IRCTC Retiring Rooms: 20 രൂപയ്ക്ക് താമസം, സൗകര്യം റെയിൽവേ തരും , കയ്യിൽ വേണ്ടത് ഇത്രമാത്രം
Railway Offers Affordable Rooms: ഒരാൾക്ക് ഒരു സിംഗിൾ ബെഡ് റൂമോ ഡോർമിറ്ററി ബെഡോ ബുക്ക് ചെയ്യാം. രണ്ട് യാത്രക്കാരുണ്ടെങ്കിൽ ഒരു ഡബിൾ ബെഡ് റൂമോ രണ്ട് ഡോർമിറ്ററി ബെഡുകളോ അനുവദിക്കും.
യാത്രയ്ക്കിടെ ഒരു ദിവസത്തേക്ക് താമസിക്കാൻ പുറത്ത് ഹോട്ടൽ അന്വേഷിക്കേണ്ട. റെയിൽവേ സ്റ്റേഷനുകളിൽ സിംഗിൾ, ഡബിൾ റൂമുകളും ഡോർമിറ്ററി സൗകര്യവും (AC/Non-AC) ലഭ്യമാണ്. ഇത് പണ്ട്മുതലേ ഉണ്ടെങ്കിലും പലരും ഉപയോഗപ്പെടുത്താത്ത സൗകര്യമാണ്. കുറഞ്ഞത് 3 മണിക്കൂർ മുതൽ പരമാവധി 48 മണിക്കൂർ വരെ മുറികൾ ബുക്ക് ചെയ്യാം.
താമസിക്കുന്ന ദിവസത്തിന് രണ്ട് ദിവസം മുൻപ് ബുക്കിംഗ് റദ്ദാക്കിയാൽ 20% തുകയും, ഒരു ദിവസം മുൻപ് റദ്ദാക്കിയാൽ 50% തുകയും കുറയ്ക്കുന്നതാണ്. ബുക്കിംഗ് ഉള്ള അതേ ദിവസം റദ്ദാക്കിയാൽ പണം തിരികെ ലഭിക്കില്ല.
ഒരാൾക്ക് ഒരു സിംഗിൾ ബെഡ് റൂമോ ഡോർമിറ്ററി ബെഡോ ബുക്ക് ചെയ്യാം. രണ്ട് യാത്രക്കാരുണ്ടെങ്കിൽ ഒരു ഡബിൾ ബെഡ് റൂമോ രണ്ട് ഡോർമിറ്ററി ബെഡുകളോ അനുവദിക്കും.
24 മണിക്കൂറിൽ കൂടുതൽ സമയത്തേക്ക് മുറികൾ തുടർച്ചയായി ബുക്ക് ചെയ്യുകയാണെങ്കിൽ (ഉദാഹരണത്തിന് 24+12 അല്ലെങ്കിൽ 24+24 മണിക്കൂർ), രണ്ടാമത്തെ സ്ലോട്ടിന് 25% അധിക നിരക്ക് നൽകേണ്ടി വരും.
24 മണിക്കൂർ വരെയുള്ള ബുക്കിംഗിന് റിടൈറിങ് റൂമിന് 20 രൂപയും ഡോർമിറ്ററിക്ക് 10 രൂപയുമാണ് സർവീസ് ചാർജ്. 24 മുതൽ 48 മണിക്കൂർ വരെയാണെങ്കിൽ ഇത് യഥാക്രമം 40 രൂപയും 20 രൂപയുമായി വർദ്ധിക്കും.
