Pallichattambi Release: മാസ് ലുക്കിൽ ടൊവിനോ, ആകാംക്ഷ നിറച്ച് പള്ളിച്ചട്ടമ്പി ടീസർ എത്തി, റിലീസ് ഏപ്രിൽ 10-ന്
Pallichattambi Official Teaser Out: ഒരു പീരീഡ് ഡ്രാമ ത്രില്ലറാണ് ഇതെന്നാണ് ടീസർ നൽകുന്ന സൂചന. 1950-60 കാലഘട്ടത്തിലെ കഥ പറയുന്ന ചിത്രത്തിന്റെ ദൃശ്യമികവ് ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു. ടൊവിനോ തോമസിനൊപ്പം കയാദു ലോഹർ നായികയായി എത്തുന്നു. വിജയരാഘവൻ, സുധീർ കരമന, ബാബുരാജ്, വിനോദ് കെടാമംഗലം, പ്രശാന്ത് അലക്സ് തുടങ്ങിയ വൻ താരനിര തന്നെ ചിത്രത്തിലുണ്ട്.
Pallichattambi
കൊച്ചി: ഒരൊറ്റ പാട്ടിലൂടെ വൈറലായ ടൊവിനോ തോമസ് ചിത്രം പള്ളിച്ചട്ടമ്പിയുടെ ഔദ്യോഗിക ടീസർ പുറത്തിറങ്ങി. മലയാളി പ്രേക്ഷകർ ഏറെ ആവേശത്തോടെ കാത്തിരിക്കുന്ന ഈ ചിത്രം ജന ഗണ മനയ്ക്ക് ശേഷം ഡിജോ ജോസ് ആന്റണി സംവിധാനം ചെയ്യുന്നതാണ്. ഒരു പീരീഡ് ഡ്രാമ ത്രില്ലറാണ് ഇതെന്നാണ് ടീസർ നൽകുന്ന സൂചന. 1950-60 കാലഘട്ടത്തിലെ കഥ പറയുന്ന ചിത്രത്തിന്റെ ദൃശ്യമികവ് ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു.
ടൊവിനോ തോമസിനൊപ്പം കയാദു ലോഹർ നായികയായി എത്തുന്നു. വിജയരാഘവൻ, സുധീർ കരമന, ബാബുരാജ്, വിനോദ് കെടാമംഗലം, പ്രശാന്ത് അലക്സ് തുടങ്ങിയ വൻ താരനിര തന്നെ ചിത്രത്തിലുണ്ട്.
ജേക്ക്സ് ബിജോയ് ഒരുക്കിയ സംഗീതത്തിൽ ബോളിവുഡ് ഗായകൻ വിശാൽ മിശ്ര പാടിയ കാട്ടുചെമ്പകം എന്ന ഗാനം ഇപ്പോൾത്തന്നെ ചാർട്ട്ബസ്റ്ററാണ്. ഡിജോ-ജേക്ക്സ് കൂട്ടുകെട്ട് ഒന്നിക്കുന്ന നാലാമത്തെ ചിത്രമാണിത്. ഹിറ്റ് തിരക്കഥാകൃത്ത് എസ്. സുരേഷ് ബാബുവിന്റേതാണ് രചന. ടിജോ ടോമി ഛായാഗ്രഹണവും വേൾഡ് വൈഡ് ഫിലിംസും സി ക്യൂബ് ബ്രോസ് എന്റർടൈന്മെന്റും ചേർന്ന് നിർമ്മാണവും നിർവഹിക്കുന്നു.
അഞ്ച് ഭാഷകളിലായി ഒരുങ്ങുന്ന പള്ളിച്ചട്ടമ്പി ഏപ്രിൽ 10-ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യും. പോസ്റ്ററുകളും ഗാനങ്ങളും നൽകിയ വലിയ പ്രതീക്ഷ ടീസറിലൂടെ ഇരട്ടിയായിരിക്കുകയാണ്.
