Bengaluru Train: മലബാറുകാര്ക്ക് കനത്ത നിരാശ; ബെംഗളൂരു-കോഴിക്കോട് ട്രെയിനിന്റെ സമയത്തില് മാറ്റം, വൈകിയോടും
Setback for Malabar Travellers Bengaluru Kozhikode Train to Run Late: നിരാശ സമ്മാനിച്ച് സൗത്ത് വെസ്റ്റേണ് റെയില്വേയുടെ മറ്റൊരു പ്രഖ്യാപനവും എത്തി. ബെംഗളൂരു-കോഴിക്കോട് എക്സ്പ്രസ് ട്രെയിനിന്റെ സമയം വൈകിപ്പിച്ചാണ് പുതിയ നീക്കം. ഇത് യാത്രക്കാരില് കടുത്ത അതൃപ്തിക്ക് കാരണമായിട്ടുണ്ട്. ബെംഗളൂരു-മംഗലാപുരം-കോഴിക്കോട് എക്സ്പ്രസ് ട്രെയിന് (16511) വൈകിപ്പിക്കാനുള്ള നടപടികളെല്ലാം പൂര്ത്തിയായി.
ബെംഗളൂരുവിലേക്കൊരു ട്രെയിന് വേണമെന്ന് മലബാറുകാര് ഏറെ നാളായി ആവശ്യപ്പെടുന്നുണ്ട്. മലബാര് മേഖലയില് നിന്ന് ബെംഗളൂരുവിലേക്ക് യാത്ര ചെയ്യുന്നവര് ധാരാളമാണ്. കണ്ണൂരില് നിന്ന് ബെംഗളൂരുവിലേക്ക് ട്രെയിനുണ്ടൈങ്കിലും കൂടുതലാളുകള് യാത്ര ചെയ്യുന്ന കോഴിക്കോട്, മലപ്പുറം ജില്ലകളില് നിന്നുള്ളവര്ക്ക് നിരാശ മാത്രമായിരുന്നു. അങ്ങനെ കാത്തുകാത്തിരുന്നതാണ് കണ്ണൂര്-മംഗലാപുരം എക്സ്പ്രസ് ട്രെയിനിന്റെ സര്വീസ് കോഴിക്കോട് വരെ നീട്ടിയത്. (Image Credits: Southern Railway and PTI)
എന്നാല് നിരാശ സമ്മാനിച്ച് സൗത്ത് വെസ്റ്റേണ് റെയില്വേയുടെ മറ്റൊരു പ്രഖ്യാപനവും എത്തി. ബെംഗളൂരു-കോഴിക്കോട് എക്സ്പ്രസ് ട്രെയിനിന്റെ സമയം വൈകിപ്പിച്ചാണ് പുതിയ നീക്കം. ഇത് യാത്രക്കാരില് കടുത്ത അതൃപ്തിക്ക് കാരണമായിട്ടുണ്ട്. ബെംഗളൂരു-മംഗലാപുരം-കോഴിക്കോട് എക്സ്പ്രസ് ട്രെയിന് (16511) വൈകിപ്പിക്കാനുള്ള നടപടികളെല്ലാം പൂര്ത്തിയായി.
രാവിലെ 7.15നാണ് നിലവില് ഈ ട്രെയിന് മംഗലാപുരത്ത് എത്തുന്നത്. എന്നാല് ഇനി മുതല് 1 മണിക്കൂര് വൈകി 8.15 ഓടെ മാത്രമേ എത്തിച്ചേരുകയുള്ളൂ. ഈ ട്രെയിന് വൈകുന്നത് കാരണം ബെംഗളൂരു-മുരുഡേശ്വര എക്സ്പ്രസും വൈകുമെന്ന ആശങ്കയാണ് യാത്രക്കാര് പങ്കുവെക്കുന്നത്. കഴിഞ്ഞ രണ്ടുമാസമായി ബെംഗളൂരുവിനും മംഗലാപുരത്തിനും ഇടയിലുള്ള ട്രെയിനുകള് എന്നും വൈകിയാണ് എത്തുന്നത്. ഇതേകുറിച്ച് അധികൃതരോട് പലതവണ ചോദിച്ചിട്ടും കൃത്യമായ മറുപടി ലഭിച്ചില്ലെന്ന് യാത്രക്കാര് പറയുന്നു.
ബെംഗളൂരു കാര്വാര് പഞ്ചഗംഗ എക്സ്പ്രസ് ട്രെയിനാണ് നിലവിലെ മാറ്റത്തിന് കാരണം. നേരത്തെ ഈ ട്രെയിനിന് 14 കോച്ചുകളെ ഉണ്ടായിരുന്നുള്ളൂ. അതിനാല് ക്രോസിംഗിനായി സിരിബാഗലില് ആയിരുന്നു നിര്ത്തിയിരുന്നത്. എന്നാല് ഈ ട്രെയിനിലെ കോച്ചുകളുടെ എണ്ണം 19 ആയി വര്ധിപ്പിച്ചതോടെ സര്വീസിലും മാറ്റം വന്നു.
19 കോച്ചുകളുള്ള ഈ ട്രെയിനിനിന്റെ പുതിയ ക്രോസിംഗ് സ്റ്റോപ്പ് സുബ്രഹ്മണ്യ റൂട്ടിലാണ്. ഇതുമൂലം മറ്റ് ട്രെയിനുകളെല്ലാം വൈകിയോടുന്നു. ബെംഗളൂരു-കോഴിക്കോട് ട്രെയിന്, പഞ്ചഗംഗ എക്സ്പ്രസ് എന്നിവയില് ധാരാളം ആളുകളാണ് ദിനംപ്രതി യാത്ര നടത്തുന്നത്. പഞ്ചഗംഗ എക്സ്പ്രസ് വൈകിട്ട് 6.50ന് പുറപ്പെടാതെ 6.35ന് പുറപ്പെടണമെന്നാണ് യാത്രക്കാരുടെ ആവശ്യം.
