“അത് ഗിരീഷ് എ.ഡി എന്ന സംവിധായകൻ്റെ ബ്രില്യൻസ് തന്നെയാണ്”: അനുഭവം പറഞ്ഞ് വിനയ് ഫോർട്ട്

ഗിരീഷ് എ.ഡി, വിനയ് ഫോർട്ട്

മലയാള സിനിമാ ചരിത്രത്തിൻ്റെ ഭാഗമായി മാറിയിരിക്കുകയാണ് ‘ബെത്ലഹേം കുടുംബ യൂണിറ്റ്’. ഗിരീഷ് എ.ഡി. മമിത ബൈജു നിവിൻ പോളി ചിത്രം ഇപ്പോൾ മലയാളത്തിൽ ഏറ്റവുമധികം കളക്ഷൻ നേടിയ സിനിമയാണ്. ചിത്രം തകർത്തെറിഞ്ഞ റെക്കൊഡുകളുടെ എണ്ണം കയ്യിലൊതുങ്ങില്ല. സിനിമ ഒ.ടി.ടിയിലെത്തിയതോടെ ചിത്രത്തിലെ രംഗങ്ങൾ സാമൂഹ്യ മാധ്യമങ്ങളിലാകെ നിറയുകയാണ്. ചിത്രത്തിൽ അൽപ്പം നെറ്റഗിവ് ഷേഡുള്ള കഥാപാത്രമാണെങ്കിലും ആളുകളെ ചിരിപ്പിച്ച കഥാപാത്രങ്ങളിൽ ഒന്നാണ് വിനയ് ഫോർട്ടിൻ്റേത്. സിനിമ വലിയ വിജയമായി മാറുമെന്ന് ഏറ്റവും വിശ്വാസമുണ്ടായിരുന്ന ആൾ താനായിരുന്നു എന്ന് തുറന്നുപറയുകയാണ് ധന്യ വർമ്മ ഇപ്പോൾ.

“ബെത്ലഹേം കുടുംബ യൂണിറ്റ് സൂപ്പർ ഹിറ്റാകും എന്ന് എനിക്ക് ഉറപ്പായിരുന്നു. സിനിമ ചിത്രീകരിക്കുന്ന സമയത്ത് തന്നെ അക്കാര്യത്തിൽ അത്രയധികം വിശ്വാസമുള്ള വ്യക്തി ഞാനായിരുന്നു” വിനയ് ഫോർട്ട് പറഞ്ഞു. സിനിമ ഇറങ്ങിയാൽ പിന്നെ നിങ്ങളെ പിടിച്ചാൽ കിട്ടില്ല എന്ന് സിനിമയിൽ തൻ്റെ സഹോദരിയായി അഭിനയിച്ച മഞ്ജുശ്രീയോട് തമാശയായി പറയുമായിരുന്നു. എന്നാൽ ‘വിനയ് പറഞ്ഞതുപോലെ തന്നെ നടന്നു’ എന്ന് സിനിമ റിലീസായ ശേഷം മഞ്ജു തന്നെ വിളിച്ച് പറഞ്ഞു എന്നും വിനയ് ഫോർട്ട് പറയുന്നുണ്ട്.

Also Read: ‘2017 മുതൽ ആ കുട്ടി തീ തിന്നുന്നു’; നടി ആക്രമിക്കപ്പെട്ട കേസിൽ യഥാർത്ഥ പ്രതികൾ ശിക്ഷിക്കപ്പെടണമെന്ന് മല്ലിക സുകുമാരൻ

ഗിരീഷ് എ.ഡി എന്ന സംവിധായകനെ കുറിച്ചും അദ്ദേഹത്തോടൊപ്പം പ്രവർത്തിച്ചപ്പോഴുള്ള അനുഭവവും വിനയ് തുറന്നുപറയുന്നുണ്ട്. ഒരോ കാര്യങ്ങളും സൂക്ഷ്മമായി പറഞ്ഞുതരുന്ന ആളാണ് ഗിരീഷ് എ.ഡി. സ്ക്രിപ്റ്റ് പൂർണമായും ലോക്കാക്കിയാണ് ഗിരീഷ് എ.ഡി സെറ്റിൽ വരുന്നത്. ഒരു ഡയലോഗ് പറയുമ്പോൾ പോലും അത് ഏതുവിധത്തിൽ അവതരിപ്പിച്ചാൽ അതിലെ ഹ്യൂമർ വർക്കാവും എന്ന് കൃത്യാമായി പറയും. അതനുസരിച്ചുള്ള നിർദ്ദേശങ്ങളാണ് ഗിരീഷ് തരാറുള്ളത്.

സംവിധായകൻ്റെ വിഷനെ മുന്നോട്ടു കൊണ്ടുപോവുക എന്നതാണ് എപ്പോഴും തൻ്റെ പ്രയോരിറ്റി അതിനാൽ ഗിരീഷിൻ്റെ അടുത്ത് എത്തുമ്പോൾ അദ്ദേഹത്തിൻ്റെ രീതിയിലേക്കും മറ്റൊരു സെറ്റിലെത്തുമ്പോൾ സ്വന്തം നിലയ്ക്ക് ചെയ്യാനാണ് ആ സംവിധായകൻ പറയുന്നത് എങ്കിൽ താൻ ആ രീതിയിലേക്കും മാറും എന്നും വിനയ് ഫോർട്ട് പറയുന്നു.

ഗിരീഷ് കുറച്ച് സീര്യസായ ആളാണ്. പക്ഷേ അപാര ഹ്യൂമെർ സെൻസാണ്. സെറ്റിൽ അങ്ങോട്ടും ഇണ്ടോട്ടും താമശയൊക്കെ കുറവായിരിക്കും. പക്ഷേ സിനിമയിലേക്ക് വരുമ്പോൾ കൃത്യമായി ഹ്യൂമർ കൊണ്ടുവരാൻ അറിയാം. ബെത്ലഹേം കുടുംബ യൂണിറ്റിലെ 95 ശതമാനം കാര്യങ്ങളും ഗിരീഷ് എഴുതിവച്ചിരിക്കുന്നതാണ്. ഒരു അഭിനയതാവിനെ സംബന്ധിച്ചിടത്തോളം കൂടുതലായി ഒന്നും ചെയ്യേണ്ടതില്ല. എഴുതിവച്ചത് പറഞ്ഞാൽ തന്നെ തീയറ്ററിൽ ചിരി ഉണ്ടാകും. അത്ര കണക്കുകൂട്ടലുള്ള ആളാണ് ഗിരീഷ് എ,ഡി എന്നും അത് ഒരു സംവിധായകൻ്റെ ബ്രില്യൻസ് തന്നെയാണെന്നും വിനയ് ഫോർട്ട് പറയുന്നു.

English Summary

Actor Vinay Forrt expressed absolute confidence in Premalu’s massive success from the start. He praised director Gireesh A.D. for his meticulous planning, precise vision, and incredible sense of humor.