Malappuram Assault: അറബിയിൽ നിന്നും സാമ്പത്തിക സഹായം വാഗ്ദാനം ചെയ്ത് യുവതിയെ പീഡിപ്പിച്ചു; ‘അറബി അസൈനാർ ‘ പിടിയിൽ
Malappuram Assult Case:ഫറോക്ക് ക്രൈ സ്ക്വാഡും പന്നിയങ്കര പോലീസും നടത്തിയ അന്വേഷണത്തിനൊടുവിൽ കാസർഗോഡ് മംഗലാപുരം ഭാഗത്ത് പ്രതി ഒളിവിൽ കഴിയുന്നതായി പോലീസ് കണ്ടെത്തി. പോലീസ് എത്തുമ്പോൾ കാസർകോട് സ്വദേശിയായ മറ്റൊരു യുവതിയെ ചതിയിൽ വീഴ്ത്തുന്നതിനുള്ള ശ്രമം നടത്തുകയായിരുന്നു ഇയാൾ. ഇതിനിടെയാണ് പോലീസ് പിടികൂടിയത്. അറബി അസൈനാർ എന്ന പ്രതിക്കെതിരെ കോഴിക്കോട് കസബ മഞ്ചേരി കോട്ടയ്ക്കൽ ഷൊർണൂർ എന്നീ സ്റ്റേഷനിൽ സമാനമായ കേസുകൾ ഉള്ളതായാണ് പോലീസ് നൽകുന്ന വിവരം....
Arabi Asainar
മലപ്പുറം: അരീക്കോട് അറബിയിൽ നിന്നും സാമ്പത്തിക സഹായം വാങ്ങി നൽകാമെന്ന് പറഞ്ഞ കബളിപ്പിച്ച് സ്ത്രീയെ ലൈംഗികമായി പീഡിപ്പിക്കുകയും പണവും മൊബൈലും കവർച്ച നടത്തുകയും ചെയ്ത സംഭവത്തിൽ ഒരാൾ പിടിയിൽ. അരീക്കോട് വടക്കുമുറി സ്വദേശി നടുവത്ത് ചാലിൽ വീട്ടിൽ അസൈനാർ എന്ന എന്ന അറബി അസൈനാർ(66) ആണ് പോലീസിന്റെ വലയിലായത്. കഴിഞ്ഞവർഷമാണ് സംഭവം.
2025 നവംബർ 25ന് പന്നിയങ്കര സ്വദേശിയായ യുവതിയെ നിലമ്പൂരിൽ ഉള്ള ഒരു അറബിയെ പരിചയപ്പെടുത്താമെന്നും അയാളിൽ നിന്നും സ്വർണവും മറ്റും വാങ്ങി നൽകാമെന്നും വിശ്വസിപ്പിച്ച് നിലമ്പൂരിൽ ഉള്ള ഒരു ലോഡ്ജിൽ എത്തിച്ചു. തുടർന്ന് ഇവിടെ വച്ച് പ്രതി യുവതിയെ ലൈംഗികമായി പീഡിപ്പിക്കുകയും അവരുടെ മൊബൈൽ ഫോണും കയ്യിൽ ഉണ്ടായിരുന്ന 14500 രൂപയും മോഷ്ടിച്ച് കടന്നു കളയുകയായിരുന്നു എന്നാണ് കേസ്.
ALSO READ:സ്വന്തം വീട്ടിലെ സ്വർണ്ണവും പണവും മോഷ്ടിച്ച ശേഷം പോലീസിനെ അറിയിച്ചു; പിടി വീണത് ഇങ്ങനെ
താൻ ചതിക്കപ്പെട്ടു എന്ന് മനസ്സിലാക്കിയ യുവതി പന്നിയങ്കര പോലീസ് സ്റ്റേഷനിൽ പരാതി നൽകുകയായിരുന്നു.. സംഭവത്തിൽ കേസ് രജിസ്റ്റർ ചെയ്ത് അന്വേഷണം നടത്തിയപ്പോൾ ഇതേ രീതിയിൽ അറബി കല്യാണവുമായി ബന്ധപ്പെട്ട കേസുകളിലെ പ്രതികളെ കുറിച്ച് പോലീസ് വിശദമായ തിരച്ചിൽ നടത്തി. കൂടാതെ യുവതി പോയ ലോഡ്ജ് പരിസരത്തെ സിസിടിവി ദൃശ്യങ്ങളും പരിശോധിച്ചതിലൂടെ പ്രതിയായ അസൈനാർ നിരവധി കേസിൽ ഉൾപ്പെട്ട അറബി അസൈനാർ ആണെന്ന് പോലീസ് തിരിച്ചറിയുകയായിരുന്നു.
തുടർന്ന് ഫറോക്ക് ക്രൈ സ്ക്വാഡും പന്നിയങ്കര പോലീസും നടത്തിയ അന്വേഷണത്തിനൊടുവിൽ കാസർഗോഡ് മംഗലാപുരം ഭാഗത്ത് പ്രതി ഒളിവിൽ കഴിയുന്നതായി പോലീസ് കണ്ടെത്തി. പോലീസ് എത്തുമ്പോൾ കാസർകോട് സ്വദേശിയായ മറ്റൊരു യുവതിയെ ചതിയിൽ വീഴ്ത്തുന്നതിനുള്ള ശ്രമം നടത്തുകയായിരുന്നു ഇയാൾ. ഇതിനിടെയാണ് പോലീസ് പിടികൂടിയത്. അറബി അസൈനാർ എന്ന പ്രതിക്കെതിരെ കോഴിക്കോട് കസബ മഞ്ചേരി കോട്ടയ്ക്കൽ ഷൊർണൂർ എന്നീ സ്റ്റേഷനിൽ സമാനമായ കേസുകൾ ഉള്ളതായാണ് പോലീസ് നൽകുന്ന വിവരം.
