Arjun-Saaniya’s Wedding: രാഷ്ട്രപതി, പ്രധാനമന്ത്രി, പ്രതിപക്ഷ നേതാവ്…മകന്റെ വിവാഹത്തിന് സച്ചിന്‍ ക്ഷണിച്ച പ്രമുഖര്‍
Arjun Tendulkar-Saaniya Chandhok Wedding Invitations: സച്ചിന്‍ തെണ്ടുല്‍ക്കറുടെ മകന്‍ അര്‍ജുന്‍ വിവാഹിതനാവുകയാണ്. സാനിയ ചന്ദോക്ക് ആണ് വധു. മാര്‍ച്ച് അഞ്ചിനാണ് വിവാഹമെന്നാണ് റിപ്പോര്‍ട്ട്. പ്രധാനമന്ത്രി ഉള്‍പ്പെടെയുള്ളവരെ സച്ചിന്‍ വിവാഹത്തിന് ക്ഷണിച്ചു.
ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കറുടെ മകന്‍ അര്‍ജുന്‍ വിവാഹിതനാവുകയാണ്. സാനിയ ചന്ദോക്ക് ആണ് വധു. മാര്‍ച്ച് അഞ്ചിനാണ് വിവാഹമെന്നാണ് റിപ്പോര്‍ട്ട്. പ്രധാനമന്ത്രി നരേന്ദ്ര മോദി ഉള്‍പ്പെടെയുള്ളവരെ സച്ചിന്‍ വിവാഹത്തിന് ക്ഷണിച്ചു (Image Credits: Sachin Tendulkar FB Page).
പ്രധാനമന്ത്രി നരേന്ദ്ര മോദിയെ അര്‍ജുന്റെയും സാനിയയുടെയും വിവാഹത്തിന് ക്ഷണിക്കാന്‍ സാധിച്ചെന്ന് സച്ചിന്‍ സോഷ്യല്‍ മീഡിയയില്‍ കുറിച്ചു. അദ്ദേഹത്തിന്റെ അനുഗ്രഹങ്ങള്‍ക്കും ഉപദേശത്തിനും താരം നന്ദി അറിയിച്ചു. പ്രധാനമന്ത്രിക്കൊപ്പമുള്ള ഫോട്ടോയും പങ്കുവെച്ചു (Image Credits: Sachin Tendulkar FB Page).
രാഷ്ട്രപതി ദ്രൗപദി മുര്‍മുവിനെയും സച്ചിനും കുടുംബവും വിവാഹത്തിന് ക്ഷണിച്ചു. രാഷ്ട്രപതി ഭവനിലായിരുന്നു കൂടിക്കാഴ്ച. ആശംസകള്‍ അറിയിച്ചതിന് അദ്ദേഹം രാഷ്ട്രപതിക്ക് നന്ദി അറിയിച്ചു (Image Credits: Sachin Tendulkar FB Page).
കേന്ദ്ര ആഭ്യന്തര മന്ത്രി അമിത് ഷായെയും സച്ചിനും കുടുംബവും സന്ദര്‍ശിച്ചു. അമിത് ഷായെ അദ്ദേഹം വിവാഹത്തിന് ക്ഷണിച്ചു. അമിത് ഷായുടെ ആശംസകള്‍ക്ക് സച്ചിന്‍ നന്ദി അറിയിച്ചു (Image Credits: Sachin Tendulkar FB Page).
ലോക്‌സഭയിലെ പ്രതിപക്ഷ നേതാവ് രാഹുല്‍ ഗാന്ധിയുമായും സച്ചിനും കുടുംബവും കൂടിക്കാഴ്ച നടത്തി. രാഹുൽ ഗാന്ധിയെ കാണാനും അർജുൻ-സാനിയയുടെ വിവാഹത്തിന് ക്ഷണിക്കാനും അവസരം ലഭിച്ചെന്ന് സച്ചിന്‍ സോഷ്യല്‍ മീഡിയയില്‍ കുറിച്ചു. ഇതോടൊപ്പം, മറ്റ്‌ നിരവധി പ്രമുഖരെയും സച്ചിന്‍ മകന്റെ വിവാഹത്തിന് ക്ഷണിച്ചിട്ടുണ്ട് (Image Credits: Sachin Tendulkar FB Page).
