IND W vs AUS W: തല ഉയര്‍ത്തി അലീസ ഹീലിയുടെ മടക്കം; ഇന്ത്യന്‍ വനിതകള്‍ക്ക് ഞെട്ടിക്കുന്ന തോല്‍വി
Alyssa Healy retires from ODI cricket: അലീസ ഹീലി ഏകദിനത്തില്‍ നിന്ന് വിരമിച്ചു. ഏകദിനത്തിലെ അവസാന മത്സരത്തില്‍ തകര്‍പ്പന്‍ സെഞ്ചുറിയാണ് അലീസ ഹീലി നേടിയത്. അലീസ ഹീലിയുടെ സെഞ്ചുറി മികവില്‍ ഇന്ത്യയ്‌ക്കെതിരെ ഓസ്‌ട്രേലിയ 185 റണ്‍സിന് ജയിച്ചു.
ഓസീസ് വനിതാ ടീം ക്യാപ്റ്റന്‍ അലീസ ഹീലി ഏകദിനത്തില്‍ നിന്ന് വിരമിച്ചു. ഏകദിനത്തിലെ അവസാന മത്സരത്തില്‍ തകര്‍പ്പന്‍ സെഞ്ചുറിയാണ് താരം നേടിയത്. ഹീലിയുടെ സെഞ്ചുറി മികവില്‍ ഇന്ത്യയ്‌ക്കെതിരെ ഇന്ന് നടന്ന മത്സരത്തില്‍ ഓസ്‌ട്രേലിയ 185 റണ്‍സിന് ജയിച്ചു (Image Credits: Facebook).
98 പന്തില്‍ 158 റണ്‍സാണ് ഹീലി നേടിയത്. രണ്ട് സിക്‌സും, 27 ഫോറും താരം നേടി. 84 പന്തില്‍ 106 റണ്‍സുമായി ബേത്ത് മൂണി പുറത്താകാതെ നിന്നു (Image Credits: Facebook).
ഹീലിയുടെയും, ബേത്ത് മൂണിയുടെയും സെഞ്ചുറി മികവില്‍ ഓസ്‌ട്രേലിയ 50 ഓവറില്‍ ഏഴ് വിക്കറ്റിന് 409 റണ്‍സ് നേടി. 52 പന്തില്‍ 62 റണ്‍സെടുത്ത ജോര്‍ജിയ വോള്‍, പുറത്താകാതെ 15 പന്തില്‍ 34 റണ്‍സെടുത്ത നിക്കോള കാരി എന്നിവരും തിളങ്ങി. ഇന്ത്യയുടെ പോരാട്ടം 45.1 ഓവറില്‍ 224 റണ്‍സിന് അവസാനിച്ചു (Image Credits: Facebook).
ഇന്ത്യയ്ക്കായി സ്‌നേഹ് റാണയും, എന്‍ ചരണിയും രണ്ട് വിക്കറ്റ് വീതവും, കാശ്‌വീ ഗൗതമും, രേണുക സിങും, ദീപ്തി ശര്‍മയും ഓരോ വിക്കറ്റ് വീതവും സ്വന്തമാക്കി. സ്‌നേഹ് റാണ ഓള്‍ റൗണ്ട് മികവ് പുറത്തെടുത്തു. 74 പന്തില്‍ 44 റണ്‍സെടുത്ത സ്‌നേഹ് റാണയായിരുന്നു ഇന്ത്യയുടെ ടോപ് സ്‌കോറര്‍ (Image Credits: Facebook).
29 പന്തില്‍ 42 റണ്‍സെടുത്ത ജെമീമ റോഡ്രിഗസും മികച്ച പ്രകടനം പുറത്തെടുത്തു. മറ്റ് ഇന്ത്യന്‍ ബാറ്റര്‍മാര്‍ നിരാശപ്പെടുത്തി. നാല് വിക്കറ്റെടുത്ത അലാന കിങ് ഓസ്‌ട്രേലിയക്കായി തിളങ്ങി (Image Credits: Facebook).
