Ration Update: ജൂലൈ റേഷൻ വിതരണം ഇന്ന് മുതൽ, ഈ കാർഡുകാർക്ക് 3 കിലോ അധിക ഗോതമ്പ്
July Ration Distribution Starts Today: ജൂലൈ-ആഗസ്റ്റ്-സെപ്റ്റംബർ ക്വാർട്ടറിൽ, വൈദ്യുതി ഉള്ള വീടുകളിലെ അന്ത്യോദയ അന്ന യോജന, മഞ്ഞ കാർഡിന് ആകെ 1 ലിറ്റർ മണ്ണെണ്ണയും, മുൻഗണന വിഭാഗം, പൊതുവിഭാഗം, പൊതുവിഭാഗം തുടങ്ങിയ മറ്റ് കാർഡുകൾക്ക് ആകെ 0.5 ലിറ്റർ മണ്ണെണ്ണയും ലഭിക്കുന്നതാണ്.
പ്രതീകാത്മക ചിത്രം
ജൂലൈ മാസത്തിലെ റേഷൻ വിതരണം ഇന്ന് മുതൽ ആരംഭിക്കും. കഴിഞ്ഞ മാസത്തെ റേഷൻ വിതരണം 30ാം തീയതി പൂർത്തിയായതോടെ ഇന്നലെ റേഷൻ കടകൾക്ക് അവധിയായിരുന്നു. 2026 ജൂലൈ-ആഗസ്റ്റ്-സെപ്റ്റംബർ ക്വാർട്ടറിൽ, വൈദ്യുതി ഉള്ള വീടുകളിലെ അന്ത്യോദയ അന്ന യോജന, മഞ്ഞ കാർഡിന് ആകെ 1 ലിറ്റർ മണ്ണെണ്ണയും, മുൻഗണന വിഭാഗം, പൊതുവിഭാഗം, പൊതുവിഭാഗം തുടങ്ങിയ മറ്റ് കാർഡുകൾക്ക് ആകെ 0.5 ലിറ്റർ മണ്ണെണ്ണയും, വൈദ്യുതി ഇല്ലാത്ത വീടുകളിലെ കാർഡുകൾക്ക് ആകെ 6 ലിറ്റർ മണ്ണെണ്ണയും ലഭിക്കുന്നതാണ്.
ജൂലൈ മാസത്തെ റേഷൻ വിഹിതം
അന്ത്യോദയ അന്ന യോജന (AAY): അന്ത്യോദയ അന്ന യോജന കാർഡിന് 30 കിലോ അരിയും 2 കിലോ ഗോതമ്പും സൗജന്യമായും 3 പായ്ക്കറ്റ് ആട്ട 7 രൂപ നിരക്കിലും ലഭിക്കും.
മുൻഗണന വിഭാഗം (PHH): മുൻഗണന വിഭാഗം കാർഡിലെ ഓരോ അംഗത്തിനും 4 കിലോ അരിയും 1 കിലോ ഗോതമ്പും സൗജന്യമായി ലഭിക്കുന്നതാണ്. കാർഡിന് അനുവദിച്ചിട്ടുള്ള ആകെ ഗോതമ്പിന്റെ അളവിൽ നിന്നും 4 കിലോ കുറച്ച്, അതിന് പകരം 4 പായ്ക്കറ്റ് ആട്ട 9 രൂപ നിരക്കിൽ ലഭിക്കുന്നതാണ്.
പൊതുവിഭാഗം സബ്സിഡി (NPS): പൊതുവിഭാഗം കാർഡിലെ ഓരോ അംഗത്തിനും 2 കിലോ അരി വീതം കിലോയ്ക്ക് 4 രൂപ നിരക്കിൽ ലഭിക്കും. സ്പെഷ്യൽ വിഹിതമായി 3 കിലോ ഗോതമ്പ് കിലോയ്ക്ക് 8.70 രൂപ നിരക്കിൽ ലഭിക്കും. അതാത്, താലൂക്കിലെ സ്റ്റോക്കിനനുസരിച്ച് കാർഡിന് 4 കിലോ വരെ ആട്ട കിലോയ്ക്ക് 17 രൂപ നിരക്കിൽ ലഭിക്കും.
ALSO READ: പാസ്പോര്ട്ട് ഫീസില് മുതല് ആധാര് കാര്ഡില് വരെ മാറ്റം; ജൂലൈ 1 മുതല് ഇവ ശ്രദ്ധിക്കണം
പൊതുവിഭാഗം (NPNS): പൊതുവിഭാഗം കാർഡിന് 4 കിലോ അരി കിലോയ്ക്ക് 10.90 രൂപ നിരക്കിൽ ലഭിക്കും. അതാത്, താലൂക്കിലെ സ്റ്റോക്കിനനുസരിച്ച് കാർഡിന് 4 കിലോ വരെ ആട്ട കിലോയ്ക്ക് 17 രൂപ നിരക്കിൽ ലഭിക്കും.
പൊതുവിഭാഗം സ്ഥാപനം (NPI): പൊതുവിഭാഗം സ്ഥാപനം കാർഡിന് 2 കിലോ അരി കിലോയ്ക്ക് 10.90 രൂപ നിരക്കിൽ ലഭിക്കും. അതാത്, താലൂക്കിലെ സ്റ്റോക്കിനനുസരിച്ച് കാർഡിന് പരമാവധി 1 കിലോ ആട്ട കിലോയ്ക്ക് 17 രൂപ നിരക്കിലും ലഭിക്കുന്നതാണ്.
ഫെയ്സ്ബുക്ക് പോസ്റ്റ്
എൻപിഎസ് കാർഡിന് അധിക ഗോതമ്പ്
ജൂലൈയിൽ മുൻഗണനേതര വിഭാഗത്തിലെ എൻപിഎസ് (നീല) റേഷൻ കാർഡുകൾക്ക് 3 കിലോഗ്രാം ഗോതമ്പ് കൂടുതൽ അനുവദിച്ചിട്ടുണ്ട്. കിലോഗ്രാമിന് 8.70 രൂപ നിരക്കിൽ വാങ്ങാവുന്നതാണ്. അതേസമയം, നീല കാർഡിലെ ഓരോ അംഗത്തിനും നാല് രൂപ നിരക്കിൽ രണ്ട് കിലോ അരി മാത്രമേ ലഭിക്കുകയുള്ളൂ. പുറമേ, അതാത്, താലൂക്കിലെ സ്റ്റോക്കിനനുസരിച്ച് കാർഡിന് 4 കിലോ വരെ ആട്ട കിലോയ്ക്ക് 17 രൂപ നിരക്കിൽ ലഭിക്കുന്നതാണ്. അന്ത്യോദയ അന്ന യോജന കാർഡിന് 2 കിലോ ഗോതമ്പും മുൻഗണന വിഭാഗം കാർഡിലെ ഓരോ അംഗത്തിനും 1 കിലോ ഗോതമ്പും സൗജന്യമായി ലഭിക്കുന്നതാണ്.
English Summary:
Kerala Ration Updates. Distribution for July Ration Begins Today. Ration shops remained closed yesterday, as the distribution for the previous month concluded on the 30th. For the July-August-September 2026 quarter, AAY cardholders residing in electrified homes will receive a total of one liter of kerosene.
