House Boat Fire : ആലപ്പുഴയിൽ തീപിടിത്തം; മൂന്ന് ഹൗസ് ബോട്ടുകൾ കത്തിച്ചാമ്പലായി
Pallathuruthy Houseboat Fire Accident : ആലപ്പുഴയിലെ പള്ളാത്തുരുത്തിയിൽ വൻ തീപിടിത്തം. ഇന്നലെ രാത്രി 9 മണിയോടെ ഉണ്ടായ തീപിടിത്തത്തിൽ മൂന്ന് ഹൗസ് ബോട്ടുകൾ കത്തിചാമ്പലായി. പള്ളാത്തുരുത്തി തെക്ക് വള്ളുവങ്ങാട് പാടശേഖരത്തിന് അടുത്ത് ബോട്ടുകൾ കെട്ടിയിടുന്ന സ്ഥലത്തായിരുന്നു തീപിടിത്തം ഉണ്ടായത്. ഉടനെ തന്നെ സമീപത്തുണ്ടായിരുന്ന മറ്റു ബോട്ടുകൾ മാറ്റിയതിനാൽ വലിയ ദുരന്തമാണ് ഒഴിവായത്.
പ്രതീകാത്മക ചിത്രം
ആലപ്പുഴയിലെ പള്ളാത്തുരുത്തിയിൽ വൻ തീപിടിത്തം. ഇന്നലെ രാത്രി 9 മണിയോടെ ഉണ്ടായ തീപിടിത്തത്തിൽ മൂന്ന് ഹൗസ് ബോട്ടുകൾ കത്തിചാമ്പലായി. പള്ളാത്തുരുത്തി തെക്ക് വള്ളുവങ്ങാട് പാടശേഖരത്തിന് അടുത്ത് ബോട്ടുകൾ കെട്ടിയിടുന്ന സ്ഥലത്തായിരുന്നു തീപിടിത്തം ഉണ്ടായത്. ഉടനെ തന്നെ സമീപത്തുണ്ടായിരുന്ന മറ്റു ബോട്ടുകൾ മാറ്റിയതിനാൽ വലിയ ദുരന്തമാണ് ഒഴിവായത്. ബോട്ടുകൾ കെട്ടിയതിനു ശേഷം ജോലിക്കാർ പുറത്തുപോയതിന് ശേഷമാണ് അപകടം ഉണ്ടായത്. അതുകൊണ്ട് ആളപായം ഇല്ല. ബോട്ടുകളിൽ പാചകത്തിന് ഉപയോഗിക്കുന്ന സിലിണ്ടറിൽ നിന്നാണ് തീ പടർന്നത് എന്നാണ് കരുതുന്നത്. കത്തിയ ബോട്ടുകളിൽ ഉണ്ടായിരുന്ന ഗ്യാസ് സിലിണ്ടറുകൾ പൊട്ടിത്തെറിച്ചു വളരെ ദൂരേക്ക് പതിച്ചു.
പള്ളാത്തുരുത്തിയിലെ ലേക്സ് ആൻഡ് ലഗൂൺസ് എന്ന സ്ഥാപനത്തിന്റെതാണ് കത്തിയ വോട്ടുകൾ എന്നാണ് വിവരം. തീപിടിത്തത്തിന്റെ വിവരമറിഞ്ഞ് ഫയർ ഫോഴ്സിന്റെ രണ്ട് സ്പീഡ് ബോട്ടുകൾ സ്ഥലത്തെത്തി തീ നിയന്ത്രണ വിധേയമാക്കാൻ ശ്രമം നടത്തി. പോലീസും ഉടനെ തന്നെ സംഭവസ്ഥലത്തേക്ക് പാഞ്ഞെത്തി. ഏകദേശം രണ്ടു മണിക്കൂറോളം നീണ്ട ശ്രമങ്ങൾക്ക് ഒടുവിലാണ് തീ നിയന്ത്രണ വിധേയമാക്കാൻ കഴിഞ്ഞത്. ഏകദേശം പൂർണമായും തന്നെ മൂന്ന് ഹൗസ് ബോട്ടുകളും അപ്പോഴേക്കും കത്തി നശിച്ചിരുന്നു. ഫയർഫോഴ്സിന് റോഡ് മാർഗ്ഗം എത്താൻ കഴിയാത്ത സ്ഥലത്താണ് അപകടം ഉണ്ടായത്. പ്രദേശത്തേക്ക് കരമാർഗം ഉള്ള വഴി ആകട്ടെ ഇടുങ്ങിയതും വലിയ വളവുകളും ഉള്ളതാണ്.
Also Read : കറി ഉണ്ടാക്കിയില്ല; മലപ്പുറത്ത് ഭാര്യയെ ഭർത്താവ് കുത്തിക്കൊലപ്പെടുത്തി
അപകടത്തിന്റെ കാരണം ഇതുവരെ വ്യക്തമായിട്ടില്ല എന്ന് പോലീസ് അറിയിച്ചു. തീപിടിത്തം ഉണ്ടായതിന്റെ സമീപത്ത് സിസിടിവി ക്യാമറ സ്ഥാപിച്ചിട്ടുണ്ട്. ഇതിൽ നിന്നുള്ള ദൃശ്യങ്ങൾ പരിശോധിച്ചാൽ കൂടുതൽ വിവരങ്ങൾ ലഭിക്കുമെന്ന പ്രതീക്ഷയാണ് പോലീസിനുള്ളത്. ഇവിടെ ഹൗസ് ബോട്ടുകൾ അറ്റകുറ്റപ്പണികൾക്കായി നിർത്തിയിട്ടതായിരുന്നു എന്നാണ് ലഭിക്കുന്ന വിവരം. തടികൊണ്ടുള്ള ജോലികളും വെൽഡിങ് ഉൾപ്പെടെയുള്ള പ്രവർത്തനങ്ങളും നടന്നു വരികയായിരുന്നു. കുറച്ച് മാസങ്ങൾക്കു മുമ്പ് ഈ സ്ഥലത്തിന് കുറച്ച് അടുത്തായി രണ്ട് ഹൗസ് ബോട്ടുകളും കത്തിയിരുന്നു. പറവൂർ പുന്തിരം പാടശേഖരത്തിന് സമീപം ആയിരുന്നു അന്ന് അപകടമുണ്ടായത്.
ഹൗസ് ബോട്ടിൽ നിന്ന് വളരെ ദൂരത്തേക്ക് തെറിച്ചു വീണ ഗ്യാസ് ലിണ്ടറുകൾ വെള്ളത്തിൽ കിടന്നും ഏറെനേരം കത്തി എന്ന് ദൃക്സാക്ഷികൾ പറയുന്നു. തീ പിടിത്തത്തിന്റെ ചൂട് സമീപപ്രദേശങ്ങളിലേക്കും വ്യാപിച്ചു. വലിയ ആൾതാമസം ഇല്ലാത്ത മേഖല ആയതിനാൽ വൻ അപകടമാണ് ഒഴിവായത്.
English Summary
A massive fire broke out at Pallathuruthy in Alappuzha. Three houseboats were reduced to ashes in the blaze, which occurred around 9 PM yesterday. The fire started at a mooring site near the Valluvangad paddy fields in Pallathuruthy South. A major disaster was averted as other nearby boats were immediately moved to safety.
