Actress Anusree Dance: ദാവണിയും മുല്ലപ്പൂവും പിന്നെ തട്ടുപൊളിപ്പൻ പാട്ടും, നാട്ടിലെ ഉത്സവത്തിന് ആടിപ്പാടിയ അനുശ്രീയെ കണ്ടോ?
Actress Anusree's dance performance: സിനിമയിലായാലും നാട്ടിലായാലും അനുശ്രീ എന്നും നമ്മുടെ പഴയ കമുകുംചേരിക്കാരി തന്നെയാണ്. ഈ എളിമയാണ് താരത്തെ മറ്റുള്ളവരിൽ നിന്ന് വ്യത്യസ്തയാക്കുന്നത്. സിനിമയിൽ സജീവമായി നിൽക്കുമ്പോഴും തന്റെ നാടും നാട്ടുകാരുമായും അടുത്ത ബന്ധം പുലർത്തുന്ന അനുശ്രീയുടെ ഈ ശൈലി മറ്റ് യുവതാരങ്ങൾക്കും മാതൃകയാണെന്നാണ് സിനിമാ പ്രേമികളുടെ വിലയിരുത്തൽ
വെള്ളിത്തിരയിലെ തിരക്കുകൾക്കിടയിലും തന്റെ വേരുകൾ മറക്കാത്ത പ്രിയനടി അനുശ്രീ വീണ്ടും സോഷ്യൽ മീഡിയയുടെ കൈയടി നേടുന്നു. സ്വന്തം നാട്ടിലെ ക്ഷേത്രോത്സവത്തിന് സുഹൃത്തുക്കൾക്കൊപ്പം ആവേശത്തോടെ നൃത്തം ചെയ്യുന്ന നടിയുടെ വീഡിയോയാണ് ഇപ്പോൾ ഇന്റർനെറ്റിൽ തരംഗമാകുന്നത്.
കൊല്ലം ജില്ലയിലെ കമുകുംചേരി തിരുവിളങ്ങോനപ്പൻ ക്ഷേത്രത്തിലെ ഉത്സവത്തിനാണ് താരം സജീവ സാന്നിധ്യമായത്. ദാവണിയും മുല്ലപ്പൂവും അണിഞ്ഞ് തികച്ചും ഒരു നാടൻ പെൺകൊടിയായി എത്തിയ അനുശ്രീ, 'വേൽമുരുകാ' തുടങ്ങിയ ഹിറ്റ് ഗാനങ്ങൾക്കൊപ്പം അതിമനോഹരമായാണ് ചുവടുവെച്ചത്.
സുഹൃത്തുക്കൾക്കൊപ്പം യാതൊരു താരപരിവേഷവുമില്ലാതെ നൃത്തം ചെയ്യുന്ന നടിയുടെ എനർജി ആരാധകരെ അമ്പരപ്പിച്ചു. വീഡിയോ വൈറലായതോടെ സോഷ്യൽ മീഡിയയിൽ അനുശ്രീയ്ക്ക് അഭിനന്ദന പ്രവാഹമാണ്. സിനിമയിൽ തിരക്കുള്ള നായികയായിട്ടും സ്വന്തം നാട്ടിലെ സാധാരണക്കാർക്കൊപ്പം ആഘോഷങ്ങളിൽ പങ്കുചേരാനുള്ള മനസ്സ്.
മുൻപും സമാനമായ രീതിയിൽ ഉത്സവപ്പറമ്പുകളിൽ നൃത്തം ചെയ്തും കാവടിയെടുത്തും അനുശ്രീ വാർത്തകളിൽ ഇടംപിടിച്ചിട്ടുണ്ട്. പ്രൊഫഷണൽ നർത്തകിയെപ്പോലെ കൃത്യമായ ചുവടുകളോടെയുള്ള നടിയുടെ പ്രകടനം ഏവരെയും ആകർഷിച്ചു. സിനിമയിലായാലും നാട്ടിലായാലും അനുശ്രീ എന്നും നമ്മുടെ പഴയ കമുകുംചേരിക്കാരി തന്നെയാണ്.
എളിമയാണ് താരത്തെ മറ്റുള്ളവരിൽ നിന്ന് വ്യത്യസ്തയാക്കുന്നത്. എന്ന കമന്റും പിന്നാലെ എത്തി. സിനിമയിൽ സജീവമായി നിൽക്കുമ്പോഴും തന്റെ നാടും നാട്ടുകാരുമായും അടുത്ത ബന്ധം പുലർത്തുന്ന അനുശ്രീയുടെ ഈ ശൈലി മറ്റ് യുവതാരങ്ങൾക്കും മാതൃകയാണെന്നാണ് സിനിമാ പ്രേമികളുടെ വിലയിരുത്തൽ.
