Viral Video: വാ കൊണ്ട് പാമ്പിനെ പിടിക്കാൻ പറ്റോ സക്കീർ ഭായിക്ക്? ഇവൻ ആള് കൊള്ളാലോ….

Viral Video

സാധാരണയായി പാമ്പുകളെ കാണുമ്പോൾ നാം ഭയന്നോടുകയാണ് പതിവ്. വീട്ടിൽ പാമ്പ് കയറിൽ പാമ്പ്പിടിത്തക്കാരെ വിളിക്കുകയും ചെയ്യും. അവർ പോലും വളരെ ശ്രദ്ധിച്ച് സൂക്ഷിച്ചാണ് അവയെ പിടിക്കുന്നത്. എന്നാൽ ലോകത്തിലെ ഏറ്റവും വിഷമേറിയ പാമ്പുകളിൽ ഒന്നായ രാജവെമ്പാലയെ വെറും കൈകൊണ്ടല്ല, മറിച്ച് സ്വന്തം വായ് ഉപയോഗിച്ച് പൊക്കിയെടുത്ത് ലോകത്തെ ഞെട്ടിച്ചിരിക്കുകയാണ് ഒരു യുവാവ്. ഒഡീഷയിൽ നിന്നുള്ള ഈ ദൃശ്യങ്ങളാണ് ഇപ്പോൾ ഇന്റർനെറ്റിൽ വൈറലാവുന്നത്.

ഒഡീഷയിലെ ഒരു ഗ്രാമത്തിൽ നിന്നുമാണ് ഈ വീഡിയോ പുറത്തുവന്നത്. ഏതാണ്ട് പത്തടിയോളം നീളമുള്ള രാജവെമ്പാലയെയാണ് യുവാവ് നേരിട്ടത്. പാമ്പിനെ പെട്ടെന്ന് വായ ഉപയോഗിച്ച് പാമ്പിന്റെ ശരീരത്തിന്റെ മധ്യഭാഗത്ത് കടിച്ചെടുത്ത് ഉയർത്തുകയായിരുന്നു. ശേഷം ഒരു തുണിസഞ്ചിയിൽ മാറ്റുന്നുമുണ്ട്.

വിഡിയോ:

വീഡിയോ വൈറലായതോടെ വലിയ രീതിയിലുള്ള പ്രതികരണങ്ങളാണ് ഉയർന്നുവരുന്നത്. ഇത് കേവലം സാഹസികതയല്ലെന്നും, പാമ്പിനും മനുഷ്യനും ഒരുപോലെ അപകടകരമായ പ്രവൃത്തിയാണെന്നും പലരും അഭിപ്രായപ്പെട്ടു. ഇതൊരു അത്ഭുതമല്ല, മറിച്ച് അങ്ങേയറ്റം വിഡ്ഢിത്തമാണ് എന്നാണ് ഒരു വിഭാഗം ആളുകൾ കുറിച്ചത്.

രാജവെമ്പാലയുടെ ഒരു തുള്ളി വിഷം മതി മിനിറ്റുകൾക്കുള്ളിൽ ഒരു മനുഷ്യന്റെ ജീവൻ എടുക്കാൻ. പാമ്പിനെ ഉപദ്രവിക്കുന്നതിലൂടെ അത് പ്രകോപിതനാകാനും മാരകമായി കടിക്കാനും സാധ്യതയുണ്ട്. പാമ്പിനെ തൊടുകയോ തലയിൽ ചുംബിക്കുകയോ ചെയ്യുന്നത് കാണാറുണ്ടെങ്കിലും, വായ് കൊണ്ട് രാജവെമ്പാലയെ ഉയർത്തുന്നത് വളരെ അപൂർവമാണ്. ഇത് അങ്ങേയറ്റം അപകടമാണെന്നാണ് ആളുകൾ കമന്റിൽ പറയുന്നത്.