പുതുതലമുറ ഗവേഷണങ്ങൾക്ക് BEML- IISC–FCID ത്രിപാർട്ടി സഹകരണം

BEML IISC FCID

പുതുതലമുറ ഗവേഷണവും സാങ്കേതിക വികസനവും ലക്ഷ്യമിട്ട് BEML ലിമിറ്റഡ്, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് (IISc), ബെംഗളൂരു, ഐഐഎസ്‌സിയുടെ നവീകരണ–ഇൻക്യൂബേഷൻ വിഭാഗമായ ഫൗണ്ടേഷൻ ഫോർ സയൻസ്, ഇന്നൊവേഷൻ ആൻഡ് ഡെവലപ്‌മെന്റ് (FSID) എന്നിവരുമായി തന്ത്രപ്രധാനമായ ത്രിപാർട്ടി ഗവേഷണ സഹകരണ കരാറിൽ ഒപ്പുവച്ചു.

എയറോസ്പേസ്, പ്രതിരോധം, റെയിൽ–മെട്രോ സംവിധാനങ്ങൾ, ഖനനം–നിർമാണ ഉപകരണങ്ങൾ, കടൽ സാങ്കേതികവിദ്യകൾ, അഡ്വാൻസ്ഡ് മാനുഫാക്ചറിംഗ് എന്നിവ ഉൾപ്പെടുന്ന ഉയർന്ന പ്രാധാന്യമുള്ള മേഖലകളിൽ ബ്ലൂ-സ്കൈ, അപ്ലൈഡ്, ട്രാൻസ്ലേഷണൽ ഗവേഷണങ്ങൾ മുന്നോട്ട് കൊണ്ടുപോകുകയാണ് സഹകരണത്തിന്റെ ലക്ഷ്യം.

ഐഐഎസ്‌സി ക്യാമ്പസിൽ നടന്ന ചടങ്ങിൽ മാസ്റ്റർ റിസർച്ച് എഗ്രിമെന്റ് (MRA) ഒപ്പുവച്ചതോടെയാണ് സഹകരണം ഔപചാരികമായത്. ചടങ്ങിൽ BEML ചെയർമാൻ & മാനേജിംഗ് ഡയറക്ടർ ശാന്തനു റോയ്, ഐഐഎസ്‌സി ഡയറക്ടർ പ്രൊഫ.ഗോവിന്ദൻ രംഗരാജൻ, എഫ്എസ്ഐഡി ഡയറക്ടർ പ്രൊഫ. ബി. ഗുരുമൂർത്തി എന്നിവർ പങ്കെടുത്തു.

BEML ഡയറക്ടർ (ഫിനാൻസ്) അനിൽ ജെറാത്ത്, ഡയറക്ടർ (ഹ്യൂമൻ റിസോഴ്‌സസ്) ഡെബി പ്രസാദ് സത്പതി, അഡ്വൈസർ ഡോ. ശൈലേന്ദ്ര വി. ഗഡെ എന്നിവരും മൂന്ന് സ്ഥാപനങ്ങളിലെ മുതിർന്ന പ്രതിനിധികളും ചടങ്ങിൽ പങ്കെടുത്തു.

തന്ത്രപ്രധാന പങ്കാളിത്തം

BEMLന് അക്കാദമിക മികവും അത്യാധുനിക ഗവേഷണവും വ്യവസായ എഞ്ചിനീയറിംഗ് ശേഷികളും ഏകീകരിച്ച് പ്രതിരോധം, ഗതാഗതം, ഇൻഫ്രാസ്ട്രക്ചർ, ഹരിത നിർമാണം എന്നിവയിൽ നിർണായക സാങ്കേതികവിദ്യകളുടെ വികസനം വേഗത്തിലാക്കാനാണ് ലക്ഷ്യമെന്ന് BEML ചെയർമാൻ ആൻഡ് മാനേജിങ് ഡയറക്ടർ ശാന്താനു റോയ് പറഞ്ഞു.