Mani C Kappan : ചെക്ക് കേസിൽ മാണി സി. കാപ്പൻ എം.എൽ.എയ്ക്ക് ഒരു വർഷം തടവും പിഴയും

Mani C Kappen

കോട്ടയം :  കണ്ണൂർ വിമാനത്താവളവുമായി ബന്ധപ്പെട്ട സാമ്പത്തിക തട്ടിപ്പ് കേസിൽ പാലാ എംഎൽഎ മാണിസി കാപ്പന് ഒരു വർഷം തടവ് ശിക്ഷ വിധിച്ചു. മുംബൈയിലെ കോടതിയുടെ ഏതാണ് ശിക്ഷാവിധി. മുംബൈ വ്യവസായിയായ ദിനേശ് മേനോൻ നൽകിയ വഞ്ചന കേസിലാണ് വന്നിരിക്കുന്നത്. ഒരു മാസത്തിനകം 5.3 കോടി രൂപ പലിശ ഉൾപ്പെടെ നഷ്ടപരിഹാരം നൽകണമെന്നും ഇല്ലെങ്കിൽ മൂന്നുമാസം കൂടി തടവ് അനുഭവിക്കണം എന്നുമാണ് വിധി.

എന്നാൽ താൻ ഒരു തെറ്റും ചെയ്തിട്ടില്ല എന്നും കേസിനെ നിയമപരമായി നേരിടും എന്നും മാണി സി കാപ്പാൻ പ്രതികരിച്ചു. ശിക്ഷാവിധികെതിരെ അപ്പീൽ പോകും. തന്റെ ഭാഗം കേൾക്കാതെയാണ് വിധി വന്നിരിക്കുന്നത്. ഇന്ന് വാദത്തിനുവേണ്ടിയാണ് കേസ് വച്ചിരുന്നത്. പക്ഷേ താൻ ഹാജരായിരുന്നില്ല. താൻ ഹാജരാകാതെ എങ്ങനെയാണ് കേസിൽ വിധി പുറപ്പെടുവിക്കുക എന്നുമാണ് എംഎൽഎയുടെ പ്രതികരണം.