Namma Metro: പിങ്ക് ലൈന്‍ പാത ഈ വര്‍ഷവും ഇല്ലേ? ബന്നാര്‍ഘട്ട റോഡ് പണിയും അവതാളത്തില്‍
Bengaluru Namma Metro Pink Line Opening Date: ഏഴ് സ്റ്റേഷനുകളുള്ള ഈ പാതം 21 കിലോമീറ്റര്‍ ഇടനാഴിയുടെ ഭാഗമാണ്. തെക്കന്‍ ബെംഗളൂരുവിലെ കലേന അഗ്രഹാരയെ വടക്കന്‍ ബെംഗളൂരുവിലെ നാഗവാരയുമായി ബന്ധിപ്പിക്കുകയാണ് പിങ്ക് ലൈനിന്റെ ലക്ഷ്യം.
ബെംഗളൂരു നമ്മ മെട്രോ പിങ്ക് ലൈന്‍ പാത ഈ വര്‍ഷം തന്നെ പ്രവര്‍ത്തനമാരംഭിക്കുമെന്നാണ് ബെംഗളൂരു മെട്രോ റെയില്‍ കോര്‍പ്പറേഷന്‍ ലിമിറ്റഡ് (ബിഎംആര്‍സിഎല്‍) അധികൃതര്‍ നല്‍കുന്ന സൂചന. ആ വര്‍ഷം അവസാനത്തോടെ കലേന അഗ്രഹാര മുതല്‍ തവേരെക്കരെ വരെ നീളുന്ന പാത ഉദ്ഘാടനം ചെയ്യുമെന്നാണ് വിവരം. 7.5 കിലോമീറ്റര്‍ എലിവേറ്റഡ് പാതയാണിത്. (Image Credits: Social Media)
ഏഴ് സ്റ്റേഷനുകളുള്ള ഈ പാതം 21 കിലോമീറ്റര്‍ ഇടനാഴിയുടെ ഭാഗമാണ്. തെക്കന്‍ ബെംഗളൂരുവിലെ കലേന അഗ്രഹാരയെ വടക്കന്‍ ബെംഗളൂരുവിലെ നാഗവാരയുമായി ബന്ധിപ്പിക്കുകയാണ് പിങ്ക് ലൈനിന്റെ ലക്ഷ്യം. പ്രോട്ടോടൈപ് ട്രെയിനുകള്‍ ഉപയോഗിച്ചുള്ള പരീക്ഷണയോട്ടം ഇതിനോടകം പാതയില്‍ പൂര്‍ത്തിയാക്കിയിട്ടുണ്ട്.
എന്നാല്‍ പിങ്ക് ലൈനിന്‍ ഉദ്ഘാടനത്തോട് അടുക്കുമ്പോഴും മെട്രോ പാത കടന്നുപോകുന്ന ബന്നാര്‍ഘട്ട റോഡിലെ അടിസ്ഥാന സൗകര്യങ്ങള്‍ മോശാവസ്ഥയില്‍ തുടരുന്നത് പൊതുജനങ്ങൡ അമര്‍ഷത്തിന് കാരണമാകുന്നു. റോഡില്‍ ആഴത്തിലുള്ള കുഴികള്‍ ഇപ്പോഴുമുണ്ട്. മാത്രമല്ല കാല്‍നടയാത്രക്കാര്‍ക്കും ബുദ്ധിമുട്ടാകുന്ന വിധത്തില്‍ കോണ്‍ക്രീറ്റ് പൈപ്പുകള്‍ റോഡ് സൈഡില്‍ കൂട്ടിയിട്ടിട്ടുമുണ്ട്.
ബസ് സ്‌റ്റോപ്പിന് സമീപമുള്ള മാലിന്യകൂമ്പാരവും യാത്ര ദുരിതപൂര്‍ണമാക്കുന്നു. വിഷയത്തില്‍ പരാതികള്‍ നിരവധി സമര്‍പ്പിക്കെപ്പട്ടിട്ടും ഇതുവരെയും നടപടിയില്ല. റോഡിന് വീതി കൂട്ടിയിട്ടുണ്ടെങ്കിലും മറ്റ് പ്രശ്‌നങ്ങള്‍ക്ക് പരിഹാരം കാണാന്‍ സാധിക്കാത്ത അധികൃതര്‍ റോഡിലിറങ്ങി സഞ്ചരിക്കട്ടെ എന്നാണ് ജനങ്ങളുടെ പക്ഷം.
ഹുളിമാവ് സ്റ്റേഷന്‍, അരെക്കെരെ, കൊത്‌നൂര്‍, ജെപി നഗര്‍, ഐഐഎം ബി സ്റ്റേഷന്‍, സിറ്റി മാള്‍, ജയദേവ സ്റ്റേഷന്‍ തുടങ്ങി സകലസ്ഥലത്തും ഇതാണ് അവസ്ഥ. റോഡ് നിര്‍മാണം ഇഴഞ്ഞുനീങ്ങുന്നത് മെട്രോയുടെ ഉദ്ഘാടനത്തെ ബാധിക്കുമോ എന്ന ആശങ്കയും ജനങ്ങള്‍ക്കുണ്ട്.
