Namma Metro: എട്ടാമന് ഇന്ന് മുതല് കുതിക്കും; യെല്ലോ ലൈനില് പുതിയ ട്രെയിന്
Bengaluru Namma Metro Yellow Line 8th Train: ആര്വി റോഡ്, ബൊമ്മസാന്ദ്ര എന്നീ ടെര്മിനല് സ്റ്റേഷനുകളില് നിന്നാണ് യാത്ര ആരംഭിക്കുന്നതും അവസാനിക്കുന്നതും. പുറപ്പെടല്, യാത്ര അവസാനിപ്പിക്കല് സമയങ്ങളില് മാറ്റമുണ്ടാകില്ല.
ബെംഗളൂരു നമ്മെ മെട്രോ യാത്രക്കാരുടെ ദുരിതം അവസാനിച്ചു. യെല്ലോ ലൈനിലേക്ക് വന്ന എട്ടാമത്തെ ട്രെയിന് എന്ന് മുതല് സര്വീസ് ആരംഭിക്കുമെന്ന ചോദ്യം കഴിഞ്ഞ ഏറെനാളുകളായി യാത്രക്കാര് ഉന്നയിക്കുന്നുണ്ട്, അതിനുള്ള ഉത്തരവുമായി എത്തിയിരിക്കുകയാണിപ്പോള് അധികൃതര്. (Image Credits: PTI and Social Media)
മെട്രോ റെയലില് ഇന്ന് മുതല് പുതിയ ട്രെയിന് സര്വീസ് ആരംഭിച്ചു. യെല്ലോ ലൈനിലെ എട്ടമാത്തെ ട്രെയിന് ഫെബ്രുവരി 27 മുതല് സര്വീസ് നടത്തുമെന്ന് ബെംഗളൂരു മെട്രോ റെയില് കോര്പ്പറേഷന് ലിമിറ്റഡ് (ബിഎംആര്സിഎല്) അറിയിച്ചു.
അധിക ട്രെയിനുകള് വരുന്നത് കാത്തിരിപ്പ് സമയം, തിരക്കേറിയ സമയങ്ങളില് 10 മിനിറ്റില് നിന്ന് 9 മിനിറ്റാക്കി കുറയ്ക്കും. തിങ്കള് മുതല് ശനി വരെയുള്ള തിരക്കില്ലാത്ത സമയങ്ങളില് 18 മിനിറ്റില് നിന്ന് 14 മിനിറ്റ് ഇടവേളകളിലായിരിക്കും ട്രെയിന് സര്വീസ്.
ആര്വി റോഡ്, ബൊമ്മസാന്ദ്ര എന്നീ ടെര്മിനല് സ്റ്റേഷനുകളില് നിന്നാണ് യാത്ര ആരംഭിക്കുന്നതും അവസാനിക്കുന്നതും. പുറപ്പെടല്, യാത്ര അവസാനിപ്പിക്കല് സമയങ്ങളില് മാറ്റമുണ്ടാകില്ല. എല്ലാ ദിവസങ്ങളിലും ഇത് തുടരുമെന്നും പുറത്തുവിട്ട പ്രസ്താവനയില് ബിഎംആര്സിഎല് വ്യക്തമാക്കി.
നമ്മ മെട്രോ യാത്രക്കാര് പുതിയ ട്രെയിന് ഇടവേളകള് ശ്രദ്ധിച്ച് അതിനനുസരിച്ച് യാത്രകള് ആസൂത്രണം ചെയ്യണമെന്നും ബിഎംആര്സിഎല് ആവശ്യപ്പെട്ടു.
