Bengaluru: ബെംഗളൂരു താമസിക്കാന് അനുയോജ്യമായ സ്ഥലമല്ല; പട്ടികയില് ഒന്നാമത് ഈ നഗരം
Hyderabad Tops India Liveability List Why Bengaluru Fell Behind: ഗുരുതരമായ ട്രാഫിക്, ഉയര്ന്ന വാടകയും ജീവിതച്ചെലവും സമ്മര്ദവുമാണ് ബെംഗളൂരുവിന് തിരിച്ചടിയായത്. പട്ടികയില് രണ്ടാം സ്ഥാനത്താണ് ബെംഗളൂരു. ജീവിതശൈലി, കാലാവസ്ഥ, ഗോയിങ് ഔട്ട് ഓപ്ഷനുകളാണ് രണ്ടാം സ്ഥാനത്തെങ്കിലും തുടരാന് ബെംഗളൂരുവിനെ അനുവദിക്കുന്നത്.
ജീവിക്കാന് അനുയോജ്യമായ നഗരങ്ങളില് ഒന്നാം സ്ഥാനത്തുണ്ടായിരുന്ന നഗരമായിരുന്നു ബെംഗളൂരു. ഇന്ത്യയിലെ ഏറ്റവും ലൈവബിള് നഗരമായി അറിയപ്പെട്ടിരുന്ന ബെംഗളൂരു തന്റെ സ്ഥാനം നഷ്ടപ്പെടുത്തിയിരിക്കുകയാണ്. കുറഞ്ഞ യാത്രാ സമയം, മികച്ച പാര്പ്പിടം, തൊഴിലവസരങ്ങള് തുടങ്ങിയ ഘടകങ്ങളാണ് ഒരു നഗരത്തെ ഈ പട്ടികയില് മുന്നിലെത്തിക്കുന്നത്. (Image Credits: Getty Images)
ബെംഗളൂരുവിനെ മറികടന്ന് ഹൈദരാബാദ് ആണ് പട്ടികയില് ഒന്നാം സ്ഥാനത്തെത്തിയിരിക്കുന്നത്. മികച്ച അടിസ്ഥാന സൗകര്യങ്ങള്, കുറഞ്ഞ ട്രാഫിക് പ്രശ്നങ്ങള്, ജീവിതച്ചെലവ് കുറവ്, തൊഴിലവസരങ്ങള് എന്നിവയാണ് ഹൈദരാബാദിനെ മുന്നിലേക്ക് എത്തിക്കാന് സഹായിച്ചത്.
ഗുരുതരമായ ട്രാഫിക്, ഉയര്ന്ന വാടകയും ജീവിതച്ചെലവും സമ്മര്ദവുമാണ് ബെംഗളൂരുവിന് തിരിച്ചടിയായത്. പട്ടികയില് രണ്ടാം സ്ഥാനത്താണ് ബെംഗളൂരു. ജീവിതശൈലി, കാലാവസ്ഥ, ഗോയിങ് ഔട്ട് ഓപ്ഷനുകളാണ് രണ്ടാം സ്ഥാനത്തെങ്കിലും തുടരാന് ബെംഗളൂരുവിനെ അനുവദിക്കുന്നത്.
ഹൈദരാബാദിനും ബെംഗളൂരുവിനും ഇടയിലുള്ള പ്രധാന വ്യത്യാസം യാത്രാ സൗകര്യങ്ങളാണ്. രണ്ട് നഗരങ്ങളിലെയും ശരാശരി വണ്വേ യാത്രാ സമയം ഏകദേശം 58-59 മിനിറ്റാണ്. എന്നാല് ബെംഗളൂരുവില് ഗതാഗതക്കുരുക്ക് രൂക്ഷമായിക്കൊണ്ടിരിക്കുന്നത് യാത്രാ സമയം ഇരട്ടിയാക്കുന്നു.
ഭൂപ്രകൃതി കൊണ്ട് മികച്ചതാണ് ഹൈദരാബാദ്. സുസ്ഥിരവും ജീവിക്കാന് കഴിയുന്നതുമായ നഗരമായി മാറാന് ഹൈദരാബാദിനാകുന്നു. ബെംഗളൂരുവാകട്ടെ സാമ്പത്തിക ശക്തികേന്ദ്രമായി മികവ് പുലര്ത്തുന്നു. ഇരുനഗരങ്ങളും തമ്മില് ശക്തമായൊരു പോരാട്ടം തന്നെ നടക്കുന്നുണ്ടെന്ന് പട്ടികയില് നിന്ന് വ്യക്തം.
