മുടി കൊഴിച്ചിൽ തടയാനും മുടി നന്നായി വളരാനും അധികംപേരും ഇന്ന് ആശ്രയിക്കുന്ന ഒന്നാണ് റോസ്‌മേരി. കെമിക്കലുകൾ അടങ്ങിയ ഉൽപ്പന്നങ്ങൾക്ക് പകരം റോസ്‌മേരി വെള്ളവും എണ്ണയും ഉപയോഗിക്കുന്നത് മുടിയുടെ ആരോഗ്യം വർദ്ധിപ്പിക്കും. ഇത്തരത്തിൽ റോസ്മേരി ഉപയോ​ഗിക്കാൻ നമ്മൾ കടകളിൽ നിന്ന് എണ്ണയും ഉണങ്ങിയ ഇലകളും വാങ്ങുകയാണ് പതിവ്. ചെടികൾ വാങ്ങിവച്ചാൽ പലരും പരാതിപ്പെടുന്ന കാര്യമാണ് കുറച്ചു ദിവസങ്ങൾക്കുള്ളിൽ കരിഞ്ഞുപോകുന്നു എന്നത്.

വിദേശ രാജ്യങ്ങളിൽ മാത്രം കണ്ടുവന്നിരുന്ന ഒന്നാണ് റോസ്മേരി ചെടികൾ. എന്നൽ ഇന്നവ നമ്മുടെ വീടുകളിലും കണ്ടുവരുന്നുണ്ട്. വീടുകളിൽ റോസ്‌മേരി ചെടി യാതൊരു കേടുപാടും കൂടാതെ പച്ചപിടിച്ചു വളരാൻ ചില കാര്യങ്ങളൊന്ന് ശ്രദ്ധിച്ചാൽ മതിയാകും. അവ എന്തെല്ലാമെന്ന് നോക്കി കൃത്യായി റോസ്മേരി വളർത്തിയെടുക്കാം നമുക്ക്.

ALSO READ: സവാള വാരിവലിച്ച് എടുക്കല്ലേ! കടയിൽ നിന്ന് വാങ്ങുമ്പോൾ ചിലതൊക്കെ ശ്രദ്ധിക്കണം

റോസ്മേരി വീട്ടിൽ വളർത്താൻ ചില വഴികൾ

സൂര്യപ്രകാശം അത്യാവശ്യം: റോസ്‌മേരി ഒരു മെഡിറ്ററേനിയൻ സസ്യമാണ്. അതിനാൽ ഇതിന് ദിവസവും കുറഞ്ഞത് ആറ് മണിക്കൂറെങ്കിലും നന്നായി സൂര്യപ്രകാശം കിട്ടിയേ തീരൂ. വീടിനുള്ളിൽ വെക്കുന്നതിനേക്കാൾ ബാൽക്കണിയിലോ ടെറസിലോ വെയിൽ ലഭിക്കുന്ന സ്ഥലത്ത് വെക്കുന്നതാണ് ഏറ്റവും നല്ലത്.

വെള്ളമൊഴിക്കുമ്പോൾ ശ്രദ്ധിക്കേണ്ടത്: റോസ്‌മേരി ചെടി പെട്ടെന്ന് കരിഞ്ഞുപോകാനുള്ള പ്രധാന കാരണം അമിതമായി വെള്ളമൊഴിക്കുന്നതാണ്. വേര് ചീഞ്ഞുപോകാതിരിക്കാൻ മണ്ണ് പൂർണ്ണമായും ഉണങ്ങിയ ശേഷം മാത്രമെ അടുത്ത തവണ വെള്ളമൊഴിക്കാവൂ. അമിതമായി വെള്ളമൊഴിച്ചാൽ ചെടി പെട്ടെന്ന് നശിച്ചുപോകും.

നല്ല നീർവാർച്ചയുള്ള മണ്ണ്: റോസ്മേരി നട്ടുപിടിപ്പിക്കുന്ന ചട്ടികളിൽ വെള്ളം കെട്ടിനിൽക്കാൻ പാടില്ല. സാധാരണ മണ്ണിൽ അല്പം മണലും ചകിരിച്ചോറും ചേർത്ത് വെള്ളം ഇറങ്ങിപ്പോകുന്ന തരത്തിലുള്ള അയഞ്ഞ മണ്ണ് വേണം റോസ്മേരി നട്ടുവളർത്താൻ ഒരുക്കേണ്ടത്. ചട്ടിയുടെ അടിയിൽ ഡ്രൈനേജ് ഹോൾ ഉറപ്പാക്കണം.

കൃത്യമായ പ്രൂണിംഗ്: റോസ്മേരി ചെടിയുടെ തലപ്പുകൾ ഇടയ്ക്കിടെ മുറിച്ചു കൊടുക്കുക. ഇത് ചെടി കൂടുതൽ ശാഖകളായി പടർന്നു പന്തലിക്കാനും തഴച്ചുവളരാനും സഹായിക്കും. മുടിവളർച്ചയ്ക്കായി ഇതിന്റെ ഇലകൾ പറിച്ചെടുത്ത് ഉപയോഗിക്കുകയും ചെയ്യാം.

മുടിവളർച്ചയ്ക്ക് റോസ്‌മേരി വാട്ടർ വീട്ടിൽ തയ്യാറാക്കുന്ന വിധം

• അദ്യം തന്നെ റോസ്‌മേരിയുടെ പുതിയ ഇലകൾ നന്നായി കഴുകിയെടുക്കുക. ഉണങ്ങിയ ഇലകളാണെങ്കിലും നല്ലതാണ്.
• ഒരു പാത്രത്തിൽ രണ്ട് ഗ്ലാസ് വെള്ളമെടുത്ത് ഇതിലേക്ക് ഇലകൾ ചേർത്ത് 10-15 മിനിറ്റ് തിളപ്പിക്കുക.
• വെള്ളത്തിന്റെ നിറം മാറി തെളിയുമ്പോൾ തീ ഓഫ് ചെയ്ത് തണുക്കാൻ അനുവദിക്കുക.
• ഇത് ഒരു സ്പ്രേ ബോട്ടിലിൽ ആക്കി തലയോട്ടിയിലും മുടിയിലും സ്പ്രേ ചെയ്താൽ മുടി വളർച്ച ഇരട്ടിയാകും.

English Summary:

Want to keep your rosemary plant lush, green, and thriving without it wilting away. By a few essential gardening secrets, such as ensuring full sunlight, avoiding overwatering, and using well-draining soil get rosemary fast growth.

ഇൻഡോർ ചെടികൾക്ക് ഇന്ന് മലയാളികൾക്കിടയിൽ ഡിമാൻഡ് കൂടുതലാണ്. വീടുകൾക്ക് ഭംഗിയും മനസിന് ഉന്മേഷനും നൽകാൻ ഹാളിലെയും റൂമിലെയും ബാൽക്കണിയിലെയും ചെടികൾക്ക് സാധിക്കും. എന്നാൽ വേണ്ടത്ര ശ്രദ്ധ ലഭിക്കാത്തത് കൊണ്ടോ മറ്റ് ചില അബദ്ധങ്ങൾ കാരണമോ ഈ ചെടികൾ പെട്ടെന്ന് വാടിപ്പോകാനും കരിഞ്ഞുണങ്ങി പോകാനും സാധ്യതയുണ്ട്. ഇൻഡോർ ചെടികൾ കൃത്യമായി എങ്ങനെ പരിചരിക്കണമെന്ന് മനസ്സിലാക്കിയാലോ....

ഇൻഡോർ ചെടികളുടെ പരിപാലനം

ഇൻഡോർ ചെടികൾ ഉണങ്ങിപ്പോകാനുള്ള ഏറ്റവും പ്രധാനപ്പെട്ട കാരണം വെള്ളം നൽകുന്നതിലെ അളവിലുള്ള വ്യത്യാസമാണ്. ചെടികൾക്ക് ആവശ്യമില്ലാത്തത്ര വെള്ളം നിരന്തരമായി ഒഴിക്കുമ്പോൾ വേരുകൾ ചീഞ്ഞുപോകാൻ തുടങ്ങും. ഇത് ചെടിയുടെ ഇലകൾ മഞ്ഞനിറത്തിലാകാനും പിന്നീട് കരിഞ്ഞുപോകാനും കാരണമാകും.

അതേസമയം, ആവശ്യത്തിന് നനയ്ക്കാതിരുന്നാലും ചെടികൾ ഉണങ്ങിപ്പോകും. മണ്ണിലെ ഈർപ്പം പൂർണ്ണമായി നഷ്ടപ്പെടുമ്പോൾ ചെടികൾക്ക് ജീവജലം ലഭിക്കാതെ വരുന്നു. അതിനാൽ, ചെടിയുടെ മണ്ണ് പരിശോധിച്ച ശേഷം മാത്രം വെള്ളം ഒഴിക്കുക. മണ്ണിൽ തൊടുമ്പോൾ നനവില്ലെങ്കിൽ മാത്രം നനയ്ക്കുക. കൂടാതെ ചട്ടികളിൽ വെള്ളം കെട്ടിക്കിടക്കാതിരിക്കാൻ ഡ്രെയിനേജ് ദ്വാരങ്ങൾ ഉണ്ടെന്നും ഉറപ്പാക്കേണ്ടതാണ്.

ALSO READ: വീട്ടില്‍ ഒരിക്കലും വളര്‍ത്താന്‍ പാടില്ലാത്ത ചെടികള്‍; ഐശ്വര്യം കുറയ്ക്കും

സൂര്യപ്രകാശത്തിന്റെ ലഭ്യത

ചില ഇൻഡോർ ചെടികൾക്ക് നേരിട്ടുള്ള വെയിൽ ആവശ്യമില്ലെങ്കിലും, വെളിച്ചമേതുമില്ലാത്ത ഇരുണ്ട മുറികളിൽ വെക്കുന്ന ചെടികൾ പ്രകാശസംശ്ലേഷണം നടക്കാനാകാതെ ഉണങ്ങിപ്പോകാറുണ്ട്. അതേസമയം, ശക്തമായ സൂര്യപ്രകാശമുള്ള ജനലരികിൽ വെക്കുന്ന ചില തണൽ ഇഷ്ടപ്പെടുന്ന ചെടികളുടെ ഇലകൾ പൊള്ളലേറ്റ് കരിഞ്ഞുപോകാം. ഇതിന് പരിഹാരമായി, നിങ്ങളുടെ ചെടിയുടെ സ്വഭാവമറിഞ്ഞ് അനുയോജ്യമായ വെളിച്ചം ലഭിക്കുന്ന സ്ഥലത്തേക്ക് മാറ്റിവെക്കേണ്ടതാണ്. ആവശ്യത്തിന് സ്വാഭാവിക വെളിച്ചമില്ലാത്ത ഇടങ്ങളാണെങ്കിൽ ഗ്രോ ലൈറ്റുകൾ ഉപയോഗിക്കാം.

വായുവിന്റെ ഈർപ്പക്കുറവ്

അന്തരീക്ഷത്തിലെ ഈർപ്പം ഗണ്യമായി കുറയുന്നത് മണിപ്ലാന്റ് അടക്കമുള്ള പല ഇൻഡോർ ചെടികളുടെയും ഇലകളുടെ അഗ്രം കരിഞ്ഞുപോകാൻ കാരണമാകും. അതിനാൽ ഇടയ്ക്കിടെ ചെടിയുടെ ഇലകളിൽ വെള്ളം സ്പ്രേ ചെയ്തു കൊടുക്കുക അല്ലെങ്കിൽ മുറിയിൽ ഒരു ഹ്യുമിഡിഫയർ  ഉപയോഗിക്കുക.

പോഷകങ്ങളുടെ കുറവ്

ചെടികൾ വളർന്നു വരുമ്പോൾ ചട്ടിയിലെ മണ്ണിലുള്ള പോഷകങ്ങൾ തീർന്നുപോകും. കൂടാതെ ആവശ്യത്തിന് വായുസഞ്ചാരമില്ലാത്ത കട്ടിയുള്ള മണ്ണാണെങ്കിലും വേരുകൾക്ക് വളർച്ച കിട്ടില്ല. അതിനാൽ, വർഷത്തിലൊരിക്കലെങ്കിലും മണ്ണ് മാറ്റി പുതിയ പോഷകസമ്പുഷ്ടമായ മണ്ണോ കമ്പോസ്റ്റോ നൽകേണ്ടതാണ്. ജൈവ വളങ്ങളും നൽകുക.

English Summary:

Indoor plants may become dry and unhealthy due to insufficient watering, low humidity, poor soil quality, inadequate lighting, or overwatering that causes root rot. To keep plants healthy, establish a watering routine based on each plant’s needs and check the top inch of soil before watering.

രാവിലെ ജിമ്മിൽ പോയി വർക്കൗട്ട് ചെയ്തതുകൊണ്ട് മാത്രം പൂർണ്ണ ആരോഗ്യവാനായി എന്ന് കരുതാൻ വരട്ടെ. വ്യായാമം ചെയ്യുന്നവരാണെങ്കിലും ദിവസം മുഴുവൻ ഇരിക്കുന്ന സ്വഭാവമുള്ളവരാണെങ്കിൽ അത് ആരോഗ്യത്തിന് വലിയ ഭീഷണിയാണ് സൃഷ്ടിക്കുന്നത്. മണിക്കൂറുകൾ നീണ്ട ഇരിപ്പ് ശരീരത്തെ മാത്രമല്ല തലച്ചോറിനെയും ബാധിക്കുന്നുവെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്. തുടർച്ചയായി ഒരേയിടത്ത് ഇരിക്കുന്നത് ഉത്കണ്ഠയ്ക്കും വിഷാദരോഗത്തിനും കാരണമാകുമെന്ന് പഠനങ്ങൾ പറയുന്നു. ഇടവേളകളില്ലാതെയുള്ള ഇരിപ്പ് തലച്ചോറിലേക്കുള്ള രക്തയോട്ടം കുറയ്ക്കുകയും അത് നമ്മുടെ മാനസികാവസ്ഥയെ പ്രതികൂലമായി ബാധിക്കുകയും ചെയ്യും. അമിതമായ ഇരിപ്പ് അകാല മരണ സാധ്യത വർധിപ്പിക്കുന്നുണ്ട്. ഇതുകൊണ്ടാണ് ഇത്തരം ജീവിതശൈലിയെ 'സിറ്റിംഗ് ഡിസീസ്' എന്ന് വിളിക്കുന്നത്.

പലർക്കും അറിയാത്ത മറ്റൊരു കാര്യമുണ്ട്. രാവിലെ ഒരു മണിക്കൂർ കഠിനമായി വ്യായാമം ചെയ്ത ശേഷം ബാക്കി 15 മണിക്കൂറും ഇരുന്നുകൊണ്ട് ജോലി ചെയ്യുന്നതുകൊണ്ട് വലിയ കാര്യമില്ല. ചിട്ടയായ വ്യായാമത്തിനൊപ്പം തന്നെ ദിവസം മുഴുവനുമുള്ള ശാരീരിക ചലനങ്ങളും അത്യാവശ്യമാണ്. കൂടുതൽ സമയമെടുത്ത് ചെയ്യുന്ന ശാരീരിക പ്രവർത്തനങ്ങൾക്ക് മാത്രമേ ഇരിപ്പ് മൂലമുണ്ടാകുന്ന അപകടസാധ്യതകളെ ഒരു പരിധിവരെ ഇല്ലാതാക്കാൻ കഴിയൂ.

Also Read: ഡെഡ് ഹാങ്: ബാറിൽ വെറുതെ തൂങ്ങിക്കിടക്കാം; ആരോഗ്യ ഗുണങ്ങൾ ചെറുതല്ല

ഏറെക്കാലമായി തുടരുന്ന ഈ ശീലം മാറ്റിയെടുക്കാൻ സാധിക്കില്ല എന്ന് കരുതേണ്ട. ഇരിപ്പിനിടയിൽ ചെറിയ ഇടവേളകൾ നൽകുന്നത് ദിവസങ്ങൾക്കുള്ളിൽ തന്നെ മെറ്റബോളിസം മെച്ചപ്പെടുത്താൻ സഹായിക്കും. സ്ഥിരമായ ചലനങ്ങളും സ്ട്രെങ്ത് വർക്കൗട്ടുകളും വഴി പേശികളുടെ കരുത്തും ശരീരത്തിൻ്റെ പോസ്ചറും എളുപ്പത്തിൽ വീണ്ടെടുക്കാൻ കഴിയും. ഓരോ 30 മുതൽ 60 മിനിറ്റ് കൂടുമ്പോഴും എഴുന്നേൽക്കുക എന്നതാണ് ഏറ്റവും പ്രധാനം. ജിമ്മിലെ വ്യായാമത്തേക്കാൾ ശ്രദ്ധിക്കേണ്ട ശീലമാണിത്. ഫോൺ ചെയ്യുമ്പോൾ നടക്കുക, ലിഫ്റ്റിന് പകരം കോണിപ്പടികൾ ഉപയോഗിക്കുക തുടങ്ങിയ ദൈനംദിന ചലനങ്ങൾ വർധിപ്പിക്കുക.

ദീർഘനേരമുള്ള ഇരിപ്പ് കാരണം ദുർബലമാകുന്ന ഗ്ലൂട്ട്സ്, കോർ, അപ്പർ ബാക്ക് തുടങ്ങിയ പേശികൾക്ക് കരുത്ത് നൽകുന്ന വ്യായാമങ്ങളും സ്ട്രെച്ചിങ്ങും ശീലമാക്കുക. ഇരുന്നുകൊണ്ടുള്ള ജോലിക്ക് പകരം ഇടയ്ക്ക് എഴുന്നേറ്റ് നിൽക്കാൻ കഴിയുന്ന സ്റ്റാൻഡിംഗ് ഡെസ്കുകൾ ഉപയോഗിക്കുന്നത് നല്ലതാണ്. എന്നാൽ ഒരേ നിൽപ്പിൽ തുടരുന്നതിനേക്കാൾ ചലിച്ചുകൊണ്ടിരിക്കുന്നതാണ് കൂടുതൽ ഗുണം ചെയ്യുക. ദൈനംദിന ചലനങ്ങൾക്ക് പകരമായിട്ടല്ല, മറിച്ച് അതിനൊപ്പം കാർഡിയോ, സ്ട്രെങ്ത് ട്രെയിനിങ് എന്നിവ ഉൾപ്പെടുന്ന ചിട്ടയായ വ്യായാമവും ദിനചര്യയുടെ ഭാഗമാക്കുക.

English Summary

Prolonged sitting increases the risk of depression and premature mortality. A single daily workout cannot offset a sedentary lifestyle. Counter the "sitting disease" by taking frequent breaks and moving consistently.

വ്യായാമങ്ങളിൽ ഏറ്റവും ലളിതവും എന്നാൽ അധികമാരും ശ്രദ്ധിക്കാത്തതുമായ ഒന്നാണ് 'ഡെഡ് ഹാങ്' ഉയരത്തിലുള്ള ഒരു ബാറിൽ പിടിച്ച് കൈകൾ നിവർത്തി ശരീരം താഴേക്ക് സ്വതന്ത്രമായി തൂക്കിയിടുന്നതാണ് ഈ വ്യായാമം. ഇതിൽ ശരീരം മുകളിലേക്ക് ഉയർത്തുകയോ മറ്റ് ചലനങ്ങളോ ആവശ്യമില്ല. പുറമെ കാണാൻ വളരെ ലളിതമാണെങ്കിലും ശരീരത്തിന് ഈ വ്യായാമം നൽകുന്ന ഗുണങ്ങൾ ചെറുതല്ല.

ഇതൊരു സാധാരണ സ്ട്രെച്ചിങ് മാത്രമല്ല. ശരീരഭാരം മുഴുവൻ കൈകളിൽ താങ്ങുന്നത് വഴി ഗ്രിപ്പ് സ്ട്രെങ്ത് വർധിക്കും. കൈകളിലെയും പേശികൾക്കും മികച്ച കരുത്ത് ലഭിക്കും. ശരീരം താഴേക്ക് വലിയുമ്പോൾ നട്ടെല്ലിന് അയവ് ലഭിക്കുകയും വെർട്ടെബ്രകൾക്കിടയിൽ വിടവ് ഉണ്ടാവുകയും ചെയ്യുന്നു. ദിവസം മുഴുവൻ കസേരയിലിരുന്ന് ജോലി ചെയ്യുന്നവർക്ക് നട്ടെല്ലിനുണ്ടാകുന്ന സമ്മർദ്ദം കുറയ്ക്കാൻ ഇത് മികച്ച ഒരു വ്യായാമമാണ്. കൂടാതെ, കൈകൾ മുകളിലേക്ക് ഉയർത്തിപ്പിടിക്കുന്നത് തോളുകൾക്കും, ലാറ്റ്സ് മസിലുകൾക്കും സ്ട്രെച്ചിങ് നൽകുന്നു. ഇതിലൂടെ ശരീരത്തിൻ്റെ പോസ്ചർ ശരിയാക്കാനും സാധിക്കും

17 രാജ്യങ്ങളിലായി ഏകദേശം 1,40,000 മുതിർന്ന ആളുകളിൽ നടത്തിയ പഠനമനുസരിച്ച്, ഗ്രിപ് സ്ട്രെങ്തിൽ ഉണ്ടാകുന്ന ഓരോ അഞ്ച് കിലോഗ്രാമിൻ്റെ കുറവും മരണസാധ്യത 16 ശതമാനം വരെ വർധിപ്പിക്കുന്നുവെന്ന് കണ്ടെത്തിയിട്ടുണ്ട്. രക്തസമ്മർദ്ദത്തേക്കാൾ കൃത്യമായി ആരോഗ്യനില പ്രവചിക്കാൻ ഗ്രിപ്പ് സ്ട്രെങ്ത്തിന് സാധിക്കും. ഗ്രിപ്പ് സ്ട്രെങ്ത് വർദ്ഹിപ്പിക്കാനുള്ള ഏറ്റവും മികച്ച മാർഗ്ഗമാണ് ഡെഡ് ഹാങ്.

Also Read: Stress Eating: സ്ട്രെസ് കൂടുമ്പോൾ നിങ്ങൾ അമിതമായി ഭക്ഷണം കഴിക്കാറുണ്ടോ? പിന്നിലെ യഥാർത്ഥ കാരണം ഇതാണ്!

പ്രായമാകുന്തോറും കൈകളുടെ കരുത്ത് കുറഞ്ഞുവരുന്നത് സ്വാഭാവികമാണ്. അതിനാൽ ഈ വ്യായാമം ഏത് പ്രായക്കാർക്കും ഗുണം ചെയ്യും. തുടക്കക്കാർക്ക് 10 മുതൽ 20 സെക്കൻഡ് വരെ തൂങ്ങിക്കിടക്കാൻ ശ്രമിക്കാം. പിന്നീട് ഇത് പടിപടിയായി 30 മുതൽ 60 സെക്കൻഡ് വരെ വർധിപ്പിക്കാം. പൂർണ്ണമായും ശരീരം അയച്ചിടുന്നതിന് പകരം തോളുകൾക്ക് നേരിയ തോതിൽ ബലം നൽകാൻ ശ്രദ്ധിക്കുക. ഇതിനായി സുരക്ഷിതമായി ഉറപ്പിച്ച ബാറുകൾ മാത്രം ഉപയോഗിക്കുക.

തോളുകൾക്കോ കൈക്കുഴകൾക്കോ പരിക്കുള്ളവർ ഡോക്ടറുടെ നിർദ്ദേശം തേടിയ ശേഷം മാത്രമേ ഇത് ചെയ്യാവൂ എന്നത് പ്രത്യേകം ശ്രദ്ധിക്കണം. മറ്റ് പ്രധാന വ്യായാമങ്ങൾക്ക് പകരമായി ഇതിനെ കാണരുത്. നിങ്ങളുടെ ദിനചര്യകൾക്കൊപ്പം ദിവസവും അല്പനേരം ഡെഡ് ഹാങ് ചെയ്യുന്നത് കരുത്ത് വർധിപ്പിക്കാനും കൂടുതൽ കാലം ആരോഗ്യത്തോടെയിരിക്കാനും സഹായിക്കും.

English Summary

The dead hang is a simple yet highly effective exercise that builds grip strength, decompresses the spine, and improves shoulder health. Research shows a strong grip is linked to longevity.

അരകല്ല് അമ്മിക്കല്ല് എന്നൊക്കെ പറയുന്നത് ഇന്നാർക്കും അത്ര പരിചയം ഉണ്ടാകില്ല. പണ്ടുകാലത്ത് പാചകമെന്ന് പറഞ്ഞാൽ ഇവ രണ്ടും ആയിരുന്നു. ഇന്ന് കാലം മാറി സ്വിച്ചിട്ടാൽ എല്ലാം റെഡിയാകും. ഇന്നൊരു വീട്ടിലും അരകല്ലോ അമ്മികല്ലോ കാണാനില്ല എന്നതാണ് വാസ്തവം. പക്ഷേ ആ അരകല്ലിൽ അരച്ച് തയ്യാറാക്കുന്ന വിഭവങ്ങൾക്ക് വേറിട്ടൊരു രുചിയും മണവും ഉണ്ടെന്ന് പറഞ്ഞാൽ തള്ളികളയാനാകില്ല. സാങ്കേതികവിദ്യയുടെ വളർച്ചയോടെ മിക്സികളും പ്രോസസറുകളും അടുക്കള കീഴടക്കിയെങ്കിലും, അരക്കല്ലിൽ അരച്ച് കഴിക്കുന്നത് ആരോഗ്യത്തിന് തികച്ചും നല്ലതാണ്.

അരകല്ലിൽ അരച്ച് കഴിക്കുന്നത് ആരോഗ്യത്തിന് എങ്ങനെ ഗുണം ചെയ്യുന്നുവെന്നും, ഉപയോഗിക്കുമ്പോൾ ശ്രദ്ധിക്കേണ്ട പ്രധാന കാര്യങ്ങളും നമുക്ക് നോക്കാം. പോഷകമൂല്യങ്ങളും ജീവകങ്ങളും നഷ്ടപ്പെടുന്നില്ല: മിക്സിയിൽ ഉയർന്ന വേഗതയിൽ ബ്ലേഡ് കറങ്ങുമ്പോൾ ഉണ്ടാകുന്ന അമിതമായ ചൂട് ചേരുവകളിലെ വിറ്റാമിനുകൾ, അവശ്യ എണ്ണകൾ, ആന്റിഓക്സിഡന്റുകൾ എന്നിവ നശിപ്പിക്കാനുള്ള സാധ്യത കൂടുതലാണ്. എന്നാൽ അരക്കല്ലിലെ പതുക്കെയുള്ള സ്ലോ-ഗ്രൈൻഡിംഗ് രീതി ചൂട് ഉണ്ടാക്കുന്നില്ല. അതിനാൽ സുഗന്ധവ്യഞ്ജനങ്ങളിലെയും പച്ചക്കറികളിലെയും സ്വാഭാവിക ഗുണങ്ങൾ പൂർണ്ണമായും നിലനിൽക്കുന്നു.

ALSO READ: വെറും വയറ്റിൽ പച്ചവെള്ളം കുടിക്കുന്നത് എന്തിന്? ആരോഗ്യ വിദ​ഗ്ധർ പറയുന്നത് അറിയൂ

സ്വാഭാവിക രുചിയും മണവും: അരകല്ലിൽ ചേരുവകൾ അരയുമ്പോൾ അവയിലെ സ്വാഭാവിക എണ്ണകളും നീരും ഒരേപോലെ പുറത്തുവന്ന് നന്നായി ആ മിക്സ് തയ്യാറാകുന്നു. അങ്ങനെയാണ് അരകല്ലിൽ അരച്ചെടുക്കുന്ന ചമ്മന്തികൾക്കും കറികൾക്കും മിക്സിയിൽ അരച്ചെടുക്കുന്നതിനേക്കാൾ ഇരട്ടി രുചിയും മണവും ലഭിക്കുന്നത്.

മികച്ച ദഹനശക്തി: അരകല്ലിൽ പരമ്പരാഗത രീതിയിൽ അരച്ചെടുക്കുന്ന ഭക്ഷണപദാർത്ഥങ്ങൾ ചവച്ചരച്ച് കഴിക്കാനും അവ വയറ്റിലെത്തിയാൽ ദഹിക്കാനും വളരെ എളുപ്പമാണ്. കൂടാതെ ചേരുവകളിലെ നാരുഘടകങ്ങൾ കൂടുതൽ കേടുപാടുകൾ കൂടാതെ നിലനിൽക്കുന്നു.

നല്ലൊരു കൈ വ്യായാമം: അരകല്ലിൽ അരയ്ക്കുന്നത് കൈകൾ, തോളുകൾ, പുറം ഭാഗം എന്നിവയ്ക്ക് ഒരു മികച്ച വ്യായാമമാണ്. ഈ പ്രവർത്തിയിൽ എടുത്തുപറയേണ്ടതും ഇതുതന്നെയാണ്. കൈകളിലെ പേശികളെ ശക്തിപ്പെടുത്താനും ശരീരത്തിലെ അധിക കലോറി എരിച്ചുകളയാനും ഇത് സഹായിക്കുന്നു.

ശ്രദ്ധിക്കേണ്ടത് എന്തെല്ലാം?

അരക്കല്ല് ആരോഗ്യത്തിന് വളരെ നല്ലതാണെങ്കിലും ചില മുൻകരുതലുകൾ എടുത്തില്ലെങ്കിൽ ഇത് ദോഷകരമാകാം

കല്ലിന്റെ പൊടി കലരുന്നത്: പുതിയ അരകല്ല് മയക്കാതെ അതായത് പരവം ആക്കാതെ നേരിട്ട് ഉപയോഗിച്ചാൽ കല്ലിന്റെ ചെറിയ തരികൾ ഭക്ഷണത്തിൽ കലരാൻ ഇടയുണ്ട്. ഇത് വയറിന് അസ്വസ്ഥത ഉണ്ടാക്കാം.

ശുചിത്വം: അരകല്ലും അമ്മിക്കലും ഉപയോഗത്തിന് ശേഷം ശരിയായി കഴുകി ഉണക്കി സൂക്ഷിച്ചില്ലെങ്കിൽ പൂപ്പലോ ബാക്ടീരിയയോ വളരാൻ സാധ്യതയുണ്ട്. അതിനാൽ അരച്ചതിന് ശേഷം വെള്ളമൊഴിച്ച് ഉരച്ച് കഴുകണം. ഇല്ലെങ്കിൽ അവശിഷ്ടങ്ങൾ കല്ലിൻ്റെ വിടവുകളിൽ ഇരിക്കും.

കൈവേദനയുള്ളവർ: സന്ധിവാതം, തോളെല്ല് വേദന എന്നിവയുള്ളവർ അരകല്ല് ഉപയോഗിക്കുമ്പോൾ അമിതമായി സമ്മർദ്ദം നൽകരുത്.

English Summary:

Old stone grinder nowadays rarely seen in our kitchens. But it is believed that the modern mixies can't match the taste of chutney ground on the old stone grinder.

കേരളത്തിൽ തുലാമഴയും ബംഗാൾ ഉൾക്കടലിലെ ന്യൂനമർദ്ദ സാന്നിധ്യവും കാരണം കനത്ത മഴ തുടരുന്ന സാഹചര്യമാണ് നിലവിലുള്ളത്. ഇതേതുടർന്ന മലയോര മേഖലകളിലും പ്രധാന വിനോദസഞ്ചാര കേന്ദ്രങ്ങളിലും ദുരന്തനിവാരണ അതോറിറ്റിയും വനം വകുപ്പും കർശന യാത്രാവിലക്കാണ് ഏർപ്പെടുത്തിയിരിക്കുന്നത്. തിരുവനന്തപുരം ജില്ലയിലെ പൊന്മുടി ഇക്കോ ടൂറിസം കേന്ദ്രം, ഇടുക്കി, വയനാട്, ഗവി, വാഗമൺ തുടങ്ങിയ പ്രധാന മലയോര ടൂറിസ്റ്റ് കേന്ദ്രങ്ങളിലെ പ്രവേശനം താത്കാലികമായി നിർത്തിവെച്ചു.

മണ്ണിടിച്ചിലിനും മരം വീണ് അപകടമുണ്ടാകാനും സാധ്യതയുള്ളതിനാൽ രാത്രി 7 മണി മുതൽ രാവിലെ 7 മണി വരെ മലയോര പാതകളിലൂടെയുള്ള യാത്രകൾക്ക് സംസ്ഥാന ദുരന്തനിവാരണ അതോറിറ്റി കടുത്ത നിരോധനമേർപ്പെടുത്തിയിട്ടുണ്ട്. ഇന്നലെ രാത്രി സംസ്ഥാനത്തെ മിക്ക മലയോര മേഖലയിലും ശക്തമായ മഴ പെയ്തതിനെ തുടർന്ന് വിവിധയിടങ്ങളിൽ മണ്ണിടിച്ചിൽ റിപ്പോർട്ട് ചെയ്തിട്ടുണ്ട്.

ALSO READ: ബെംഗളൂരുവിൽ നിന്ന് ഒരു റോഡ് ട്രിപ്പ് പ്ലാൻ ചെയ്യുകയാണോ? ഈ സ്ഥലങ്ങൾ വിട്ടുപോവരുത്

വിലക്കേർപ്പെടുത്തിയ വിനോദ സഞ്ചാര കേന്ദ്രങ്ങൾ

ശക്തമായ മഴയും പ്രതികൂല കാലാവസ്ഥയും കണക്കിലെടുത്ത് തിരുവനന്തപുരം ജില്ലയിലെ പൊന്മുടി ഇക്കോ ടൂറിസത്തിലേക്കുള്ള പ്രവേശനം താൽക്കാലികമായി നിർത്തിവച്ചു. ഒക്ടോബർ 25 ഞായറാഴ്‌ച 11:30 മുതൽ ഇനി ഒരു അറിയിപ്പ് ഉണ്ടാകുന്നതുവരെ പൊൻമുടി അടച്ചിടുമെന്ന് അധികൃതർ അറിയിച്ചു. സംസ്ഥാനത്തെ വിവിധ ടൂറിസം കേന്ദ്രങ്ങൾ പുതിയ കാലാവസ്ഥാ സാഹചര്യത്തിൽ അടയ്ക്കുന്നതായി അധികൃതർ പ്രഖ്യാപിച്ചിട്ടുണ്ട്.

കല്ലാർ-പൊന്മുടി റോഡിൽ പന്ത്രണ്ടാം വളവിലും ഇരുപത്തിരണ്ടാം വളവിന് അടുത്ത് ഇടിയകോവിലിന് സമീപത്ത് മണ്ണിടിച്ചിൽ റിപ്പോർട്ട് ചെയ്തിരുന്നു. കഴിഞ്ഞ ​ദിവസം രാത്രി മലയോര മേഖലയിൽ ശക്തമായ മഴ പെയ്തതിനെ തുടർന്നാണ് മണ്ണിടിച്ചിലുണ്ടായത്. അതിനാൽ പ്രദേശവാസികൾക്ക് അടക്കം ജാ​ഗ്രത നിർദ്ദേശം പുറപ്പെടുവിച്ചിട്ടുണ്ട്.

വയനാട് ജില്ലയിൽ റെഡ് അലേർട്ട് പ്രഖ്യാപിച്ചതിന്റെ പശ്ചാത്തലത്തിൽ ജില്ലയിലെ വിനോദസഞ്ചാര കേന്ദ്രങ്ങൾക്ക് പൂർണ്ണ നിരോധനം ഏർപ്പെടുത്തി ജില്ലാ കളക്ടർ വി ചെൽസാസിനി ഉത്തരവിട്ടിട്ടുണ്ട്. ജില്ലയിലെ റിസോർട്ടുകൾ, ഹോംസ്റ്റേകൾ, സാഹസിക ടൂറിസം കേന്ദ്രങ്ങൾ, ട്രക്കിങ് തുടങ്ങിയവയെല്ലാം നിർത്തി വെച്ചിരിക്കുകയാണ്. ഇനിയൊരു അറിയിപ്പുണ്ടാകുന്നതു വരെ ഇവ പ്രവർത്തിക്കില്ല.

സംസ്ഥാനത്ത് ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ മാത്രമാണ് യെല്ലോ അലർട്ട് നൽകിയിരിക്കുന്നത്. മറ്റെല്ലാ ജില്ലകളിലും ​ഗ്രീൻ അലർട്ടാണ്. പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളിൽ നിലവിലുണ്ടായിരുന്ന ഓറഞ്ച് അലർട്ട് പിൻവലിച്ചിട്ടുണ്ട്. തെക്കുകിഴക്കൻ അറബിക്കടലിലും കേരളം തീരത്തിനും മുകളിലായി ന്യൂനമർദ്ദം സ്ഥിതിചെയ്യുന്നതാണ് നിലവിലെ മഴയ്ക്ക് കാരണം.

ഊട്ടിയിലേക്ക് യാത്ര വിലക്ക്

തമിഴ്നാട്ടിലെ നീലഗിരി ജില്ലയിൽ കനത്ത മഴയെ തുടർന്ന് വ്യാപക മണ്ണിടിച്ചിലാണ് റിപ്പോർട്ട് ചെയ്യുന്നത്. സാഹചര്യം കണക്കിലെടുത്ത് ഒക്ടോബർ 26 വരെ നീലഗിരി ജില്ലയിൽ വിനോദസഞ്ചാരത്തിന് നിയന്ത്രണം ഏർപ്പെടുത്തിയിരിക്കുകയാണ്. മേട്ടുപ്പാളയത്തുനിന്ന് ഊട്ടിയിലേക്ക് വാഹനങ്ങൾ കടത്തിവിടുന്നില്ല. ജില്ലയിലേക്കുള്ള പ്രവേശന പാതകളിലും സുരക്ഷാ നിയന്ത്രണങ്ങൾ ഏർപ്പെടുത്തിയിട്ടുണ്ട്. മഴ തുടരാൻ സാധ്യതയുള്ളതിനാൽ ഊട്ടിയിലേക്കുള്ള യാത്ര മാറ്റിവയ്‌ക്കണമെന്ന് അധികൃതർ നിർദേശിച്ചു.

English Summary:

Landslide risks, falling debris, and overflowing streams have prompted district administrations to ban trekking, water sports, and night driving across high-range routes for public safety. Check the list of travel ban tourist Area in kerala.

പുട്ട് ഇല്ലാതെ എന്ത് മലയാളി അടുക്കള അല്ലേ, കേരളീയരുടെ പ്രഭാതഭക്ഷണങ്ങളിൽ എക്കാലത്തും പുട്ടിന് പ്രമുഖ സ്ഥാനമാണുള്ളത്. അരിപ്പുട്ടും ഗോതമ്പ് പുട്ടും മാത്രമല്ല, പലതരം വെറൈറ്റികൾ പരീക്ഷിക്കാറുമുണ്ട്. ഇനി അരിപ്പൊടി കുറച്ചേ ഉള്ളൂവെങ്കിലും പ്രശ്നമില്ല. നല്ല പച്ചക്കപ്പ അല്ലെങ്കിൽ മരച്ചീനി ഉണ്ടെങ്കിൽ മിനിറ്റുകൾക്കുള്ളിൽ വളരെ എളുപ്പത്തിൽ ആവി പറക്കുന്ന സോഫ്റ്റ് കപ്പ പുട്ട് തയ്യാറാക്കാം. റെസിപ്പി ഇതാ....

ആവശ്യമായ ചേരുവകൾ

• പച്ചക്കപ്പ - 600 ഗ്രാം
• ഉപ്പ് - ആവശ്യത്തിന്
• അരിപ്പൊടി - കാൽ കപ്പ്
• തേങ്ങ ചിരകിയത് - ആവശ്യത്തിന്

തയ്യാറാക്കുന്ന വിധം

1. ആദ്യം പച്ചക്കപ്പയുടെ തൊലി കളഞ്ഞ് വൃത്തിയാക്കി ചെറിയ കഷ്ണങ്ങളാക്കുക. ശേഷം ഇത് നന്നായി ഗ്രേറ്റ് ചെയ്‌തോ അല്ലെങ്കിൽ ചെറുതായി പൊടിച്ചോ ഒരു പാത്രത്തിലേക്ക് മാറ്റുക.
2. ഇതിലേക്ക് അര ടേബിൾസ്പൂൺ ഉപ്പ് ചേർത്ത് നന്നായി ഇളക്കി യോജിപ്പിക്കുക.
3. അഞ്ച് മിനിറ്റ് കഴിഞ്ഞ് കപ്പയിലെ അധിക വെള്ളം പൂർണ്ണമായും പിഴിഞ്ഞ് കളഞ്ഞെടുക്കുക.
4. ഇതിലേക്ക് കാൽ കപ്പ് അരിപ്പൊടി കൂടി ചേർത്ത് കൈകൊണ്ട് നന്നായി ഇളക്കി യോജിപ്പിക്കുക.
5. കപ്പയിലെ ഈർപ്പം കൃത്യമായി നിലനിർത്താൻ വേണ്ടിയാണ് അരിപ്പൊടി ചേർക്കുന്നത്.
6. സാധാരണ പുട്ട് തയ്യാറാക്കുന്നത് പോലെ പുട്ടുകുറ്റിയിലേക്ക് അല്പം തേങ്ങ ചിരകിയതും തയ്യാറാക്കി വെച്ച കപ്പ മിശ്രിതവും മാറി മാറി നിറയ്ക്കുക.
7. ഇത് ആവിയിൽ നന്നായി വേവിച്ചെടുക്കുക.

ALSO READ: നല്ല വേവുള്ള മരച്ചീനി എങ്ങനെ തിരിച്ചറിയാം?; അറിഞ്ഞിരിക്കേണ്ട ചില സൂത്രവിദ്യകൾ

കപ്പ ആരോഗ്യഗുണങ്ങൾ

മരച്ചീനിയിൽ കാർബോഹൈഡ്രേറ്റ് ഉയർന്ന അളവിൽ അടങ്ങിയിട്ടുണ്ട്. അതിനാൽ കഠിനാധ്വാനം ചെയ്യുന്നവർക്കും കായികതാരങ്ങൾക്കും പെട്ടെന്ന് ഊർജ്ജം ലഭിക്കാൻ ഇത് സഹായിക്കും. അതുപോലെ ഇതിലടങ്ങിയിരിക്കുന്ന നാരുകൾ ദഹനപ്രക്രിയ സുഗമമാക്കുകയും മലബന്ധം തടയുകയും ചെയ്യുന്നു. കുടലിന്റെ ആരോഗ്യത്തിനും ഇത് നല്ലതാണ്.

മരച്ചീനിയിൽ പൊട്ടാസ്യം ധാരാളമായി അടങ്ങിയിട്ടുണ്ട്. ഇത് ശരീരത്തിലെ സോഡിയത്തിന്റെ അളവ് സന്തുലിതമാക്കാനും രക്തസമ്മർദ്ദം സാധാരണ നിലയിലാക്കാനും സഹായിക്കുന്നു. ഇതിൽ വൈറ്റമിൻ B-കോംപ്ലക്സ് (ഫോളേറ്റ്, തയാമിൻ, റൈബോഫ്ലേവിൻ) അടങ്ങിയിട്ടുണ്ട്. ഇത് നാഡീവ്യൂഹത്തിന്റെ പ്രവർത്തനങ്ങൾ കാര്യക്ഷമമാക്കാനും ക്ഷീണം അകറ്റാനും സഹായിക്കും.

കാൽസ്യം, ഫോസ്ഫറസ്, വൈറ്റമിൻ കെ എന്നിവ അടങ്ങിയിട്ടുള്ളതിനാൽ എല്ലുകളുടെയും പല്ലുകളുടെയും ആരോഗ്യത്തിന് മരച്ചീനി നല്ലതാണ്. മരച്ചീനിയിൽ അടങ്ങിയിരിക്കുന്ന ചില അമിനോ ആസിഡുകളും വൈറ്റമിനുകളും ചർമ്മത്തിലെ ഈർപ്പം നിലനിർത്താനും മുടിയുടെ ആരോഗ്യത്തിനും ഗുണകരമാണ്.

English Summary:

Kappa puttu is a traditional Kerala dish that offers a delicious alternative to regular rice puttu. It is easy to prepare at home using fresh tapioca , salt, rice flour, and grated coconut.

പൂക്കളെ സ്‌നേഹിക്കുന്നവരാണോ നിങ്ങൾ? എങ്കിൽ ലില്ലി കിഴങ്ങുകൾ വാങ്ങാൻ ഇനിയും മടിക്കേണ്ട! ഇന്ത്യൻ മണ്ണിൽ ലില്ലി നടാൻ ഏറ്റവും അനുയോജ്യമായ മാസങ്ങളാണ് ഒക്ടോബറും നവംബറും. അതിനാൽ, നിങ്ങളുടെ വീട്ടിൽ മനോഹരമായ ലില്ലി പൂക്കൾ വിരിഞ്ഞു നിൽക്കണമെന്ന് ആഗ്രഹിക്കുന്നുവെങ്കിൽ, ചെടി നടാൻ ഏറ്റവും പറ്റിയ സമയം ഇതാണ്.

മുറിക്കും പൂന്തോട്ടത്തിനും ഒരേപോലെ ആകർഷകമായ ഭംഗി നൽകാൻ വളരെ കുറച്ച് പൂക്കൾക്ക് മാത്രമേ സാധിക്കൂ. അക്കൂട്ടത്തിൽ പെടുന്ന ഒരു പൂവാണ് ലില്ലിയും. വെള്ള, മഞ്ഞ, ഓറഞ്ച്, പിങ്ക്, കടും ചുവപ്പ് എന്നിങ്ങനെ വിവിധ നിറങ്ങളിൽ ആകർഷകമായ സുഗന്ധത്തോടു കൂടിയാണ് ലില്ലി പൂക്കൾ കാണപ്പെടുന്നത്. നീളമുള്ള തണ്ടുകളും വ്യത്യസ്ത രൂപത്തിലുള്ള പൂക്കളുമൊക്കെയായി പൂന്തോട്ടത്തിലായാലും ഫ്ലവർ വെയ്സിലായാലും ഇവ ഏവരുടെയും ശ്രദ്ധയാകർഷിക്കുന്നു.

ലില്ലി പൂക്കൾ നടേണ്ട വിധം

ആദ്യമായി, നിങ്ങളുടെ പ്രദേശത്തിനും സ്ഥലത്തിനും അനുയോജ്യമായ, മുളവന്ന ആരോഗ്യമുള്ള കിഴങ്ങുകൾ (bulbs) വാങ്ങുക. മുളച്ച കിഴങ്ങുകൾ ഉപയോഗിക്കുന്നതാണ് നല്ലത്. വെള്ളം കെട്ടിക്കിടക്കാതെ എളുപ്പത്തിൽ വാർന്നുപോകുന്ന അയഞ്ഞ മണ്ണ് ഇതിനായി തിരഞ്ഞെടുക്കുക, ലില്ലികൾക്ക് ഈർപ്പം ആവശ്യമാണെങ്കിലും മണ്ണിൽ വെള്ളം കെട്ടിക്കിടക്കുന്നത് അവയ്ക്ക് താങ്ങാനാവില്ല. വാങ്ങിയ ഇനത്തിനനുസരിച്ച് വിതരണക്കാർ നിർദ്ദേശിക്കുന്ന ആഴത്തിൽ കിഴങ്ങുകൾ നടേണ്ടതാണ്. നട്ടതിനുശേഷം വെള്ളം ഒഴിക്കാം.

ALSO READ: ചുവന്നു തുടുത്ത സ്ട്രോബെറി നമ്മുടെ വീട്ടിലും വളരും! ചെയ്യേണ്ടത് ഇത്രമാത്രം

വേരുകൾക്ക് ചുറ്റും വെള്ളം കെട്ടിനിൽക്കാൻ അനുവദിക്കാതെ മണ്ണിൽ എപ്പോഴും ഒരേപോലെ ഈർപ്പം നിലനിർത്താൻ ശ്രദ്ധിക്കേണ്ടതാണ്. കടുത്ത ചൂടിൽ നിന്ന് സംരക്ഷിക്കാനാവശ്യമായ മുന്നൊരുക്കലും ചെയ്യണം. വാങ്ങുന്നതിന് മുമ്പ് ആ ഇനത്തിന് ആവശ്യമായ താപനില പരിശോധിക്കേണ്ടതാണ്. സാധാരണയായി ഇനവും വളരുന്ന സാഹചര്യവും അനുസരിച്ച്, ലില്ലികൾ നട്ട് മൂന്ന് മുതൽ നാല് മാസം കൊണ്ടാണ് പൂവിടുന്നത്.

ശ്രദ്ധിക്കേണ്ട കാര്യങ്ങൾ

1. നല്ല വലിപ്പമുള്ളതും കേടുപാടുകൾ ഇല്ലാത്തതുമായ ആരോഗ്യമുള്ള കിഴങ്ങുകൾ തിരഞ്ഞെടുക്കുക.
2. സാധ്യമെങ്കിൽ ചെറിയ രീതിയിൽ മുള വന്ന കിഴങ്ങുകൾ നടാൻ ഉപയോഗിക്കുന്നത് പെട്ടെന്ന് വളരാൻ സഹായിക്കും.
3. ചെടികൾക്ക് മണ്ണിൽ നല്ല ഈർപ്പം വേണമെങ്കിലും വേരുകളിൽ വെള്ളം കെട്ടിനിൽക്കാൻ പാടില്ല.
4. ചകരിച്ചോറ്, മേൽമണ്ണ്, മണൽ, ഉണങ്ങിയ ചാണകപ്പൊടി അല്ലെങ്കിൽ കമ്പോസ്റ്റ് എന്നിവ സമമായി ചേർത്ത് മണ്ണ് തയ്യാറാക്കാം.
5. ബൾബുകൾ മണ്ണിൽ കുഴിച്ചിടുമ്പോൾ അതിന് കൃത്യമായ ആഴം നൽകണം.
6. പല ബൾബുകൾ ഒന്നിച്ച് നടുകയാണെങ്കിൽ അവ തമ്മിൽ കുറഞ്ഞത് 4–6 ഇഞ്ച് അകലം പാലിക്കുക.
7. ദിവസവും 4–5 മണിക്കൂർ നല്ല വെളിച്ചമോ ഭാഗികമായ വെയിലോ കിട്ടുന്ന സ്ഥലത്ത് വെക്കുന്നതാണ് ഏറ്റവും അനുയോജ്യം.

English Summary:

October and November are considered the ideal months to plant lily bulbs in the Indian plains. For successful growth, gardeners should choose healthy, sprouted bulbs, use loose, well-draining soil and water them regularly while avoiding waterlogging.

ഐടി നഗരത്തിലെ തിരക്കുകളിൽ നിന്നും റോഡിലെ തീരാ ബ്ലോക്കുകളിൽ നിന്നും അൽപ്പം മാറി ആശ്വാസം കണ്ടെത്താൻ ആഗ്രഹിക്കുന്നവർക്ക് അനുയോജ്യമായ വഴിയാണ് ബെംഗളൂരുവിൽ നിന്നുള്ള റോഡ് ട്രിപ്പുകൾ (Road Trips from Bengaluru). ചുരുങ്ങിയ സമയം കൊണ്ട് ഡ്രൈവ് ചെയ്തെത്താവുന്ന നന്ദി ഹിൽസ് മുതൽ പച്ചപ്പും കാപ്പിയുടെ സുഗന്ധവും നിറഞ്ഞ ചിക്കമഗളൂരു വരെയുള്ള കിടിലൻ ഡെസ്റ്റിനേഷനുകളാണ് ബെംഗളൂരുവിനെ ചുറ്റിപ്പറ്റി കിടക്കുന്നത്. ഒരു വീക്കെൻഡ് കിട്ടിയാൽ എങ്ങോട്ട് പോകണമെന്ന് ഓർത്ത് വിഷമിച്ചിരിക്കുകയാണെങ്കിൽ നമുക്കൊരു റോഡ് ട്രിപ്പ് പ്ലാൻ ചെയ്താലോ. ബെം​ഗളൂരുവിൽ നിന്ന് പോകാൻ പറ്റുന്ന ചില കിടലൻ റൂട്ടുകൾ ഏതെല്ലാമെന്ന് നോക്കാം.

ALSO READ: രാവിലെ 9 മുതൽ കെഎസ്ആർടിസി ഡബിൾ ഡെക്കർ ബസ്, മൂന്നാർ യാത്ര കലക്കും

നന്ദി ഹിൽസ്: എല്ലാവർക്കും അറിയാവുന്ന ഒരു സ്പോട്ടാണ് നന്ദി ഹിൽസ്. ബെംഗളൂരു നഗരത്തിൽ നിന്ന് വെറും 60 കിലോമീറ്റർ മാത്രം അകലെയുള്ള നന്ദി ഹിൽസ് ഒരൊറ്റ ദിവസത്തെ യാത്രയ്ക്ക് പറ്റിയ മികച്ച സ്ഥലങ്ങളിൽ ഒന്നാണ്. അതിരാവിലെ മഞ്ഞുമൂടിയ കുന്നിൻനിരകളിലൂടെയുള്ള ഡ്രൈവും സൂര്യൻ ഉദിച്ചുവരുന്ന വിസ്മയ കാഴ്ചകളും ഏറെ മനോഹരമാണ്. നന്ദി ഹിൽസിലേക്കുള്ള റൂട്ടും അതിമനോഹരമാണ്.

ചിക്കമഗളൂരു: ബെം​ഗളൂരുവിൽ നിന്ന് ഏകദേശം 240 കിലോമീറ്റർ ദൂരമുള്ള ചിക്കമഗളൂരു പ്രകൃതിസ്നേഹികൾക്ക് ആസ്വദിക്കാൻ പറ്റിയ ഒരിടമാണ്. മുല്ലയനഗിരി പീക്ക്, ബാബ ബുഡൻഗിരി, വിശാലമായ കാപ്പിത്തോട്ടങ്ങൾ എന്നിവയാണ് ഇവിടുത്തെ പ്രധാന ആകർഷണങ്ങൾ. നിരവധി ആളുകളാണ് ദിവസേന ഇവിടെ വന്നുപോകുന്നത്. ഏറ്റവും കൂടുതൽ കാപ്പിത്തോട്ടങ്ങളും നിങ്ങൾക്കിടിവിടെ കാണാൻ സാധിക്കും. മനസ്സിനും ശരീരത്തിനും ഒരുപോലെ ശാന്തത നൽകാൻ ഈ റൂട്ടിലേക്കുള്ള യാത്ര നിങ്ങളെ ഉറപ്പായും സഹായിക്കും.

കൂർഗ്: ബെംഗളൂരുവിൽ നിന്ന് 265 കിലോമീറ്റർ യാത്ര ചെയ്താൽ കൂർഗ് എന്ന സ്ഥലത്ത് എത്തിച്ചേരാനാകും. പച്ചപ്പ നിറഞ്ഞ കൊടുമുടികളും വെള്ളച്ചാട്ടങ്ങളും കൊണ്ട് സമ്പന്നമാണ് ഈ സ്ഥലം. രാജാസ് സീറ്റ്, അബ്ബി വെള്ളച്ചാട്ടം, ദുബാരെ എലിഫന്റ് ക്യാമ്പ് എന്നിവയാണ് ഈ സ്ഥലത്തെ പ്രധാന ആകർഷണം. ഒറ്റദിവസത്തെ യാത്ര കൊണ്ട് കണ്ട് തീർക്കാൻ കഴിയുന്ന കാഴ്ച്ചകളല്ല ഇവിടെയുള്ളത്. മറിച്ച് രണ്ട് ദിവസം നിൽക്കാൻ തയ്യാറാണെങ്കിൽ കൂർ​ഗിനെ കൂടുതൽ അടുത്തറിയാനാകും.

മൈസൂരു- വയനാട് റോഡ്: ബെംഗളൂരു- മൈസൂരു എക്സ്പ്രസ് വേ വഴി മൈസൂ കൊട്ടാരം കണ്ട്, ബാന്ദിപ്പൂർ വനപാതയിലൂടെ വയനാട്ടിലേക്ക് നീളുന്ന യാത്ര വൈൽഡ് ലൈഫ് സ്നേഹികൾക്ക് അവിസ്മരണീയ അനുഭവം സമ്മാനിക്കും. നിങ്ങളുടെ ജീവിതത്തിൽ ഒരിക്കലും മറക്കാനാകാത്ത ഒരു യാത്രയാകും ഈ വനപാതയിലൂടെയുള്ളത്. എന്നാൽ രാത്രി സമയത്ത് ഈ റൂട്ടിലൂടെ വാഹനം ഓടിക്കാൻ സുരക്ഷിതമല്ല എന്ന കാര്യം മറക്കരുത്. കാരണം ഈ സമയത്ത് ഈ റൂട്ടിൽ വന്യമൃ​ഗങ്ങൾ ഇറങ്ങാനുള്ള സാധ്യതയുണ്ട്.

English Summary:

Planning a road trip from bengaluru, If you are looking to escape your weekend routine, unwind amid nature and explore some of Karnataka’s most beautiful landscapes, a road trip through the Western Ghats could be the perfect getaway.

രാവിലെ ഉണർന്നയുടൻ വെറും വയറ്റിൽ പച്ചവെള്ളമോ ഇളം ചൂടുവെള്ളമോ കുടിക്കുന്നത് ശരീരത്തിന് ഒട്ടനവധി ആരോഗ്യഗുണങ്ങൾ നൽകുന്ന ഒരു ശീലമാണ്. പലർക്കും ഇക്കാര്യം അറിയാമെങ്കിലും ആരും ഇത് ശീലിക്കാറില്ല എന്നതാണ് സത്യം. രാത്രി മുഴുവൻ ഉറങ്ങിയ ശേഷം ശരീരത്തിൽ നഷ്ടപ്പെട്ട ജലാംശം തിരികെ എത്തിക്കാനും, ദഹനവ്യവസ്ഥയെ കാര്യക്ഷമമാക്കാനും ഈ ഒരു ഒറ്റ ശീലം സഹായിക്കുന്നു. ഈ ശീലത്തിന് പിന്നിലെ ആരോഗ്യ രഹസ്യങ്ങളും പ്രധാന ഗുണങ്ങളും കൂടുതൽ പരിശോധിക്കാം.

ALSO READ: രാവിലെ ഒരു പുഴുങ്ങിയ ഏത്തപ്പഴം കഴിച്ചാൽ സംഭവിക്കുന്നത്; ഈ അത്ഭുത ഗുണങ്ങൾ അറിഞ്ഞിരിക്കൂ

രാവിലെ വെറും വയറ്റിൽ വെള്ളം കുടിക്കുന്നതിൻ്റെ ​ഗുണങ്ങൾ

ദഹനവ്യവസ്ഥ മെച്ചപ്പെടുത്തുന്നു: രാവിലെ വെറും വയറ്റിൽ വെള്ളം കുടിക്കുന്നത് കുടലുകളുടെ പ്രവർത്തനം സുഗമമാക്കാൻ സഹായിക്കും. ഇത് അസിഡിറ്റി, ഗ്യാസ്Trouble തുടങ്ങിയ പ്രശ്നങ്ങൾ തടയുകയും ദഹനപ്രക്രിയ വേഗത്തിലാക്കുകയും ചെയ്യുന്നു.

വിഷാംശങ്ങൾ പുറന്തള്ളുന്നു: രാത്രി മുഴുവൻ ശരീരം അതിന്റെ സ്വാഭാവിക റിപ്പെയറിങ് ജോലികളിലാണ്. രാവിലെ വെള്ളം കുടിക്കുമ്പോൾ ശരീരത്തിൽ അടിഞ്ഞുകൂടുന്ന വിഷാംശങ്ങളും മാലിന്യങ്ങളും മൂത്രത്തിലൂടെയും വിയർപ്പിലൂടെയും പുറത്തുപോകാൻ ഇത് സഹായിക്കുന്നു.

മെറ്റബോളിസം വർദ്ധിപ്പിക്കുന്നു: ആരോഗ്യ വിദഗ്ദ്ധരുടെ അഭിപ്രായത്തിൽ, രാവിലെ വെറും വയറ്റിൽ വെള്ളം കുടിക്കുന്നത് ശരീരത്തിലെ മെറ്റബോളിസം നിരക്ക് 24 ശതമാനം വരെ ഉയർത്താൻ സഹായിക്കും. ഇത് ശരീരഭാരം നിയന്ത്രിക്കാനും കലോറി എരിച്ചുകളയാനും സഹായിക്കുന്നു.

ചർമ്മത്തിന് തിളക്കം നൽകുന്നു: ശരീരത്തിൽ ജലാംശം കൃത്യമായി നിലനിർത്തുന്നത് ചർമ്മത്തിലെ കോശങ്ങൾക്ക് ജീവൻ നൽകും. മുഖക്കുരു വരുന്നത് തടയാനും ചർമ്മത്തിന് സ്വാഭാവിക തിളക്കം ലഭിക്കാനും പ്രഭാതത്തിലെ ജലപാനം അത്യന്താപേക്ഷിതമാണ്.

ശ്രദ്ധിക്കേണ്ട കാര്യങ്ങൾ

അമിതമായി കുടിക്കരുത്: രാവിലെ എഴുന്നേറ്റ ഉടൻ ഒന്ന് അല്ലെങ്കിൽ രണ്ട് ഗ്ലാസ് വെള്ളം വരെ കുടിക്കുന്നതാണ് നല്ലത്. അമിതമായി കുടിക്കുന്നത് വയറിന് ബുദ്ധിമുട്ടുണ്ടാക്കാം.

ഇളം ചൂടുവെള്ളം നല്ലത്: തണുത്ത വെള്ളത്തിന് പകരം ഇളം ചൂടുവെള്ളം കുടിക്കുന്നത് ദഹനത്തിന് കൂടുതൽ ആശ്വാസം നൽകും.

ചായയോ കാപ്പിയോ ഉടൻ അരുത്: വെള്ളം കുടിച്ച് കുറഞ്ഞത് 15-20 മിനിറ്റിന് ശേഷം മാത്രം ചായയോ കാപ്പിയോ കുടിക്കാൻ ശ്രദ്ധിക്കുക.

രാവിലെ പാലിക്കേണ്ട പ്രധാന ശീലങ്ങൾ

രാവിലെ വെറും വയറ്റിൽ 15-20 മിനിറ്റ് വേഗത്തിലുള്ള നടപ്പ്, ലഘുവായ വ്യായാമങ്ങൾ അല്ലെങ്കിൽ യോഗ എന്നിവ ശീലമാക്കുക. ഇത് കലോറി എരിച്ചുകളയാനും ശരീരത്തിലെ കൊഴുപ്പ് കുറയ്ക്കാനും ഏറെ ഫലപ്രദമാണ്.

രാവിലെ ഒട്ടും ഒഴിവാക്കാൻ പാടില്ലാത്ത ഒന്നാണ് പ്രഭാതഭക്ഷണം. മുട്ടയുടെ വെള്ള, നട്സ്, ഓട്സ്, മുളപ്പിച്ച ധാന്യങ്ങൾ തുടങ്ങിയ പ്രോട്ടീൻ അടങ്ങിയ ഭക്ഷണങ്ങൾ കഴിക്കുന്നത് പെട്ടെന്ന് വിശപ്പ് അനുഭവപ്പെടുന്നത് തടയുകയും ദിവസം മുഴുവൻ ഊർജ്ജം നൽകുകയും ചെയ്യും.

രാവിലെ 10 മണിക്ക് മുൻപായിട്ട് ഇളം വെയിലത്ത് കുറച്ചു സമയം നിൽക്കുന്നത് ശരീരത്തിന് ആവശ്യമായ വിറ്റാമിൻ ഡി ലഭിക്കാനും, ശരീരത്തിന്റെ സ്വാഭാവിക ഉറക്ക-ഉണർവ് ചക്രം കൃത്യമാക്കാനും സഹായിക്കും.

English Summary:

Starting your day with a glass of water on an empty stomach is one of the simplest yet most powerful habits for overall wellness. Health experts reveal that morning hydration instantly boost metabolism, and enhances digestive health.

മഞ്ഞണിഞ്ഞ മൂന്നാറിന്റെ മനോഹരമായ കാഴ്ചകൾ കാണാൻ കൊതിക്കുന്ന സഞ്ചാരികൾക്ക് ഇനി അവിസ്മരണീയമായ അനുഭവമൊരുക്കി കെഎസആർടിസി. മൂന്നാറിന്റെ കുളിരും മഞ്ഞുനിറഞ്ഞ തേയിലത്തോട്ടങ്ങളുടെ ഹരിത ഭം​ഗിയും തൊട്ടറിഞ്ഞ് യാത്ര ചെയ്യാവുന്ന ഓപ്പൺ ടോപ്പ് ഡബിൾ ഡെക്കർ ബസ് സർവീസ് സഞ്ചാരികൾക്കിടയിൽ വൻ ഹിറ്റായി മാറുകയാണ്. രാവിലെ 9 മണി മുതൽ ആരംഭിക്കുന്ന ഈ സർവീസിലൂടെ മൂന്നാറിലെ പ്രധാന കാഴ്ചകൾ കുറഞ്ഞ ചെലവിൽ കണ്ടസ്വദിക്കാം. കുളിർക്കാറ്റേറ്റ്, മലനിരകളുടെ മേൽത്തട്ടിലൂടെയുള്ള യാത്ര ഏതൊരു സഞ്ചാരിയുടെയും സ്വപ്നമാണ്. ഡബിൾ ഡെക്കർ ബസിന്റെ ഓപ്പൺ ഏരിയയിൽ ഇരുന്ന മൂന്നാർ കാഴ്ചകൾ കാണാം എന്നതാണ് ഇതിന്റെ പ്രത്യേകത.

ALSO READ: മധുര-ഗുരുവായൂർ ട്രെയിനിൽ വിസ്റ്റാഡോം യാത്രയ്ക്ക് എത്ര ചെലവാകും?

ദിവസവും ആയിരക്കണക്കിന് വിനോദഞ്ചാരികളെത്തുന്ന മൂന്നാറിൽ ഇത്തവണത്തെ പൂജ അവധിക്ക് കെഎസ്ആർടിസി ഡബിൾ ഡെക്കർ നേടിയത് 4,06,000 രൂപയുടെ വരുമാനമാണ്. പൂജ അവധിയോടനുബന്ധിച്ച് ഒക്ടോബർ 17 മുതൽ 21 വരെയുള്ള അഞ്ചുദിവസത്തിനിടെ 1191 പേരാണ് ഡബിൾ ഡെക്കർ ബസുകളിൽ യാത്ര ചെയ്തത്. നിലവിൽ രണ്ടു ഡബിൾ ഡെക്കർ ബസുകളാണ് മൂന്നാറിലെ പ്രധാന വിനോദ സഞ്ചാര മേഖലകളിലേക്ക് സർവീസ് നടത്തുന്നത്.

മൂന്നാറിൽ നിന്നു കൊച്ചി - ധനുഷ്‌കോടി ദേശീയപാതയിലൂടെ സഞ്ചാരികൾ ഏറെയെത്തുന്ന ആനയിറങ്കൽ ഡാമിനു സമീപം വരെയാണ് യാത്ര. യാത്രയിൽ കിടിലൻ സ്പോട്ടുകളായ അഞ്ചിടങ്ങളിലാണ് ബസ് നിർത്തുക. ഈ സമയം സഞ്ചാരികൾക്ക് പ്രകൃതി സൗന്ദര്യം ആസ്വദിക്കുന്നതിന് കൂടുതൽ അവസരമുണ്ട്.

പ്രധാന റൂട്ടുകളും ടിക്കറ്റ് നിരക്കും

കുറഞ്ഞ നിരക്കിൽ കെഎസ്ആർടിസിയുടെ റോയൽ വ്യൂ ഡബിൾ ഡെക്കർ ബസിൽ യാത്ര ചെയ്യാമെന്നതാണ് ഇതിൻ്റെ ഏറ്റവും വലിയ പ്രത്യേകത. മുകൾ നിലയിലിരുന്ന യാത്ര ചെയ്യാൻ ഒരാൾക്ക് 400 രൂപയും താഴത്തെ നിലയിൽ 200 രൂപയാണ് ടിക്കറ്റ് നിരക്കായി ഈടാക്കുന്നത്. മുകൾ നിലയിൽ 38 സീറ്റും താഴത്തെ നിലയിൽ 12 സീറ്റുകളും ഉണ്ട്. 2025 ഫെബ്രുവരി എട്ടിനാണ് റോയൽ വ്യൂ ഡബിൾ ഡെക്കർ മൂന്നാറിൽ സർവീസ് ആരംഭിച്ചത്.

ഈ വർഷം ജനുവരി നാലിന് രണ്ടാമത്തെ ബസും സർവീസ് തുടങ്ങിയതോടെ കൂടുതൽ സഞ്ചാരികൾക്ക് ഡബിൾ ഡക്കർ ബസ് യാത്ര ആസ്വദിക്കാനായി. കെഎസ്ആർടിസിയുടെ റോയൽ വ്യൂ ഡബിൾ ഡെക്കർ ബസ് രാവിലെ 9 മുതൽ വൈകുന്നേരം 4.30 വരെയാണ് സർവീസ് നടത്തുന്നത്. ദിവസേന ആറ് സർവീസുകളാണ് രണ്ടു ബസുകളും കൂടി നടത്തുക. ഡബിൾ ഡെക്കറിൽ യാത്ര ചെയ്യാൻ ആഗ്രഹിക്കുന്നവർക്ക് നേരിട്ടും കെഎസ്ആർടിസി വെബ്സൈറ്റിലൂടെയും (https://onlineksrtcswift.com/) ആപ്പിലൂടെയും മുൻകൂട്ടി യാത്ര ബുക്ക് ചെയ്യാൻ സാധിക്കും.

മൂന്നാർ ടൗണിലുള്ള കെഎസ്ആർടിസി ബസ് സ്റ്റാൻഡിൽ നിന്നാണ് എല്ലാ സർവീസുകളും ആരംഭിക്കുന്നത്. അവധിക്കാലത്തും വാരാന്ത്യങ്ങളിലും വലിയ തിരക്ക് അനുഭവപ്പെടുന്നതിനാൽ കെഎസ്ആർടിസി യാത്ര ഔദ്യോഗിക വെബ്‌സൈറ്റ് വഴി മുൻകൂട്ടി ബുക്ക് ചെയ്യുന്നതാണ് ഏറ്റവും നല്ലത്. മൂന്നാർ ടൗൺ, മാട്ടുപ്പെട്ടി പാതയിലെ പ്രധാന കാഴ്ചകൾ, വ്യൂ പോയിന്റുകൾ, തേയിലത്തോട്ടങ്ങൾ എന്നിവ കണ്ടുകൊണ്ട് ഒരു മണിക്കൂറോളം നീളുന്ന മനോഹരമായ യാത്ര ആസ്വദിക്കാം.

English Summary:

Munnar can now easily explore the misty hill station aboard KSRTC’s popular open-top double decker bus. Here is a step-by-step guide on ticket prices, daily schedules, and seat reservation tips for your next trip.

മലയാളികളുടെ പ്രഭാതഭക്ഷണത്തിൽ എപ്പോഴെങ്കിലും ഒക്കെ ഇടംപിടിക്കുന്ന ഒന്നാണ് ഏത്തപ്പഴം. എന്നാൽ പച്ചയായി കഴിക്കുന്നതിനേക്കാൾ ആവിയിൽ പുഴുങ്ങി കഴിക്കുന്നതാണ് ആരോഗ്യത്തിന് ഏറ്റവും അനുയോജ്യം എന്ന് നിങ്ങൾക്കറിയാമോ? എണ്ണയോ മറ്റ് മധുരങ്ങളോ ചേർക്കാതെ രാവിലെ വെറുംവയറ്റിലോ ബ്രേക്ക്ഫാസ്റ്റിനൊപ്പമോ ഒരു പുഴുങ്ങിയ ഏത്തപ്പഴം കഴിക്കുന്നത് ശരീരത്തിന് നൽകുന്നത് സമാനതകളില്ലാത്ത ആരോഗ്യ ഗുണങ്ങളാണ്. രാവിലെ ഒരു പുഴുങ്ങിയ ഏത്തപ്പഴം കഴിക്കുന്നത് ശരീരത്തിൽ വരുത്തുന്ന മാറ്റങ്ങളും അതിന്റെ അത്ഭുത ഗുണങ്ങളും എന്തെല്ലാമെന്ന് നമുക്ക് നോക്കിയാലോ.

ALSO READ: മല്ലിയില കളയേണ്ടി വരാറുണ്ടോ? ഈ തെറ്റുകൾ തിരുത്തിയാൽ മല്ലിയില ഫ്രഷായി ഇരിക്കും

പുഴുങ്ങിയ ഏത്തപ്പഴം കഴിച്ചാൽ സംഭവിക്കുന്നത്

ദഹനപ്രശ്നങ്ങൾക്കും ഗ്യാസിനും: പഴുത്ത ഏത്തപ്പഴത്തിൽ അടങ്ങിയിരിക്കുന്ന സങ്കീർണ്ണമായ അന്നജം ചിലരിൽ ഗ്യാസ്, വയറു വീക്കം, അസിഡിറ്റി എന്നിവ ഉണ്ടാക്കാറുണ്ട്. എന്നാൽ ആവിയിൽ വേവിക്കുമ്പോൾ ഇത് എളുപ്പത്തിൽ ദഹിക്കുന്ന രൂപത്തിലേക്ക് മാറുന്നു. ഇതിലെ ഡയറ്ററി ഫൈബറും പ്രീബയോട്ടിക് ഘടകങ്ങളും കുടലിലെ നല്ല ബാക്ടീരിയകളുടെ വളർച്ചയ്ക്ക് സഹായിക്കുകയും മലബന്ധം ശാശ്വതമായി പരിഹരിക്കുകയും ചെയ്യുന്നു.

ഊർജ്ജം: രാവിലത്തെ ക്ഷീണവും തളർച്ചയും മാറ്റി ദിവസം മുഴുവൻ ഉന്മേഷത്തോടെ ഇരിക്കാൻ പുഴുങ്ങിയ ഏത്തപ്പഴം സഹായിക്കും. ഇതിലടങ്ങിയിരിക്കുന്ന സ്വാഭാവിക പഞ്ചസാരകളായ ഫ്രക്ടോസ്, ഗ്ലൂക്കോസ്, കാർബോഹൈഡ്രേറ്റ്, വിറ്റാമിൻ B6 എന്നിവ ശരീരത്തിന് തൽക്ഷണ ഊർജ്ജം നൽകുന്നു. ജിമ്മിൽ പോകുന്നവർക്കും വ്യായാമം ചെയ്യുന്നവർക്കും അനുയോജ്യമായ പ്രീ-വർക്കൗട്ട് ഭക്ഷണമാണിത്.

ശരീരഭാരം കുറയ്ക്കാൻ: തടി കുറയ്ക്കാൻ ആഗ്രഹിക്കുന്നവർക്ക് പ്രഭാതഭക്ഷണത്തിൽ ഉൾപ്പെടുത്താവുന്ന ഏറ്റവും മികച്ച ഭക്ഷണമാണ് പുഴുങ്ങിയ ഏത്തപ്പഴം. ഉയർന്ന അളവിൽ നാരുകൾ അടങ്ങിയിട്ടുള്ളതിനാൽ രാവിലെ ഒരു ഏത്തപ്പഴം കഴിച്ചാൽ ദീർഘനേരം വയർ നിറഞ്ഞ സംതൃപ്തി ലഭിക്കും. ഇത് ഇടയ്ക്കിടെ അനാവശ്യമായി ലഘുഭക്ഷണങ്ങൾ കഴിക്കുന്ന ശീലം തടയുകയും അമിതവണ്ണം കുറയ്ക്കാൻ സഹായിക്കുകയും ചെയ്യുന്നു.

രക്തസമ്മർദ്ദവും ഹൃദയാരോഗ്യവും: ഏത്തപ്പഴം പൊട്ടാസ്യത്തിന്റെ കലവറയാണ്. പൊട്ടാസ്യം ശരീരത്തിലെ സോഡിയത്തിന്റെ അളവ് സമതുലിതമാക്കുകയും രക്തക്കുഴലുകളിലെ സമ്മർദ്ദം കുറയ്ക്കുകയും ചെയ്യുന്നു. ഇത് ഉയർന്ന രക്തസമ്മർദ്ദം നിയന്ത്രിക്കാനും ഹൃദയാഘാത സാധ്യത കുറയ്ക്കാനും സഹായിക്കും.

മാനസിക സമ്മർദ്ദം കുറയ്ക്കും: രാവിലെ ഉണ്ടാകുന്ന മാനസിക പിരിമുറുക്കവും സ്ട്രെസ്സും അകറ്റാൻ ഏത്തപ്പഴത്തിന് സാധിക്കും. ഏത്തപ്പഴത്തിൽ അടങ്ങിയിരിക്കുന്ന ട്രിപ്റ്റോഫാൻ എന്ന അമിനോ ആസിഡ് ശരീരത്തിൽ സന്തോഷം നൽകുന്ന 'സെറോട്ടോണിൻ' ഹോർമോണിന്റെ ഉത്പാദനത്തെ ഉത്തേജിപ്പിക്കുന്നു. ഇത് മനസ്സിന് ശാന്തതയും നല്ല മൂഡും നൽകാൻ സഹായിക്കും.

ശ്രദ്ധിക്കേണ്ടത്: പുഴുങ്ങുമ്പോൾ ഏത്തപ്പഴത്തിന്റെ ഗ്ലൈസെമിക് ഇൻഡക്സ് അല്പം ഉയരാൻ സാധ്യതയുണ്ട്. അതിനാൽ പ്രമേഹ രോഗികൾ പുഴുങ്ങിയ ഏത്തപ്പഴം കഴിക്കുമ്പോൾ അളവ് പകുതിയായി ചുരുക്കാനോ അല്ലെങ്കിൽ ഡോക്ടറുടെ നിർദ്ദേശം തേടാനോ ശ്രദ്ധിക്കുക.

English Summary:

Starting your day with a steamed or boiled banana provides an instant energy surge while offering incredible support for gut health and digestion. Rich in potassium and vitamin B6, this also helps regulating blood pressure and enhancing overall metabolic health.

വ്യായാമം ചെയ്യുന്നവരുടെ ഡയറ്റിൽ ഉൾപ്പെടുത്താൻ കഴിയുന്ന മികച്ച ഭക്ഷണങ്ങളെക്കുറിച്ച് ചിന്തിക്കുമ്പോൾ പലപ്പോഴും ബീറ്റ്റൂട്ട് ആരുടെയും മനസ്സിൽ ആദ്യം വരില്ല. എന്നാൽ വ്യായാമം ചെയ്യുമ്പോൾ ശരീരത്തെ സഹായിക്കുന്ന ഡയറ്ററി നൈട്രേറ്റുകൾ ബീറ്റ്റൂട്ടിൽ ധാരാളമായി അടങ്ങിയിട്ടുണ്ട്. ബീറ്റ്റൂട്ട് പോലെയുള്ള നൈട്രേറ്റ് അടങ്ങിയ ഭക്ഷണങ്ങൾ കഴിക്കുമ്പോൾ, ശരീരം അതിലെ നൈട്രേറ്റിനെ നൈട്രൈറ്റായും തുടർന്ന് നൈട്രിക് ഓക്സൈഡായും മാറ്റുന്നു. ഈ നൈട്രിക് ഓക്സൈഡ് രക്തക്കുഴലുകൾ വികസിക്കാൻ സഹായിക്കുകയും, അതുവഴി രക്തയോട്ടം മെച്ചപ്പെടുത്തുകയും ചെയ്യും. ഇതിലൂടെ ശരീരത്തിലെ പേശികളിലേക്കും മറ്റും ആവശ്യമായ ഓക്സിജനും പോഷകങ്ങളും വളരെ എളുപ്പത്തിൽ എത്തിച്ചേരും.

ഡയറ്ററി നൈട്രേറ്റ് അടങ്ങിയ ഭക്ഷണങ്ങൾ കഴിക്കുന്നത് വ്യായാമം ചെയ്യുമ്പോൾ ശരീരത്തിന് ആവശ്യമായ ഓക്സിജൻ്റെ അളവ് കുറയ്ക്കാൻ സഹായിക്കുമെന്ന് ചില പഠനങ്ങൾ സൂചിപ്പിക്കുന്നു. അതായത്, കുറഞ്ഞ ഓക്സിജൻ ഉപയോഗിച്ച് ശരീരത്തിന് കൂടുതൽ സമയം പ്രവർത്തിക്കാൻ സാധിക്കും. ദീർഘനേരമുള്ള കഠിനമായ വ്യായാമങ്ങൾക്കും കായിക വിനോദങ്ങൾക്കും ഇത് ഏറെ ഗുണം ചെയ്യും. എന്നാൽ ഇത് എല്ലാവരിലും ഒറ്റയടിക്ക് വലിയ മാറ്റങ്ങൾ നൽകണമെന്നില്ല. നിരന്തരം കഠിന പരിശീലനം നടത്തുന്ന അത്‌ലറ്റുകളിൽ ഇത് വ്യത്യസ്തമായ ഫലങ്ങളാണ് നൽകുന്നതെന്ന് പുതിയ പഠനങ്ങൾ പറയുന്നു. അതിനാൽ വ്യായാമത്തിന് പിന്തുണ നൽകുന്ന ഒരു മാർഗ്ഗമായി മാത്രം ഇത്നെ കണ്ടാൽ മതി.

Also Read: ചിക്കൻ കഴിച്ച് മടുത്തോ? വർക്കൗട്ടിന് ശേഷം മത്സ്യം കഴിച്ചാലുള്ള ഗുണങ്ങൾ അറിയു!

വ്യായാമത്തിന് പുറമെ ഹൃദയാരോഗ്യത്തിനും നൈട്രേറ്റ് അടങ്ങിയ ഭക്ഷണങ്ങൾ ഏറെ നല്ലതാണ്. രക്തക്കുഴലുകളുടെ പ്രവർത്തനം സുഗമമാക്കുന്നതിലൂടെ രക്തസമ്മർദ്ദം നിയന്ത്രിക്കാനും ഇവ സഹായിക്കുന്നു. ബീറ്റ്റൂട്ട് മാത്രമല്ല, ചീര, ലെറ്റ്യൂസ് പോലുള്ള ഇലക്കറികളിലും ഡയറ്ററി നൈട്രേറ്റ് ധാരാളമായി അടങ്ങിയിട്ടുണ്ട്. എന്നാൽ ബീറ്റ്റൂട്ടിൽ ഇത് കൂടുതൽ അടങ്ങിയിരിക്കുന്നു എന്നതിനാലാണ് കായികരംഗത്തെ പല ഗവേഷണങ്ങളിലും ബീറ്റ്റൂട്ട് ജ്യൂസിന് വലിയ പ്രാധാന്യം നൽകുന്നത്.

ബീറ്റ്റൂട്ട് കഴിക്കുന്നത് പെട്ടെന്നൊരു ദിവസം നിങ്ങളെ ഒരു മികച്ച അത്‌ലറ്റാക്കി മാറ്റില്ലെങ്കിലും, ശരീരത്തിലെ രക്തയോട്ടം വർധിപ്പിക്കാനും വ്യായാമം കൂടുതൽ ഊർജ്ജസ്വലമാക്കാനും ഹൃദയാരോഗ്യം മെച്ചപ്പെടുത്താനും ഇത് തീർച്ചയായും സഹായിക്കും. ഡയറ്റിൽ ബീറ്റ്റൂട്ട് ഇലക്കറികൾ ഉൾപ്പെടുത്തുന്നത് തീർച്ചയായും ഗുണം ചെയ്യും എന്ന് സാരം. ജിമ്മിൽ വർക്കൗട്ട് ചെയ്യുന്നതിന് മുൻപുള്ള പ്രീ വർക്കൗട്ടായി ബീറ്റ്റൂട്ടിന് ഉപയോഗപ്പെടുത്താവുന്നതാണ്.

English Summary

Beetroot is packed with dietary nitrates that convert to nitric oxide in the body, improving blood flow and exercise efficiency. Adding beets naturally boosts stamina and supports overall cardiovascular health.

നിരാകരണം: ഈ വാർത്തയിൽ പറയുന്ന കാര്യങ്ങൾ പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഇതിനെ അംഗീകൃത മെഡിക്കൽ ഉപദേശമായി കണക്കാക്കരുത്. ആരോഗ്യപരമായ സംശയങ്ങൾക്ക് എപ്പോഴും ഒരു ഡോക്ടറെ സമീപിക്കുക.

ഓരോ നാടിന്‍റെയും പ്രത്യേകതയ്ക്കനുസരിച്ച് അതിന് പല പേരുകൾ നൽകി നമ്മൾ വിളിക്കാറുണ്ട് അല്ലേ, അത്തരത്തിൽ വെളുത്തുള്ളിയുടെ പേരിൽ അറിയപ്പെടുന്ന ഒരു പ്രദേശമുണ്ടെന്ന് അറിയാമോ? അതെ ഇന്ത്യയുടെ വെളുത്തുള്ളി നഗരം എന്നറിയപ്പെടുന്ന ഒരു സ്ഥലമുണ്ട്. ഇന്ത്യയിൽ വെളുത്തുള്ളി ഉത്പാദനത്തിൽ മുൻപന്തിയിൽ നിൽക്കുന്ന ഒരു പ്രത്യേക നഗരത്തെക്കുറിച്ച് നിങ്ങൾ കേട്ടിട്ടുണ്ടോ?

വെളുത്തുള്ളി നഗരം

മധ്യപ്രദേശിലെ മന്ദ്‌സോർ (Mandsaur) എന്ന ജില്ലയാണ് ഇന്ത്യയുടെ 'വെളുത്തുള്ളി നഗരം' (Garlic City of India) എന്ന പേരിൽ അറിയപ്പെടുന്നത്.  മധ്യപ്രദേശിലെ മന്ദ്‌സോറിൽ വെളുത്തുള്ളി കൃഷി എന്നത് വെറുമൊരു വിളവെടുപ്പ് മാത്രമല്ല, അവിടുത്തെ കർഷകരുടെയും പ്രാദേശിക സമ്പദ്‌വ്യവസ്ഥയുടെയും ജീവശ്വാസമാണ്. ഇവിടെ വൻതോതിലാണ് വെളുത്തുള്ളി ഉത്പാദിപ്പിക്കപ്പെടുന്നത്.

മധ്യപ്രദേശ് സർക്കാരിന്റെ 'ഒരു ജില്ല, ഒരു ഉൽപ്പന്നം' (One District One Product - ODOP) പദ്ധതി പ്രകാരം മന്ദ്‌സോറിന്റെ പ്രധാന കാർഷിക ഉൽപ്പന്നമായി വെളുത്തുള്ളിയെ തിരഞ്ഞെടുത്തിട്ടുണ്ട്. ഇവിടുത്തെ കാലാവസ്ഥയും മണ്ണും വെളുത്തുള്ളി കൃഷിക്ക് വളരെ അനുയോജ്യമാണ്.

ALSO READ: 4 ദിവസത്തെ അവധി വെറുതെ കളയേണ്ട; ഇന്ത്യയുടെ ‘ബട്ടർ സിറ്റി’ കാണാൻ പോയാലോ?

മന്ദ്‌സോർ വെളുത്തുള്ളിയുടെ പ്രത്യേകതകൾ

ഇവിടെ വിളയുന്ന വെളുത്തുള്ളിക്ക് വലിപ്പക്കൂടുതലും ശക്തമായ സുഗന്ധവും ഉണ്ട്. ഇതിലെ എണ്ണയുടെ അളവും പ്രത്യേക രുചിയും പാചകത്തിന് മികച്ച സ്വാദ് നൽകുന്നു.  മന്ദ്‌സോർ വെളുത്തുള്ളിക്ക് മറ്റ് പ്രദേശങ്ങളെ അപേക്ഷിച്ച് കൂടുതൽ കാലം കേടുകൂടാതെ സൂക്ഷിക്കാനുള്ള കഴിവുണ്ട്. അതുകൊണ്ടുതന്നെ ഇതിന് ആഭ്യന്തര വിപണിയിലും അന്താരാഷ്ട്ര വിപണിയിലും വലിയ ഡിമാൻഡ് ഉണ്ട്.

ഏഷ്യയിലെ ഏറ്റവും വലിയ വെളുത്തുള്ളി ചന്ത

ഏഷ്യയിലെ തന്നെ ഏറ്റവും വലിയ വെളുത്തുള്ളി വിപണിയായാണ് ഇവിടം അറിയപ്പെടുന്നത്. രാജ്യത്തിന്റെ വിവിധ ഭാഗങ്ങളിൽ നിന്നുള്ള വ്യാപാരികൾ ഇവിടെ വലിയ തോതിൽ വെളുത്തുള്ളി വാങ്ങാൻ എത്തിച്ചേരുന്നുണ്ട്. ഫ്രെഷ് വെളുത്തുള്ളിക്ക് പുറമെ വെളുത്തുള്ളി പൊടി, വെളുത്തുള്ളി എണ്ണ, പേസ്റ്റ്, അച്ചാർ, ഉണങ്ങിയ ഫ്ലേക്കുകൾ എന്നിവയും ഇവിടെ നിർമ്മിച്ച് കയറ്റി അയക്കുന്നുണ്ട്. ചുരുക്കത്തിൽ, വെളുത്തുള്ളിയുടെ ഗന്ധവും രുചിയും കൊണ്ട് രാജ്യത്തിന്റെ ഭൂപടത്തിൽ സ്വന്തം ഇടം കണ്ടെത്തിയ മന്ദ്‌സോർ, ഇന്ത്യയുടെ അഭിമാനകരമായ 'ഗാർലിക് സിറ്റി'യായി ഇന്നും തലയുയർത്തി നിൽക്കുകയാണ്.

English Summary:

Mandsaur, a district in Madhya Pradesh, is widely known as the “Garlic City of India” because of its extensive garlic cultivation and thriving garlic trade. Garlic is a major source of income for local farmers and is recognised as the district’s One District One Product crop.

കേരളത്തിന്റെ മനോഹരമായ പ്രകൃതിഭംഗിയും പച്ചപ്പും ആവോളം ആസ്വദിച്ചുകൊണ്ട് ഒരു രാജകീയ ട്രെയിൻ യാത്രയാണ് നിങ്ങൾ ആഗ്രഹിക്കുന്നതെങ്കിൽ അതിന് പറ്റിയ ഒരു ട്രെയിൻ സർവീസാണ് റെയിൽവേ പുറത്തിറക്കിയിരിക്കുന്നത്. മധുര - ഗുരുവായൂർ എക്സ്പ്രസ്സിൽ (Madurai - Guruvayur Express) അവതരിപ്പിച്ചിരിക്കുന്ന വിസ്റ്റാഡോം (Vistadome) കോച്ച് യാത്രയാണ് ഇപ്പോൾ സമൂഹ മാധ്യമങ്ങളിലെ ചർച്ചാവിഷയം. യാത്രാപ്രേമികൾക്കിടയിൽ ഈ പുതിയ മാറ്റം വലിയ തരംഗമായി മാറിയിരിക്കുകയാണ്. മധുര-ഗുരുവായൂർ വിസ്റ്റാഡോം കോച്ച് യാത്രയ്ക്ക് ഒരാളുടെ ചെലവ്, അതിൻ്റെ സവിശേഷതകൾ, ബുക്കിംഗ് വിവരങ്ങൾ എന്നിവ നമുക്ക് വിശദമായി പരിശോധിക്കാം.

ALSO READ: ബാഗ് പാക്ക് ചെയ്തോളൂ… താഴ്‌വരകളിൽ മഞ്ഞുവീണു തുടങ്ങി; സീസൺ തിരക്കുകൾക്ക് മുൻപ് യാത്ര തിരിക്കാൻ 5 കിടിലൻ സ്ഥലങ്ങൾ!

കേരളത്തിൽ ആദ്യമായി അവതരിപ്പിക്കുന്ന ഒന്നാണ് മധുര - ഗുരുവായൂർ എക്സ്പ്രസ്സിലെ വിസ്റ്റഡോം കോച്ച്. ഇക്കഴിഞ്ഞ വ്യാഴാഴ്ച്ച മുതലാണ് ചെങ്കോട്ട - പുനലൂർ - കൊല്ലം റൂട്ടിലൂടെ സർവീസ് ആരംഭിച്ചത്. വ്യാഴാഴ്ച രാവിലെ 11.35-ന് മധുരയിൽ നിന്ന് യാത്ര തിരിച്ച ഈ ട്രെയിൻ ഇന്ന് രാവിലെ 2.15 ഓടെ ​ഗുരുവായൂരിൽ എത്തിച്ചേരുകയും ചെയ്തു. ആദ്യ യാത്രയിൽ മുഴുവൻ സീറ്റിലും ആളുകളുടെ തിരക്കായിരുന്നു. വ്യാഴം, വെള്ളി, ശനി, ഞായർ ദിവസങ്ങളിൽ മാത്രമായിരിക്കും ഈ ട്രെയിൻ സർവീസ് നടത്തുക. മനോഹരമായ കാഴ്ചകളാൽ സമ്പന്നമായ ചെങ്കോട്ട - പുനലൂർ - കൊല്ലം റൂട്ടിലൂടെയാണ് ട്രെയിൻ കടന്നുപോകുന്നത്. ഏകദേശം ഒരാൾക്ക് 1,875 രൂപയാണ് യാത്രാ ചിലവ് വരുന്നത്.

എന്താണ് വിസ്റ്റാഡോം കോച്ച്?

വളരെ വലിയ ജനലുകളും സുതാര്യമായ ഗ്ലാസ് മേൽക്കൂരയുമുള്ള, എയർകണ്ടീഷൻ ചെയ്ത ഒരു പാസഞ്ചർ കോച്ചാണ് വിസ്റ്റാഡോം കോച്ച്. ട്രെയിനിനുള്ളിലിരുന്നുകൊണ്ട് തന്നെ ആകാശവും വനമേഖലകളും പച്ചപ്പും കാണാൻ കഴിയുന്ന രീതിയിലുള്ള ഗ്ലാസ് മേൽക്കൂരയാണ് ഇതിന്റെ പ്രധാന ആകർഷണം. യാത്രക്കാർക്ക് പുറത്തെ കാഴ്ചകൾ എളുപ്പത്തിൽ ആസ്വദിക്കുന്നതിനായി 360 ഡിഗ്രി തിരിക്കാൻ കഴിയുന്ന പുഷ്-ബാക്ക് സീറ്റുകളാണ് ഇതിൽ സജ്ജീകരിച്ചിരിക്കുന്നത്.

സാധാരണ ട്രെയിനുകളെ അപേക്ഷിച്ച് വളരെ വലിപ്പമുള്ള വിശാലമായ ഗ്ലാസ് ജനലുകൾ പുറത്തെ കാഴ്ചകൾ വ്യക്തമായി കാണാൻ സഹായിക്കുന്നു. വൈഫൈ കണക്റ്റിവിറ്റി, ജിപിഎസ് അടിസ്ഥാനമാക്കിയുള്ള എന്റർടൈൻമെന്റ് ഡിസ്‌പ്ലേകൾ, ഓട്ടോമാറ്റിക് സ്ലൈഡിംഗ് വാതിലുകൾ, അത്യാധുനിക ടോയ്‌ലറ്റ് സംവിധാനങ്ങൾ എന്നിവയുടെ ലഭ്യതയും ഇതിൽ സാധാരണമാണ്. 360-ഡിഗ്രി പനോരമിക് കാഴ്ചകൾ നൽകുന്ന ഇത്തരം കോച്ചുകൾ ാദ്യമായി 1944-ൽ അമേരിക്കയിലാണ് അവതരിപ്പിച്ചത്.

നമ്മുടെ രാജ്യത്ത് 2017-ൽ ആന്ധ്രാപ്രദേശിലെ വിശാഖപട്ടണം റൂട്ടിലാണ് ഈ കോച്ചുകൾ ഉൾപ്പെടുത്തിയ ട്രെയിനുകൾ സർവീസ് ആരംഭിച്ചത്. ആന്ധ്രാപ്രദേശിലെ ഏറ്റവും ജനപ്രിയമായ വിനോദസഞ്ചാര അനുഭവങ്ങളിലൊന്നുകൂടിയാണിത്.

മധുര-ഗുരുവായൂർ വിസ്റ്റാഡോം കോച്ച് എങ്ങനെ ബുക്ക് ചെയ്യാം

RailOne പോലുള്ള ആപ്പുകളിൽ, മറ്റ് കോച്ചുകൾക്കൊപ്പം വിസ്റ്റാഡോം കോച്ചുകളെ 'EV' എന്ന് പ്രത്യേകം അടയാളപ്പെടുത്തിയിരിക്കുന്നു. ഒരു സീറ്റിന് 1,875 രൂപയാണ് നിരക്ക്. ബുക്കിംഗ് ആപ്പുകളിലെ വിവരങ്ങൾ പ്രകാരം, ആദ്യത്തെ ഏതാനും ആഴ്ചകളിലേക്കുള്ള സീറ്റുകളെല്ലാം ഇതിനകം ബുക്ക് ചെയ്യപ്പെട്ടു കഴിഞ്ഞു. വിസ്റ്റാഡോം കോച്ചുകൾക്ക് സാധാരണയായി തത്കാൽ ബുക്കിംഗ് സൗകര്യം ലഭ്യമല്ല.

English Summary:

Madurai–Guruvayur Express Vistadome coach Service Starts. The 44 seats of the Vistadome coach, each of which costs ₹1,875, have been fully sold out on the first trip.

വാങ്ങി വെച്ച് ഒന്നോ രണ്ടോ ദിവസത്തിനകം മല്ലിയില മഞ്ഞനിറമായി കറുത്ത് ചീഞ്ഞുപോകുന്നത് അടുക്കളയിൽ നാം നേരിടുന്ന പതിവ് പ്രശ്നമാണ്. എന്നാൽ മല്ലിയില സൂക്ഷിക്കുമ്പോൾ നാം അറിയാതെ വരുത്തുന്ന ചില ചെറിയ തെറ്റുകൾ തിരുത്തിയാൽ, ഇതിന്റെ പച്ചപ്പും മണവും ഒട്ടും നഷ്ടപ്പെടാതെ ആഴ്ചകളോളം ഫ്രഷായി സൂക്ഷിക്കാം. മല്ലിയില കേടാകാതിരിക്കാൻ ഒഴിവാക്കേണ്ട തെറ്റുകളും, അവ ഫ്രഷായി സൂക്ഷിക്കാനുള്ള സ്മാർട്ട് അടുക്കള ടിപ്സും നമുക്ക് നോക്കിയാലോ.

ALSO READ: പുളിച്ച തൈര് ഇനി കളയേണ്ട! വീണ്ടും ഉപയോഗിക്കാൻ ഇതാ മികച്ച വഴികൾ

വരുത്തുന്ന പ്രധാന തെറ്റുകൾ

കവറോടെ ഫ്രിഡ്ജിൽ വെക്കുന്നത്: സൂപ്പർമാർക്കറ്റിൽ നിന്നോ കടയിൽ നിന്നോ വാങ്ങുന്ന പ്ലാസ്റ്റിക് കവറിലോ പാക്കറ്റിലോ തന്നെ മല്ലിയില ഫ്രിഡ്ജിൽ വെക്കരുത്. ഇത് ഉള്ളിൽ ഈർപ്പം കെട്ടിക്കിടന്ന് ഇലകൾ വേഗത്തിൽ അഴുകാൻ കാരണമാകും.

കഴുകിയ ഉടൻ സൂക്ഷിക്കുന്നത്: ഈർപ്പമുള്ള മല്ലിയില ഒരിക്കലും നേരെ ഫ്രിഡ്ജിൽ വെക്കരുത്. വെള്ളത്തിന്റെ അംശം ഇരുന്നാൽ ഇലകൾ പെട്ടെന്ന് ചീഞ്ഞുപോകും.

വേര് കളയാതെ വെയ്ക്കുന്നത്: മല്ലിയിലയുടെ ചുവട്ടിലെ മണ്ണും വേരുകളും വൃത്തിയാക്കാതെ വെച്ചാൽ ബാക്ടീരിയ വളർച്ചയ്ക്ക് കാരണമാകും.

ഫ്രഷായി സൂക്ഷിക്കാനുള്ള വഴികൾ

ഗ്ലാസ് വാട്ടർ ഹാക്ക്: മല്ലിയിലയുടെ ചുവട്ടിലെ കട്ടിയുള്ള തണ്ടിന്റെ അറ്റം അല്പം മുറിച്ചു മാറ്റുക, അഴുക്കുകൾ ഉണ്ടെങ്കിൽ കളയുക. ഒരു ഗ്ലാസിലോ ജാറിലോ പാതി അളവിൽ വെള്ളമൊഴിക്കുക. മല്ലിയിലയുടെ തണ്ടുകൾ മാത്രം വെള്ളത്തിൽ മുങ്ങുന്ന രീതിയിൽ ഗ്ലാസിൽ ഇറക്കി വെക്കുക ഇലകൾ വെള്ളത്തിൽ മുങ്ങരുത്. ഗ്ലാസിന് മുകളിലായി ഒരു പ്ലാസ്റ്റിക് കവർ ലൂസായി മൂടി ഫ്രിഡ്ജിൽ സൂക്ഷിക്കുക. 2 ദിവസം കൂടുമ്പോൾ വെള്ളം മാറ്റി കൊടുത്താൽ മല്ലിയില ആഴ്ചകളോളം വാടാതെ പച്ചപ്പായിരിക്കും.

പേപ്പർ ടവൽ: മല്ലിയില നന്നായി വൃത്തിയാക്കി കേടായ ഇലകൾ മാറ്റി വൃത്തിയാക്കുക. കഴുകിയതാണെങ്കിൽ വെള്ളം പൂർണ്ണമായും തോർന്നുപോകാൻ വെയ്ക്കുക. ഒരു പ്ലാസ്റ്റിക് അല്ലെങ്കിൽ ഗ്ലാസ് എയർടൈറ്റ് ബോക്സിന്റെ അടിയിൽ ഒരു പേപ്പർ ടവലോ കോട്ടൺ തുണിയോ വിരിക്കുക. അതിനു മുകളിൽ മല്ലിയില വെച്ച് വീണ്ടും ഒരു പേപ്പർ ടവൽ കൊണ്ട് മൂടി ബോക്സ് അടച്ച് ഫ്രിഡ്ജിൽ വെക്കുക. പേപ്പർ ടവൽ അധിക ഈർപ്പം ആഗിരണം ചെയ്യുന്നതിനാൽ മല്ലിയില ചീഞ്ഞുപോകില്ല.

മല്ലിയില വളർത്താം

കടയിൽ നിന്ന് വാങ്ങുന്ന മല്ലിയിലയുടെ ചുവട്ടിലെ വേരുകളുള്ള ഭാഗം (ഏകദേശം 1-2 ഇഞ്ച് നീളത്തിൽ) കളയാതെ മാറ്റി വെക്കുക. ഇത് നേരിട്ട് മണ്ണിൽ നട്ടുപിടിപ്പിച്ചാൽ കുറഞ്ഞ ദിവസങ്ങൾക്കുള്ളിൽ പുതിയ ഇലകൾ വളർന്നു വരുന്നത് കാണാം. മല്ലിയില ചെടികൾക്ക് ദിവസവും കുറഞ്ഞത് 3 മുതൽ 4 മണിക്കൂർ എങ്കിലും നേരിയ സൂര്യപ്രകാശം ലഭിക്കണം. വേരുകളിൽ വെള്ളം കെട്ടിക്കിടക്കാതെ ഈർപ്പം മാത്രം നിലനിർത്തുക.

English Summary:

Simple kitchen storage methods like the stem-in-water technique or using moisture-absorbing paper towels in airtight containers, you can easily keep your Coriander Leaves for up to three weeks.

വ്യായാമത്തിന് ശേഷം ശികളുടെ വളർച്ചയ്ക്കും റിക്കവറിക്കും മികച്ച പ്രോട്ടീൻ അടങ്ങിയ ഭക്ഷണങ്ങളോ പ്രോട്ടീൻ ഷേക്കോ കഴിക്കുന്നത് നല്ലതാണെന്ന് എല്ലാവർക്കും അറിയാം. ശരീരത്തിന് ആവശ്യമായ എല്ലാ അമിനോ ആസിഡുകളും അടങ്ങിയ മികച്ച പ്രോട്ടീൻ തിരഞ്ഞെടുക്കാനും ഫിറ്റ്നസ് പ്രേമികൾ ശ്രദ്ധിക്കാറുണ്ട്. എന്നാൽ മികച്ച പ്രോട്ടീൻ കഴിച്ചത് കൊണ്ട് മാത്രം പൂർണ്ണ ഫലം ലഭിക്കില്ലെന്നാണ് പുതിയ പഠനം പറയുന്നത്, വ്യായാമം ചെയ്യുമ്പോൾ ശരീരത്തിലെ ജലാംശം നിലനിർത്തേണ്ടത് വളരെ പ്രധാനമാണ് എന്നതാണ് പുതിയ കണ്ടെത്തൽ.

ബീജിംഗിലെ ഒരു കൂട്ടം ഗവേഷകരാണ് ഈ പഠനം നടത്തിയത്. ആരോഗ്യവാന്മാരായ 13 ചെറുപ്പക്കാരെയാണ് ഇതിനായി തിരഞ്ഞെടുത്തത്. ഇവരെയെല്ലാം ഒരാഴ്ച വീതം ഇടവേളകളിൽ മൂന്ന് ഘട്ടങ്ങളിലായി ട്രെഡ്‌മില്ലിൽ വ്യായാമം ചെയ്യിപ്പിച്ചു. ഈ മൂന്ന് സെഷനുകളിലും ഇവർ കുടിക്കുന്ന വെള്ളത്തിൻ്റെ അളവിൽ മാത്രമാണ് ഗവേഷകർ മാറ്റം വരുത്തിയത്. ആദ്യത്തെ തവണ ഇവർക്ക് തീരെ വെള്ളം നൽകിയില്ല. രണ്ടാമത്തെ തവണ വ്യായാമത്തിലൂടെ നഷ്ടപ്പെട്ട ജലാംശത്തിൻ്റെ പകുതി നൽകി. മൂന്നാമത്തെ തവണ നഷ്ടപ്പെട്ട മുഴുവൻ ജലാംശവും നൽകി.

Also Read: Fitness Guide: വണ്ണം കുറയ്ക്കാൻ കാർബ്സ് പൂർണ്ണമായി ഒഴിവാക്കുന്നവരാണോ നിങ്ങൾ? എങ്കിൽ പണികിട്ടാൻ സാധ്യതയുണ്ട്!

ഓരോ വ്യായാമത്തിന് ശേഷവും എല്ലാവർക്കും ഒരേ അളവിൽ പ്രോട്ടീൻ ഷേക്കും നൽകി. വ്യായാമത്തിന് മുമ്പും ശേഷവും, ഷേക്ക് കുടിച്ച് 60, 120 മിനിറ്റുകൾക്ക് ശേഷവും ഇവരുടെ രക്തം പരിശോധിച്ച് അമിനോ ആസിഡുകളുടെ അളവ് വിലയിരുത്തിയിരുന്നു. ശരീരത്തിൽ ആവശ്യത്തിന് ജലാംശം ഇല്ലാത്ത അവസ്ഥയിൽ പ്രോട്ടീൻ ആഗിരണം ചെയ്യപ്പെടുന്നത് വളരെ കുറവാണെന്നാണ് പരിശോധനയിൽ കണ്ടെത്തിയത്. പ്രോട്ടീൻ ഷേക്ക് കുടിച്ച് ഒരു മണിക്കൂറിന് ശേഷം, വെള്ളം കുടിക്കാത്തവരിൽ മറ്റ് രണ്ട് വിഭാഗങ്ങളെ അപേക്ഷിച്ച് അമിനോ ആസിഡുകളുടെ അളവ് വളരെ കുറവാണെന്ന് വ്യക്തമായി.

ലൂസിൻ, ഐസോലൂസിൻ, ഗ്ലൂട്ടാമിൻ തുടങ്ങിയ അമിനോ ആസിഡുകളുടെ അളവിലാണ് പ്രധാനമായും കുറവ് അനുഭവപ്പെട്ടത്. എന്നാൽ 50 ശതമാനം വെള്ളം കുടിച്ചവരും 100 ശതമാനം വെള്ളം കുടിച്ചവരും തമ്മിൽ കാര്യമായ വ്യത്യാസങ്ങളൊന്നും ഉണ്ടായിരുന്നില്ല. വെള്ളം കുടിക്കാത്തവർക്ക് ദഹനപ്രശ്നങ്ങളോ മറ്റ് അസ്വസ്ഥതകളോ ഉണ്ടായിരുന്നില്ലെന്നും, അത് കൊണ്ടല്ല പ്രോട്ടീൻ ആഗിരണം ചെയ്യപ്പെടാതിരുന്നതെന്നും ഗവേഷകർ ചൂണ്ടിക്കാട്ടുന്നു. വെറും 13 പേരിൽ മാത്രം നടത്തിയ ചെറിയൊരു പഠനമാണെങ്കിലും, വ്യായാമ സമയത്ത് വെള്ളം കുടിക്കുന്നത് പ്രോട്ടീൻ വേഗത്തിൽ വലിച്ചെടുക്കാൻ ശരീരത്തെ സഹായിക്കുമെന്ന് ഈ പഠനം വ്യക്തമാക്കുന്നു.

English Summary

A new study reveals that dehydration during exercise significantly reduces the body's ability to absorb post-workout whey protein, highlighting the importance of staying hydrated for optimal muscle recovery.

വിപണിയിൽ അല്പം വില കൂടിയ ഫലവർഗ്ഗമാണ് സ്ട്രോബെറി. വിദേശിയാണെങ്കിലും നമ്മുടെ മണ്ണിലും സ്ട്രോബെറി വിളയിക്കാൻ സാധിക്കും. കൃത്യമായ പരിചരണവും ശ്രദ്ധയും നൽകിയാൽ കേരളത്തിലെ കാലാവസ്ഥയും നൂറുമേനി വിളയിക്കാൻ സാധിക്കും. നിങ്ങളും വീട്ടുവളപ്പിൽ സ്ട്രോബെറി കൃഷി എങ്ങനെ ചെയ്യാമെന്ന് അറിഞ്ഞാലോ...

സ്ട്രോബെറി കൃഷി

തണുപ്പും ചൂടും ഇടകലർന്ന കാലാവസ്ഥയാണ് സ്‌ട്രോബറി കൃഷിക്ക് അനുയോജ്യം. ഗ്രോബാഗിലും മണ്ണിലും സ്ട്രോബറി നട്ടു വളർത്താവുന്നതാണ്. സ്ട്രോബെറിയിലെ എവർ ബെയറിങ് ഇനങ്ങളാണ് കേരളത്തിൻ്റെ കാലാവസ്ഥയ്ക്ക് നല്ലത്. നല്ല വേരോട്ടത്തിന് സാധ്യതയുള്ള കണ്ടെയ്നറുകളിൽ വേണം തൈ നടാൻ. തൈകൾ തമ്മിൽ നല്ല അകലം പാലിക്കണം.

മണ്ണിൽ വെള്ളം കെട്ടിനിൽക്കാതെ ആവശ്യത്തിന് ഈർപ്പം ലഭിക്കുന്ന രീതിയിലായിരിക്കണം തയ്യാറെടുപ്പ്. മണ്ണിലേക്ക് മണലും കമ്പോസ്റ്റും ചേർത്ത് പാകപ്പെടുത്താം. മികച്ച രീതിയിൽ കായ്ഫലം ലഭിക്കാൻ സ്ട്രോബെറിക്ക് സൂര്യപ്രകാശം അത്യാവശ്യമാണ്. എങ്കിലും കഠിനമായ വെയിൽ നേരിട്ട് ഏൽക്കാതിരിക്കാൻ ശ്രദ്ധിക്കുക.

ALSO READ: പിസ്താ തോടിന് ഇത്രയും ​പവറോ, ​ഗാ‍‍ർഡൻ മേക്കോവറിന് പൈസ കളഞ്ഞത് വെറുതെ!

ചാണകപ്പൊടി, കമ്പോസ്റ്റ് തുടങ്ങിയ ജൈവവളങ്ങൾ നൽകാവുന്നതാണ്. മുഞ്ഞ, ഒച്ചുകൾ എന്നിവയാണ് സ്ട്രോബെറിക്കെതിരെ പ്രധാനമായും വരാവുന്ന വെല്ലുവിളികൾ. കീടങ്ങളിൽ നിന്നും സംരക്ഷിക്കുന്നതിനായി വേപ്പെണ്ണ പ്രയോഗിക്കാവുന്നതാണ്. ചെടിയുടെ കേടായ ഇലകൾ അപ്പപ്പോൾ തന്നെ നീക്കം ചെയ്യേണ്ടതാണ്.

വിളവെടുപ്പ്

വിത്ത് വഴിയാണ് വളർത്തുന്നതെങ്കിൽ 12 മുതൽ 18 മാസത്തിനുള്ളിൽ കായ്ഫലം ലഭിച്ചു തുടങ്ങും. കായ്കൾ പൂർണ്ണമായും ചുവപ്പ് നിറമാകുമ്പോൾ വിളവെടുക്കാം. രാവിലെ തണുപ്പുള്ള സമയത്ത് വിളവെടുക്കുന്നതാണ് ഏറ്റവും ഉചിതം. തൈകൾക്ക് കേടുപാടുകൾ വരാതിരിക്കാൻ കത്രിക ഉപയോഗിച്ച് തണ്ടോടുകൂടി മുറിച്ചെടുക്കാം.

സ്ട്രോബെറി - ആരോഗ്യഗുണങ്ങൾ

1. സ്ട്രോബെറിയിൽ അടങ്ങിയിരിക്കുന്ന ആന്റിഓക്‌സിഡന്റുകളും വിറ്റാമിൻ സി-യും ശരീരത്തിലെ പ്രതിരോധശേഷി വർദ്ധിപ്പിക്കാനും ഫ്രീ റാഡിക്കലുകളെ ചെറുക്കാനും സഹായിക്കുന്നു.
2. ആന്തോസയാനിനുകൾ ഹൃദ്രോഗ സാധ്യത കുറയ്ക്കാനും രക്തസമ്മർദ്ദം നിയന്ത്രിക്കാനും സഹായിക്കും.
3. വിറ്റാമിൻ സി ധാരാളം അടങ്ങിയിരിക്കുന്നതിനാൽ ചർമ്മത്തിലെ കൊളാജൻ ഉത്പാദനം വർദ്ധിപ്പിക്കാനും ചർമ്മം ചെറുപ്പത്തോടെയും തിളക്കത്തോടെയും സൂക്ഷിക്കാനും ഇത് സഹായിക്കുന്നു.
4. സ്ട്രോബെറിയിൽ നാരുകൾ ഉയർന്ന അളവിലുണ്ട്. ഇത് ദഹനം സുഗമമാക്കാനും മലബന്ധം തടയാനും സഹായിക്കും.
5. കാർബോഹൈഡ്രേറ്റും കൊഴുപ്പും വളരെ കുറഞ്ഞതും ജലാംശം കൂടുതലുള്ളതുമായ ഒരു ഫലമാണിത്. ശരീരഭാരം നിയന്ത്രിക്കാൻ ശ്രമിക്കുന്നവരുടെ ഡയറ്റിൽ ഇത് ഉൾപ്പെടുത്താം.

English Summary:

Strawberries can be grown successfully at home in pots, grow bags, or directly in the soil with proper care. Ever-bearing strawberry varieties are suitable for Kerala’s climate.

വണ്ണം കുറയ്ക്കാനും മസിലുകൾ വളർത്താനും ആഗ്രഹിക്കുന്നവർ കാർബോഹൈഡ്രേറ്റ് അടങ്ങിയ ഭക്ഷണങ്ങൾ പൂർണ്ണമായും ഒഴിവാക്കണം എന്നതാണ് ഫിറ്റ്നസ് ലോകത്തെ ഏറ്റവും വലിയ തെറ്റിദ്ധാരണകളിലൊന്ന്. ശരീരത്തിന് ആവശ്യമായ ഊർജ്ജം നൽകുന്ന പ്രധാന ഉറവിടമാണ് കാർബോഹൈഡ്രേറ്റ്. ഇത് ഗ്ലൂക്കോസായി മാറിയാണ് കോശങ്ങൾക്കും അവയവങ്ങൾക്കും തലച്ചോറിനും ഉൾപ്പടെ ഊർജ്ജം നൽകുന്നത്. രക്തത്തിലെ ഗ്ലൂക്കോസ്, ഇൻസുലിൻ എന്നിവ നിയന്ത്രിക്കുന്നതിനും കൊളസ്ട്രോൾ സന്തുലിതമാക്കി നിലനിർത്തുന്നതിനും ദഹനപ്രക്രിയ സുഗമമാക്കുന്നതിനും കാർബോഹൈഡ്രേറ്റ് അത്യാവശ്യമാണ്.

കാർബ്സ് കുറയ്ക്കുന്നത് വേഗത്തിൽ ഭാരം കുറയ്ക്കാൻ സഹായിക്കുമെന്ന് പലരും വിശ്വസിക്കുന്നുണ്ട്. എന്നാൽ ആദ്യത്തെ ആഴ്ചയിൽ ശരീരത്തിലെ ജലാംശം കുറയുന്നതുകൊണ്ടുമാത്രമാണ് ഭാരം പെട്ടെന്ന് കുറഞ്ഞതായി തോന്നുന്നത്. കൃത്യമായ കലോറിയും പ്രോട്ടീനും ഉറപ്പാക്കിയാൽ ലോ-കാർബ് ഡയറ്റായാലും സാധാരണ ഡയറ്റായാലും ശരീരത്തിലെ കൊഴുപ്പ് കുറയുന്ന അളവ് സമാനമാണെന്നാണ് സ്റ്റാൻഫോർഡ് യൂണിവേഴ്സിറ്റി നടത്തിയ പഠനങ്ങളിൽ ഉൾപ്പെടെ കണ്ടെത്തിയിട്ടുള്ളത്.

Also Read: Fitness Guide: ജിമ്മിൽ പോകാൻ സമയമില്ലേ? യാതൊരു ഉപകരണങ്ങളിമില്ലാതെ വീട്ടിൽ തന്നെ ചെയ്യാം ഈ വ്യായാമങ്ങൾ

ഭക്ഷണത്തിൽ നിന്ന് കാർബോഹൈഡ്രേറ്റ് പൂർണ്ണമായും ഒഴിവാക്കുമ്പോൾ ശരീരം പുതിയൊരു ഊർജ്ജ സ്രോതസ്സ് കണ്ടെത്താൻ ശ്രമിക്കും. രക്തത്തിലുള്ള ഗ്ലൂക്കോസും, കരളിലും പേശികളിലും സൂക്ഷിച്ചിട്ടുള്ള ഗ്ലൈക്കോജനും പൂർണ്ണമായും തീർന്നുപോകുമ്പോൾ ശരീരത്തിന് കടുത്ത ബുദ്ധിമുട്ടുകൾ അനുഭവപ്പെടും. ഇതിനെ 'കീറ്റോ ഫ്ലൂ എന്നാണ് വിളിക്കുന്നത്. തലവേദന, അമിതമായ ക്ഷീണം, ബ്രെയിൻ ഫോഗ്, എന്നിവയാണ് ഇതിൻ്റെ പ്രധാന ലക്ഷണങ്ങൾ. ശരീരത്തിൽ നിന്ന് സോഡിയം, പൊട്ടാസ്യം, മഗ്നീഷ്യം തുടങ്ങിയ അവശ്യ മൂലകങ്ങൾ പെട്ടെന്ന് നഷ്ടപ്പെടുന്നതാണ് ഇതിന് കാരണം. പിന്നീട് തലച്ചോറിനും പേശികൾക്കും പ്രവർത്തിക്കാൻ കരൾ ശരീരത്തിലെ കൊഴുപ്പിനെ 'കീറ്റോണുകൾ' ആക്കി മാറ്റുകയാണ് ചെയ്യുക.

കീറ്റോണുകളെ ആശ്രയിച്ച് വ്യായാമം ചെയ്യുന്നത് ശാരീരികക്ഷമതയെ സാരമായി ബാധിക്കും. ഗ്ലൈക്കോജൻ്റെ അഭാവം കാരണം കഠിനമായ വർക്കൗട്ടുകൾ പൂർത്തിയാക്കാൻ സാധിച്ചെന്നുവരില്ല. പേശികൾക്ക് വേഗത്തിൽ ഊർജ്ജം നൽകുന്ന എ.ടി.പി ഉത്പാദനം കുറയുന്നതോടെ വലിയ ഭാരം ഉയർത്താനാകാതെ വരികയും പെട്ടെന്ന് ക്ഷീണിക്കുകയും ചെയ്യും. ഇത് ജിമ്മിലെ പ്രകടനത്തെ തന്നെ പ്രതികൂലമായി ബാധിക്കും.

മാത്രമല്ല, വർക്കൗട്ടിന് ശേഷമുള്ള മസിൽ റിക്കവറിക്കും കാർബോഹൈഡ്രേറ്റ് അത്യാവശ്യമാണ്. പേശികളിലേക്ക് അമിനോ ആസിഡുകൾ എത്തിക്കാനും, ശരീരത്തിലെ സ്ട്രെസ് ഹോർമോണായ കോർട്ടിസോളിൻ്റെ അളവ് കുറയ്ക്കാനും കാർബോഹൈഡ്രേറ്റ് സഹായിക്കുന്നുണ്ട്. അതിനാൽ, ജിമ്മിൽ മികച്ച രീതിയിൽ വ്യായാമം ചെയ്യാനും ക്ഷീണം ഒഴിവാക്കാനും കോംപ്ലക്സ് കാർബോഹൈഡ്രേറ്റ് അടങ്ങിയ ഭക്ഷണങ്ങൾ ഡയറ്റിൽ തീർച്ചയായും ഉൾപ്പെടുത്തേണ്ടതുണ്ട്.

English Summary

Cutting carbohydrates for weight loss or muscle building is a major fitness myth. Carbs are essential for energy, muscle recovery, and preventing keto flu, ensuring optimal performance during intense workouts.

നിരാകരണം: ഈ വാർത്തയിൽ പറയുന്ന കാര്യങ്ങൾ പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഇതിനെ അംഗീകൃത മെഡിക്കൽ ഉപദേശമായി കണക്കാക്കരുത്. ആരോഗ്യപരമായ സംശയങ്ങൾക്ക് എപ്പോഴും ഒരു ഡോക്ടറെ സമീപിക്കുക.

വീട്ടുമുറ്റത്തോ ബാൽക്കണിയിലെ ഒരു അടിപൊളി ഗാർഡൻ പലരുടെയും ആഗ്രഹമാണ്. മറ്റുചിലർ അവരുടെ ഗാർഡന് മേക്കോവർ നൽകാനുള്ള തിരക്കിലും. എന്നാൽ അധികപൈസ ചെലവില്ലാതെ തന്നെ നമ്മുക്കൊരു അടിപൊളി ഗാർഡൻ ഒരുക്കാൻ കഴിയുമെന്ന് അറിയാമോ? നമ്മൾ പാഴ്വസ്തുവെന്ന് തള്ളിക്കളയുന്ന മുട്ടത്തോടും ചിരട്ടയുമെല്ലാം ഇത്തരത്തിൽ ഗാർഡനിൽ ഉപകാരിയാണ്. അക്കൂട്ടത്തിൽ നമ്മുടെ പിസ്താതോടും പെടുമെന്നേ...

നാം സാധാരണയായി പിസ്ത കഴിച്ചതിനുശേഷം അതിന്റെ തോടുകൾ ചവറ്റുകൊട്ടയിൽ തള്ളാറാണ് പതിവ്. എന്നാൽ കുറച്ച് ക്രിയേറ്റിവിറ്റി ഉണ്ടെങ്കിൽ ഗാർഡൻ മനോഹരമാക്കാൻ സാധിക്കും. നിങ്ങൾ ഉപയോഗിക്കുന്നത് ഉപ്പിട്ട പിസ്ത തോടുകളാണെങ്കിൽ, അവ ചെടികൾക്ക് അരികിൽ ഉപയോഗിക്കുന്നതിന് മുമ്പ് വെള്ളത്തിൽ നന്നായി കഴുകി ഉപ്പ് കളയേണ്ടതാണ്.

പിസ്താതോട് ഐഡിയകൾ

ഡ്രൈനേജ് സിസ്റ്റം 

വലിയ പൂച്ചട്ടികളിൽ വെള്ളം കെട്ടിക്കിടന്ന് വേരുകൾ ചീഞ്ഞുപോകാൻ സാധ്യതയുണ്ട്. ഇതിനൊരു എളുപ്പവഴിയാണ് പിസ്ത തോടുകൾ. ചട്ടിയുടെ അടിഭാഗത്ത് ഒന്നിരട രണ്ട് ഇഞ്ചുകനത്തിൽ പിസ്ത തോടുകൾ നിരത്തിയ ശേഷം അതിനുമുകളിൽ മണ്ണ് നിറയ്ക്കുക. ഇത് മികച്ച ഡ്രൈനേജ് നൽകുകയും അധിക വെള്ളം പുറന്തള്ളാൻ സഹായിക്കുകയും ചെയ്യും. പ്രത്യേകിച്ചും അടിയിൽ ദ്വാരമില്ലാത്ത ചട്ടികളിൽ ഈ വിദ്യ വളരെ ഉപകാരപ്പെടും.

പോട്ട് ഫില്ലർ 

വലിയ ചട്ടികൾ നിറയ്ക്കാൻ വലിയ അളവിൽ പോട്ടിംഗ് സോയിൽ ആവശ്യമാണ്. ഇത് ഒഴിവാക്കാൻ ചട്ടിയുടെ അടിഭാഗം പിസ്ത തോടുകൾ കൊണ്ട് നിറയ്ക്കാം. മുകളിലായി ചെടികൾക്ക് വളരാൻ ആവശ്യമായ അളവിൽ മാത്രം മണ്ണ് ഇടുക.

ALSO READ: പഴയ ഷൂസും ചെരുപ്പും കളയല്ലേ… ഗാർഡനിൽ ഉപകാരിയാണേ; ഐഡിയകളിതാ…

നാചുറൽ മൾച്ച് 

ചെടികളുടെ ചുവട്ടിൽ മണ്ണിൽ ഈർപ്പം നിലനിർത്താനും കളകളുടെ വളർച്ച തടയാനും പിസ്ത തോടുകൾ മൾച്ച് ആയി ഉപയോഗിക്കാം. ഇത് വേരുകളെ അമിത ചൂടിൽ നിന്നും തണുപ്പിൽ നിന്നും സംരക്ഷിക്കുന്നു. കാലക്രമേണ ഇവ ജീർണിച്ച് മണ്ണിലേക്ക് ജൈവവളമായി മാറുകയും ചെയ്യും.

പ്രാണികളെ പ്രതിരോധിക്കാൻ 

മുട്ടത്തോട് ഉപയോഗിക്കുന്നത് പോലെ, ഒച്ചുകൾ പോലുള്ള ജീവികളുടെ ശല്യം ഒഴിവാക്കാൻ പിസ്ത തോടുകൾ ചെടികളുടെ ചുവട്ടിൽ വട്ടത്തിൽ നിരത്തിടാം. ഇവയുടെ കൂർത്ത അരികുകൾ ഇത്തരം പ്രാണികൾക്ക് ചെടികളുടെ അരികിലേക്ക് എത്താൻ പ്രയാസമുണ്ടാക്കും.

ഗാർഡൻ ക്രാഫ്റ്റുകൾ 

പിസ്ത തോടുകളുടെ പ്രത്യേക വളഞ്ഞ ആകൃതി കാരണം പൂക്കളുടെ രൂപത്തിൽ ക്രാഫ്റ്റ് വർക്കുകൾ ചെയ്യാൻ ഇവ മികച്ചതാണ്. പിസ്ത തോടുകളിൽ നിങ്ങളുടെ ഇഷ്ടമുള്ള ഏതെങ്കിലും എസ്സെൻഷ്യൽ ഓയിൽ ഏതാനും തുള്ളി ഒഴിച്ച് കുറച്ചു സമയം വെക്കുക. തോടുകൾ ഈ സുഗന്ധം ആഗിരണം ചെയ്യും. ഇത് പൂക്കളോടൊപ്പം ഒരു അലങ്കാര പാത്രത്തിൽ വെച്ചാൽ വീടിനുള്ളിൽ എപ്പോഴും നല്ല സുഗന്ധം പരക്കും. അതുപോലെ, പിസ്ത തോടുകൾ പശ ഉപയോഗിച്ച് ഒട്ടിച്ച് മനോഹരമായ കൃത്രിമ പൂക്കളോ വാൾ ആർട്ടോ നിർമ്മിക്കാം. ഇത് ഗാർഡൻ മനോഹരമാക്കും.

English Summary:

Pistachio shells can be reused in gardening in several creative and eco-friendly ways instead of being thrown away. They can be placed at the bottom of plant pots as a filler, used as mulch to help retain soil moisture and suppress weed growth, and spread around plants to help deter slugs, snails, and other pests.