെന്തെങ്കിലും രാസവസ്തുക്കൾ കലർന്ന വ്യാജനാണോ എന്ന് എങ്ങനെ തിരിച്ചറിയും? ഭക്ഷണത്തിൽ സ്ഥിരമായി ഉപയോഗിക്കുന്ന നെയ്യിലെ മായം ആരോഗ്യത്തിന് ഏറെ ഹാനികരമാണ്. പണ്ടുകാലത്ത് വീടുകളിൽ തന്നെയാണ് നെയ്യ് ഉല്പാദിപ്പിച്ചിരുന്നത്. എന്നാൽ ഇന്ന് അങ്ങനെയ്ല്ല. (Image Credit Source: Getty Images)

: അതിനാൽ ലബോറട്ടറി പരിശോധനകൾ ഇല്ലാതെ തന്നെ, അടുക്കളയിൽ വെച്ച് മിനിറ്റുകൾക്കുള്ളിൽ നല്ല നെയ്യ് തിരിച്ചറിയാൻ സഹായിക്കുന്ന ചില നാടൻ വിദ്യകൾ മനസ്സിലാക്കി വച്ചേ മതിയാകു. ശുദ്ധമായ നെയ്യാണെങ്കിൽ അവ വളരെ പെട്ടെന്ന് കുറഞ്ഞ താപനിലയിൽ തന്നെ ഉരുകാൻ തുടങ്ങും. അതായത് അല്പം നെയ്യ് എടുത്ത് നിങ്ങളുടെ കൈവെള്ളയിൽ വെക്കുക. ശുദ്ധമായ നെയ്യ് ആണെങ്കിൽ ശരീരത്തിലെ ചൂടു തട്ടുമ്പോൾ തന്നെ അത് നിമിഷങ്ങൾക്കകം പൂർണ്ണമായി ഉരുകും.

: ഉരുകാൻ സമയമെടുക്കുകയോ കട്ടിയായി കിടക്കുകയോ ചെയ്താൽ അതിൽ മായം കലർന്നിട്ടുണ്ടെന്ന് ഉറപ്പിക്കാം. അതുപോലെ നെയ്യ് ചൂടാക്കുമ്പോഴുണ്ടാകുന്ന നിറമാറ്റം നോക്കി അവയുടെ പരിശുദ്ധി തിരിച്ചറിയാം. ഒരു പാനിൽ ഒരു ടീസ്പൂൺ നെയ്യ് ഒഴിച്ച് ഇടത്തരം തീയിൽ ചൂടാക്കുക. നെയ്യ് ഉടൻ തന്നെ ഉരുകി കടും തവിട്ടു നിറമായി മാറുകയും നല്ല മണം വരികയും ചെയ്താൽ അത് നല്ല നെയ്യാണ്. ഉരുകാൻ വൈകുകയും മഞ്ഞ നിറത്തിൽ തന്നെ തുടരുകയും ചെയ്താൽ അതിൽ മായം അടങ്ങിയിട്ടുണ്ട്.

: ഒരു ചെറിയ സുതാര്യമായ കുപ്പിയിൽ കുറച്ച് നെയ്യ് എടുത്ത് നന്നായി ഉരുകുക. അതിനുശേഷം കുപ്പി നന്നായി കുലുക്കി കുറച്ചു സമയം അനക്കാതെ വെക്കുക. ശുദ്ധമായ നെയ്യ് തണുക്കുമ്പോൾ തരിതരിയായി അടിഞ്ഞുകൂടും. എന്നാൽ മായം കലർന്നതാണെങ്കിൽ ലെയറുകളായി വേർതിരിയുകയോ തെളിഞ്ഞു കിടക്കുകയോ ചെയ്യും.

: ഉരുകിയ നെയ്യ് ഒരു ഗ്ലാസ് പാത്രത്തിലാക്കി ഫ്രിഡ്ജിൽ വെച്ച് തണുപ്പിക്കുക. ശുദ്ധമായ നെയ്യ് മുഴുവനായി ഒരേ രീതിയിൽ കട്ടിയാകും. എന്നാൽ വെവ്വേറെ ലെയറുകളായിട്ടാണ് കട്ടിയാകുന്നതെങ്കിൽ അതിൽ മറ്റ് എണ്ണകളോ കൊഴുപ്പോ ചേർത്തിട്ടുണ്ടാകണം. നല്ല നാടൻ പശുവിൻ നെയ്യ് സ്വാഭാവികമായ മഞ്ഞനിറവും മണവും തരിതരിപ്പുള്ള ഘടനയുമായിരിക്കും. സംശയാസ്പദമായ വിലക്കുറവിൽ ലഭിക്കുന്ന ബ്രാൻഡുകൾ വാങ്ങാതിരിക്കാൻ ശ്രദ്ധിക്കുക.

Kitchen Tips And Tricks: ഇഡ്ഡലി മാവിൽ ഒരു പച്ചമുളക് ഇട്ട് വെക്കൂ; പഞ്ഞിപോലെയുള്ള ഇഡ്ഡലിക്കും ദോശയ്ക്കും വേറെന്ത് വേണം

Neethu Vijayan — Wed, 14 Oct 2026 10:55:00 +0530

: മലയാളികളുടെ രാവിലത്തെ പ്രധാന പ്രഭാതഭക്ഷണമാണ് ഇഡ്ഡലിയും ദോശയും. എന്നാൽ പലപ്പോഴും മാവ് തക്കസമയത്ത് പുളിച്ചുകിട്ടാത്തതും, ഉണ്ടാക്കുന്ന ഇഡ്ഡലി കട്ടിയായിപ്പോകുന്നതും പല വീട്ടമ്മമാരുടെയും സ്ഥിരം പരാതിയാണ്. പ്രത്യേകിച്ച് തണുപ്പുകാലത്തോ മഴക്കാലത്തോ മാവ് വേണ്ടത്ര പൊങ്ങി വരാറില്ല. എന്നാൽ ഇനി ഈ പ്രശ്നത്തിന് വളരെ ലളിതമായ ഒരു പൊടികൈ പ്രയോഗിച്ചാൽ മതിയാകും. (Image Credit Source: Getty Images)

: ഇഡ്ഡലി മാവ് അരച്ചുവെക്കുമ്പോൾ അതിലേക്ക് ഒന്നോ രണ്ടോ പച്ചമുളക് ഇട്ടുവെച്ചാൽ മാവ് നന്നായി പുളിച്ചു കിട്ടുമെന്നു മാത്രമല്ല, ഇഡ്ഡലി പഞ്ഞിപോലെ മൃദുവാവായി കിട്ടുകയും ചെയ്യും. കാരണം പച്ചമുളകിന്റെ ഞെട്ടിലും തൊലിയിലും ധാരാളം പ്രകൃതിദത്ത ബാക്ടീരിയകൾ അടങ്ങിയിട്ടുണ്ട്. ഇവ മാവിലേക്ക് ഇറങ്ങുമ്പോൾ നാച്ചുറൽ ഫെർമന്റേഷൻ പ്രക്രിയ വളരെ വേഗത്തിലാകുന്നതാണ് ഇതിന് കാരണം.

: എങ്ങനെ ഉപയോഗിക്കണം: അരിയും ഉഴുന്നും പാകത്തിന് കുതിർത്ത് നന്നായി അരച്ചെടുക്കുക. നന്നായി കഴുകിയ ഒന്നോ രണ്ടോ പച്ചമുളക് ഞെട്ടോടുകൂടിത്തന്നെ അരച്ചുവെച്ച മാവിന് മുകളിൽ വെക്കുക. മാവിനുള്ളിലേക്ക് അല്പം താഴ്ത്തി വെച്ചാലും മതി. മാവ് സാധാരണ പോലെ മൂടിവെച്ച് പുളിക്കാൻ വയ്ക്കാം. രാവിലെ മാവ് എടുക്കുമ്പോൾ പച്ചമുളക് പുറത്തെടുത്ത് കളഞ്ഞ ശേഷം മാവ് ഇളക്കി ഇഡ്ഡലിയോ ദോശയോ ഉണ്ടാക്കാം.

: പച്ചമുളകിന് പകരം 2-3 കാന്താരി മുളക് ഞെട്ടോടു കൂടി ഉപയോഗിച്ചാലും ഇതേ ഫലം ലഭിക്കും. മഴയോ തണുപ്പോ ഉള്ള സമയങ്ങളിൽ മാവ് പാത്രത്തോടെ ഓവനിനുള്ളിലോ അല്ലെങ്കിൽ അടച്ചുറപ്പുള്ള ചൂടുള്ള സ്ഥലത്തോ വെക്കുന്നത് മാവ് വേഗം പൊന്തിവരാൻ സഹായിക്കും. ഇനി ഇഡ്ഡലിയും ദോശയും കട്ടിയാകുമെന്ന പേടി വേണ്ട. മാവ് അരക്കുമ്പോൾ തന്നെ ഈ കൊച്ചു സൂത്രം പരീക്ഷിച്ചു നോക്കിയാൽ മതി.

: പച്ചമുളകിന്റെ ഞെട്ടിലുള്ള സൂക്ഷ്മാണുക്കൾ മാവ് വേഗത്തിൽ പുളിക്കാൻ കാരണമാകുന്നു. തണുപ്പുകാലത്ത് താപനില കുറവായതിനാൽ മാവ് പുളിക്കുന്ന പ്രക്രിയ വളരെ സാവധാനമേ നടക്കൂ. അതിനാൽ ഈ സമയത്ത് നേരിട്ട് ചൂട് ഏൽക്കാത്ത, എന്നാൽ ചൂടുള്ള ഒരിടത്ത് മാവിൻ്റെ പാത്രം സൂക്ഷിക്കാവുന്നതാണ്. പുളിക്കുമ്പോൾ മാവിന്റെ അളവ് വർദ്ധിക്കും. അതിനാൽ വക്കോളം നിറയ്ക്കാതെ പാത്രത്തിന് മുകളിൽ ആവശ്യത്തിന് സ്ഥലം ബാക്കി നിർത്തണം.

Wheat Flour Recipe: ഗോതമ്പ് ഉണ്ടയ്ക്ക് ഇത്രയും രുചിയോ?; കുഴക്കാതെ, പരത്താതെ ടേസ്റ്റി ബോണ്ട ഉണ്ടാക്കാം

Neethu Vijayan — Mon, 12 Oct 2026 12:31:00 +0530

ചായക്കടകളിൽ നിന്നും കഴിക്കുന്ന അതേ രുചിയിൽ, വൈകുന്നേരങ്ങളിൽ ചായയ്‌ക്കൊപ്പം കഴിക്കാൻ പറ്റിയ ഒരു കിടിലൻ പലഹാരമാണ് ഗോതമ്പ് ബോണ്ട. സാധാരണ മൈദ ഉപയോഗിച്ചാണ് കൂടുതലും ബോണ്ട തയ്യാറാക്കുന്നത്. എന്നാൽ ഗോതമ്പ് ഉപയോഗിച്ചുള്ള ഈ ബോണ്ട ഒരു വെറൈറ്റിയാണ്. മാവ് കുഴച്ചെടുക്കാനോ, പരത്തിയെടുക്കാനോ ഉള്ള ബുദ്ധിമുട്ടൊന്നുമില്ലാതെ മിനിറ്റുകൾക്കുള്ളിൽ ഇത് തയ്യാറാക്കാമെന്നത് മറ്റൊരു പ്രത്യേകതയാണ്. കുട്ടികൾ മുതൽ മുതിർന്നവർ വരെ എല്ലാവർക്കും ഒരുപോലെ ഇഷ്ടപ്പെടുന്ന ഈ ഗോതമ്പ് ബോണ്ട റെസിപ്പി എങ്ങനെയെന്ന് നോക്കാം.

ALSO READ: തേങ്ങ ചിരകാൻ ഇനി കഷ്ടപ്പെടേണ്ട; എളുപ്പവഴികളും സൂക്ഷിക്കാൻ ചില പൊടിക്കൈകളും

ആവശ്യമായ ചേരുവകൾ:

ഗോതമ്പുപൊടി – ഒരു കപ്പ്
പാൽ – ഒരു കപ്പ്
പഞ്ചസാര – 1/4 കപ്പ്
കോഴിമുട്ട – ഒരെണ്ണം
ബേക്കിംഗ് സോഡ – 1/4 ടീസ്പൂൺ
ഏലക്കാപ്പൊടി – 1/2 ടീസ്പൂൺ
നാരങ്ങാനീര് – 1/2 ടീസ്പൂൺ
ഉപ്പ് – ആവശ്യത്തിന്
എണ്ണ – ആവശ്യത്തിന്

ഗോതമ്പ് ബോണ്ട തയ്യാറാക്കുന്ന വിധം

ഒരു പാത്രത്തിലേക്ക് പഞ്ചസാരയും കോഴിമുട്ടയും തിളപ്പിച്ചാറിയ പാലും ചേർത്ത് അവ നന്നായി അടിച്ചെടുക്കുക. ശേഷം ഇതിലേക്ക് ഗോതമ്പുപൊടിയും ബേക്കിംഗ് സോഡയും ഏലക്കാപ്പൊടിയും രണ്ട് നുള്ള് ഉപ്പും ചേർത്ത് കട്ട കെട്ടാതെ യോജിപ്പിച്ചെടുക്കണം. ഇനി ഇത് മൂടിവെച്ച് 10 മിനിറ്റ് മാറ്റിവെക്കാം. ഈ സമയത്ത് അവ നന്നായി മൃദുവായിക്കിട്ടും. 10 മിനിറ്റിന് ശേഷം തയ്യാറാക്കി വച്ചിരിക്കുന്ന മാവിലേക്ക് അര ടീസ്പൂൺ നാരങ്ങാനീര് ഒഴിച്ച് വീണ്ടും മിക്സ് ചെയ്യുക.

ശേഷം ഒരു പാനിലേക്കോ ചീനചട്ടിയിലേക്കോ എണ്ണയൊഴിച്ച് നന്നായി ചൂടാക്കുക. ബോണ്ട നല്ല റൗണ്ട് ആകൃതിയിൽ കിട്ടുന്നതിനായി ചെറിയൊരു തവി എടുത്ത് എണ്ണയിൽ മുക്കി നന്നായി ചൂടാക്കുക. ഈ ചൂടായ തവിയിലേക്ക് അല്പം എണ്ണയെടുത്ത ശേഷം കുറച്ചു മാവ് ഒഴിക്കാം. അല്ലെങ്കിൽ എണ്ണ ചൂടായ ശേഷം കൈകൊണ്ട് ചെറിയ ഉരുളകളാക്കി മാവ് എണ്ണയിലേക്ക് ഇട്ടാലും മതിയാകും.

മുട്ട ചേർത്തിട്ടുള്ളതിനാൽ പെട്ടെന്ന് മൊരിഞ്ഞുവരാനും അതുപോലെ കരിയാനുമുള്ള സാധ്യതയുണ്ട്. അതിനാൽ ബോണ്ട പാകമാകുന്ന സമയത്ത് അതിൻ്റെ തീ നന്നായി കുറച്ചുവെക്കാൻ ശ്രദ്ധിക്കണം. ബോണ്ട അത്യാവശ്യം വെന്തുവരുമ്പോൾ ചെറുതായി ഇളക്കിക്കൊടുത്താൽ അത് തവിയിൽ നിന്ന് എണ്ണയിലേക്ക് വിട്ടുപോരും. ശേഷം രണ്ട് വശവും നല്ലതുപോലെ വേവിച്ച് കോരിയെടുത്താൽ നല്ല ടേസ്റ്റി ഗോതമ്പ് ബോണ്ട കഴിക്കാം. വൈകുന്നേരം ചായക്കൊപ്പമോ പലഹാരമായോ ഇത് കഴിക്കാവുന്നതാണ്.

English Summary:

Wheat bonda is a fantastic evening snack to enjoy with tea, offering the same delicious taste you find at tea shops. While bondas are typically made using maida.

Bitter Gourd Cooking Tips: പാവയ്ക്ക കുട്ടികളും കഴിക്കും! കൈപ്പ് ഒട്ടും ഇല്ലാതെ കറിവെക്കാൻ ഈ പൊടിക്കൈകൾ അറിയാം

Neethu Vijayan — Mon, 12 Oct 2026 11:50:00 +0530

: പാവയ്ക്ക അഥവ കയ്പയ്ക്കയുടെ ആരോഗ്യഗുണങ്ങൾ ധാരാളമാണെങ്കിലും അതിൻ്റെ ശക്തമായ കൈപ്പ് കാരണം പലരും ഇത് ഭക്ഷണത്തിൽ നിന്ന് ഒഴിവാക്കാറാണ് പതിവ്. പ്രത്യേകിച്ച് കുട്ടികൾക്ക് പാവയ്ക്ക എങ്ങനെ നൽകിയാലും തീരെ ഇഷ്ടപ്പെടാറില്ല. എന്നാൽ, ശരിയായ രീതിയിൽ പാകം ചെയ്താൽ പാവയ്ക്കയിലെ കൈപ്പ് പൂർണ്ണമായും മാറ്റി വളരെ രുചികരമായ വിഭവങ്ങൾ തയ്യാറാക്കാൻ സാധിക്കും. അടുക്കളയിൽ പരീക്ഷിക്കാവുന്ന ഏറ്റവും ലളിതമായ ചില പൊടിക്കൈകൾ നോക്കിയാലോ. (Image Credit Source: Getty Images)

: ഉപ്പ് പുരട്ടി വെക്കുക: പാവയ്ക്ക ചെറുതായി അരിഞ്ഞ ശേഷം ആവശ്യത്തിന് ഉപ്പ് ചേർത്ത് നന്നായി തിരുമ്മി 15 മുതൽ 20 മിനിറ്റ് വരെ മാറ്റിവെക്കുക. ഈ സമയത്തിനുള്ളിൽ പാവയ്ക്കയിൽ നിന്ന് വെള്ളം ഊർന്നുവരും. ശേഷം, പാവയ്ക്ക കൈകൊണ്ട് നന്നായി പിഴിഞ്ഞ് ഈ വെള്ളം ഊറ്റി കളയുക. പാവയ്ക്കയിലെ കൈപ്പിന്റെ വലിയൊരു ഭാഗം ഈ വെള്ളത്തോടൊപ്പം പുറത്തുപോകും.

: തൈരിലോ മോരിലോ മുക്കിവെക്കുക: അരിഞ്ഞു വെച്ച പാവയ്ക്ക അല്പം കട്ടിത്തൈരിലോ പുളിയുള്ള മോരിലോ 20 മിനിറ്റ് മുക്കിവെക്കുക. തൈരിലെ ലാക്റ്റിക് ആസിഡ് പാവയ്ക്കയുടെ കൈപ്പ് ശമിപ്പിക്കാൻ സഹായിക്കും. പാകം ചെയ്യുന്നതിന് മുൻപ് ഇത് കഴുകി പിഴിഞ്ഞെടുക്കാവുന്നതാണ്. ഇങ്ങനെ കറിവച്ചാൽ കുട്ടികളും മടിയില്ലാതെ പാവയ്ക്ക് കഴിച്ചോളഉം.

: പുളിയും ശർക്കരയും ചേർക്കുക: പാവയ്ക്ക തീയിൽ വെക്കുമ്പോൾ അല്പം വാളൻപുളി പിഴിഞ്ഞ വെള്ളവും ഒരു ചെറിയ കഷ്ണം ശർക്കരയും അതിലേക്ക് ചേർക്കുക. പുളിയുടെയും മധുരത്തിന്റെയും സന്തുലിതമായ രുചി പാവയ്ക്കയിലെ കൈപ്പിനെ പൂർണ്ണമായും ഇല്ലാതാക്കും. പാവയ്ക്കയുടെ തോലി കടുപ്പത്തിൽ മുള്ളുകൾ പോലെ കാണപ്പെടുന്നുണ്ടെങ്കിൽ, ഒരു പീലർ ഉപയോഗിച്ച് പുറംഭാഗം ചെറുതായി ചെത്തിക്കളയുന്നതും കൈപ്പ് കുറയ്ക്കാൻ സഹായിക്കും.

: കുരുവും വെളുത്ത പാടയും നീക്കം ചെയ്യുക: പാവയ്ക്ക അരിയുന്നതിന് മുൻപ് അതിനുള്ളിലെ വിത്തുകളും അതിനോടു ചേർന്നുള്ള വെളുത്ത പാടയും നീക്കം ചെയ്യുക. പാവയ്ക്കയുടെ ഭൂരിഭാഗം കൈപ്പും അടങ്ങിയിരിക്കുന്നത് ഈ ഭാഗത്താണ്. പാവയ്ക്ക കറിവെക്കുന്നതിന് മുൻപ് വെളിച്ചെണ്ണയിൽ ചെറിയ തീയിൽ വെച്ച് നന്നായി മൊരിഞ്ഞു വരുന്നത് വരെ വഴറ്റുകയോ വറുത്തെടുക്കുകയോ ചെയ്യുക. പാവയ്ക്ക വറവു പാകമാകുമ്പോൾ അതിലെ കൈപ്പ് സ്വാഭാവികമായി കുറയുകയും നല്ല രുചി കിട്ടുകയും ചെയ്യും.

Maggi Masala Making: വെറും 10 മിനിറ്റിൽ മാഗി മസാല വീട്ടിൽ ഉണ്ടാക്കാം; രഹസ്യ കൂട്ടുകൾ ഇതാ

Neethu Vijayan — Fri, 09 Oct 2026 12:51:00 +0530

: കടകളിൽ നിന്ന് പ്രിസർവേറ്റീവുകൾ ചേർത്ത പായ്ക്കറ്റുകൾ വാങ്ങുന്നതിന് പകരം, പൂർണ്ണമായും പ്രകൃതിദത്തമായ രീതിയിൽ രാസവസ്തുക്കളോ കൃത്രിമ നിറങ്ങളോ ഇല്ലാതെ വെറും 10 മിനിറ്റിൽ വീട്ടിൽ തന്നെ മാഗി മസാല നമുക്ക് തയ്യാറാക്കിയാലോ. ഇതിൻ്റെ രഹസ്യകൂട്ടുകൾ ഒന്ന് അറിഞ്ഞുവച്ചോ. ആവശ്യമായ ചേരുവകളും തയ്യാറാക്കുന്ന വിധവും വിശദമായി പരിശോധിക്കാം.

: കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ടതാണ് നൂഡിൽസ്. എന്നാൽ കടകളിൽ നിന്ന് നൂഡിൽസ് വാങ്ങുമ്പോൾ അതിനോടൊപ്പം കിട്ടുന്ന മസാല രുചികരമാണെങ്കിലും അത്ര ആരോഗ്യകരമല്ല. അതിനാൽ മാതാപിതാക്കൾ അവ കൊടുക്കാൻ മടിക്കാറുണ്ട്. ആരും പരീക്ഷിക്കാത്ത ഒന്നാണ് വീട്ടിൽ തന്നെ ഈ മസാല തയ്യാറാക്കുന്നത്. എന്നാൽ നൂഡിൽസിന് മാത്രമല്ല, കറികൾക്കും ഫ്രൈഡ് റൈസിനും ഉപ്പുമാവിനും പച്ചക്കറി വിഭവങ്ങൾക്കും ഇരട്ടി രുചി നൽകാൻ ഈ മസാലപ്പൊടിക്ക് കഴിയും. (Image Credit Source: Getty Images/ Social Media)

: ആദ്യം ഇതിന് ആവശ്യമായ സുഗന്ധവ്യഞ്ജനങ്ങൾ വറുത്തെടുക്കണം. ഒരു പാനിൽ ഗ്രാമ്പൂ, കുരുമുളക്, മല്ലി, കറുവേപ്പില, ജീരകം, പെരുംജീരകം, വറ്റൽമുളക് എന്നിവ എടുക്കുക. കുറഞ്ഞ തീയിൽ ഇവ കുറച്ചുനേരം വറുക്കുക. ഇതിലൂടെ സുഗന്ധവ്യഞ്ജനങ്ങളിലെ ഈർപ്പം നീക്കം ചെയ്യാനും മസാല കൂടുതൽ കാലം കേടുകൂടാതെ സൂക്ഷിക്കാനും സഹായിക്കുന്നു. വേണമെങ്കിൽ ഇവ വെയിലത്ത് വെച്ച് ഉണക്കിയെടുക്കാവുന്നതുമാണ്.

: വറുത്ത ശേഷം ഒരു പാത്രത്തിലേക്ക് മാറ്റി പൂർണ്ണമായും തണുക്കാൻ അനുവദിക്കുക. തണുപ്പിച്ചെടുത്ത സുഗന്ധവ്യഞ്ജനങ്ങൾ ഒരു മിക്സർ ജാറിലേക്ക് ഇടുക. കൂടാതെ അതിലേക്ക് ഇതിലേക്ക് മുളകുപൊടി, മഞ്ഞൾപ്പൊടി, ഉപ്പ്, വെളുത്തുള്ളിയുടെപ്പൊടി, സവാളപ്പൊടി, (ഇവ രണ്ടും കടകളിൽ വാങ്ങാൻ കിട്ടും) വെജിറ്റേറിയൻ ആരോമാറ്റിക് പൗഡർ എന്നിവ ചേർക്കുക. ഇവയെല്ലാം കൂടി നന്നായി പൊടിച്ച് മിനുസമുള്ള പൊടിയാക്കി എടുക്കുക.

: തയ്യാറാക്കിയ മാഗി മസാല ഈർപ്പമില്ലാത്ത ഒരു എയർടൈറ്റ് ഗ്ലാസ് ജാറിലോ പ്ലാസ്റ്റിക് കണ്ടെയ്നറിലോ സൂക്ഷിച്ചാൽ 3 മുതൽ 6 മാസം വരെ കേടാകാതിരിക്കും. നൂഡിൽസിന് പുറമേ പാസ്ത, വെജിറ്റബിൾ കുർമ, ആലു ഫ്രൈ, ഫ്രൈഡ് റൈസ്, ഓംലെറ്റ് എന്നിവയിലും ഈ മസാലപ്പൊടി ഒരു നുള്ളു വിതറിയാൽ കടകളിലേതിന് സമാനമായ രുചി ലഭിക്കും.

Cooking Tips: ഇനി വെണ്ടയ്ക്ക ഒട്ടിപ്പിടിക്കില്ല! വഴുവഴുപ്പ് മാറി ക്രിസ്പിയാകാൻ ഈ ഒരു മാജിക് ടിപ്പ് മതി

Neethu Vijayan — Fri, 09 Oct 2026 11:07:00 +0530

: ഉച്ചയൂണിന് വെണ്ടയ്ക്ക മെഴുക്കുപുരട്ടിയോ ഫ്രൈയോ തയ്യാറാക്കുമ്പോൾ പല വീട്ടമ്മമാരും നേരിടുന്ന വലിയൊരു പ്രശ്നമാണ് വെണ്ടയ്ക്കയിലെ വഴുവഴുപ്പ്. എത്ര നേരം വഴറ്റിയാലും വെണ്ടയ്ക്ക കഷണങ്ങൾ തമ്മിൽ ഒട്ടിപ്പിടിച്ച് കുഴഞ്ഞുപോകുന്നത് പതിവാണ്. എന്നാൽ ഇനി വെണ്ടയ്ക്ക ഫ്രൈ ചെയ്യുമ്പോൾ ചെറിയൊരു പൊടികൈയിലൂടെ വഴുവഴുപ്പ് നിമിഷനേരം കൊണ്ട് അപ്രത്യക്ഷമാക്കാനും വെണ്ടയ്ക്ക നല്ല ക്രിസ്പിയായി മൊരിച്ചെടുക്കാനും സാധിക്കും. (Image Credit Source: Getty Images)

: ചെറുനാരങ്ങാനീര്: വെണ്ടയ്ക്ക വെളിച്ചെണ്ണയിൽ ഇട്ട് വഴറ്റിത്തുടങ്ങുമ്പോൾ തന്നെ രണ്ട് തുള്ളി ചെറുനാരങ്ങാനീരോ ഒു സ്പൂൺ തൈരോ പാനിലേക്ക് ചേർക്കുക. ഇവയിലെ സിട്രിക് ആസിഡ് വെണ്ടയ്ക്കയിലെ വഴുവഴുപ്പുണ്ടാക്കുന്ന പെക്റ്റിൻ ഘടകങ്ങളെ പെട്ടെന്ന് നിർവീര്യമാക്കുകയും, വെണ്ടയ്ക്കയുടെ കഷണങ്ങൾ വെവ്വേറെ മാറി നല്ല മൊരിഞ്ഞ പാകത്തിലാകാൻ സഹായിക്കുകയും ചെയ്യും.

: വെണ്ടയ്ക്ക അരിയുന്നതിന് തൊട്ടുമുമ്പ് കഴുകരുത്. കഴുകിയ ശേഷം ഒരു കോട്ടൺ തുണി ഉപയോഗിച്ച് ഓരോ വെണ്ടയ്ക്കയും ഈർപ്പം പൂർണ്ണമായും തുടച്ചെടുക്കുക. വെണ്ടയ്ക്കയുടെ അറ്റങ്ങൾ മുറിച്ച് നേർത്ത റൗണ്ട് കഷണങ്ങളായോ നീളത്തിലോ അരിയുക. പാനിൽ വെളിച്ചെണ്ണ ചൂടാക്കി കടുക് പൊട്ടിച്ച ശേഷം അരിഞ്ഞു വെച്ച വെണ്ടയ്ക്ക ചേർക്കുക. ഉടൻ തന്നെ 2-3 തുള്ളി ചെറുനാരങ്ങാനീര് ഇതിലേക്ക് ചേർത്ത് ഇളക്കുക.

: തുടക്കത്തിൽ പാത്രം അടച്ചു വെച്ച് വേവിക്കരുത്. തുറന്നുവെച്ച് ഇടത്തരം തീയിൽ വഴറ്റുക. ഉപ്പ് ഏറ്റവും ഒടുവിൽ മാത്രം ചേർക്കുക. കാരണം തുടക്കത്തിൽ ഉപ്പ് ചേർത്താൽ വെണ്ടയ്ക്കയിൽ നിന്ന് വെള്ളം ഊറി വഴുവഴുപ്പ് കൂടും. അതുപോലെ വെണ്ടയ്ക്ക വഴറ്റുമ്പോൾ പാത്രം അടച്ചുവെച്ചാൽ ആവി വെള്ളത്തുള്ളികളായി വീണ് വഴുവഴുപ്പ് ഇരട്ടിയാകും. വെണ്ടയ്ക്ക ഫ്രൈ കൂടുതൽ മൊരിഞ്ഞതാക്കാൻ അല്പം അരിപ്പൊടിയോ കടലമാവോ വിതറി വഴറ്റാം.

: ചെറുനാരങ്ങ ലഭ്യമല്ലെങ്കിൽ 2 തുള്ളി വിനാഗിരി ചേർത്താലും ഇതേ ഫലം ലഭിക്കും. കൂടാതെ വെണ്ടയ്ക്ക് അരിയുമ്പോഴുള്ള പശപശപ്പ് മാറ്റാൻ ഈ , പച്ചക്കറി മുറിക്കുന്നതിന് മുൻപ് കത്തിയുടെ ഇരുവശങ്ങളിലും ഒരു നാരങ്ങയുടെ കഷ്ണം കൊണ്ട് ഉരസാവുന്നതാണ്. ഇങ്ങനെ ചെയ്താൽ കത്തിയിൽ ആ വഴുവഴുപ്പ് അധികം പറ്റിപ്പിടിക്കില്ല.

Pickle Preservation Tips: അച്ചാർ പാത്രത്തിൽ ഇത് ഒഴിച്ചു കൊടുക്കൂ! പൂപ്പൽ എന്നെന്നേക്കുമായി വിടപറയും

Neethu Vijayan — Thu, 08 Oct 2026 12:41:00 +0530

: വീട്ടിലുണ്ടാക്കുന്ന മാങ്ങാ അച്ചാറോ നാരങ്ങാ അച്ചാറോ ആഴ്ചകൾ കഴിയും മുൻപേ അതിൻ്റെ മുകളിൽ വെളുത്ത നിറത്തിൽ പൂപ്പൽ വന്ന് കേടായിപ്പോകുന്നത് പലരും പറയുന്ന പ്രശ്നമാണ്. എന്നാൽ യാതൊരുവിധ പ്രിസർവേറ്റീവുകളും ചേർക്കാതെ തന്നെ വർഷങ്ങളോളം അച്ചാർ ഫ്രഷ് ആയി സൂക്ഷിക്കാൻ ഒരു ലളിതമായ വഴിയുണ്ട്. അച്ചാറിലെ പൂപ്പലിന് ശാശ്വത പരിഹാരമായി ചെയ്യേണ്ട എന്തെല്ലാമെന്ന് നോക്കാം. (Image Credit Source: social media)

: അച്ചാർ ഉണ്ടാക്കി ഭരണിയിലാക്കിയ ശേഷം, അതിന് മുകളിലേക്ക് ഒരു വിരൽ കനത്തിൽ നല്ലെണ്ണ ചൂടാക്കി നന്നായി തണുപ്പിച്ച ശേഷം ഒഴിച്ചു കൊടുക്കുക. അച്ചാറിലെ ഘടകങ്ങൾ എണ്ണപ്പടലത്തിന് താഴെ നിൽക്കുമ്പോൾ അന്തരീക്ഷ വായുവുമായുള്ള സമ്പർക്കം പൂർണ്ണമായി തടസ്സപ്പെടുന്നു. ഓക്സിജൻ ലഭിക്കാതെ വരുന്നതോടെ പൂപ്പൽ ഉണ്ടാക്കുന്ന ഫംഗസുകൾക്ക് വളരാൻ സാധിക്കില്ല.

: അച്ചാർ ഇടുന്ന ഭരണിയോ ഗ്ലാസ് ജാറോ കഴുകിയ ശേഷം വെയിലത്തു വച്ച് നന്നായി ഉണക്കിയെടുക്കുക. അച്ചാർ കോരാൻ ഈർപ്പമില്ലാത്ത തടികൊണ്ടുള്ളതോ സ്റ്റീൽ കൊണ്ടുള്ളതോ ആയ സ്പൂൺ മാത്രം ഉപയോഗിക്കുക. ഈർപ്പമുള്ള സ്പൂൺ ഉപയോഗിച്ചാൽ പെട്ടെന്ന് പൂപ്പൽ വരും. അച്ചാറിൽ ഉപ്പിന്റെ അളവ് കുറഞ്ഞാൽ പൂപ്പൽ വരാൻ സാധ്യത കൂടുതലാണ്.

: അല്പം വിനാഗിരി ചേർക്കുന്നത് അച്ചാറിന് പുളിരസം നൽകുന്നതിനോടൊപ്പം പ്രകൃതിദത്ത പ്രിസർവേറ്റീവായി പ്രവർത്തിക്കുകയും ചെയ്യും. ഓരോ തവണ അച്ചാർ എടുത്ത ശേഷവും ബാക്കിയുള്ള അച്ചാർ എണ്ണയ്ക്ക് താഴെയാക്കി അമർത്തി വയ്ക്കുക. എണ്ണ വറ്റിപ്പോയാൽ അല്പം കൂടി ചൂടാക്കി തണുപ്പിച്ച നല്ലെണ്ണ മുകളിലേക്ക് ഒഴിച്ചു കൊടുക്കാവുന്നതാണ്. ഇങ്ങനെ ചെയ്യുന്നത് എത്ര നാൾ വേണമെങ്കിലും അച്ചാർ കേടുകൂടാതെ ഇരിക്കും.

: അച്ചാർ ഭരണിയുടെ മൂടി അടയ്ക്കുന്നതിന് മുൻപ് ഒരു വൃത്തിയുള്ള കോട്ടൺ തുണിയോ ബട്ടർ പേപ്പറോ വച്ച് വായ ഭാഗം കെട്ടിവയ്ക്കുന്നത് ഈർപ്പം അകത്തു കടക്കുന്നത് തടയും. ഫ്രിഡ്ജിൽ വച്ചാലും പൂപ്പൽ വരാതിരിക്കുന്നതാണ്. അഥവ പൂപ്പൽ വന്നാൽ, പൂപ്പൽ ഉള്ള ഭാഗം ഉണങ്ങിയ സ്പൂൺ കൊണ്ട് കോരിയെടുക്കുക. അതിനു ശേഷം എള്ളെണ്ണയും വിനാഗിരിയും ചൂടാക്കി ഒഴിക്കുക.

Spinach Potato Pakoda Recipe: കറുമുറെ കഴിക്കാൻ ചീര- ഉരുളക്കിഴങ്ങ് പക്കോട; പാത്രം കാലിയാകുന്നത് അറിയില്ല

Neethu Vijayan — Thu, 08 Oct 2026 11:58:00 +0530

വൈകുന്നേരത്തെ ചൂടുചായയ്ക്കൊപ്പം കറുമുറെ കഴിക്കാൻ എന്ത് വേണമെന്ന് എന്നും നമ്മൾ ചിന്തിച്ചിരിക്കാറുണ്ട്. ഓരോ ദിവസവും വെറൈറ്റി പലഹാരങ്ങൾ തയ്യാറാക്കാൻ ഇഷ്ടപ്പെടുന്നവർക്ക് വളരെ രുചികരവും എന്നാൽ ആരോഗ്യകരവുമായ ഒരു ഭക്ഷണമാണ് ചീര-ഉരുളക്കിഴങ്ങ് പക്കോട. അധികമാരും കേട്ടിട്ടില്ലാത്ത ഈ വിഭവം വളരെ കുറഞ്ഞ സമയത്തിനുള്ള തയ്യാറാക്കാമെന്നതാണ് ഏറ്റവും വലിയ പ്രത്യേകത. പോഷകസമ്പുഷ്ടമായ ചീരയും ഉരുളക്കിഴങ്ങും കടലമാവിൽ ചാലിച്ച് വറുത്തെടുക്കുന്ന ഈ വിഭവം മിനിറ്റുകൾക്കുള്ളിൽ വളരെ എളുപ്പത്തിൽ വീട്ടിൽ തയാറാക്കാം. ഇതിൻ്റെ റെസിപ്പി നോക്കിയാലോ.

ALSO READ: മീനില്ലാതെ മീൻകറിയുണ്ടാക്കാം! ഉച്ചയൂണിന് മറ്റെന്ത് വേണം; തയ്യാറാക്കുന്ന വിധം

ആവശ്യമായ സാധനങ്ങൾ:

ഉരുളക്കിഴങ്ങ് തൊലി കളഞ്ഞ് കട്ടി കുറഞ്ഞ ചെറിയ കഷണങ്ങളാക്കി മുറിച്ചത്: രണ്ടുകപ്പ്

ചീരയില ചെറുതായി അരിഞ്ഞത്: രണ്ടുകപ്പ്

പച്ചമുളക് അരിഞ്ഞത് : ഒരു ടേബിൾസ്പൂൺ

കടലമാവ് : ഒരു കപ്പ്

അരിപ്പൊടി : രണ്ട് ടേബിൾസ്പൂൺ

മുളക് പൊടി / ജീരകം : ഒരു ടീസ്പൂൺ

കായം : ഒരു നുള്ള്

ഉപ്പ്, വെള്ളം: ആവശ്യത്തിന്

വെളിച്ചെണ്ണ : ആവശ്യത്തിന്

തയ്യാറാക്കുന്ന വിധം:

ഒരു വലിയ പാത്രത്തിലേക്ക് അരിഞ്ഞു വെച്ചിരിക്കുന്ന ചീര, ഉരുളക്കിഴങ്ങ്, പച്ചമുളക്, കടലമാവ്, അരിപ്പൊടി, മുളക് പൊടി / ജീരകം, കായം ഉപ്പ് എന്നിവ ചേർക്കുക. ആവശ്യത്തിന് വെള്ളം ഒഴിച്ച് കുഴച്ചെടുക്കുക. ചീരയിലെയും ഉരുളക്കിഴങ്ങിലെയും ഈർപ്പം മാവുമായി ചേർന്ന് മിശ്രിതം പാകപ്പെടും. ആവശ്യമെങ്കിൽ മാത്രം ഒന്നോ രണ്ടോ ടേബിൾസ്പൂൺ വെള്ളം തളിച്ച് കൊടുക്കുക. മാവ് വെള്ളം പോലെ അയഞ്ഞു പോകരുത്.

ഒരു ചീനച്ചട്ടിയിൽ എണ്ണ ചൂടാക്കാൻ വയ്ക്കുക. എണ്ണ നന്നായി ചൂടായ ശേഷം തീ മീഡിയം ഫ്ലേമിലേക്ക് മാറ്റുക. തയാറാക്കിവെച്ചിരിക്കുന്ന മാവിൽ നിന്നും ചെറിയ ഉരുളകളായോ ചെറിയ കഷ്ണങ്ങളായോ എണ്ണയിലേക്ക് ഇട്ടുകൊടുക്കുക. പക്കോടയുടെ ഇരുവശവും ബ്രൗൺ നിറമാകുന്നതുവരെ മറിച്ച് തിരിച്ചും ഇട്ട് വറുത്തെടുക്കുക. നല്ലതുപോലെ മൊരിഞ്ഞു വരുമ്പോൾ കോരി ടിഷ്യൂ പേപ്പറിലേക്ക് മാറ്റാം. ചൂടുചായയ്ക്കൊപ്പം കഴിക്കാൻ മൊരിഞ്ഞ ചീര-ഉരുളക്കിഴങ്ങ് പക്കോട റെഡി.

ചീര കഴിക്കുന്നതിൻ്റെ ഗുണങ്ങൾ

ചീരയിൽ ഉയർന്ന അളവിൽ അയൺ അടങ്ങിയിട്ടുള്ളതിനാൽ രക്തത്തിലെ ഹീമോഗ്ലോബിന്റെ അളവ് വർദ്ധിപ്പിക്കാനും വിളർച്ച തടയാനും സഹായിക്കുന്നു. വിറ്റാമിൻ എ, ലൂട്ടിൻ, സെക്സാന്തിൻ എന്നിവ അടങ്ങിയിട്ടുള്ളതിനാൽ കണ്ണുകളുടെ ആരോഗ്യം സംരക്ഷിക്കാനും തിമിരം പോലുള്ള പ്രശ്നങ്ങൾ തടയാനും ചീര വളരെ നല്ലതാണ്. കൂടാതെ ചീരയിലുള്ള നൈട്രേറ്റുകളും പൊട്ടാസ്യവും ബിപി കൂട്ടാതെ നിയന്ത്രിച്ചു നിർത്താനും ഹൃദയാരോഗ്യം സംരക്ഷിക്കാനും ഉത്തമമാണ്. നാരുകൾ ധാരാളമായി അടങ്ങിയിരിക്കുന്നതിനാൽ മലബന്ധം തടയുകയും ദഹനവ്യവസ്ഥയെ കാര്യക്ഷമമാക്കുകയും ചെയ്യുന്നു.

English Summary:

Learn how to make crispy Spinach Potato Pakoda at home in under 25 minutes. Step-by-step easy tea time snack recipe with ingredients and pro-tips.

Kitchen Tips: ഒട്ടിപിടിക്കില്ല, പൊടി ഇല്ലാതെ ഹോട്ടൽ സ്റ്റൈലിൽ ചപ്പാത്തി പരത്താം; ട്രിക്കിതാ

Nithya Vinu — Thu, 08 Oct 2026 11:54:00 +0530

: ചപ്പാത്തി ഇഷ്ടമില്ലാത്തവരായി ആരുംതന്നെയുണ്ടാകില്ല. ഒട്ടമിക്കപേരുടെയും രാത്രി ആഹാരമാണിത്. ആരോഗ്യത്തിനും ചപ്പാത്തി ഗുണകരമാണ്. പക്ഷേ, ശരിയായ പാകത്തിലും രൂപത്തിലും ചപ്പാത്തി പരത്തിയെടുക്കുക എന്നത് അൽപം ബുദ്ധിമുട്ടാണ്. എന്നാൽ യാതൊരു പൊടിയുടെയും സഹായമില്ലാതെ തന്നെ ഹോട്ടൽ സറ്റൈലിൽ ചപ്പാത്തി പരത്തിയെടുക്കാൻ വഴിയുണ്ട്. ആ ട്രിക്ക് അറിഞ്ഞാലോ…. (Image Credit source: Getty Images)

: ചപ്പാത്തി ഉണ്ടാക്കാനാവശ്യമായ പൊടിയെടുത്ത് പാകത്തിന് ഉപ്പ് ചേർക്കാം. വെള്ളമൊഴിച്ച് കുഴച്ചെടുക്കാം. ശേഷം, സൺഫ്ലെവർ ഓയിലോ മറ്റു എണ്ണയോ ഒരു സ്പൂൺ ചേർത്ത് കൊടുക്കാം. വീണ്ടും എണ്ണ എല്ലാ ഭാഗത്തുമാക്കി കുഴച്ചെടുക്കാം. നന്നായി കുഴച്ചെടുത്ത ശേഷം കുറഞ്ഞത് അരമണിക്കൂർ മാറ്റിവയ്ക്കാം.

: ഇനി പരത്തിയെടുക്കാം, സാധാരണയായി ചപ്പാത്തി മാവ് പരത്തുമ്പോൾ ഗോതമ്പ് പൊടിയോ ആട്ടയോ ചേർക്കാറുണ്ട്. കുറച്ച് മാവെടുത്ത് ഉരുട്ടിയെടുക്കാം. കൈ കൊണ്ട് കുറച്ച് പരത്തിയ ശേഷം, ചപ്പാത്തി പലകയിൽ നന്നായി പരത്തിയെടുക്കാം. മാവിന്റെ സഹായമില്ലാതെ തന്നെ നല്ല ഷെയ്പ്പിൽ കിട്ടും.

: ആദ്യം ചേർത്ത് കൊടുത്ത എണ്ണയാണ് ഈ ട്രിക്കിലെ താരം. കൂടാതെ, വെള്ളത്തിന്റെ അളവിനും പ്രാധാന്യമുണ്ട്. വെള്ളം കൂടാനോ കുറയാനോ പാടില്ല. മാവ് കുഴച്ച് അവസാനമാണ് എണ്ണ ചേർക്കേണ്ടത്. ‘മല്ലൂസ് ടൈലറിംഗ് ക്ലാസ് ഇൻ ഷാർജാ’ എന്ന യൂട്യൂബ് ചാനലാണ് ഈ ട്രിക്ക് പരിചയപ്പെടുത്തിയത്.

: ചപ്പാത്തി ദിവസവും ഭക്ഷണത്തിൽ ഉൾപ്പെടുത്തുന്നത് ആരോഗ്യം സംരക്ഷിക്കുന്നതിനും ശരീരഭാരം നിയന്ത്രിക്കുന്നതിനും വളരെ നല്ലതാണ്. ഗോതമ്പിൽ ധാരാളമായി അടങ്ങിയിരിക്കുന്ന പോഷകങ്ങളാണ് ഇതിന് സഹായിക്കുന്നത്. ഗോതമ്പിൽ കലോറി കുറവും നാരുകൾ കൂടുതലുമാണ്.

Fishless Fish Curry Recipe: മീനില്ലാതെ മീൻകറിയുണ്ടാക്കാം! ഉച്ചയൂണിന് മറ്റെന്ത് വേണം; തയ്യാറാക്കുന്ന വിധം

Neethu Vijayan — Wed, 07 Oct 2026 11:06:00 +0530

: കണ്ടാൽ നല്ല നാടൻ മീൻകറിയുടെ അതേ ലുക്കും നിറവും, കഴിച്ചാൽ തനി തേങ്ങാപ്പാൽ ചേർത്ത മീൻകറിയുടെ സ്വാദും. പക്ഷേ, സംഭവം പ്യുവർ വെജിറ്റേറിയനാണ്. മീൻ കിട്ടാത്ത ദിവസങ്ങളിലോ അല്ലെങ്കിൽ വെജിറ്റേറിയൻ ദിവസങ്ങളിലോ ചോറിന് കൂട്ടാൻ പറ്റിയ ഒന്നാന്തരം മീനില്ലാത്ത മീൻകറി അഥവാ വെജ് മീൻകറി തയ്യാറാക്കിയാലോ. ഇതാ വീട്ടിൽ പരീക്ഷിക്കാവുന്ന നല്ല കിടിലൻ റെസിപ്പി. (Image Credit Source: Social Media)

: ആവശ്യമായ ചേരുവകൾ: 1 ചെറിയ സവാള (അരിഞ്ഞത്), 1 ചെറിയ കഷ്ണം ഇഞ്ചി, 4 പച്ചമുളക്, 2 തക്കാളി (ഓരോന്നും 4 കഷ്ണങ്ങളായി മുറിച്ചത്), 1/2 ടീസ്പൂൺ മഞ്ഞൾപ്പൊടി, 1 1/2 ടീസ്പൂൺ മല്ലിപ്പൊടി, 2 1/2 ടീസ്പൂൺ മുളകുപൊടി, 1/2 കപ്പ് കട്ടിയുള്ള തേങ്ങപ്പാൽ, 1 1/2 കപ്പ് നേർത്ത തേങ്ങപ്പാൽ, 3 ചെറിയ കഷ്ണം കുടംപുളി, 5 ചെറിയ ഉള്ളി (പൊടിയായി അരിഞ്ഞത്), 3 ഉണക്കമുളക്, 2 തണ്ട് കറിവേപ്പില, വെളിച്ചെണ്ണ, ഉപ്പ്, വെള്ളം.

: തയ്യാറാക്കുന്ന വിധം: അരിഞ്ഞുവെച്ച തക്കാളി, സവാള, ഇഞ്ചി, പച്ചമുളക്, കറിവേപ്പില എന്നിവ ഒരു പാത്രത്തിലേക്ക് ഇടുക. ഇതിലേക്ക് മഞ്ഞൾപ്പൊടി, മല്ലിപ്പൊടി, മുളകുപൊടി, ഉപ്പ്, കുടംപുളി, അല്പം വെളിച്ചെണ്ണ എന്നിവ ചേർത്ത് നന്നായി യോജിപ്പിക്കുക. ഒരു കപ്പ് വെള്ളം ഒഴിച്ച് യോജിപ്പിച്ച ശേഷം പാത്രം അടുപ്പത്ത് വെക്കുക. തക്കാളി മൃദുവാകുന്നത് വരെ വേവിക്കുക. തക്കാളി അധികം ഉടയാതെ നോക്കണം.

: തക്കാളി ഒന്ന് വെന്ത് വരുമ്പോൾ നേർത്ത തേങ്ങാപ്പാൽ ഒഴിച്ച്, തിളച്ചുവരുന്നത് വരെ തവികൊണ്ട് സാവധാനം ഇളക്കുക. സാവധാനം ഇളക്കുന്നത് തേങ്ങാപ്പാൽ പിരിഞ്ഞുപോകാതിരിക്കാൻ സഹായിക്കും. കറി തിളച്ച് അല്പം കുറുകി വരുമ്പോൾ, അതിലേക്ക് കട്ടിയുള്ള തേങ്ങപ്പാൽ ചേർത്തുകൊടുക്കുക. വീണ്ടും സാവധാനം ഇളക്കി യോജിപ്പിച്ച് തിളപ്പിക്കുക. തിളച്ചു തുടങ്ങുമ്പോൾ തന്നെ തീ അണയ്ക്കുക. അധികം തിളപ്പിച്ചാൽ കറിയുടെ ടെക്സച്ചർ മാറും.

: താളിച്ചൊഴിക്കുന്നതിനായി, ഒരു ചെറിയ പാനിൽ അല്പം വെളിച്ചെണ്ണ ചൂടാക്കുക. അതിലേക്ക് അരിഞ്ഞുവെച്ച ചെറിയ ഉള്ളി ചേർത്ത് സ്വർണ്ണനിറമാകുന്നതുവരെ വഴറ്റുക. ശേഷം ഉണക്കമുളക്, കറിവേപ്പില, അര ടീസ്പൂൺ മുളകുപൊടി എന്നിവ ചേർത്ത് അല്പനേരം കൂടി വഴറ്റിയ ശേഷം ഈ മിശ്രിതം കറിയിലേക്ക് ഒഴിക്കുക. ചോറ്, അപ്പം അല്ലെങ്കിൽ കേരളീയ ശൈലിയിലുള്ള മറ്റ് വിഭവങ്ങൾക്കൊപ്പം വിളമ്പാൻ പാകത്തിന് ‘ഫിഷ്‌ലെസ് ഫിഷ് കറി’ തയ്യാർ.

Beef Jackfruit Seed Curry: ബീഫും ചക്കക്കുരുവും ചേർന്നാൽ ചോറിന് വേറെ കറി വേണ്ട! എളുപ്പത്തിൽ തയാറാക്കാം

Neethu Vijayan — Mon, 05 Oct 2026 18:50:00 +0530

: ബീഫ് കൊണ്ടുള്ള പല രുചികളും അനുഭവിച്ചറിഞ്ഞവരാണ് നമ്മൾ മലയാളികൾ. എന്നും വ്യത്യസ്തമായ വിഭവം തയ്യാറാക്കാൻ ആഗ്രഹിക്കുന്ന നമുക്കിടയിലേക്ക് പഴയ ചില നാടൻ വിഭവങ്ങളും ചേക്കേറിവരുന്നുണ്ട്. ഉച്ചയൂണിന് കൊതിയൂറുന്ന മണവും രുചിയുമുള്ള ഒരു കറി ഉണ്ടെങ്കിൽ പിന്നെ ചോറ് എത്ര കഴിച്ചാലും മതിയാവില്ല. അങ്ങനെയെങ്കിൽ ബീഫ് ചക്കക്കുരു കറിയാണ് ഇന്നത്തെ സ്പെഷൽ. ചൂടു പൊറോട്ടയ്ക്കൊപ്പം അടിപൊളി കോമ്പിനേഷനാണ് ഈ കറി. (Image Credit Source: Getty Images)

: ആവശ്യമായ ചേരുവകൾ: ചക്കക്കുരു – ഒരു കപ്പ്, വട്ടത്തിൽ രണ്ടായി മുറിച്ചത്, വെളിച്ചെണ്ണ – നാലു വലിയ സ്പൂൺ , സവാള – ഒന്ന് വലുത്, കനം കുറച്ച് അരിഞ്ഞത്, പച്ചമുളക് – നാല്, ഇഞ്ചി – ഒരു വലിയ സ്പൂൺ, കറിവേപ്പില – രണ്ടു തണ്ട്, മുളകുപൊടി – ഒന്നര വലിയ സ്പൂൺ, മല്ലിപ്പൊടി – മൂന്നു വലിയ സ്പൂൺ, വെളുത്തുള്ളി – ആറ് അല്ലി, മഞ്ഞൾപൊടി – അര ചെറിയ സ്പൂൺ, ഗരംമസാല – ഒന്നര ചെറിയ സ്പൂൺ, ബീഫ് – അരക്കിലോ, ചെറിയ കഷണങ്ങളാക്കിയത്, വിനാഗിരി – ഒരു ചെറിയ സ്പൂൺ, ഉപ്പ് – പാകത്തിന്.

: പാകം െചയ്യുന്ന വിധം: ആദ്യം തന്നെ ചക്കക്കുരു പാകത്തിന് ഉപ്പും മഞ്ഞളും വെള്ളവും ചേർത്തു നന്നായി വേവിച്ചു വയ്ക്കണം. ശേഷം ഒരു പാനിൽ എണ്ണ ചൂടാക്കി സവാള, പച്ചമുളക് ,ഇഞ്ചി, കറിവേപ്പില എന്നിവ വഴറ്റുക. നന്നായി വഴന്നുവന്ന ഇതിലേക്ക് മുളകുപൊടി, മല്ലിപ്പൊടി, മഞ്ഞൾപൊടി, ഗരംമസാല, ഇഞ്ചി, വെളുത്തുള്ളി എന്നിവ അരച്ചത് ചേർത്ത് കൊടുക്കുക. ശേഷം ഇത് പച്ചമണം മാറുന്നത് വരെ വഴറ്റുക.

: നന്നായി വഴന്നുവന്ന ഈ കൂട്ടിലേക്ക് ബീഫ് ചേർത്തിളക്കുക. വിനാഗിരിയും ഉപ്പും ചേർത്ത് കുക്കറിലാക്കി ഒരു അഞ്ച് ആറ് വിസിൽ വരുന്നത് വരെ വേവിക്കണം. ബിഫ് വെന്തു കഴിയുമ്പോൾ നേരത്തെ വേവിച്ച് വച്ചിരുന്ന ചക്കക്കുരു ഇതൊടൊപ്പം ചേർത്തിളക്കുക. നന്നായി തിളപ്പിച്ച ശേഷം അടുപ്പിൽ നിന്ന് മാറ്റാം. ഈ റെസിപ്പി ഇന്നുതന്നെ ട്രൈ ചെയ്തു നോക്കൂ. ഒരുപ്ലേറ്റ് ചോറി തീർക്കാൻ ഈ ഒരു ഒറ്റ കറി മതിയാകും.

: ചക്കക്കുരു എങ്ങനെ സൂക്ഷിക്കാം: ചക്കക്കാലത്ത് കിട്ടുന്ന ചക്കക്കുരു വെറുതെ കളയാതെ മാസങ്ങളോളം കേടുകൂടാതെ സൂക്ഷിച്ചു വെച്ചാൽ ആവശ്യമുള്ളപ്പോൾ എടുത്ത് കറിവെക്കാം. ഒരു പ്ലാസ്റ്റിക് ചട്ടിയിലോ തറയിലോ അല്പം ഉണങ്ങിയ മണ്ണോ മണലോ വിരിക്കുക. അതിനു മുകളിലേക്ക് ചക്കക്കുരു നിരത്തുക. വീണ്ടും അതിനു മുകളിലേക്ക് മണ്ണ് ഇടുക. മാസങ്ങളോളം ചക്കക്കുരു പുതിയത് പോലെ ഇരിക്കും. മുളച്ചു വരില്ല.

Oil Free Poori Recipe: കുക്കറിൽ പൂരിയുണ്ടാക്കാം? എണ്ണ ഒട്ടും വേണ്ട; എളുപ്പവഴി ഇതാ

Neethu Vijayan — Mon, 05 Oct 2026 15:45:00 +0530

: എണ്ണ അമിതമായാൽ അത് ആരോഗ്യത്ത് ബാധിക്കുന്നത് വളരെ മോശം രീതിക്കാണ്. അതുകൊണ്ട് തന്നെ എണ്ണയുപയോഗിച്ചുള്ള ഭക്ഷണരീതികൾ പൊതുവെ ആളുകൾ കുറച്ചുകൊണ്ടുവരികയാണ്. എണ്ണയുടെ ഉപയോഗം അമിതമായതുകൊണ്ട് തന്നെ പൂരി ഭക്ഷണത്തിൽ നിന്ന് പാടെ ഒഴിവാക്കിയവരുണ്ട്. എന്നാൽ എണ്ണയിൽ വറുത്ത് കോരാതെ തന്നെ പൂരി ഈസിയായി ഉണ്ടാക്കാമെന്നത് പലർക്കും അറിയില്ല. എങ്ങനെയെന്ന് നോക്കാം. (Image Credit Source: Getty Images)

: സാധാരണയായി ചൂടായ എണ്ണയിൽ മുക്കി പൊരിച്ചെടുക്കുന്ന പൂരികൾ ആരോഗ്യത്തിന് അത്ര നല്ലതല്ല എന്ന് കരുതുന്നവർക്ക് പരീക്ഷിക്കാവുന്ന മികച്ചൊരു ബദൽ രീതിയാണിത്. എണ്ണയിൽ ഫ്രൈ ചെയ്യുന്നതിന് പകരം പ്രഷർ കുക്കർ ഉപയോഗിച്ച് ആവിയിൽ വേവിച്ചെടുക്കുന്ന ഈ രീതി ശരീരത്തിൽ കലോറിയും കൊഴുപ്പും കുറയ്ക്കാൻ സഹായിക്കും. പരമ്പരാഗത രീതിയിൽ എണ്ണയിൽ വറുത്തെടുക്കുന്ന പൂരികൾക്കുള്ളത് പോലെ പുറമെ ക്രിസ്പിയായോ നെയ്മയമുള്ളതോ ആയ പരുവം ആവിയിൽ വേവിക്കുന്ന പൂരികൾക്ക് ലഭിക്കില്ല.

: ആദ്യം ഒരു പാത്രത്തിൽ ഏകദേശം 2 കപ്പ് ഗോതമ്പ് പൊടി എടുക്കുക. ഇതിലേക്ക് ആവശ്യത്തിന് ഉപ്പ് ചേർക്കാം. അല്പം വെള്ളം വീതം ഒഴിച്ച് മാവ് ശരിയായ പാകത്തിൽ കുഴച്ചെടുക്കുക. മാവ് അധികം അയഞ്ഞതോ അല്ലെങ്കിൽ അധികം കട്ടിയുള്ളതോ ആകാൻ പാടില്ല. കുഴച്ചുവെച്ച മാവ് മൂടിവെച്ച് 10 മുതൽ 15 മിനിറ്റ് വരെ വിശ്രമിക്കാൻ അനുവദിക്കുക. മാവ് ചെറിയ ഉരുളകളാക്കി എടുത്ത് പൂരിക്കുള്ള രൂപത്തിൽ പരത്തിയെടുക്കുക. ഇവ ആവിയിൽ വേവിക്കുന്നതുകൊണ്ട്, സാധാരണ പരത്തുന്നതിനേക്കാൾ അല്പം കട്ടിയിൽ വേണം പരത്തിയെടുക്കാൻ.

: കുക്കറിലേക്ക് അല്പം വെള്ളം ഒഴിച്ച് അതിനുള്ളിൽ ഒരു സ്റ്റീമർ സ്റ്റാൻഡ് വെക്കുക. സ്റ്റാൻഡിന് മുകളിൽ വെച്ച പാത്രത്തിൽ, പരത്തിവെച്ച പൂരിക്കുള്ള മാവ് അല്പം അകലമൊക്കെയിട്ട് നിരത്തിവെക്കുക. തുടർന്ന് കുക്കർ ശരിയായി അടച്ച്, സുരക്ഷിതമായ രീതിയിൽ വേവിക്കുക. കുക്കറിലെ മർദ്ദം പൂർണ്ണമായും കുറഞ്ഞതിനുശേഷം മാത്രം അത് തുറന്ന് പൂരികൾ പുറത്തെടുക്കുക.

: പരമ്പരാഗത രീതിയിൽ പൂരി ഉണ്ടാക്കാൻ ധാരാളം എണ്ണ ആവശ്യമാണ്. എന്നാൽ ആവിയിൽ വേവിക്കുന്ന രീതിയാണെങ്കിൽ എണ്ണയുടെ ആവശ്യമില്ല. എണ്ണയുടെ ഉപയോഗം കുറയ്ക്കാൻ ആഗ്രഹിക്കുന്നവർക്ക് ഇതൊരു മികച്ച ബദൽ മാർഗ്ഗമാണ്. എന്നിരുന്നാലും, ആവിയിൽ വേവിച്ച ഭക്ഷണത്തെ എണ്ണയിൽ പൊരിച്ച പൂരിയുടെ ടേസ്റ്റ് ഉണ്ടാവണമെന്നില്ല. രുചിയിലും മണത്തിലും പുറംഭാഗത്തെ ഘടനയിലും വ്യത്യാസം അനുഭവപ്പെടും.

Cucumber Shot Recipe: ഇൻസ്റ്റാഗ്രാമിൽ ട്രെൻഡിംഗ്: 2 മിനിറ്റിൽ ഉണ്ടാക്കാം കുക്കുമ്പർ ഷോട്ട്സ്

Neethu Vijayan — Sun, 04 Oct 2026 19:45:00 +0530

: സോഷ്യൽ മീഡിയയിൽ എവിടെ നോക്കിയാലും തരംഗമായിരിക്കുകയാണ് കുക്കുമ്പർ ഷോട്ട്സ്. ചൂടിനെ മറികടന്ന് ശരീരത്തെ തണുപ്പിക്കാൻ വെറും രണ്ട് മിനിറ്റിൽ തയ്യാറാക്കാം ഈ വൈറൽ കുക്കുമ്പർ ഷോട്ട്. കുക്കുമ്പർ അഥവ നമ്മുടെ സലാഡ് വെള്ളരി വെച്ച് ഉണ്ടാക്കുന്ന ഈ റിഫ്രഷിംഗ് ഡ്രിങ്ക് നിങ്ങളുടെ സമ്മർ വൈബുകൾക്ക് ഏറ്റവും അനുയോജ്യമാണ്. ഇവ എങ്ങനെയാണ് തയ്യാറാക്കുന്നതെന്ന് നമുക്ക് നോക്കാം.(Image Credit Source: Social Media)

: ആവശ്യമായ ചേരുവകൾ: കുക്കുമ്പർ (സലാഡ് വെള്ളരി): 1 എണ്ണം, ചാട്ട് മസാല: ½ ടീസ്പൂൺ (ആവശ്യമെങ്കിൽ), മുളകുപൊടി – ½ ടീസ്പൂൺ, ചെറിയ ജീരകം പൊടിച്ചത്- കാൽ സ്പൂൺ, വാളൻപുളി പിഴിഞ്ഞത്, ഉപ്പ് എന്നിവയാണ് ഇതിന് ആവശ്യമായ ചേരുവകൾ. ആദ്യം തന്നെ ഒരു കുക്കുമ്പർ എടുത്ത് അതിനെ രണ്ടായി മുറിച്ച് തൊലി കളഞ്ഞ് വൃത്തിയാക്കിയെടുക്കണം.

: വൃത്തിയാക്കിയെടുത്ത കുക്കുമ്പറിൻ്റെ അകത്തെ കുരുവും മറ്റും എടുത്ത് കളയുക. അതായത് ഒരു ഗ്ലാസ് പോലെ ആക്കണം. അടിവശം എപ്പോഴും അടഞ്ഞിരിക്കണം. ശേഷം വാളൻ പുളി ആവശ്യത്തിന് എടുത്ത് വെള്ളത്തിലിട്ട് ഒരു അഞ്ച് മിനിറ്റ് കഴിഞ്ഞ് അത് നന്നായി പിഴിഞ്ഞെടുക്കുക. അതിലെ വേസ്റ്റ് കളഞ്ഞ് വേണം ഉപയോഗിക്കാൻ.

: വാളൻപുളി പിഴിഞ്ഞുവച്ചതിലേക്ക് ഉപ്പ്, മുളക്പൊടി, അല്പം ചെറിയ ജീരകത്തിൻ്റെ പൊടി, ആവശ്യമെങ്കിൽ ചാട്ട് മസാല എന്നിവ ചേർത്ത് നന്നായി യോജിപ്പിക്കുക. ഈ യോജിപ്പിച്ച മിശ്രിതം മുമ്പേ തയ്യാറാക്കി വച്ചിരിക്കുന്ന കുക്കുമ്പറിന് ഉള്ളിലേക്ക് ഒഴിച്ചുകൊടുക്കുക. ശേഷം ഇത് കഴിക്കാവുന്നതാണ്. വളരെ വ്യത്യസ്തമായ ഒരു രുചിയാകും നിങ്ങൾ ഇതിലൂടെ അനുഭവിച്ച് അറിയുക.

: കുക്കുമ്പറിൽ ഏകദേശം 95 ശതമാനം വെള്ളമാണ് അടങ്ങിയിരിക്കുന്നത്. അതിനാൽ വേനൽക്കാലത്ത് ശരീരം വരണ്ടുപോകാതെ സൂക്ഷിക്കാനും നിർജ്ജലീകരണം തടയാനും ഇത് സഹായിക്കുന്നു. കേവലം വളരെ കുറഞ്ഞ കലോറിയും ധാരാളം വെള്ളവും നാരുകളും അടങ്ങിയിട്ടുള്ളതിനാൽ ശരീരഭാരം കുറയ്ക്കാൻ ആഗ്രഹിക്കുന്നവർക്ക് ഡയറ്റിൽ ഉൾപ്പെടുത്താവുന്ന മികച്ച ഭക്ഷണമാണിത്.

Spoiled Milk Recipe: പാൽ പിരിഞ്ഞുപോയോ? മിനിറ്റുകൾക്കുള്ളിൽ വായിൽ അലിയുന്ന ഈ മധുരം തയ്യാറാക്കാം

Neethu Vijayan — Sat, 03 Oct 2026 20:36:00 +0530

ചില ദിവസങ്ങളിൽ പാൽ തിളപ്പിക്കുമ്പോൾ പിരിഞ്ഞുപോകുന്നത് സാധാരണമാണ്. പാത്രം നന്നായി വൃത്തിയാകാത്തതോ പാലിൻ്റെ പഴക്കമോ ആകാം ഇതിന് കാരണം. പ്രത്യേകിച്ച് വേനൽക്കാലത്തോ മറ്റോ പാൽ പിരിഞ്ഞുപോയാൽ അത് വെറുതെ കളയുകയാണ് പലരും ചെയ്യുന്നത്. എന്നാൽ ഇനി പിരിഞ്ഞ പാൽ കണ്ട് സങ്കടപ്പെടേണ്ടതില്ല. പിരിഞ്ഞുപോയ പാലിൽ നിന്ന് നല്ല കിടിലൻ ടേസ്റ്റിൽ ബേക്കറികളിൽ ലഭിക്കുന്ന അതേ രുചിയിൽ ഒരു സ്പെഷ്യൽ മിൽക്ക് സ്വീറ്റ് വളരെ എളുപ്പത്തിൽ തയ്യാറാക്കാം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ ഡെസേർട്ട് എങ്ങനെ ഉണ്ടാക്കാമെന്ന് നോക്കാം.

ആവശ്യമായ ചേരുവകൾ ഇതെല്ലാം

പാൽ
നാരങ്ങാനീര്
റവ
പഞ്ചസാര
വെള്ളം
ഏലയ്ക്ക

തയ്യാറാക്കുന്ന വിധം

മൂന്ന് കപ്പ് അളവിൽ പാൽ പാത്രത്തിലെടുത്ത് അടുപ്പിൽ വെച്ച് നന്നായി തിളപ്പിക്കുക. തിളച്ചു വന്ന പാലിലേയ്ക്ക് അൽപ്പം നാരങ്ങാനീര് കൂടിചേർത്തിളക്കാം. പാൽ പിരിയാനാണ് ഇങ്ങനെ ചെയ്യുന്നത്. പിരി‍ഞ്ഞ പാലാണെങ്കിൽ ഇങ്ങനെ ചെയ്യേണ്ട ആവശ്യമില്ല. പിരിഞ്ഞു വന്ന പാലിൻ്റെ വെള്ളം അരിച്ചു കളഞ്ഞതിന് ശേഷം നന്നായി പൊടിച്ചു വെയ്ക്കാം.

ALSO READ: കത്തിയിലെ തുരുമ്പ് മാറ്റാൻ ഉരുളക്കിഴങ്ങോ? ഈ തന്ത്രങ്ങൾ അറിയാമോ

ഇതിലേയ്ക്ക് രണ്ട് ടേബിൾ സ്പൂൺ റവ കൂടി ചേർത്ത് കുഴച്ച് ചെറിയ ഉരുളകളാക്കി മാറ്റി വെയ്ക്കണം. ശേഷം നല്ല അടി കട്ടിയുള്ള ഒരു പാത്രം അടുപ്പിൽ വെച്ച് ഒരു കപ്പ് പഞ്ചസാര ചൂടാക്കുക. ഇതിലേക്ക് രണ്ട് കപ്പ് വെള്ളം ചേർത്തിളക്കുക. നല്ലൊരു പഞ്ചസാര ലായനി തയ്യാറാക്കാം. അലിഞ്ഞു വരുന്ന പഞ്ചസാരയിലേയ്ക്ക് നാല് ഏലയ്ക്ക് ചേർക്കാം.

തിളക്കുന്ന പഞ്ചസാര ലായനിയിലേയ്ക്ക് തയ്യാറാക്കി വെച്ചിരിക്കുന്ന ഉരുളകൾ ചേർത്ത് പത്ത് മിനിറ്റ് നല്ല ഫ്ലെയ്മിൽ വേവിക്കുക. ശേഷം ഒരു ബൗളിലേയ്ക്ക് പകർന്ന് കഴിക്കാവുന്നതാണ്. സ്കൂൾ വിട്ട് വരുന്ന കുട്ടികൾക്ക് കൊടുക്കാൻ പറ്റിയ ഏറ്റവും നല്ല പലഹാരമാണിത്. പാലുല്പ്പന്നങ്ങൾ ഇഷ്ടമുള്ളവർക്ക് ഒരു വെറ്റൈറ്റിയായി ഇത് പരീക്ഷിക്കാം.

പാൽ കൂടുതൽ പഴകി നാറ്റം വന്നിട്ടുണ്ടെങ്കിൽ അത് ഉപയോഗിക്കരുത്. തിളപ്പിക്കുന്ന സമയത്ത് പെട്ടെന്ന് പിരിഞ്ഞുപോകുന്ന നല്ല പാൽ മാത്രമാണ് ഇത്തരം ഡെസേർട്ടുകൾ തയ്യാറാക്കാൻ അനുയോജ്യം. അതിനാൽ ഇക്കാര്യം പ്രത്യേകം ശ്രദ്ധിക്കണം. ചീത്ത മണമുള്ളവ കഴിച്ചാൽ ആരോഗ്യ പ്രശ്നങ്ങൾക്ക് കാരണമായേക്കാം.

പാൽ പിരിഞ്ഞുപോകുന്നത് തടയാൻ

വാങ്ങിയ ഉടൻ തിളപ്പിക്കുക: പാക്കറ്റ് പാലോ നാടൻ പാലോ ആകട്ടെ, വാങ്ങിയ ശേഷം കൂടുതൽ സമയം അന്തരീക്ഷ താപനിലയിൽ വെക്കാതെ ഉടൻ തന്നെ തിളപ്പിക്കാൻ ശ്രദ്ധിക്കുക. ചൂടുള്ള അന്തരീക്ഷത്തിൽ പാൽ വെക്കുന്നത് ബാക്ടീരിയകൾ പെട്ടെന്ന് പെരുകാനും പാൽ പിരിയാനും കാരണമാകും.

പാത്രം വൃത്തിയാക്കുക: പാൽ തിളപ്പിക്കുന്ന പാത്രത്തിൽ വിനാഗിരിയോ തൈരോ നാരങ്ങാനീരോ മുൻപ് ഉപയോഗിച്ചതിന്റെ അവശിഷ്ടങ്ങളോ സോപ്പിന്റെ അംശമോ ഉണ്ടെങ്കിൽ പാൽ പെട്ടെന്ന് പിരിഞ്ഞുപോകും. പാത്രം നന്നായി കഴുകി ഉണക്കിയ ശേഷം മാത്രം പാൽ ഒഴിക്കുക.

ഫ്രിഡ്ജിൽ സൂക്ഷിക്കുമ്പോൾ: തിളപ്പിച്ച പാൽ നന്നായി ചൂടാറിയ ശേഷം മാത്രം ഫ്രിഡ്ജിലേക്ക് മാറ്റുക. ചൂടോടെ വെക്കുന്നത് ഫ്രിഡ്ജിനുള്ളിലെ താപനില വ്യത്യാസപ്പെടുത്തുകയും പാൽ കേടാകാൻ ഇടയാക്കുകയും ചെയ്യും.

English Summary:

Here is an easy and tasty Kerala special evening snack for kids. Five Minute Easy sweet evening snack with spoiled milk, here is the recipe in malayalam

Moringa Idli Recipe: മുരിങ്ങയിലകൊണ്ട് ഇഡ്ഡലിയോ… ആരും കഴിച്ചുപോകും ഈ പച്ച ഇഡ്ഡലി: കിടിലൻ റെസിപ്പി

Neethu Vijayan — Sat, 03 Oct 2026 16:48:00 +0530

: ദിവസവും രാവിലെയുള്ള വിഭവങ്ങളെക്കുറിച്ച് ചിന്തിച്ച് തലപുകയ്ക്കുന്നവരാണ് വീട്ടമ്മമാർ. പതിവായി ഇഡ്ഡലിയും ദോശയും പുട്ടുമൊക്കെയാണ് നമ്മൾ കഴിക്കുന്നത്. വെള്ള നിറത്തിലുള്ള സാധാരണ ഇഡ്ഡലിയും ദോശയുമൊക്കെ കഴിച്ച് മടുത്തവർക്ക് പ്രഭാതഭക്ഷണം കൂടുതൽ കളർഫുള്ളാക്കാനും ആരോഗ്യകരമാക്കാനും ഒരു കിടിലൻ വഴിയുണ്ട്. അതാണ് മുരിങ്ങിയല ഇഡ്ഡലി. കേൾക്കുമ്പോൾ അത്ഭുതം തോന്നിയേക്കാം. (Image Credit Source: Social Media)

: എന്നാൽ വളരെ എളുപ്പത്തിൽ തയ്യാറാക്കാനാകുന്ന ഈ ബ്രേക്ക് ഫാസ്റ്റ് വളരെ ആരോഗ്യകരമാണ്. മുരിങ്ങയില കഴിക്കാന മടിയുള്ള കുട്ടികൾ പോലും വീണ്ടും വീണ്ടും ചോദിച്ച് വാങ്ങി കഴിക്കാൻ ഇഷ്ടപ്പെടുന്ന ഒരു കിടിലൻ വിഭവമാണിത്. മുരിങ്ങയിലയുടെ ഗുണങ്ങൾ പൂർണ്ണമായും ഉൾപ്പെടുത്തി തയ്യാറാക്കുന്ന ഒന്നാണ് മുരിങ്ങയില ഇഡ്ഡലി. കാണാൻ മനോഹരമായ പച്ചനിറം മാത്രമല്ല, പഞ്ഞി പോലുള്ള രൂപവും മികച്ച സ്വാദും ഇതിന്റെ പ്രത്യേകതയാണ്.

: ആവശ്യമായ ചേരുവകൾ: രണ്ട് കപ്പ് ഇഡ്ഡലി മാവ്, ഒരു കപ്പ് ഫ്രഷ് മുരിങ്ങയില, ഒരു ചെറിയ പച്ചമുളക്, ചെറിയൊരു കഷ്ണം ഇഞ്ചി, 1-2 ടേബിൾസ്പൂൺ വെള്ളം, ആവശ്യത്തിന് ഉപ്പ്, ഇഡ്ഡലി തട്ടിൽ പുരട്ടാൻ എണ്ണയോ നെയ്യോ. കുട്ടികൾക്ക് പച്ചക്കറികളുടെ പോഷകങ്ങൾ നൽകാനും പ്രമേഹരോഗികൾക്ക് രക്തത്തിലെ പഞ്ചസാരയുടെ അളവ് നിയന്ത്രിക്കാനും ഈ വിഭവം വളരെയേറെ സഹായിക്കും.

: തയ്യാറാക്കുന്ന വിധം: മുരിങ്ങയില നന്നായി കഴുകി തണ്ടുകൾ നീക്കം ചെയ്യുക. ഇലകളിലെ വെള്ളം പൂർണ്ണമായും വാർന്നുപോകണം. ഇളം ഇലകൾ മാത്രം ഉപയോഗിക്കുന്നത് ഇഡ്ഡലി സോഫ്റ്റാകാൻ ലഭിക്കാൻ സഹായിക്കും. ശേഷം മിക്സിയുടെ ജാറിലേക്ക് മുരിങ്ങയില, പച്ചമുളക്, ഇഞ്ചി, അല്പം വെള്ളം എന്നിവ ചേർത്ത് പേസ്റ്റ് രൂപത്തിൽ അരച്ചെടുക്കുക. അധികം വെള്ളം ചേർക്കുന്നത് ഒഴിവാക്കുക. കാരണം, വെള്ളം കൂടിയാൽ മാവ് വല്ലാതെ നേർത്തുപോകാൻ സാധ്യതയുണ്ട്.

: ഒരു പാത്രത്തിൽ ഇഡ്ഡലി മാവ് എടുത്ത് അതിലേക്ക് മുരിങ്ങയില അരച്ചത് ചേർക്കുക. അരിച്ച് ചേർത്താലും മതിയാകും. എല്ലാം നന്നായി യോജിക്കുന്നതിന് സാവധാനം ഇളക്കുക. ഈ മിശ്രിതം ഏകദേശം 10 മിനിറ്റ് നേരം അങ്ങനെതന്നെ വയ്ക്കുക. പിന്നീട് ഇഡ്ഡലിത്തട്ടുകളിൽ അല്പം എണ്ണ പുരട്ടി അതിലേക്ക് പച്ച നിറത്തിലുള്ള മാവ് കോരിയൊഴിക്കുക. ആവിയിൽ വേവിച്ചെടുത്താൽ നല്ല പതുപതുത്ത ഇഡ്ഡലി റെഡിയായി കിട്ടും.

Green Masala Fish Fry Recipe: ഹോട്ടൽ സ്റ്റൈൽ ഗ്രീൻ മസാല ഫിഷ് ഫ്രൈ വീട്ടിലുണ്ടാക്കാം; രഹസ്യക്കൂട്ട് ഇതാ

Neethu Vijayan — Fri, 02 Oct 2026 20:33:00 +0530

: ചുവന്ന മുളകുപൊടിയും മഞ്ഞൾപ്പൊടിയും ചേർത്തുള്ള സാധാരണ മീൻ വറുത്തതിൽ നിന്ന് വേറിട്ടൊരു നാടൻ രുചിയാണ് ഗ്രീൻ മസാല ഫിഷ് ഫ്രൈ. പച്ചമുളകിന്റെ എരിവും മല്ലിയിലയുടെയും കറിവേപ്പിലയുടെയും സുഗന്ധവും പുളിയും ചേരുമ്പോൾ മീൻ വറുത്തതിന് ഇരട്ടി രുചിയാണ് ലഭിക്കുന്നത്. അയില, ചൂര, ആവോലി, നെയ്മീൻ, അല്ലെങ്കിൽ കരിമീൻ എന്നിവയ്ക്കെല്ലാം ഈ മസാല കൂട്ട് വളരെ അനുയോജ്യമാണ്. (Image Credit Source: Gettyimages)

: വേണ്ട ചേരുവകൾ: ഇഞ്ചി -2 സ്പൂൺ, പച്ചമുളക് -2 എണ്ണം , മീൻ -1 കിലോ, കുരുമുളക് -1 സ്പൂൺ, വെളുത്തുള്ളി -2 സ്പൂൺ, കറിവേപ്പില -2 തണ്ട്, മല്ലിയില -1/2 കപ്പ്, ഉപ്പ് -1 സ്പൂൺ, എണ്ണ -1 കപ്പ് എന്നിവയാണ് ഇതിന് ആവശ്യമായ ചേരുവകൾ. സാധാരണ മീൻ വറുത്തത് കഴിച്ച് മടുത്തവർക്ക് ഇതിലേക്ക് മാറ്റിപ്പിടിക്കാവുന്നതാണ്. ഇവയെങ്ങനെ തയ്യാറാക്കാമെന്ന് നോക്കാം.

: തയ്യാറാക്കുന്ന വിധം: ആവശ്യത്തിനുള്ള മീൻ ഏതായാലും അവ നല്ലതുപോലെ കട്ട് ചെയ്ത് കഴുകി വൃത്തിയാക്കി എടുക്കുക. വലിയ സൈസുള്ള മീനാണ് എപ്പോഴഉം വറുക്കാൻ ഉപയോഗിക്കുന്നത്. മിക്സിയുടെ ജാറിലേക്ക് കുരുമുളക്, വെളുത്തുള്ളി, കറിവേപ്പില, മല്ലിയില, ഉപ്പ്, പച്ചമുളക്, ഇഞ്ചി എന്നിവ ചേർത്ത് നല്ലതുപോലെ ഒന്ന് ചതച്ചെടുക്കണം. വെള്ളം അധികം ചേർക്കാതെ നല്ല കട്ടിയുള്ള പേസ്റ്റ് രൂപത്തിൽ അരച്ചെടുക്കുക.

: അരച്ചെടുത്തതിനുശേഷം കഴുകി വരഞ്ഞു വെച്ചിരിക്കുന്ന മീനിന് മുകളിലേക്ക് തേച്ചുപിടിപ്പിക്കുക. മീനിൻ്റെ വരകൾക്കിടയിരലും എല്ലാ നന്നായി തേച്ചുപിടിപ്പിക്കണം. മസാല പിടിക്കുന്നതിനായി കുറഞ്ഞത് 30 മിനിറ്റ് മാറ്റിവെക്കുക. ഫ്രിഡ്ജിൽ വെക്കുകയാണെങ്കിൽ കൂടുതൽ രുചി ലഭിക്കും. ഒരു ഫ്രൈയിംഗ് പാനിൽ വെളിച്ചെണ്ണ ചൂടാക്കുക.

: എണ്ണ ചൂടാവുമ്പോൾ അതിലേക്ക് അല്പം കരിപ്പേപ്പില ഇട്ടു കൊടുക്കുക. തുടർന്ന് മസാല പുരട്ടിയ മീൻ കഷണങ്ങൾ ഓരോന്നായി പാനിലേക്ക് വെക്കുക. ചെറിയ തീയിൽ ഇട്ട് മീൻ വേവിക്കുക. ഒരു വശം 4–5 മിനിറ്റ് മൊരിഞ്ഞ ശേഷം മറിച്ചിട്ട് മറ്റേ വശവും വറുത്തെടുക്കുക. മസാല കരിഞ്ഞുപോകാതെ ശ്രദ്ധിക്കണം. ഇതോടെ ഫിഷ് ഫ്രൈ റെഡി.

Pongu curry: പൊങ്ങ് കിട്ടിയോ? ചപ്പാത്തിക്ക് പറ്റിയ കറി റെഡിയാക്കാം; റെസിപ്പി ഇതാ…

Nithya Vinu — Wed, 30 Sep 2026 15:01:00 +0530

: തേങ്ങ മുറിക്കുമ്പോൾ ഉള്ളിൽ കാണുന്ന പൊങ്ങ് വെറുതെ കഴിക്കാൻ മാത്രമല്ല, നല്ല നാടൻ കറിയാക്കി മാറ്റാനും വളരെ സ്വാദിഷ്ടമാണ്. ധാരാളം നാരുകൾ അടങ്ങിയിട്ടുള്ളതിനാൽ ദഹനപ്രക്രിയ വേഗത്തിലാക്കാനും മലബന്ധം തടയാനും ഇവ സഹായിക്കുന്നു. ശരീരത്തിന് പെട്ടെന്ന് ഊർജ്ജവും ഉന്മേഷവും നൽകാൻ പൊങ്ങിൽ അടങ്ങിയിരിക്കുന്ന സ്വാഭാവിക പഞ്ചസാരയും മിനറൽസും സഹായിക്കുന്നു. (Image Credit source: Getty Images)

: വിറ്റാമിനുകളും ഫൈബറും ധാരാളം അടങ്ങിയ പൊങ്ങ് ഉപയോഗിച്ച് മിനിറ്റുകൾക്കുള്ളിൽ തയ്യാറാക്കാവുന്ന ഒരു അടിപൊളി റെസിപ്പി ഇതാ…. പൊങ്ങ്, ജീരകം, മുളക് പൊടി, വെളുത്തുള്ളി, പച്ചമുളക്. സവാള, തക്കാളി അധികം പഴുക്കാത്തത് എന്നിവയാണ് ആവശ്യമായ ചേരുവകൾ. ഇതെല്ലാം നിങ്ങൾക്ക് ആവശ്യമുള്ള അളവിൽ എടുക്കാം.

: പൊങ്ങ് കറി ഉണ്ടാക്കുന്നതിനായി ആദ്യം, പൊങ്ങ് ചെറിയ കഷ്ണങ്ങളാക്കാം. പാനിൽ വെളിച്ചെണ്ണയോ മറ്റ് ഭക്ഷ്യയെണ്ണയോ കുറച്ച് ഒഴിക്കാം. ചൂടായി വരുമ്പോൾ കഷ്ണങ്ങളാക്കിയ പൊങ്ങ് ചേർത്ത് കൊടുക്കാം. കുറച്ച് ഉപ്പ് ചേർത്ത് നന്നായി വഴറ്റി എടുക്കാം. പൊങ്ങ് നല്ലവണ്ണം എണ്ണ വലിച്ചെടുക്കും. നന്നായി വഴറ്റി, പൊങ്ങ് ചുരുങ്ങി വരുമ്പോൾ മറ്റൊരു പാത്രത്തിലേക്ക് മാറ്റിവയ്ക്കാം.

: ഇനി, പൊങ്ങ് വഴറ്റിയ ആ പാത്രത്തിൽ തന്നെ ജീരകം ഇടാം. ജീരകം പൊട്ടിവരുമ്പോൾ വെളുത്തുള്ളി ചേർത്ത് വഴറ്റാം. തക്കാളിയും സവാളയും ചെറുതായി അരിഞ്ഞതും ചേർത്ത് കൊടുക്കാം. ഇവയെല്ലാം നന്നായി വഴറ്റിയെടുക്കാം. ശേഷം, മുളക്പൊടി ആവശ്യത്തിന് ചേർക്കാം. വേറെ മസാലകളൊന്നും ചേർക്കേണ്ടതില്ല.

: ഇവ ചൂടാറിയ ശേഷം നന്നായി അരച്ചെടുക്കാം. ഗ്രേവി പരുവത്തിന് വെള്ളം ചേർത്ത് അരയ്ക്കാവുന്നതാണ്. ഇനി ഒരു ചട്ടിയിൽ വഴറ്റിമാറ്റി വെച്ച പൊങ്ങും അരപ്പും ചേർത്ത് കൊടുക്കാം. കുറച്ച് വെള്ളം ചേർക്കാം. കറി തിളച്ച് വരുമ്പോൾ പച്ചമുളക് നുറുക്കിയിടാം. ആവശ്യത്തിന് ഉപ്പ് ചേർക്കാൻ മറക്കല്ലേ… അവസാനം കുറച്ച് മല്ലിയില കൂടി ചേർക്കാം. രുചികരമായ പൊങ്ങ് കറി റെഡി.

Aval Kesari Recipe: റവ വേണ്ട, സേമിയ വേണ്ട; കേസരി ഉണ്ടാക്കാൻ അവൽ ധാരാളം, റെസിപ്പി അറിയണ്ടേ

Neethu Vijayan — Wed, 30 Sep 2026 12:23:00 +0530

: കുട്ടികൾ സൂക്ൾ വിട്ട് വരുമ്പോൾ എന്ത് കൊടുക്കുമെന്നോർത്ത് വിഷമിച്ചിരിക്കുന്ന അമ്മമാരാണോ നിങ്ങൾ, എങ്കിൽ ഈ റെസിപ്പി നിർബന്ധണായും അറിഞ്ഞിരിക്കണം. സാധാരണ അവൽ ഉണ്ടെങ്കിൽ നമ്മൾ അത് തേങ്ങയും ശർക്കരയുമിട്ട് കുഴച്ച് കഴിക്കാറുണ്ട്. എന്നാൽ ഇത് എപ്പോഴും കഴിച്ചിട്ട് മടുത്തുപോകാറുണ്ട്. അത്തരം സന്ദർഭങ്ങളിൽ കഴിക്കാൻ പറ്റിയ നല്ല രുചിയൂറം മധുരപലഹാരമാണ് അവൽ കൊണ്ടുള്ള കേസരി. (Image Credit Source: Social Media)

: വൈകുന്നേരത്തെ ചായയ്‌ക്കൊപ്പം പെട്ടെന്ന് ഒരു മധുര പലഹാരം ഉണ്ടാക്കാൻ ആഗ്രഹിക്കുന്നവർക്ക് ഏറ്റവും അനുയോജ്യമാണ് അവൽ കേസരി. റവയോ സേമിയയോ ഇല്ലാതെ വീട്ടിലുള്ള അവൽ ഉപയോഗിച്ച് വെറും 10 മിനിറ്റിനുള്ളിൽ നല്ല സോഫ്റ്റ് കേസരി തയ്യാറാക്കാം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ റെസിപ്പി എങ്ങനെ തയാറാക്കാമെന്ന് നോക്കാം.

: ആവശ്യമായ സാധനങ്ങൾ: അവിൽ : ഒരു കപ്പ്, പഞ്ചസാര : മുക്കാൽ കപ്പ്, നെയ്യ് : അഞ്ച് ടീസ്പൂൺ, വെള്ളം : രണ്ട് കപ്പ്, ഉണക്കമുന്തിരി, അണ്ടിപ്പരിപ്പ് : ആവശ്യത്തിന്, ഏലയ്ക്കാപ്പൊടി, ഉപ്പ് : ഒരു നുള്ള് വീതം എന്നിവയാണ് കേസരി ഉണ്ടാക്കാൻ ആവശ്യമായ ചേരുവകൾ. ആർക്കും ഇഷ്ടമാകുന്ന ഈ അവൽ കേസരി നിമിഷ നേരം കൊണ്ട് തയ്യാറാക്കാമെന്നതാണ് ഇതിൻ്റെ ഏറ്റവും വലിയ പ്രത്യേകത.

: തയ്യാറാക്കുന്ന വിധം: ആദ്യം ഒരു തവയിൽ ഒരു സ്പൂൺ നെയ്യൊഴിച്ച് ചൂടാക്കി അണ്ടിപ്പരിപ്പും ഉണക്കമുന്തിരിയും വറുത്തെടുത്ത് മാറ്റിവയ്ക്കാം. ശേഷം അതേ തവയിൽ അവിൽ ഒന്ന് ചെറുതായി മൊരിച്ചെടുക്കണം. കരിഞ്ഞുപോകാതെ ചെറുതീയിലിട്ട് വേണം മൂപ്പിക്കാൻ. മൊരിച്ച അവിൽ തണുത്തശേഷം മിക്സിയിൽ നന്നായി പൊടിച്ചെടുക്കണം.

: ഇനി വെള്ളം തിളപ്പിച്ച് അവിൽപ്പൊടി ചേർത്ത് ഇളക്കി കുറുക്കുക. ഇത് നന്നായി കുറുകിവരുമ്പോൾ അതിലേക്ക് പഞ്ചസാരയും രണ്ട് ടീസ്പൂൺ നെയ്യും ചേർത്ത് അതിലെ വെള്ളം വറ്റും വരെ ഇളക്കണം. ബാക്കി നെയ്യും ഏലയ്ക്കാപ്പൊടിയും ഉപ്പും ചേർത്ത് ഇളക്കിയശേഷം അടുപ്പിൽ നിന്ന് മാറ്റാം. ഇനി അണ്ടിപ്പരിപ്പും ഉണക്കമുന്തിരിയും മുകളിൽ വിതറി കഴിക്കാൻ നൽകാം.

Hair Growth Green Laddu: മുടി കാടുപോലെ വളരാൻ പച്ച ലെഡു: ഈ രഹസ്യ മരുന്നിൻ്റെ റെസിപ്പി ഇതാ

Neethu Vijayan — Tue, 29 Sep 2026 13:53:00 +0530

: പെൺകുട്ടിയായലും ആൺകുട്ടിയായലും മുടി വളർത്താൻ ഇഷ്ടമുള്ളവരാണ് ഇന്നത്തെ തലമുറ. മുടികൊഴിച്ചിൽ, താരം, മുടി വളരാതിരിക്കുക തുടങ്ങിയ പല പ്രശ്നങ്ങളും ഇന്ന് നമ്മൾ നേരിടുന്നുണ്ട്. നമ്മൾ പുറത്തുനിന്ന് വിലകൂടിയ എന്തെല്ലാം വാങ്ങി ഉപയോഗിച്ചാലും ഇതിനൊന്നും പരിഹാരമാകണമെന്നില്ല. കാരണം നമ്മൾ എന്തെല്ലാം ചെയ്താലും കഴിക്കുന്ന ആഹാരം എപ്പോഴും പ്രോട്ടീൻ റിച്ചായിരിക്കണം. എങ്കിൽ മാത്രമെ മുടി വളർച്ചയിൽ കാര്യമായ മാറ്റെ കാണാൻ സാധിക്കു. (Image Credit Source: Social Media)

: മുടികൊഴിച്ചിലും മറ്റ് പ്രശ്നങ്ങളും അലട്ടുന്നവർക്കുള്ള ഒരു ശാശ്വത പരഹാരമാണ് ഇന്നിവിടെ പറയാൻ പോകുന്നത്. നിങ്ങൾക്ക് ഇഷ്ട്ടത്തോടെ കഴിക്കാൻ സാധിക്കുന്ന ഒരു പലഹാരത്തിൻ്റെ റെസിപ്പിയാണ് ഇത്. പച്ച ലെഡു, അതെ ചെറുപയർ, കറിവേപ്പില, ശർക്കര, നിങ്ങൾക്കിഷ്ടമുള്ള നട്സ് എന്നിവയെല്ലാം കൂടി ചേർന്നൊരു കിടിലൻ ലെഡു റെസിപ്പി നമുക്ക് നോക്കിയാലോ. ഇത് വളരെ എളുപ്പത്തിൽ തയ്യാറാക്കാൻ സാധിക്കുന്നതാണ്.

: തയ്യാറാക്കുന്ന വിധം: ആദ്യം തന്നെ ചെറുപയർ എടുക്കുക. ഒന്ന് കഴുകി ഒരു ടിഷ്യൂ പേപ്പർ ഉപയോഗിച്ച് തുടച്ച പാനിലിട്ട് ശേഷം ചെറുതായിട്ട് ഒന്ന് വറുത്തെടുക്കാം. കരിഞ്ഞുപോകാതെ ശ്രദ്ധിക്കണേ. അത് പാനിൽ നിന്ന് മാറ്റിയ ശേഷം അതിലേക്ക് കുറച്ചധികം കറിവേപ്പില ഇടുക. കരിഞ്ഞുപോകാതെ തൊട്ടാൽ പൊടിയണ പാകത്തിന് വറുത്തെടുക്കുക.

: അത് പാനിൽ നിന്ന് മാറ്റിയ ശേഷം, അതിലേക്ക് തന്നെ മത്തങ്ങ വിത്തുകൾ ഇട്ട് വറുത്ത് കോരുക. നിങ്ങൾക്ക് ഇതൊടൊപ്പം മറ്റ് നട്സുകളും ചേർക്കാവുന്നതാണ്. ശേഷം ഇവയുടെ ചൂട് ചെറുതായി മാറിയ ഉടൻ തന്നെ നന്നായി പൊടിച്ചെടുക്കുക. തരി അല്പം ഉണ്ടായാലും കുഴപ്പമില്ല. ഒന്നിച്ചിട്ട് പൊടിക്കുന്നതിനേക്കാൾ എളുപ്പം ഓരോന്നായി വെവ്വേറെ പൊടിക്കുന്നതാണ്.

: ശേഷം കുറച്ച് ശർക്കര പാനിയാക്കി വയ്ക്കുക. ഇളം ചൂടോടെ തന്നെ ഈ ശർക്കര പാനി നമ്മൾ നേരത്തെ പൊടിച്ചുവച്ചതിലേക്ക് ചേർക്കുക. അതിലേക്ക് അല്പം നെയ്യ് കൂടെ ചേർത്തു കൊടുക്കുക. പിന്നീട് നന്നായി ഇതെല്ലാം കൂടെ യോജിപ്പിക്കണം. ശേഷം നിങ്ങൾക്ക് ഇത് ഒരോ ബോളായിട്ട് ഉരുട്ടി കുപ്പിയിൽ സൂക്ഷിക്കാവുന്നതാണ്. ദിവസവും ഇതിലെ ഓരോന്ന് വീധം കഴിക്കാവുന്നതാണ്.

Bread Storage Tips: ബ്രെഡ് പൂത്തുപോകാതെ ഏറെനാൾ സൂക്ഷിക്കണോ?; ഈ അബദ്ധങ്ങൾ ഒഴിവാക്കണം

Neethu Vijayan — Tue, 29 Sep 2026 11:17:00 +0530

: ‌പെട്ടെന്നൊരു ബ്രേക്ക്ഫാസ്റ്റ് തയ്യറാക്കണേൽ ആദ്യം തന്നെ നമ്മൾ തിരഞ്ഞെടുക്കുന്നത് ബ്രെഡാണ്. എല്ലാ വീടുകളിലും സ്റ്റോക്കുള്ള ഒന്നുകൂടിയാണിത്. കുട്ടികൾക്കും മുതിർന്നവർക്കും ഒരുപോലെ ഇഷ്ടമുള്ള ബ്രെഡ് പക്ഷേ വാങ്ങി സൂക്ഷിക്കുന്നത് അല്പം ബുദ്ധിമുട്ടുള്ള കാര്യമാണ്. കാര്യം മറ്റൊന്നുമല്ല, കടയിൽ നിന്ന് വാങ്ങുന്ന ബ്രെഡ് രണ്ടോ മൂന്നോ ദിവസം കഴിയുമ്പോൾ തന്നെ പൂപ്പൽ പിടിച്ചോ ഉണങ്ങിപ്പോയോ കേടാകുന്നത് മിക്കവരുടെയും പരാതിയാണ്. (Image Credit Source: Getty Images)

: എങ്ങനെയെല്ലാം നോക്കിയിട്ടും ബ്രെഡ് പൂത്തുപോകുന്നു എന്ന് പറയുന്നവരുടെ ശ്രദ്ധയ്ക്ക്, ശരിയായ രീതിയിൽ സൂക്ഷിച്ചാൽ ബ്രെഡ് കേടാകാതെ കൂടുതൽ ദിവസം പുതിയതുപോലെ ഉപയോഗിക്കാൻ സാധിക്കും. സൂക്ഷിക്കുമ്പോൾ നമ്മൾ വരുത്തുന്ന ചില കുഞ്ഞു അബദ്ധങ്ങളും അവയ്ക്കുള്ള പരിഹാരങ്ങൾ എന്തെല്ലാമാണെന്നും നമുക്ക് നോക്കിയാലോ.

: ചെറിയ തണുപ്പുള്ള ഫ്രിഡ്ജിൻ്റെ തട്ടുകളിൽ ബ്രെഡ് സൂക്ഷിക്കുമ്പോൾ അതിലെ ഈർപ്പം പെട്ടെന്ന് നഷ്ടപ്പെടുകയും ബ്രെഡ് കട്ടിയുള്ളതും വരണ്ടതുമായി മാറുകയും ചെയ്യും. അതുപോലെ തന്നെ നമ്മൾ ചെയ്യുന്ന മറ്റൊരു അബദ്ധമാണ്, ആവശ്യം കഴിഞ്ഞ് കവർ അടയ്ക്കാതെ വയ്ക്കുന്നത്. കവർ ശരിയായി അടച്ചുവെച്ചില്ലെങ്കിൽ അന്തരീക്ഷത്തിലെ ഈർപ്പവും ബാക്ടീരിയകളും ബ്രെഡിലേക്ക് കയറുകയും വേഗത്തിൽ പൂപ്പൽ വളരുകയും ചെയ്യും.

: ചൂടും വെളിച്ചവുമുള്ള സ്ഥലങ്ങളിൽ വെക്കുമ്പോൾ പാക്കറ്റിനുള്ളിൽ ആവി കെട്ടി വെള്ളത്തുള്ളികൾ രൂപപ്പെടും. ഇത് ബ്രെഡിൽ പൂപ്പൽ വരാൻ പ്രധാന കാരണമാണ്. കൂടാതെ നനഞ്ഞ കൈകൾ കൊണ്ടോ ഈർപ്പമുള്ള സ്പൂൺ/ കത്തി ഉപയോഗിച്ചോ ബ്രെഡ് തൊടുന്നത് പൂപ്പൽ വളർച്ച വേഗത്തിലാക്കും. അതിനാൽ കവറിൽ നിന്ന് ബ്രെ‍ഡ് എടുക്കുമ്പോൾ കൈകൾ വൃത്തിയുള്ളതും ഉണങ്ങിയതുമായിരിക്കണം.

: ബ്രെഡ് കൂടുതൽ ദിവസം കേടാകാതെ ഇരിക്കാൻ ഏറ്റവും നല്ല വഴി ഫ്രീസറിൽ വെക്കുക എന്നതാണ്. ആവശ്യമുള്ളപ്പോൾ സ്ലൈസുകൾ പുറത്തെടുത്ത് ആവി കയറ്റി കഴിക്കാവുന്നതാണ്. പെട്ടെന്ന് തീർക്കുമെന്ന് ഉറപ്പുണ്ടെങ്കിൽ മാത്രം പുറത്തുവയ്ക്കുക. വായു സഞ്ചാരമുള്ള തണുപ്പുള്ളതും ഇരുണ്ടതുമായ സ്ഥലത്ത് ബ്രെഡ് ബോക്സിൽ സൂക്ഷിക്കുന്നതാണ് ഏറ്റവും അനുയോജ്യം. പേപ്പർ ബാഗുകളിൽ സൂക്ഷിക്കുന്നത് അമിത ഈർപ്പം വലിച്ചെടുക്കാൻ സഹായിക്കും.

Coconut Tea Recipe: തേങ്ങ ചായ കുടിച്ചിട്ടുണ്ടോ? പാൽ വേണ്ട തേങ്ങ മതി ചായ ഉണ്ടാക്കാൻ; റെസിപ്പി ഇതാ

Neethu Vijayan — Mon, 28 Sep 2026 12:44:00 +0530

: ചായ എന്നുവച്ചാൽ മലയാളികൾക്ക് ഒരു വികാരമാണ്. ദിവസവും രാവിലെയും വൈകിട്ടും ചായ കുടിക്കുന്നത് നമ്മുടെ ശീലമാണ്. ചിലർക്ക് അത് രണ്ടിൽ നിന്ന് മൂന്നോ നാലോ നേരമായേക്കാം. രാവിലെ തന്നെ എനർജി കിട്ടാൻ പലരും ആശ്രയിക്കുന്നത് ഒരു കപ്പ് ചായയോ കാപ്പിയോ ആണ്. എന്നാൽ അധികമാർക്കും അറിയാത്ത ഒന്നാണ് തേങ്ങാച്ചായ. രാവിലെ കട്ടൻ ചായയോ പാൽച്ചായയോ കുടിച്ച് മടുത്തവർക്ക് ഇത് ട്രൈ ചെയ്യാം. (Image Credit Source: Social Media)

: ആവശ്യമായ ചേരുവകൾ: വെള്ളം- രണ്ട് കപ്പ്, കറുവാപ്പട്ട- ഒരു കഷ്ണം, തക്കോലം- ഒന്ന്, ഗ്രാമ്പൂ- നാലെണ്ണം, ഏലക്ക- രണ്ടെണ്ണം, ടീ ബാഗ്- രണ്ടെണ്ണം, തേങ്ങാപ്പാൽ- മുക്കാൽ കപ്പ്, പഞ്ചസാര – ഒരു ടേബിൾസ്പൂൺ എന്നിവയാണ് തേങ്ങ ചായ തയ്യാറാക്കാൻ ആവശ്യമായ ചേരുവകൾ. ചായ കുടിക്കുമ്പോൾ അസിഡിറ്റിയും നെഞ്ചെരിച്ചിലും അനുഭവപ്പെടുന്നവർക്ക് ധൈര്യമായി കുടിക്കാവുന്ന ഒന്നാണ് തേങ്ങ കൊണ്ടുള്ള ചായ.

: തയ്യാറാക്കുന്ന വിധം: ഒരു പാത്രത്തിൽ 2 കപ്പ് വെള്ളമെടുത്ത് അതിലേക്ക് തക്കോലം, ഗ്രാമ്പൂ, ഏലക്ക എന്നിവയിട്ട് നന്നായി തിളപ്പിക്കുക. തിളച്ച ശേഷം തീ കുറച്ച് 5 മിനിറ്റ് വെയ്ക്കുക. ഈ സമയം സുഗന്ധവ്യഞ്ജനങ്ങളുടെ സത്ത് വെള്ളത്തിൽ ഇറങ്ങാൻ സഹായിക്കും. അതിനുശേഷം അടുപ്പിൽ നിന്നും വാങ്ങിവെക്കാം.

: തയ്യാറാക്കി വെച്ചിരിക്കുന്ന മസാല വെള്ളത്തിലേക്ക് ടീ ബാഗ് ഇട്ട് അഞ്ച് മിനിറ്റ് മൂടി വെക്കുക. ശേഷം ടീ ബാഗ് എടുത്തുമാറ്റി കറുവാപ്പട്ട കൂടി ചേർത്ത് ചായ അരിച്ചെടുത്ത് കപ്പുകളിലേക്ക് പകരാം. മറ്റൊരു സോസ്‌പാനിൽ തേങ്ങാപ്പാലും ആവശ്യത്തിന് പഞ്ചസാരയോ ശർക്കരയോ ചേർത്ത് ചെറുതായി ചൂടാക്കുക. പഞ്ചസാര പൂർണ്ണമായും അലിഞ്ഞു വരുമ്പോൾ അടുപ്പിൽ നിന്നിറക്കാം.

: ചൂടാക്കിയ തേങ്ങാപ്പാൽ നന്നായി അടിച്ചെടുത്ത് കപ്പുകളിലേക്ക് പകർന്നു വെച്ചിരിക്കുന്ന മസാലച്ചായയ്ക്ക് മുകളിലായി ഒഴിച്ചു കൊടുക്കാം. മുകളിൽ അല്പം കറുവാപ്പട്ട പൊടിച്ചത് വിതറി ചൂടോടെ കുടിക്കാം. ഗ്രാമ്പൂ, ഏലക്ക, തക്കോലം എന്നിവ ദഹനക്രിയ വേഗത്തിലാക്കാനും ഗ്യാസ്ട്രബിൾ അകറ്റാനും സഹായിക്കും. അതിനാൽ സാധാരണ ചായ കുടിക്കുമ്പോഴുള്ള ബുദ്ധിമുട്ടുകൾ ഉണ്ടാവില്ല.

Kitchen Tips: പാലപ്പം ഇനി കട്ടിയാവില്ല! അപ്പത്തിൻ്റെ മാവിൽ മറക്കാതെ ചേർക്കേണ്ട രഹസ്യ ചേരുവ

Neethu Vijayan — Mon, 28 Sep 2026 12:00:00 +0530

: പാലപ്പവും വെള്ളയപ്പവും രാവിലെ ബ്രേക്ക് ഫാസ്റ്റിന് ഉണ്ടെങ്കിൽ അന്നത്തെ ദിവസം ഉഷാറാകും. എങ്കിൽ ഇവ ഉണ്ടാക്കുമ്പോൾ പലരും നേരിടുന്ന പ്രധാന പ്രശ്നമാണ് അപ്പത്തിന്റെ നടുഭാഗം കട്ടിയാകുന്നതും വശങ്ങൾ കരിഞ്ഞുപോകുന്നതും. മാവ് കൃത്യമായി പുളിച്ചില്ലെങ്കിലും അരച്ചെടുത്ത കൂട്ടിലെ അളവുകൾ തെറ്റിയാലും അപ്പം പഞ്ഞി പോലെ കിട്ടില്ല. അപ്പം എപ്പോഴും പൂ പോലെ കിട്ടാൻ സഹായിക്കുന്ന ചില രഹസ്യ ചേരുവകൾ നമുക്ക് അറിയാം. (Image Credit Source: Getty Images/ Social Media)

: പച്ചരി കുതിർക്കുമ്പോൾ അതിനൊപ്പം ഒരു പിടി അവലോ പൊരിയോ ചേർത്ത അരച്ചെടുത്താൽ അപ്പത്തിന് അസാധ്യ മൃദുത്വം ലഭിക്കും. ചോറ് ചേർക്കുന്നതിനേക്കാൾ കൂടുതൽ പഞ്ഞി പോലുള്ള ടെക്സ്ചർ നൽകാൻ അവലിന് സാധിക്കുന്നു. അരച്ചെടുത്ത അരിമാവിൽ നിന്ന് രണ്ട് ടേബിൾസ്പൂൺ എടുത്ത് വെള്ളമൊഴിച്ച് കുറുക്കി തണുത്ത ശേഷം മാവിൽ ചേർത്ത് ഇളക്കുന്നത് അപ്പം മൃദുവാകാൻ സഹായിക്കും.

: മാവ് അരയ്ക്കാനും പുളിക്കാൻ വെക്കാനും സാധാരണ വെള്ളത്തിന് പകരം തലേന്നത്തെ തേങ്ങാവെള്ളം ഉപയോഗിച്ചാൽ അപ്പം നല്ല സോഫ്റ്റാവുക മാത്രമല്ല, നല്ല സ്വാദും ലഭിക്കും. അരി കുതിർക്കാൻ വെക്കുമ്പോൾ കാൽ ടീസ്പൂൺ ഉലുവ കൂടി ചേർക്കുക. മാവ് അരച്ച ശേഷം ഒരു ടീസ്പൂൺ പഞ്ചസാര ചേർത്ത് ഇളക്കിവച്ചാൽ മാവ് നല്ലതുപോലെ പൊങ്ങിവരും.

: പച്ചരി കുറഞ്ഞത് 4 മുതൽ 6 മണിക്കൂർ വരെ നന്നായി കുതിർത്തു വെക്കണം. അപ്പത്തിൻ്റെ മാവ് തരി തരിയായിരിക്കരുത്. മിക്സിയിലോ ഗ്രൈൻഡറിലോ തരികളില്ലാതെ വെണ്ണ പോലെ അരച്ചെടുക്കണം. തണുപ്പുള്ള കാലാവസ്ഥയാണെങ്കിൽ മാവ് പുളിച്ചു കിട്ടാൻ 8-10 മണിക്കൂർ വേണം. ചൂടുള്ള സ്ഥലത്ത് വെച്ചാൽ വേഗത്തിൽ പുളിച്ചുകിട്ടും.

: രാവിലെ അപ്പ ചുടുമ്പോൾ മാവ് അല്പം കട്ടി കൂടുതലാണെങ്കിൽ പച്ചവെള്ളം ഒഴിക്കാതെ നേർത്ത ചൂടുള്ള തേങ്ങാപ്പാലോ ഇളംചൂടുവെള്ളമോ ഒഴിച്ച് മാവ് അയച്ചെടുക്കുക. ഈസ്റ്റ് ഉപയോഗിക്കാതെ അപ്പമുണ്ടാക്കാൻ ആഗ്രഹിക്കുന്നവർക്ക് അല്പം സോഡാപ്പൊടിയോ തലേന്നത്തെ തേങ്ങാവെള്ളമോ ചേർത്ത് മാവ് പുളിപ്പിക്കാവുന്നതാണ്.

Food recipes in malayalam, Kerala Food Recipes, Cooking Recipes, Nutrition Tips in Malayalam

Vettu Cake Recipe: ഒരു നൊസ്റ്റാൾജിക് ചായക്കടിയായലോ! വെട്ടുകേക്ക് ഈസിയായി ഉണ്ടാക്കാം; കിടിലൻ കൂട്ട് ഇതാ

Kappa Puttu: കപ്പ മതി! സോഫ്റ്റ് പുട്ട് എളുപ്പത്തിൽ ഉണ്ടാക്കാം; റെസിപ്പി ഇതാ

ആവശ്യമായ ചേരുവകൾ

തയ്യാറാക്കുന്ന വിധം

കപ്പ ആരോഗ്യഗുണങ്ങൾ

English Summary:

Tapioca Buying Tips: നല്ല വേവുള്ള മരച്ചീനി എങ്ങനെ തിരിച്ചറിയാം?; അറിഞ്ഞിരിക്കേണ്ട ചില സൂത്രവിദ്യകൾ

Eggless Omelet Recipe: മുട്ടയില്ലാത്ത ഓംലെറ്റോ… ഈ കിടിലൻ ഐറ്റം തയ്യാറാക്കുന്നത് എങ്ങനെ?

Kitchen Tips: പുളിച്ച തൈര് ഇനി കളയേണ്ട! വീണ്ടും ഉപയോഗിക്കാൻ ഇതാ മികച്ച വഴികൾ

Instant Dosa Batter Recipe: അരിയരച്ച് കാത്തിരിക്കേണ്ട! ദോശമാവ് തയ്യാറാക്കാം 10 മിനിറ്റിൽ; റെസിപ്പി ഇതാ

ആവശ്യമായ ചേരുവകൾ:

തയ്യാറാക്കുന്ന വിധം

ദോശ ഒട്ടിപിടിക്കാതിരിക്കാൻ

English Summary:

Kitchen Tips: പൂ പോലത്തെ സോഫ്റ്റ് പുട്ട് ഉണ്ടാക്കാം; പൊടി കട്ടപിടിക്കാതെ നനച്ചെടുക്കാൻ ഇതാ ടിപ്സ്

പൂ പോലത്തെ പുട്ടിനായി പൊടി നനയ്ക്കാം ഇങ്ങനെ

English Summary:

Peanut Butter Recipe: കടയിൽ നിന്ന് വാങ്ങേണ്ട! പീനട്ട് ബട്ടർ ഇനി വീട്ടിൽ ഉണ്ടാക്കാം; മിനിറ്റുകൾ മതി

ആവശ്യമായ ചേരുവകൾ

തയ്യാറാക്കുന്ന വിധം

English Summary:

Green Chilli Storage Tips: പച്ചമുളകിൻ്റെ ഞെട്ട് കളഞ്ഞ് ഫ്രിഡ്ജിൽ വെച്ചാൽ സംഭവിക്കുന്നത് കണ്ടോ? ഇത് അറിഞ്ഞിരിക്കണം

Amla Resam Rice Recipe: നെല്ലിക്കയിട്ട രസം റൈസ് ഒന്ന് പരീക്ഷിച്ചാലോ?; ഉച്ചയൂണിന് പ്ലേറ്റ് കാലിയാകും

ആവശ്യമായ ചേരുവകൾ

നെല്ലിക്ക രസം റൈസ് തയ്യാറാക്കുന്ന വിധം

നെല്ലിക്ക രസം റൈസ് ​ഗുണങ്ങൾ

English Summary:

Kitchen Tips: ദോശമാവിൽ പുളി കൂടിപ്പോയോ? കളയേണ്ട, വെറും അഞ്ച് മിനിറ്റിൽ ശരിയാക്കാം

Ghee Adulteration Tips: കൈവെള്ളയിൽ വെച്ചാൽ ഉരുകുമോ? നല്ല നെയ്യ് തിരിച്ചറിയാനുള്ള നാടൻ വിദ്യകൾ

Kitchen Tips And Tricks: ഇഡ്ഡലി മാവിൽ ഒരു പച്ചമുളക് ഇട്ട് വെക്കൂ; പഞ്ഞിപോലെയുള്ള ഇഡ്ഡലിക്കും ദോശയ്ക്കും വേറെന്ത് വേണം

Wheat Flour Recipe: ഗോതമ്പ് ഉണ്ടയ്ക്ക് ഇത്രയും രുചിയോ?; കുഴക്കാതെ, പരത്താതെ ടേസ്റ്റി ബോണ്ട ഉണ്ടാക്കാം

ആവശ്യമായ ചേരുവകൾ:

ഗോതമ്പ് ബോണ്ട തയ്യാറാക്കുന്ന വിധം

English Summary:

Bitter Gourd Cooking Tips: പാവയ്ക്ക കുട്ടികളും കഴിക്കും! കൈപ്പ് ഒട്ടും ഇല്ലാതെ കറിവെക്കാൻ ഈ പൊടിക്കൈകൾ അറിയാം

Maggi Masala Making: വെറും 10 മിനിറ്റിൽ മാഗി മസാല വീട്ടിൽ ഉണ്ടാക്കാം; രഹസ്യ കൂട്ടുകൾ ഇതാ

Cooking Tips: ഇനി വെണ്ടയ്ക്ക ഒട്ടിപ്പിടിക്കില്ല! വഴുവഴുപ്പ് മാറി ക്രിസ്പിയാകാൻ ഈ ഒരു മാജിക് ടിപ്പ് മതി

Pickle Preservation Tips: അച്ചാർ പാത്രത്തിൽ ഇത് ഒഴിച്ചു കൊടുക്കൂ! പൂപ്പൽ എന്നെന്നേക്കുമായി വിടപറയും

Spinach Potato Pakoda Recipe: കറുമുറെ കഴിക്കാൻ ചീര- ഉരുളക്കിഴങ്ങ് പക്കോട; പാത്രം കാലിയാകുന്നത് അറിയില്ല

ആവശ്യമായ സാധനങ്ങൾ:

തയ്യാറാക്കുന്ന വിധം:

ചീര കഴിക്കുന്നതിൻ്റെ ​ഗുണങ്ങൾ

English Summary:

Kitchen Tips: ഒട്ടിപിടിക്കില്ല, പൊടി ഇല്ലാതെ ഹോട്ടൽ സ്റ്റൈലിൽ ചപ്പാത്തി പരത്താം; ട്രിക്കിതാ

Fishless Fish Curry Recipe: മീനില്ലാതെ മീൻകറിയുണ്ടാക്കാം! ഉച്ചയൂണിന് മറ്റെന്ത് വേണം; തയ്യാറാക്കുന്ന വിധം

Beef Jackfruit Seed Curry: ബീഫും ചക്കക്കുരുവും ചേർന്നാൽ ചോറിന് വേറെ കറി വേണ്ട! എളുപ്പത്തിൽ തയാറാക്കാം

Oil Free Poori Recipe: കുക്കറിൽ പൂരിയുണ്ടാക്കാം? എണ്ണ ഒട്ടും വേണ്ട; എളുപ്പവഴി ഇതാ

Cucumber Shot Recipe: ഇൻസ്റ്റാഗ്രാമിൽ ട്രെൻഡിംഗ്: 2 മിനിറ്റിൽ ഉണ്ടാക്കാം കുക്കുമ്പർ ഷോട്ട്സ്

Spoiled Milk Recipe: പാൽ പിരിഞ്ഞുപോയോ? മിനിറ്റുകൾക്കുള്ളിൽ വായിൽ അലിയുന്ന ഈ മധുരം തയ്യാറാക്കാം

തയ്യാറാക്കുന്ന വിധം

പാൽ പിരിഞ്ഞുപോകുന്നത് തടയാൻ

English Summary:

Moringa Idli Recipe: മുരിങ്ങയിലകൊണ്ട് ഇഡ്ഡലിയോ… ആരും കഴിച്ചുപോകും ഈ പച്ച ഇഡ്ഡലി: കിടിലൻ റെസിപ്പി

Green Masala Fish Fry Recipe: ഹോട്ടൽ സ്റ്റൈൽ ഗ്രീൻ മസാല ഫിഷ് ഫ്രൈ വീട്ടിലുണ്ടാക്കാം; രഹസ്യക്കൂട്ട് ഇതാ

Pongu curry: പൊങ്ങ് കിട്ടിയോ? ചപ്പാത്തിക്ക് പറ്റിയ കറി റെഡിയാക്കാം; റെസിപ്പി ഇതാ…

Aval Kesari Recipe: റവ വേണ്ട, സേമിയ വേണ്ട; കേസരി ഉണ്ടാക്കാൻ അവൽ ധാരാളം, റെസിപ്പി അറിയണ്ടേ

Hair Growth Green Laddu: മുടി കാടുപോലെ വളരാൻ പച്ച ലെഡു: ഈ രഹസ്യ മരുന്നിൻ്റെ റെസിപ്പി ഇതാ

Bread Storage Tips: ബ്രെഡ് പൂത്തുപോകാതെ ഏറെനാൾ സൂക്ഷിക്കണോ?; ഈ അബദ്ധങ്ങൾ ഒഴിവാക്കണം

Coconut Tea Recipe: തേങ്ങ ചായ കുടിച്ചിട്ടുണ്ടോ? പാൽ വേണ്ട തേങ്ങ മതി ചായ ഉണ്ടാക്കാൻ; റെസിപ്പി ഇതാ

Kitchen Tips: പാലപ്പം ഇനി കട്ടിയാവില്ല! അപ്പത്തിൻ്റെ മാവിൽ മറക്കാതെ ചേർക്കേണ്ട രഹസ്യ ചേരുവ

നെല്ലിക്ക രസം റൈസ് ഗുണങ്ങൾ

ചീര കഴിക്കുന്നതിൻ്റെ ഗുണങ്ങൾ