Viral Video: അല്ല ഇതേത് കൊച്ചി? അങ്ങ് ജപ്പാനില് മാത്രമല്ല നമ്മുടെ നാട്ടിലുമുണ്ട് ചെറി ബ്ലോസം
Kochi Cherry Blossom: കേരളത്തിലേക്ക് അല്പം വൈകിയാണ് ഇവ എത്തിയതെങ്കിലും ബെംഗളൂരുവിലും ഹൈദരാബാദിലുമെല്ലാം ഇവ നേരത്തെ ഇടംപിടിച്ചിട്ടുണ്ട്. ചൂട് കൂടുമ്പോള് പൂവിടുന്നതാണ് ഈ സസ്യത്തിന്റെ രീതി. പുത്തന് തലമുറ ഉണ്ടാക്കുന്ന കാര്യത്തിലും താബേബുയ റോസിയ കേമിയാണ്.
കൊച്ചിയില് നിന്നുള്ള ദൃശ്യം
ജപ്പാനിലെ ചെറി പൂക്കളെ കുറിച്ച് കേട്ടിട്ടില്ലേ നിങ്ങള്? പിങ്ക് നിറത്തില് മരം നിറയെ ഉണ്ടാകുന്ന ഈ പൂക്കള് കാണാന് എന്ത് ഭംഗിയാണ്. വിദേശരാജ്യങ്ങളില് മാത്രം കണ്ടും കേട്ടും ശീലമുള്ള ആ ചെറി പൂക്കള് നമ്മുടെ കൊച്ചു കേരളത്തിലേക്കും എത്തിയിരിക്കുകയാണ്. കേരളത്തിന്റെ ഹൃദയം എന്നെല്ലാം വിശേഷിപ്പിക്കാവുന്ന കൊച്ചിയിലാണ് ജപ്പാന് ഉദയം കൊണ്ടത്.
കൊച്ചിയുടെ നഗരവീഥികളിലെല്ലാം ചെറി പൂക്കള് നിറഞ്ഞു. കൊച്ചി ടെര്മിനല് റോഡ്, എളംകുളം മെട്രോ സ്റ്റേഷന് റോഡ്, വൈറ്റില, പനമ്പിള്ളി നഗര് തുടങ്ങിയ പ്രദേശങ്ങളിലാണ് ചെറി വസന്തം. മരങ്ങള് നിറയെ പൂവായെങ്കിലും പലര്ക്കും വിരിഞ്ഞ് നില്ക്കുന്ന വമ്പനെ ഒറ്റനോട്ടത്തില് മനസിലായില്ല. പിന്നീടാണ് ജപ്പാനെ പിങ്ക് നിറത്തില് കുളിപ്പിക്കുന്നയാളാണ് നമ്മുടെ നാട്ടിലേക്കും എത്തിയിരിക്കുന്നതെന്ന് തിരിച്ചറിഞ്ഞത്.
എന്നാല് കൊച്ചിയില് പൂവിട്ടത് യഥാര്ത്ഥ ചെറി ബ്ലോസമല്ല. കാഴ്ചയില് മാത്രമാണ് കൊച്ചിയിലെ പൂക്കള്ക്ക് ജപ്പാനിലെ ചെറി പൂക്കളുമായി ബന്ധമുള്ളത്, ഇവ യഥാര്ത്ഥത്തില് മെക്സിക്കന് ബ്ലോസമാണ്. മെക്സിക്കന്, ഇക്വഡോര് പ്രദേശങ്ങളില് കാണപ്പെടുന്ന താബേബുയ റോസിയ എന്ന ഇനത്തില് പെടുന്ന സസ്യമാണ് കൊച്ചിയില് പൂവിട്ടത്.
വൈറലായ വീഡിയോ
കേരളത്തിലേക്ക് അല്പം വൈകിയാണ് ഇവ എത്തിയതെങ്കിലും ബെംഗളൂരുവിലും ഹൈദരാബാദിലുമെല്ലാം ഇവ നേരത്തെ ഇടംപിടിച്ചിട്ടുണ്ട്. ചൂട് കൂടുമ്പോള് പൂവിടുന്നതാണ് ഈ സസ്യത്തിന്റെ രീതി. പുത്തന് തലമുറ ഉണ്ടാക്കുന്ന കാര്യത്തിലും താബേബുയ റോസിയ കേമിയാണ്. ഇവയുടെ വിത്തുകള് വളരെ പെട്ടെന്ന് മുളച്ചുയരും. ഏറെ ദൂരം സഞ്ചരിച്ച് കിളിര്ത്തുണ്ടാകാനും ഇവയ്ക്ക് സാധിക്കുന്നതാണ്.
കൊച്ചിയിലെ വസന്തം ഇപ്പോള് സമൂഹമാധ്യമങ്ങളില് വൈറലാണ്. ഇത് ഞങ്ങളുടെ പഴയ കൊച്ചി തന്നെയാണോ എന്ന ചോദ്യമാണ് കാഴ്ചക്കാരുടെയെല്ലാം ഉള്ളില്. വിദേശരാജ്യങ്ങളില് നിന്നുള്ളതുപോലുള്ള കാഴ്ചകള് എല്ലാവരുടെയും മനസിന് കുളിര് ചൊരിയുന്നു.
