Thyroid: തൈറോയിഡ് പ്രശ്നങ്ങൾ ഇനി പടിക്കുപുറത്ത്; ഭക്ഷണത്തിലൂടെ ആരോഗ്യം വീണ്ടെടുക്കാം
Thyroid Controlling Foods: തൈറോയിഡ് ഹോർമോണുകളുടെ അളവിൽ ഉണ്ടാകുന്ന വ്യത്യാസം ശരീരഭാരം കൂടാനും, അമിതമായ തളർച്ചയ്ക്കും മുടികൊഴിച്ചിലിനും കാരണമാകും. കൃത്യമായി മരുന്നുകൾ കഴിക്കുന്നതിനൊപ്പം ശരിയായ ഭക്ഷണക്രമം കൂടി പിന്തുടർന്നാൽ മാത്രമെ തൈറോയിഡിനെ തടയാനാകു. തൈറോയിഡ് ആരോഗ്യത്തിന് മികച്ച സൂപ്പർഫുഡുകൾ ഏതൊക്കെയാണെന്ന് നോക്കാം.
ഇന്നത്തെ കാലത്ത് സ്ത്രീകളിലും പുരുഷന്മാരിലും ഒരുപോലെ കണ്ടുവരുന്ന ഒന്നാണ് തൈറോയിഡ് (thyroid) സംബന്ധമായ പ്രശ്നങ്ങൾ. മെറ്റബോളിസം, ഊർജ്ജ നില, ഹൃദയമിടിപ്പ് എന്നിവയെ നിയന്ത്രിക്കുന്നതിൽ തൈറോയിഡ് ഗ്രന്ഥി വലിയ പങ്ക് വഹിക്കുന്നുണ്ട്. തൈറോയിഡ് ഹോർമോണുകളുടെ അളവിൽ ഉണ്ടാകുന്ന വ്യത്യാസം ശരീരഭാരം കൂടാനും, അമിതമായ തളർച്ചയ്ക്കും, മുടികൊഴിച്ചിലിനും കാരണമാകും. (Image Credits: Getty Images)
കൃത്യമായി മരുന്നുകൾ കഴിക്കുന്നതിനൊപ്പം ശരിയായ ഭക്ഷണക്രമം കൂടി പിന്തുടർന്നാൽ മാത്രമെ തൈറോയിഡിനെ തടയാനാകു. തൈറോയിഡ് ആരോഗ്യത്തിന് മികച്ച സൂപ്പർഫുഡുകൾ ഏതൊക്കെയാണെന്ന് നോക്കാം. തൈറോയിഡ് ആരോഗ്യത്തിന് ഏറ്റവും മികച്ച ഒന്നാണ് നെല്ലിക്ക. ഇതിലടങ്ങിയിരിക്കുന്ന വിറ്റാമിൻ സി പ്രതിരോധശേഷി വർദ്ധിപ്പിക്കുകയും ശരീരത്തിലെ വിഷാംശങ്ങളെ പുറന്തള്ളുകയും ചെയ്യുന്നു.
തൈറോയിഡ് ഗ്രന്ഥിയുടെ പ്രവർത്തനം ശരിയായി നടക്കാൻ സഹായിക്കുന്ന ഒരു മൂലകമാണ് 'സെലേനിയം'. ബ്രസീൽ നട്സിലാണ് ഇത് ഏറ്റവും കൂടുതൽ അടങ്ങിയിട്ടുള്ളത്. വാൽനട്ട്, കശുവണ്ടി എന്നിവയും തൈറോയിഡ് രോഗികൾക്ക് നല്ലതാണ്. ഇതിലെ ഒമേഗ-3 ഫാറ്റി ആസിഡുകൾ ഗ്രന്ഥിയുടെ വീക്കം കുറയ്ക്കാൻ സഹായിക്കുന്നു. ദിവസവും ഒന്നോ രണ്ടോ ബ്രസീൽ നട്സ് കഴിക്കുന്നത് തന്നെ ആവശ്യമായ സെലേനിയം നൽകും.
മത്തി, അയല, ചൂര തുടങ്ങിയ മത്സ്യങ്ങളിൽ ഒമേഗ-3 ഫാറ്റി ആസിഡുകൾ ധാരാളമായിട്ടുണ്ട്. ഇവ തൈറോയിഡ് ഗ്രന്ഥിയുടെ പ്രവർത്തനക്ഷമത കൂട്ടുകയും ശരീരത്തിലെ മെറ്റബോളിസം മെച്ചപ്പെടുത്തുകയും ചെയ്യുന്നു. തൈറോയിഡ് മൂലം ഉണ്ടാകുന്ന മാനസിക സമ്മർദ്ദവും തളർച്ചയും കുറയ്ക്കാനും ഇത് സഹായിക്കും. തൈറോയിഡ് ഉള്ളവർ അമിതമായ മധുരം ഒഴിവാക്കുന്നത് ഭാരം നിയന്ത്രിക്കാൻ സഹായിക്കും.
ഇഞ്ചിയിലടങ്ങിയിരിക്കുന്ന ജിഞ്ചറോൾ എന്ന ഘടകത്തിന് മികച്ച ആൻ്റി-ഇൻഫ്ലമേറ്ററി ഗുണങ്ങളുണ്ട്. ഇത് തൈറോയിഡ് ഗ്രന്ഥിക്കുണ്ടാകുന്ന വീക്കം കുറയ്ക്കാൻ സഹായിക്കുന്നു. ഹൈപ്പോതൈറോയിഡിസം ഉള്ളവരിൽ മെറ്റബോളിസം വർദ്ധിപ്പിക്കാനും ഇഞ്ചി മികച്ചതാണ്. ദിവസവും ഇഞ്ചി ചായയോ ഭക്ഷണത്തിൽ ഇഞ്ചി ചേർക്കുകയോ ചെയ്യുന്നത് ശീലമാക്കാം.
