മലയാളികളുടെ അടുക്കളയിൽ ഒഴിച്ചുകൂടാനാവാത്ത ഒന്നാണ് കറിവേപ്പില. എന്നാൽ അവ കടയിൽ നിന്ന് വാങ്ങുകയാണ് പതിവ്. അവയിൽ പലതിലും കീടനാശിനികളുടെ സാന്നിധ്യം ഉണ്ടായിരിക്കും. ശുദ്ധമായ കറിവേപ്പിലയ്ക്ക് വേണ്ടി ഇന്ന് പലരും തങ്ങളുടെ അടുക്കളത്തോട്ടത്തിൽ അവ വളർത്തുന്നുണ്ട്. എന്നാൽ മഴക്കാലമാകുന്നതോടെ പലരുടെയും വീട്ടിലെ കറിവേപ്പ് ചെടിയുടെ ഇലകൾ കൊഴിയാനോ, വേരുകൾ അഴുകി ചെടി നശിച്ചുപോകാനോ സാധ്യത കൂടുതലാണ്. എന്താണിതിന് പരിഹാരം?

കറിവേപ്പില വളർത്താം

വീട്ടുമുറ്റത്തോ ഗ്രോബാഗിലോ എളുപ്പത്തിൽ ചെയ്യാവുന്ന ഒന്നാണ് കറിവേപ്പില കൃഷി. ശരിയായ പരിപാലനം നൽകിയാൽ വർഷം മുഴുവൻ വിഷരഹിതമായ നല്ല പച്ചപ്പുള്ള കറിവേപ്പില അടുക്കളയിലേക്ക് ലഭിക്കും.  വേരിൽ നിന്നും മുളച്ചുവരുന്ന തൈകൾ നടുന്നതാണ് കമ്പു കുത്തി മുളപ്പിക്കുന്നതിനേക്കാൾ വേഗത്തിൽ തഴച്ചുവളരാൻ നല്ലത്. നല്ല ഇനം കറിവേപ്പ് തൈകൾ നഴ്സറികളിൽ നിന്നും വാങ്ങാം.

കുഴിയെടുത്ത് അതിൽ ഉണങ്ങിയ ചാണകപ്പൊടിയും മേൽമണ്ണും വേപ്പിൻപിണ്ണാക്കും കലർത്തി നിറച്ച് തൈ നടാം. ഗ്രോബാഗിലോ ചട്ടിയിലോ നടുകയാണെങ്കിൽ മണ്ണ്, ചകിരിച്ചോറ്, ചാണകപ്പൊടി എന്നിവ 1:1:1 എന്ന അനുപാതത്തിൽ കലർത്തി വേപ്പിൻപിണ്ണാക്കും ചേർത്ത മിശ്രിതം ഉപയോഗിക്കേണ്ടതാണ്. കറിവേപ്പ് നല്ലതുപോലെ തഴച്ചുവളരാൻ ദിവസവും കുറഞ്ഞത് 5-6 മണിക്കൂർ നേരിട്ടുള്ള സൂര്യപ്രകാശം വേണം.

ALSO READ: ചീര നടുമ്പോൾ ഈ അടിവളം നൽകൂ, കേടുപാടുകൾ ഇല്ലാത്ത ഇലകൾ ലഭിക്കും

നനയും വളവും

കറിവേപ്പില നന്നായി വളരാൻ മണ്ണിൽ ഈർപ്പം വേണം, എന്നാൽ വെള്ളം കെട്ടിക്കിടക്കരുത്. ഗ്രോബാഗിലെ മുകൾഭാഗത്തെ മണ്ണ് ഉണങ്ങിയ ശേഷം മാത്രം നനയ്ക്കുക. കറിവേപ്പ് പച്ചപ്പോടെ തഴച്ചുവളരാൻ ആഴ്ചയിലോ രണ്ടാഴ്ചയിലോ ഒരിക്കൽ ജൈവ വളങ്ങൾ കൊടുക്കാം.

കറിവേപ്പ് ചെടിയുടെ മുകൾഭാഗം പതിവായി നുള്ളിക്കൊടുക്കേണ്ടതാണ്. ഇലകൾ പറിക്കുമ്പോൾ ഇല മാത്രമായി പറിച്ചെടുക്കാതെ, ചെറിയ തണ്ടോടു കൂടി മുറിച്ചെടുക്കുക. വളർച്ച കുറഞ്ഞ കമ്പുകൾ വെട്ടിമാറ്റുമ്പോൾ പുതിയ ശാഖകൾ ധാരാളമായി പൊട്ടിവരും.

ശ്രദ്ധിക്കേണ്ട കാര്യങ്ങൾ

1. കറിവേപ്പിലയുടെ നല്ല വളർച്ചയ്ക്ക് ദിവസവും കുറഞ്ഞത് 6 മണിക്കൂറെങ്കിലും നേരിട്ടുള്ള സൂര്യപ്രകാശം ലഭിക്കുന്ന സ്ഥലത്ത് ചെടി വളർത്താൻ ശ്രദ്ധിക്കുക.
2. ആഴ്ചയിലൊരിക്കൽ പുളിച്ച മോര് വെള്ളത്തിൽ നന്നായി നേർപ്പിച്ച് ഒഴിച്ചു കൊടുക്കുന്നത് കറിവേപ്പിലയ്ക്ക് ഏറ്റവും മികച്ച വളമാണ്.
3. അരി കഴുകിയ വെള്ളം ഒഴിക്കുന്നതും ചെടിയുടെ വളർച്ച വേഗത്തിലാക്കും.
4. ഇലകളിൽ കറുത്ത പുള്ളികളോ പുഴുക്കളോ കണ്ടാൽ വേപ്പെണ്ണ-സോപ്പ് ലായനി തളിച്ചു കൊടുക്കുക.
5. കടലപ്പിണ്ണാക്കും വേപ്പിൻപിണ്ണാക്കും വെള്ളത്തിൽ പുളിപ്പിച്ച് തടത്തിൽ ഒഴിക്കുന്നത് ചെടിയുടെ പ്രതിരോധശേഷി കൂട്ടും.
6. ഇലകളിൽ വെള്ളപ്പൊടി പോലെ കാണുന്ന കീടങ്ങളെ അകറ്റാൻ 1 ലിറ്റർ വെള്ളത്തിൽ 5 മില്ലി വേപ്പെണ്ണയും അല്പം സോപ്പ് ലായനിയും ചേർത്ത് തളിക്കുക.
7. ചെടിയുടെ ചുവട്ടിലും ഇലകളിലും അല്പം മരച്ചാരം തൂവുന്നത് പുഴുക്കളെ അകറ്റാൻ സഹായിക്കുമെന്ന് പറയപ്പെടുന്നു.

English Summary:

Growing curry leaves is easier because the cool weather and natural moisture encourage healthy growth, but proper care is essential to prevent root rot. Use a pot with good drainage and plant the sapling in loose, well-draining soil enriched with organic compost.

മലയാളികളുടെ പ്രിയപ്പെട്ട പ്രഭാത ഭക്ഷണമാണ് ഇഡ്ഡലി. സാമ്പാറിനൊപ്പവും ചമ്മന്തിക്കൊപ്പവുമെല്ലാം ഇഡ്ഡലി നമ്മൾ കഴിക്കാറുണ്ട്. എന്നാൽ ഇനി അല്പം വെറൈറ്റി ആയാലോ... ദിവസവും രാവിലെ കഴിക്കുന്ന സാധാരണ അരി ഇഡ്ഡലിക്ക് പകരം വയ്ക്കാൻ പറ്റിയ പോഷകസമ്പന്നമായ ഒരു വിഭവമാണ് റാഗി ഇഡ്ഡലി. പഞ്ഞപ്പുല്ല് അഥവാ മുത്താറി എന്നറിയപ്പെടുന്ന റാഗിയിൽ ധാരാളം കാൽസ്യവും ഇരുമ്പും നാരുകളും അടങ്ങിയിട്ടുണ്ട്.

റാഗി ഇഡ്ഡലി ഉണ്ടാക്കുന്ന വിധം

ആവശ്യമായ ചേരുവകൾ

• റാഗി പൊടി: 1 കപ്പ്
• പച്ചരി: 1 കപ്പ്
• ഉഴുന്ന്: 1/2 കപ്പ്
• അവൽ: 1/4 കപ്പ്
• ഉലുവ: 1/2 ടീസ്പൂൺ
• ഉപ്പ്, വെള്ളം: ആവശ്യത്തിന്

തയ്യാറാക്കുന്ന വിധം

1. അരിയും ഉഴുന്നും ഉലുവയും നന്നായി കഴുകി വേറെ വേറെ പാത്രങ്ങളിൽ 4 മുതൽ 5 മണിക്കൂർ വരെ വെള്ളത്തിൽ കുതിർത്തു വെക്കുക.
2. അരക്കുന്നതിന് 10 മിനിറ്റ് മുൻപ് അവൽ വെള്ളത്തിൽ കുതിർക്കുക
3. കുതിർത്ത ഉഴുന്നും ഉലുവയും അവലും ചേർത്ത ശേഷം നന്നായി അരച്ചെടുക്കുക.
4. തുടർന്ന് കുതിർത്ത അരിയും ചേര്ത്ത് ആവശ്യത്തിന് വെള്ളമൊഴിച്ച് നന്നായി അരച്ചെടുക്കുക.
5. അരച്ചുവെച്ച മാവിലേക്ക് 1 കപ്പ് റാഗി പൊടി ചേർത്ത് തട്ടുകളോ കട്ടകളോ ഇല്ലാതെ കൈകൊണ്ടോ തവി കൊണ്ടോ നന്നായി ഇളക്കി യോജിപ്പിക്കുക.
6. ഈ മാവ് അടച്ചുുവെച്ച് 8 മുതൽ 10 മണിക്കൂർ വരെ നന്നായി പുളിക്കാൻ വയ്ക്കുക.
7. രാവിലെ മാവിലേക്ക് ആവശ്യത്തിന് ഉപ്പ് ചേർത്ത് പതുക്കെ ഇളക്കുക.
8. ഇഡ്ഡലി തട്ടിൽ കുറച്ച് എണ്ണ തടവി മാവ് ഒഴിച്ച് 10-12 മിനിറ്റ് ആവിയിൽ വേവിച്ചെടുക്കുക.
9. ചൂടോടെ തേങ്ങ ചട്ണിയ്ക്കൊപ്പമോ സാമ്പാറിനൊപ്പമോ കഴിക്കാം.

ALSO READ: ഓർമ്മക്കുറവ് നിങ്ങളെ അലട്ടുന്നുണ്ടോ? തലച്ചോറിൻ്റെ ആരോഗ്യത്തിനായി ശ്രദ്ധിക്കാം ഈ 5 കാര്യങ്ങൾ

റാഗിയുടെ ആരോഗ്യഗുണങ്ങൾ

റാഗി പോഷകങ്ങളുടെ ഒരു കലവറയാണ്. ദിവസവും ആഹാരത്തിൽ റാഗി ഉൾപ്പെടുത്തുന്നത് ആരോഗ്യത്തിന് നിരവധി ഗുണങ്ങൾ നൽകുന്നു. മറ്റ് ധാന്യങ്ങളെ അപേക്ഷിച്ച് റാഗിയിൽ കാൽസ്യം വളരെ ഉയർന്ന അളവിലുണ്ട്. കുട്ടികളുടെ എല്ലുകളുടെ വളർച്ചയ്ക്കും പ്രായമായവരിൽ ഉണ്ടാകുന്ന അസ്ഥിക്ഷയം തടയുന്നതിനും ഇത് വളരെ നല്ലതാണ്.

റാഗിയിൽ ഉയർന്ന അളവിൽ നാരുകളും പോളിഫെനോളുകളും അടങ്ങിയിരിക്കുന്നു. ഇതിന്റെ ലോ ഗ്ലൈസെമിക് ഇൻഡക്സ് രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് തടയുകയും ഇൻസുലിൻ നിയന്ത്രണം മെച്ചപ്പെടുത്തുകയും ചെയ്യുന്നു. അതുപോലെ, റാഗി ഇരുമ്പിന്റെ സാന്നിധ്യത്താൽ സമ്പന്നമാണ്. ശരീരത്തിൽ ഹീമോഗ്ലോബിന്റെ അളവ് കൂട്ടാൻ ഇത് സഹായിക്കുന്നു.

റാഗിയിൽ കലോറി കുറവും പ്രകൃതിദത്തമായ നാരുകൾ കൂടുതലുമാണ്. ഇത് കഴിക്കുമ്പോൾ പെട്ടെന്ന് വയറു നിറഞ്ഞ അനുഭവം ഉണ്ടാകുകയും ദീർഘനേരം വിശപ്പു തോന്നാതിരിക്കുകയും ചെയ്യുന്നു. അതിനാൽ ശരീരഭാരം കുറയ്ക്കാൻ ആഗ്രഹിക്കുന്നവർക്ക് ഇത് മികച്ചൊരു ഭക്ഷണമാണ്. ഉയർന്ന അളവിലുള്ള നാരുകൾ കുടലിന്റെ ആരോഗ്യം സംരക്ഷിക്കുകയും മലബന്ധം പോലുള്ള പ്രശ്നങ്ങൾ തടയുകയും ചെയ്യുന്നു. ചീത്ത കൊളസ്ട്രോളിന്റെ അളവ് കുറയ്ക്കാനും നല്ല കൊളസ്ട്രോൾ നിലനിർത്താനും റാഗി കഴിക്കുന്നത് സഹായിക്കും. ഇത് രക്തസമ്മർദ്ദം നിയന്ത്രിക്കുകയും ഹൃദയസംബന്ധമായ രോഗങ്ങൾ തടയുകയും ചെയ്യും.

English Summary:

Ragi is a powerhouse of nutrition, and including it in your daily diet offers several health benefits. It contains significantly higher levels of calcium than most other grains, making it excellent for strengthening bones. Regular consumption of ragi supports healthy bone development in children and helps prevent bone loss and osteoporosis in older adults.

ദേ ഓണം ബമ്പര്‍ വില്‍പന തകൃതിയായി നടക്കുകയാണ്, ലോട്ടറിയെടുക്കാന്‍ നിങ്ങള്‍ കൂടിയേ ബാക്കിയുള്ളൂ, പെട്ടെന്ന് ടിക്കറ്റ് എടുക്കാം. മണ്‍സൂണ്‍ ബമ്പര്‍ നറുക്കെടുപ്പിന് പിന്നാലെ വിപണിയിലെത്തിയ ഓണം ബമ്പര്‍ എടുക്കാന്‍ ഉപഭോക്താക്കളുടെ തിരക്കാണ് സംസ്ഥാനത്തെ എല്ലാ ലോട്ടറി വില്‍പനശാലകളിലും അനുഭവപ്പെടുന്നത്. സമ്മാനത്തുകയില്‍ വര്‍ധവ് ഉണ്ടായതുകൊണ്ട് തന്നെ ടിക്കറ്റ് എടുക്കുന്നവരുടെ എണ്ണത്തിലും വര്‍ധനവ് സംഭവിച്ചേക്കാം.

ഓണം ബമ്പര്‍ ഒന്നാം സമ്മാനം ആരെ തേടിയാകും എത്തുക എന്ന കാര്യത്തില്‍ ആര്‍ക്കും പ്രവചനങ്ങള്‍ നടത്താന്‍ സാധിക്കില്ല. ചിലപ്പോള്‍ നിങ്ങളെ തേടിയാകാം ഭാഗ്യം വരുന്നത്. സമ്മാനം ലഭിച്ചുവെന്ന് കേട്ട് ബോധം പോകാതിരിക്കാനും പ്രത്യേകം ശ്രദ്ധിക്കണം കേട്ടോ!, ടിക്കറ്റ് എടുത്ത എല്ലാവരും തങ്ങളെ തേടിയും സമ്മാനമെത്തുമെന്ന കാര്യം മനസില്‍ വെക്കുക, സമ്മാനം ലഭിച്ചുവെന്ന് പെട്ടെന്നറിയുമ്പോള്‍ ചിലര്‍ക്ക് ശാരീരിക അസ്വസ്ഥതകള്‍ ഉണ്ടാകാനും ഇടയുണ്ട്. ഓണം ബമ്പര്‍ അടിച്ചാല്‍ നിങ്ങള്‍ എന്തെല്ലം ചെയ്യണമെന്ന് നോക്കാം.

ശാന്തരാകാം...

ഓണം ബമ്പറിന്റെ ഒന്നാം സമ്മാനം നിങ്ങള്‍ക്കാണ് ലഭിച്ചിരിക്കുന്നതെന്ന് അറിഞ്ഞാല്‍ അമിത ആവേശത്തിലാകരുത്. ശാന്തനാകുകയും സമ്മാനം ലഭിച്ച ടിക്കറ്റ് സുരക്ഷിതമായി എടുത്തുവെക്കുകയും വേണം, സമ്മാനം ലഭിച്ച വിവരം ആരോടും പങ്കുവെക്കാതിരിക്കാനും ശ്രദ്ധിക്കുക.

സുരക്ഷിതമാക്കാം

നിങ്ങളുടെ ടിക്കറ്റിന്റെ പുറകുവശത്ത് പേര്, മേല്‍വിലാസം, ഫോണ്‍ നമ്പര്‍ എന്നിവ എഴുതാന്‍ മറക്കരുത്. ടിക്കറ്റിന്റെ ഫോട്ടോ എടുക്കാനും കോപ്പി എടുത്ത് വെക്കാനും മറക്കരുത്.

തീരുമാനങ്ങള്‍ പതുക്കെ മതി

സമ്മാനത്തുക നിങ്ങളുടെ ബാങ്ക് അക്കൗണ്ടിലേക്ക് എത്തിയതിന് ശേഷം, വളരെ പതുക്കെ മതി സാമ്പത്തിക കാര്യങ്ങളില്‍ തീരുമാനമെടുക്കുന്നത്. പണം എങ്ങനെ ചെലവഴിക്കണമെന്ന എന്ന കാര്യത്തില്‍ ആശയക്കുഴപ്പമുണ്ടെങ്കില്‍ സാമ്പത്തിക വിദഗ്ധരുടെ ഉപദേശം തേടാവുന്നതാണ്.

Also Read: Onam Bumper 2026: ഓണം ബമ്പര്‍ നേടാന്‍ സാധ്യതയുള്ള നക്ഷത്രങ്ങള്‍; വേഗം ടിക്കറ്റ് എടുത്തോളൂ

നിക്ഷേപത്തില്‍ ശ്രദ്ധയാകാം

സമ്മാനത്തുകയുടെ മുഴുവന്‍ ഒരിടത്ത് തന്നെ നിക്ഷേപിക്കരുത്. സുരക്ഷിത മാര്‍ഗങ്ങളിലേക്ക് തുക വിഭവിച്ച് നിക്ഷേപം നടത്തുന്നതാണ് നല്ലത്. ലോട്ടറി സമ്മാനത്തിന്റെ നികുതി നിയമങ്ങള്‍ മനസിലാക്കിയ ശേഷം സാമ്പത്തിക പദ്ധതി തയാറാക്കുന്നതാണ് ഉചിതം.

തട്ടിപ്പുകാരെ അകറ്റിനിര്‍ത്താം

നിങ്ങള്‍ക്ക് വലിയ തുക സമ്മാനം ലഭിച്ചൂ എന്നറിഞ്ഞാല്‍ തട്ടിപ്പ് നടത്താനായി ഒരുപാട് പേര്‍ എത്തും, നിക്ഷേപത്തിന്റെ പേരിലും മറ്റുമായിരിക്കും ഈ തട്ടിപ്പുകള്‍, അതിനാല്‍ ഇത്തരകാരെ അകറ്റിനിര്‍ത്താന്‍ പ്രത്യേകം ശ്രദ്ധിക്കുക. സഹായം ചോദിച്ച് എത്തുന്നവരുടെ എണ്ണത്തിലും വര്‍ധനവുണ്ടാകും. ഇതെല്ലാം ചെയ്യുന്നതിന് മുമ്പ് സത്യാവസ്ഥയും അപകട സാധ്യതകളും മനസിലാക്കുക.

ചെലവുകള്‍ കുറയ്ക്കാം ഭാവിയ്ക്ക് പ്രാധാന്യം നല്‍കാം

വില കൂടിയ വാഹനങ്ങള്‍ വാങ്ങിക്കുക, ആഡംബര വസ്തുക്കള്‍ വാങ്ങിക്കുക എന്നിവ ചെയ്യുന്നത് നിങ്ങളുടെ സമ്പത്ത് പെട്ടെന്ന് ചോര്‍ന്നുപോകുന്നതിന് കാരണമാകും. വീട്, കുട്ടികളുടെ വിദ്യാഭ്യാസം, ആരോഗ്യ ഇന്‍ഷുറന്‍സ്, വിരമിക്കല്‍ പദ്ധതി എന്നിവയ്ക്ക് മുന്‍തൂക്കം നല്‍കാന്‍ പ്രത്യേകം ശ്രദ്ധിക്കാം.

(നിരാകരണം: ലോട്ടറിയെ കുറിച്ചുള്ള ഈ ലേഖനം വായനക്കാരുടെ താല്‍പ്പര്യപ്രകാരം മാത്രം എഴുതിയതാണ്. ടിവി 9 ഒരിക്കലും ഭാഗ്യക്കുറി പോലെയുള്ളവയെ പ്രോത്സാഹിപ്പിക്കുന്നില്ല. വായനക്കാര്‍ അവരുടെ വിധി മാറ്റാന്‍ ഒരിക്കലും ലോട്ടറിയെ ആശ്രയിക്കാതിരിക്കുക.)

English Summary

Winning the 30 crore first prize in the Kerala Lottery Onam Thiruvonam Bumper BR 111 can be an emotionally overwhelming experience. Sudden excitement and stress may affect some people, making it important to stay calm, seek medical attention if needed, and make financial decisions only after careful planning.

നീലക്കുറിഞ്ഞി വസന്തം എന്ന് കേൾക്കുമ്പോൾ തന്നെ നമ്മുടെ മനസ്സിലേക്ക് ആദ്യം ഓടിയെത്തുന്നത് ഇടുക്കിയിലെ മൂന്നാറാണ്. എന്നാൽ മൂന്നാറിന് പുറമെ സഞ്ചാരികളെ അതിശയിപ്പിച്ചുകൊണ്ട് നീലഗിരിയിലെ മലനിരകളിലും നീലക്കുറിഞ്ഞികൾ പൂത്തുലഞ്ഞിരിക്കുകയാണ്. ഗൂഡല്ലൂർ താലൂക്കിൽ മലമുകളിലെമ്പാടും പർപ്പിൾ നിറത്തിലുള്ള ഈ പൂക്കൾ നിറഞ്ഞുനിൽക്കുന്ന മനോഹരകാഴ്ചയാണ് ഇപ്പോൾ കാണാൻ സാധിക്കുന്നത്. നീലക്കുറിഞ്ഞിയുടെ ഭം​ഗി ആസ്വദിക്കാൻ ദിവസേന ഒട്ടേറെപ്പേരാണ് ഇവിടേക്ക് എത്തുന്നത്.

എന്നാൽ, നീല​ഗിരിയിലെ വനമേഖലയിൽ നീലക്കുറിഞ്ഞികൾ പൂത്തുനിൽക്കുന്ന സ്ഥലങ്ങളിലേക്ക് വിനോദ സഞ്ചാരികൾക്ക് പ്രവേശനമില്ല. ഗൂഡല്ലൂരിൽ അകലെനിന്ന് പൂക്കൾ കാണാവുന്ന ചില കേന്ദ്രങ്ങളിലേക്ക് മാത്രമാണ് ഈ വസന്തം കാണാനായി സഞ്ചാരികൾ എത്തുന്നത്. പശ്ചിമഘട്ടത്തിലെ ചോലക്കാടുകളിലും പുൽമേടുകളിലും വിരിയുന്ന അപൂർവയിനം പൂക്കളാണ് നീലക്കുറിഞ്ഞി. 12 വർഷത്തിലൊരിക്കൽ ഇവ മലനിരകളിലാകെ നീലയും പർപ്പിളും കലർന്ന നിറത്തിൽ പൂത്തുലയുന്നു. നീലഗിരി എന്ന പേരുവന്നതുതന്നെ ഇക്കാരണം കൊണ്ടാണ്. ഒരുതവണ പൂത്തുനിൽക്കുന്ന സ്ഥലത്തായിരിക്കില്ല അടുത്ത തവണ പൂക്കുന്നതെന്ന പ്രത്യേകതയും ഇതിനുണ്ട്. അതിനാൽ 12 വർഷം കൂടുന്നതിന് മുൻപുതന്നെ പലയിടത്തായി പൂക്കൾ കാണും.

ALSO READ: രാജപാതയിലൂടെ ഒരു ജലയാത്ര; പാർവതി പുത്തനാർ ബോട്ട് സർവീസ് ഓണക്കാലത്ത് ആരംഭിക്കും

ഇത്തവണ ഗൂഡല്ലൂർ താലൂക്കിലും പരിസരങ്ങളിലുമുള്ള ഉയർന്ന മലനിരകളിലാണ് ഈ പൂക്കൾ കൂടുതലായി കാണുന്നത്. നാടുകാണി, തവളമല, ഓവേലി, സീനക്കൊള്ളി, കുണ്ടംപുഴ, സൂചിമലൈ (നീഡിൽ റോക്ക്), പാട്ടവയൽ, നമ്പാലക്കോട്ട്, പന്തലൂർ, ചേരമ്പാടി തുടങ്ങിയ സ്ഥലങ്ങളിലെല്ലാം നിറയെ പൂക്കളുണ്ട്. നീലക്കുറിഞ്ഞി അപൂർവ സസ്യമായതിനാൽ പൂക്കൾ പറിക്കുന്നതും ചെടികൾ നശിപ്പിക്കുന്നതും നിയമവിരുദ്ധമാണ്. രാവിലെയും വൈകുന്നേരങ്ങളിലുമുള്ള നേരിയ മഞ്ഞും നീലക്കുറിഞ്ഞിയും ചേരുമ്പോഴുള്ള കാഴ്ച വിവരിക്കാനാവാത്തതാണ്.

മൂന്നാറിലും നീലക്കുറിഞ്ഞി വസന്തം

മൂന്നാറിൽ നീലക്കുറിഞ്ഞികൾ കൂട്ടത്തോടെ പൂത്തു നിൽക്കുന്നത് കാണാൻ നിരവധി ആളുകളാണ് എത്തുന്നത്. ചൊക്രമുടി, മീശപ്പുലിമല, എടലിമേട്, സെവൻമല, കുണ്ടുമല എന്നിവിടങ്ങളിലാണ് ഇപ്പോൾ പൂ വിരിഞ്ഞു തുടങ്ങിയിരിക്കുന്നത്. സെപ്റ്റംബർ- ഒക്റ്റോബർ മാസ‌ത്തിൽ പൂക്കൾ പൂർണമായും വിരിയും. ഇപ്പോൾ തന്നെ നിരവധി പേരാണ് പൂക്കൾ കാണാനായി ഈ പ്രദേശങ്ങളിലേക്ക് എത്തുന്നത്. ഇരവിരകുളം ദേശീയോദ്യാനത്തിന് പുറത്തുള്ള ഭാഗങ്ങളിലാണ് ഈ വർഷം നീലക്കുറിഞ്ഞി പൂക്കുന്നത്. ഓണാവധിക്ക് എത്തുന്ന വിനോദ സഞ്ചാരികൾക്ക് ഇതൊരു മനോഹരമായ അനുഭവമായിരിക്കും. പതിവില്ലാതെ ഇത്തവണ നീലക്കുറിഞ്ഞി പൂത്തതിനാൽ ഓണാവധിക്ക് ഇവിടേക്ക് എത്തുന്ന യാത്രക്കാരുടെ എണ്ണം വർദ്ധിക്കാൻ സാധ്യതയുണ്ട്.

ദേശീയോദ്യാനത്തിൽ 2018ലാണ് അവസാനമായി നീലക്കുറിഞ്ഞി പൂത്തത്. ഇനി നാലു വർഷം കൂടി കഴിഞ്ഞാലേ ഇവിടെ പൂവുകൾ വിരിയൂ. നീലക്കുറിഞ്ഞി കാണാനായി വൻ തോതിൽ വിനോദസഞ്ചാരികൾ എത്താൻ സാധ്യതയുള്ളതിനാൽ ജില്ലാ ഭരണകൂടം തയാറെടുപ്പുകൾ ആരംഭിച്ചിട്ടുണ്ട്. ചൊക്രമുടിയിൽ ഉൾപ്പെടെ നീലക്കുറിഞ്ഞി കാണുന്നതിനായി ഓൺലൈനിൽ ബുക്ക് ചെയ്യേണ്ടതായി വരുമെന്നാണ് നിലവിലെ റിപ്പോർട്ടുകൾ.

English Summary:

Nilgiri mountain ranges in Gudalur have blossomed with purple Neelakurinji flowers. Now tourists allow to distant viewpoints while authorities restrict entry into core forest zones to protect the rare 12-year blooming plant species.

പിതൃക്കളുടെ ആത്മശാന്തിക്കായി പുണ്യതീർത്ഥങ്ങളിൽ ബലിയർപ്പിക്കുന്ന ദിവസമാണ് കർക്കിടക വാവ് (Karkidaka Vavu 2026). കർക്കിടക വാവ് ദിവസം ചെയ്യുന്ന ശ്രാദ്ധമൂട്ടൽ പിതൃക്കൾക്ക് ഒരു വർഷത്തേക്ക് നിത്യേന അനുഭവപ്പെടുമെന്നാണ് ഹിന്ദുമത വിശ്വാസം. ഇക്കൊല്ലം ഓഗസ്റ്റ് മാസം 12ാം തീയ്യതി ബുധനാഴ്ച്ചയാണ് കർക്കിടക വാവ് വരുന്നത്. പൂർവ്വികരുടെ ആത്മാവിന് ശാന്തി ലഭിക്കുന്നതിനായി ആയിരക്കണക്കിന് ഭക്തരാണ് ഈ ദിവസം ബലിതർപ്പണം നടത്തുന്നത്. ഗ്രഹണ സമയത്ത് പോലെ അലെങ്കിലും, ഭൂമിയും ചന്ദ്രനും സൂര്യനും എന്താണ്ട് ഒരേ രേഖയിൽ വരുന്ന സമയം ആണ് വാവ്. എന്നാൽ ബലിതർപ്പണത്തോളം തന്നെ പ്രാധാന്യമുള്ള ഒന്നാണ് വാവുബലിക്ക് മുന്നോടിയായി നോൽക്കുന്ന വ്രതാനുഷ്ഠാനം.

വ്രതത്തിലൂടെ ശരീരവും മനസ്സും ഒരുപോലെ ശുദ്ധീകരിക്കപ്പെടണം എന്നാണ് കരുതുന്നത്. അതിനാൽ കർക്കടക വാവ് വ്രതകാലത്ത് കഴിക്കാവുന്നതും നിർബന്ധമായും ഒഴിവാക്കേണ്ടതുമായ ഭക്ഷണങ്ങൾ അറിഞ്ഞിരിക്കേണ്ടത് വളരെ പ്രധാനമാണ്. എന്തെല്ലാം കഴിക്കാമെന്നും ഒഴിവാക്കാമെന്നും വിശദമായി അറിയാം.

ALSO READ: കർക്കടകത്തിൽ എപ്പോൾ കഴിക്കണം? സമയം തെറ്റിയാൽ അമൃതും വിഷം; കൃത്യമായ സമയക്രമം ഇതാ

കഴിക്കാവുന്ന ഭക്ഷണങ്ങൾ

കർക്കടക വാവ് വ്രതമെടുക്കുമ്പോൾ പൂർണ്ണമായും സാത്വികമായ ആഹാരരീതിയാണ് പണ്ടുമുതൽക്കെ മലയാളികൾ പിന്തുടരുന്നത്. വാവിന്റെ തലേന്ന് ഉച്ചയ്ക്ക് ഒരു നേരം മാത്രം അരിഭക്ഷണം കഴിച്ച് നോൽക്കുന്നതാണ് പരമ്പരാഗത രീതി. ചോറിനൊപ്പം കറികളായിട്ട് ചേമ്പ്, ചേന, വഴുതനങ്ങ, വെള്ളരി, പപ്പായ തുടങ്ങിയ പരമ്പരാഗത നാടൻ പച്ചക്കറികൾ ഉപയോഗിക്കുന്നതാണ് ഉത്തമം. പാചകത്തിന് വെളിച്ചെണ്ണയും കല്ലുപ്പും ഉപയോഗിക്കാം.

വൈകുന്നേരങ്ങളിലും വിശപ്പടക്കാൻ നേന്ത്രപ്പഴം, ആപ്പിൾ, ഓറഞ്ച്, ചെറുപഴം തുടങ്ങിയ ഫലവർഗ്ഗങ്ങൾ കഴിക്കാം. വ്രതശുദ്ധിയുള്ള പശുവിൻ പാൽ, തൈര്, മോര് എന്നിവ ഉപയോഗിക്കാം. കൂടാതെ ഗോതമ്പ്, ചെറുപയർ, പുഴുങ്ങിയ കിഴങ്ങുവർഗ്ഗങ്ങൾ എന്നിവ ലഘുഭക്ഷണമായി ഉൾപ്പെടുത്തുന്നതും തെറ്റില്ല. വ്രതകാലത്ത് ശരീരത്തിൽ നിർജ്ജലീകരണം സംഭവിക്കാതിരിക്കാൻ ധാരാളം വെള്ളം, കരിക്കിൻ വെള്ളം, തുളസിയിട്ട തിളപ്പിച്ച വെള്ളം എന്നിവ കുടിക്കാം.

ഒഴിവാക്കേണ്ട ഭക്ഷണങ്ങൾ

വ്രതശുദ്ധി തടസ്സപ്പെടുത്തുന്നതും ശരീരത്തിൽ ക്ഷീണം, അലസത എന്നിവ ഉണ്ടാക്കുന്നതുമായ ഭക്ഷണങ്ങൾ പൂർണ്ണമായും ഒഴിവാക്കണം. മീൻ, ഇറച്ചി, മുട്ട തുടങ്ങിയ യാതൊരുവിധ മാംസാഹാരങ്ങളും വ്രതദിവസങ്ങളിൽ കഴിക്കാൻ പാടില്ല. അതുപോലെ ഉള്ളി ചുവന്നുള്ളി, സവാള, വെളുത്തുള്ളി, കായം എന്നിവ വികാരങ്ങളെയും മനസ്സിന്റെ ഏകാഗ്രതയെയും സ്വാധീനിക്കുന്നതിനാൽ വ്രതാനുഷ്ഠാനത്തിൽ ഇവ ഒഴിവാക്കണമെന്നാണ് പൂർവീകർ പറയുന്നത്. പുറത്തുനിന്ന് വാങ്ങുന്ന പ്രോസസ്സ് ചെയ്ത ഭക്ഷണങ്ങളും മൈദ കൊണ്ടുണ്ടാക്കിയ വിഭവങ്ങളും ഒഴിവാക്കുക.

മദ്യം, പുകയില, ലഹരിവസ്തുക്കൾ എന്നിവ പൂർണ്ണമായും ഉപേക്ഷിക്കണം. അമിതമായ ചായ, കാപ്പി എന്നിവയുടെ ഉപയോഗം കുറയ്ക്കുന്നത് വ്രതത്തിന് നല്ലതാണ്. കാരണം ഇവ നിർജ്ജലീകരണം ഉണ്ടാക്കുന്നവയാണ്. എണ്ണയിൽ പൊരിച്ചതും എരിവും പുളിയും അമിതമായി അടങ്ങിയതുമായ ഭക്ഷണങ്ങൾ ഒഴിവാക്കണം. കർക്കടക വാവ് ദിവസം അതിരാവിലെ നദിയിലോ കടലിലോ തർപ്പണം പൂർത്തിയാക്കി, ക്ഷേത്രദർശനം നടത്തി പ്രസാദം സ്വീകരിച്ച ശേഷമാണ് വ്രതം അവസാനിപ്പിക്കുന്നത്. തർപ്പണത്തിന് ശേഷം തുളസീതീർത്ഥവും പ്രസാദവും സേവിച്ച് ലളിതമായ ഭക്ഷണം കഴിക്കാം.

English Summary:

Karkidaka Vavu 2026 fasting diet tips for person performing the Bali Tharpanam . Know What to eat And avoid during These time. In 2026, Karkidaka Vavu celebrated on August 12 Wednesday.

തമിഴ്‌നാട്ടിലെ ഏറ്റവും പ്രശസ്തമായ പുണ്യക്ഷേത്രങ്ങളിലൊന്നായ പഴനി ക്ഷേത്രത്തിലേക്ക് ദർശനത്തിനായി പോകുന്ന മലയാളി തീർത്ഥാടകർക്ക് ഏറ്റവും സുരക്ഷിതവും ലാഭകരവുമായ യാത്രാമാർഗ്ഗമായി മാറിയിരിക്കുകയാണ് കെഎസ്ആർടിസി. സ്വന്തം വാഹനം വിളിച്ച് വൻ തുക ബാധ്യത വരുത്തുന്നതിനേക്കാളും, ട്രെയിൻ ടിക്കറ്റിനായുള്ള നീണ്ട കാത്തിരിപ്പിനേക്കാളും സമയം കൊണ്ടും പണം ലാഭിക്കാനും കെഎസ്ആർടിസി തന്നെയാണ് നല്ലത്. പഴനി മുരുകൻ ക്ഷേത്രം മലയാളികളുടെ പ്രിയപ്പെട്ട തീർത്ഥാടന കേന്ദ്രമായതിനാൽ ദിവസേന ഭക്തരുടെ തിരക്കുമുണ്ട്.

ആയിരക്കണക്കിന് വിശ്വാസികളാണ് കേരളത്തിൽ നിന്നുൾപ്പെടെ ഓരോ ദിവസവും ഇവിടേക്ക് വരുന്നത്. കേരളത്തിൻറെ വിവിധ ഭാഗങ്ങളിൽ നിന്നും പഴനിയിലേക്ക് ബസുകളും ട്രെയിനുകളും ലഭ്യമാണ്. തിരുവനന്തപുരത്ത് നിന്നും പഴനിയിലേക്ക് നേരിട്ട് യാത്ര ചെയ്യുവാൻ ആഗ്രഹിക്കുന്നവർക്ക് സ്വിഫ്റ്റ് ബസുകളും ഏർപ്പെടുത്തിയിട്ടുണ്ട്. മുൻപ് ഉണ്ടായിരുന്ന സൂപ്പർ ഡീലക്സ് എയർ ബസിന് പകരം വന്ന സ്വിഫ്റ്റിലൂടെ കൂടുതൽ സൗകര്യത്തോടെ യാത്രക്കാർക്ക് പഴനിയിൽ പോയി വരാം. തിരുവനന്തപുരം-പഴനി സ്വിഫ്റ്റ് ബസ് സമയം, സ്റ്റോപ്പ് തുടങ്ങിയ കാര്യങ്ങൾ വിശദമായി വായിക്കാം.

ALSO READ: പോക്കറ്റ് ചോരില്ല, തുച്ഛമായ തുകയിൽ നാടുകാണാം;  കെഎസ്ആർടിസി

തിരുവനന്തപുരത്ത് നിന്നും നേരിട്ട് പഴനിയിലേക്ക് സർവീസ് നടത്തുന്ന ബസ് ആണിത്. ഏറ്റവും എളുപ്പത്തിൽ സുഖകരമായ യാത്രയിൽ പഴനിയില് പോകാൻ ആഗ്രഹിക്കുന്നവർക്ക് ഈ സർവീസ് ഏറെ ഉപകാരപ്പെടും. തിരുവനന്തപുരത്ത് നിന്നാരംഭിച്ച് കൊല്ലം, കായംകുളം, ആലപ്പുഴ, എറണാകുളം, തൃശൂർ, പാലക്കാട് വഴിയാണ് ഈ ബസ് പഴനിയിൽ എത്തുന്നത്. സ്വിഫ്റ്റ് കൂടാതെ മറ്റൊരു സൂപ്പർ ഫാസ്റ്റ് ബസും തിരുവനന്തപുരത്തു നിന്ന് പഴനിയിലേക്ക് സർവീസ് നടത്തുന്നുണ്ട്.

തിരുവനന്തപുരത്ത് നിന്നും രാത്രി 8.45ന് പുറപ്പെടുന്ന ബസ് രാവിലെ 7.00 മണിക്ക് പഴനിയിൽ എത്തും.502 രൂപയാണ് ടിക്കര്റ് നിരക്ക്. തിരുവനന്തപുരം, വട്ടപ്പാറ, വെഞ്ഞാറമൂട്, കിളിമാനൂർ, ചടയമംഗലം, ആയൂർ, കൊട്ടാരക്കര, പന്തളം, ചെങ്ങന്നൂർ, തിരുവല്ല, ചങ്ങനാശ്ശേരി, കോട്ടയം, ഏറ്റുമാനൂർ, കൂത്താട്ടുകുളം, മൂവാറ്റുപുഴ, കോതമംഗലം, അടിമാലി, മൂന്നാർ, മറയൂർ വഴി പഴനിയിൽ എത്തും. സ്വകാര്യ വാഹനങ്ങളിൽ പോകുമ്പോൾ ഇന്ധനച്ചെലവിന് പുറമെ ടോൾ പ്ലാസ ഫീസുകളും പാർക്കിങ് ചാർജുകളും വലിയ ബാധ്യതയാകാറുണ്ട്. എന്നാൽ കെഎസ്ആർടിസി ബസുകളിൽ വളരെ കുറഞ്ഞ ടിക്കറ്റ് നിരക്കിൽ നേരിട്ട് പഴനി ബസ് സ്റ്റാൻഡിൽ എത്താം. കുടുംബമായി യാത്ര ചെയ്യുമ്പോൾ ആയിരക്കണക്കിന് രൂപയാണ് ഇതിലൂടെ ലാഭിക്കാൻ സാധിക്കുന്നത്.

തിരുവനന്തപുരത്തിന് പുറമെ, കേരളത്തിലെ പ്രധാന നഗരങ്ങളിൽ നിന്നും വൈകുന്നേരങ്ങളിലോ രാത്രിയിലോ പുറപ്പെട്ട് പിറ്റേന്ന് അതിരാവിലെ പഴനിയിൽ എത്തുന്ന രീതിയിലാണ് ഭൂരിഭാഗം സർവീസുകളും ക്രമീകരിച്ചിരിക്കുന്നത്. തെക്കൻ ജില്ലകൾ മുതൽ വടക്കൻ ജില്ലകൾ വരെ പഴനിയിലേക്ക് സർവീസുകൾ ലഭ്യമാണ്. എന്നാൽ നിങ്ങളുടെ യാത്ര പ്ലാൻ ചെയ്യുന്നതിന് മുൻപ് നിങ്ങളുടെ അടുത്തുള്ള കെഎസ്ആർടിസി ഡിപ്പോയിലെ സമയക്രമം ഉറപ്പുവരുത്തുക. അവസാന നിമിഷത്തെ തിരക്കുകൾ ഒഴിവാക്കാൻ കെഎസ്ആർടിസിയുടെ ഔദ്യോഗിക വെബ്‌സൈറ്റ് വഴി ടിക്കറ്റുകൾ മുൻകൂട്ടി റിസർവ് ചെയ്യാനുള്ള സൗകര്യവുമുണ്ട്.

English Summary:

Planning a trip to Palani Temple, Discover how traveling by KSRTC saves time and money. Check routes, overnight bus timings, ticket prices, and online booking details in this guide.

മുഖക്കുരുവോ പാടുകളോ ഇല്ലാത്ത നല്ല തിളങ്ങുന്ന ചർമ്മം ആഗ്രഹിക്കാത്തവരായി ആരും തന്നെയുണ്ടാകില്ല. എന്നാൽ, പകലത്തെ പൊടിയും വെയിലും മലിനീകരണവുമെല്ലാം നമ്മുടെ ചർമ്മത്തെ ദോഷകരമായി ബാധിക്കുന്നു. ഈ വെല്ലുവിളികളെ അകറ്റി ചർമ്മത്തെ കാക്കാൻ പലരും വിലപിടിപ്പുള്ള ക്രീമുകളെ ആശ്രയിക്കുകയും പണിവാങ്ങുകയും ചെയ്യും. എന്താണ് ഇതിന് പരിഹാരം? രാത്രി ഉറങ്ങാൻ പോകുന്നതിന് മുമ്പ് ചില കാര്യങ്ങൾ ശ്രദ്ധിച്ചാൽ തിളങ്ങുന്ന ചർമ്മം സ്വന്തമാക്കാൻ കഴിയുമെന്ന് അറിയാമോ?

രാത്രിയിലെ ചർമ്മസംരക്ഷണം

പകലത്തെ പൊടിയും വെയിലും മലിനീകരണവും കാരണം ക്ഷീണിതമാകുന്ന ചർമ്മത്തെ വീണ്ടെടുക്കാൻ ഏറ്റവും അനുയോജ്യമായ സമയമാണ് രാത്രി. ഉറങ്ങുന്ന സമയത്താണ് നമ്മുടെ ചർമ്മകോശങ്ങൾ സ്വയം പുനരുജ്ജീവിപ്പിക്കപ്പെടുന്നത്. അതിനാൽ രാത്രി കിടക്കുന്നതിന് മുമ്പ് ശരിയായ രീതിയിൽ ചർമ്മപരിപാലനം നടത്തുന്നത് മുഖത്തിന് തിളക്കവും ആരോഗ്യവും നൽകാൻ സഹായിക്കും. രാത്രി ഉറങ്ങാൻ പോകുന്നതിന് മുമ്പ് മുഖത്ത് പുരട്ടാൻ കഴിയുന്ന ചില  നൈറ്റ് കെയർ ഉൽപ്പന്നങ്ങളെ പരിചയപ്പെട്ടാലോ....

കറ്റാർവാഴ ജെൽ

ചർമ്മത്തിന് ആവശ്യമായ ഈർപ്പം നൽകാനും വരൾച്ച മാറ്റാനും ഏറ്റവും മികച്ചതാണ് കറ്റാർവാഴ. രാത്രി കിടക്കുന്നതിന് മുമ്പ് അല്പം ശുദ്ധമായ കറ്റാർവാഴ ജെൽ മുഖത്ത് തേച്ച് പിടിപ്പിക്കുന്നത് ചർമ്മത്തിലെ അണുബാധകൾ തടയാനും സ്വാഭാവിക തിളക്കം നൽകാനും സഹായിക്കും.

ALSO READ: ഉരുളക്കിഴങ്ങിൽ പച്ചനിറം വരുന്നത് എന്തുകൊണ്ട്? ഇത് കഴിച്ചാൽ വില്ലനാകുമോ…

റോസ് വാട്ടർ

മുഖം വൃത്തിയായി കഴുകിയ ശേഷം ഒരു ടോണർ പോലെ റോസ് വാട്ടർ ഉപയോഗിക്കാം. ഇത് ചർമ്മത്തിലെ പി.എച്ച് ലെവൽ നിലനിർത്താനും, സുഷിരങ്ങൾ  തുറന്ന് ചർമ്മത്തെ ഉന്മേഷഭരിതമാക്കാനും സഹായിക്കുന്നു.

മോയിസ്ചറൈസർ അല്ലെങ്കിൽ നൈറ്റ് ക്രീം

ചർമ്മത്തിന്റെ സ്വഭാവത്തിന് അനുയോജ്യമായ ഒരു ലൈറ്റ് മോയിസ്ചറൈസർ രാത്രിയിൽ നിർബന്ധമായും പുരട്ടണം. ഇത് ചർമ്മത്തിലെ ഈർപ്പം നിലനിർത്തുകയും രാവിലെയോടെ മുഖം കൂടുതൽ മൃദുവും തിളക്കമുള്ളതുമാക്കാൻ സഹായിക്കുകയും ചെയ്യും.

വിറ്റാമിൻ ഇ ഓയിൽ, റോസ്ഹിപ്പ് ഓയിൽ

വരണ്ട ചർമ്മമുള്ളവർക്ക് രാത്രിയിൽ വിറ്റാമിൻ ഇ ഓയിൽ അല്ലെങ്കിൽ റോസ്ഹിപ്പ് ഓയിൽ ഉപയോഗിക്കുന്നത് ഏറെ നല്ലതാണ്. കണ്ണിനു ചുറ്റുമുള്ള കറുപ്പ് നിറം മാറ്റാനും ചർമ്മത്തിലെ കറുത്ത പാടുകൾ അകറ്റി മുഖത്തിന് തിളക്കം കൂട്ടാനും ഇവ സഹായിക്കും.

ശ്രദ്ധിക്കേണ്ട കാര്യങ്ങൾ

1. രാത്രി കിടക്കുന്നതിന് മുമ്പ് മുഖത്തെ മേക്കപ്പ് പൂർണ്ണമായും മൈസെല്ലാർ വാട്ടറോ ക്ലെൻസറോ ഉപയോഗിച്ച് കഴുകി കളയേണ്ടതാണ്.
2.  മൃദുവായ ഫേസ് വാഷ് ഉപയോഗിച്ച് മുഖം കഴുകിയ ശേഷമേ ഏതൊരു ക്രീമോ ഓയിലോ പുരട്ടാവൂ.
3. ഫേസ് പാക്കുകളോ ഓയിലുകളോ തേക്കുമ്പോൾ വട്ടത്തിൽ മൃദുവായി മസാജ് ചെയ്യുന്നത് രക്തയോട്ടം വർദ്ധിപ്പിക്കും.
4. രാത്രിയിലെ ഈ ശീലങ്ങൾ ദിവസവും പിന്തുടരുന്നതിലൂടെ രാവിലെയോടെ കൂടുതൽ ഉന്മേഷമുള്ളതും തിളക്കമുള്ളതുമായ ചർമ്മം സ്വന്തമാക്കാൻ സാധിക്കുന്നതാണ്.

English Summary:

Healthy, glowing skin starts with a proper nighttime skincare routine. Before going to bed, cleanse your face thoroughly to remove dirt, oil, makeup, and pollution. After cleansing, apply products suited to your skin type, such as aloe vera gel, a lightweight moisturizer, vitamin E or almond oil for dry skin, or a hydrating night cream.

ഇപ്പോഴത്തെ കാലവസ്ഥ മാറിമറിഞ്ഞിട്ടാണെങ്കിലും പണ്ട് കർക്കടക മാസം എന്നാൽ മഴക്കാലത്തിന്റെയും രോഗങ്ങളുടെയും കാലമായിരുന്നു. ആയുർവേദ ശാസ്ത്രങ്ങൾ പ്രകാരം സൂര്യപ്രകാശം കുറയുന്നതും അന്തരീക്ഷത്തിലെ ഈർപ്പവും കാരണം നമ്മുടെ ശരീരത്തിലെ 'ജഠരാഗ്നി' (ദഹനശക്തി) ഏറ്റവും മോശം അവസ്ഥയിലാകുന്ന സമയമാണിത്. അതുകൊണ്ടുതന്നെ, ഈ മാസത്തിൽ എന്ത് കഴിക്കുന്നു എന്നതിനേക്കാൾ പ്രധാനമാണ് എപ്പോൾ കഴിക്കുന്നു എന്നത്. ഭക്ഷണസമയം തെറ്റിയാൽ നല്ല ആഹാരണമാണെങ്കിൽ പോലും ശരീരത്തിൽ വിഷാംശമായി മാറാൻ സാധ്യതയുണ്ട്. കർക്കടക മാസത്തിൽ പാലിക്കേണ്ട കൃത്യമായ ഭക്ഷണ സമയക്രമവും ശീലങ്ങളും നമുക്ക് മനസ്സിലാക്കാം.

ALSO READ: കർക്കിടകത്തിൽ മുക്കൂറ്റി ചന്ദനം തൊടുന്നത് എന്തിന്? അറിയാം രഹസ്യം

പ്രഭാതഭക്ഷണം

പലരും തിരക്കിട്ട ജീവിതരീതിയ്ക്കിടെ രാവിലത്തെ ഭക്ഷണം കഴിക്കാൻ തന്നെ മടിക്കാറുണ്ട്. എന്നാൽ കർക്കിടക മാസത്തിൽ രാവിലെ 8:30-ന് മുൻപായി പ്രാതൽ കഴിക്കണമെന്നാണ് ആയുർവേദം പറയുന്നത്. ഇത് ഈ സമയത്ത് മാത്രമല്ല, എപ്പോഴും ശീലമാക്കുന്നതും നല്ലതാണ്. സൂര്യനുദിച്ചു കഴിഞ്ഞാലും രാവിലെ ദഹനശക്തി കുറവായിരിക്കും. അതിനാൽ എളുപ്പത്തിൽ ദഹിക്കുന്ന ഭക്ഷണങ്ങൾ വേണം തിരഞ്ഞെടുക്കാൻ. എണ്ണയിൽ പൊരിച്ച പലഹാരങ്ങൾ, തണുത്ത ആഹാരങ്ങൾ, ചായയ്ക്കൊപ്പം കടിയായി കഴിക്കുന്ന എണ്ണക്കടികൾ ഇവയെല്ലാം ഈ സമയത്ത് ഒഴിവാക്കണം.

ഉച്ചഭക്ഷണം

നമ്മൾ ഉച്ചയ്ക്ക് 1:30-ന് മുൻപായി ഉച്ചഭക്ഷണം കഴിക്കേണ്ടത് വളരെ പ്രധാനമാണ്. ഒരു ദിവസത്തിൽ ജഠരാഗ്നി ഏറ്റവും ശക്തമായിരിക്കുന്നത് ഉച്ചസമയത്താണ്. അതിനാൽ ദിവസത്തിലെ പ്രധാന ഭക്ഷണം ഈ സമയത്ത് കഴിക്കാം. ഉച്ചയ്ക്ക് വയറു നിറയെ കഴിക്കാമെങ്കിലും അമിതഭക്ഷണം ഒഴിവാക്കുക. ഉണക്കമീൻ, ദഹിക്കാൻ പ്രയാസമുള്ള മാംസാഹാരങ്ങൾ എന്നിവ പരമാവധി കുറയ്ക്കുക.

സന്ധ്യാസമയവും രാത്രിഭക്ഷണവും

രാത്രി ഭക്ഷണം സൂര്യനസ്തമിച്ച് ഉടൻ തന്നെ ഏകദേശം വൈകുന്നേരം 7:30-ന് മുൻപായി കഴിക്കുന്നതാണ് എപ്പോഴും നല്ലത്. സൂര്യനസ്തമിക്കുന്നതോടെ ശരീരത്തിലെ ദഹനപ്രക്രിയ വളരെ മന്ദഗതിയിലാകും. വൈകി കഴിക്കുന്ന ഭക്ഷണം ദഹിക്കാതെ വയറ്റിൽ കിടന്ന് ഗ്യാസ്, അസിഡിറ്റി, മറ്റ് രോഗങ്ങൾ എന്നിവയ്ക്ക് കാരണമാകും. രാത്രിയിലെ ചോറ്, അമിതമായി എണ്ണയും മസാലയും ചേർത്ത വിഭവങ്ങൾ, തൈര് എന്നിവ വേണ്ടെന്ന് വയ്ക്കുക.

കർക്കടകത്തിൽ അറിയേണ്ടത്

കിടക്കുന്നതിന് മുൻപ്: രാത്രി ഭക്ഷണം കഴിഞ്ഞ് കുറഞ്ഞത് 2 മണിക്കൂറെങ്കിലും കഴിഞ്ഞേ ഉറങ്ങാൻ പാടുള്ളൂ. അല്ലാത്തപക്ഷം ദഹനപ്രക്രിയയെ ഇത് കാര്യമായി ബാധിച്ചേക്കാം.

ഉച്ചയുറക്കം അരുത്: കർക്കടക മാസത്തിൽ ഉച്ചയ്ക്ക് ഉറങ്ങുന്നത് കഫക്കെട്ടിനും ദഹനക്കേടിനും കാരണമാകും. അതിനാൽ ഈ ശീലം വേണ്ടെന്ന് വയ്ക്കാം

വെള്ളം എപ്പോഴും തിളപ്പിച്ചാറ്റിയത്: ചുക്ക്, കുരുമുളക്, തുളസി, ഏലക്ക, അല്ലെങ്കിൽ രാമച്ചം എന്നിവയിട്ട് തിളപ്പിച്ച വെള്ളം മാത്രം ചെറുചൂടോടെ കുടിക്കുക.

പഴകിയ ഭക്ഷണം ഒഴിവാക്കുക: ഫ്രിഡ്ജിൽ വെച്ച തണുത്ത ഭക്ഷണങ്ങളും തലേദിവസത്തെ ബാക്കി ഭക്ഷണങ്ങളും പൂർണ്ണമായും ഒഴിവാക്കുക.

English Summary:

Discover the correct food timings and daily Ayurvedic diet rules for Karkidaka masam. Learn how to align your meal schedule with monsoon digestion to boost immunity and health.

നമ്മുടെ സ്വന്തം അതിർത്തി സംസ്ഥാനമായ കർണാടകയിലും മറ്റും ഇപ്പോൾ മഴക്കാലമാണ്. അതുകൊണ്ട് തന്നെ യാത്രകൾ ഇഷ്ടപ്പെടുന്നവർക്ക് ഇതൊരു നല്ല അവസരമാണ്. മഴക്കാലത്ത് ജനലരികിലിരുന്ന്, പുറത്തെ പച്ചപ്പും കുന്നുകളും കണ്ടുകൊണ്ട് ഒരു ട്രെയിൻ യാത്ര പോകാൻ ഇഷ്ടപ്പെടാത്തവർ ആരാണുള്ളത്. ബെംഗളൂരുവിന്റെ തിരക്കുകളിൽ നിന്ന് മാറി, മൺസൂൺ ഭംഗി പൂർണ്ണമായി ആസ്വദിക്കാൻ പറ്റിയ ചില മനോഹരമായ ട്രെയിൻ റൂട്ടുകൾ നമ്മുക്ക് പരിചയപ്പെടാം. കോടമഞ്ഞിൽ മൂടിയ കുന്നുകളും, താഴ്‌വരകളിലേക്ക് കുതിച്ചൊഴുകുന്ന വെള്ളച്ചാട്ടങ്ങളും, ഹരിതാഭമായ വനങ്ങളും കണ്ടുകൊണ്ട് ഒരു ട്രെയിൻ യാത്ര പോയാലോ. ഇന്ത്യയിലെ തന്നെ ഏറ്റവും പ്രകൃതിരമണീയമായ മൺസൂൺ റെയിൽ റൂട്ടുകളിൽ ഒന്നാണ് ബെംഗളൂരു – മംഗളൂരു റൂട്ട്.

മംഗളൂരു എക്സ്പ്രസ് (Yesvantpur - Mangaluru Express), കണ്ണൂർ എക്സ്പ്രസ്, ഗോമതീശ്വര എക്സ്പ്രസ് എന്നിവ നിങ്ങളുടെ യാത്രയ്ക്കായി തിരഞ്ഞെടുക്കാം. സക്ലേഷ്പൂരിനും സുബ്രഹ്മണ്യ റോഡിനുമിടയിലുള്ള റൂട്ടാണ് ഈ യാത്രയുടെ പ്രധാന ആകർഷണം. പശ്ചിമഘട്ട മലനിരകളെ കീറിമുറിച്ച് മുന്നോട്ട് പോകുന്ന ട്രെയിനുകളുടെ ജനലിലൂടെ നോക്കിയാൽ കാണാൻ കഴിയുന്നത് അതിമനോഹരമായ കാഴ്ച്ചകളാണ്. മലതുരന്ന് ഉണ്ടാക്കിയ പ്രകൃതിദത്ത പാതകൾ, അഗാധമായ താഴ്‌വരകൾക്ക് മീതെയുള്ള മനോഹരമായ റെയിൽ പാലങ്ങൾ, മഴക്കാലത്ത് മലനിരകളിൽ നിന്ന് ഉത്ഭവിച്ച് ട്രെയിൻ പാതയ്ക്ക് തൊട്ടരികിലൂടെ പതിക്കുന്ന ചെറുതും വലുതുമായ വെള്ളച്ചാട്ടങ്ങൾ ഇവയെല്ലാം ഈ കാഴ്ച്ചകളിൽ ഉൾപ്പെടുന്നവയാണ്.

ALSO READ: ആറന്മുളയിൽ എത്തുന്ന എല്ലാവർക്കും വള്ളസദ്യ കിട്ടുമോ? സംവിധാനം ഇങ്ങനെയെല്ലാം

അടുത്തതാണ് മം​ബെംഗളൂരു മൈസൂരു റൂട്ട്. പച്ചപ്പു നിറഞ്ഞ നെൽവയലുകളും കണ്ടുകൊണ്ട് ഒരു ഡേ-ട്രിപ്പിന് ഏറ്റവും അനുയോജ്യമാണ് ബെംഗളൂരു – മൈസൂരു റെയിൽ യാത്ര. വന്ദേ ഭാരത് എക്സ്പ്രസ് , ശതാബ്ദി എക്സ്പ്രസ് , രാജ്യറാണി എക്സ്പ്രസ് തുടങ്ങിയവ ഈ റൂട്ടുകളിൽ സർവീസ് നടത്തുന്നുണ്ട്. ബെംഗളൂരു സിറ്റിയുടെ തിരക്കുകളിൽ നിന്ന് ട്രെയിൻ പുറപ്പെട്ട് മിനിറ്റുകൾക്കകം തന്നെ ഗ്രാമീണ ഭംഗി ആസ്വദിക്കാനാകും. രാമനഗര, ചന്നപട്ടണ വഴിയുള്ള പാതയിൽ ഇരുവശത്തും പച്ചപ്പു വിരിച്ച നെൽവയലുകൾ കാണാം. ശാന്തമായ അന്തരീക്ഷവും തണുത്ത കാറ്റും യാത്രാനുഭവം ഇരട്ടി മനോഹരമാക്കുന്നു.

മറ്റൊരു ട്രെയിൻ യാത്രയാണ് ബെംഗളൂരു – അരക്കു താഴ്‌വരയിലൂടെയുള്ളത്. ആന്ധ്രാപ്രദേശിലെ ഈഴമനോഹരമായ ഹിൽ സ്റ്റേഷനായ അരക്കു വാലി കാണാൻ ബെംഗളൂരുവിൽ നിന്ന് പുറപ്പെടുന്ന ഒരു ദീർഘദൂര റെയിൽ യാത്രയാണിത്. ഏകദേശം 18–20 മണിക്കൂർ വരെ യാത്രയുണ്ടാകും. പ്രശാന്തി എക്സ്പ്രസ് യശ്വന്ത്പൂർ-വിശാഖപട്ടണം എന്നീ ട്രെയിനുകൾ യാത്രയയ്ക്കായി തിരഞ്ഞെടുക്കാം. വിശാഖപട്ടണത്ത് നിന്ന് അരക്കുവിലേക്കുള്ള 4-5 മണിക്കൂർ യാത്രയാണ് ഈ ട്രിപ്പിന്റെ പ്രധാന ആകർഷണം. മലനിരകളെ തുരന്നുള്ള തുരങ്കങ്ങളിലൂടെയും, അഗാധമായ താഴ്‌വരകൾക്ക് മീതെയുള്ള വലിയ പാലങ്ങളിലൂടെയുമാണ് ട്രെയിൻ കടന്നുപോകുന്നത്.

മഴക്കാലത്ത് ആർത്തലച്ചൊഴുകുന്ന വെള്ളച്ചാട്ടങ്ങളും, കോടമഞ്ഞു പുതച്ച തേയില/കാപ്പി തോട്ടങ്ങളും ക്ലിക്ക് ചെയ്യാൻ ഫോട്ടോഗ്രാഫി പ്രേമികൾക്ക് ബെസ്റ്റ് സ്പോട്ട്. യാത്രയ്‌ക്കൊടുവിൽ അരക്കുവിലെത്തിയാൽ കാത്തിരിക്കുന്നത് വേറിട്ട ഗോത്രവർഗ്ഗ പാചകരീതിയും നാവൂറുന്ന രുചികളുമാണ്. എണ്ണയോ വെള്ളമോ ഉപയോഗിക്കാതെ, മസാല പുരട്ടിയ കോഴിയിറച്ചി മുളങ്കുഴലിൽ വെച്ച് കനലിൽ ചുട്ടെടുക്കുന്ന വിഭവം ഇവിടുത്തെ പ്രധാന രുചികളിൽ ഒന്നാണ്.

English Summary:

Bengaluru this monsoon with scenic train journeys to various destinations. Travel to Mangaluru through the Western Ghats, enjoying misty hills and waterfalls. Scenic Routes And Complete Travel Guide.

അപ്പത്തിൻ്റെയും ഇടിയപ്പത്തിൻ്റെയും കൂടെ നല്ല ​ഗ്രീൻ പീസ് കറി കൂടെയുണ്ടെങ്കിൽ പിന്നെ പറയാനുണ്ടോ... പ്ലേറ്റ് കാലിയായത് തന്നെ. കടയിൽ നിന്ന് വാങ്ങുന്ന ഫ്രോസൺ ഗ്രീൻ പീസ് (Frozen Green Peas) ഉപയോഗിച്ച് കറി ഉണ്ടാക്കുമ്പോൾ ചിലപ്പോഴെങ്കിലും അത് കട്ടി കൂടിയതോ, റബ്ബർ പോലെയാകുന്നതോ അല്ലെങ്കിൽ തനതായ പച്ചനിറം കിട്ടാതെ വരുന്നതോ പല വീട്ടമ്മമാരുടെയും പരാതിയാണ്. എന്നാൽ ചില ചെറിയ കാര്യങ്ങൾ ശ്രദ്ധിച്ചാൽ ഫ്രെഷ് ഗ്രീൻ പീസ് പാചകം ചെയ്യുന്ന അതേ രുചിയിലും നുറത്തിലും ഫ്രോസൺ പീസും പാചകം ചെയ്തെടുക്കാവുന്നതേയുള്ളൂ. അതിനാൽ ഫ്രോസൺ ​ഗ്രീൻ പീസ് പാചകം ചെയ്യുന്നതിന് മുമ്പായി നിങ്ങൾ അറിഞ്ഞിരിക്കേണ്ട ചില കാര്യങ്ങൾ എന്തെല്ലാമെന്ന് നോക്കാം.

ALSO READ: എണ്ണ ചൂടാക്കി വീണ്ടും ഉപയോഗിക്കാറുണ്ടോ? അറിയാം ഇതിന് പിന്നിലെ അപകടങ്ങൾ

തണുപ്പ് മാറ്റാം

ഫ്രിഡ്ജിൽ നിന്ന് നേരിട്ട് എടുത്ത് ചൂടുള്ള എണ്ണയിലേക്കോ തിളപ്പിച്ച വെള്ളത്തിലേക്കോ ഫ്രോസൺ ​ഗ്രീൻ പീസ് ഒരിക്കലും ഇടരുത്. പാചകം ചെയ്യുന്നതിന് 10-15 മിനിറ്റ് മുൻപ് ഫ്രോസൺ പീസ് എടുത്ത് സാധാരണ വെള്ളത്തിൽ തണുപ്പ് മാറുന്നതിനായി ഇട്ടുവെക്കുക. ഇത് പീസിലെ തണുപ്പ് ഉരുകാനും അത് സോഫ്റ്റാകാനും സഹായിക്കും.

നിറവും രുചിയും

ഗ്രീൻ പീസിന്റെ നല്ല പച്ചനിറവും രുചിയും നിലനിർത്താനുള്ള ഏറ്റവും മികച്ച വഴിയാണ് പറയാൻ പോകുന്നത്. ഒരു പാത്രത്തിൽ വെള്ളം നന്നായി തിളപ്പിക്കുക. അതിലേക്ക് അല്പം പഞ്ചസാരയും ഒരു നുള്ളു ഉപ്പും ചേർക്കുക. പഞ്ചസാര ചേർക്കുന്നതിലൂടെ അതിൻ്റെ പച്ചനിറം നിലനിർത്താൻ സഹായിക്കും. ഈ വെള്ളത്തിലേക്ക് ​ഗ്രീൻ പീസ് ഇട്ട് 2 മിനിറ്റ് മാത്രം വേവിക്കുക. ഉടൻ തന്നെ ഗ്രീൻ പീസ് കോരി ഐസ് വെള്ളത്തിലേക്ക് മാറ്റുക. ഈ പ്രക്രിയ ഗ്രീൻ പീസ് വെന്തുപോകാതെ നിലനിർത്തുകയും കട്ടി കുറച്ച് മൃദുവാക്കുകയും ചെയ്യും.

അമിതമായി വേവിക്കരുത്

ഫ്രോസൺ പീസ് കമ്പനിയിൽ വെച്ച് തന്നെ പകുതി വേവിച്ചാണ് പാക്കറ്റിലാക്കുന്നത് എന്ന് പലർക്കും അറിയില്ല. അതിനാൽ ഇത് വീണ്ടും കൂടുതൽ സമയം വേവിച്ചാൽ അതിന്റെ സ്വാഭാവിക രുചി നഷ്ടപ്പെടുകയും അത് റബ്ബർ പോലെ കട്ടിയുള്ളതാവുകയും ചെയ്യും. കറികളിലോ ഫ്രൈഡ് റൈസിലോ പാചകത്തിന്റെ അവസാന 2-3 മിനിറ്റിൽ മാത്രം ​ഗ്രീൻ പീസ് ചേർക്കുക.

ബട്ടർ / നെയ്യ് ഉപയോഗിക്കാം

​ഗ്രീൻ പീസ് ഉപ്പുമാവിലോ പുലാവിലോ ചേർക്കുന്നതിന് മുൻപ് അല്പം ബട്ടറിലോ നെയ്യിലോ 1 മിനിറ്റ് ചെറുതായി വഴറ്റിയെടുത്താൽ അതിന്റെ സ്വാഭാവിക മണം മാറി നല്ല രുചിയും മനോഹരമായ തിളക്കവും ലഭിക്കും.

പരിശോധിക്കാം

വളരെക്കാലമായി ഫ്രീസറിൽ ഇരിക്കുന്ന ഗ്രീൻ പീസാണ് ഉപയോഗിക്കുന്നതെങ്കിൽ, പാചകത്തിന് മുൻപ് ഇതൊന്ന് പരിശോധിക്കുന്നത് നന്നായിരിക്കും. പീസ് ഒരു പ്ലേറ്റിലേക്ക് നിരത്തിയിടുക. നിറം മങ്ങിയതും, വറ്റിവരണ്ട് ചുളിഞ്ഞതുമായ പീസുകൾ അതിൽ നിന്ന് മാറ്റുക. ഇവ കറിയുടെ രുചിയും മണവും എല്ലാം നഷ്ടപ്പെടുത്തും.

ചെയ്യാൻ പാടില്ലാത്തത്

• ഫ്രോസൺ പീസ് പ്രഷർ കുക്കറിൽ ഇട്ട് കൂടുതൽ നേരം വിസിൽ അടുപ്പിക്കരുത്.
• പാക്കറ്റിൽ നിന്ന് നേരിട്ട് തിളയ്ക്കുന്ന കറിയിലേക്ക് ഇടരുത്.
• മൈക്രോവേവിൽ ഇട്ട് അമിതമായി ചൂടാക്കരുത്. ഇത് പീസ് വറ്റിവരണ്ടുപോകാൻ ഇടയാക്കും.

English Summary:

Frozen green peas are a kitchen staple that can instantly add colour, sweetness and nutrition to everything from curries and pulao to pasta and stir-fries. Here Is How to Cook Frozen Green Peas the Right Way for Better Taste And Color.

പത്തനംതിട്ടയിലെ പ്രസിദ്ധമായ ആറന്മുള പാർത്ഥസാരഥി ക്ഷേത്രത്തിലെ 'ആറന്മുള വള്ളസദ്യ' ലോക പ്രസിദ്ധമാണ്. ഓരോ വർഷവും വള്ളപ്പാട്ടിൻ്റെ പെരുമ കാണാനും വള്ളസദ്യയുടെ രുചിയറിയാനുമായി ലക്ഷക്കണക്കിന് ഭക്തരും വിനോദസഞ്ചാരികളുമാണ് ഇവിടേക്ക് എത്തിച്ചേരുന്നത്. എന്നാൽ ആറന്മുളയിൽ പോയാൽ എല്ലാവർക്കും വള്ളസദ്യ കഴിക്കാൻ സാധിക്കുമോ? എന്നത് പലരുടെയും സംശയമാണ്. പറ്റുമെന്നതാണ് സത്യം. അതിനുള്ള സൗകര്യം ക്ഷേത്രത്തിൽ തന്നെ ക്രമീകരിച്ചിട്ടുണ്ട്. ക്ഷേത്രത്തിലെത്തുന്ന സാധാരണക്കാരായ ഭക്തർക്കും സന്ദർശകർക്കും സദ്യ ലഭിക്കുന്നതിനായി പള്ളിയോട സേവാ സംഘവും തിരുവിതാംകൂർ ദേവസ്വം ബോർഡും പ്രത്യേക സൗകര്യങ്ങൾ ഒരുക്കിയിട്ടുണ്ട്.

വള്ളസദ്യയുടെ രുചിയറിയാതെ ആറന്മുളയിലെത്തുന്ന ആരും മടങ്ങേണ്ടി വരരുത് എന്നതാണ് ഇതുകൊണ്ട് ലക്ഷ്യം വയ്ക്കുന്നത്. വവഴിപാടു നേരുന്ന ഭക്തനും കരക്കാരും മാത്രം പങ്കെടുക്കുന്ന വള്ളസദ്യയിൽ പുറമേ നിന്നെത്തുന്ന ആർക്കും പങ്കെടുക്കാൻ കഴിയില്ല. ഇതറിയാതെ പലരും ക്ഷേത്രത്തിലെത്തി വള്ളസദ്യ കഴിക്കാൻ പറ്റാതെ മടങ്ങുന്നത് ഓരോ വർഷവും കാണാറുണ്ട്. എന്നാൽ ഈ പ്രശ്നത്തിന് പരിഹാരമായാണ് പള്ളിയോട സേവാസംഘം തെക്കേടത്ത് ഇല്ലം സദ്യാലത്തിൽ പ്രത്യേക പാസ് വഴി പ്രവേശനം അനുവദിച്ച് പുറത്ത് നിന്നുള്ളവർക്ക് വള്ളസദ്യ കഴിക്കാനുള്ള സൗകര്യം ഒരുക്കിയിരിക്കുന്നത്. 300 രൂപ അടച്ച് നേരത്തേ ബുക്ക് ചെയ്യുന്ന ആർക്കും ഇവിടെയെത്തി വള്ളസദ്യ കഴിച്ചുമടങ്ങാവുന്നതാണ്.

ALSO READ: രാജപാതയിലൂടെ ഒരു ജലയാത്ര; പാർവതി പുത്തനാർ ബോട്ട് സർവീസ് ഓണക്കാലത്ത് ആരംഭിക്കും

ക്ഷേത്രത്തിന്റെ സമീപത്തുള്ള ബസ് സ്റ്റോപ്പിനടുത്താണ് തെക്കേടത്ത് ഇല്ലം സ്ഥിതി ചെയ്യുന്നത്. ഇവിടെ ഒരു ദിവസം ഏകദേശം 360 പേർക്കാണ് സദ്യ ഒരുക്കുന്നത്. ഓൺലൈനായി 250 പേർക്കും നേരിട്ട് 110 പേർക്കും ഇവിടേക്കുള്ള സദ്യ ബുക്ക് ചെയ്യാവുന്നതാണ്. ക്ഷേത്രത്തിലെത്തുന്ന ഭക്തൻ വഴിപാട് സ്വീകരിക്കാൻ എത്തുന്ന പള്ളിയോടങ്ങളുടെ വരവും സ്വീകരണവും മറ്റു ചടങ്ങുകളും കണ്ടതിനുശേഷം 12 മണിക്ക് ശേഷം ഇവിടെ സദ്യ വിളമ്പി തുടങ്ങും. ദൂരസ്ഥലങ്ങളിൽ നിന്ന് എത്തുന്ന ഭക്തരുടെ ആവശ്യവും സൗകര്യവും അനുസരിച്ചാണ് ഇത് പ്രാവർത്തികമാക്കിയിരിക്കുന്നത്. 55 ദിവസങ്ങളിലായി അതായത് സെപ്റ്റംബർ 16 വരെ ആറന്മുള സദ്യ ഇവിടെ ഒരുക്കിയിട്ടുണ്ട്. പള്ളിയോട സേവാസംഘം സ്പെഷ്യൽ പാസ് ആറന്മുളസദ്യ തെക്കേടത്ത് ഇല്ലം സദ്യാലയത്തിൽ കഴിഞ്ഞ ദിവസം മുതൽ ആരംഭിച്ചിരുന്നു.

ആറന്മുള വള്ളസദ്യയുടെ പ്രത്യേകത

സാധാരണ സദ്യകളിൽ നിന്ന് വ്യത്യസ്തമായി പായസവും പ്രാദേശിക വിഭവങ്ങളും ഉൾപ്പെടെ 64 ഇനം കറികളും കടിയും ഇതിലുണ്ടാകും. പള്ളിയോട കരക്കാർ വഞ്ചിപ്പാട്ട് പാടിയാണ് തങ്ങൾക്ക് വേണ്ട വിഭവങ്ങൾ ചോദിച്ചു വാങ്ങുന്നത്. ആവശ്യപ്പെടുന്ന വിഭവങ്ങൾ ഇല്ല എന്ന് പറയാതെ വിളമ്പണം എന്നതാണ് ചടങ്ങ്. എല്ലാ വർഷവും കർക്കിടകം മുതൽ കന്നി മാസം വരെയാണ് വള്ളസദ്യ കാലഘട്ടം. പാസെടുത്താൽ ഏതൊരാൾക്കും സദ്യ കഴിക്കാവുന്നതാണ്.

എങ്ങനെ എത്തിച്ചേരാം?

കെഎസ്ആർടിസിയുടെ ബജറ്റ് ടൂർ വിരുന്ന് പാഞ്ചജന്യം ഓഡിറ്റോറിയത്തിൽ നടക്കും. ഇതിൻ്റെ ഭാ​ഗമായി കേരളത്തിലെ വിവിധ ഡിപ്പോകളിൽ നിന്നും കെഎസ്ആർടിസി ബജറ്റ് ടൂറിസം ഒരുക്കുന്ന പ്രത്യേക സർവീസുകളുണ്ടാകും. ആറന്മുളയിലേക്ക് വരുന്നവർക്ക് ഏറ്റവും അടുത്തുള്ള പ്രധാന റെയിൽവേ സ്റ്റേഷൻ ചെങ്ങന്നൂർ ആണ്. ഇവിടെ നിന്ന് ഏക​ദേശം 10 കിലോമീറ്റർ മാത്രമാണ് ആറന്മുളയിലേക്കുള്ള ദൂരം. ഇവിടെ നിന്നും കെഎസ്ആർടിസി ബസ്സുകളോ ടാക്സി/ഓട്ടോ സർവീസുകളോ വഴി 15-20 മിനിറ്റിനുള്ളിൽ ആറന്മുള ക്ഷേത്രത്തിലെത്താം. തൊട്ടടുത്ത് തന്നെ തിരുവല്ല സ്റ്റേഷനുമുണ്ട്.

English Summary:

Aranmula Vallasadya is now accessible to all visitors through a special pass system at Thekkedath Illam. It will offering a chance to experience the traditional feast without being a devotee.

വറുക്കാനും പൊരിക്കാനും എടുത്ത എണ്ണ ബാക്കി വന്നാൽ സാധാരണയായി വീട്ടമ്മമാർ അതെടുത്ത് മറ്റൊരു കുപ്പിയിലാക്കി മാറ്റിവയ്ക്കും. മിക്ക വീടുകളിലും അത് കളയാതെ വീണ്ടും മറ്റാവശ്യങ്ങൾക്ക് ഉപയോഗിക്കാറാണ് പതിവ്. എന്നാൽ, ഇങ്ങനെ എണ്ണ വീണ്ടും വീണ്ടും ചൂടാക്കി ഉപയോഗിക്കുന്നത് നിങ്ങളുടെ ആരോഗ്യത്തിന് എത്രത്തോളം മോശമാണെന്ന് എപ്പോഴെങ്കിലും ചിന്തിച്ചിട്ടുണ്ടോ. എന്നാൽ അങ്ങനെ ചെയ്യുന്നതിന് മുമ്പായിട്ട് ഒന്നുകൂടി ആലോചിക്കണം. ഒരു ഉപയോ​ഗത്തിന് ശേഷം എണ്ണ വീണ്ടും ചൂടാക്കിയാൽ അതിൽ രൂപപ്പെടുന്ന വിഷാംശങ്ങൾ നിശബ്ദ വില്ലനായി മാറി ഗുരുതരമായ ആരോഗ്യപ്രശ്നങ്ങളാണ് സൃഷ്ടിക്കുന്നത്. അങ്ങനെയെങ്കിൽ, ഇതിൻ്റെ പിന്നിലെ പ്രധാന അപകടങ്ങൾ എന്തൊക്കെയാണെന്ന് പരിശോധിക്കാം.

വിഷാശംങ്ങൾ: എണ്ണ ഉയർന്ന താപനിലയിൽ വീണ്ടും ചൂടാക്കുമ്പോൾ ഫ്രീ റാഡിക്കലുകൾ, അക്രിലമൈഡ് തുടങ്ങിയ ഹാനികരമായ രാസവസ്തുക്കൾ രൂപപ്പെടുന്നു. ഇവ ശരീരത്തിലെ കോശങ്ങൾക്ക് നാശമുണ്ടാക്കുകയും പലവിധ രോഗങ്ങൾക്ക് വഴിവെക്കുകയും ചെയ്യുന്നു. നമ്മൾ ചിന്തിക്കുന്നതിനും അപ്പുറമുള്ള ആരോ​ഗ്യ പ്രശ്നങ്ങളാണ് ഇതുമൂലം അനുഭവിക്കേണ്ടി വരിക.

ALSO READ: മുടിയുടെ ആരോഗ്യത്തിനായി പുരുഷന്മാർ തീർച്ചയായും കഴിക്കേണ്ട 5 ഭക്ഷണങ്ങൾ

കൊളസ്ട്രോളും ഹൃദയാരോഗ്യവും: എണ്ണ പലതവണ ചൂടാക്കുമ്പോൾ അതിലെ ആരോഗ്യകരമായ കൊഴുപ്പുകൾ മാറി ട്രാൻസ് ഫാറ്റ് ആയി മാറുന്നു. ഇത് ശരീരത്തിലെ ചീത്ത കൊളസ്ട്രോൾ കൂട്ടുകയും നല്ല കൊളസ്ട്രോളിൻ്റെ അളവ് കുറയ്ക്കുകയും ചെയ്യുന്നു. പിന്നീട് ഇതിൻ്റെ ഫലമായി നമ്മളിൽ ഹൃദയാരോ​ഗ്യം മോശമാകുകയും ചെയ്യും. ഉയർന്ന രക്തസമ്മർദ്ദം, ഹൃദയാഘാതം, ധമനികളിൽ തടസ്സം എന്നിവയ്ക്ക് കാരണമാകുകയും ചെയ്യും.

അർബുദ സാദ്ധ്യത: പാചക എണ്ണ ഉയർന്ന അളവിൽ ചൂടിൽ ആവർത്തിച്ച് ഉപയോഗിക്കുമ്പോൾ അർബുദത്തിന് കാരണമാകുന്ന 'കാർസിനോജനുകൾ' രൂപപ്പെടുന്നു. ഇത് വയർ, കുടൽ, കരൾ എന്നിവയെ ബാധിക്കുന്ന അർബുദ രോ​ഗത്തിൻ്റെ സാധ്യത വർദ്ധിപ്പിക്കുമെന്നാണ് പഠനങ്ങൾ ചൂണ്ടിക്കാണിക്കുന്നത്.

ദഹനപ്രശ്നങ്ങളും അസിഡിറ്റിയും: ഒരിക്കൽ ഉപയോഗിച്ച എണ്ണ വീണ്ടും ഉപയോഗിച്ച് ഉണ്ടാക്കുന്ന ഭക്ഷണങ്ങൾ ദഹിപ്പിക്കാൻ വയറിന് പ്രയാസമാണ്. ഇത് നെഞ്ചെരിച്ചിൽ, അസിഡിറ്റി, വയറെരിച്ചിൽ, ദഹനക്കേട് എന്നിവയ്ക്ക് കാരണമാകുന്നു.

കരളിന്റെ ആരോഗ്യം: ശരീരത്തിലെ വിഷാംശങ്ങളെ പുറന്തള്ളുന്നത് കരളാണ്. വീണ്ടും ചൂടാക്കിയ എണ്ണയിലെ വിഷാംശങ്ങൾ തുടർച്ചയായി ശരീരത്തിലെത്തുമ്പോൾ അത് കരളിന്റെ പ്രവർത്തനത്തെ സാവധാനത്തിലാക്കുന്നു. അത് പിന്നീട് 'ഫാറ്റി ലിവർ' ഉൾപ്പെടെയുള്ള പ്രശ്നങ്ങളിലേക്ക് നയിക്കുകയും ചെയ്യുന്നു.

എങ്ങനെ സുരക്ഷിതമായി എണ്ണ ഉപയോഗിക്കാം?

ഒരിക്കൽ വറുക്കാൻ ഉപയോഗിച്ച എണ്ണ വീണ്ടും വറുക്കാനോ പൊരിക്കാനോ ഉപയോഗിക്കരുത്. ആവശ്യത്തിന് മാത്രം എണ്ണ എടുത്താൽ ബാക്കി വരുന്നത് കുറയ്ക്കാനാകും.

കുറഞ്ഞ അളവിൽ എണ്ണ ഉപയോഗിക്കുക. വറുക്കാൻ ആവശ്യത്തിന് മാത്രം എണ്ണ എടുക്കുക. അമിതമായി എണ്ണ ഉപയോ​ഗിക്കുന്നത് ഒഴിവാക്കുന്നതാണ് എപ്പോഴും ആരോ​ഗ്യത്തിന് നല്ലത്.

പുകയുന്നതുവരെ എണ്ണ ചൂടാക്കരുത്. എണ്ണയിൽ നിന്ന് പുക ഉയരുന്നത് അതിലെ പോഷകങ്ങൾ നശിച്ച് വിഷാംശം രൂപപ്പെടുന്നതിന്റെ ലക്ഷണമാണ്.

വീണ്ടും ഉപയോഗിക്കേണ്ടി വന്നാൽ, മുൻപ് ഉപയോഗിച്ച എണ്ണയിൽ ഭക്ഷണാവശിഷ്ടങ്ങൾ ഇല്ലെന്ന് ഉറപ്പാക്കുന്നതിന് അവ നന്നായി അരിച്ചെടുക്കുക. ഇത് കറി വെക്കാനോ മറ്റ് ചെറിയ ആവശ്യങ്ങൾക്കോ ആയി അന്നുതന്നെ ഉപയോഗിച്ചു തീർക്കാനും ശ്രമിക്കണം.

English Summary:

Why Reusing Cooking Oil Is More Dangerous, Hidden Health Risks Experts Warn. When oil is subjected to high heat repeatedly, its chemical structure breaks down, a process known as thermal degradation.

വർഷങ്ങൾക്ക് മുമ്പ്, രാജകുടുംബത്തിൻ്റെ ഭരണകാലത്ത്, കേരളത്തിന്റെ തലസ്ഥാനമായ തിരുവനന്തപുരത്ത് ഒരു ജനപ്രിയ ബോട്ട് സർവീസ് ഉണ്ടായിരുന്നു. തലസ്ഥാനത്ത് നിന്നുള്ള വ്യാപാരികൾ പത്മനാഭസ്വാമി ക്ഷേത്രത്തിലേക്കുള്ള സാധനങ്ങൾ, പൂക്കൾ എന്നിവ കൊണ്ടുപോകുന്നതിനും മറ്റുമാണ് ഈ ജലപാത ഉപയോഗിച്ചിരുന്നത്. എന്നാൽ കാലക്രമേണ, റോഡ്, റെയിൽ ഗതാഗതം തുടങ്ങിയവ ജനപ്രിയമായപ്പോൾ ജലപാതയിലൂടെയുള്ള യാത്രകൾ മെല്ലെ നിലച്ചു. ഇപ്പോഴിതാ, വേളി മുതൽ കഠിനക്കുളം വരെയുള്ള പാർവതി പുത്തനാർ നദിയിലെ (Parvathi Puthanar Boat Service) സർവീസ് പുനരാരംഭിക്കാനൊരുങ്ങുകയാണ് കേരള സർക്കാർ. ഓണത്തോടനുബന്ധിച്ച് ഈ സർവീസ് ആരംഭിക്കാനാണ് സർക്കാർ ലക്ഷ്യമിടുന്നത്.

തിരുവിതാംകൂറിന്റെ ചരിത്രത്തോടും സംസ്കാരത്തോടും ചേർന്നുനിൽക്കുന്ന ഒന്നാണ് പാർവതി പുത്തനാർ. തിരുവിതാംകൂറിലെ മുൻ ഭരണാധികാരിയായിരുന്ന റാണി ഗൗരി പാർവതി ബായിയുടെ പേരിൽ അറിയപ്പെടുന്ന ഈ ജലപാത അവരുടെ ഭരണകാലത്താണ് നിർമ്മിക്കപ്പെട്ടത്. സ്വാഭാവികമായി ഒഴുകിയിരുന്ന ഒരു അരുവി ആഴത്തിൽ കുഴിച്ച്, വള്ളക്കടവ് മുതൽ വർക്കല വരെയുള്ള കായലുകളെ തമ്മിൽ ബന്ധിപ്പിച്ചാണ് പാർവതി പുത്തനാർ നിർമ്മിച്ചത്.

ALSO READ: പോക്റ്റ് കീറാതെ ദുബായ് കണ്ടുവരാം; ട്രിപ്പ് പ്ലാൻ ചെയ്യുമ്പോൾ ഇത് അറിഞ്ഞിരിക്കണം

അക്കാലത്ത് സാധന സാമഗ്രികളും കാർഷിക ഉൽപ്പന്നങ്ങളും എളുപ്പത്തിലും സുരക്ഷിതമായും എത്തിക്കുന്നതിനുള്ള പ്രധാന ചരക്കുപാതയായിരുന്നു ഇത്. ഇന്നത്തെ ഹൗസ് ബോട്ടുകൾക്ക് മാതൃകയായ വലിയ 'കെട്ടുവള്ളങ്ങൾക്ക്' സുഗമമായി സഞ്ചരിക്കാൻ തക്കവണ്ണം വീതിയിലും ആഴത്തിലുമാണ് ഈ ജലപാത രൂപകൽപ്പന ചെയ്തത്. വർഷങ്ങളായി ചെളിയും പായലും മൂടിക്കിടന്നിരുന്ന ഈ കനാൽ വീണ്ടെടുത്ത് ജലഗതാഗതത്തിന് സജ്ജമാക്കുന്നതോടെ, തിരുവനന്തപുരത്തിന്റെ വിനോദസഞ്ചാരമേഖലയ്ക്കും പൊതുഗതാഗതത്തിനും അതൊരു വലിയ മാറ്റമാണ് ഉണ്ടാക്കുക.

പഴയ രാജപാതയിലൂടെയുള്ള ഈ ബോട്ട് യാത്ര തലസ്ഥാനവാസികൾക്കും വിനോദസഞ്ചാരികൾക്കും ഒരുപോലെ മികച്ച ഓണസമ്മാനമായിരിക്കും. അതിമനോഹരമായ പ്രകൃതിസൗന്ദര്യത്താൽ അനുഗ്രഹീതാണ് പാർവതി പുത്തനാറിൻ്റെ തീരങ്ങൾ. സമീപകാലത്ത് പാർവതി പുത്തനാർ വാർത്തകളിൽ നിറഞ്ഞുനിന്നത് 2011-ൽ നടന്ന നടുക്കുന്നൊരു ദുരന്ത വാർത്തയുടെ പേരിലാണ്. കുഞ്ഞുങ്ങളുമായി പോയ ഒരു സ്കൂൾ ബസ് കനാൽ തീരത്തുനിന്ന് പുത്തനാറിലേക്ക് മറിഞ്ഞ്, 17 പിഞ്ചുകുഞ്ഞുങ്ങളും അവരുടെ ആയയും വെള്ളത്തിൽ മുങ്ങിമരിച്ചിരുന്നു. ഈ മഹാദുരന്തത്തിന് വെറും ആറുമാസം മുമ്പ്, സമാനമായ മറ്റൊരു അപകടത്തിലും ആറ് പിഞ്ചുകുഞ്ഞുങ്ങൾക്ക് ‌ജീവൻ പൊലിഞ്ഞിരുന്നു.

പുതിയ സർവീസ് ഇങ്ങനെ

വിനോദസഞ്ചാരികൾക്കായി ഇവിടെ സൗരോർജ്ജത്തിൽ പ്രവർത്തിക്കുന്ന ബോട്ട് സർവീസ് അവതരിപ്പിക്കാനാണ് സർക്കാർ പദ്ധതിയിടുന്നത്. 4.5 മണിക്കൂർ ദൈർഘ്യമുള്ള യാത്രയാണ് പുതിയ ബോട്ട് സർവീസിലൂടെ ലക്ഷ്യമിടുന്നത്. വേളിയിൽ നിന്ന് ആരംഭിക്കുന്ന സർവീസ് കഠിനംകുളം, ചാന്നങ്കര എന്നിവിടങ്ങളിലാണ് നിർത്തുന്നതാണ്. ഈ സ്റ്റോപ്പുകളിലെ ബോട്ട് ജെട്ടികളുടെ നിർമ്മാണം പൂർത്തിയായി. തിരുവനന്തപുരം, പാർവതി പുത്തനാർ, അഞ്ചുതെങ്ങ് ഫോർട്ട് എന്നിവയുടെ ചരിത്രം വിവരിക്കുന്നതിനുള്ള ഗൈഡുകളും സർവീസിൽ ഉണ്ടാകും. കേരള വാട്ടർവേയ്‌സ് ആൻഡ് ഇൻഫ്രാസ്ട്രക്ചർ ലിമിറ്റഡാണ് ഇത് നടത്തുന്നത്.

English Summary:

Kerala government is all set to restart the service on the Parvathi Puthanar River, from Veli to Kadhinakkulam. The service is expected to be launched around Onam.

നന്നായി ഭക്ഷണം കഴിച്ച ശേഷം ഒന്ന് വിശ്രമിക്കാൻ ആ​ഗ്രഹിക്കാത്തവർ ആരാണുള്ളത്. ചിലരാകട്ടെ ഒന്ന് മയങ്ങാറുമുണ്ട്. എന്നാൽ ഭക്ഷണം കഴിച്ച ശേഷമുള്ള ഇത്തരം ശീലങ്ങൾ നല്ലതല്ല എന്ന കാര്യം പലരും മറക്കാറുണ്ട്. ഇത്തരത്തിൽ അലസമായി ഒരേയിരിപ്പ് ഇരിക്കുന്നത് നിങ്ങളുടെ ആരോഗ്യത്തെ നമ്മൾ കരുതുന്നതിലും കൂടുതൽ ബാധിക്കും. പ്രത്യേകിച്ച് പ്രമേഹ രോ​ഗികളെ. എന്നാൽ ഭക്ഷണം കഴിഞ്ഞ ഉടൻ 10 മുതൽ 12 മിനിറ്റ് വരെ നീണ്ടുനിൽക്കുന്ന ചെറിയൊരു ശീലം നിങ്ങളുടെ ദഹനപ്രക്രിയയും രക്തത്തിലെ പഞ്ചസാരയുടെ അളവിനെയും എല്ലാം ആരോ​ഗ്യകരമായി നിലനിർത്താൻ സഹായിക്കും. മറ്റൊന്നുമല്ല ചെറിയൊരു നടത്തം മാത്രം മതി.

ALSO READ: പുരുഷന്മാരിലെ മാനസിക സമ്മർദ്ദവും ഉത്കണ്ഠയും കുറയ്ക്കാം; ഈ 5 ഭക്ഷണങ്ങൾ ശീലമാക്കു…!

നടത്തം എന്തുകൊണ്ട് പ്രധാനമാകുന്നു?

രക്തത്തിലെ പഞ്ചസാര പെട്ടെന്ന് കൂട്ടില്ല: ഭക്ഷണത്തിലെ കാർബോഹൈഡ്രേറ്റ്സ് ഗ്ലൂക്കോസായി മാറി രക്തത്തിൽ കലരുമ്പോൾ, നിങ്ങൾ നടക്കുന്നത് പേശികൾ ഇൻസുലിന്റെ സഹായമില്ലാതെ തന്നെ ഈ ഗ്ലൂക്കോസിനെ ഊർജ്ജത്തിനായി ഉപയോഗിക്കുന്നു. ഇത് ഷുഗർ ലെവൽ പെട്ടെന്ന് കൂടുന്നത് തടയുന്നു.

ദഹനം മെച്ചപ്പെടുത്തുന്നു: ഭക്ഷണത്തിന് ശേഷമുള്ള ചെറിയ നടത്തം വയറിൻ്റെയും കുടലിൻ്റെയും ചലനത്തെ ഉത്തേജിപ്പിക്കുകയും ആഹാരം വേഗത്തിൽ ദഹിക്കാൻ സഹായിക്കുകയും ചെയ്യുന്നു.

വയർ വീർക്കലും ഗ്യാസും: ഭക്ഷണം കഴിച്ച ഉടൻ കിടക്കുകയോ ഇരിക്കുകയോ ചെയ്യുമ്പോൾ ഉണ്ടാകുന്ന അസിഡിറ്റി, നെഞ്ചെരിച്ചിൽ, വയർ വീർക്കൽ എന്നീ പ്രശ്നങ്ങൾ ഒഴിവാക്കാൻ ഈ ചെറിയ നടത്തം സഹായിക്കും.

ശരീരഭാരം നിയന്ത്രിക്കാം: ദിവസവും പ്രധാന ഭക്ഷണങ്ങൾക്ക് ശേഷം 10 മിനിറ്റ് വീതം നടക്കുന്നത് കലോറി എരിച്ചുകളയാൻ സഹായിക്കും.

കഠിനമായത് അരുത്: വേഗതയിലുള്ള ഓട്ടമോ കഠിനമായ വ്യായാമമോ ഭക്ഷണശേഷം അരുത്. വളരെ സാധാരണമായ വേഗതയിൽ നടക്കുക. ഭക്ഷണം കഴിഞ്ഞ് 10-15 മിനിറ്റിനുള്ളിൽ തന്നെ നടക്കുന്നതാണ് നല്ലത്.

ദഹനത്തെ പിന്തുണയ്ക്കുന്നു: ചെറിയ നടത്തം ദഹനനാളത്തെയും നാഡിയെയും സജീവമാക്കുന്നു, ഇത് ദഹനവ്യവസ്ഥയിലൂടെ ഭക്ഷണം കൂടുതൽ സുഗമമായി നീങ്ങാൻ സഹായിക്കുന്നു. അദ്ദേഹത്തിന്റെ അഭിപ്രായത്തിൽ, ഇത് ആമാശയം ശൂന്യമാക്കുന്നതിനെ പിന്തുണയ്ക്കുകയും ഭക്ഷണത്തിനു ശേഷമുള്ള മന്ദഗതിയിലുള്ള ദഹനം കുറയ്ക്കുകയും ചെയ്യും.

നെഞ്ചെരിച്ചിലും കുറയ്ക്കുന്നു: ഭക്ഷണം കഴിച്ച ഉടനെ കിടക്കുന്നത് അസിഡിറ്റിയും റിഫ്ലക്സും കൂടുതൽ വഷളാക്കാൻ ഇടയാക്കും.

എത്ര സമയം നടക്കണം?

വിദ​ഗ്ധരുടെ അഭിപ്രായത്തിൽ, ഉച്ചഭക്ഷണം, അത്താഴം അല്ലെങ്കിൽ ദിവസത്തിലെ ഏറ്റവും കട്ടിയുള്ള ഭക്ഷണം കഴിച്ച ശേഷം 10 മുതൽ 12 മിനിറ്റ് വരെ സാവധാനത്തിലുള്ള വേഗതയിൽ നടക്കുക എന്നതാണ് ഏറ്റവും അനുയോജ്യമായ ദൈർഘ്യം. ഈ ചെറിയ ശീലം നിങ്ങളുടെ ആരോഗ്യത്തിൽ വലിയ മാറ്റങ്ങൾ കൊണ്ടുവരും. ഭക്ഷണത്തിന് ശേഷമുള്ള ‌നടത്തം നിങ്ങളുടെ ദിനചര്യയിൽ മാറ്റങ്ങൾ കൊണ്ടുവരുമെങ്കിലും, നിങ്ങൾ കഴിക്കുന്ന ഭക്ഷണത്തിന് ആരോഗ്യപരിപാലനത്തിൽ തുല്യ പ്രാധാന്യമുണ്ട്. പോഷകാഹാര വിദഗ്ദ്ധ അഭിപ്രായത്തിൽ, വ്യായാമത്തോടൊപ്പം സമീകൃതാഹാരവും ചേരുമ്പോഴാണ് രക്തത്തിലെ പഞ്ചസാരയുടെ അളവ് പൂർണ്ണമായി നിയന്ത്രണത്തിലാക്കാൻ സാധിക്കുന്നത്.

English Summary:

Light walking after meals may help your body process food more efficiently while supporting healthy blood sugar levels. A short walk of just 10 to 12 minutes may help with digestion and support healthier blood sugar levels after meals.

ഇന്ത്യൻ ഭക്ഷണമേശയിൽ അച്ചാറിനുള്ള സ്ഥാനം പ്രത്യേകം പറയേണ്ടതില്ല. ഊണിനൊപ്പം അല്പം മാങ്ങാ അച്ചാറോ നാരങ്ങാ അച്ചാറോ ഉണ്ടെങ്കിൽ സംഗതി ഉഷാറായി! എന്നാൽ ഇന്ത്യക്കാരുടെ മാത്രമല്ല, ലോകമെമ്പാടുമുള്ള ദശലക്ഷക്കണക്കിന് ആളുകളുടെ അച്ചാർ പ്രേമം തൃപ്തിപ്പെടുത്തുന്ന, അച്ചാർ തലസ്ഥാനം എന്നറിയപ്പെടുന്ന ഒരു നഗരം ഇന്ത്യയിലുണ്ടെന്ന് അറിയാമോ? ങേ, അങ്ങനെയും ഒരു സ്ഥലമുണ്ടോ? എന്നാണോ ചിന്തിക്കുന്നത്. സംശയം വേണ്ട, അച്ചാറുകളുടെ പേരിലറിയുന്ന ആ ഒരു നഗരവും നമ്മുടെ ഇന്ത്യയിലുണ്ട്.

ഇന്ത്യയുടെ അച്ചാർ തലസ്ഥാനം

ചരിത്രപുസ്തകങ്ങളിൽ മൂന്ന് പ്രശസ്തമായ വലിയ യുദ്ധങ്ങളുടെ പേരിൽ ഇടംപിടിച്ച ഹരിയാനയിലെ പാനിപ്പത്ത്  നഗരമാണ് "ഇന്ത്യയുടെ അച്ചാർ തലസ്ഥാനം" എന്നറിയപ്പെടുന്നത്. പാനിപ്പത്ത് എങ്ങനെ 'അച്ചാർ തലസ്ഥാനം' ആയി എന്ന് നോക്കിയാലോ.... ന്യൂഡൽഹിയിൽ നിന്ന് ദേശീയപാത 44 വഴി ഏകദേശം 95 കിലോമീറ്റർ അകലെയാണ് പാനിപ്പത്ത് സ്ഥിതി ചെയ്യുന്നത്. കൈത്തറി വസ്ത്രങ്ങൾക്ക് പുറമെ, കോടികളുടെ അച്ചാർ ബിസിനസിനും ഈ നഗരം പ്രശസ്തമാണ്.

ലോകമെമ്പാടും പ്രശസ്തമായ 'പച്ചരംഗ' (Pachranga) ബ്രാൻഡ് അച്ചാറുകളാണ് പാനിപ്പത്തിന് ഈ ഖ്യാതി നേടിക്കൊടുത്തത്. പ്രതിവർഷം ആയിരക്കണക്കിന് മെട്രിക് ടൺ അച്ചാറുകളാണ് ഇവിടെ ഉത്പാദിപ്പിക്കുന്നത്. അമേരിക്ക, യുകെ, കാനഡ, ഓസ്ട്രേലിയ, ഗൾഫ് രാജ്യങ്ങൾ തുടങ്ങി 50-ലധികം രാജ്യങ്ങളിലേക്ക് പാനിപ്പത്തിൽ നിന്ന് അച്ചാറുകൾ കയറ്റുമതി ചെയ്യുന്നുണ്ട്.

ALSO READ: ചക്കപ്രേമികളുടെ സ്വന്തം നാട്; ഇതാണ് ഇന്ത്യയുടെ ‘ചക്ക തലസ്ഥാനം’!

പാനിപ്പത്ത് അച്ചാർ - രസകരമായ കാര്യങ്ങൾ

1925-ൽ വിഭജിക്കപ്പെടാത്ത ഇന്ത്യയിലാണ് ഈ അച്ചാർ നിർമ്മാണം ആരംഭിച്ചത്. 1947-ലെ ഇൻഡോ-പാക് വിഭജനത്തിനുശേഷം ധീംഗ്ര (Dhingra) കുടുംബം പാനിപ്പത്തിലേക്ക് കുടിയേറുകയും 'പച്ചരംഗ' ബ്രാൻഡ് സ്ഥാപിക്കുകയുമായിരുന്നു. അഞ്ച് നിറങ്ങൾ അഥവാ അഞ്ച് ചേരുവകൾ എന്നാണ് 'പച്ചരംഗ' എന്ന വാക്കിന്റെ അർത്ഥം. കണ്ണിമാങ്ങ, പച്ചമുളക്, ചെറുനാരങ്ങ, നെല്ലിക്ക, കായം/താമരത്തണ്ട് എന്നിവയായിരുന്നു ഇതിന്റെ പരമ്പരാഗത ചേരുവകൾ.

വലിയ മെഷീനുകളും പാക്കിംഗ് ലൈനുകളും നിലവിലുണ്ടെങ്കിലും, അച്ചാറിനായി പച്ചക്കറികളും പഴങ്ങളും കേടുകൂടാതെ പാകമാക്കിയെടുക്കാൻ ഇന്നും ഇവിടുത്തുകാർ സ്വാഭാവിക വെയിലിനെയാണ് ആശ്രയിക്കുന്നത്.  പാനിപ്പത്തിലെ അച്ചാർ വ്യവസായം ഹരിയാനയിലെ ഗ്രാമീണ മേഖലയിലുള്ള ആയിരക്കണക്കിന് സ്ത്രീകൾക്ക് തൊഴിൽ നൽകുന്നുണ്ട്. പാനിപ്പത്തിലെ ഫാക്ടറികളിൽ മാങ്ങയും മറ്റും പ്രോസസ്സ് ചെയ്യുമ്പോൾ വൻതോതിൽ അവശിഷ്ടങ്ങൾ ഒഴിവാക്കപ്പെടാറില്ല. മാങ്ങയുടെ തൊലി പോലും മിക്സഡ് അച്ചാറുകൾ ഉണ്ടാക്കാൻ ഉപയോഗിക്കുന്നു.

പാനിപ്പത്തിലെ പ്രധാന അച്ചാർ ഇനങ്ങൾ

പച്ചരംഗ അച്ചാർ: മാങ്ങ, കാരറ്റ്, നാരങ്ങ, പച്ചമുളക്, താമരത്തണ്ട് എന്നിവയുടെ സ്വാദിഷ്ടമായ കൂട്ടാണിത്.

ഭർവ മസാല മുളക്: മല്ലി, ഉലുവ, കടുക്, അംചൂർ പ്രൊഡക്റ്റുകൾ നിറച്ച വലിയ ചുവന്ന/പച്ച മുളക് അച്ചാറുകൾ.

മധുരവും പുളിയുമുള്ള നാരങ്ങ അച്ചാർ: എണ്ണ ചേർക്കാതെ കറുത്ത ഉപ്പും ജീരകവും ചേർത്ത് ഉണ്ടാക്കുന്ന പ്രത്യേക നാരങ്ങാ അച്ചാർ.

നെല്ലിക്ക, വെളുത്തുള്ളി അച്ചാറുകൾ: പോഷകഗുണങ്ങളും ആന്റിഓക്സിഡന്റുകളും നിറഞ്ഞ ആരോഗ്യകരമായ അച്ചാറുകൾ.

രാജ്യത്തിന് പുറത്ത് യാത്ര ചെയ്യാൻ ആ​ഗ്രഹിക്കുന്നവരാണ് ഭൂരിപക്ഷം ആളുകളും. എന്നാൽ ചെലവ് ഓർക്കുമ്പോൾ പലരും ആ യാത്ര വേണ്ടെന്ന് വകുകയാണ് ചെയ്യുന്നത്. ​ഗൾഫ് രാജ്യങ്ങളിലേക്കുള്ള യാത്ര പോകുന്നവർ ആദ്യം പോകാൻ ആ​ഗ്രഹിക്കുന്നത് ദുബായിലേക്കാണ്. ഒരു വിദേശയാത്ര പോലും പോകാത്തവരും എപ്പോഴും പോകാൻ കൊതിക്കുന്ന ഒരു സ്ഥലമാണ് ദുബായ്. എന്നാൽ, ദുബായ് എന്നു കേൾക്കുമ്പോൾ തന്നെ പണചെലവ് ആലോചിച്ചിട്ട് യാത്രകൾ പലരും വേണ്ടെന്ന് വയ്ക്കും.

ബുർജ് ഖലീഫ, ദുബായ് മാൾ, മിറാക്കിൾ ഗാർഡൻ, അണ്ടർവാട്ടർ സൂ, ദുബായ് ഫ്രയിം, ഫ്യൂച്ചർ മ്യൂസിയം എന്നിങ്ങനെയെല്ലാം നമ്മൾ സിനിമയലും റീലുകളിലും മാത്രമാണ് കണ്ടിട്ടുള്ളത്. ജീവിതത്തിൽ ഒരിക്കലെങ്കിലും ഇതെല്ലാം നേരിട്ട് കാണണമെന്നുള്ള നമ്മുടെ ജീവിതാഭിലാഷമാണ്. എന്നാൽ, ഒന്ന് കൃത്യമായി യാത്ര പ്ലാൻ ചെയ്താൽ വലിയ ചെലവില്ലാതെ ദുബായ് കണ്ട് തിരിച്ചു മടങ്ങാം. അതിനുള്ള ചെറിയ ടിപ്പുകൾ നമുക്ക് നോക്കാം.

ALSO READ: വിസ വേണ്ട, പക്ഷേ കാലാവധിയിൽ മാറ്റം! തായ്ലൻഡിലെ പുതിയ വിസ ഫ്രീ റൂൾ ഇങ്ങനെ

മെട്രോ സ്റ്റേഷനുകളടുത്ത് താമസം

ദുബായിൽ എത്തി താമസിക്കാനുള്ള ഒരു ഇടം തിരഞ്ഞെടുക്കുമ്പോൾ എപ്പോഴും മെട്രോ സ്റ്റേഷന് സമീപമുള്ള സ്ഥലം തിരഞ്ഞെടുക്കാൻ പ്രത്യേകം ശ്രദ്ധിക്കണം. യാത്ര കുറച്ച് എളുപ്പമാകാനും ഒപ്പം പണച്ചെലവ് കുറയ്ക്കാനും ഇത് സഹായിക്കും. കൂടാതെ ദുബായിക്ക് അകത്ത് തന്നെയുള്ള യാത്രകളിൽ ചെലവ് കുറയ്ക്കാനും കഴിയും. മെട്രോ സ്റ്റേഷനിലേക്ക് നടന്ന് എത്താവുന്ന ദൂരത്തിൽ ആണെങ്കിൽ അനാവശ്യമായി ടാക്സിയെ ആശ്രയിക്കുന്നത് ഒഴിവാക്കുകയും ചെയ്യാം. ദുബായ് മെട്രോ നഗരത്തിലെ നിരവധി സ്ഥലങ്ങളിലേക്ക് യാത്ര ചെയ്യാം.

നഗരയാത്രകൾക്ക് മെട്രോ

ദുബായിൽ എത്തിയ ശേഷം ടാക്സികൾ പൂർണ്ണമായും ഒഴിവാക്കി മെട്രോയും ബസുകളും പരമാവധി ഉപയോഗിക്കുക. ഇതിനായി ഒരു 'Silver Nol Card' വാങ്ങുന്നത് യാത്രകൾ വളരെ ലാഭകരമാക്കും. ഏഴു ദിവസത്തേക്കുള്ള നോൾ കാർഡ് പാസ് എടുക്കുകയാണെങ്കിൽ ആ പാസ് ഉപയോഗിച്ച് ദുബായ് മെട്രോ, ബസ്, ട്രാം എന്നിവയിൽ എല്ലാം ഒരാഴ്ചയും യാത്ര ചെയ്യാവുന്നതാണ്. എയർപോർട്ടിൽ നിന്നും നഗരത്തിന്റെ പ്രധാന ഭാഗങ്ങളിലേക്കും മെട്രോ സർവീസുകൾ ലഭ്യമാണ്. താങ്ങാവുന്ന ചെലവിൽ കറങ്ങിനടന്നു കാണാൻ ദുബായ് മെട്രോ വളരെ നല്ലതാണ്.

ഭക്ഷണവും വെള്ളവും

വൻകിട റെസ്റ്റോറന്റുകൾക്ക് പകരം അൽ കറാമ, ഡെയ്‌റ പ്രദേശങ്ങളിലെ കഫറ്റീരിയകളിൽ നിന്നും കുറഞ്ഞ ചെലവിൽ മികച്ച ആഹാരം ലഭിക്കും. വെള്ളവും ലഘുഭക്ഷണങ്ങളും വിനോദസഞ്ചാര കേന്ദ്രങ്ങളിൽ നിന്ന് വാങ്ങാതെ ചെറിയ സൂപ്പർമാർക്കറ്റുകളിൽ നിന്ന് വാങ്ങുക. കാരണം നമ്മുടെ നാട്ടിലേത് പോലെയല്ല, ഒരു തുള്ളി വെള്ളത്തിനും വിലയുള്ള നാടാണ് ദുബായ്. റസ്റ്ററന്റുകളിൽ നിന്നും മറ്റും വെള്ളക്കുപ്പി വാങ്ങുന്നത് അൽപം ചെലവേറിയത് ആയിരിക്കും.

സൗജന്യ സന്ദർശനമുള്ള സ്ഥലങ്ങൾ

ബുർജ് ഖലീഫ- ദുബായ് ഫൗണ്ടൻ ഷോ (Burj Khalifa & Dubai Fountain Show): ദുബായ് മാളിന് പുറത്തുള്ള വാട്ടർ ഫൗണ്ടൻ ഷോ വിനോദ സഞ്ചാരികൾക്കും മറ്റും സൗജന്യമായി കാണാനുള്ള അനുവാദമുണ്ട്.

ദുബായ് ക്രീക്ക് - അബ്ര റൈഡ് (Dubai Creek & Abra Ride): പഴയ ദുബായുടെ ഭംഗി ആസ്വദിക്കാൻ കേവലം 1 ദിർഹം (AED 1) നൽകി അബ്ര ബോട്ടിൽ യാത്ര ചെയ്യാനുള്ള സൗകര്യമുണ്ട്.

അൽ ഫഹിദി ഹിസ്റ്റോറിക്കൽ നെയിബർഹുഡ്: പാരമ്പര്യ പ്രൗഢി വിളിച്ചോതുന്ന തെരുവുകളും മ്യൂസിയം പരിസരങ്ങളും സൗജന്യമായി ചുറ്റിനടന്ന് കാണാം.

ബീച്ചുകൾ: ജെബിആർ ബീച്ച്, ഉമ്മു സുഖീം ബീച്ച് എന്നിവ സൗജന്യമായി സന്ദർശിക്കാം.

English Summary:

Plan your budget-friendly Dubai trip, Discover how to save money on transportation, accommodation, and no entry fee attractions, ensuring an unforgettable Dubai experience without breaking your account.

സ്തനാർബുദത്തെക്കുറിച്ച് (Breast Cancer) കേൾക്കുമ്പോൾ ഭൂരിഭാഗം ആളുകളുടെയും മനസ്സിൽ ആദ്യം എത്തുന്നത് സ്തനങ്ങളിൽ കാണപ്പെടുന്ന വേദനയില്ലാത്ത മുഴകളാണ്. ലോകമെമ്പാടുമുള്ള സ്ത്രീകൾക്കിടയിൽ ഏറ്റവും സാധാരണമായ കാൻസറാണ് സ്തനാർബുദം. പ്രതിവർഷം ദശലക്ഷക്കണക്കിന് പുതിയ കേസുകളാണ് ലോകത്ത് കണ്ടെത്തുന്നത്. ഇന്ത്യയിൽ, സ്ത്രീകൾക്കിടയിൽ ഏറ്റവും കൂടുതൽ കാൻസറായി സെർവിക്കൽ കാൻസറിനെ മറികടന്നാണ് സ്തനാർബുദ കേസുകൾ വർദ്ധിക്കുന്നത്. പ്രായത്തിനനുസരിച്ച് അപകടസാധ്യത വർദ്ധിക്കുമെങ്കിലും, യുവതികളിലെ കേസുകൾ കൂടുതൽ സാധാരണമായികൊണ്ടിരിക്കുകയാണ്.

പണ്ട് പ്രായമായ സ്ത്രീകളിലാണ് കൂടുതലായും സ്തനാർബുദം കണ്ടുവരുന്നത്. എന്നാൽ ഇന്ന് ആ സ്ഥിതി മാറിമറിഞ്ഞിരിക്കുകയാണ്. ഇന്ന് മിക്ക സ്ത്രീകളിലും പ്രായഭേദമന്യേ സ്തനാർബുദം കണ്ടുവരുന്നുണ്ട്. പലപ്പോഴും ലക്ഷണങ്ങളെ പൂർണമായും അവ​ഗണിക്കുന്നതാണ് രോ​ഗം വഷളാകാൻ കാരണമാകുന്നത്. മുഴകൾ പ്രത്യക്ഷപ്പെടുന്നതിന് മുൻപ് തന്നെ ശരീരം പലതരം ലക്ഷണങ്ങൾ നമുക്ക് മുന്നറിയിപ്പെന്നോണം കാണിച്ചുതരുന്നുണ്ട്. എന്നാൽ നാം മറ്റ് രോ​ഗങ്ങളുടെ ലക്ഷണമായി കണ്ട് ഇതിനെ വേണ്ടവിധത്തിൽ പരി​ഗണിക്കാറില്ല. അത്തരത്തിൽ സ്ത്രീകളിലെ സ്തനാർബുദവുമായി ബന്ധപ്പെട്ട് ആദ്യം ശരീരത്തിൽ കണ്ടുവരുന്ന ലക്ഷണങ്ങൾ എന്തെല്ലാമെന്ന് നോക്കാം.

ALSO READ: പ്രോസ്റ്റേറ്റ് ക്യാൻസർ തടയാൻ ശ്രദ്ധിക്കേണ്ട 6 കാര്യങ്ങൾ

ചർമ്മത്തിലുണ്ടാകുന്ന മാറ്റങ്ങൾ

മുഴകൾ പ്രത്യക്ഷപ്പെടുന്നത് ഒരു തരത്തിൽ അവസാനഘട്ട ലക്ഷണമായി പറയാം. ചിലരിൽ സ്തനത്തിലെ ചർമ്മത്തിന് അസാധാരണമായ തടിപ്പുകൾ അനുഭവപ്പെടാം. ചർമ്മം ഉള്ളിലേക്ക് വലിഞ്ഞ് ചെറിയ കുഴികൾ വീഴുന്ന അവസ്ഥയോ, ചെറു സുഷിരങ്ങളോടെ ചുളിവുകൾ വീഴുന്ന അവസ്ഥയോ കണ്ടാൽ അത് അവഗണിക്കരുത്. നിങ്ങളുടെ സാധാരണ ചർമ്മത്തിൽ നിന്ന് വ്യത്യസ്തമായി മറ്റെന്തെങ്കിലും ശ്രദ്ധയിൽപ്പെട്ടാൽ ഉടൻ തന്നെ ഒരു വിദ​ഗ്ധനെ സമീപിക്കേണ്ടതാണ്.

മുലക്കണ്ണുകളിലെ മാറ്റങ്ങൾ

നേരത്തെ സാധാരണ നിലയിലായിരുന്ന മുലക്കണ്ണുകൾ പെട്ടെന്ന് ഉള്ളിലേക്ക് വലിഞ്ഞു പോകുന്നത് സ്തനാർബുദത്തിന്റെ പ്രധാന ലക്ഷണങ്ങളിൽ ഒന്നാണ്. പലപ്പോഴും നമ്മൾ ശ്രദ്ധിക്കാതെ പോകുന്നതും ഇതുതന്നെയാണ്. മുഴകളുണ്ടോ എന്ന് പരിശോധിക്കുന്നത് പോലെ തന്നെ ഇടയ്ക്കിടെ ഇത്തരം മാറ്റങ്ങളും പരിശോധിക്കേണ്ടതാണ്.

അസാധാരണമായ സ്രവങ്ങൾ

മുലയൂട്ടുന്ന അമ്മമാരിൽ അല്ലാതെ മുലക്കണ്ണുകളിൽ നിന്ന് രക്തം കലർന്നതോ, സുതാര്യമായതോ ആയ സ്രവങ്ങൾ വരുന്നത് അപകടസൂചനയാണ്. ഇത്തരം സാഹചര്യം എപ്പോഴെങ്കിലും ശ്രദ്ധിയിൽപ്പെട്ടാൽ നിർബന്ധമായും വിദ​ഗ്ധരെ സമീപിക്കേണ്ടതാണ്. ഒരുപക്ഷേ തുടക്കത്തിലെ ചികിത്സിച്ചാൽ രോ​ഗം വഷളാകാതെ ഭേദമാക്കാൻ സാധിക്കുന്നു.

കൈക്കുഴിയിലെ മുഴയോ തടിപ്പോ

ചിലപ്പോഴൊക്കെ സ്തനങ്ങളിൽ മുഴകൾ അനുഭവപ്പെടുന്നതിന് മുൻപ് തന്നെ കൈക്കുഴികളിലോ കോളർ ബോണിന് താഴെയോ ഉള്ള ലിംഫ് നോഡുകളിൽ തടിപ്പോ വീക്കമോ കാണപ്പെടാം.

ചുവപ്പ് നിറവും കഠിനമായ ചൊറിച്ചിലും

മുലക്കണ്ണിന് ചുറ്റുമുള്ള ഭാഗത്ത് തൊലി വരണ്ട് അടർന്ന് പോകുക, കഠിനമായ ചൊറിച്ചിൽ, തടിപ്പ് അല്ലെങ്കിൽ സ്തനം ചുവന്നു തടിക്കുക എന്നിവ വീക്കം മൂലമുണ്ടാകുന്ന 'ഇൻഫ്ലമേറ്ററി ബ്രെസ്റ്റ് ക്യാൻസറിന്റെ' ലക്ഷണമാകാം. മറ്റൊരു കാര്യം എന്തെന്നാൽ സ്തനങ്ങളിൽ കാണുന്ന എല്ലാ മാറ്റങ്ങളും ക്യാൻസർ ആകണമെന്നില്ല. എങ്കിലും അസാധാരണമായ എന്തെങ്കിലും വ്യത്യാസങ്ങൾ ശ്രദ്ധയിൽപ്പെട്ടാൽ സ്വയം ചികിത്സിക്കാതെ ഒരു ഡോക്ടറെ കണ്ട് വേണ്ട പരിശോധനകൾ നടത്തേണ്ടതാണ്. രോ​ഗികളുടെ എണ്ണം പൊതുവെ കൂടുതലാണെങ്കിലും മരണ നിരക്ക് കുറവായ അർബുദമാണിത്.

English Summary:

Breast cancer is generally related to elderly women, however, if we look at breast cancer statistics, youngsters are also not spared. Over the last few years, breast cancer experts have been noticing a rising trend among young women in their twenties and thirties.

ഉച്ചയ്ക്ക് ഉണ്ടാക്കിയ ചോറ് ബാക്കി വന്നോ? ഇനി കളയണമല്ലോ എന്നോർത്ത് വിഷമിക്കേണ്ട, ചോറ് വേസ്റ്റാക്കി കളയാതെ വീട്ടിൽ ലഭ്യമായ ചേരുവകൾ ഉപയോഗിച്ച് മിനിറ്റുകൾക്കുള്ളിൽ പുതിയ വിഭവങ്ങൾ ഉണ്ടാക്കിയാലോ..ആരും കഴിക്കാതെ കളയുന്ന ചോറ് ഉപയോഗിച്ച് വീട്ടിൽ പെട്ടെന്ന് തന്നെ ഇത്തരത്തിൽ രുചികരവും വ്യത്യസ്തവുമായ വിഭവങ്ങൾ തയ്യാറാക്കാം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ആറ് സ്പെഷ്യൽ റെസിപ്പികൾ പരിചയപ്പെട്ടാലോ....

തട്ടുകട സ്‌റ്റൈൽ ഫ്രൈഡ് റൈസ് 

ഒരു പാനിൽ അൽപ്പം എണ്ണയൊഴിച്ച് കടുക്, പച്ചമുളക്, ചെറുതായി അരിഞ്ഞ ഇഞ്ചി, വെളുത്തുള്ളി, സവാള എന്നിവ വഴറ്റുക. ഇതിലേക്ക് മഞ്ഞൾപ്പൊടിയും ആവശ്യത്തിന് ഉപ്പും ചേർക്കുക. ശേഷം ബാക്കിവന്ന ചോറ് ചേർത്ത് നന്നായി ഇളക്കി യോജിപ്പിച്ച് മുകളിൽ മല്ലിയില വിതറിയാൽ സംഗതി റെഡി!

നാടൻ ലെമൺ റൈസ് 

പാനിൽ വെളിച്ചെണ്ണ ഒഴിച്ച് കടുകും കറിവേപ്പിലയും വറ്റൽ മുളകും താളിക്കുക. ഇതിലേക്ക് ഒരു പിടി നിലക്കടലയോ അണ്ടിപ്പരിപ്പോ ചേർത്ത് മൂപ്പിക്കുക. അല്പം മഞ്ഞൾപ്പൊടിയും ചോറും ചേർത്ത് നന്നായി ഇളക്കിയ ശേഷം സ്റ്റൗ ഓഫ് ചെയ്ത് പകുതി ചെറുനാരങ്ങയുടെ നീര് ഒഴിക്കുക.

ALSO READ: ഉറങ്ങുമ്പോൾ മുടി അഴിച്ചിടുന്നതാണോ കെട്ടിവെക്കുന്നതാണോ നല്ലത്? അറിയേണ്ട കാര്യങ്ങൾ

മസാല തവ പുലാവ് 

ക്യാരറ്റ്, ബീൻസ്, ക്യാപ്സിക്കം എന്നിവ ചെറിയ കഷണങ്ങളാക്കി വഴറ്റുക. ഇതിലേക്ക് ആവശ്യത്തിന് പാവ് ഭാജി മസാലയോ (അല്ലെങ്കിൽ ചിക്കൻ മസാല/ഗരം മസാല) ഉപ്പും ചേർക്കുക. പച്ചക്കറികൾ വെന്തുവരുമ്പോൾ ചോറ് ചേർത്ത് നന്നായി ഇളക്കിയെടുത്താൽ രുചികരമായ തവ പുലാവ് തയ്യാർ.

റൈസ് വട / പക്കോഡ 

ബാക്കിവന്ന ചോറ് കൈകൊണ്ടോ മിക്സിയിൽ വെള്ളമൊഴിക്കാതെ ഒന്നടിച്ചോ ഉടച്ചെടുക്കുക. ഇതിലേക്ക് അല്പം കടലപ്പൊടിയോ അരിപ്പൊടിയോ, ചെറുതായി അരിഞ്ഞ സവാള, പച്ചമുളക്, കറിവേപ്പില, ആവശ്യത്തിന് ഉപ്പ് എന്നിവ ചേർത്ത് കുഴക്കുക. ചെറിയ ബോൾസോ വടയുടെ രൂപത്തിലോ ആക്കി എണ്ണയിൽ വറുത്തെടുക്കാം. നല്ലൊരു വൈകുന്നേര ചായപ്പലഹാരമാണിത്!

അരി പായസം 

ഒരു പാത്രത്തിൽ അല്പം നെയ്യൊഴിച്ച് അണ്ടിപ്പരിപ്പും മുന്തിരിയും വറുത്ത കോരുക. അതേ പാത്രത്തിലേക്ക് ചോറ് ചെറുതായി ഉടച്ച് ചേർക്കുക. ഇതിലേക്ക് പാലും (അല്ലെങ്കിൽ തേങ്ങാപ്പാൽ) ആവശ്യത്തിന് ശർക്കരപ്പാനിയോ പഞ്ചസാരയോ ഏലക്കാപ്പൊടിയും ചേർത്ത് തിളപ്പിച്ച് കുറുകുമ്പോൾ ഇറക്കിവെക്കാം.

പനീർ ഫ്രൈഡ് റൈസ്

പാനിൽ അൽപ്പം എണ്ണയൊഴിച്ച് ചെറിയ കഷ്ണങ്ങളാക്കിയ പനീർ ചേർത്ത് വറുത്തെടുക്കുക. പനീറിന്റെ നിറം മാറി വരുമ്പോൾ ചോറും കുരുമുളകുപൊടിയും ഗരം മസാലയും ചേർത്ത് നന്നായി വഴറ്റിയെടുക്കുക. ലഞ്ച് ബോക്സുകളിലേക്ക് കൊടുത്തുവിടാൻ ഇത് വളരെ അനുയോജ്യമാണ്.

English Summary:

Instead of throwing away leftover cooked rice, it can be transformed into a variety of quick and delicious meals. Try these delicious easy recipes that make the most of leftover rice, including fried rice, tawa pulao, lemon rice, and paneer fried rice.

ആരോഗ്യമുള്ള തലമുടി എല്ലാവരുടെയും ആഗ്രഹമാണ്. എന്നാൽ, മുടിക്കൊഴിച്ചിലും അറ്റംപിളരലും താരനുമെല്ലാം വെല്ലുവിളി ഉയർത്തുന്നുണ്ട്. അതുകൊണ്ട് തന്നെ മുടിയുടെ ആരോഗ്യത്തിൽ വളരെയധികം ശ്രദ്ധ പുലർത്തുന്നുമുണ്ട്. രാത്രി ഉറങ്ങാൻ കിടക്കുമ്പോൾ മുടി അഴിച്ചിടുന്നതാണോ അതോ കെട്ടിവെക്കുന്നതാണോ നല്ലത് എന്നത് പലരെയും അലട്ടുന്ന ഒരു പ്രധാന സംശയമാണ്. ഇനി സംശയം വേണ്ട, തലമുടിയുടെ ആരോഗ്യത്തിനായി എന്തെല്ലാം ചെയ്യാമെന്ന് അറിഞ്ഞാലോ....

തലമുടി അഴിച്ചിടണോ, കെട്ടണോ?

രാത്രിയിൽ മുടി അയച്ച് മെടഞ്ഞിടുന്നത് മുടി കെട്ടുപിണയുന്നതും പൊട്ടിപ്പോകുന്നതും തടയാൻ സഹായിക്കും. എന്നാൽ വളരെ ഇറുക്കി മെടഞ്ഞിടരുത്. കടുപ്പത്തിൽ കെട്ടുന്നത് മുടിയുടെ വേരുകളിൽ അമിത സമ്മർദ്ദം ഉണ്ടാക്കുകയും തലയോട്ടിക്ക് കേടുപാടുകൾ വരുത്തുകയും ചെയ്യും. മുടി നനഞ്ഞിരിക്കുമ്പോൾ അതിന്റെ വേരുകൾക്ക് ബലം കുറവായിരിക്കും. ഈ സമയത്ത് മുടി മെടഞ്ഞിടുകയോ കെട്ടിവെക്കുകയോ ചെയ്യുന്നത് മുടി എളുപ്പത്തിൽ പൊട്ടിപ്പോകാനും തലയോട്ടിയിൽ ഫംഗസ് അണുബാധയുണ്ടാകാനും കാരണമാകും. അതിനാൽ മുടി പൂർണ്ണമായും ഉണങ്ങിയ ശേഷമേ രാത്രിയിൽ കെട്ടിവെക്കാവൂ.

മെറ്റൽ ക്ലിപ്പുകളോ ഇലാസ്റ്റിക്/റബ്ബർ ബാൻഡുകളോ ഉപയോഗിച്ച് രാത്രി മുടി കെട്ടുന്നത് മുടിയിഴകളിൽ ഘർഷണം കൂട്ടുകയും മുടി പൊട്ടാൻ ഇടയാക്കുകയും ചെയ്യും. ഇതിനുപകരം മൃദുവായ സിൽക്ക് അല്ലെങ്കിൽ സാറ്റിൻ സ്ക്രഞ്ചികൾ തിരഞ്ഞെടുക്കുക. അതുപോലെ, ഉറങ്ങാൻ കിടക്കുന്നതിന് മുൻപ് ഏതാനും തുള്ളി ഹെയർ സിറമോ കുറച്ച് വെളിച്ചെണ്ണയോ മുടിയുടെ അറ്റത്ത് പുരട്ടുന്നത് രാത്രി മുഴുവൻ മുടിക്ക് ആവശ്യമായ ഈർപ്പം നൽകും. മുടി വളരെ നീളമുള്ളതോ എളുപ്പത്തിൽ കെട്ടുപിണയുന്നതോ ആണെങ്കിൽ, നേരിയ രീതിയിൽ അയച്ച് മെടഞ്ഞിടുന്നതാണ് ഏറ്റവും അനുയോജ്യം.

ALSO READ: പ്രായം പിന്നോട്ടോടും; പുരുഷന്മാരുടെ ആരോഗ്യം മെച്ചപ്പെടുത്തുന്ന 5 ഭക്ഷണങ്ങൾ!

തലമുടിയുടെ ആരോഗ്യത്തിന് സഹായിക്കുന്ന ഭക്ഷണങ്ങൾ

തലമുടിയുടെ വളർച്ചയ്ക്കും ആരോഗ്യം നിലനിർത്തുന്നതിനും പോഷകസമ്പന്നമായ ആഹാരം അത്യാവശ്യമാണ്. മുടിയിഴകൾ പ്രധാനമായും കെരാറ്റിൻ എന്ന പ്രോട്ടീൻ കൊണ്ടുണ്ടാക്കിയതായതിനാൽ, പ്രോട്ടീനും അയണും വിറ്റാമിനുകളും അടങ്ങിയ ഭക്ഷണങ്ങൾ കഴിക്കുന്നത് മുടികൊഴിച്ചിൽ തടയാനും മുടിക്ക് നല്ല തിളക്കവും ബലവും നൽകാനും സഹായിക്കും.

മുട്ട: മുടി വളർച്ചയ്ക്ക് ഏറ്റവും ആവശ്യമായ പ്രോട്ടീൻ, ബയോട്ടിൻ എന്നിവയുടെ മികച്ച ഉറവിടമാണ് മുട്ട. ബയോട്ടിൻ കുറയുന്നത് മുടികൊഴിച്ചിലിന് കാരണമാകും. കൂടാതെ സിങ്ക്, സെലീനിയം തുടങ്ങിയ പോഷകങ്ങളും മുട്ടയിൽ അടങ്ങിയിട്ടുണ്ട്.

പച്ചക്കറികൾ: ഇലക്കറികളിൽ, പ്രത്യേകിച്ച് ചീരയിൽ ധാരാളം പോഷകങ്ങൾ അടങ്ങിയിട്ടുണ്ട്. അയൺ തലയോട്ടിയിലെ രക്തയോട്ടം കൂട്ടാനും രോമകൂപങ്ങളിലേക്ക് ഓക്സിജൻ എത്തിക്കാനും സഹായിക്കുന്നു.

നട്സും ബദാമും: ബദാം, വാൾനട്ട്, ഫ്ലാക്സ് സീഡ്സ്, സൺഫ്ലവർ സീഡ്സ് എന്നിവയിൽ വിറ്റാമിൻ ഇ, ബി വിറ്റാമിനുകൾ, ഒമേഗ-3 ഫാറ്റി ആസിഡുകൾ എന്നിവ അടങ്ങിയിട്ടുണ്ട്. ഇവ മുടിയുടെ സാന്ദ്രത കൂട്ടാനും തലയോട്ടിയിലെ ഈർപ്പം നിലനിർത്താനും മികച്ചതാണ്.

മത്സ്യം: മത്തി, അയില, സാൽമൺ തുടങ്ങിയ കൊഴുപ്പടങ്ങിയ മത്സ്യങ്ങളിൽ ഒമേഗ-3 ഫാറ്റി ആസിഡുകൾ ധാരാളമുണ്ട്. ഇത് മുടിയുടെ വരൾച്ച മാറ്റി സ്വാഭാവിക തിളക്കം നൽകാൻ സഹായിക്കും.

നെല്ലിക്കയും സിട്രസ് പഴങ്ങളും: നെല്ലിക്ക, ഓറഞ്ച്, നാരങ്ങ എന്നിവയിൽ വിറ്റാമിൻ സി ധാരാളമുണ്ട്. വിറ്റാമിൻ സി ശരീരത്തിൽ കൊളാജൻ ഉൽപ്പാദനം കൂട്ടുകയും ആഹാരത്തിൽ നിന്നുള്ള അയൺ വേഗത്തിൽ ആഗിരണം ചെയ്യാൻ സഹായിക്കുകയും ചെയ്യുന്നു.

English Summary:

Whether you should sleep with your hair in braids or leave it loose depends on your hair type, texture, and comfort rather than a single rule. A loose braid is often recommended for long, thick, curly, or wavy hair because it helps reduce tangles, frizz, and friction against the pillow, which can minimize breakage.

മലയാളികൾക്ക് കർക്കിടകം എന്നാൽ പെയ്തൊഴിയാത്ത മഴയുടെയും തണുപ്പിന്റെയും കാലമാണ് ഓർമ്മകളിൽ നിറയുന്നത്. എന്നാൽ ഇന്ന് കാലാവസ്ഥ പാടെ മാറിയിരിക്കുന്നു. ഇടിവെട്ടി മഴ പെയ്യേണ്ട സമയത്ത് മിക്ക സ്ഥലങ്ങളിലും അതിഭീകര ചൂടാണ് അനുഭവപ്പെടുന്നത്. എന്നാൽ പണ്ടുകാലത്തെ കാലാവസ്ഥയ്ക്ക് അനുസരിച്ച്, ശരീര സംരക്ഷണത്തിനും ആയുർവേദ സുഖചികിത്സകൾക്കുമായി മാറ്റിവെച്ചിരിക്കുന്ന മാസമായിരുന്നു കർക്കിടകം. കാലാവസ്ഥാ വ്യതിയാനം സംഭവിക്കുമ്പോൾ നമ്മുടെ ശരീരത്തിലെ രോഗപ്രതിരോധശേഷി കുറയാനും പേശികൾക്ക് കടുപ്പവും സന്ധിവേദനയും ഉണ്ടാകാനുമുള്ള സാധ്യത കൂടുതലാണ്.

എന്നാൽ എല്ലാവർക്കും ഒരുപോലെ കർക്കിടക മാസത്തിൽ ചികിത്സയ്ക്ക് പോകാൻ കഴിയണമെന്നില്ല. അത്തരക്കാർക്ക് വീട്ടിലിരുന്ന് തന്നെ ആരോ​ഗ്യ കാക്കാൻ ചെയ്യാവുന്ന ഒന്നാണ് യോ​ഗ. കർക്കിടക മാസത്തിലെ ശാരീരിക-മാനസിക അസ്വസ്ഥതകളെ മറികടക്കാൻ ഏറ്റവും മികച്ച പോംവഴിയാണ് യോഗ. ഈ പുണ്യമാസത്തിൽ യോഗ ശീലമാക്കേണ്ടത് എന്തുകൊണ്ടാണെന്നും അതിന്റെ പ്രധാന ഗുണങ്ങൾ എന്തൊക്കെയാണെന്നും നോക്കാം.

ALSO READ: പഞ്ഞക്കർക്കിടകത്തെ പ്രതിരോധിക്കാം; ഈ മാസം നിർബന്ധമായും ചെയ്യേണ്ട കാര്യങ്ങൾ

യോഗാഭ്യാസം: പ്രധാന ഗുണങ്ങൾ

രോഗപ്രതിരോധശേഷി വർദ്ധിപ്പിക്കുന്നു: മഴക്കാലത്ത് വായുവിലൂടെയും വെള്ളത്തിലൂടെയും പകരുന്ന രോഗങ്ങൾ വളരെ കൂടുതലാണ്. ദിവസവും യോഗ ചെയ്യുന്നത് ശരീരത്തിലെ ലസികാ വ്യവസ്ഥയെ (Lymphatic System) ഉത്തേജിപ്പിക്കുകയും വിഷാംശങ്ങളെ പുറന്തള്ളുകയും ചെയ്യുന്നു. ഇത് വഴി ശരീരത്തിന്റെ പ്രതിരോധശേഷി ഇരട്ടിയാകുന്നു. അതിനാൽ വളരെ എളുപ്പത്തിലുള്ള യോ​ഗകൾ നിങ്ങൾക്ക് അഭ്യസിക്കാവുന്നതാണ്.

സന്ധിവേദനകൾക്കും പേശിവേദനകൾക്കും: തണുത്ത കാലാവസ്ഥ കാരണം ശരീരത്തിലെ രക്തയോട്ടം കുറയാനും വാതസംബന്ധമായ ബുദ്ധിമുട്ടുകൾ കൂടാനും സാധ്യതയുള്ള സമയമാണ് കർക്കിടകം. യോഗയിലെ ലളിതമായ ആസനങ്ങളും സ്ട്രെച്ചിംഗുകളും പേശികളുടെ കടുപ്പം കുറയ്ക്കുകയും സന്ധികളിലെ രക്തയോട്ടം വർദ്ധിപ്പിച്ച് വേദനകൾക്ക് ആശ്വാസം നൽകുകയും ചെയ്യും.

തളർച്ചയും മാറ്റും: തുടർച്ചയായ മഴയും സൂര്യപ്രകാശത്തിന്റെ കുറവും കാരണം പലരിലും ഈ സമയത്ത് മടിയും ഉറക്കക്കൂടുതലും അനുഭവപ്പെടാറുണ്ട്. യോഗയും സൂര്യനമസ്കാരവും ചെയ്യുന്നത് ശരീരത്തിലെ ഊർജ്ജനില ഉയർത്താനും ദിവസം മുഴുവൻ ഉന്മേഷം നിലനിർത്താനും സഹായിക്കും. അതുപോലെ അതിരാവിലെ യോ​ഗ ചെയ്യുന്നതാണഅ ഏറ്റവും കൂടുതൽ ​ഗുണം നൽകുന്നത്.

ദഹനപ്രക്രിയ സുഗമമാക്കുന്നു: കർക്കിടകത്തിൽ ദഹനശേഷി കുറവായിരിക്കുമെന്നാണ് ആയുർവേദം പറയുന്നത്. അതുകൊണ്ടാണ് ഈ സമയത്ത് കഞ്ഞിയും ലഘുഭക്ഷണങ്ങളും കഴിക്കാൻ നിർദ്ദേശിക്കുന്നത്. യോഗയിലെ ട്വിസ്റ്റിംഗ് ആസനങ്ങൾ (Twisting Asanas) വയറ്റിലുള്ള അവയവങ്ങളെ ഉത്തേജിപ്പിക്കുകയും ദഹനം സുഗമമാക്കുകയും ചെയ്യുന്നു. അതിനാൽ ആഹാരത്തിലെ മാറ്റത്തോടൊപ്പം യോ​ഗയിലും കൂടുതൽ സമയം ചെലവിഴിക്കാം.

ശ്വാസകോശ ആരോഗ്യം: മഴക്കാലത്ത് ആസ്ത്മ, വിട്ടുമാറാത്ത ചുമ, കഫക്കെട്ട് എന്നിവ വരാനുള്ള സാധ്യത വളരെ കൂടുതലാണ്. യോഗയോടൊപ്പം പ്രാണായാമം കൂടി ശീലമാക്കുന്നത് ശ്വാസകോശത്തിന്റെ ശേഷി വർദ്ധിപ്പിക്കാനും ശ്വസനസംബന്ധമായ അലർജികളെ പ്രതിരോധിക്കാനും സഹായിക്കും.

കർക്കിടകത്തിൽ ചെയ്യാവുന്ന പ്രധാന യോഗാസനങ്ങൾ:

സൂര്യനമസ്കാരം: ശരീരത്തിന് ചൂടും ഊർജ്ജവും നൽകാൻ ഏറ്റവും മികച്ചത്.

മാർജര്യാസനം: നടുവേദന മാറ്റാനും നട്ടെല്ലിന്റെ വഴക്കത്തിനും സഹായിക്കുന്നു.

ഭുജംഗാസനം: ശ്വാസകോശത്തിന്റെ ആരോഗ്യം മെച്ചപ്പെടുത്തുന്നു.

പവനമുക്താസനം: ഗ്യാസ് ട്രബിൾ അകറ്റി ദഹനം എളുപ്പമാക്കുന്നു.

പാലഭാതി, അനുലോം വിലോം: മനസ്സിന് ശാന്തത നൽകാനും വായുസഞ്ചാരം സുഗമമാക്കാനും.

English Summary:

Explore our comprehensive Karkidaka Masam Health and Yoga Guide. Discover the immense physical and mental benefits of practicing yoga during this traditional rejuvenation month.

തായ്ലൻഡ് യാത്ര സ്വപ്നം കാണുന്ന ഇന്ത്യൻ സഞ്ചാരികൾക്ക് ഏറെ സന്തോഷം നൽകുന്ന വാർത്തയാണ് കഴിഞ്ഞ ദിവസങ്ങളിൽ പുറത്തുവന്നത്. ഇന്ത്യക്കാർക്ക് നൽകിയിരുന്ന വിസരഹിത പ്രവേശന ആനുകൂല്യം (Visa-free Entry) തുടർന്നും നൽകാനാണ് തായ്ലൻഡ് ഭരണകൂടം തീരുമാനിച്ചിരിക്കുന്നത്. എന്നാൽ, മുൻപ് അനുവദിച്ചിരുന്ന സമയപരിധിയിൽ ചെറിയൊരു മാറ്റം വരുത്തിയിട്ടുണ്ടെന്ന് മാത്രം. തായ്ലൻഡ് സന്ദർശിക്കാൻ പ്ലാനിടുന്ന ഏതൊരു ഇന്ത്യക്കാരനും നിർബന്ധമായും അറിഞ്ഞിരിക്കേണ്ട പുതിയ യാത്രാ നിയമങ്ങൾ വിശദമായി വായിച്ചറിയാം.

ഇനി 60 ദിവസമില്ല പകരം 30 ദിവസം

ഇന്ത്യക്കാർക്കുള്ള വിസരഹിത പ്രവേശനം പിൻവലിക്കാനുള്ള തീരുമാനത്തിൽ നിന്നും തായ്ലൻഡ് പിന്മാറിയിരിക്കുകയാണ്. കൂടാതെ ഇന്ത്യയിൽ നിന്നുള്ള സന്ദ‍ർ‌ശകർക്ക് 30 ദിവസത്തെ വിസരഹിത പ്രവേശനം അനുവദിക്കാനാണ് തായ്ലൻഡ് മന്ത്രിസഭാ യോ​ഗം കഴിഞ്ഞ ദിവസം തീരുമാനിച്ചത്. ഇന്ത്യൻ വിനോദസഞ്ചാരികളുടെ യാത്രാ രീതികൾക്ക് അനുസൃതമായി 30 ദിവസത്തെ വിസരഹിത പ്രവേശനമാണ് മന്ത്രിസഭാ യോ​ഗം അംഗീകരിച്ചത്. ടൂറിസം മന്ത്രി സുരസാക് പഞ്ചരോയൻവൊരാകുലാണ് ഇതുമായി ബന്ധപ്പെട്ട് കാര്യങ്ങൾ അറിയിച്ചത്. ഭാവിയിൽ ഈ നടപടി കാരണം എന്തെങ്കിലും ബുദ്ധിമുട്ട് ഉണ്ടായാൽ, സർക്കാരിന് തീരുമാനം പുനഃപരിശോധിക്കാനുള്ള അനുമതിയുണ്ടെന്നും മന്ത്രി പറഞ്ഞു.

ALSO READ: നാലമ്പല ദർശനത്തിന് കെഎസ്ആർടിസി ഏതൊക്കെ ഡിപ്പോകളിൽ നിന്ന്? സമയക്രമം അറിയാം

നേരത്തെ 60 ദിവസം വിസയില്ലാതെ ഇന്ത്യക്കാർക്ക് തായ്ലൻഡിൽ തുടരാനുള്ള അനുമതി ഉണ്ടായിരുന്നു. എന്നാൽ ഇക്കഴിഞ്ഞ മെയ് മാസമാണ് ഇന്ത്യ അടക്കം വിവിധ രാജ്യങ്ങളുടെ 60 ദിവസത്തെ വിസരഹിത പ്രവേശനം നിർത്തലാക്കാൻ തായ്ലൻഡ് മന്ത്രിസഭ നീക്കം നടത്തിയത്. ഇതേ തുട‍ർന്ന് ഇന്ത്യയിൽ നിന്നുള്ള വിനോദസഞ്ചാരികളുടെ എണ്ണത്തിൽ ​ഗണ്യമായി കുറവ് രേഖപ്പെടുത്തിയിരുന്നു. ഇതോടെ ആണ് ഇന്ത്യക്കാർക്കുള്ള വിസരഹിത പ്രവേശനം പൂർണമായും നിർത്തലാക്കാതിരിക്കാൻ തീരുമാനമായതി. പകരം ഇനി മുതൽ 60 ദിവസത്തിൽനിന്ന് 30 ​ദിവസമായി പരിമിതപ്പെടുത്തുകയായിരുന്നു.

തായ്ലൻഡിൽ എത്തുന്ന വിനോദസഞ്ചാരികളുടെ എണ്ണത്തിൽ ചൈന, മലേഷ്യ എന്നീ രാജ്യക്കാർ കഴിഞ്ഞാൽ ഇന്ത്യക്കാരാണ് പിന്നെ മുന്നലുള്ളത്. നിലവിൽ ചൈന, മലേഷ്യ എന്നിവിടങ്ങളിൽ നിന്നുള്ളവ‍ർക്ക് മാത്രമാണ് തായ്ലൻഡിൽ 60 ദിവസം വിസയില്ലാതെ തുടരാൻ അനുമതിയുള്ളത്. തായ്ലൻഡ് ഇതുവരെ ഇന്ത്യയടക്കം 93 രാജ്യങ്ങൾക്കാണ് 60 ദിവസത്തെ വിസരഹിത പ്രവേശനം അനുവദിച്ചിട്ടുള്ളത്. ഇപ്പോഴിത് 54 രാജ്യങ്ങൾക്ക് മാത്രമായി പരിമിതപ്പെടുത്താനാണ് സർക്കാർ നീക്കം നടത്തിയത്. യോ​ഗ്യരായ രാജ്യങ്ങൾക്ക് 30 ദിവസത്തെ വിസരഹിത പ്രവേശനം അനുവദിക്കാനും സർക്കാർ തീരുമാനിച്ചിരുന്നെങ്കിലും നടപ്പിലായില്ല.

ഇന്ത്യയ്ക്ക് പുറമേ, ക്രൊയേഷ്യ, ബൾ​ഗേറിയ, സിപ്രസ്, മാൾട്ട, മാലദ്വീപ് എന്നീ രാജ്യക്കാർക്കും 30 ദിവസത്തെ വിസരഹിത പ്രവേശനം അനുവദിക്കാനും തായ്ലൻഡ് സർക്കാർ തീരുമാനിച്ചു. ഇതോടെ 30 ദിവസത്തെ വിസരഹിത പ്രവേശനത്തിന് അനുമതിയുള്ള രാജ്യങ്ങളുടെ എണ്ണം 60 ആയി ഉയർന്നിട്ടുണ്ട്. ഇതിൽ 27 യൂറോപ്യൻ യൂണിയൻ രാജ്യങ്ങളും ഉൾപ്പെടുന്നുണ്ട്. തായ്ലൻഡ് പാസ്പോർട്ട് ഉടമകൾക്ക് ഷെങ്കൻ വിസ നേടാനുള്ള ശ്രമങ്ങളുടെ ഭാ​ഗമായാണ് യൂറോപ്യൻ യൂണിയൻ രാജ്യക്കാർക്കും ഇളവ് അനുവദിച്ചത്.

English Summary:

Thailand has once again made visa-free travel available for Indian passport holders. The move comes just months after Thailand ended its earlier 60-day visa exemption programme, a change that was followed by a drop in visitor arrivals from India. Now the visa-free stay has been capped at 30 days.

പവിത്രമായ കർക്കിടക മാസത്തിൽ ഭക്തജനങ്ങൾക്ക് കുറഞ്ഞ ചെലവിൽ നാലമ്പല പുണ്യദർശനം സാധ്യമാക്കാൻ കെഎസ്ആർടിസി (KSRTC) യുടെ ബജറ്റ് ടൂറിസം സെൽ. കെഎസ്ആർടിസിയുടെ ബജറ്റ് ടൂറിസം സെല്ലിന്റെ നേതൃത്വത്തിൽ ഏതൊരു സാധാരണക്കാരനും താങ്ങാനാവുന്ന നിരക്കിലാണ് 'നാലമ്പല ദർശനം' യാത്രകൾ പ്രഖ്യാപിച്ചിരിക്കുന്നത്. കർക്കിടകത്തിന്റെ ആരംഭം മുതൽ ആഗസ്റ്റ് 16 വരെയാണ് ഈ പ്രത്യേക യാത്രകൾ ഷെഡ്യൂൾ ചെയ്തിരിക്കുന്നത്.

രാമായണ മാസത്തിൽ ശ്രീരാമൻ, ഭരതൻ, ലക്ഷ്മണൻ, ശത്രുഘ്നൻ എന്നീ നാല് സഹോദരന്മാർക്കായി സമർപ്പിച്ചിരിക്കുന്ന ക്ഷേത്രങ്ങളിൽ ഒരേദിവസം ദർശനം നടത്തുന്നത് ഹിന്ദു വിശ്വാസ പ്രകാരം ഏറ്റവും വലിയ അനു​ഗ്രഹമായിട്ടാണ് കണ്ടുവരുന്നത്. ഭക്തരുടെ സൗകര്യം മുൻനിർത്തി തൃശ്ശൂരിലെയും എറണാകുളത്തെയും പ്രശസ്തമായ നാലമ്പലം ക്ഷേത്രങ്ങളിലേക്കാണ് വിവിധ ഡിപ്പോകളിൽ നിന്ന് കെഎസ്ആർടിസി സർവീസുകൾ ഒരുക്കിയിരിക്കുന്നത്.

ALSO READ: ഓണാവധി ബോറടിപ്പിക്കേണ്ട; ഫാമിലിയോടൊപ്പം ട്രിപ്പ് പോകാൻ ഇതാ വൺ-ഡേ സ്പോട്ടുകൾ

തൃശ്ശൂർ നാലമ്പല ദർശന യാത്രയിൽ, തൃപ്രയാർ ശ്രീരാമ ക്ഷേത്രം, ഇരിഞ്ഞാലക്കുട കൂടൽമാണിക്യം ക്ഷേത്രം, തിരുമൂഴിക്കുളം ശ്രീ ലക്ഷ്മണ പെരുമാൾ ക്ഷേത്രം, പായമ്മൽ ശത്രുഘ്ന ക്ഷേത്രം എന്നിവ ഉൾപ്പെടുന്നു. എറണാകുളം നാലമ്പല ദർശന യാത്രയിൽ, മാമ്മലശ്ശേരി ശ്രീരാമ ക്ഷേത്രം, മേമുറി ഭരതപിള്ളി ക്ഷേത്രം, മുളക്കുളം ലക്ഷ്മണ സ്വാമി ക്ഷേത്രം, നെടുങ്ങാട് ശത്രുഘ്ന സ്വാമി ക്ഷേത്രം എന്നിവയാണ് ഉൾപ്പെടുന്നത്. കുറഞ്ഞ ചെലവിൽ മികച്ച യാത്രാസൗകര്യവും ദർശനവും ഉറപ്പാക്കാൻ കെഎസ്ആർടിസി ഡിപ്പോകൾ വഴി മുൻകൂട്ടി സീറ്റുകൾ ബുക്ക് ചെയ്യാവുന്നതാണ്.

ഡിപ്പോകളും യാത്രയുടെ വിവരങ്ങളും

ആലപ്പുഴ ഡിപ്പോയിൽ നിന്ന്- തൃശൂർ ഭാ​ഗത്തേക്ക് ജൂലൈ 18, 21, 24, 29, ഓഗസ്റ്റ് 4, 7, 13 തീയതികളിലാണ് ബസ് സർവീസ് നടത്തുന്നത്. എറണാകുളം ഭാഗത്തേക്ക് ജൂലൈ 19, 26, 31, ഓഗസ്റ്റ് 8, 15 തീയതികളിലും യാത്ര ക്രമീകരിച്ചിരിക്കുന്നു.

കായംകുളം ഡിപ്പോയിൽ നിന്ന്- തൃശൂർ ഭാ​ഗത്തേക്ക് ജൂലൈ 18, ഓഗസ്റ്റ് 3, 10, 14 തീയതികളിലാണ് ബസ് സർവീസ് നടത്തുന്നത്. എറണാകുളം ഭാഗത്തേക്ക് ജൂലൈ 22, 31, ഓഗസ്റ്റ് 5, 11, 15 തീയതികളിലും യാത്ര ക്രമീകരിച്ചിരിക്കുന്നു.

മാവേലിക്കര ഡിപ്പോയിൽ നിന്ന്- തൃശൂർ ഭാ​ഗത്തേക്ക് ജൂലൈ 29, ഓഗസ്റ്റ് 6, 11 തീയതികളിലാണ് ബസ് സർവീസ് നടത്തുന്നത്. എറണാകുളം ഭാഗത്തേക്ക് ജൂലൈ 18, 19, 25, 26, ഓഗസ്റ്റ് 1, 2, 8, 9, 12, 15, 16 തീയതികളിലും യാത്ര ക്രമീകരിച്ചിരിക്കുന്നു.

എടത്വാ ഡിപ്പോയിൽ നിന്ന്- തൃശൂർ ഭാ​ഗത്തേക്ക് ജൂലൈ 30, ഓഗസ്റ്റ് 7, 14 തീയതികളിലാണ് ബസ് സർവീസ് നടത്തുന്നത്. എറണാകുളം ഭാഗത്തേക്ക് ജൂലൈ 26, ഓഗസ്റ്റ് 2, 8, 9, 15, 16 തീയതികളിലും യാത്ര ക്രമീകരിച്ചിരിക്കുന്നു.

ചേർത്തല ഡിപ്പോയിൽ നിന്ന്- തൃശൂർ ഭാ​ഗത്തേക്ക് ജൂലൈ 18, 21, 25, 27, അതുപോലെ ഓഗസ്റ്റ് 1, 4, 7, 10, 13 തീയതികളിലാണ് ബസ് സർവീസ് നടത്തുന്നത്. എറണാകുളം ഭാഗത്തേക്ക് ജൂലൈ 19, 25, 26, 31, ഓഗസ്റ്റ് 1, 2, 8, 12, 15, 16 തീയതികളിലും യാത്ര ക്രമീകരിച്ചിരിക്കുന്നു.

ഹരിപ്പാട് ഡിപ്പോയിൽ നിന്ന്- തൃശൂർ ഭാ​ഗത്തേക്ക് ജൂലൈ 18, 21, 25, 28, 30, ഓഗസ്റ്റ് 1, 4, 6, 11, 13, 14 തീയതികളിലാണ് ബസ് സർവീസ് നടത്തുന്നത്. എറണാകുളം ഭാഗത്തേക്ക് ജൂലൈ 19, 26, ഓഗസ്റ്റ് 8, 9, 15, 16 തീയതികളിലും യാത്ര ക്രമീകരിച്ചിരിക്കുന്നു.

ചെങ്ങന്നൂർ ഡിപ്പോയിൽ നിന്ന്- തൃശൂർ ഭാ​ഗത്തേക്ക് ജൂലൈ 18, 24, 28, ഓഗസ്റ്റ് 4, 11 തീയതികളിലാണ് ബസ് സർവീസ് നടത്തുന്നത്. എറണാകുളം ഭാഗത്തേക്ക് ജൂലൈ 19, 25, 26, ഓഗസ്റ്റ് 1, 2, 8, 9 തീയതികളിലും യാത്ര ക്രമീകരിച്ചിരിക്കുന്നു.

ഗ്രൂപ്പ് ബുക്കിംഗിനുള്ള ഫോൺ നമ്പർ കൂടാതെ ആലപ്പുഴയിലെ ഏതെങ്കിലും ഡിപ്പോയിലെ ബജറ്റ് സെല്ലുമായി ബന്ധപ്പെട്ട മറ്റ് അന്വേഷണങ്ങൾക്ക്- 9846475874, കായംകുളം – 9446117774, മാവേലിക്കര – 94006 57240, ഹരിപ്പാട് – 9744896560, ആലപ്പുഴ – 9447500997, ചേർത്തല – 9447708368, എടത്വാ – 70340425734042 9846373247, ജില്ലാ കോർഡിനേറ്റർ – 9846475874, 9188938525 എന്നീ നമ്പരുകളിൽ ബന്ധപ്പെടാം.

English Summary:

KSRTC’s budget tourism cell offers affordable 'Nalambala Darshan' trips during the sacred month of Karkidakam. The trips are scheduled from the beginning of Karkidakam up to August 16. Visiting the four temples dedicated to Lord Rama and his brothers during the Ramayana month is an important part of Hindu tradition.

ന്യൂഡൽഹി: രാജ്യത്ത് 10-ൽ 9 പേർക്കും കൊളസ്ട്രോൾ എന്ന് പഠന റിപ്പോർട്ട്. ഐസിഎംആർ രാജ്യവ്യാപകമായി പഠനത്തിലാണ് ഏറ്റവും പുതിയ കണ്ടെത്തൽ. ഇത് രാജ്യത്ത് വർധിക്കുന്ന ഹൃദയാഘാതങ്ങൾക്കുള്ള കാരണമാണെന്നും റിപ്പോർട്ടിൽ പറയുന്നു. വിവിധ പ്രദേശങ്ങളിലായി 23,665 മുതിർന്നവരിൽ നടത്തിയ പഠനത്തിലാണ് വിവരങ്ങൾ. രക്തത്തിലെ കൊളസ്ട്രോൾ അഥവാ ട്രൈഗ്ലിസറൈഡുകളുടെ അസന്തുലിതാവസ്ഥയായ ഡിസ്ലിപിഡെമിയ വളരെ വ്യാപകമായതായി ഗവേഷകർ പറയുന്നു, പ്രാരംഭ ഘട്ടത്തിൽ ഇതിൻ്റെ ലക്ഷണങ്ങൾ കാണിക്കുന്നില്ലാത്തതിനാൽ പലരും ഇത് അവഗണിക്കുന്നതാണ് പതിവ്.

എന്താണ് ഡിസ്ലിപിഡെമിയ ?

രക്തത്തിലെ കൊളസ്ട്രോൾ അല്ലെങ്കിൽ ട്രൈഗ്ലിസറൈഡിന്റെ അളവ് വളരെ ഉയർന്നതോ വളരെ കുറവോ ആകുകയും ഇതുവഴി ഹൃദയ സംബന്ധമായ രോഗ സാധ്യത വർദ്ധിപ്പിക്കുകയും ചെയ്യുന്ന രോഗാവസ്ഥയാണ് ഡിസ്ലിപിഡെമിയ.

30 കളുടെ തുടക്കത്തിൽ

രാജ്യത്തെ മുതിർന്നവരിൽ പലർക്കും ഇതേ രോഗാവസ്ഥയുണ്ടെങ്കിലും പലർക്കും 30 കളുടെ തുടക്കത്തിൽ തന്നെ ഇതുമായി ബന്ധപ്പെട്ട ലക്ഷണങ്ങൾ കാണിക്കുന്നുണ്ടെന്നാണ് വിവരം. ഇന്ത്യയിൽ മുതിർന്നവരിൽ അസാധാരണമായ ലിപിഡ് അളവ് കൂടുതലായി കാണപ്പെടുന്നുവെന്നും പലപ്പോഴും 30 കളുടെ തുടക്കത്തിൽ തന്നെ പ്രത്യക്ഷപ്പെടാൻ തുടങ്ങുന്നുവെന്നും ഗവേഷകർ പറഞ്ഞു. ഭാവിയിൽ ഹൃദയ സംബന്ധമായ അസുഖങ്ങൾ തടയാൻ സഹായിക്കുന്നതിന് പതിവായി കൊളസ്ട്രോൾ സ്ക്രീനിംഗിന്റെ പ്രാധാന്യം അവർ ഊന്നിപ്പറഞ്ഞു, പ്രത്യേകിച്ച് പ്രമേഹം, അമിതവണ്ണം അല്ലെങ്കിൽ ഉയർന്ന രക്തസമ്മർദ്ദം എന്നിവയുള്ളവർക്ക്.

അസാധാരണ കൊളസ്ട്രോൾ

ഇതിൽ പേടിക്കേണ്ടതില്ലെന്നാണ് ഡോക്ടർമാർ പറയുന്നത്. അസാധാരണമായ കൊളസ്ട്രോളിൻ്റെ അളവ് പെട്ടെന്ന് പ്രശ്നങ്ങൾക്ക് കാരണമാകില്ലെങ്കിലും, പക്ഷേ ധമനികൾക്കുള്ളിൽ കൊഴുപ്പ് നിക്ഷേപം അടിഞ്ഞ് കൂടുന്നത് വഴി ക്രമേണ രക്തക്കുഴലുകൾ തകരാറിലാകും. കാലക്രമേണ, ഇത് ഹൃദയാഘാതത്തിനും പക്ഷാഘാതത്തിനും സാധ്യത വർദ്ധിപ്പിക്കുന്നു. സ്ത്രീകൾ, നഗരവാസികൾ, മധ്യേന്ത്യയിൽ താമസിക്കുന്നവർ എന്നിവരിലാണ് ഇത് കൂടുതലായി കണ്ടെത്തിയിട്ടുള്ളത്. "നല്ല കൊളസ്ട്രോൾ" എന്നറിയപ്പെടുന്ന എച്ച്ഡിഎൽ മിക്കവരിലും കുറവാണെന്നാണ് കണ്ടെത്തൽ. മധ്യേന്ത്യയിൽ 89.1 ശതമാനവും വടക്കുകിഴക്കൻ സംസ്ഥാനങ്ങളിൽ 85.3 ശതമാനവും ഡിസ്ലിപിഡെമിയയുടെ ഏറ്റവും കുറഞ്ഞ വ്യാപനവും റിപ്പോര് ട്ട് ചെയ്തിട്ടുണ്ട്.

കർക്കിടമാസം മാസം ആരംഭിച്ച ഈ സാഹചര്യത്തിൽ ചെയ്യാവുന്നതും ചെയ്യരുതാത്തതുമായ ചില കാര്യങ്ങൾ അറിഞ്ഞിരിക്കുന്നത് നമുക്ക് ഏറെ ഗുണം ചെയ്യും. മഴക്കാലമായതുകൊണ്ട് കർക്കിടമാസത്തിൽ പൊതുവെ പല അസുഖങ്ങളും എളുപ്പത്തിൽ പിടിപെടാൻ സാധ്യതയേറെയാണ്. പ്രത്യേകിച്ച് ഇപ്പോഴത്തെ കാലാവസ്ഥയിൽ. വെയിലും മഴയും മാറി മാറി നിൽക്കുന്നതും ആരോ​ഗ്യത്തിന് അത്ര നല്ലതല്ല. അതിനാൽ ഇക്കാലത്ത് ആരോ​ഗ്യ കാര്യത്തിൽ കുറച്ച് ശ്രദ്ധയും പരിപാലനവുമൊക്ക വളരെ നല്ലതാണ്. അത്തരത്തിൽ ഇത്തവണത്തെ കർക്കിടക മാസത്തിൽ നിർബന്ധമായും ചെയ്യേണ്ട കാര്യങ്ങളാണ് ഇവിടെ പറയാൻ പോകുന്നത്.

കർക്കിടക കഞ്ഞി ശീലമാക്കാം

കർക്കിടക മാസത്തിലെ ഏറ്റവും പ്രധാനപ്പെട്ട ആരോഗ്യ ശീലങ്ങളിൽ ഒന്നാണ് ഔഷധക്കഞ്ഞി അഥവാ കർക്കിടക കഞ്ഞി കുടിക്കുന്നത്. നവരയരി, ചെറുപയർ എന്നിവയ്‌ക്കൊപ്പം ആശാളി, ഉലുവ, ജീരകം, കൂടാതെ ദശപുഷ്പങ്ങൾ തുടങ്ങിയ ഔഷധച്ചെടികളുടെ നീരും ചേർത്താണ് ഇത് തയാറാക്കുന്നത്. ഇത് ശരീരത്തിന്റെ പ്രതിരോധശേഷി വർദ്ധിപ്പിക്കുകയും ദഹനപ്രക്രിയ സുഗമമാക്കുകയും ചെയ്യുന്നു. രാത്രി ഭക്ഷണത്തിന് പകരമായി ചൂടോടെ കർക്കിടക കഞ്ഞി കുടിക്കുന്നതാണ് ഏറ്റവും ഉചിതം.

ALSO READ: കർക്കിടകത്തിൽ കഴിക്കണം ഈ ചിക്കൻ ഡിഷ്; സ്പെഷ്യൽ കോഴിമരുന്ന് തയ്യാറാക്കിയാലോ

ഭക്ഷണത്തിൽ പത്തിലക്കറി

കർക്കിടകത്തിൽ ശരീരത്തിന് ആവശ്യമായ വിറ്റാമിനുകളും തതുല്യമായ പോഷകങ്ങളും നൽകാൻ പത്തിലക്കറിക്ക് സാധിക്കും. ചേമ്പിൻ താള്, തകര, ചേമ്പ്, മത്തൻ, കുമ്പളം, നെയ്യുണ്ണി, ചീര, ആനക്കൊഴുപ്പ, വള്ളിചീര, കൊഴുപ്പ തുടങ്ങിയ നാടൻ ഇലകളാണ് കർക്കിടകമാസത്തിൽ ഉപയോഗിക്കുന്നത്. മഴക്കാലത്ത് വിഷാംശമില്ലാതെ പറമ്പുകളിൽ വളരുന്ന ഈ ഇലകൾ ശരീരത്തിന് ഏറെ നല്ലതാണ്. എന്നാൽ ഇലകൾ നന്നായി കഴുകി വൃത്തിയാക്കിയ ശേഷം മാത്രം പാകം ചെയ്യാൻ ശ്രദ്ധിക്കുക.

വ്യായാമങ്ങളും യോഗയും

മഴ കാരണം പുറത്തിറങ്ങി നടക്കാനോ വ്യായാമം ചെയ്യാനോ ഈ സമയത്ത് സാധിച്ചെന്നു വരില്ല. എങ്കിലും വീടിനുള്ളിൽ ചെയ്യാവുന്ന ലഘുവായ വ്യായാമങ്ങൾ ഒഴിവാക്കരുത്. ശരീരത്തിലെ രക്തയോട്ടം കൂട്ടാനും പേശികളുടെ ജരിതാവസ്ഥ മാറ്റാനും യോഗയും സ്ട്രെച്ചിംഗും സഹായിക്കും. ഇത് മഴക്കാലത്തുണ്ടാകുന്ന സന്ധിവേദനകൾക്ക് വലിയൊരു ആശ്വാസമാണ്.

കൃത്യമായ വിശ്രമവും പഥ്യവും

പഴയകാലത്ത് സുഖചികിത്സയ്ക്കായി മാറ്റിവെച്ചിരുന്ന മാസമാണ് കർക്കിടകം. ശരീരം പുതിയൊരു കാലാവസ്ഥയോട് പൊരുത്തപ്പെടുന്ന സമയമാണിത്. അതിനാൽ ഈ കാലത്ത് അമിതമായ എണ്ണപലഹാരങ്ങൾ, കിഴങ്ങ് വർഗ്ഗങ്ങൾ, ദഹിക്കാൻ പ്രയാസമുള്ള മാംസാഹാരങ്ങൾ എന്നിവ പരമാവധി കുറയ്ക്കുക. ശരീരത്തിന് ആവശ്യത്തിന് വിശ്രമം നൽകാനും കൃത്യസമയത്ത് ഉറങ്ങാനും ശ്രദ്ധിക്കുക. പയർ വർഗങ്ങൾ മുളപ്പിച്ച് കഴിയ്ക്കുന്നതും ഏറെ ഗുണകരമാണ്. ചെറുപയർ പോലുള്ളവ നല്ലതാണ്. മുതിരയും കർക്കിടക മാസത്തിൽ കഴിയ്‌ക്കുന്നത് നല്ലതാണ്.

കർക്കിടകത്തിൽ ഒഴിവാക്കേണ്ടത്

• ഉണ്ടാക്കി വെച്ച് തണുത്ത ആഹാരങ്ങൾ വീണ്ടും ചൂടാക്കി കഴിക്കുന്നത് ഒഴിവാക്കുക. എപ്പോഴും ചൂടുള്ള ഭക്ഷണം മാത്രം കഴിക്കുക.
• വീടും പരിസരവും എപ്പോഴും വൃത്തിയായും ഈർപ്പം ഇല്ലാതയും സൂക്ഷിക്കുക. നനഞ്ഞ വസ്ത്രങ്ങൾ ധരിക്കുന്നത് ഫംഗസ് ബാധയ്ക്ക് കാരണമാകും.
• ഇലക്കറികളിൽ കർക്കിടക മാസത്തിൽ ഒഴിവാക്കേണ്ട ചിലതുണ്ട്. മുരിങ്ങയില പോലുള്ളവ.

English Summary:

Karkidakam is historically sought after for seasonal rejuvenation and preventive care. Discover the essential Karkidakam health care tips, dietary rules, and the health benefits of traditional Karkidaka Kanji to keep seasonal illnesses at bay.

ഓണം എത്തിക്കഴിഞ്ഞാൽ പിന്നെ എങ്ങും ആഘോഷങ്ങളുടെ നാളുകളാണ്. നീണ്ട അവധി ദിവസങ്ങളിൽ വീട്ടിൽ തന്നെ ഇരുന്ന് ബോറടിക്കുന്നതിന് പകരം, കുടുംബത്തോടൊപ്പം ഒരു ചെറിയ വൺ-ഡേ ട്രിപ്പ് പോയാലോ. ദൂരയാത്രകൾക്ക് സമയമില്ലാത്തവർക്കും വലിയ തുക ചിലവാക്കാൻ താല്പര്യമില്ലാത്തവർക്കും ഒരൊറ്റ ദിവസം കൊണ്ട് പോയി വരാൻ പറ്റിയ ചില സ്ഥലങ്ങളുണ്ട് നമ്മുടെ ഈ കൊച്ച് കേരളത്തിൽ. ഓണാവധിക്കാലം കുടുംബത്തോടൊപ്പം ഒട്ടും ബോറടിക്കാതെ ആഘോഷമാക്കാൻ ആഗ്രഹിക്കുന്നവരാണ് നിങ്ങൾ, എങ്കിൽ ഒരുപാട് ചെലവൊന്നും ഇല്ലാതെ ഒരു കിടിലൻ വൺ ഡേ ട്രിപ്പ് പ്ലാൻ ചെയ്താലോ നമുക്ക്.

ALSO READ: ആറന്മുള വള്ളസദ്യ എന്ന് മുതൽ? തീയതി അടുത്തേ…; സദ്യ കഴിക്കാൻ പോയാലോ

മൂന്നാർ -ഇടുക്കി റൂട്ടിലെ വൺ-ഡേ സ്പോട്ടുകൾ

മലങ്കര ഡാം, ഇലവീഴാപ്പൂഞ്ചിറ: വലിയ തിരക്കുകളില്ലാതെ പ്രകൃതിഭംഗി ആസ്വദിക്കാൻ പറ്റിയ ഇടമാണിത്. കുട്ടികൾക്ക് കളിക്കാൻ പാർക്കും മലങ്കരയിലെ ഭംഗിയും വൺ-ഡേ ട്രിപ്പിന് അനുയോജ്യമാണ്.

ചതുരംഗപ്പാറ (ഇടുക്കി): കനത്ത കാറ്റും കോടമഞ്ഞും മനസ്സ് നിറയ്ക്കുന്ന വ്യൂ പോയിന്റും ഇവിടുത്തെ പ്രത്യേകതയാണ്. രാവിലെ പോയി വൈകുന്നേരത്തോടെ മടങ്ങിയെത്താൻ പറ്റുകയും ചെയ്യും.

വാ​ഗമൺ- ഇല്ലിക്കൽ കല്ല്: കോട്ടയം പാലാ റൂട്ടിൽ പോയാൽ കോട കയറിയ ഇല്ലിക്കൽ കല്ലും കണ്ട് നേരെ വാ​ഗമണ്ണിലേക്ക് വിടാം. എത്ര ചൂടായാലും ഈ മലമുകളിൽ അത് അറിയുകയില്ല. വൈകുന്നേരത്തോടെ നിങ്ങൾക്ക് മടങ്ങുകയും ചെയ്യാം.

കായൽ ടൂറിസം

കുമരകം പക്ഷിസങ്കേതവും ഹൗസ്ബോട്ട് യാത്രയും: ഒരു ദിവസത്തേക്ക് മാത്രമായി ചെറിയ മോട്ടോർ ബോട്ടുകളോ കുട്ടനാടൻ ശൈലിയിലുള്ള വള്ളങ്ങളോ വാടകയ്ക്കെടുത്ത് കുടുംബത്തോടൊപ്പം കായൽ വിഭവങ്ങൾ കഴിച്ച് സമയം ചെലവഴിക്കാൻ പറ്റിയ സ്ഥലമാണ് കുമരകം. ഒപ്പം പക്ഷിസങ്കേതവും കാണാം.

മൺറോത്തുരുത്ത് (കൊല്ലം): തെക്കൻ കേരളത്തിലുള്ളവർക്ക് ഒരൊറ്റ ദിവസം കൊണ്ട് കണ്ടുതീർക്കാവുന്ന അതിമനോഹരമായ ഒരു കായൽ ഗ്രാമമാണിത്. ചെറിയ തോടുകളിലൂടെയുള്ള വള്ളംയാത്ര കുടുംബത്തിന് വേറിട്ടൊരു അനുഭവമായിരിക്കും.

അതിരപ്പിള്ളി -തുമ്പൂർമുഴി

തുമ്പൂർമുഴി ഗാർഡൻ -ഹാംഗിങ് ബ്രിഡ്ജ്: കുട്ടികളുള്ള കുടുംബങ്ങൾക്ക് ഏറ്റവും സുരക്ഷിതമായി ആസ്വദിക്കാൻ പറ്റിയ ഇടം. ഇവിടെയുള്ള ശലഭോദ്യാനവും തൂക്കുപാലവും വൺ-ഡേ ട്രിപ്പിൻ്റെ ഭം​ഗി കൂട്ടും.

അതിരപ്പിള്ളി വെള്ളച്ചാട്ടം: തുമ്പൂർമുഴിയിൽ നിന്നും അല്പം കൂടി മുന്നോട്ട് പോയാൽ ബാഹുബലി സിനിമയിലൂടെ പ്രശസ്തമായ അതിരപ്പിള്ളിയുടെ വന്യമായ ഭംഗി ആസ്വദിക്കാം. ഒരൊറ്റ ദിവസം ആസ്വദിക്കാൻ പറ്റിയ സ്ഥലമാണ് അതിരപ്പിള്ളി.

തുഷാരഗിരി വെള്ളച്ചാട്ടം (കോഴിക്കോട്): മഴക്കാലം മാറി പ്രകൃതി സുന്ദരമാകുന്ന ഓണക്കാലത്ത് ട്രെക്കിംഗിനും കുടുംബത്തോടൊപ്പം സമയം ചെലവഴിക്കാനും പറ്റിയ ഇടമാണ് തുഷാരഗിരി വെള്ളച്ചാട്ടം.

കാരാപ്പുഴ ഡാം (വയനാട്): കുട്ടികൾക്കായുള്ള അഡ്വഞ്ചർ പാർക്കും വലിയ ഡാം പരിസരവും വയനാട്ടിലെ മികച്ച ഒരു വൺ-ഡേ ഫാമിലി ഡെസ്റ്റിനേഷനാണ്.

English Summary:

Planning your Onam vacation 2026, Discover how to execute the perfect one-day trip with family to Kerala's best hidden spots. Explore less-crowded, hidden gems travel guide.

കർക്കിടക മാസത്തിലെ ഭക്ഷണരീതിയെക്കുറിച്ച് ചോദിച്ചാൽ മിക്ക മലയാളികൾക്കും പറയാനുള്ളത് ഒരു ഉത്തരം തന്നെയായിരിക്കും. കർക്കിടക കഞ്ഞി, പത്തിലക്കറികൾ, ഔഷധ പാനീയങ്ങൾ ഇതൊക്കെതന്നെയാണ് നമ്മൾ കൂടുതലും കേട്ടിരിക്കുന്നതും കഴിക്കുന്നതും. നമുക്കറിയാം ഭാഷപോലെതന്നെയാണ് കേരളത്തിലെ ഓരോ ജില്ലയിലെയും ഭക്ഷണരീതിയിലും നല്ല മാറ്റമുണ്ട്. അത്തരത്തിൽ കർക്കിട മാസത്തിലെ ഭക്ഷണരീതിയിലും തെക്കും വടക്കുമായിട്ട് നല്ല വ്യത്യാസങ്ങളുണ്ട്. വടക്കൻ കേരളത്തിൽ, പ്രത്യേകിച്ച് മലബാറിലെ ഗ്രാമങ്ങളിലും കോഴിക്കോട് ജില്ലയിലെ ഉൾപ്രദേശങ്ങളിലും, തലമുറകളായി നിലനിൽക്കുന്ന ചില പാരമ്പര്യരീതികളുണ്ട്. അതാണ് കോഴിമരുന്ന്. അതെ കോഴിയിറച്ചിയെ ഒരു ഔഷധമരുന്നാക്കി മാറ്റുന്ന പാചക രീതിയാണിത്.

സാവധാനത്തിൽ പാകം ചെയ്തെടുക്കുന്ന ഈ ഔഷധ ചിക്കൻ വിഭവം മലബാറുകാർക്ക് വെറുമൊരു കറിയോ കൂട്ടോ മാത്രമല്ല, പാരമ്പര്യമായി നിലനിൽക്കുന്ന ഒരു ആചാരം കൂടിയാണ്. മഴക്കാലമായതിനാൽ കർക്കിടകത്തിൽ ശരീരത്തിന് പ്രതിരോധശേഷി വളരെ കുറവായിരിക്കും. അതുകൊണ്ട് തന്നെ ഔഷധ​ഗുണമുള്ള ആഹാരം കഴിക്കേണ്ടത് വളരെ അത്യാവശ്യമാണ്. ഈ സമയത്ത് ശരീരത്തിന് നഷ്ടപ്പെടുന്ന ഊർജ്ജം തിരിച്ചുപിടിക്കാനും പേശികൾക്കും അസ്ഥികൾക്കും ബലം നൽകാനുമാണ് മലബാറിലെ വീടുകളിൽ കോഴിമരുന്ന് തയാറാക്കുന്നത്.

ALSO READ: കർക്കിടകത്തിൽ ചിക്കനും ബീഫും മട്ടനും കഴിച്ചാൽ…. നല്ലതോ ചീത്തയോ?; സത്യമെന്താണ്

സാധാരണ ചിക്കൻ കറികളിൽ നിന്ന് വ്യത്യസ്തമായി, പ്രത്യേകമായി തെരഞ്ഞെടുത്ത ആയുർവേദ ഔഷധങ്ങളും സുഗന്ധവ്യഞ്ജനങ്ങളും ചേർത്താണ് ഇത് തയ്യാറാക്കുന്നത്. സാധാരണയായി കർക്കടക മാസത്തിലെ കറുത്ത വാവ് കഴിഞ്ഞുള്ള ദിവസങ്ങളിലാണ് കോഴിമരുന്ന് കഴിക്കുന്ന പാരമ്പര്യം മലബാറിൽ നിലനിൽക്കുന്നത്. ഈ വിഭവത്തിന്റെ പ്രധാന പ്രത്യേകത അതിൽ ചേർക്കുന്ന ഔഷധ കൂട്ടുകളാണ്. ഓരോ കുടുംബത്തിനും തലമുറകളായി കൈമാറി വന്ന തനതായ ചേരുവകൾ ഇതിൻ്റെ പ്രത്യേകത.

'കോഴിമരുന്ന്' പാരമ്പര്യം

കോഴിക്കോടിന്റെ ഉൾനാടൻ പ്രദേശങ്ങളിൽ പണ്ടുകാലത്തെ ഒരു രീതിയെ ചുറ്റിപറ്റിയാണ് ഈ കോഴിമരുന്ന് തയ്യാറാക്കി വരുന്നത്. നേരം പുലരുന്നതുമുതൽ അർധരാത്രി വരെ ഓടി നടന്നു പണിയെടുക്കുന്നവരായിരുന്നു അന്നത്തെ സ്ത്രീകൾ‍. കല്ല്യാണം കഴിച്ചുവിട്ട പെൺമക്കൾ ഭർത്താവിന്റെ വീട്ടിൽനിന്ന് കർക്കടകം തുടങ്ങിയാൽ സ്വന്തം വീട്ടിലേക്ക് മടങ്ങിവരും. ഇപ്പോഴാണ് കോഴിമരുന്ന് കഴിക്കാനായി അവർ പോകുന്നത്. മകൾ വരുന്നതുംകാത്ത് അമ്മ കോഴിമരുന്ന് തയാറാക്കി കാത്തിരിക്കുമായിരുന്നു.

കോഴിമരുന്ന് തയ്യാറാക്കുന്ന രീതി

ആറുമാസം പ്രായമുള്ള കറുത്ത നാടൻ കോഴി കഷണങ്ങളാക്കി കുറുന്തോട്ടി വേരും മഞ്ഞൾപ്പൊടിയും ചേർത്ത് വേവിച്ചത്. ഇതിൽ ഉപ്പ് ചേർക്കാൻ പാടില്ല. കോഴിമരുന്ന് മസാലകൾക്ക് വേണ്ടത്, സവാള ചെറുതായി അരിഞ്ഞത്, വെളുത്തുള്ളി ചെറുതായി അരിഞ്ഞത്, നെയ്യ്, നല്ലെണ്ണ, എന്നിവയാണ് ഇതിന് ആവശ്യമായ രീതികൾ.

പാകം ചെയ്യുന്ന വിധം

ഒരു പാത്രത്തിൽ നെയ്യും നല്ലെണ്ണയും ഒഴിച്ച് ചൂടാക്കുക. ഇതിലേക്ക് വെളുത്തുള്ളി, സവാള എന്നിവ അരിഞ്ഞത് ചേർത്ത് നന്നായി വഴറ്റുക. മൊരിഞ്ഞ് കഴിയുമ്പോൾ ഇതിലേക്ക് കോഴിമസാല പൊടിച്ചത് ചേർത്ത് നന്നായി ഇളക്കി യോജിപ്പിക്കുക. ശേഷം വേവിച്ചുവച്ചിരിക്കുന്ന കോഴിയിറച്ചി ഇതിലേക്കിട്ട് വഴറ്റി എടുക്കുക. ഉപ്പ് ഉപയോഗിക്കാൻ പാടില്ല. രാത്രി ചോറിന്റെ കൂടെ കറിയായി കഴിക്കുന്നതും നല്ലതാണ്. ശരീരബലത്തിനും രോഗപ്രതിരോധത്തിനും സന്ധിവേദനകൾക്കും നല്ലതാണ്. പ്രദേശങ്ങൾക്ക് അനുസരിച്ച് ഇതിൻ്റെ കൂട്ടുകളിലും ചേരുവകളിലും മാറ്റം സംഭവിച്ചേക്കാം.

English Summary:

North Kerala, especially in the villages of Malabar and the interiors of Kozhikode district, another seasonal tradition has endured for generations. It centres around 'Kozhimarunnu', a slow-cooked medicinal chicken preparation that is as much a family ritual as it is a recipe.

പമ്പാനദിക്കരയിലെ ചരിത്രപ്രസിദ്ധമായ ആറന്മുള പാർത്ഥസാരഥി ക്ഷേത്രത്തിൽ രുചിപ്പെരുമയുടെ വള്ളസദ്യ കാലത്തിന് കൊടിയേറുകയാണ്. കർക്കടക മാസം മുതൽ കന്നി മാസം വരെ നീണ്ടുനിൽക്കുന്ന ഈ മഹാസദ്യയിൽ പങ്കെടുക്കാൻ ലക്ഷക്കണക്കിന് ഭക്തരും സഞ്ചാരികളുമാണ് ആറന്മുളയിലേക്ക് ഓരോ വർഷവും ഒഴുകിയെത്തുന്നത്. അറിഞ്ഞും കേട്ടും നിരവധി ആളുകൾ വന്നെത്തുന്ന ഈ മഹാസങ്കമത്തിന് ജൂലൈ 19 മുതൽ തുടക്കമാകുകയാണ്. ആറന്മുള പാർത്ഥസാരഥിക്ക് പള്ളിയോടക്കരക്കാർ സമർപ്പിക്കുന്ന വഴിപാടാണ് വള്ളസദ്യ. വഞ്ചിപ്പാട്ടിന്റെ താളത്തിനൊപ്പിച്ച് 64 പാരമ്പര്യ വിഭവങ്ങളാണ് ഈ ഇലയിൽ വിളമ്പുന്നത്. ഏകദേശം രണ്ട് മാസത്തിലേറെ നീണ്ടുനിൽക്കുന്ന ഈ ഉത്സവക്കാലത്തെ ഏറ്റവും പ്രധാനപ്പെട്ട വള്ളസദ്യ നടക്കുന്നത് ഉതൃട്ടാതി വള്ളംകളി ദിവസമാണ്.

പള്ളിയോടസേവാസംഘത്തിന്റെ നേതൃത്വത്തിൽ ജൂലായ് 19 മുതലാണ് ഇക്കൊല്ലത്തെ വള്ളസദ്യ വഴിപാടുകൾ ആരംഭിക്കുന്നത്. ഉച്ചയ്ക്ക് 12-ന് ദേവസ്വംമന്ത്രി കെ മുരളീധരൻ വള്ളസ്സദ്യ ഉദ്ഘാടനം ചെയ്യും. കേന്ദ്ര സഹമന്ത്രി സുരേഷ് ഗോപിയും ചടങ്ങിൽ പങ്കെടുക്കും. സെപ്റ്റംബർ 16 വരെ നീണ്ടുനിൽക്കുന്ന സദ്യകളിൽ, ഇടക്കുളം മുതൽ ചെന്നിത്തലവരെയുള്ള 51 പള്ളിയോടങ്ങലാണ് പങ്കെടുക്കുന്നത്. 19-ന് രാവിലെ ഏഴിന് കൊടിമരച്ചുവട്ടിൽ വഴിപാടുകാരൻ രണ്ട് നെൽപ്പറ നിറയ്ക്കുന്നതോടെ വള്ളസ്സദ്യച്ചടങ്ങുകൾക്ക് തുടക്കമാകും. ക്ഷേത്രക്കടവിലെത്തുന്ന പള്ളിയോടത്തെ, വഴിപാട്‌ നടത്തുന്ന ഭക്തനും പള്ളിയോടസേവാസംഘം ഭാരവാഹികളും ചേർന്ന് ക്ഷേത്രത്തിനുള്ളിലേക്ക് സ്വീകരിക്കുന്നതാണ് പ്രധാന ചടങ്ങ്.

ALSO READ: കർക്കിടക മാസത്തിൽ ഈ ക്ഷേത്രങ്ങളിൽ തന്നെ പോകണം; സ്ഥലങ്ങൾ ഇതാണേ

ആനക്കൊട്ടിലിലെത്തി, കൊടിമരച്ചുവട്ടിലൂടെ ക്ഷേത്രപ്രദക്ഷിണം പൂർത്തിയാക്കി സദ്യാലയത്തിലെ നിലവിളക്കിൽ ദീപം തെളിയിക്കും. തുടർന്ന് വിളക്കിനുമുൻപിൽ വിഭവങ്ങൾ വിളമ്പിത്തുടങ്ങും. 44 വിഭവമാണ് ഇലയിലുണ്ടാവുക. പാടിച്ചോദിക്കുന്ന മുറയ്ക്ക് 20 വിഭവംകൂടി വഴിപാടുകാരൻ വള്ളക്കാർക്ക് വിളമ്പിനൽകും. ആദ്യദിനം കേന്ദ്രമന്ത്രി സുരേഷ് ഗോപിയുടേതുൾപ്പെടെ 10 വള്ളസ്സദ്യയാണുള്ളത്. ഇതുവരെ 485 സദ്യകളാണ് ആറന്മുളയിൽ ബുക്കുചെയ്തിരിക്കുന്നത്. ഇത്തവണ ഓണം നേരത്തേയായതിനാൽ 56 ദിവസമേ വള്ളസ്സദ്യയ്ക്ക് ലഭിക്കുകയുള്ളൂ. അതിനാൽ ദിവസേനയുള്ള സദ്യകളുടെ എണ്ണം 12 മുതൽ 16 വരെയായി കൂടും. 20 സദ്യാലയമാണ് ഇതിനായി ഒരുക്കിയിരിക്കുന്നത്.

എത്തിച്ചേരാനുള്ള മാർ​ഗവും ബിക്കിങ്ങും

കെഎസ്ആർടിസി ബജറ്റ് ടൂറിസംവഴി ദിവസേന എട്ട് ബസുവീതം ആറന്മുളയിലേക്ക് എത്തിച്ചേരും. ഇതിനായി പാഞ്ചജന്യം ഓഡിറ്റോറിയത്തിൽ സദ്യ സജ്ജമാക്കിയിട്ടുണ്ട്. സ്പെഷ്യൽ പാസ് (ആറന്മുള സദ്യ) തെക്കേടത്തില്ലം സദ്യാലയത്തിൽ 20മുതൽ ആരംഭിക്കും. 300 രൂപപ്രകാരമുള്ള സദ്യയ്ക്കായി ബുക്കിങ് ആരംഭിച്ചു. aranmulaboatrace.com എന്ന വെബ്സൈറ്റിലും 9048373110 എന്ന നമ്പറിലും ബുക്കുചെയ്യാം. ഓഗസ്റ്റ് 26-നാണ് തിരുവോണത്തോണി വരവ്. 30-ന് ഉത്രട്ടാതി ജലോത്സവം നടക്കും. സെപ്റ്റംബർ നാലിനാണ് അഷ്ടമിരോഹിണി വള്ളസ്സദ്യ നടക്കുക.‌

ആറന്മുളയിലേക്ക് വരുന്നവർക്ക് ഏറ്റവും അടുത്തുള്ള പ്രധാന റെയിൽവേ സ്റ്റേഷൻ ചെങ്ങന്നൂർ ആണ്. ഇവിടെ നിന്ന് ഏക​ദേശം 10 കിലോമീറ്റർ മാത്രമാണ് ആറന്മുളയിലേക്കുള്ള ദൂരം. ഇവിടെ നിന്നും കെഎസ്ആർടിസി ബസ്സുകളോ ടാക്സി/ഓട്ടോ സർവീസുകളോ വഴി 15-20 മിനിറ്റിനുള്ളിൽ ആറന്മുള ക്ഷേത്രത്തിലെത്താം. തൊട്ടടുത്ത് തന്നെ തിരുവല്ല സ്റ്റേഷനുമുണ്ട്. തിരുവനന്തപുരം, കോട്ടയം ഭാഗങ്ങളിൽ നിന്ന് വരുന്നവർ ചെങ്ങന്നൂരിലോ തിരുവല്ലയിലോ ഇറങ്ങി പത്തനംതിട്ട/ആറന്മുള ബസ്സിൽ കയറാം. പത്തനംതിട്ട കെഎസ്ആർടിസി സ്റ്റാൻഡിൽ നിന്നും കോഴഞ്ചേരി വഴി ആറന്മുളയിലേക്ക് നിരന്തരം ലോക്കൽ ബസ് സർവീസുകൾ ലഭ്യമാണ്. പ്രൈവറ്റ് ബസ് സർവീസുകളും ധാരാളമുണ്ട്.

English SUmmary:

Aranmula Vallasadya rituals commence on July 19, 2026, and conclude on September 16. A record-breaking 485 bookings already confirmed, with expectations reaching 550. Check the route and bus services to this destination.

കർക്കിടക മാസത്തിൽ പലരും ജീവിതശൈലിയിൽ വലിയ മാറ്റങ്ങൾ വരുത്താറുണ്ട്. പ്രത്യേകിച്ച് പ്രായമുള്ളവർ. പുതുതലമുറയ്ക്ക് അത്ര പരിചിതമല്ലാത്ത ചിട്ടാവട്ടങ്ങളാണെങ്കിൽ, പലരും അത് ജീവിതത്തിലേക്ക് കൊണ്ടുവരാൻ ഒരുകൈ പരിശ്രമിക്കാറുണ്ടെന്ന് പറയുന്നതാണ് സത്യം. മഴയും അന്തരീക്ഷത്തിലെ മാറ്റങ്ങളും നമ്മുടെ ശരീരത്തെയും ദഹനവ്യവസ്ഥയെയും നേരിട്ട് ബാധിക്കുന്ന സമയമാണ് കർക്കിടകം. അതുകൊണ്ട് തന്നെ സസ്യാഹാരങ്ങൾ കഴിക്കാനും ആരോ​ഗ്യത്തിന് കൂടുതൽ ​ഗുണങ്ങൾ നൽകുന്ന ഭക്ഷണം ദിവസേന ഭക്ഷിക്കാനുമാണ് ആളുകൾ ശ്രമിക്കുന്നത്. ഇലക്കറികളിൽ പോലും ഈ സമയ്ത്ത് കഴിക്കാൻ പാടില്ലാത്തവയുണ്ട്. എന്നാൽ അതിനിടയിലും ഈ സമയത്ത് ചിക്കൻ, ബീഫ്, മട്ടൻ തുടങ്ങിയ മാംസാഹാരങ്ങൾ കഴിക്കുന്നത് നല്ലതാണോ അതോ ശരീരത്തിന് ദോഷം ചെയ്യുമോ എന്ന സംശയം ചിലരിലുണ്ട്. അതിൻ്റെ യാഥാർത്ഥ്യം എന്താണെന്ന് പരിശോധിക്കാം.

ALSO READ: കർക്കടക കഞ്ഞി എപ്പോള്‍, എങ്ങനെ കഴിക്കണം? റെസിപ്പി ഇതാ

പണ്ടുകാലത്തൊക്കെ കർക്കിടകത്തിൽ നോൺ-വെജ് ഒഴിവാക്കി സസ്യാഹാരവും ഔഷധക്കഞ്ഞിയും കഴിക്കുന്നതാണ് ശീലം. ഇതിനെ ആചാരമായി കാണുന്നവരുണ്ടെങ്കിലും, അതിനുമപ്പുറം ആരോ​ഗ്യ സംരക്ഷമാണ് ഇതുകൊണ്ട് പ്രധാനമായും ലക്ഷ്യമിടുന്നത്. കർക്കിടക മാസത്തിൽ മനുഷ്യശരീരത്തിലെ ദഹനശേഷി വളരെ ദുർബലമായിരിക്കുമെന്നത് നമുക്ക് അറിയാവുന്ന കാര്യമാണ്. ചിക്കൻ, ബീഫ്, മട്ടൻ എന്നിവയിൽ ഉയർന്ന അളവിൽ പ്രോട്ടീനും കൊഴുപ്പും അടങ്ങിയിട്ടുണ്ട്. ഇവ ദഹിക്കാൻ കൂടുതൽ സമയമെടുക്കുന്നവയാണ്.

ദഹനശേഷി കുറഞ്ഞിരിക്കുന്ന സമയത്ത് ഇത്തരം മാംസാഹാരങ്ങൾ കഴിക്കുന്നത് ഗ്യാസ്ട്രബിൾ, വയറുവേദന, ദഹനക്കേട്, നെഞ്ചെരിച്ചിൽ എന്നിവയ്ക്ക് കാരണമാകുന്നു. അതുപോലെ തന്നെ ഈ സമയത്ത് ഭയക്കേണ്ട ഒന്നാണ് ബാക്ടീരിയകളുടെ വളർച്ച. മഴക്കാലവും തണുപ്പുമായതിനാൽ ബാക്ടീരിയകളും വൈറസുകളും അതിവേഗം പടരും. ഈ സമയത്ത് പാചകത്തിന് മുമ്പായി ഇറച്ചി ശരിയായി വൃത്തിയാക്കാതിരിക്കുകയോ, കൃത്യമായി വേവിക്കാതിരിക്കുകയോ ചെയ്താൽ പല ആരോ​ഗ്യ പ്രശ്നങ്ങളും ഉണ്ടാകാനുള്ള സാധ്യത വളരെ കൂടുതലാണ്. അതുപോലെ ഈ സമയം മൃഗങ്ങൾക്കും പക്ഷികൾക്കും രോഗബാധയുണ്ടാകാനുള്ള സാധ്യത കൂടുതലായതിനാൽ, മാംസാഹാരത്തിലൂടെ മനുഷ്യരിലേക്ക് അണുബാധകൾ എത്താൻ എളുപ്പമാണ്.

ഇറച്ചി കഴിക്കുമ്പോൾ ശ്രദ്ധിക്കേണ്ട കാര്യങ്ങൾ

ബീഫും മട്ടനും ഒഴിവാക്കുക: ദഹിക്കാൻ ഏറ്റവും ബുദ്ധിമുട്ടുള്ള ബീഫ്, പോർക്ക്, മട്ടൻ എന്നിവ കർക്കിടക മാസത്തിൽ പൂർണ്ണമായും ഒഴിവാക്കുന്നതാണ് നല്ലത്. ഒരു മാസത്തേക്ക് ഇവയുടെ ഉപയോ​ഗം കുറയ്ക്കാം.

ചിക്കൻ സൂപ്പ് കുടിക്കാം: ചിക്കൻ കഴിക്കണം എന്നുണ്ടെങ്കിൽ ഫ്രൈ ചെയ്തതോ കൂടുതൽ മസാല ചേർത്ത കറിയായോ കഴിക്കാതെ, കുരുമുളകും ഇഞ്ചിയും ചേർത്ത ലൈറ്റ് ചിക്കൻ സൂപ്പ് ആയി കഴിക്കുന്നത് ദഹനത്തെ സഹായിക്കും.

പച്ചക്കറികൾക്ക് മുൻഗണന നൽകുക: ശരീരത്തിന് എളുപ്പം ദഹിക്കുന്ന പച്ചക്കറികൾ, ചെറുപയർ, ഇലക്കറികൾ എന്നിവ ഈ മാസം ഭക്ഷണത്തിൽ കൂടുതലായി ഉൾപ്പെടുത്തുക. മാംസാഹാരങ്ങൾ കഴിക്കാൻ ആ​ഗ്രഹിക്കുന്നവർ വളരെ കുറച്ച് മാത്രം കഴിക്കുക. രാത്രി സമയത്ത് കഴിവതും ഇത്തരം ഭക്ഷണം കഴിക്കരുത്.

ചുരുക്കത്തിൽ, കർക്കിടകത്തിൽ ചിക്കനും ബീഫും മട്ടനും അമിതമായി കഴിക്കുന്നത് ആരോഗ്യത്തിന് അത്ര നല്ലതല്ല. ശരീരത്തിന് വിശ്രമം നൽകേണ്ട, ദഹനശേഷി കുറഞ്ഞ ഈ കാലയളവിൽ മാംസാഹാരം പരമാവധി കുറയ്ക്കുന്നതോ ഒഴിവാക്കുന്നതോ ആണ് ആരോഗ്യത്തിന് ഏറ്റവും ഉത്തമം.

English Summary:

Karkidakam diet tips, Find out why eating non-veg items like chicken, beef, or mutton during the Karkidakam month can cause severe health issues like indigestion and infections.