Namma Metro: നമ്മ മെട്രോയിലേക്ക് മൂന്ന് ട്രെയിനുകള് വരുന്നു; ഈ റൂട്ട് യാത്രയ്ക്ക് ടെന്ഷന് വേണ്ട
Namma Metro Additional Trains on Purple and Green Lines: ്മാസങ്ങള് നീണ്ട കാത്തിരിപ്പിന് ശേഷമാണ് ബെംഗളൂരു നിവാസികളെ തേടി ഈ വാര്ത്ത എത്തുന്നത്. ഫെബ്രുവരി അവസാനത്തോടെ ട്രെയിന് പീനിയ ഡിപ്പോയില് എത്തുമെന്നാണ് വിവരം.
നമ്മ മെട്രോ യാത്രക്കാര്ക്ക് സന്തോഷവാര്ത്തയുമായി ബെംഗളൂരു മെട്രോ റെയില് കോര്പ്പറേഷന് ലിമിറ്റഡ് (ബിഎംആര്സിഎല്). നഗരത്തിലെ ഒട്ടുമിക്ക ആളുകളും ആശ്രയിക്കുന്ന മെട്രോ ട്രെയിനുകള് വലിയ തിരക്കോടെയാണ് എല്ലാ ദിവസവും സര്വീസ് നടത്തുന്നത്. എന്നാല് ഈ തിരക്ക് നിയന്ത്രിക്കാനുള്ള നടപടികളാണ് ബിഎംആര്സിഎല് കൊണ്ടുവരുന്നത്. (Image Credits: Social Media)
നമ്മ മെട്രോയിലെ ഗ്രീന്, പര്പ്പിള് ലൈനുകളിലെ തിരക്ക് നിയന്ത്രിക്കാനാണ് നടപടി. ഇതിനായി മൂന്ന് പുതിയ ട്രെയിനുകള് ബിഎംആര്സിഎല് കളത്തിലിറക്കാന് പോകുന്നു. മെയ്-ജൂണ് മാസത്തോടെ ഈ ട്രെയിനുകള് സര്വീസ് ആരംഭിക്കും.
്മാസങ്ങള് നീണ്ട കാത്തിരിപ്പിന് ശേഷമാണ് ബെംഗളൂരു നിവാസികളെ തേടി ഈ വാര്ത്ത എത്തുന്നത്. ഫെബ്രുവരി അവസാനത്തോടെ ട്രെയിന് പീനിയ ഡിപ്പോയില് എത്തുമെന്നാണ് വിവരം.
2019ലാണ് ചൈനീസ് കമ്പനിയായ സിആര്ആര്സി നാന്ജിങ് പുഷെന് 36 ട്രെയിനുകള്ക്കായി ബിഎംആര്സിഎല് കരാര് നല്കിയത്. ഇതിനായി 1,578 കോടി രൂപയാണ് ചെലവിടുന്നത്. യെല്ലോ ലൈനിലേക്ക് 15 ഉം പര്പ്പിള്, ഗ്രീന് ലൈനുകളിലേക്ക് 21 ട്രെയിനുകളുമാണ് ലഭിക്കുക. ഇതില് രണ്ട് പ്രോട്ടോടൈപ്പ് ട്രെയിനുകള് ഇതിനോടകം വിതരണം ചെയ്തിട്ടുണ്ട്.
ശേഷിക്കുന്ന 34 ട്രെയിനുകള് സിആര്ആര്സിയുടെ ഇന്ത്യന് പങ്കാളിയായ കൊല്ക്കത്തയിലെ ടിആര്എസ്എല് നിര്മിച്ച് നല്കും. ഇവിടെ നിന്ന് ഇതുവരെ എട്ട് ട്രെയിനുകളാണ് യെല്ലോ ലൈനിന് വിതരണം ചെയ്തിട്ടുള്ളത്.
