Vice President: ഉപരാഷ്ട്രപതി തിരുവനന്തപുരത്ത്; ഗതാഗത നിയന്ത്രണം ഇങ്ങനെ…
Vice President C P Radhakrishnan Thiruvananthapuram visit: കനകക്കുന്നില് വസന്തോത്സവം ന്യൂ ഇയര് ലൈറ്റിങ് പരിപാടിയില് പൊതുജനങ്ങള്ക്ക് നിയന്ത്രണം ഏര്പ്പെടുത്തിയിട്ടുണ്ട്. തിങ്കളാഴ്ച വൈകിട്ട് ആറ് മണി മുതല് എട്ടുവരെ പൊതുജനങ്ങള്ക്ക് കനകക്കുന്ന് കോമ്പൗണ്ടിലേക്കുള്ള പ്രവേശനം നിരോധിച്ചത്.
CP Radhakrishnan
തിരുവനന്തപുരം: രണ്ട് ദിവസത്തെ സന്ദർശനത്തിനായി ഉപരാഷ്ട്രപതി സി.പി. രാധാകൃഷ്ണൻ നാളെ (ഡിസംബർ 29) തിരുവനന്തപുരത്തെത്തും. വൈകിട്ട് ഏഴ് മണിക്കാണ് വിമാനത്താവളത്തിൽ എത്തുന്നത്. രാത്രി 7.20-ന് പാളയം എൽ.എം.എസ് കോമ്പൗണ്ടിൽ നടക്കുന്ന ട്രിവാൻഡ്രം ഫെസ്റ്റിൽ മുഖ്യാതിഥിയായി പങ്കെടുക്കും. 30-ാം തീയതി രാവിലെ 10 മണിക്ക് വർക്കല ശിവഗിരിയിൽ വെച്ച് 93-ാമത് ശിവഗിരി സമ്മേളനം ഉദ്ഘാടനം ചെയ്യും.
30-ാം തീയതി ഉച്ചയ്ക്ക് 2.05-ന് മാർ ഇവാനിയോസ് കോളജിന്റെ പ്ലാറ്റിനം ജൂബിലി ആഘോഷങ്ങളുടെ സമാപന സമ്മേളനത്തിലും ഉദ്ഘാടകനായി എത്തും. സന്ദർശനം പൂർത്തിയാക്കി ഉച്ചയ്ക്ക് 1.25-ഓടെ തിരുവനന്തപുരം വിമാനത്താവളത്തിൽ നിന്ന് അദ്ദേഹം മടങ്ങും.
കനകക്കുന്നില് വസന്തോത്സവം ന്യൂ ഇയര് ലൈറ്റിങ് പരിപാടിയില് പൊതുജനങ്ങള്ക്ക് നിയന്ത്രണം ഏര്പ്പെടുത്തിയിട്ടുണ്ട്. തിങ്കളാഴ്ച വൈകിട്ട് ആറ് മണി മുതല് എട്ടുവരെ പൊതുജനങ്ങള്ക്ക് കനകക്കുന്ന് കോമ്പൗണ്ടിലേക്കുള്ള പ്രവേശനം നിരോധിച്ചത്.
ഗതാഗത നിയന്ത്രണം
ഡിസംബർ 29ന് ഉച്ചയ്ക്ക് 2.30 മുതല് രാത്രി 8.30 വരെ ശംഖുംമുഖം- ആള്സെയിന്റ്സ്-ചാക്ക പേട്ട-പള്ളിമുക്ക്-പാറ്റൂര്-ജനറല് ആശുപത്രി- ആശാന് സ്ക്വയര്- ഫ്ലൈഓവര്-നിയമസഭ- ജി.വി രാജ- എല്.എം.എസ്- മ്യൂസിയം – വെള്ളയമ്പലം – കവടിയാര് റോഡിന്റെ ഇരുവശങ്ങളിലും വാഹനങ്ങള് പാര്ക്ക് ചെയ്യാന് പാടില്ല.
ഡിസംബർ 30ന് രാവിലെ ആറ് മണി മുതല് 9.30 വരെ കവടിയാര്- വെള്ളയമ്പലം- മ്യൂസിയം-വേള്ഡ്വാര്-വിജെറ്റി-ആശാന് സ്ക്വയര്-ജനറല് ആശുപത്രി-പാറ്റൂര്-പേട്ട-ചാക്ക റോഡിന്റെ ഇരുവശങ്ങളിൽ വാഹനങ്ങള് പാര്ക്ക് ചെയ്യാന് പാടില്ല.
ALSO READ: രാഹുൽ ഗാന്ധിയെ ഭീകരവാദികൾക്കൊപ്പമാക്കി ഫേസ്ബുക്ക് പോസ്റ്റ്; അബ്ദുള്ളക്കുട്ടിക്കെതിരെ പരാതി
രാവിലെ എട്ട് മുതല് ഉച്ചയ്ക്ക് രണ്ട് വരെ വരെ ചാക്ക ലോര്ഡ്സ് – ലുലു -കുഴിവിള -ആക്കുളം -കോട്ടമുക്ക് -പ്രശാന്ത് നഗര് – ഉളളൂര് -കേശവദാസപുരം-പരുത്തിപ്പാറ-മാര് ഇവാനിയസ് കോളേജ് റോഡിന്റെ ഇരുവശങ്ങളിലും പാർക്ക് ചെയ്യാൻ അനുവദിക്കില്ല.
രാവിലെ ആറ് മണി മുതൽ ഉച്ചയ്ക്ക് രണ്ട് മണി വരെ ശംഖുമുഖം-ആള്സെയിന്റ്സ്-ചാക്ക റോഡിന്റെ ഇരുവശങ്ങളിലും വാഹനങ്ങള് പാര്ക്ക് ചെയ്യാന് പാടില്ല.
ഡിസംബർ 29നും 30നും ശംഖുംമുഖം – വലിയതുറ, പൊന്നറ, കല്ലുംമൂട് – ഈഞ്ചയ്ക്കല് – അനന്തപുരി ആശുപത്രി -ഈഞ്ചയ്ക്കല് – മിത്രാനന്ദപുരം – എസ്.പി ഫോര്ട്ട് – ശ്രീകണ്ഠേശ്വരം പാര്ക്ക് – തകരപ്പറമ്പ് മേല്പ്പാലം – ചൂരക്കാട്ടുപാളയം – തമ്പാനൂര് ഫ്ലൈഓവര് – തൈക്കാട് -വഴുതക്കാട് – വെള്ളയമ്പലം-കവടിയാര് റോഡിലും നിയന്ത്രണങ്ങളുണ്ട്.
30ന് വിമെന്സ് കോളജ് -ബേക്കറി ജങ്ഷന് -പഞ്ചാപുര- രക്തസാക്ഷിമണ്ഡപം- നിയമസഭാമന്ദിരം -പി.എം.ജി, പ്ളാമൂട്, പട്ടം -കേശവദാസപുരം റോഡിലും, വെള്ളയമ്പലം-കവടിയാര്-കുറവന്കോണം-പട്ടം-കേശവദാസപുരം-ഉള്ളൂര്-ആക്കുളം-കുഴിവിള-ഇന്ഫോസിസ്-കഴക്കൂട്ടം-വെട്ടുറോഡ് റോഡിലും നിയന്ത്രണങ്ങൾ ഏർപ്പെടുത്തിയിട്ടുണ്ട്.
ഗതാഗത നിയന്ത്രണം ഏര്പ്പെടുത്തിയിട്ടുള്ള പ്രധാന റോഡുകളിലും സമീപമുള്ള ഇടറോഡുകളിലും പാര്ക്ക് ചെയ്യുന്ന വാഹനങ്ങളെ റിക്കവറി വാഹനം ഉപയോഗിച്ച് നീക്കം ചെയ്യുന്നതുള്പ്പെടെയുള്ള നിയമനടപടികള് സ്വീകരിക്കും.
വിമാനത്താവളത്തിലേക്കും, റെയില്വെ സ്റ്റേഷനിലേക്കും വരുന്ന യാത്രക്കാര് മുന്കൂട്ടി യാത്രകള് ക്രമീകരിക്കേണ്ടതാണ്.
ഡൊമസ്റ്റിക് എയര്പോര്ട്ടിലേക്ക് പോകുന്ന യാത്രക്കാര് വെണ്പാലവട്ടം, ചാക്ക ഫ്ളൈ ഓവര്, ഈഞ്ചക്കല് കല്ലുംമൂട്, പൊന്നറ പാലം, വലിയതുറ വഴിയും ഇന്റര്നാഷണല് ടെര്മിനലിലേക്ക് പോകുന്ന യാത്രക്കാര് വെണ്പാലവട്ടം ചാക്ക ഫ്ളൈ ഓവര്, ഈഞ്ചക്കല്, കല്ലുംമ്മൂട് അനന്തപുരി ആശുപത്രി സര്വീസ് റോഡ് വഴിയും പോകണം.
