Sweet Potatoes: മധുരക്കിഴങ്ങ് കഴിച്ചാൽ വണ്ണം കുറയുമോ?
Sweet Potatoes For Weight Loss: ശരീരഭാരം കുറയ്ക്കാൻ ആഗ്രഹിക്കുന്നവർക്ക് മികച്ചൊരു ഭക്ഷണമാണ് മധുരക്കിഴങ്ങ് എന്നാണ് ആരോഗ്യവിദഗ്ധർ പറയുന്നത്. നാരുകളാൽ സമ്പന്നവും കൊഴുപ്പ് കുറഞ്ഞതുമായ ഭക്ഷണമാണിത്.
മധുരക്കിഴങ്ങ് കഴിച്ചാൽ വണ്ണം കുറയുമോ എന്ന സംശയം പലർക്കുമുണ്ട്. ശരീരഭാരം കുറയ്ക്കാൻ ആഗ്രഹിക്കുന്നവർക്ക് മികച്ചൊരു ഭക്ഷണമാണ് മധുരക്കിഴങ്ങ് എന്നാണ് ആരോഗ്യവിദഗ്ധർ പറയുന്നത്. നാരുകളാൽ സമ്പന്നവും കൊഴുപ്പ് കുറഞ്ഞതുമായ ഭക്ഷണമാണിത്.
കലോറി നിയന്ത്രിക്കാൻ ആഗ്രഹിക്കുന്നവർക്ക് ഏറ്റവും അനുയോജ്യം പുഴുങ്ങിയ മധുരക്കിഴങ്ങാണ്. ഇത് വിശപ്പ് നിയന്ത്രിക്കാനും അമിതമായി ഭക്ഷണം കഴിക്കുന്നത് ഒഴിവാക്കാനും സഹായിക്കുന്നു. കൂടാതെ, പുഴുങ്ങിയ മധുരക്കിഴങ്ങിന് ഗ്ലൈസമിക് ഇൻഡക്സ് കുറവാണ്.
അതേസമയം, ചുട്ടെടുക്കുമ്പോൾ മധുരക്കിഴങ്ങിന് രുചി കൂടുമെങ്കിലും അതിലെ ജലാംശം കുറയുന്നു. ഇത് കലോറിയുടെ അളവ് അല്പം വർദ്ധിപ്പിക്കാൻ കാരണമാകും. കൂടുതൽ കൂടുതൽ പ്രോട്ടീനും കാർബോഹൈഡ്രേറ്റും ലഭിക്കാൻ ഈ രീതി സഹായിക്കും.
ഒരു മുതിർന്ന വ്യക്തിക്ക് ഒരു ദിവസം 100 മുതൽ 150 ഗ്രാം വരെ (ഒരു ഇടത്തരം വലിപ്പമുള്ള കിഴങ്ങ്) മധുരക്കിഴങ്ങ് കഴിക്കാമെന്നാണ് കണക്ക്. എന്നാൽ ഇതിൽ കൂടുതൽ കഴിക്കുന്നത് കാർബോഹൈഡ്രേറ്റ് വർദ്ധിക്കാൻ ഇടയാക്കും.
മധുരക്കിഴങ്ങ് പകല സമയങ്ങളിൽ കഴിക്കുന്നതാണ് ഏറ്റവും നല്ലത്. അതുപോലെ പ്രഭാതഭക്ഷണമായോ ഉച്ചഭക്ഷണമായോ അല്ലെങ്കിൽ വൈകുന്നേരത്തെ ലഘുഭക്ഷണമായോ ഇത് ഉപയോഗിക്കാവുന്നതാണ്. (Image Credit: Getty Images)
