Balachandra Menon: ‘സിനിമയില് പുതുമുഖം പോലെ തോന്നുന്നു; അഭിനേതാവ് എന്ന പോര്ട്ട്ഫോളിയോ ഇനി കൂടുതല് ശ്രദ്ധിക്കും’
Balachandra Menon about Prathichaya movie: പ്രതിച്ഛായ സിനിമയിലെ കഥാപാത്രത്തെക്കുറിച്ച് ബാലചന്ദ്ര മേനോന്. വളരെ പ്രസന്നമായ മാനസികാവസ്ഥയിലാണ് താനെന്ന് അദ്ദേഹം. സിനിമയില് താന് വന്നിട്ട് 50 വര്ഷമായി. എന്നാല് ഇപ്പോള് സിനിമയില് താന് പുതുമുഖമായിട്ടാണ് തോന്നുന്നതെന്നും ബാലചന്ദ്ര മേനോന്. വളരെ സന്തോഷമുണ്ട്. അഭിനേതാവ് എന്ന നിലയിലുള്ള പോര്ട്ട്ഫോളിയോ ഇനി കൂടുതല് ശ്രദ്ധിക്കുമെന്നും ബാലചന്ദ്ര മേനോന്.
പ്രതിച്ഛായ സിനിമയിലെ തന്റെ കഥാപാത്രത്തെക്കുറിച്ച് മനസ് തുറന്ന് ബാലചന്ദ്ര മേനോന്. വളരെ പ്രസന്നമായ മാനസികാവസ്ഥയിലാണ് താനെന്ന് അദ്ദേഹം പറഞ്ഞു. സിനിമയില് താന് വന്നിട്ട് 50 വര്ഷമായി. എന്നാല് ഇപ്പോള് സിനിമയില് താന് പുതുമുഖമായിട്ടാണ് തോന്നുന്നതെന്നും അദ്ദേഹം വ്യക്തമാക്കി (Image Credits: facebook.com/SBalachandraMenon).
പ്രതിച്ഛായയില് താന് ചെയ്ത മുഖ്യമന്ത്രിയുടെ കഥാപാത്രം കണ്ടിട്ട് പ്രേക്ഷകര് നല്കിയ സന്ദേശങ്ങള് കാണുമ്പോള് താന് പുതുമുഖ നടനായിട്ട് വന്നിരിക്കുകയാണോയെന്ന് തോന്നിയെന്ന് അദ്ദേഹം പറഞ്ഞു. 'കഴിഞ്ഞ 50 വര്ഷവും ഇതുവരെ ചെയ്ത സിനിമകളൊക്കെ മനസില് നിന്നു പോയിട്ട്, ഇതിലെ മുഖ്യമന്ത്രി കഥാപാത്രമാണ് മുന്നില് നില്ക്കുന്നത്. ചെയ്ത കഥാപാത്രങ്ങളില് ഏതാണ് മികച്ചതെന്ന് ചോദിച്ചാല്, ഇപ്പോള് കിട്ടുന്ന പ്രതികരണം വെച്ച് നോക്കുമ്പോള് പ്രതിച്ഛായയിലെ ക്യാരക്ടറിന്റെ ഇമ്പാക്ട് ഒരുപക്ഷേ മുമ്പുണ്ടായിട്ടില്ലായിരിക്കാം. അല്ലെങ്കില് നേരത്തെയുണ്ടായപ്പോള് ഇതുപോലെ കേള്ക്കാനുള്ള സാവകാശം ലഭിച്ചിട്ടില്ലായിരിക്കാം'-ബാലചന്ദ്ര മേനോന്റെ വാക്കുകള്.
എന്തായാലും ഇത് വളരെ ത്രില്ലിങ് ആണ്. വളരെ സന്തോഷമുണ്ട്. അങ്ങേയറ്റം ഊര്ജ്ജദായകവുമാണ്. അതുകൊണ്ട് അഭിനേതാവ് എന്ന നിലയിലുള്ള പോര്ട്ട്ഫോളിയോ ഇനി കൂടുതല് ശ്രദ്ധിക്കും. അര്ഹമായ അവസരം വന്നാല് മാത്രം വീണ്ടും നിങ്ങള്ക്ക് മുന്നില് അവതരിക്കുമെന്നും അദ്ദേഹം പറഞ്ഞു.
ഈ ചിത്രത്തിന് നിങ്ങള് നല്കുന്ന സഹകരണം വളരെ പ്രധാനപ്പെട്ടതാണ്. എല്ലാവരും തിയേറ്ററിലെത്തി ഈ സിനിമ കാണണം. കണ്ടതിന് ശേഷം അഭിപ്രായം അറിയിക്കണം. എല്ലാവരും സഹകരിക്കുക.
ഈ ചിത്രം ഗംഭീര വിജയമാക്കണമെന്നും അദ്ദേഹം പറഞ്ഞു. ഫേസ്ബുക്കില് പങ്കുവെച്ച വീഡിയോയിലൂടെയാണ് ബാലചന്ദ്ര മേനോന് ഇക്കാര്യങ്ങള് പറഞ്ഞത്. തിയേറ്ററില് മികച്ച പ്രതികരണമാണ് പ്രതിച്ഛായക്ക് ലഭിക്കുന്നത്. ബി. ഉണ്ണികൃഷ്ണന് സംവിധാനം ചെയ്ത ചിത്രത്തില് നിവിന് പോളിയാണ് കേന്ദ്ര കഥാപാത്രത്തെ അവതരിപ്പിച്ചിരിക്കുന്നത്.
