Bengaluru Duronto Express: ബെംഗളൂരുവില് നിന്ന് നാട്ടിലെത്താന് തുരന്തോ എക്സ്പ്രസ് റെഡിയാണ്; യാത്രാ സമയം കുറഞ്ഞു
Bengaluru to Mumbai Duronto Express Timings: കൃത്യസമയത്ത് ട്രെയിനില്ലാത്തതും സീറ്റ് ലഭിക്കാത്തതുമെല്ലാം ബുദ്ധിമുട്ടാകും. ഇന്ത്യയിലെ പ്രതിദിനം വളരുന്ന രണ്ട് നഗരങ്ങളാണ് മുംബൈയും ബെംഗളൂരുവും. ഈ രണ്ട് നഗരങ്ങളെ ബന്ധിപ്പിച്ചും ധാരാളം ട്രെയിനുകളുണ്ട്.
രാജ്യത്ത് ധാരാളം ട്രെയിനുകള് സര്വീസ് നടത്തുന്നുണ്ട്. തിരക്കേറിയ നഗരങ്ങളിലേക്കുള്ള യാത്രയാണ് പലപ്പോഴും ആളുകള്ക്ക് തലവേദനയാകുന്നത്. കൃത്യസമയത്ത് ട്രെയിനില്ലാത്തതും സീറ്റ് ലഭിക്കാത്തതുമെല്ലാം ബുദ്ധിമുട്ടാകും. ഇന്ത്യയിലെ പ്രതിദിനം വളരുന്ന രണ്ട് നഗരങ്ങളാണ് മുംബൈയും ബെംഗളൂരുവും. ഈ രണ്ട് നഗരങ്ങളെ ബന്ധിപ്പിച്ചും ധാരാളം ട്രെയിനുകളുണ്ട്. (Image Credits: Social Media)
ഈ രണ്ട് നഗരങ്ങളെയും ബന്ധിപ്പിച്ച് കൊണ്ട് ആഴ്ചയില് രണ്ട് തവണ തുരന്തോ എക്സ്പ്രസ് സര്വീസ് നടത്താനാണ് നിലവില് റെയില്വേ തീരുമാനിച്ചിരിക്കുന്നത്. വെറും 18 മണിക്കൂറിനുള്ളില് ലക്ഷ്യസ്ഥാനത്ത് എത്തിച്ചേരുന്ന രീതിയിലായിരിക്കും ട്രെയിനിന്റെ സഞ്ചാരം.
നിലവില് ഇരു നഗരങ്ങള്ക്കുമിടയില് സര്വീസ് നടത്തുന്ന ഉദ്യോന് എക്സ്പ്രസ് ഉള്പ്പെടെ 1,209 കിലോമീറ്റര് യാത്ര ഏകദേശം 24 മണിക്കൂറെടുത്താണ് പൂര്ത്തിയാക്കുന്നത്.
ഇരുനഗരങ്ങളെയും ബന്ധിപ്പിച്ച് നേരത്തെ ബെംഗളൂരു-LTT മുംബൈ-SMVT ബെംഗളൂരു സര്വീസ് റെയില്വേ പ്രഖ്യാപിച്ചിരുന്നുവെങ്കിലും അത് നടപ്പായില്ല. ഇതേതുടര്ന്നാണ് തുരന്തോ എക്സ്പ്രസിന്റെ വരവ്. തുമകുരു, ദാവന്ഗെരെ, ഹുബ്ബള്ളി, ബെലഗാവി, മിറാജ്, പൂനെ വഴിയായിരിക്കും ട്രെയിനിന്റെ യാത്ര.
ആഴ്ചയില് രണ്ട് ദിവസം വൈകിട്ട് 4.30ന് കെഎസ്ആര് ബെംഗളൂരുവില് നിന്ന് പുറപ്പെട്ട് അടുത്ത ദിവസം രാവിലെ 10.30നായിരിക്കും ട്രെയിന് സിഎസ്എംടി ബെംഗളൂരുവില് എത്തിച്ചേരുന്നത്. മുംബൈയില് നിന്ന് ഉച്ചക്കഴിഞ്ഞ് 3 മണിക്കാണ് മടക്കയാത്ര. പിറ്റേദിവസം രാവിലെ 9.30ന് ബെംഗളൂരുവില് എത്തിച്ചേരും.
